الفصل 5
الجــــزء الخــــــــــــــامس
تحزني الذكرى بكل الاماكن
ياللي معكْ اجمل شعور البدايه
انا أحبك لـ النهايه و لكن
ماراح نبقى مع بعض لـ النهايه
بيـــــت جســار
الســـ7ــاعه مســاءاً
واقــفهُ قبــال المــرايا تحـط اخـــر لمســاتهـ ا.. نـزلت يـدهُـاا تــرجع المكيـاج مكانه وبـاقي الاغـراض بـعد مارتبت التســريحه نـاظرت نفسـها كـانت لابـسه تنـوره ميــدي لـونها عـودي
وبــلوزه بلـون الابيـض وفـلات ابيـض وتـاركه شـعرها المستشور نـص يغطي ظهرها والنص بين اكتـافها مزينه يـدها بسـاعه وخاتم ناعـم ومكياج بسيــط رشـت لنفسها عطـرها المفـضل
وابتسمت بـرضى طلعت من الغــرفه تجهز الاغـراض جــاي عمها يـاسر عندها اليــوم للي مـاهي عارفه وش ســبب زيـارته المفـاجـأه
دخــلت المطبخ واخـذت الدله تـوديـها المجــلس طلعت من المطبخ وتتــعدى الصـاله انفتـح البــاب لفت راسها شــافته داخل مااهتمت له من بعد اخـر شيء صـار بينهم مااعاد تبغا تقابله ولاهـي راضيه تتقبـله مالها الا الصـبر وكـم شـهر وبترجع مكان ماجات هـذا للي يـدور ببـالها دخـلت المــجلس وحطت الدله على الارض قـريب من الطاوله حنت جسمها تقـرب الضيـافه بشكل مرتب رفعت نظـرها له يـوم سمعت صـوته يكلمها
كان متـكي على البـاب ومكتف وعيـونه تنـاظر المجلس للي ريحـة العـود منتشـره والضيافه موجوده بشكل حلـو غيـر شكلها المرتب عـرف ان احد جـاي بس مين ماايدري
قال بهــدوء : ميــن جــــاي؟
.. عمــي يــاسـر..
قـال : اهــا .. وليـش لابسـه كـذا..!!
عدلت وقفـتها وناظرت نفســها لبسها عادي وعمها للي جااي رجعت ناظرته وقالت : مااظن فيـه شيْ
عدل وقفته وبخطواته دخل المجلس وقف قبالها وقال وهـو يتفحص جسمها: ضيـق شـوفي كيـف التنـــ
قطع كلامه صـوت الجــرس التفت للبــاب ورجع طالع فيـها وقـال : غيـريه بسـرعه
طلع من عندها يفتح البــاب تقـدمت بخطواتها وقفت عنـد بـاب المجلس ابتسمت يـوم شافت عمها جـاي وبيده اكيــاس
قالت وهـي مبتسمه .... حيــا الله يســوري ..
.. الله يحيــكــ .. واستحي على وجهك عمك يـاسر وش يسوري ذي
ضحكت على كلامه وقـربت منه سلمت عليه واخذت الاكياس وهـي تقول: ليـش متعب نفسك تـرا مايحتاج
وهــو يدخل المجلس قال: مافيها شــيء
دخـلت وراء وهي تحط الاغراض علـى جنب سحبـت الطاوله عنده وحطت المويـا والعصــير وجلست جنبه قالت بحب: لـك وحشه
يـاسر وعيـونه على نـوال: الله والوحشه لـك اسبـوعين ماتشـوفيني ماصـار شيء
نـوال بضحكه: حتى لـو فاقدتك
دخـل جسـار وهـو يغلي من القهـر لانها طنشت كلامه وجالسه جنبه وبلبس ضيق جلـس قبـالهم ويهز رجله بهــدوء وعيــونه عليهم
يـاسر ابعد عينه عن نـوال وطالع بجسـار وقـال : كيــفك ؟!
جســار ببــرود: بخيـر الحمدالله
يــاسر لف لـي نوال للي كانت تـأخذ الحلى وتقربه لعمها والدله بيـدها تصب بالفنجان القهـوه وتمد لعمها قـال : ودي اكلمك بـموضوع ؟!!
نـوال حسـت اصلا ان الزياره مو كـذا اكيد في شـيء تنهدت وهـي تنزل الدله على الارض وجلست جنب عمها وطالعت بجسـار ورجعت طالعت بعمها مستغربه الهـدوء للي فيهم
يـاسر وهـو يحط يده على فخـذ نـوال وقال برجوله : اعـرفي اني ماسـويت كذا الا لصالحك يـ نوال ولاتـزعلي مني انت عارفه ان غلاتك عندي اكثر من بنات عمك
نـوال وعيـونها مركزه على يـاسر بخفوت قـالت : وش صـاير
يـاسر اخذ نفس وقال : ماراح تشتغلـي معاي بشـركه
دقايق حتى تستوعب وش يقـول وقالت : نعــــــــم؟!!!
جسار بتدخل وبكل بـرود: للي سمعتي شركه مافي
لفت عليه وقالت : من تكون انت عشان تتكلم ؟!
جسار رفع حاجب على كلامها وقال: زوجـك يـ مدام
نـوال بعصبيه : لا يـ جسـار زوج على ورق مالك أي حاجه عندي انا حره بحياتي وقلت لك قراراتي انا للي اقولها اناا للي ارفض والا اقبل محد يجي يغصبني على شي ماابيه والشـركه راح اداوم فيها واذ ولد رجـال وقفـني
جسـار وقف وتوجه لها بس يـاسر كان اسـرع وقف قدامه صـار يـاسر بنص مابين جسار ونـوال للي وقفت يـوم شافته جاي عندهـا
جســار بعصبيه: غصب عنـك ولد رجال
يـاسر ويده على صـدر جسار بمحـاوله يبعده عن نـوال قال بهدوء: صـلو على النبـي ياجماعه مايصير
نـوال ببـرود: عليه الصلاة والسلام بـس هو للي راكبه الشيطان
جسـار بـدا يتنرفـز من نـوال للي تتكلم ببـرود وتقول كلام مو قده انقهر منها مـد يده يبغا يسحبها بس كانت مختفيه بقصـرها وطول وعـرض يـاسر
يـاسر دف جسار بقـوة خلاه يتـراجع للخلف وقـال بقهر منهم : كل واحد ينكـتم اسمـعو للي عندي بدون حركات اطفال
جسار بقهـر رافع يده تهديد: واقسم بالله لـو اسمع صوتها بتشوف شيء مايعجبها
بعدت عن عمها حتى تطلع وتبـان لجسار للي عيـونه اتجهت لها وقفت بكـل ثقه
وقـالت: لا يـ حبيـبي مانـي اصغـر عيالك تهددني للي ماتوصله بيـدك وصله بـرجلك
تقدم بخطواته السـريعه سحبها من يدها حتى صـارت قباله
ضغط على معصمها بكل قوته يخفف النـار للي اشتعلت بداخله منها تقول بدون ماتحاسب وش تقـول وماتخاف
يـاسر مسك يد جسـار بقـوة يجـر نـوال له خايف لاتنضرب منه يعرف جسار مايتحمل الاسلوب ذا يمكن يجيها كـف ينومها بمستشفى وقال بعصبـيه : وبعدين الواحد مايقدر يجلس ويتكلم بهدوء ايش القصـه صغار انتـو اطفال عشان محد يتحمل التاني تراكم متزوجين لو لوحدكم وش بيصير حريقه
كـانو الاتنين ساكتين كل واحد عينه على التاني بنظرات حاده
يـاسر سحب نـوال وجلسها جنبه وجلس ونـاظر جسار للي واقف وعينه للحين عليها قال : اجلس انت كمان هذا وانا موجود مالي أي احترام بينكم
نـوال باست راس عمها وقالت بهدوء: لك الحشيمه اسفه بـس هو للي يبـدأ
جسار جلس وحط رجل على رجل وقال بكل بـرود: ضربني وبكى وسبقني وشكى
التفت له ورفعت حاجب ابتسمت بشمات على جنب رجعت ظهرها للخلف ورجعت تناظر عمها للي قال بسـرعه :خلاص لاتبدا خصام من جديد
التفت لجسار وقال بحده: وانــت لااسمع حسك سامع
مااهتم لنبـرة يـاسر وتكتف ومـريح ظهره ينـاظرهم بـكل بـرود الدنيا والا كانها للي قبل شـوي استفزته بكلامها هـذا هـو بدقايق يـرجع زي الثـلج
يـاسر طالع بنـوال وقال : حصلت لك وظيفه بجامعة .. معيده احلى وافضل من الشـركه
نـوال : لا
يـاسر قال: ليـش لا؟!!
نـوال : لـو انا طلبتك يمكن اوفق بس تجي فجـأه تـأمرني اطلع من الشـركه محد له الحق والشـركه لي فيها نصيب ويمكن اكبـر تـرا عرفت ان النصيب الاكبر لـي
يـاسر اخذ نفس وقال: وليـش مو راضيه تفهمي بس تبغي تعاندي وتكسـري كلامي وهذا انا اقول نـوال الشاطره للي مستحيل تـردني
نـوال بـدون اهتمام رفعت يدها واشـرت لجسار بدون ماطالع فيه وقالت : قصـدك هذا للي قالك روح حاول فيها عشان تبطـل بدون نقاش بهذا الموضوع للي عندي قلته ماراح اطلع من الشركه
جسـار طالع فيها وقال بحده: هذا عنده اسم ولو اشوفك تعيدي الحركه هذه والله اكوفنك هنا ولو ابغا اطلعك بطلعك بنفسي ماانادي احد يقنعك
يـاسر حس الحين بتقلب خصام لف لنوال وقال: والله ما قال لي لـيش العناد الحين
نـوال : قال والا ماقال الشـركه بعد اسـبوع راح تحصلني قدامك
جـسار رفع حاجب وبتحدي: نشـوف كيف تـروحي
نوال ابتسمت: لايكون انت للي تمنعني
جسار بسخريه: افـا مو عاجبك
نـوال: كثيـر
جسـار :لسانك
نـوال : سـوري مااقدر عليه خصـوصا عند ناس من امثالك
جسار : هذا كله عشان تركتك وجيت تـ
يـاسر قاطعه بصـرخه: جســـــــــــــار
نــوال ولا اهتز فيها شي ناظرته وقالت: اول مايـطري على الخايب افعاله
طالع فيها دقايق وضحك بصـوت عالي محاوله يقهرها يحس ينقهر لو شاف بـرودها وهو للي معروف بـالبـرود والتطنيش الا انها تقـدر تقهره
يـاسر بحســره : لابالله انجن ماحد يقدر يقول شيء انا وش جايبـني هنا
نـوال : اتركك منه مجنون
يـاسر لف عليها وقال: وانتي معاه
ابتسمت بحب له وقالت بهمس: خاطري اطلع معاك بسـياره
رفع حاجب من طلبها وقال بنفس نبرتها: ليـش؟!
ماتدري ليـش طالبه هالشيء وخطر ببالها بس للي عارفه ماودها تجلس قدام جسار تحس بتموت من القهر وهو بكل بـرود يذكرها بسـواته والا كانه مسـوي شي الواحد يعتذر وهو يضحك بفخر على انجازه حست شوي وتقوم تخنقه غيـر الضيقـه للي جات لها مجرد ماذكر لها هي مانست عشان يذكرها والا هي قادره تنسى تحس للحين مجـروحه ومكسوره بكل يـوم تصحى تقول يمكن راح يتعدل وبيجي يعتذر وبيجي يبـرر سبب يخليها تتغاضى افعاله وتنسى بس دوم يتبث العكس وتشوف الاهمال والبـرود لها
نوال بضيقه: بلـيز
حس من نبرة صـوتها فيها شي وقـف وقال : نـوال يلا البـسي بنتظرك بسـياره
جسـار وقف على كلام يـاسر وقال: على وين ماخذها وش شايفيني قدامكم
يـاسر يلطف الوضع: بـأخذها مشـوار عندي شـوي كلام ابيها وبرجعها ماراح اتـاخر
جسار : لا انا اطلع وانتو اجلسو تكلمو هـنا
نـوال تعض طرف شفتها من القـهر ودها ترد بس تخاف تخرب على نفسها خصوصا عمها يـاسر ممكن يوقف مع جسار
يـاسـر بهدوء: الله يهديك يقـال بسـرقها ترا كلها ربع ساعه ونـرجع
جسـار طالع فيها شافها ساكته وهـاديه مو بالعاده رجع ناظر يـاسر وقال : لاتتـأخرو
يـاسر لف لـي نـوال وقال: بسـرعه
طلعت من عـــندهم وراحت لغرفتها تطلع عبايتها لبسـتها بســرعه وسحبت الجوال من الشـاحن واخذت الشنطه التفت لصـوته
.. ماني غبـي عارف انك انتي للي طلبتي منه ياخذك ..
نوال وهـي تحط الجـوال داخل الشنطه: ماقلت شـيء
جسـار تقدم وصـار قبالها وقال : لاتكـذبي
رفعت نظرها له وقالت ببـرود: ماني متعوده عليه عشان اكذب
جسـار بهـدوء: هالمـره بـمزاجي راح تمشـي لكن المره الجايه تتحامي بااحد عشان تطلعي مابيـرضيـني
تكتفت نــوال وقال بـسخريه: والله حـلو مايرضيك .. اجـل انت مـاترضيني
جسـار طالع فيها وقال: مـو مهم مايرضيك المهم انا وش يرضيني
نـوال : مانـي عبده يـ جسـار لك حياتك ولي حياتي
جسار : زوجك وزوجتي
ابتسمت وقالت : هه متنــاقض
جسـار اخذ نفس وقال : كثـير
حست بنغزه من كلمته بس مااهتمت لفت الطرحه بسـرعه وقالت : عن اذنك
طلعت من عنده بدون مااتهتم له وجـوالها الا كـان يــرن مـزعجها خــرجت من البيـت وهـي تشـوف سيـارة عمها يــاسر اتجهت لها
..
..
..
الجـهه التــانيه من البــيت بتحديد غرفة النـوم
رفع رجله من الارض ومـدها على الســرير وهــو يـزفر بتعب طالع بـزوجته للـي خلصت من الصـلاه وتطبق السجاد وتستغفـر
.. احـس كل يــوم بـالوجع على نـدى البنت مسكينه ..
طالعت فيه زوجته للي حطت السجاد والشرشف بمـكانه وجـات لعنده جلست بسـرير الجهه للي جنبه وقالت: مالك حصل شيء ؟!!
رفع يده يمسح على شعره وقال بتعب: مااعرف شيء عنها والله اني واجعني الحـال ذا ماادري وش اسـوي
فاطمه :وانت ليش وافقت على سفرها
علي نـاظر زوجته وقال: من اليد للي توجعني مسكني وخاطري اعرف مين هـو
فاطمه: ليش مااعرفت من الـرجال
قال بـوجع: لا والله ذكي .. انتبهي يــا فاطمه يزل لسانك بشيء
فاطمه وهي تتـمدد قالت: لاتخاف سرك ببيـر ان شاء الله .. نام نــام لاتشغل بالك الله معاها ويحفظها هـي عند امها
علي : وهذا للي يخـوف عند انغام ماتعرفي من انغام والا نسيتـي افعالها
فاطمه تنهدت وقالت: مانسيت الله الهادي
علي يسحب البطانيه قال: تصبحي على خــير
..
..
..
بيــــت مـــــــــــــــوضي
بـوســط الـصاله جالسه وبيــدها الجـوال تتكلم مع صحباتها بدون اهتمام لي اختها للي تتكلم على رأسها بس انتبهت لكلامها رفعت نــظرها ورفعـت حاجب استنكار
... تـرا حالك ماهو عاجبني لا انا ولا امـي لمتى بتكوني منتظره مـرت فـوق العشـر سنـوات وللحـين متمسكه فيه وياليت هو متمسك فيك شـوفي اول مارجع تزوج
عـارفه انهم يبغو مصلحتها والكلام للي يقولو بحسن نيه الا انهم محد منتبه انهـم يوجعوها بكل كلمه تطلع منهم هـي عارفه انها كبـرت والعمر يمشــي والخطاب مايجـو الحين الا المتزوج او المطلق بس ماهي غبيه صـبرت كثـير ماراح تتعب وتمـل الحين اصلا تعودت على الصـبر مالها الا الصبــر هي حافظه الوعد حقه حافظه الوعد للي قبـل 23 سنه صح صغيره وعمرها كان 13سنه الـورقه للحين مختفظه بـها بـس القلب رافض غيره رافض عقلها يفكـر بغيره مجرد مااحد يقولها خطبك فـلان من غير ماتفكر ترفض حتـى وصلت صار عمـرها بثلاتين
تنهدت بحـزن وهـي تشـوف اختها للي اصغـر منها تتكلم بقهـر من حالها
منـاير : منـار عمرك مو صـغير شـوفي تـزوج وعايش حياته حتى يـوم جيـنا ماكلف نفسه يسـأل عنك ابفهم لمتى بتنتظري
منـار بطفش : ماتعــبتو من الوضع ذا كل يـوم تتكلمي من جـا هالمره
منـاير بالطف: جـا ابو حاتم للـي زوجته ماتت السنه للي راحت يبـغا يتزوجك والصـراحه الرجال مايتفـوت وانتي عمرك مايسمح حتى تترددي
حـز بخاطرها كلام اختها بـس ماعليها بحد قالت وهي تنهي النقاش: غيـر جسار لاتفكـرو
منـاير بعصبيه: انتي شكلك ماتفهمي امي تعبت منك والله تحزن ليش حسـوده ماتبغي تفرح فيـك
منـار بدون اهتمام: بتفرح فيـك قريب زواجك مو بعيد
منـاير : لاتحسبـي الوضع بينسكت محسن مسـافر الحين لكن لو رجع بيجي كلام تاني
منـار: لامحسن ولاغيـره يجبرني اتزوج حد تاني انا جسـار بنتظره لو على فراش الموت بظل انتظره
منـاير بخوف: وش هالكلام التافه استغفري ربـك
منـاير: استغفـرو الله بس رجاءاً لحد يفتح الموضوع ذا
منـاير بيـأس: واذا طال الوضع وجاه عيال وعايش حياته وانتـي
منـار بهدوء وهي توقف وتأخذ جوالها: الله كـريم
طالعت فـي اختها للي انهت النقاش بطريقتها وراحت غـرفتها تنهدت بحـزن على حالها
..
..
..
الاســطبل
واقــف على الــباب متكتف ينـاظرها للي لابسه العبـاي والطرحه من غير ماتتغطـى عنــه
.. مـاتقـولي ليـش جـابوك هنـا؟!!..
البنت بخـوف: والله مااعرف
رفع حاجب وقال: وانتي وين ماسحـبوك جيــتي؟
البنت وهـي حاضنه كفـوفها ببعض وضامتهم لصدرها وعيـونها الـواسعه تنـاظره بخـوف: اهـلى ابــي اهـلي
.. وانا وش يعـرفنـي وين اهلك تحمـلي ..
طلع من عندها وهـو يشـوف الحـارس يقفل البـاب بالمفتاح وراء وكـانهم خايفين تهـرب نـاظرهم ثلاث على البـاب بااجسامهم الضخمـه ولبسهم الاسـود والاسلحه معاهم تحسـب لي أي ظـرف تنهد وهـو مية شغله بـرأسه مـايدري متى اليـوم للـي يرتاح فيه الهـم للي يـأكله بـكل دقيقه وتفكـيره للي محاصر على اهله ثـقل كبيـر على قلبه همــس
يــــــــــــارب
طلع سيــارته واتجه لهــم مــاهي ربــع ســاعه حتى وصــل جنــب سيــارته طلع من الســياره وتحرك بخطواته وهـو يدخل مفتاح السيــاره بجيب البنـطلون دقايق حتى يسـتقــر داخل البيــت الكبيــر وعيــنه على الاشخاص للي جالسين بالصـاله تقـريبا خمـس رجال نـاظرو فيه
واحد قال بسخـريه : بدري
مااهتم له وتقـدم لهم حتى يجلس بالكنب ويحط رجل على رجل وعينه مـركزه على شخص قـال ببــرود: مزعجني بتصـالك من امس خيــر
.. الـرئيس معصب منك من تـزوجت وانت مهمل شغلك ..
دارت عينه عليهم ورجع نـظره عليه وقال مطنش سـؤاله : وين حمـزه ماشفته
.. الحين نقـولك الـرئيس معصب منك تقـوم تغيـر الســؤال ..
اخذ نفس وقال: راكان مالي خلق لي كلامك وين حمـزه؟!!
راكان : عنده مهمه هـو وسـالم
.. اهــا .. المهم ابـي اعرف وش سـالفة البنت بالمـزرعه ترا ماني ناقص غباء ومشاكل ..
.. احتــرم حــالك ..
التفت بــرأسه لصــوت وقـف تلاقـائي وتقدم له بخطواته حتى صــارو بنـص الصــاله والكل يشـوف المعركه للي بتصـير
جســار: محترم حالي من قــبل مااشوفك وانا من حقــي اسـأل البنت ميـن
.. لا جــاء الـوقت للي بتعرفها بتـكون اول واحـد ..امـا الحين ماراح نقـول شيء ..
جسـار رفع حـاجب وقال: احد قـال لك طرطور هـي بمكاني ومحد يدخل الا بموافقتي خليتها يومين عندي بمزاجي
.. اجل اطلب من الـرئيس ماانت موافق ..
جسـار بدون اهتمام: ماانتظر موافقته لاني بجيبها بكرا هنا
راكان وقف وجا عند جسار قال: مجنون انت ؟!!
جسـار : تحملوها ماني مـسؤول عنها
راكان سحب جسـار من يـده حتى ابتعد عن الكـل وقال: جسـار البنت مهمه عند الرئيس وحالف لو تهـرب والا احد يقـول شي والله يموته
جسار يبعد يده عن راكان وقال: وانا وش يهمني من ذا كله
راكان اخذ نفس وقال: جسار الله يخليك خلينا نكمل شغلنا بـكرا بنسافر ورانا مهمه صعبه لازم نستعد خلي البنت لـي وقت تاني
جسـار: انا ابغا اعرف من الـرئيس
راكان بهـدوء: كلنا نبغا نعـرف من بـس خليه لـوقته
جسـار : الغـريب ماعمـره جـا الســعوديه هذا الغـريب
راكان ناظر جسـار: ماجا ببـالي انتبه ماشاء الله مايطوفك شي
جسـار بفخر: اعجبك
راكان قال: خلنا ندخل للجماعه مسفـر معصب منك الله يهديك
جسار يمشـي وبدون أي اهتمام قال: بكيفه
..
..
..
المغــــرب
بغيــر العــاده كـانت بــسوق مع امها للي ماخلت شـي الا وتــأخذه وللي زاد استغرابها من ويــن الفــلوس هم يالله يدبـرو نفسهم بس توقعت ان شغلت امها هي للي تجيب لها الفلوس مااتنكر انه حـز بخاطرها الشيء ذا وبشفقه تتـأمل امها للي اغلب الاغراض ملابس مغريه غير المكياج ماحبت تـأخذ اغراض لان عارفه ان مـال حــرام تنهدت بتـعب من امها للي لهم اكثـر من سـاعتين وهــم يدوره بالمحــلات
.. بــنت لـي ساعه انـاديك ويـن رحتي..
التفت لي امـها وقالت : معاك
انغام وهي تتـأمل القطعه بيـدها وقالت بتـردد: وش رأيك فيه
ناظرت الفســتان وقالت : عـادي
انغام مااهتمت لي رايها وقالت وهي تـأخذه عند المحاسبه: ماعندك ذوق
خـرجو من المحل وفـرحت يــوم طلعو من الســوق كانت ماسكه بعض الاكياس وللي يشوفها يحسب اغراضها وهي مالها أي حاجه فيها شافت انغام تحط الاكياس بالارض وتسحب جوالها من جيب البالطو وتتـصل تكلمت مغربي ومافهمت عليها
قفلت الجوال ورجعته بجيبها وحنت جسمها تسحب الكيس وتمشـي للي الجلسات عشان ينتظرو السـيارة
انغام وهي تجلس وتخلي الاكياس قدامها: اجـلسي