خل يدرون شكثر آحبك ي منآيه - الفصل 5 | روايتك

البارت الخامس ، محمد ينتبه ويقوم : ايه انتي شتسوين هنا !!! تخبلتي ! ما تخافين حد يشوفج مزنه : بلاك حمود انزين ، محد هنا وبعد اشتقت اسولف معاك اروحنا ف ييت محمد : مزنوه عن الخبال يالله نشي سيري عن حد ايي ويشوفج مزنه : آخ فديت اسمي ع لسانك ، ان شاء الله احينه بسير ويدخل ناصر : مزنه !! شتسوين هنا مزنه خايفه : امممميه طرشتني أشل الدلات مال الشاي والقهوه عسب يغيروهن وما كنت اعرف انه حمود راقد ناصر : انزين يالله سيري ويوم بتين لا تحدرين دقي الباب وسيري مزنه : ان شاء الله ناصر : صح النوم ي البطل ، كل ها رقاد ههه ها شحال اللي بالي بالك محمد : اي رقاد الله يخليك ، تكسر ظهري من الكنبه ، هه خلها ع الله ناصر : اوه هذا بدور متصل ، هلا بدور شحالك وين هالغيبه ، متى رديت من السفر ، أوب أوب امنو قدك هههه ، نعم !! تتمصخر انت ، والله تستاهل حد يسوي سواتك ، شفيهن بنات البلاد ، زين زين يالله فمان الله محمد : علامك اشتطيت ع الريال ! شو مسوي ؟ ناصر : متزوج له اجنبيه وابوه طرده من البيت ، يستاهل ، بيندم ما عليه شرات ميود محمد : ما زين عليك هالرمسه وبعد هب كل الاجنبيات هب زينات ، انا بسير أسبح واصلي قبل حد يحدر علينا ،،،،،، ف بيت وليد وليد : اميه انا قررت اتزوج ، وقبل لا ترمسين ترا بنت الحلال موجوده ام وليد : ما شاء الله ! ونا آخر من يعلم ههه ، وامنو سعيده الحظ اللي بتاخذ وليدي وليد : رضيعة ربيعي يموع ام وليد : هيه ما شاء الله بس هاي بعدها صغيره ف المدرسه وليد : انا ابا الكبيرة اميه مب الصغيرة ، وادري هي اكبر عني ومطلقه بس أباها ، وانتي تعرفينهن عدل بنات متربيات واخلاق ما شاء الله ، وارجوج ياميه قبل ما ترمسين بشي فكري ع راحتج ام وليد : بس انا أباك انت اللي تفكر عدل ، انا مابا ف يوم من الأيام اذا خذيتها تعايرها انها اكبر منك او تجرحها بكلمه ولا تنسى الناس ما ترحم ف حرام تظلمها، انت ي ولدي اللي فكر عدل مب انا ،،،،،،،، ف بيت بو مايد مايد : اخيرا جان ما خلصتن كل ها تتلبسن ، صبرن بشوف امنو يدق الجرس (ويفتح مايد الباب وينصدم باللي واقف قدّامه) : اااح م د !! احمد هذا انت !! و(يحضنه حيل ويصارخ) احمااااااااااد أبوي فديتك ي احمد آآآآآآآه ي احمد آه ولدي آآآه يارب الحمدلله ام مايد : بلاه اخوكم يصارخ (ويركضون كلهم برع) عايشه تصارخ : لا ماصدق لاااااا (وتركض تحضنهم) احماااااد حبيبي ي حبيب عموتك (وتصيح حيل وتحضنهم نوره) ام مايد اطيح ع ركبها من الصدمة وتصيح : الحمدلله يارب الحمدلله ،،،،، بيت بو عبدالله ام عبدالله : نعيما حبيبي ، شو صحتك احينه احسن محمد : هيه اميه الحمدلله (ويناظر مزنه) وينزل عينه مزنه : الحمدلله الحين نور البيت عبدالله : السلام عليكم ، ااااخ تعبت ام ناصر : ما شاء الله مخلص السوق انت هههه عبدالله : والله أكثرهن بدل لعواش لانه ما عندها للبرد وتنزل هدى من فوق مزنه : ما شاء الله كاشخه ولابسه ع وين ، وشحقه ما خبرتيني عسب اتزهب بعد هدى : بسير السينما ويا قوم نوير وعواش ، ليش ان شاء الله اخبرج ، هب ترا هم فقارى وهب ع الموضه ع قولتج محمد يعصب : انتي كيف تقولين جيه عن بنات عمي ام ناصر : مزنوه شو هالرمسه ، وبعد الفقر هب عيب سامعه عبدالله : انزين صح هب عيب لكنها ما كذبت بسالفة الموضه ، عواش أبدا ما تعرف تلبس خالوه محمد يصارخ عليه : عيب عليك واستر ع اهلك ام عبدالله : اهدو خلاص ذكرو الله هدى : زين جيه مزنوه كله منج ، الو نوير انتو وين تأخرتو ، شووووه !!!! احمد !!!! (وتصارخ هدى من الفرحه وتنط ف مكانها) اااااااه احماااااد اميه احماااااد ااااااه ههههههه ،،،، بيت يمعه منال : انت شو تقول !! احس جسمي يرتجف وقلبي يدق بقو وليد : هههه بسم الله عليج ، الحين بتصل ف يموع اخبره وتزهبي الخميس بنيي ان شاء الله ، فداعة الله ميره : شفيج منوله عسى ما شر منال تحضنها وتصيح : آه ي ميره وأخيرا بيي يخطبني ، انا مب مصدقه كأني ف حلم يمعه يدخل : امنو اللي بيي يخطبج ! ،،،، ف بيت بو مايد كان احمد يالس ف النص وابوه محاوط بايده عليه والصوب الثاني يالسه عداله يدته ام مايد ، والكل كان موجود ، قوم بو عبدالله وقوم ام ناصر ، الكل يا ركض يوم عرفو بالخبر ام مايد : قولي حبيبي كيف ييت هنا نوره : هيه حمادوه خبرنا كيف عقب كل هالسنين ! احمد لانه اختفى سنين ف نسى كيف يتكلم عربي لكنه كان يفهم عليهم : لقد هربت ي جدتي من أمي بعدما اقنعتها بآني سأقضي إجازتي عند صديقي بيتر الذي ساعدني بدوره على الهرب ام عبدالله : والله ولا فهمنا شي هههه مايد : ي حبيبي ي ولدي (ويبوسه ويحضنه ويلعب بشعره) هدى : هههه شرد اميه شرد ام ناصر : ويديه !!! عن تعرف أمه ويقولون خطفناه عقب احمد : هههه لا تقلقي ف هي للآن لا تعرف انني هنا بو مايد : خلاص قومو خلوني أيلس صوب حفيدي فديته ، ما شبعتو ههههه عواش : ماعتقد اخويه بيشبع أبد هههه محمد : اكيد ولده حشاشة يوفه مزنه تناظر محمد بعصبيه لانها تغار عليه حيل وما تحب انه يرمس مع حد من بنات العيله : احم ، انزين ما بتحطون للولد عشا اكيد يوعان عقب هالسفره ناصر : شكلج انتي اليوعانه ههههه ، ها خطيبتي نوير خلصتي تصوير خخ نوره : خطيبتك ف عينك ، ها اللي ناقص بعد مزنه : ليش ان شاء الله انتي تتمنين نوره : لو سمحتي انتي آخر وحده ترمسين عبدالله : ايه صخن يالله ، انتن ما تستحن ولا تحشمن حد عايشه : تعالي نوير خل نزهب العشا (وتسحبهااااا من ايدها ويسيرون المطبخ) : شو اللي صاير بينج انتي ومزنوه ؟! عن يكون هي اللي قالتلج هذيج الرمسه نوره : ولا شي عواش خلاص طاف ، عيل ماشوف عشا وينه ! محمد : هود بنات عمي ، بغيت ماي لو سمحتن وتعدل عايشه شيلتها لانه كانت حاطتنها ع جتفها وتظهر برع نوره : والله محد محترم غيرك ي حمود ، تعال اقرب الماي ف الثلاجة وتصتدم عايشه بعبدالله وهي ظاهره ويحضنها جدامهم : على وين ي حلو عايشه : عبدالله هدني عيب اخوك هنا (وتحاول تفك ايده لكن ما تقدر) عبدالله : وشو يعني الا حمود وانتي حرمتيه حلالي محد يروم يرمس ، ويبوس خدها حمود ينزل راسه ويظهر ونوره بعد بس تقول : عدال ي عصافير الحب هههه ويدخلون مع بعض الصاله وتنقهر مزنه : افف اميه خل نسير البيت يالله بو مايد : لا تمو بتتعشون عندنا ، نوير حبيبتي اطلبي لنا مشاوي من المطعم بو عبدالله : عيل دام جيه الحساب عليه بمناسبة ردة الغالي لنا ،،،،، ف موتر راشد جاسم ميود الفون ويطرش مسج : وينج مختفيه لا حس ولا خبر وردت عليه : الأهل كلهم هنا متيمعين ماقدر ارمسك جاسم : اف لاه راشد : بسم الله شفيك جاسم : هالانسانه كله مشغولة عني ياربيه شو حياتها هاي ، مر خل ناخذ لنا كرك راشد : انت بعد لازم تراعي ظروفها ، لازم تخاف عليها عن حد يزخها ، مب جيه ترمسها والسلام جاسم : آه الشوق غلاب ، امنو ها بعد يتصل ، ألو هلا عواس ، شو ! اونه ! هيه بيي ليش لا ، سلام ، ههههههه شو هالحظ الحلو ي ويلّي انا بس هههههه راشد : تخبل الريال هههه شفيك ضحكنا وياك جاسم : الحين بنسير بيت الحب ، نصور عازم عواس ولأنه موتره ف الصناعية قالي أمره وندخل وياه بالمره ، الحين بعرف وين بيتها ، آخ ي الحب ياينج هههه ،،،، ف بيت يمعه يمعه يتقرب من منال ويمسك ايدها بقو ويصارخ عليها : جااااوبيني امنو هاااا منال : آخ ايدي ، محد ي اخوي انت فاهم غلط ميره تمسكه : يموع هدهااا ويدز ميره واطيح ع الارض ويسحب منال لحجرتها ويضربها ضرب وتركض ميره له : يمووووع لااااا دخيلك حرام عليك يمعه يصارخ : طلعي بررررررع ويطلعها ويقفل الباب منال تصيح : اااااخ دخيلك اخوي ارحمني انت فاهم غلط اااااه ارحمممممني يمعه بعصبيه يسحب شعرها : والله ي منالوه الهوا ما بتشمينه (ويظهر ويقفل عليها باب الحجره ويسير لميره ويسحبها من ايدها : هاتي فونج وفونها يالله بسرعه ، والله ي ميروه المدرسه حتى ما بطبينها ميره : حرام عليك اخوي والله حرام انت ظالمها يمعه يضربها كف ع ويهها : جب ولا كلمه (ويظهر برع) ويوقف وليد الموتر وينزل : اوه زين حصلتك ، اتصلبك ما ترد يمعه : خوز عني وليد تراني مب ناقص وليد : بلاك ي ريال ، انزين انا عندي لك خبر بيفرحك ، انا طالب القرب منك ، ياي أخطب رضيعتك العوده يمعه يمسكه من كندورته : شوووووه !!!! يعني انت يالح.... اللي ترمس رضيعتي وتقولها بخطبج ها وليد : خوووز عني بلاك تخبلت ، اميه اللي اتصلت فيها ، انت ناسي انك عاطني الكرت مالها وفيه رقمها ، قلت بخلي اميه ترمسها احسن وجيه ونا برمسك ، بس شكلي غلطت يوم ييتك يمعه : اعوذ بالله من الشيطان، سامحني وليدوه والله اللي فيني مب شوي حقك علي ، خلاص انا بشاورها وبرد عليك ، والحين اسمحلي بدش داخل وليد : مسموح الله معاك،،،، شششت !! خيبه ها كيف عرف ، يمعه يدخل البيت وهو ندمان انه ظلم رضيعته وضربها وفجأه يرن فون منال ويكون وليد المتصل !!! : رقم وليد !! يعني انخدعت فيه وقص علي ، ويتصل يمعه ف وليد من فونه : اهلًا وليد كنت بقولك اقرب ع العشا دامك قريب حياك وليد : مع اني سرت بس ما عليه احينه برد لعيون النسيب هههه ،،،، ف بيت بو مايد مزنه بدلع : حمود وقف شوي محمد : .... مزنه : شفيك علي وهب عاطني ويه ، انزين آسفه ما قصدت ارمس عن بنات عمك جيه وتراهم بنات خالتي بعد محمد : على ما اعتقد المفروض تعتذرين لهم هب لي ، (ويدق الجرس) ، يالله سيري داخل بشوف امنو ع الباب مزنه : افف زين محمد : يالله حيه هلا بالغالي عواس واللي وياه قربو قربو ، مره سيده الميلس عيسى : قريب ، ها حمود شحالك الحين ، ان شاء الله احسن محمد : الحمدلله احسن بوايد (وتظهر نوره من المطبخ وهي شاله العشا ويشوفها جاسم ويسويلها باي ، وتسويله مالت) راشد : هههه تستاهل ناصر : قربو جسوم ورشود ليش واقفين برع ، حياكم ، (ويسير عند نوره) معقوله خطيبتي يايبه اروحها العشا ما يستوي ، جان زقرتيني بشل عنج نوره : جب انزين لو تبا جان اروحك ييت المطبخ وشليت وبعد هالعشا حق الحريم هب لكم (وتسير عنه) مايد ياي وشال صينيه العشا للرياييل : هههههه تستاهل حد قالك ، زين جيه احينه احترق ويهك هههههههههه ناصر : ما عليه مردوده ، هات عنك ولد خالوه مايد : اهم شي صوب ولدي الاكل سامع ناصر : هيه شعليك ههه ويوصل محمد مسج : السموحه جان ضايقتك اليوم ويطرش لها : اضايق من العالم ولا اضايق منج عبدالله : حمود ودر عنك الفون وتعشا بو عبدالله : هيه ابويه خل عنك اللعبان الحين ، شوف عمرك كيف مضعف ، ابويه احمد كل لا تستحي احمد : ان شاء الله ، انا فقط أفكر في خواتي ، اريد ان اذهب لاحضرهم الى هنا ايضا مايد : لا تحاتي حبيبي انت كل الحينه وعقب بنرمس ف هالموضوع انزين ،،،، ف بيت يمعه يمعه بمكر : هلا بالحبيب اقرب وليد : قريب ، عاد زهب العشا بسرعه لاني ابا ألحق ع مباراة برشلونة يمعه : بتلحق ان شاء الله ، استريح شوي وبييك (ويسير يمعه الحجره ويسحب منال) ميره تصيح : خلها انت وين مودنها ، يمووووع دخيلك خلها (ويحدر الميلس ويفرها ع الارض وهي كلها دم) وليد مصدوم : ي ي يمعه أأأ انت شو مسوي ف رضيعتك ، ليش ضاربها جيه ميره تصيح : حرام عليك يموع يمعه يصارخ عليها : اظهري برررررع ، انا ي وليدوه تسوي فيني جيه !! تخون ربيعك ، تتحراني غبي وليد : يموع صَل ع النبي انت فاهم غلط والله اني أباها ع سنة الله ورسوله (لكن يمعه يضربه ويطيحه ع الارض ويقعد يرفسه بريولاته حيل ، عقب اييب حديده ويضربه فيها ويكسر ضلوعه) منال تصارخ : خلااااااص ي اخوي هده دخيلك بتذبحه أبوس ريلك هده يمعه يمسكها من شعرها بقوه : هيه طبعا ادافعين عن حبيب القلب ، بس انا براويكم (يظهر من الميلس ويسير حجرة ابوه وياخذ المسدس ماله) ميره تصارخ : لااااا يموع لااااا تتخبل (لكنه يضربها ويبعدها عنه وهي تركض برع صوب الدكان) يمعه : هههه انا الحين بعلمج شو بسوي ف حبيب القلب (ويصوب المسدس صوبه) منال تصارخ وتركض صوب وليد : لااااااااااه