خل يدرون شكثر آحبك ي منآيه - الفصل 6 | روايتك

البارت السادس ،ً جاسم يطرش مسج : ليش المالت ! ليش هالقسى وردت عليه : أي مالت جاسم : تستهبلين ><' ،، انزين تعشيتي قلبي ؟ هيه تعشيت الحمدلله وملانه ابا أرد بيتنا جاسم : نعم ! ليش ها مب بيتكم اللي نحن فيه ... : ليش انت وين ! جاسم : بلاج نوره تراني ف بيتكم وتوج مسويتلي مالت بعد ، ولا ها مب بيتكم فهميني ؟! هدى : اقولج مزنوه عطيني فونج بتصل الدكان ما عندي رصيد مزنه : ها خذي ، افف اميه متى بنسير البيت هدى : مزنوه تعالي اباج شوي ، امنو ها اللي ترمسينه كأنج نوره مزنه بتوتر : هاه ! انتي شو يالسه تخبصين هاتي فوني يالله ، شحقه تشوفين مسجاتي امنو سمحلج هدى : اولا انا يايه اتصل وهو طرش وفتحت بالغلط ، ثانيا بترمسين ولا اخبر نصور عليج مزنه بخوف : بس والله بيني وبينج ولا تخبرين حد حتى نوير هدى : اوك ونا عند رمستيه مزنه تدمع : ها جاسم اللي كان يلاحق نوير ، خذت رقمه من جنطتها وهي ما تدري وتميت ارمسه ع أساس انا نوير هدى تعصب عليها : حسيبج ربي ، انتي ليش تسوين جيه هب حرام عليج ، الحينه اطرشين له مسج وتخبرينه الصدق سامعه مزنه : لا ماقدر كيف اخبره ، شو أقوله بطيح من عينه هدى : ضحكتيني ، ليش هو يعرفج أصلا ، طول الوقت مسكين يتحرا نوير ، يالله بسرعه خبريه والحين مزنه : بخبره والله بس هب احينه ، ييبي الحين فوني بليز هدى : بعطيج بس عقب ما اسيڤ رقمه لانه انتي ما منج أمان ،،،، ف بيت يمعه الشرطي يصارخ : نزل سلاحك ، يالله بسرعه ، اقبضو عليه ،،،،واتي الإسعاف وتشل منال و وليد وتسير وياهم ميره ف ميلس بيت بو مايد مايد : ألو هلا بوليدوه الخاين ، الو !! امنو انتي ! شووووه ، وينه ! انزين انزين لا تصيحين هدي انا ياي بو عبدالله : بسم الله شفيك شو صاير ! مايد : يموع صَوب ع وليد والحين ف المستشفى ، ابويه احمد خبر عموه عواش تتلبس واتي وياي يالله بسرعه بو مايد : لا حول ولا قوة الا بالله ، يالله خل نسير محمد : لا عميه انت وابويه تمو هنا احسن ونحن بنطمنكم عليهم عيسى : جسوم ورشود انتو ردو البيت انزين ماله داعي كلنا نسير عايشه : لا اله الا الله احس قلبي بطيح من الخوف ، يالله انا جاهزه ام مايد : استغفر الله العظيم هاي سواه يسويها ، ام ناصر : طمنينا اميه عواش انزين نوره تصيح : بسير وياج هدى : ونا بعد عايشه : لا ماله داعي الزحمه وهي تبا حد قوي وياها هب صياحات شراتكن ،،،،، ف المستشفى ، الساعه خمس الفير مايد يهمس : عواش نشي ، أذن الفير سيري صلي وشليها وياج ، عايشه : ان شاء الله ، شحالهم طمني مايد : بعدنا والله نتريا ، الله يقومهم بالسلامه ان شاء الله ، صح نسيت اخبرج ترا ريلج تعب ورد البيت يرقد ميره تنتبه وتصيح : اختي ، وين اختي مايد : اشش اهدي ما بيفيد الصياح ، هم بخير بس يبالهم شوي ، يالله احين سيري ويا عواش صلو الفير ، تعالي باباه وقفي انتي ليش ما عالجتي ويهج ميره تصيح : مابا شي مااابااا ااااه ، ابا اختي وبس ليش للحين ما ظهروها ليششش عايشه : خلاص حبيبتي اهدي اذكري الله ، تعالي يالله بنسير نصلي وندعي لهم ، وعقبها بنسير نعالج ويهج انزين (ويرن فون عايشه) هلا عبدالله، لا بعدهم، احينه انا سايره اصلي من اخلص برمسك، اوك برد سيده البيت لا تحاتي باي ،،،،،، ف بيت بو عبدالله (يقوم عبدالله من فراشه ويسير حجرة ابوه ويدق الباب ويدخل) ابويه فديتك نش صلاه ، اميه حبيبي ام عبدالله : قايمه فديتك بارك الله فيك ، زين وعيتني مانتبهت ع المنبه وهو يرن ، سير وعى هدوه وحمود عبدالله : حمود تم ف المستشفى ما رضى يرد بو عبدالله : أصبحنا وأصبح الملك لله ، ها أبوي عبدالله طمني عليهم شحالهم عبدالله : والله ي أبوي روحت عنهم وهم بعدهم ، لانه وليد وايد عنده كسور والحرمه يايتنها الرصاصة ف ظهرها ام عبدالله : لا اله الا الله ، الحين لو صار لها شي عند امنو بتم اختها وحليلها ، ما عرفت ليش سوى جيه عبدالله : لا ي اميه وميود شكله يعرف شي بس هب راضي يرمس بو عبدالله : الله يقومهم بالسلامه ، يالله ابوي خلنا نسير نصلي ،،،، ف بيت ام ناصر مزنه يوصلها مسج من جاسم : وينج مختفيه عسى ما في الخاطر شي علينا مزنه تتصلبه : الو جسوم بقولك شي جاسم : هلا والله بهالصوت اللي يرد الروح ، اشتقتلج نواري مزنه تستحي : ونا بعد جاسم : انزين قولي آمري ادللي مزنه : ماشي بس كنت بقولك اشتقتلك بس انت سبقتني جاسم : اممم قربي شوي مزنه : هههه قربت جاسم : بعد قربي اكثر مزنه يدق قلبها بسرعه : قربت اكثر جاسم : امواااح ع خدج ، (ويهمس لها) احبج مزنه تسكر السماعه : شت شو صارلي وليش جيه قلبي يدق ، افف ماحب هالشي ، انا لحمودي وبس ام ناصر تدخل عليها : ها اميه زين انج واعيه ، اتصلي ف نصور هب ناوي يرد البيت شو مزنه : ان شاء الله اميه احين بشوفه ،،،، ف المستشفى ناصر : ها مزن ، لا ماقدر ابا أتطمن عليه ها واحد من الربع وماقدر اخلي ميود اروحه ، اقولج باي ظهر الدكتور (ويركضون كلهم صوبه) مايد : ها دكتور طمنا شحالهم الدكتور : الحمدلله الرجال بخير ، رغم انه عنده كذا كسر ، لكن الحُرمه ..... ميره تصرخ : لااااااااا (ويغمى عليها !)