الفصل 1
البارت الاول ،
ام عبدالله ( كانت مديرة جمعية سيدات الامارات ولها مكانه ف المجتمع) : الله يبارك فيكم حبايبي نورتونا ، يالله ابويه عبدالله قومو عسب نزفكم
وغنت الفرقة : خذها أمانه ي حفيظ الأمانات ، أغلى الغوالي ف يدينك أمانه
وزفو عبدالله وعايشه بعربة شرات السندريلا بس مسكره وتقودها الخيول وكانت وراهم عشرات السيايير اللي تهرن واللي تخمس واللي طالعين منها ويرقصون ، كانت ليله من أحلى الليالي
ف فندق اتلانتس دبي
عبدالله (رجل أعمال معروف ابيضاني طويل وشعره ناعم لآخر رقبته وعمره 26) : مبروك عليج انا
عايشه وبكل حيا ( طولها وسط ، حنطيه وعيونها عسلي وشعرها بني فاتح طويل لآخر الظهر وعمرها 23) ومبروك عليك انا ههه
عبدالله يمسك ايدينها ويبوسها عقب يقرب منها ويبوس خدها ويهمس لها ف أذونها : احبج عواشتي
عايشه تغطي ويهها بايدينها من الخجل
عبدالله : لا لا خليني اشوف هالجمال ، فديتج وأخيرا استويتي حلالي
عايشه : ترانيه حلالك من يوم ملجنا
عبدالله : بس احين غير ف حجرة وحده
عايشه : ههههه جب
عبدالله يوقف وراها ويفتح لها فستان العرس من ورا ، وكلما يفتح يبوس ظهرها لين آخره ، ويطيح الفستان ع الارض
وتلتفت عايشه عليه : برد
عبدالله : الحين بدفيج ي بعد عمريه
ويحضنها حيل ويشيلها ويحطها ع السرير
عبدالله : اول مره اعرف انه عيونج حلوه جيه
تضربه ع كتفه : ههه عيار
يبوسها ع يبتها ، خدها ، ......
،،،،
ف بيت بو عبدالله
ام عبدالله : الو حمود ما بس من هالتخميس حشرت الييران يالله تعال ادخل البيت بسرعه
محمد ( عمره 25، اسمراني فاتح ومعضل وشعره سبايكي ويشتغل ف الجيش يحب الغوص ويدرس برع) : اميه تراه عرس اخويه العود وأول عرس يستوي عندنا لازم أفرحله
ام عبدالله بعصبيه : والفرح يباله تذبح عمرك يعني
محمد : بلاج فطومه تصارخين هههه خلاص احين بي ، اقولكم ي الربع مع السلامه نزلو من موتريه
ناصر (ولد خالة محمد وعمره 23 ويشتغل ف ادنوك) : من حلاة موترك وبلاها الحب فطومه معصبه
محمد : جب نصور انا بس ادلع اميه هههه يالله نزلو
ناصر : وتراها خالتيه من حقي ادلعها بعد هههه
عيسى (صديق محمد) : انتو الاثنين أساس الاجرام انا بري منكم ههه ، آخ تكسر ظهريه اسمنك ما تعرف تسوق
محمد : أفا احين انا ماعرف أسوق وبعد لو تقبظت زين ما كنت بتتعور
بدر (صديق ناصر) : اسكت ي ريال كان بيزوع عليه ههههههه
ناصر : عقبالك حمود
محمد : ايواا ع طاري عقبالي خبر اللي بالي بالك اني ما أفكر احينه ف لا اتعب اروحها هههه يالله شباب تصبحون ع خير
،،،،
ف بيت بو مايد
بو مايد (ريال شغله كله ف العزبه وع قد حاله وحيل طيب) : خلاص بسج صياح الا هذوه البيت كم من خطوه
ام مايد (ربة بيت وتحب عيالها وايد) وهي تصيح : انت أصلا قلبك قاسي ، هاي عين السيح فديتها كانت مونستني
نوره (صف ثالث ثانوي وقصيره ومربربه وشعرها اسود وعيونها سوده وبيضه) : انزين اميه هي لا بتم دوم عندنا ولا انتي ما ودج تشوفين احفادج
ام مايد : ودي ي اميه ودي ، فديتها بنتي (وترجع تصيح)
بو مايد : هههه انا بسير أرقد احسنلي ، يالله بابا نوره سيري أرقدي الساعه 2
نوره : لا ابويه انا بتم عند اميه طشونه ما يهون عليّه اخليها جيه
ام مايد : يوم اقولج قلبه قاسي
بو مايد يقرب منها ويبوس راسها : تصبحين ع خير ي قمر
نوره : أوب أوب امنو قدج أمايه ههههههه
ام مايد : عيب ي بنت هههه ، اتصلي ف ميود شوفيه مدري وين سار من عقب العرس
،،،،،
ف المقهى
وليد (صديق مايد وهم وايد ويا بعض ويشتغل ف التنمية وعمره26) وهو يفر عصا البلياردو : بس لاه مليت خل نرد البيت
مايد (محامي شاطر و وايد يحب أهله عمره 30) : اصبر عاد وليدوه بس دور واحد
يمعه (صديقهم اللدود) : هيه طبعا ميود لأنك انت الفايز ، انا بعد مليت وصدري عورنيه من الشيشه خل نسير البحر شوي نشم هوا
وليد : وانت مب ناوي تودر هالسم اللي تشربه
يمعه : انت تعرف الوضع زين وكيف العلاج غالي
مايد : انا قلتلك كم مره مستعد اعطيك من الألف لين العشره بس انت معاند
يمعه : ونا مابا منه من احد
مايد : أفا يموع جيه ترمس عن ربيعك ! يعني معقوله بتمنن عليك !
وليد : اصبر ميود ، انزين يموع كاهي مستشفيات الحكومه ما تقصر بس أصلا انت ما تبا
يمعه بعصبيه : الحين بتسيرون ولا أسير اروحي
مايد : سيرو ارواحكم انا برد البيت تأخر الوقت ، فداعة الله
وليد : زين جيه خليت الريال ياخذ بخاطره
يمعه : يعني انت ما تسمعه كلما قلنا شي بيزاتي وبيزاتي جنه محد عنده بيزات الا هو
وليد : ميود أبد مب جيه تفكيره ، ومسكين ع نياته ، يالله انا بعد بسير البيت سلام
وليد : ميووود وقف خذني ف طريقك
مايد : عيل جيه ما تميت وياه
وليد يشغل الإذاعة وكان الجسمي يغني : بودعك يا الضنى انا وبخليك ، عسى عيونك ما تشوف النكاده
مايد تنزل دمعته
ويقوم وليد ويبنده : السموحه ميود
مايد : انت مالك ذنب ، حسبي الله عليها ااااخ يارب ساعدني ( ويحط راسه ع السكان ويصيح حيل )
وليد : اهدا ميود واذكر ربك وان شاء الله بتحصلها ، عشاني اهدا، انزل يالله خلني بسوق عنك
،،،،،،
ف الفندق
عبدالله : يالله شوشو نشي بسج رقاد ، عقب جيه ما بنستانس بشهر العسل
عايشه : ليش الساعه كم ؟ فوني وين ، ياه بعدها تسع وراقدين الفير لاحقين ع الحواطه
عبدالله : نشي يالله عن الدلع انا دافع بيزات حق شركة السياحه هب ببلاش
عايشه مصدومه : ان شاء الله
عبدالله : الو هلا اميه ، ههههه هيه ، والله الحمدلله كلنا بخير ، توها دشت تسبح بخليها ترمسج عقب
،،،،،،
ف بيت بو عبدالله
ام عبدالله : فداعة الله حبيبي ، اسمنه هالولد موعي حرمته من الصبح عسب يحاوطون بدال ما يخليها ترتاح شوي
بو عبدالله (تاجر راعي حلال ومشهور بتجارته ف البلاد) : يالله بصباح خير هههههه
محمد : الحمدلله
ام عبدالله : ع وين ! كمل ريوقك اميه
هدى ( آخر العنقود والبنت الوحيدة ، دلوعه ابوها ، حنطيه وطويلة شوي وشعرها قصير) : صباح الخير ، اصبر حمود عسب تودني الامتحان ، يالله فداعة الله
بو عبدالله : انزين تعالي آكلي لج شي
هدى : لا ابويه هذا امتحان آيلتس ولازم أكون مصحصحه والاكل يرقدنيه
محمد : يالله هدهد ، نصور يترانيه بنسير البحر تأخرت عليه
ام عبدالله : تحملو بعماركم اميه ، خل اتصل ف اختيه ام عايشه البارحه كله تصيح ف العرس حليلها
،،،،،
ف الفندق
عبدالله : شو لابسه انتي ! هاي عبايه جيه
عايشه : ليش شفيها !!
عبدالله : انا بختارلج ويت ،،،، عنبوه شو ها كله اسود ف اسود
عايشه والدموع ف عينها : فيه بني وكحلي
عبدالله : بس عيل ، اف كله ألوان غامقه ، انا أحب الألوان الفاتحة ولازم حرمتيه تكون كاشخه شراتي
عايشه : ان شاء الله
عبدالله : امري لله يالله نظهر بس حطي ف بالج من انرد البلاد بوديج انا المحل وبختارلج عبي ع ذوقي ، اباج جيه
تكشخين شرات المذيعات اللي ف التلفزيون
عايشه : لا والله شقصدك
عبدالله : بعد شو ولا هب عايبنج ، انا رجل اعمال وأحب الحرمه الاتيكيت وكلام زياده ف هالموضوع مابا
،،،،
ف المعهد
نوره : هدوه بشري شو سويتي
هدى : الحمدلله كان سهل بس الريدينق غربلاته افف
نوره : انا قهرتنيه مالت السبيكينق مول ما تشجع الواحد ، الله يستر
مزنه ( اخت ناصر وتحب تهتم بلبسها وكشختها ضعيفه وطولها وسط وبيضه) : هلا ببنات خالاتي شحالكن وشحال الامتحان ، انا زفت كالعاده هههه
نوره : شاطره هههه
هدى : انا يوعانه شرايكم نخطف ع السيتي ، ويت بشوف حمود جان بيي
مزنه تصارخ : اويه حمود ياريت يالله اتصليبه
نوره : عيب ثقلي انتي ما تستحين شو هههه خبله
هدى : يعطيني مغلق ! اوه صح قال بيسير البحر ، خلاص مزنوه اتصلي ف دريولكم
مزنه : اف امري لله
،،،،،،
ف بيت بو مايد
بو مايد : شفيك ي ولدي ي مايد ماحيدك تستسلم جيه
مايد وهو يصيح : تعبت ي ابويه خلاص راحو مني خلاص
بو مايد : اذكر الله وان شاء الله بنحصلهم
مايد : بس كيف ي ابويه وهي غيرت اسمها واسم عيالي وقمت لا اعرف لهم لا ارض ولا سما
ام مايد : لنا رب فوق ما ينسى عباده وبنحصلهم باذن واحد احد ،،، ألو هلا اختيه حبيبتي حيابج
هههه هيه والله سويتلهم مناحه أمس وأبوها فالح بس يضحك عليه ، والله استحيت اتصل قلت يمكن رقود ، والله !! هذا عبود شكله بيعذب بنتي هههههه ، بشوفهم وبردلج خبر ، فداعة الله حبيبتي
مايد : بلاه عبود
ام مايد : ماشي بس مقوم اختك من الصبح عسب يتمشون ههه انزين اختيه عازمتنا ع الغدا شرايكم
بو مايد : والله اهم شي اعبي الكرشه هههه
مايد : سيرو انتو اميه انا مالي خلق لشي
ام مايد : ي اميه لين متى بتم جيه ترا عوقك عوقنا بعد لكن نحن مسلمين امرنا لرب العالمين وانت لازم تفوض امرك لله وتتوكل عليه
وان شاء الله خير
مايد : والنعم بالله لكن صدق مالي نفس مره ثانيه ان شاء الله
،،،،،،
ف المول
... :صوبنا ي حلو
نوره : أقولك اقلب ويهك لا اييك راشدي يطيرك
.... : هههههه خفي علينا سوبروومن
هدى : نوير طنشيهم ما فينا ع المشاكل ، يالله نسير المطاعم ناكل ونظهر من هنا بسرعه
مزنه : لا اصبرو خل ادش هالمحل عايبتني الجنطه المعروضه عندهم
هدى : انا بعد عيل باخذلي وحده ، ما تبين نوير ؟
نوره : لا شو وايد غاليه بيعورنيه قلبي اذا اشتريتها
مزنه : ي ابوي دلعي عمرج لو مره ف العمر
نوره : بالعافيه عليكن
،،،،
ف الموتر
عبدالله يمسك ايدها ويبوسها : طول الدرب ساكته عن يكون زعلتي مني ، لا تلوميني حبيبتي لكن ابا حرمتي تكون احلى وحده ف الكون
عايشه : لا ما زعلت بس كنت أفكر ف هلي اشتقتلهم
عبدالله : أفا ليش مليتي مني
عايشه : لا عبدالله بس بتصلبهم من نرد الفندق ان شاء الله
عبدالله : انتي ما تلاحظين من يوم الملجه ولا مره قلتيلي احبك ولا حبيبي ، كله تزقريني باسمي
عايشه : ههه امّم استحي وبعد ان شاء الله بيي وقته وبيظهر هالكلام كله اروحه من الخاطر هب لازم تطلبه
عبدالله : بنشوف الأيام بيننا هههه ،امنو بعد يتصل ويخرب علينا ههه، الو هلا نصور شوووو!!!! كيف ! وهو بخير ! كيف صار جيه !! حمود احسن غواص
عايشه بخوف تمسك عبدالله : اويه حمود بلاه
عبدالله : اوك انا الحين راد البلاد باي ، غرقان واحينه ف العناية آه يارب قومه بالسلامه يارب ، شت ابويه يتصل الو ها ابويه هيه دريت الحين راد البلاد ، لا تحاتي ابويه هو بخير بس لازم يطمنون عليه اكثر ، والله ابويه صدقني بيكون بخير اعرفه حمود أقوى من جيه
عايشه تصيح
عبدالله : اهدي عواش اروحي متوتر دخيلج اهدي ان شاء الله بيقوم بالسلامه
وخلص البارت الاول وان شاء الله يكون عيبكم ، انتظر تعليقاتكم ^^
Like
التعديل الأخير تم بواسطة فيتامين سي ; 29-04-16 الساعة 12:10 PM
رد مع اقتباس إقتباس متعدد لهذه المشاركة الرد السريع على هذه المشاركة
#3 أضافة تقييم إلى فيتامين سي تقرير بمشاركة سيئة
قديم 29-04-16, 02:05 AM
الصورة الرمزية فيتامين سي
فيتامين سي فيتامين سي غير متواجد حالياً
مراقبة عامة ومشرفة منتدى الروايات المنقولة
البارت الثاني
ف بيت بو عبدالله
ام عبدالله تصارخ : ي حبيبي ي ولدي بيروح مني
ام ناصر (ارمله وتشتغل سكرتيره ف المدرسه) : أستغفري ربج اختيه شو هالرمسه ادعيله يقوم بالسلامه
ام عبدالله : ودّوني عنده ابا اشوف ولدي حشاشة يوفي ااااه يارب
ام مايد : ما بيدخلونج اختيه العناية ممنوع وبعد الحمدلله هو بخير ما فيه شي وشوي وبيظهرونه لا تحاتين
بو عبدالله : يالله انا جهزت خل نسير
ام عبدالله : دخيلك بو عبدالله ودني وياكم ابا اشوفه دخيلك
بو مايد : لا حول ولا قوة الا بالله ، يالله قومو كلنا بنسير بس اذكرو ربكم وادعوله الصياح ما بيفيده
مايد : يالله ابويه السياره جاهزه
،،،،،
ف المول
مزنه : نوير شوفي هاك الولد ما خوز عينه عنج من يلستي
نوره : شكله صدق يبا ينظرب
هدى : ايه يلسي وين سايره لا تفضحينا ، علامج اليوم مستويه عصبيه ، هب امتحان ها سوى فيج جيه
نوره : افف لا تذكريني فيه ، انا ثالث مره امتحنه خلاص تعبت ، ألو هلا أمايه عسى ما شر بلاج تصيحين ، بلاه حمود!
هدى ومزنه يصارخن : بلاه حمود !!!!
نوره : سكتو فضحتونا ماشي متعور شويات ، نشن يالله خل نسير المستشفى
راشد (طيب وحبوب وما يرضى ع ربعه) : بسك خوز عينك حشى هههههه
جاسم (ضعيف وطويل وإذا حب شي تملكّه) : ههه تصدق مرتين امتحنت وياها آيلتس وهي ما تنتبه عليه واليوم مشيت وراها بس عسب أملي نظري من شوفها
راشد : هيها الله يعينك ي العاشق الولهان ، اوه جسوم طالع وحده منهن نست جنطتها قوم نلحق عليهن
جاسم : ها مالها انا اعرفه
راشد : هيه طبعا اكيد مفصل البنيه تفصيل هههههه
،،،،،
ف المستشفى
بو عبدالله : حمود ولدي وينه
ناصر : لا تحاتي عمي الحمدلله ظهروه من العنايه وهو بخير
بو مايد : الحمدلله لك يارب ، يعني نقدر نشوفه
ناصر : لا لين ساعتين او ثلاث لانه تحت الملاحظة
ام عبدالله : الحمدلله والشكر لك يارب
ام مايد : تعالو خواتي خلنا نسير نصلي ركعتين شكر لله
ام ناصر : هيه والله يالله
عيسى : تعال عمي بو عبدالله ايلس ارتاح
بو عبدالله يصيح ويمسح دموعه بغترته : لا حول ولا قوة الا بالله ، يارب تشفيه وتقومه بالسلامه
بو مايد : اذكر الله ي اخوي والحمدلله انه بخير ، خبرونا كيف استوى كل ها
ناصر : والله ي عمي كنا يالسين نصيد وفجأه أغمى عليه وطاح ف البحر ونحن مانتبهنا له الا يوم حسّيت الخيط ينسحب
عيسى : هيه ولفينا ما شفنا ، عقب نطيت وشفته قريب القاع وسحبته ، ف كان عاد شارب وايد ماي
ناصر : واضطرينا نطلب الإسعاف البحري
جاسم : هذول يايين المستشفى شو عندهن !
راشد : شدرانيه ، علمي علمك
جاسم : قم خل ننزل
راشد : هههه انت وين ماخذ الجنطه وياك
جاسم : اوه اروحي مختبص هههه جب انت
هدى تركض واطيح ع ريول ابوها وتصيح : ابوووويه حمود شفيه
بو عبدالله يحضنها : ما فيه باباه الا كل خير ، هو الحين تحت الملاحظة وشوي وبيخلونا نشوفه لا تحاتين
نوره تحضن مايد : ميووود هو بخير
مايد يمسح ع راسها : هيه حبيبي بخير الحمدلله
مزنه تمسح دموعها : الحمدلله ع كل حال ، عيل اميه وقوم خالوه وين
ناصر : سارو المسيد يصلون ، سيرو انتو هناك بعد ارتاحو ، ماشي فايده من الوقفه هنا
مزنه : يالله تعالو ، اوه نوير شوفي امنو واقف هناك ، ها الولد اللي ف السيتي
نوره : ونا شو يخصنيه فيه ، يمكن ياي يزور حد
مزنه : يعني معقوله صدفه
هدى : انتي ف شو ونحن ف شو والله ما عندج سالفه
جاسم مضايق : امنو هالريال اللي حضنته ، لا يكون متزوجه
راشد : لا ما ظنتي يمكن اخوها ، تعال ايه انت وين ساير
جاسم : السلام عليكم
الكل : وعليكم السلام
جاسم : سلامات ما تشوفون شر ان شاء الله
بو مايد : الشر ماييك ي ولدي ، امنو الريال
عيسى ياي وشال وياه كوفي : جسوووم ! خير فيك شي ، هذا جاسم اخوي ي عمي
بو مايد : حياك الله ي ولدي استريح
جاسم : ما فيني شي بس لمحتك من بعيد و(يهمس لراشد) الحمدلله طلع اخويه يعرفهم
راشد : هههه قام حظك
ف مسيد الحريم
نوره : اوييييه جنطتي !!!
ام مايد : شفيج اميه خوفتينا
مزنه : تبينها يعني ؟ بتصل ف الدريول
نوره : لا نسيتها ف السيتي وفيها بوكي
هدى : نفاد انزين بعطيج انا
ام مزنه : هيه اميه ما عليه
هدى : لا خالوه هب هامتني البيزات ، بوكي فيه بطايقي كلها
ام مايد : وانتي وين كان مخج ها
ام عبدالله : اهدي اختيه لا تعصبين عليها ، قومي سيري انتي ومزنه السيتي يمكن تامه مكانها
مزنه : ان شاء الله خالوه ، اوه أذن ، عيل بنصلي وبنسير
نوره : عيل الله يرحمها
ام مايد : لا بارك الله في عمل يلهي عن الصلاة ، ان شاء الله بتحصلينها ، يالله نشن توضن
نوره : ان شاء الله اميه
،،،،،
ف موتر عبدالله
عبدالله : ألو هلا النسيب ، بخير وسهاله ، هيه الحين قريب البلاد ، طمني ع حمود شحاله ، والله ! الحمدلله لك يارب ، هيه اكيد ع طول بنييكم ، ع خير ان شاء الله فداعة الله ، الحمدلله حمود بخير بس حاطينه ف الملاحظة مال جيه ساعتين
عايشه تمسح دموعها : الحمدلله لك يارب ، تصدق كأني يعت ههه
عبدالله : فديت اليوعانه ها كله من الصياح هههه احينه من نوصل المستشفى بنمر الكانتين وبناخذلنا خفايف وحق قوم اميه بعد ، اكيد مساكين تامين باليوع
عايشه : ان شاء الله
،،،،،
ف المستشفى
نوره : يالله مزنوه امشي بسرعه وهدي عنج الفون عن أكسره
مزنه : جيه ابويه معورلج راسج فوني ولا مقهوره هههه ، وييييه طالعي الحبيب يتريانا برع
جاسم : لو سمحتي
نوره تصارخ : شوف والله لو ما خزت عني لأسير اخبر اخويه داخل واخليه يغسلك غسال تسمع ولا لا
راشد : ايه هدي بلاج مستويه ملبق وجسوم قصده خير ، سير جسوم ييب الغرض
مزنه : اي خير ان شاء الله وأنتو تلاحقونا من مكان لمكان هاه
جاسم اييب الجنطه ويفرها عليها : اندوش هاه نسيتيها ف السيتي ولا ما كنت بكلف ع عمريه وبمشي ورا وحده شراتج ، يالله رشود ندخل
نوره مصدومه والدموع ف عينها
مزنه : اخيج والله فشله ، ياليتني ما رمست ، اويه !!! وانتي بلاج تصيحين !!
نوره تحضنها وتكمل صياح : خايس واحد والله اكرهه
عايشه تنزل من الموتر ركض : نوير مزنوه !! حمود فيه شي ؟؟
عبدالله يصارخ : بلاه حمود شو صار ردن
وخلصنا من البارت الثاني ،