الفصل 4
كانوا فيصل ونوف وام فيصل بالصاله .. اللي فوق .. كانوا يطالعون برنامج في قناة دبي .... نوف راحت لغرفتها كانت بتجلس على الأنترنت ... وتكلم لمى صديقتها بالماسنجر ... اما فيصل وام فيصل سكروا التلفزيون ...وجلسوا مع بعض
فيصل : يمه ..
ام فيصل : هلا\
فيصل: يمه ابي اكلمك بموضوع
ام فيصل : وشو ؟
فيصل: داري انه مو وقته
ام فيصل : وان ماعلمتني من بتعلم ؟.. يللا بس لاتخلي شي في بالك
فيصل: يمه انا ابي اتزوج
ام فيصل : هذي الساعه المباركه .. ولدي فيصل يبي يتزوج بس مو توك صغير ياولدي
فيصل: لامو صغير ... وان مازوجتوني الحين ... انا مارح اتزوج ابد
ام فيصل : الله وش دعوه .. اصلا البنات كلهم يبونك وانت ماعليك قصور ما شاء الله
فيصل: تسلمين لي يمه
ام فيصل: خلاص بس انت علمنا وش مواصفات اللي تبيها ... وانا ونوف مارح نقصر وبندور لك
فيصل: لالايمه انا حاط فبالي وحده وابي اخذها
ام فيصل باهتمام واستغراب : حاط فبالك !! ومين ؟
فيصل: ايه .... ريما بنت خالتي حصه
ام فيصل : ريما . والنعم بريما .. بس توها السنه الجايه اول جامعه ... وأهلها ماظن يوافقون يزوجونها بدري
فيصل: لالا انا مصمم .. مااظنهم بيردوني .. وانا ابخطبها واشوف
ام فيصل : خلاص تبيني اكلم امها ؟
فيصل : ايه يمه الله يعافيك
ام فيصل : خلاص اشوف انا وياهم
فيصل وهو يحب راس امه : الله لايخليني منك يايمه
ام فيصل: ولايحرمني منكم
فيصل كان قاعد يتكلم عن الزواج .. وكيف بيسويه .... ههههههه المسكين كان مررة متحمس ... وكأنهم سألوالبنت واهلها .. وام فيصل كانت فرحانه لولدها ...
((الله يافيصل أجل كبرت ... وان شالله بشوف عيالك ... ))
نوف انتبهت لفيصل وهو يتكلم عن زواجه لكنها ماسمعت الا كلامه عن الزواج يعني ماتدري انه حاط فباله ريما .... استغربت .. وراحت لعندهم مستعجله ... ودخلت الصاله وكانها ماسمعت شي
ام فيصل : شفتي يانوف... اخوك يبي يتزوج
نوف: ههههههههههههههه داريه من اول
ام فيصل: وش دراك ؟!!
نوف: اجل اخوي ومايعلمني ؟ هههههههههههاااااااااااااا اااااااااااي
فيصل: الله ياخذ ابليسك الشرهه مو عليك الشرهه على اللي يعلمك
نوف: ههههههههههههه شفت عاد اني فظيحه
ام فيصل : خلاص انا اشوف بالموضوع
فيصل: يللا انا طالع تامرون على شي؟
ام فيصل : ابد سلامتك
نوف : ههههههههههه يمه اخونا حركااااات بصير عمه ههههههه
ام فيصل: اي والله ان ولدي كبر .
نوف: انا ماقلت لك ماعنده سالفه ومافيه شي وانتي تقولين تعبان
ام فيصل: انا ادري عنه!! خوفني عليه .. ماغير ماياكل ومتغير
نوف: ههههههههههههههههههههههههه وطلع يبي يتزوج ..
ام فيصل: ياعمري فصيل اجل مخبي عني الين .. ماطلع فارس من المستشفى
نوف: أي اكيد .. بس اححححححححم احم ...أنا قايل لي قبلك خخخخخخخخ
ام فيصل: الله ياخذ ابليسك .. وياحبك تقهريني ..
نوف: هههههههههه عاد بنتك تقهر صح ؟
ام فيصل وهي ترفع العصا عشان تطق نوف: نووووف ووجع
نوف: ههههههههههههههههههه لالا خلاص كلش ولاطقت الوالده ههههههههههههههههههههههههه ه
ام فيصل: الا نوف وين فارس
نوف : فارس تو يقول انه بينام بغرفته
ام فيصل: طيب متى يروحون عيال عمانك لجده
نوف: مدري اليوم قال لي ميشو انهم بيروحون بعد مايرجع عبدالله يعني اليوم
ام فيصل: اييه يروحون ويردون بالسلامه
نوف: يمه
ام فيصل: نعم
نوف: فارس بروح وياهم ؟!!
ام فيصل: ايه بيروح . وش ناقصه خليه يوسع صدره .. وليه مايروح ؟
نوف: لابس صعبه روحته
ام فيصل: لاصعبه ولاشي .... بس خليه يستانس ان... عاد شكله هالأيام يضيق الصدر ......مدري وش فيهم عيالي
نوف: ايه ماياكل ابد تعرفين عاد توه منشل ..
ام فيصل: اييه الله يساعده
نوف: يوووووووووووووووووووووووو ووووه يمه
ام فيصل: نعم روعتيني
نوف وهي تركض لغرفتها: نسيت لمو على الماسنجر
ام فيصل: وشو ؟؟!! وش نسيتي؟
نوف: هههههههههههههههههههه لالا ولا شي
ام فيصل: بسم الله وش فيهم ذولي؟
:::::::::::::::::::::::::::::::::::::::::::::::::: ::::::::::::::::::::
ريما ... اللي ملكت قلب فيصل كانت تحب فيصل نفس الشي بس... ماتدري ان فيصل حاطها بباله ... لكنها كانت تحبه وتبديه على كل عيال خالاتها .........كانت شخصيته تعجبها .. كثير وتتمنى تاخذه ....ريما كانت عايشه فبيت كلله مليان بنات وماكان عندهم عيال ابد ....... ابوهم كبير بالسن ... وامهم نفس الشي ... ماكانوا تجار كثير .. ...عايلة بوفيصل كانوا اغني منهم ... لكن ماعليهم
ريما كان لونها برونز ... وطويله وشعرها مجعد .. ونحيفه .. كانت مملوحه لكن فيصل أجمل منها .......بس هي ماعليها فلاويه والقعده معها ماتنمل .. كانت تفضل نوف على كل بنات خلاتها وتحبها كثير وتحب عيال خالتها (الجوهره ) ودايم تجي بيتهم .. بس جياتها قلت عشان عيال خالاتها كثار وماتقدر تروح
:::::::::::::::::::::::::::::::::::::::::::::::::: ::::::::::::::::
جا موعد خروج عبدالله من المستشفى ..... وراح ابوراشد وراشد ومحمد ...... بيطلعونه ..... الكل كان فرحان له ...... والعيال متفقين يحاولون ينسونه ...... ويخلونه عااادي ولا كأن صار شي
ابراهيم (بوراشد) : يللا عبدالله مشينا
عبدالله : يللا
محمد مسك يده عشان يساعده يقوم من السرير .... وراشد رايح يكمل اجراءات المستشفى ..... وركبوا السياره
راشد ومحمد : الحمدلله على سلامتك
عبدالله : الله يسلمكم
راشد : ياللا عبييد روحة الغربيه اليوم .....افرح
عبدالله بفرح : والله !!
راشد : اكيد .... وليه مستغرب ؟
عبدالله : على بالي كنسلتوها
راشد : لاااا ليه
عبدالله : بعدالحادث
راشد: الحين احنا أصرينا بعد الحادث
عبدالله : فرحتني
راشد: هههههههههههههه
ووصلوا للبيت ونزل عبدالله من السياره .. ......كان يعرج طبعا لاايمكن يمشي طبيعي ....... يمشي ببطئ ويعرج .... وبقى له لزقه وحده على خده يعني جرح واحد .......... بعد عمليات التجميل........
الكل فرحان لعبدالله ودخلوا للصاله ...... ورجعت حالة مشاري وخفت دمه مع التنكيت .......خلاص الأزمه عدت ......
:::::::::::::::::::::::::::::::::::::::::::::::::: ::::::::::::::::
فيصل كان طالع مع صديق عمره ماجد ..... كانوا جالسين بالسياره
ماجد : اقول فيصل
فيصل : نعم
ماجد : وش صار في موضوع زواجك ؟ علمت اهلك ؟
فيصل: اللا ابشرك قلت لهم
ماجد : ماشالله ... زين واخيرا طلعت لهم .. هاه صار شي ولا لأ؟
فيصل: لا الين الحين ... بس امي بتكلم خالتي
ماجد : اخخخخخخس اجل بتصير معرس ... وتتزوج قبلي
فيصل: وش دعوه كنهم وافقوا الحين
ماجد وهو يبتسم: اييه مملوح ودكتور وابوه تاجر .... وش يبون البنات غير كذا ؟!
فيصل: اقول عاد عن الخرابيط
ماجد : ياعيني ع المنحرج
فيصل: طيييييييييب ياماجد .... الغلطان اللي يعلمك
ماجد : ههههههههه عاد علمتني وصار اللي صار.....طيب متى بتحط زواجك ؟!
فيصل: ياخي تو الناس لسسا الموضوع احتمال يتأخر
ماجد : بس مااوصيك في خويك اعزمني ...
فيصل: يممه من هالدب ... ان ماعزمتك اعزم مين
ماجد : احححححححم هههههههههههههه
فيصل: هههههههههههههه
:::::::::::::::::::::::::::::::::::::::::::::::::: ::::
دخل البيت مع ابوه واخوه ومحمد ... اخيرا طلع من بعد عمليتين ... وكان يمشي بتعب ويعرج ... دخل البيت ... والكل سلم عليه ... كانوا بيمشون لجده الساعه 9
فارس كان بالصاله يتفرج عليهم وهم خلاص طالعين ...
مشاري: فارس يللا مشينا
فارس : ومن قال اني بروح ؟!!
مشاري: وشوو؟؟
فارس : ايه مارح اروح بجلس بالرياض
مشاري: فارس بلا سخافه يللا بنركب السياره الحين
فارس : اركبوا طيب وانا جاي بودعكم مو اركب معكم
مشاري : فاارس انت وش اللي غير رايك .... اول كنت اكثر واحد مصر على الروحه
فارس : بس كذا مزاج
مشاري: انا عارف ليه ... بس يللا امش وياي
فارس : قلت لك ماابي
مشاري: يعني بتجلس هنا بلحالك ؟؟!
فارس: عندي نوف وفيصل ... وفهد مابقى شي ويرجع
مشاري: فارس قل لي انت ليه متغير ؟؟ من بعد الحادث؟
فارس : ماتغيرت
مشاري: اقول العبها على غيري وعلمني وش اللي صاير
فارس بانفعال : وانت وش تشوف قدامك علمني ؟!! مو نشوف واحد منشل ... انا خلاص حدي اجلس بالبيت ... مو انا اللي اسافر
مشاري: يوووه فارس اللي يسمعك يقول .. معوق .. اقول امش بس
فارس : قلت لك ماااااااابي .. خلاص رح وخلني هنا خلاااص!!
مشاري: احووول
وطلع مشاري وعلم امه بكل اللي صار وقال ان فارس مايبي يروح .. ام فيصل راحت تقنعه ومانفع ... ولاحتى عيال عمه ماعرفوا كيف يقنعونه .. وهو مصر انه بيجلس
مشعل : فارس صدقني بتندم رح احسن لك
فارس : بندم اذا رحت خلووني اريح لي
مشاري: براحتك ... يللا شباب مشينا
وطلعوا من عند فارس .. اللي كان مصر على قراره ... اما العيال راحوا وفي وكان اللي يسوق طلال ..
:,:,:,:,:,:,:,:,:,:,:,:,,:,:,:,:,:,:,:,:,:,:,:,:,: ,:,:,:,:,:,:,:,:,:,:,:,:,:,:
(ابو تركي) عم نوف وابو الجوهره كان جالس مع بناته في الصاله
الجوهره : يبه بطلبك طلب
ابو تركي : وشو بعد ؟
الجوهره: بس لاتردني !
ابوتركي: على حسب ..
الجوهره : يووووووه
ابوتركي : وش عندك ؟
الجوهره : امممممم ... ابي اروح بيت سارا صديقتي
ابو تركي : لالالالا مافي بنات يروحون عند ربعهم
الجوهره : يبه تكفى بتجمع كل بنات عماتها ... خلني اروح مليت لاسفر ولاشي
ابو تركي : مايصلح خليها تجيك هنا بالبيت
الجوهره : لا وش تجيني ... مع بنات عماتها كللهم تجي.؟! مايصلح
يبه تكفى
ابو تركي : قلت لك لايعني لا
الجوهره : ابوووي الله يخليك ..... تكفى كلها ساعتين
ابوتركي : ..............
الجوهره : الله يعافييك
ابو تركي : ...........
الجوهره : هاه وش قلت ..
ابو تركي : متى طيب؟!
الجوهره: عزيمتها بكرا
ابو تركي : بس نص ساعه
الجوهره: لاوش نص ساعه وش أقعد اسوي؟
ابو تركي : ااه منكم بس يالبنات
الجوهره : هههههه قصدك انك رضيت ؟
بوتركي: بس تروح لميا اختك معاك
الجوهره : لاااااااااا وش لميا
بوتركي : خلاص اجل مافي روحه
الجوهره : طيب خلاص لميا معاي
بو تركي : وش تسون هناك ؟
الجوهره : رقص وجمعه يعني وناسه ........
لميا : ابوي بروح معها
بوتركي : ايه لازم تروحين مع اختك
لميا : خخخخخخخخ بروووووووح حررره
الجوهره : اهم شي اني بروح وبس
الجوهره : مشكوووووووور ابوي يااحلى ابو
وراحت طايره لغرفتها راحت تكلم سارا ....... وتقول لها ان ابوها راضي بس مع لميا
الجوهره: الو
سارا : هلاجوجو
الجوهره : ابشرك ابوي وافق
سارا: جدوالله
الجوهره : ايه بس
سارا: بس ايش
الجوهره : يقول لميا لازم تجي معاي
سارا: طيب بكيفها حياها الله
الجوهره : لا مابيها
سارا: الا تعالي متى بتجون ؟
الجوهره : مدري قلت له بكرا
سارا: بس ترا بكرا بيجينا خالي
الجوهره : يووووووه الحين ان قلت لأبوي بيعيي
سارا: وشو له تقولين .... ماعليك منه ... اهو في المجلس وانتي في غرفتي
الجوهره : خلاص ماراح اقول
سارا: يللا انتظركم بكرا
الجوهره : يللا باي
سارا: باي
::::::::::.:.:.::::::::::::::::::::::::::::::
Like
رد مع اقتباس إقتباس متعدد لهذه المشاركة الرد السريع على هذه المشاركة
#9 أضافة تقييم إلى فيتامين سي تقرير بمشاركة سيئة
قديم 01-09-18, 04:17 AM
الصورة الرمزية فيتامين سي
فيتامين سي فيتامين سي غير متواجد حالياً
مراقبة عامة ومشرفة منتدى الروايات المنقولة
نوف وام فيصل كانوا يتقهوون في الصاله ومعاهم فارس .... كان البيت فاااضي فارس يطالع مباراة ونوف وام فيصل يسولفون
نوف : يمه بكرا ابي اروح لبيت خالتي حصه .... مشتاقه لريما
ام فيصل: لايابنتي وش يوديك
نوف: يوووه يمه طفشت هنا البيت طفش
ام فيصل: بس مين يوديك ؟
نوف: فارس او أي احد
ام فيصل: بس هم فاضين بكرا ؟
نوف: مدري باتصل واسألها
ام فيصل: بكيفك روحي
دخل عليهم فيصل
فيصل: السلام عليكم
نوف : وعليكم السلام
فيصل وهو يطالع فارس باستغراب: فارس مارحت وياهم
فارس: لامابي
فيصل: وليييه ؟!!
فارس : بس كذا عاجبتني الرياض
فيصل: والله انك بعد
فارس بعصبيه : خلاااص فكوني ترا مليت
فيصل: خلاص بسم الله ماقلنا شي ... وش تشوف أي مباراة ؟
فارس : الهلال والقادسيه 1 _ 0
فيصل : ييمه صار شي جديد ؟
ام فيصل: لاانتظر تو الناس
فيصل: لايايمه انا مسستعجل وابيه في هالاجازه
نوف: الله !! بدري مررة ليه ؟
فيصل: يمه ماجد يقول لي ان بعضنا بيودننا ناخذ دورات في بريطانيا يمكن لمدة شهرين ....... فأبي اروح وانا متزوج
ام فيصل : خلاص ان شاء الله اكلمهم بكرا
فيصل وهو راقي للدرج بيروح لغرفته : ايه بس يمه لاتطولين
ام فيصل: ان شاء الله
:::::::::::::::::::::::::::::::::::::::::::::::::: :::::::::::::::::::::
كانوا جالسين في السياره صراخ ورقص وتصفيق وازعااج ... وطلال بدا يحس بدووخه راسه قام يدوور والطريق طوييل وهو خلاص تعب كثير
مشاري : طلال وش فيك بسم الله لونك طالع اصفر
طلال: تعباان يامشاري تعباان
أحمد : تعبان من ايش التفكيير ؟؟؟
طلال: الله ياخذ ابليسك .., الطريق يتعب وانتو مزعجين تعالوا خذوا مكاني
مشاري : خلاص طيب عطني انا بدالك
طلال: لالا كثر خيرك لا أخاف تودينا في داهيه
مشاري : ههههههههههههه ليه ؟
طلال : مرجوج الله يرجك
مشاري : خخخخخخ احسن تحمل
محمد : خلاص خلاص انا بسوق
طلال: أي الله يريحك
رجع طلال لورا والباقي كملوا تصفيق وازعااج ولا كأنهم ناس رايحين لمكه وجده بيوصلون الساعه 5 الفجر ..
طلال حط راسه وعلى طووول طقها بنوومه ..
:::::::::::::::::::::::::::::::::::::::::::::::::: ::::::::::::::::::::::::
جات الساعه 12 بالليل الكل كان ناايم ... الا اهو الوحيد جالس بغرفته (((اخيرا .. واخيرا بيتحقق حلم ايام المراهقه الى الحين .. يتحقق بكرا .. الله بس لو توافق ونتزوج ياسلام بس ... متى تجي ذيك اللحظه وانا الا متى انتظر ... مليت من الانتظار .. ))
:::::::::::::::::::::::::::::::::::::::::::::::::: :::::::::::::::::::::
الكل نايم بالسياره ..:.:.
ماعدا احمد ومحمد عيال العم
محمد : احمد داااايخ فيني النووم
احمد : وش قصدك استلم وحتى انا ابي انام
محمد : أي ياليت
احمد :لاوالله معليش اخاف انام ونسوي حادث هههههه
محمد " طيب سولف وخلني .. اصحصح
احمد : محمد ........ ماتلاحظ شي غريب على طلال ؟
محمد : لا زي ايش
احمد : الا متغير من بعد ماجينا للرياض تغيرت فيه اشيا كثيره لاحظه زين
محمد : الا تغير .. مو طلال اللي اول كان يسولف واجتماعي .. لاالحين صاير يحب يجلس مع نفسه واربع وعشرين ساعه مفهي ومايدري وش الدنيا فييه
احمد : طيب ليه تتوقع
محمد : مدري والله .. طلال مااعرفه زين ..
احمد : تتوقع انه حاط احد بباله
محمد : وشلون يعني يحب احد ؟!
احمد : ايه
محمد : مب بعيده ممكن ليش لا
احمد : وش رايك نسأله
محمد : لالا يمكنه مايبي
احمد : عارف انه مخطط على وحده بباله ؟
محمد : وشوووووو ؟؟ وحده بباله ؟؟؟ بذمتك
احمد : أي اكيد
محمد : وش دراك
احمد : اهو قايل لي بعظمة لسانه
محمد : احلى كشخه اجل .. منهي ومن متى وهالمشاعر الحلوه تطلع ؟
احمد : من يوم جينا للرياض .. يفكر بنوف بنت عمي خالد
محمد : نوف ؟!!!
احمد : أي ويقول انه شافها بعد والحين حاطها بباله ويفكر ياخذها
محمد : بس نوف صغيره وطلال نفس الشي
احمد : انا ادري بس مسكين مو مرتاح ابد .. طول الوقت في باله
محمد : ايه ماينلام
احمد : وليه ؟
محمد : ذيك المره سمعت امي تمدح في نوف مدح
احمد : أي بس تتوقع ابوها بيوافق لطلاال ؟
محمد : أي ليه مايوافق .. مايلقى احسن من طلال
احمد : وش رايك نوقف معاه .. انا ودي اننه يبدا هالخطوه
محمد : أي يستاهل طلال بس ليه مايأجلها للسنه الجايه .. حرام البنت توها
احمد : هههههههههه محمد
محمد : هلا .. وليه تضحك ؟
احمد : انا وياك نتكلم وكأنه صار شي الحين هههههههه
محمد : اي و الله هههههههههههههههههههههه
:::::::::::::::::::::::::::::::::::::::::::::::::: ::::::::::::::::::
الجوهره كانت جالسه تكلم محمد خويها بالجوال
محمد : هلااااااااا والله حياتي
الجوهره : ياهلا بقلبي
محمد : اشتقت لك ياروحي
الجوهره : وانا بعد
محمد : جوجو ..
الجوهره : الله بس ياحلو كلمه جوجو على لسانك
محمد : مو لأنه لساني عشانه اسمك طلع حلو
الجوهره : تسلم بعد روحي
محمد : في واحد من ربعي كلمته عنك
الجوهره : كلمته ؟!! ووش قلت له ؟!!
محمد : قلت له اني احبك مووووووووووت
الجوهره : وانا امووت فيك
محمد : بس صديقي يبي يتعرف عليك
الجوهره : لاالا مااتفقنا .. وش هالكلام
محمد : طيب وش فيها انا ابي اعلمهم عن الملاك اللي اكلمه
الجوهره : وش اسمه ؟
محمد : صالح ... الجوهره تكفين عشاني قولي تم
الجوهره : هههههههههه
محمد : طلبتك لاترديني
الجوهره : اوكي بس عشانك
محمد : تسلمين يالغلا خذي الرقم
الجوهره : اوكي
محمد ((اخيرا طحتي في الفخ )) : جوجو
الجوهره : نعم
محمد : بس لاتصدقين وتحبينه ههههههههههه تراني ماارضى
الجوهره : لا اااااااا يمكن احب او افكر بأحد غير حمودي
محمد : تسلمين ياروح حمودي والله
الجوهره : ههههههههه خلاص احرجتني
محمد : هذي الحقيقه وانا لازم اقولها
اللجوهره : وش هي ؟
محمد : عيشتي بدونك ماتسوى تراب
الجوهره : وانا بعد مااسوى شي بدونك
محمد : على فكره متى تفضين عشان يتصل عليك صالح ؟
الجوهره : اممممم أي وقت
محمد : بكرا بعد العشا يصلح ؟
الجوهره : لا بروح لبيت صديقتي
محمد : والله
الجوهره : أي ليه مستغرب ؟
محمد : لأن القلوب جنب بعضها
الجوهره : مافهمت
محمد : يعني بكرا انا رايح لبيت اختي عازمتني
الجوهره : هههههههههه وانا صديقتي نفس الشي
محمد :يللا حياتي مااطول عليك
الجوهره : يالله ياقلبي باي
محمد :باي
الجوهره (( الله على هالانسان كيف رومنسي ياحظ اللي بتاخذه وبس ))
:::::::::::::::::::::::::::::::::::::::::::::::::: :::::::::::::
الساعه 4 العصر وصلوا لجده استأجروا شقه مؤقت بس لأنهم مالقوا مكان يرتاحون فيه الكل منهك وتعبااان ... على طول راحوا ينامون وبعضهم .. جلسوا يطالعون التلفزيون
:::::::::::::::::::::::::::::::::::::::::::::::::: :::::::::::::::::
نوف وفيصل وام فيصل بالصاله وابو فيصل اما فارس كان يلعب بالبلاي ستيشن .../ .
نوف : يبه خلني اروح لبيت خالتي حصه
ابو فيصل : بكيفك روحي بس دوري من يوديك من اخوانك
نوف التفتت على فيصل : فيصل تكككككككككفى
ام فيصل : طيب وشو له تبين تروحين ؟
نوف: مشتاقه لريما
عاد هي قالت ريما ارتسمت الابتسامه على وجه فيصل .. ونط من مكانه
نوف: فيصل واللي يعافيك
فيصل: ...........
ام فيصل كانت مبتسمه على منظر فيصل لأنها عارفه اللي بباله
نوف: الوووووووووو .. فيصل وصمخ
فيصل: هاه .. نعم ؟
نوف: ابيك توديني لبيت خالتي حصه .... ممكن .؟
فيصل: متى تبين تروحين
نوف: الحين
فيصل: عاد فاظين الحين ؟
نوف: أي توني متصله عليهم
فيصل: خلاص اجهزي وانا ابوديك
نوف : اوكي ثااانكس
وراحت تسوي نفس حركتها راحت ترررررركض للدرج ..
ام فيصل: يابنتي انتبهي
نوف: هههههههههههههههه ان شاء الله
ابو فيصل: فيصل !!
فيصل: هلا يبه
ابو فيصل طبعا عارف ان ولده يبي ياخذ ريما بنت خالته
بو فيصل : متى تبي تتزوج ؟
فيصل: انا مستعجل وابيها هالاجازه
بوفيصل: طيب وليه ماتاخذ عهود بنت عمك ؟
فيصل: لاوش عهود أنا ابي وحده اصغر مني
بوفيصل: والله ان عهود حليوه وطيبه ومشاء الله ماعليها وتصلح
فيصل: لالا بس انا حاط ريما يعني ريما
بو فيصل: طيب بنت عمك
فيصل: بنت عمي على عيني وراسي بس لا كبيره
بوفيصل : خلاص الله يوفقك
فيصل التفت على امه وابتسم : يمه اليوم خلاص ؟!
ام فيصل: هههههههه اليوم ولاااااايهمك
جات تركض وهي شايله العبايه
نوف: فيصل يللا لانتأخر
فيصل: اوكي يالله اركبي وانا جايك
\\\\\\\
:::::::::::::::::::::::::::::::::::::::::::::::::: :::::::::::::::::
ريما : يمه ترا نوف اليوم بتجينا
ام ريما : حياها الله
ريما : هذا دق الجرس أكيد وصلوا
ام ريما : روحي افتحي
راحت ريما جري للباب .. وفتحت الباب ولقت نوف في وجهها
ريما : هلاااااااا نووف أشتقنا لك
وقامت ريما تضم نوف بقووه وكأن لهم سنه ماشافوا بعض .. فيصل شاف ريما من ورا نوف ..
ريما اللي يتمنى يتزوجها من أيام المراهقه ..
فيصل على طول حس بموقفه وبعد عنها وبدا يتنحنح
ريما ماكانت تعرف أنه موجود على طول انحرجت وبعدت
نوف: هههههههههههههه ريما وخري فيصل جاي
ريما وهي تركض
ريما: عمى ورا ماقلتيلي
نوف: نسيت
ام ريما جات عشان تسلم على نوف وفيصل
ام ريما : حياكم الله حياكم ... فيصل أدخل
فيصل: لا ولله مشغول
ام ريما : اقعد ع الأقل فنجان واحد
فيصل: طيب
وجلس شوي وتقهوى مع خالته .. أما نوف على طول عند ريما بغرفتها
ريما : نوف تتوقعين أخوك شافني ؟
نوف: ههههههههههااااااااي مدري .. بس شكلك كان مررة روعه
ريما رمت المخده على نوف: اقول على تراب
نوف: هههههههه ليه انحرجتي ؟
ريما : اظنك عارفه .
نوف: اييه حبيبك .. وش عليك وليه ماتستحين
ريما : نوف وش هالكلام ؟
نوف: ليه اشفيه كلامي
ريما: تحبين تحرجيني .. أنا خلاص شلت فيصل من بالي لأنه مافي أمل ياخذ وحده مثلي
نوف: وليه وأنتي وشفيك ؟!
ريما: أخوك مزييوووون والكل يبيه أكيد بياخذ بنت مزيونه ولا بنت تجار
نوف: وكل دكتور ياخذ مزيونه ؟
ريما : مدري أحس مافي أمل أبد .
نوف: الا أبشرك يبي يتزوج
ريما : واللله ؟!!!!!!!!
نوف: أي والله
ريما : وموحاط احد بباله
نوف: الا بس نسيت أسأله
ريما: ياشينك
نوف: وليه ؟
ريما: ابي أعرف منهي
نوف: وليه وأنتي مأمله على نفسك ههههه
ريما: لا أبي أعرف من هالدبه الخايسه اللي بتاخذ مني حبيب عمري
نوف بضحك: حبيب عمري ومدري وش وقدامي ؟! هاه
ريما: يختي هذا أقل شي أقدر أقوله حبيته حب جامد هو مايدري ولااحد يدري ونهايته كانت فاضيه يعني ماخذنا بعض
نوف: ماشالله ياهووووو !! تراني أخته ويحق لي أكفخك في هالمواقف
ريما: بسم الله وشفيك علي الحين ؟
نوف: ههههههههههههههههههه لاواللله أمزح وياك
:::::::::::::::::::::::::::::::::::::::::::::::::: ::::::::::::::::::::::::
ابو فيصل وام فيصل بالصاله ... فجأه دق التلفون
ام فيصل: الوو
فهد : هلا يمه
ام فيصل: فهد !
فهد : أي فهد وش بلاك مستغربه ؟
ام فيصل: منزمااان ومااتصلت .. مشاقين لصوتك ياولدي
فهد : وأنا بعد طفششت أشتقت لكم كثيير
ام فيصل: وش اخبارك الحين ؟ ووش علومك ؟ ووش مسوي؟
فهد : والله الحمدلله اليوم بنطلع من رابغ وبنرجع لجده
ام فيصل : وش رابغ وش تسون هناك ؟
فهد : عندنا تدريب هناك
ام فيصل: طيب ومتى بترجع ترا طالت الغيبه
فهد : اليوم ان شاء الله
ام فيصل بفرح: اليوم ؟!! ومتى ؟
فهد : متأخر يمكن الساعه ثنتين الليل أوصل
ام فيصل : تروح وترجع بالسلامه فهد لاتطول
فهد : ان شاء الله .. بس عطيني أكلم الوالد
ام فيصل : هذا هو ...........ابو فيصل تعال كلم فهد
ابو فيصل: فهد هلا فهد
فهد : هلا يبه
ابو فيصل: وش أخبارك ؟
فهد : والله الحمدلله
ابو فيصل: هاه عسى التدريب مظبوط وياك
فهد : ههههه ايه يبه لاتحاتي ولدك طيار
ابو فيصل: ايه هذا اهم شي الفايده .... بس ماعلمتني متى بترجع
فهد : أي ان شاء الله اليوم الليل
ابو فيصل: تجي بالسلامه ان شاء الله
فهد : تسلم والله ...
ابو فيصل: يللا نشوفك اليوم ان شاء الله
فهد : انشاء الله .. بس سلملي على اخواني كلهم
ابو فيصل: يوصل ان شاء الله .. يللا مع السلامه
فهد : مع السلامه
:::::::::::::::::::::::::::::::::::::::::::::::::: ::::::::::::::::::::
الجوهره : لميااا !!! يللا بنتأخر
لميا : طيب بس بجيب عبايتي
الجوهره : طيب بسرعه مابي اطول عليها
لميا اوكي هذيني جاهزه
ابو تركي : الجوهره لميا يللا تراني طالع بسرعه اركبوا السياره
لميا : ان شاء الله
لبسوا عباياتهم وركبوا السياره ووداهم بوتركي ... دخلوا لبيت سارا
سارا : كلولللوووولييييييش .. هلا بالجوهره ولميا حياكم
الجوهره : الله يحيك
لميا : الله يحيك
سارا: تعالوا هنا بالصاله
الجوهره : مو تقولين خالك بيجي ؟
سارا : لامابعد يجي
سارا : لميا تقدرين تروحين لفوق عند اختي نوره تراهي كبرك
لميا : بس وين ماادل شي
سارا لحظه اوديك يوم راحت تودي لميا لأختها
... دخل خالهم من باب الشارع .. كان مايدري أن صديقات سارا جاين والصاله كانت أقرب مكان لخالهم ..... وهو متعود انه يجي دايم .. لأن مافي أحد يتغطى عنه ..... دخل وتفاجأ بالجوهره اللي كانت متحمسه مع دعايات التلفزيون ... دخل ووقف في مكانه
الجوهره انتبهت له وظلت تطاالع باستغراب .. وهو يشوفها بأعجاب شديد وواظح من عيونه
((نفس العيون نفس الشعر نفس الوجه .. هذا كأنه محمد خويي .. أخاف انه نفسه . اوف ياحسره وش هالفشيله ))
(( هذي تشبه اللي بالكورنيش .. بس وش جابها هنا .. ؟؟ خل أسئل سارا أول ))
دخلت سارا
سارا : خالي محمد وش تسوي ؟
محمد : هاه لا بس مانتبهت أسف
وطلع
الجوهره مازالت مو على بعضها كانت متفاجأه من الموقف وماتوقعت أبد انه يكون خال سارا ...
سارا : الجوهره
((عشان كذا يقول لي انه بيروح لبيت أخته ... ياربيه وش هالفشيله .. بس حظك ياسارا على هالخال ))
سارا : الجوهره الووووووووووووووووو ردي
الجوهره : أي نعم ؟
سارا : وش فيك وجهك مررة متغير
الجوهره نزلت راسها ومازالت متفاجأه
الجوهره بصوت خفيف : سارا
سارا : نعم ؟
الجوهره : هذا خالك ؟
سارا : أي هذا خالي محمد اللي قلت لك بيجينا
الجوهره : تصدقين تراه نفسه محمد اللي مرقمني
سارا : وشوو ؟
الجوهره : اللي سمعتي
سارا : لالا تأكدي يمكن يشبه له
الجوهره : متأكده ياسارا متأكده وأسأليه يكفي نظراته قبل شوي
سارا : طيب ماصار شي حتى اهو ماكلمك
الجوهره : لابس
سارا : بس ايش الجوهره ترا ماصار شي ابد بالعكس شكلك اعجبتيه
الجوهره : وش اعجبته الله يهديك
سارا : الا خالي وانا أعرفه
الجوهره : خلاص لازم اروح الحين
سارا : اقول اقعدي بس وش تروحين
الجوهره : مكاني غلط ياسارا
سارا : ياااااالغبيه أفرحي مايصير تزعلين ... خلاص ولايهمك بزوجكم لبعض
الجوهره : صدق انتي فاظيه بعد
سارا : وش فاضيه والله ليتني مكانك كان اطير من الفرح أنتي عاجبته وهو عاجبك
الجوهره : .................
سارا رمت المخده على الجوهره : يللا بس وسعي الصدر وخلينا نشوف أفلام
الجوهره : الله يرجك بعد انتي كلش ماخذته وناسه
سارا: أي ياشيخه الدنيا فلله
الجوهره : هههههههههه طيب يللا وش عندك افلام
سارا :لحظه خليني أجيبهم
محمد كان يفكر بالموقف اللي حصل وبالجوهره عن جد اعجبته ... بس ممكن تكون نفسها اللي بالكورنيش .. هي قايله له أنها بتروح لبيت صديقتها ..
مرت سارا لعند خالها عشان تجيب الأفلام
محمد : سارا سارا !! لحظه لحظه شوي
سارا : خير ؟؟
محمد :اممم من هاللي عندك
سارا : وش دخلك ؟
محمد : مدري بس لازم أعرف
سارا : هذي صديقتي عندك مانع
محمد بضحكه ماكره : خويتك أجل ؟
سارا : أي خويتي
محمد : اها خلاص
((سارا بسم الله وش فيه ذا الحين ))
:::::::::::::::::::::::::::::::::::::