خل يدرون شكثر آحبك ي منآيه - الفصل 3 | روايتك

البارت الثالث ف بيت يمعه وليد : بسك ي ريال ذبحتنا ، فر عنك هالسم شوي (ويسحبها عنه) يمعه : خلني وليدوه مركز ف اللعب لا تخرب عليه ، زين جيه خسرت احينه وليد : احسن ، قم يالله خل نظهر شوي نتغدا ، عنبوه حتى قهوه ما حطيت يمعه : هههه اصبر الرضيعه مسويه برياني بشوفها جان خلصت ويرن فون وليد : ألو ها ميود، يالله وينك انت اليوم لا حس ولا خبر ، تعال اقرب البرياني عند يموع ، ها !! شووووه ! حمود ! من متى ! لا حول ولا قوة الا بالله ، تستاهلون سلامته الغالي ما يشوف شر ان شاء الله ، عيل بنمركم العصر ، اوك حبيب فداعة الله يمعه يدخل وهو شال صينية الغدا : اقرب عبي الكرشه ، امنو كنت ترمس و وين بتمره ؟ وليد : حمود ولد عم ميود غرقان حليله يمعه بصدمه : مااات !!! وليد : فال الله ولا فالك ، نقذوه الحمدلله يمعه : خوفتني والله حتى بطني مغصنيه غربلات ابليسك وليد : ههه تغدا انا أقول ،،،،،، ف المستشفى الدكتور : السلامو عليكو الكل : وعليكم السلام عبدالله : ها دكتور بشر شحاله اخويه بو عبدالله : بطيت علينا ي دكتور وقمنا نحاتي وصارت بدال الساعتين أربع الدكتور : معليش ي حج كلو ولا سلامتوه ، دلوقتي هو صحي وح ناخده لأوضه تانيه بس ارجوكم ما تتكلموش معاه كتير وما اطولوش في الزياره عشان ينام ويستريح وما تدخلوش كلكو مع بعض ام عبدالله : ان شاء الله دكتور ، الحمدلله لك يارب الحمدلله ام عبدالله : اميه حمود حبيبي و(تبوسه ع راسه) الحمدلله ع سلامتك ي الغالي محمد بتعب : اممميه ام عبدالله : اششش لا ترمس ارتاح ي قلب اميه بو عبدالله : الحمدلله ع سلامتك حبيبي ، خوفتنا عليك ابويه ، طمنا شحالك محمد : الحمد لله هدى تمسك ايده : ي الخايس جيه تسوي فينا ههه الحمدلله ع سلامتك غناتيه عبدالله : هيه والله بعدين ويا امنو بضارب ههه محمد يضحك بصعوبه ام عبدالله : شوف عيالك المخبل ههه خوزو عنه تعبتوه ، عيل عايشه وين؟! عبدالله : ما تبا تدخل اميه خوافه هههه ، يالله ابويه سيرو البيت ارتاحو وخذوها وياكم وخل تزهبلي ثياب عسب آبات عنده اليوم بو عبدالله : هيه يالله نخليه يرتاح وعسب يدخلون عليه الباقين بعد ،،،،، ف موتر مايد نوره : شفيج عواش تصيحين !! عايشه : لا بس معورني قلبي ع محمد مسكين ما يستاهل ، انتي ما شفتي عبدالله كيف كان يصيح عليه بو مايد : هههه طالعه على امج صياحه ام مايد : هاه بلاها أمها ، فديتها بنتي غير عن الكل و(تحضنها) نوره : جيه ونا هب بنتج ! مايد : انتي الوحش الكاسر ههههه نوره : جب سخيف ، ابويه شوفه بو مايد : خلاص انتي وحوشه صغيره هههههه نوره : ابويه عاد خلاص ماحبكم عايشه : هههه عمريه انتي ، مايد ودني قبل البيت بزهب ثياب لعبدالله وشلهن وياك عقب المستشفى لاني ببات عندكم مايد : من عيوني بس شحقه ما سرتي ويا قوم عمي نوره تحضن عايشه : انا ماباها تسير مشتاقتلها ،،،،، ف بيت يمعه وليد : هلا حبيبي ، شحالج منال (جميله حيل وتحب الطبخ، مطلقه وعمرها ٣٦) : الحمدلله فديتك ، وينك اليوم مختفي اشتقتلك حتى الوتساب ما ترد عليه ، ولا ما عيبك طباخي وليد : ونا اكثر والله بس كانت عندي ظروف شوي ، وطباخج ما عليه كلام ، اتغديتي انتي منال : الحين قريب المغرب ، وانت توك تسأل ، يالله معذور بنشوف آخرة هالظروف وليد : هههه ما عليه فديتج سامحيني ، ها بتسيرين خطوبة ربيعتج ولا ؟ منال : هيه اكيد بسير ولا بتزعل مني ، اممم حبي متى ناوي تخبر أمك عني وليد : والله ماعرف فديتج كيف اصارحها ، اخاف ترفض عسب جيه متردد منال : لاني مطلقه صح وليد : لا ي قلبي عادي والله وانتي تعرفين هالشي بس ... منال : لاني اكبر منك بعشر سنين صح وليد يتنهد : آآآه يارب ، الو ،، منال ، الو ...!!! منال تسكر الفون تصيح حيل : يارب والله صعب هالابتلاء والله ميره (آخر العنقود وتعتبر منال أمها وعمرها ١٦) تحضنها : اختيه تكفين لا تصيحين ، وان شاء الله بيكون من نصيبج منال : انتي بعدج صغيره وهب فاهمه لهالحياه ، صعب ف زمننا يستوي جي صعب ميره : اي صغيره منوله انا الحول بدش ثانوية عامه ، أصلا لو اميه وابويه عايشين ماستوى فينا كل هذا يمعه : هود خواتي ، بلاكن قالبات حزن ، جيه ونا وين سرت منال : انت تاج راسنا ي اخويه ميره بعصبيه : أصلا لو كنت تشتغل جان ما انذلينا جيه للناس وكل حد يعق علينا من صوب منال : ميروه انجبي ولا كلمه يمعه بحزن : خليها منال وهي صادقه بس شسوي اختيه ، الجيش والشرطه ما يبوني عسب الإصابة اللي ف ركبتي وكم مره قدمت ف الدواير الحكوميه وماشي فايده ، وكاني احاول قد ما اقدر أصيد ف هالسمك وأبيعه ميره تحضنه وتصيح : سامحني اخويه انا آسفه منال : انزين انا ياتني فكره حلوه بنطلع من ورآها بيزات ،،،،، ف بيت بو عبدالله عبدالله يدخل حجرته ويحضن عايشه من ورى عايشه تصارخ : ااااااه !! عبدالله !!! خوفتني انت متى ييت ما حسّيت بك ، احينه كنت يالسه ازهب ثيابك عبدالله : هههه هيه شفت ميود برع وقلتله يتوكل ، ربع حمود هناك عنده ف قلت بي البيت أسبح وبعد تبين الصراحه اشتقت لويهج الحلو ي حلو عايشه تستحي ويحمر ويهها : ههه مكار عبدالله : مكار بس احبج هههه (ويقرب منها ويحضنها حيل ويبوسها ع خدها ويخاشمها) آه فديت انفاسج هدى تدخل : عوااااش ، اوه ! شت !!!! آسفه ما كنت اعرف انك هنا ، برب قصدي باي عبدالله : هههههههه برب اونه ، خربت علينا الدووبه، تعالي حبيبي يلسي بقولج شي ، شرايج عقب ما يقوم حمود بالسلامه نسافر لندن عايشه : لندن ! غريبه ودوامك ؟ وبعد هب ع أساس حرمتني من شهر العسل بسبته ... ويقاطعها عبدالله : هيه بس لانه عندي شغل ف لندن جيه مال أسبوعين وباخذج ويايه وبنتمشى شوي كلما حصلنا فرصه وخلهم بعد يشوفون حرم سعادة عبدالله شكثر حلوه ، يالله قومي قفلي الباب عن تدخل اميه هالمرة ههه ،،،، ف بيت بو مايد نوره : ألو ها مزنوه بلاج حاشرتنيه ولا مليون مره متصله مزنه : اقولج نوير انا مضيعه حمرتي الورديه دوريها يمكن ف جنطتج تراها غاليه وما استخدمتها الا اليوم ، بموت لو ضاعت نوره : موتي واااالله انا احينه تحريت فيج شي كل ها عسب الحمره غربلاتج ، صبري بشوف ، اويه !! شو ها !! مزنه : بلاج خوفتيني ! نوره : الخايس حاط لي رقمه ف الجنطه ونا اللي اعتبرته ريال ، تفوه عليه كلهم الرياييل نفس الشي مزنه : هههههههه حرام عليج نوير يمكن صدق يحبج نوره : خل يشوف روحه قبل من حلاته ، هذي هدوه تتصل ويت بشبكها هدى : هاااي جيرلز ، ما خبرتكم شو سويت شو خبصت هههههه والله فشله مزنه : أقول هدهد ما حصلتي حمرتي الورديه نوره : متفيجه انتي خل نسمع شو عندها هدى : هيه مزنوه عندي عيبتني وشليتها هههه ، سمعو انزين دخلت عند عواش الحجره وأشوف عبود حاضننها وطايحين .... ف بعض ههههههه مزنوه : اويه قولي والله هههههههه نوره : ايه عيب ما تستحن انتن ، انزين وعقب شو صار هههههه ،،،،،، بعد أسبوع صوب بيت يمعه يمعه : السلام عليكم يالربع ، يالله ميود حرك خل نلحق ع الفيلم وليد : والله انا هب متشجع له ، خل نشوف اكشن احسن مايد : شدراك انت ، ها سلمان خان والكل يمدح فيه ف هالفيلم وليد : بنشوف عاد يمعه : هيه صح اندوكم هالبطايق وعطو خالاتي ورضيعاتكم مايد : شو ها ، سويت آند سولت ، بنكهه اماراتية ميه بالميه ، امنو هاي ! يمعه : الرضيعه مسويه جيه تجاره صغيره تطبخ ف البيت وجيه ، عاد هالله هالله بالدعاية الزينه وليد بضيق : ميود وقف بنزل مايد : هاه ! بلاك ! وبعد نحن ف نص الشارع وين أوقف وليد يصارخ : قلتلك وقف ولا ببطل الباب وبنزل ،، ويوقف مايد السياره وينزل وليد ويسكر الباب بقوه يمعه : بلاه الريال تخبل وانت ايه وين ساير تعال ، السيايير ورانا طابور مايد : أقولك لف الدوار وتعال ، بشوف سالفته وليد يصارخ : الووو انتي بأي حق تطبخين للناس بدون شوري ونا آخر من يعلم ، مستويتلي طباخه آخر زمن ، يعني البيزات اللي اطرشها لج ما يسدنج منال : ليش والألفين يسون شي ف هالزمن !! لا تنسى اخويه ما يشتغل ، هذا غير مصاريف ميروه وليد : ترا عندج مال الشؤون ، عنبوه شو تسوين انتي ف البيزات ، سمعي منالوه هالشغله ودريها عنج والا منال : وإلا شو ي وليد ها ! بتخليني ! بتسوي خير ع فكره ، حب ع الفاضي حتى رمسه لامك ما رمست ورفضت ياما عشانك واحينه ما يهمني اللي بتسويه ، ما يهمني غير هلي سامع وليد : اوك ي منال انتي الخسرانه ( ويسكر ف ويهها ويلتفت ورآه) : مايد !!! مايد : رضيعة يموع عاد ! ربيعك !! ما شفت الا هاي تلعب عليها مسكينه وليد يتوتر : ميود انت تعرف انزين اني هب مال هالسوالف ونا احبها واباها ع سنة الله ورسوله بس الظروف أقوى مني مايد : اي ظروف ان شاء الله وانت أصلا كيف تفكر فيها وهي اكبر منك بوايد وليد تدمع عيونه : ترا هاي هي الظروف ونا هب بايدي والله اني احبها والله يمعه يصارخ : هي شباب يالله بيطوفنا الفيلم مايد : اوك يايين ، (ويحط ايده ع كتف وليد) ترا الحب هب عيب اذا صدق تباها وهب عيب بعد هي تشتغل وتشوف عمرها حتى لو طباخه احسن من انها تمد ايدها للغير وبعد الكل يطبخ احينه شدراك انت ، بس شوف اذا صدق ما تقدر تاخذها قولها من الحين ولا انك تلعوزها وياك ،،،،،، بيت بو عبدالله ام عبدالله : نورت البيت حبيب قلبي هدى : الحمدلله ع سلامتك الغالي ام مايد تفر الحلاوه والبيزات : الحين نور البيت محمد : انزين خالوه شوي شوي راسي هههه عبدالله : فديت هالضحكه ي اخويه (ويبوسه) يعلها الجنه يارب ، عواش تعالي ليش واقفه بعيد مزنه : الحمدلله ع سلامتك حمود الحين بس نور البيت نوره : هههه عياره بو عبدالله : خل عنكم السوالف وسيرو زهبو الغدا يالله يوعتونا ههه بو مايد : وينه مايد عيل نوره : سار السينما ابويه ناصر : وها وقته بدال ما ايي يشوف ولد عمه نوره : والله كيفه مالك خص انت ناصر : اها جيه تسوين ف خطيبج ما عليه ، ألو هلا عواس انت برع ، يالله الحين ياي مزنه : بلاج ع اخويه ههههه سمعتي عيسى برع واكيد جاسم وياه ، تعالي نشوف من الدريشه نوره : مزنوه هدي ايدي اقولج ماشي شغله شو افف مزنه : شفتي هذوه العاشق الولهان ههههه راشد : جسوم ناظر الدريشه بسرعه جاسم : وافديت هالشوفه ، تتوقع شافت الرقم راشد : اكيد ولا ما يات تشوفك من الدريشه نوره : شت الله ياخذج مزنوه ، زين جيه شافونا ، احينه شو بيرمسون عنا مزنه : خل يرمسون ، اروحنا كنا نشم هوا ، وبعد تعالي ليش نصور قال خطيبج هاه نوره : مالت عليج وعليه افف عايشه : اميه حاسه بدوخه وتعب وراسي ثقيل ام مايد : بسم الله عليج اميه شفيج تعالي يلسي ، نوير ركضي ييبي ماي بسرعه ام ناصر : شفيها عواش عسى ما شر وتركض عايشه الحمام وترجع ام مايد : بسم الله ع بنتي عن يكون حامل ام عبدالله : ما ظنتي اختيه ما مداهم ، بسير أشوفها تغدو انتو عايشه : لا بس لاني من الصبح اشتغل للعزيمه وما اكلت شي لا تحاتين خالوه ام عبدالله : وهاي سواه تسوينها يالله هاتي ايدج وخل نسير نتغدا ويغمى ع عايشه فجأه !! وجان نخلص البارت ، ان شاء الله يكون عيبكم Like رد مع اقتباس إقتباس متعدد لهذه المشاركة الرد السريع على هذه المشاركة #5 أضافة تقييم إلى فيتامين سي تقرير بمشاركة سيئة قديم 29-04-16, 02:09 AM الصورة الرمزية فيتامين سي فيتامين سي فيتامين سي غير متواجد حالياً مراقبة عامة ومشرفة منتدى الروايات المنقولة البارت الرابع عبدالله يبوس راسها : الحمدلله ع سلامتج حبيبي خوفتيني عليج عايشه : انا وين ! وشو صار ! وينها اميه ! عبدالله : حجرة حمود لانها تحت وأقرب مكان ، أغمى عليج من التعب واتصلت ف الدكتور ووصفلج هالمغذي اللي مركب ع ايدج ، والاهل كلهم يالسين برع وخلوج ترتاحين عايشه : ابا أسير حجرتيه هب مرتاحه هنا ، احس المكان غير عبدالله : ما عليه من يخلص المغذي بشلج فوق ،(يناظر ف عيونها) احبج عواشتي ،،، عايشه تصيح عبدالله يحضنها ويمسح ع شعرها : اششش اهدي حبيبي كل شي بيكون بخير ومن اليوم وساير انا بنفسي بشرف ع اكلج اوك ونا عاد قلت سوي ريجيم بس هب تذبحين عمرج هههه يالله أرقدي احينه وارتاحي لين يخلص المغذي انزين ، انا بسير الميلس عند الرياييل (ويبوس راسها ويظهر) ،،،،، ميلس بيت بو عبدالله ..... : سلامات ي محمد ما تشوف شر ان شاء الله والسموحه يات متأخره محمد : معقوله انتي ! وها رقمج ! ولا انا احلم ..... : كيف صار هالشي كيف انت تغرق !! خبرنيه محمد : اولا قدر الله وما شاء فعل وثانيا تعرفين عرس وجيه وطول الوقت اشتغل ومواصل ما ياني رقاد وف الطراد حسّيت بكتمه وطحت وماشوف عمري الا ف المستشفى ناصر : ها حمود شو عندك ، كل شوي يصيح فونك ، حق امنو اطرش مسجات محمد : أقولك نصور اقلب ويهك يالله ههه ناصر : أفا ما عليه ي ولد الخاله هههه ، يالله عواس وين البته خل نلعب ويا الشواب ونغلبهم بو عبدالله : الشواب اللي مب عايبينكم هم اللي بيغلبونكم عبدالله : ايوااا عاش ابويه هههه جاسم : شت رشود تعال شوف طرشتلي مسج ( انت كيف سادح رقمك ف جنطتيه ) وافديت رمسة أهل بوظبي راشد : ههههه تخبل الريال ، بس ليش هم اصلهم من بوظبي شو جاسم : عواس خبرنيه امهاتهم من هناكي وماخذين اخوان الا ام نصور بس يات تسكن هنا قريب خواتها عقب ما توفى ابوه الله يرحمه ، ما علينا شو أرد عليها شو اكتب ! احس قلبي يدق بقو راشد : وافديت قلبك هههههه ،،،،، ف الصاله ام ناصر : مزنوه ما بس من اللعب بالفون من متى ، سيري يالله ييبي لنا المكسرات من المطبخ مزنه : ههههه ان شاء الله اميه ام عبدالله : بلاج اختيه مضيقه ام مايد : احاتي بنتي فديتها ، مزنه حبيبتي دامج واقفه مري على عواش وإذا واعيه خبريني هدى : أقول نوير هاي مزنوه حق أمنو يالسه اطرش مسجات من متى نوره : شدرانيه فيها سأليها هدى : عنبوه بلاج معصبه انتي بعد مزنه اتي ركض وتيلس صوبهم : معصبه من بعض الناس ههه ، صح خالوه ، عواش راقده ام عبدالله : الحمدلله عسبت ترتاح مسكينه هدى : قومن نسير حجرتيه احسن ف الميلس ..... : حسّيت روحي بتظهر من عرفت بالخبر محمد : بسم الله ع روحج ، شحالج انتي طمنيني عنج ..... : آه ي محمد غديت جسد بليا روح جاسم : زين جيه رشود خليتني اكتب معجب فيج وردت علي مالت عليك راشد : تستاهل جاسم : ها اللي ياخذ شورك ، اروحي بكتب لها احسن عيسى : يالله اسمحولنا نحن بنسير وأكرمكم الله ، يالله جسوم قم بو عبدالله : ع وين ي ابويه استريحو بو مايد : انا بعد بسير اصلي العصر وبويه صوب النخل اشوف حلالي ناصر : اصبر عمي انا بوديك ، حمود عقب ما تصلي أرقد وارتاح داخل لانه اكيد فليل بيون الناس يتحمدون لك بالسلامه عبدالله : هات ايدك ي اخوي انا بوصلك لباب حجرتك ، اوه شت نسيت محمد : بلاك ! عبدالله : حرمتيه راقده ف حجرتك ، عيل اصبر بسير اوعيها محمد : خلاص خلها انا برقد ف الميلس عبدالله : لا شو بسها رقاد ، لازم تقوم ورانا مشاوير محمد : مشاوير شو وهي تعبانه عبدالله : عندي صفقه ف لندن وبخذها ويايه عسب جيه لازم نسير السوق ناخذلنا ملابس محمد : لا تستهبل عبود اروحها مريضه عبدالله : يالله زين اروحي بشتري لها احسن لانه ذوقها ما يعيبني محمد : أقولك اطلع خلني أرقد عبدالله : حد يقول جيه لاخوه هههه يالله ما عليه بس لأنك مريض ، احلام سعيده ،،،،، ف حجرة هدى نوره : انتي ي الخايسه ما بتيوزين مزنه : والله ترانيه متسبحه ههههه هدى : تعالن وبسكن ضرابه وشوفو شو كاتبين عن عرس اخويه ( وقد حضر حفل الزفاف العديد من الشخصيات الهامه من شيوخ وأمراء بعض الدول وفي نهاية الحفل ركبت العروس في عربة أحلامها الشبيهه بعربة سندريلا ) مزنه : آه ي حمود متى بتاخذنيه وبتسويلي جيه بعد نوره : هب خبيل حمود عسبت ياخذ وحده شراتج هههههه مزنه : ليش ان شاء الله شفيني ، الحمدلله جمال ودلال واناقه واتيكيت ، هب شراتج انتي وعواش مال اول نوره توقف : اوك مشكوره عن اذنكم انا برد البيت (وتظهر عنهم) هدى بعصبيه : مزنوه تستهبلين انتي ليش جيه تقولين !! مزنه : لانه هذا الواقع ، عيل شحقه ما اشترت شراتنا جنطه من السيتي هاك اليوم لأنهم فقارى وها غير ما يعرفون للموضه ونا اروحي سامعه امج ترمس اميه وتقول لو عواش هب حلوه جان ما خذها اخوج الخقاق العود لانه يبا وحده ع الاتيكيت عسب منصبه هدى : بس خلاص مابا اسمع شي ، انا ما ارضى ترمسين عنهم جيه والفقر هب عيب ي مزنه والحين لو سمحتي خليني اروحي ،،،،،،،، ف بيت يمعه ميره : ليش ما تردين ع اتصالاته منال : مرتاحه جيه ميره : علينا هههه منال : نشي يبيلي السكر خل اخلص هالطلبيه ، وسيري شوفي امنو يدق الجرس ميره : وليد !!!! تستهبل شو يايبنك هنا وأخويه محد ، عن ايي ويشوفك وليد : اعرف انه محد ، ف البحر ، سيري ازقريها ولا بدخل لها داخل منال تسمع صوته : نعم خير شو تبا وليد : آسف منال تنزل دموعها : عيش حياتك وليد انت تستاهل وحده اصغر واحلى ، نحن ما ننفع لبعض وليد يحط ايده ع حلجها : مابا اسمع هالرمسه سامعه و(تنزل دموعه) سامحيني حبيبي حقج علي بس لا تخليني ماقدر أعيش بدونج منال بضيق : مسموح بالحل ، خلاص سير قبل ايي يموع ويشوفك وليد : ان شاء الله بس خذي هالظرف وخليه عندج ، فداعة الله حياتي ميره : شفيه الظرف منال : خمس آلاف درهم ميره بضيق : لين متى يعني بنتم جيه ، وين كرامتنا منول منال : ثلاث سنين ونا اعرفه ميروه هب ثلاث شهور ، وعمري ما حسّيت بمذله او حتى هو فكر يذلني ، وليد محترم حيل وان شاء الله ربي بيحققلنا حلمنا ،،،،،،،، ف حجرة محمد نوره تحضن عايشه وتصيح : نوير !! شفيج ! عسى ما شر نوره : ما فيه شي بس خليني ف حضنج يدخل عبدالله : اوه عواش متى قاميتي ؟ نوير ! بلاج ؟؟؟ نوره تمسح دموعها : ما فيني شي بس كنت خايفه ع اختيه عبدالله : ههه والله انتو البنات صياحات ، هذي جدامج بخير وما فيها شي والحين بخوز عنها المغذي ، شو حبيبي احسن احين ؟ عايشه : فديت اختيه الحساسة اموت عليها و(تبوسها) الحمدلله عبدالله احسن بوايد وخاطريه حتى ف كابتشينو نوره : بس جيه ! احين بسويلج بس ممكن تباتين عندنا اليوم ، الله يخليك عبدالله خلها ترقد عندنا مشتاقتلها عبدالله : ايوااا بدينا عاد ههه اوك ما عليه بخليها لانه ورا باجر بنسافر لندن ان شاء الله وعقب بظهر وبخذلنا ملابس عن البرد نوره : الله كشخه ي حظكم عبدالله : اوعدج ي نوير من احصل فرصه ع جدام بوديج مره ثانيه ويانا اوك وحتى بنشل الأهل كلهم يغيرون جو ،،،،،،، ع البحر جاسم : افف لاه راشد : بلاك ي ريال جاسم : اتفقنا نسير نلعب كوره وللحين محد يا وينهم راشد : اصبر انزين بلاك مستعيل ، وبعد هب بنت جيه تسويبك هههه جاسم : بس هذي هب اي بنت ، من الظهر ونا أتريا مسج واحد منها ، اخاف زعلت راشد : دامك ما قلت شي غلط لا تحاتي ، يالله قم يو ربعنا جاسم : إلعب انت انا برد البيت ، السموحه شباب ، سلام ،، اوه اخيرا ردت ، انا حيل مضايقه ، بلاها ! انزين عادي اتصلبج؟ جاسم مرتبك : هلا قصدي السلام عليكم شحالج علومج شو اليديد أأأ ممم ردت عليه : ههههه شفيك مختبص، انا بخير الحمدلله جاسم : عسى ما شر مضايقه وجي ، امم فيني ولا فيج ردت : لا تحاتي ، بس اضاربت ويا بنات خالاتي ، انزين انا بخليك احينه ما فيني أطول جاسم : أفا ما شبعت منج ، هههه اوكيك سلام ،، آه فديت هالحس والله ،،،،، ف بيت بو مايد عايشه : ادخل ولا بزي ، ولا خلصي من الرمسه وبييج عقب نوره : لا اختيه تعالي خلاص سكرت ، هاي كانت هدوه تطمن علي عايشه : اها اممم انزين اختيه الحلوه ما بتخبرنيه ليش كانت تصيح مساعه نوره : نحن ذنبنا انه فقارى او هب ع الموضه ع قولتهم ؟ عايشه : ع قولتهم ! ليش شو قايلين لج ومخلينج تصيحين هاك الصياح نوره : ولا شي بس الله يسامحهم عايشه : اهم شي قلوبنا طيبه وما نحقد ع حد مهما اذونا وضايقونا ، والواحد ف هالزمن صار غصبن عنه يجاري الموضه ولا طاحو فيه هههه نوره : هههه ، تصدقين اشتقت لعيال اخويه ، ماعرف شو يسوون احينه ، يا ترا ياكلون زين ولا لا وبعدهم مسلمين ولا لا عايشه : الله يعين اخويه المسكين ، ما تدرين كيف حالته ، بنكمل ثلاث سنين احينه ، انزين شرايج نخلي ميود يودينا السينما اليوم نغير جو مايد يدخل عليهم : احم احم اسمع اسمي ، تصدقون توني راد من السينما ف لا تحلمون ههههه نوره : حرام عليك ميود من زمان ما سرنا وأنتو أبد ما تظهرونا مكان ، كله بس ويا ربعكم ، ماحبك مايد : ههههههه انزين انزين عنبوه ، قومن تلبسن بس اختارن فيلم حلو سامعات ، هب رومنسي ومصخره ههه ،،،،،،،، ف ميلس بو عبدالله مزنه : حمودي قوم بسك رقاد (وتلعب بشعره) فديتك حلو يوم راقد محمد ينتبه ويقوم : ايه انتي شتسوين هنا !!! تخبلتي ! ما تخافين حد يشوفج مزنه : بلاك حمود انزين ، محد هنا وبعد اشتقت اسولف معاك اروحنا ف ييت محمد : مزنوه عن الخبال يالله نشي سيري عن حد ايي ويشوفج مزنه : آخ فديت اسمي ع لسانك ، ان شاء الله احينه بسير ويدخل ناصر : مزنه !! شتسوين هنا