الفصل 5
ام ناصر/قلت لك قبل انت جيت هنا وعمرك ثلاث سنين لو كنت لقيط كان جيت وانت بشهورك الاولى انت صرت الحين رجال تقدر تعتمد على نفسك اطلع روح دور على اهلك..
يشعر بنار توقد بصدره لا طاقة له لسماع المزيد..شد على قبضته حتى انغرزة اظافره بكفه و بدا يحس بحرارة الدم حول الظافره..
يمنع نفسه بقوه من ضربها.. "
صد عنها بحقد وكرهه و بعناد وتحدي/روحي داخل بعتبر نفسي ما سمعت اللي قلتيه..وامي غصبن عنك بحضنها وادخل واطلع براحتي و عينك تشوف ومنطمه '
ام ناصر بتهديد/والله والله ان ارفع عليكم قضية وان اجرجركم بـ المحاكم واخلي صالح يختار بين اختـي وبـينك ونشوف
دخلت وقفلت الباب بقوه وراها وهي تنادي بنتها بصوت عالي/عايشه اطلعي بسرعه بنروح لبيتنا . '
تاكى على الجدار ونزل الشماغ من راسه وفك ياقة ثوبه
بختناق..
اعتدل بوقفته وتحرك لخارج البيت يمشي بخطوات التائه الغريـب..
تحت قطرات المطر الخفيفه..
وصلت به خطواته لـ مزرعة ابو سلمى ..
منحني يقطف الطماط ويعبي الكراتين فيها
رفع راسه ويده على ظهره..
ضيق عيونه بتركيز على الشخص
اللي واقف قدام باب المزرعه نزل القفاز اللي بيده
وتوجهه
له حتى بانت له ملامح بجاد ..
تقدم منه اكثر بقلق من انتبه لنظراته المكسوره .. يعرف ان بجاد ما يجي
للمزرع الا اذ كان متضايق ف المزرعه بنسبه له الملجى الوحيد..
مسك يده بدون ما يساله عن اللي مضايقه /قيت بوقتك دي ام سلمى عمله لنا محشي اللي بتحبوه
دخل مجلس الصغير المنفصل
عن بيت ابوسلمى وجلسه/شوي واقيلك بعد خروج ابوسلمى انسدح براسه على المركى
وغمض عيونه بحرق واطلق
تنهيدات متتابعه..
وه بصدر محروق ومقهور مقهوووور..
يشعر ان الدنيا تطابق بحوائطها على
صدره
حد الاختناق يتمنى لو مره فقط يتنفس دون
ان تشارك التنهيدات الموجعه انفاس —— ——
. ابو سلمى بعد خروجه من عنده اتصل بصالح/الووو السلام عليكم صالح/هلاااا يا ابو سلمى وش عندك من علم
ابو سلمى/بجاد عندي دلوقتي وحيتعشا معايا
صالح سكت للحظه ثم اردف بإستنتاج/فيه شي!؟؟ .
ابو سلمى/والله معرفش بس حضرتك بتعرف ما يقي ليا الا ازا كان فيه حاقه..
صالح حك ذقنه بمحاولة
لاخفاء اهتمامه/اهاا.. ابو سلمى خله يجلس عندك ذي اليومين لان بكرا بنمشي للرياض عندنا موعد في المسشتفى
ابو سلمى/الف طلب من دا الطلب
_________
بعد يومين
العصر 5:00 مساءًا
الرياض
جالس في مجلس اخوه الكبير فلاح
لهم يومين في الرياض بسبب مواعيد زوجته في مستشفى الـ£(££(
بكرا راجعين
دخلت زوجة فلاح اللي كانت متغطيه بـالكامل وما يبان منها الا كفوفها الي شايله فيهن الشاهي
نزلته وجلست/والله ما ودنا تمشون بكرا يابو بجاد
صالح/والله يا ام احمد ما نصبر عن الديره والحلال ورانا
منيرة /وبجاد فديت عينه لحاله هناك
فلاح/اما في ذي غلطان يا صالح المفروض تجيبه معكم كم لنا ما شفناه واحمد مزعجنا في كل اجازه الا ننزل للديرة عشانه
صالح رفع حاجبه بحده بنظره ما فهم مغزاها الا اخوه ملفح/وين اجيبه!؟؟ ومن يدير شغلي في الديره..احمد جيبه معك في الاجازه
فلاح بإبتسامه جانبيه/ إن شاء الله
صالح وقف/يا ام احمد بنشدك صور بجاد وهو صغير بعدك محتفظه فيها!؟
ام احمد/هههههه ما اضيع شي كل صوره هو واحمد في الديره عندي
صالح يهم بالخروج/جيبيها لي لا هنتي
لحقه فلاح لخارج البيت/وش ناوي بصور الولد..لا يكون تبي تسوي بها مثل التسجيل
صالح/وهذا اللي بيصير
فلاح بغضب/الى متى!؟؟ ما اكتفيت!؟؟
صالح بحده/ما اكتفي الا بموتي ويلا بموته
——
— —
— —
الساعة ٩:١٢ مساءًا
في طريقه للبيت..وقف سيارته قدام الباب ينتظر السائق يفتح له البوابه
دق البوري
ونزّل الشباك من لمح شخص يكلم السائق ويعطيه ظرف
رفع حاجبه باستغراب من الشخص اللي كان واقف مع السائق
ما كانت ملامحه واضحه ..
فتح باب سيارته ناوي ينزل يشوف منهو
لكن الشخص ركب سيارته وراح…
ركض السائق للبوابه وفتحها..
دخل السيارته و وقفها في مكانها
ونزل وهو ينتظر السايق يقفل البوابه/سامح من كان..من هو اللي كان عند الباب
سامح وبيده الظرف/ما يعرف هو يقول ود هزا الظرف لبابا عبدالرحمن
خالد ياخذ منه الظرف/ما قال لك من هو!؟؟
سامح هز راسه بنفي
خالد/وانت كل من هب ودب تاخذ منه ..مره ثانيه تاكد من يكون قبل توصل شي لعبدالرحمن او العيال مفهوم
الحارس/اوكي
—
”خالد اخو عبدالرحمن والعنود بنفس الوقت..
ام العنود بعد وفاة زوجها ابو العنود ..تزوجت اخوه ابو عاصي وجابت منه خالد..
بكذا يكون خالد اخو العنود من امها..
واخو عبدالرحمن من ابوه”
دخل البيت وابتسم وهو يسمع صوت ضحكة ابوه
توجهه لمصدر الصوت بالصاله
وبصوت جهوري/السلام عليكم ..ارحب يا ابو عاصي
ابو عاصي يتكئ على عكازته و ويوقف/ارحب انت
حب راسه وكفه وجلس جنبه /يالله انك تحيه
ابو عاصي/البقاء..يالجافي
عبدالرحمن/ايه وياك وياه يبه ولدك ذا يبي له عصى تسنعه
ابو عاصي يدق بعكازه الارض/والعصى موجوده غير عاوني عليه يا ابوك
مصعب يشمر اكمامه/واذ تبون الفزعه ابشروا بي اعين و اعون
مصعب يشمر اكمامه/واذ تبون الفزعه ابشروا بي اعين و اعون
ليث/ وانا
خالد بتعجب/ اوف اوف علامكم قلبتوا علي…ما هي شجاعه كلكم على واحد ..
ابوعاصي/خل عنك بس ..ما شفتك ذا الاسبوع الا يومين بس
خالد يحب راسه/هههههههههههه انا اشوفك في كل مكان اروح له و شوفتك ما ينمل منها حتى شوف “رفع جواله “خلفية جوالي صورتك يا الغالي
ابوعاصي/شف شف هالولد يجيب راسي بـالهرج
عبدالرحمن/ههههههههه ابو لسان محد يقدر عليه
العنود بحميه/خلوا عنكم بس طايحين فيه سب وانا جالسه…
عروب/وش زين لسانه عمي يا حظ الي بتاخذه
مصعب/اوه اشوف العنصر النسائي يعزز لك
خالد /اكيد فانا نصير المراه
رشا سمعت اطراف حديثهم قبل دخولها وبإستفزاز/استثنوني انا من العنصر النسائي على قولتك..هذا اكبر وجهي ابو وجهين في الحياة ما ينوخذ بكلامه
خالد انحنى وإلتقط حذيانه ينوي حذفها ووقف/لا احد يمسكني ضاربها ضاربها الله لا يعوقني بشر
رشا ركضت لحضن ابوها/يـبـه
ابو عاصي يسحبه يجلسه/اقول اجلس ويلا بالعصى صدق..يا الي ما تستحي الحين انا جالس وترفع حذيانك!؟؟
خالد ينزلها بقهر ويحب راس ابوه/محشوم يالغالي بس ذي النتفه تطلع اسوأ ما فيني
العنود /ولا يهمك باخذ لك حقك منها ”وبصرامه” رشا قومي حبي راس عمك
رشا بزعل/يـمممه
العنود بامر/ قومي
عبدالرحمن ياخذ كأس الشاي وبيده الثانيه يلكزها وبهمس/قومي لا تعصب علينا امك
وقفت وزمت شفايفها بزعل قربت لخالد وانحنت وهي تحطت يدها فوق راس خالد وباست يدها
خالد مسكها/لاا لا غش حبي راسي مو يدك
ضحك الكل على عنادها/ههههههههههه
رشا تحاول تفلت منه/هههههههه فك
خالد سحبها وجالسها بقوه جنبه ويده لفها على رقبتها ويقبص خدودها/وجهين هاا وجهين
رشا ميته ضحك/هههههههههه خلاص توبه والله توبه
ابو عاصي/ههههههههه فكها فكها المجنونه..
تركها /مسامحك عشان خاطر ابوي بس
رشا تمسك خدودها بالم/اه تعور ”انحنت وهي تلتقط الظرف وتقلبه بيدها” وش هذا!؟؟
خالد /اوه نسيت..اعطيه لابوك
عبدالرحمن باستغراب/لـي!؟
خالد /حصلت واحد عند الباب يكلم سواقك واعطاه الظرف يقول لك
عبدالرحمن /هاتيه يا رشا اشوف
العنود/من بعد يرسل ظروف
ليث /اوه اخر واحد ارسل ظرف ماتت وتحللت عظامه
عبدالرحمن ضحك وهو يفتح الظرف..
ثمّ تحولت ابتسامته لعبوس واستغراب
من المكتوب على الظرف”الهديه الثانيه”
فتحه وكان فيه ثلاث صور..
الصوره الاولى قديمه شوي لطفل خمن ان عمره ٨ سنوات بـثوب مغبر اكبر من مقاسه وشعره طويل لكتوفه
والصوره الثانيه لنفس الطفل بس بعمر اكبر ومكتوب اخر الصوره ”خامس ابتدائي”
وبـثوب اقصر منه ولابس طاقيه
اما الصوره الثالثه كانت....
اما الصوره الثالثه كانت جديده لشاب نحيل جدًا واقف في البر مغطي عيونه بيده بسبب الشمس باِختصار ملامحه غير واضحه ابدًا
ابوعاصي/وش الي بالظرف
عروب اللي كانت جالسه جنب ابوها وتناظر معه الصور باِستغراب/صور لواحد
خالد/من هو !؟؟
عبدالرحمن حك ذقنه باِستغراب/مدري يمكـ….
قاطعه صوت جواله اللي يتصل رفعه ورد/الووو
عقد حواجبه من سمع صوت الضحكه
ثم اردف المتصل/وصلتك الهديه!؟
عبدالرحمن بحذر/ايـه!؟ من
بحقد/افا معقول نسيتني!؟ وانا اللي ما نسيتك!؟ وكل يوم تجيني بكوابيسي!؟ بعذرك بقول نسيتني بس اذا نسيت ولــــدك فمالك عذر
عبدالرحمن وقف برجفه واِختناق ورفع الصور مره ثانيه يشوفها..ونطق بصعوبه/هـو !؟؟؟
صالح /بالله ما استاهل مكافئه على هذه الهديه!؟؟ عبدالرحمن ووجهه يحتقن بالدم وعروق يده اللي مسك فيها الصور تبرز
وانظار الكل عليه بخوف وقلق من شافوا رجفته
صالح بعد ما طال سكوته/والله ان قلبي رحيم اللي سمحت لك تشوف صوره بعد ما ارسلت لك صوته
عبدالرحمن غطى وجهه بالصور يخفي دموعه
ابو عاصي/ابوك يا عبدالرحمن وش فيك
خالد قرب منه بياخذ الجوال لكن عبدالرحمن ابعده عنه وهو يصارخ/لا احد يقرب..اطلعوا كلكم ولا لا انا بطلع
العنود/ يا ويل حالي وش فيك !؟
عبدالرحمن تحرك بخطوات سريعه لخارج البيت وبلهفه ورجاء/تكفى تكفى طالبك لا تقفل ..بعطيك اللي تبي اطلب اللي تبي وتم بس تكفى
صالح وهو يسمع الصوت
اللي عنده/اطلع من عند اهلك لا يكشفون كذبك عليهم ويدرون ان ولدك ما مات مثل ما انت قلت لهم
عبدالرحمن يركب سيارته
ويقفل الباب عليه/ما قلت انت اللي قلت
صالح/ههههههههههههههه المهم ولدك يسلم عليك
عبدالرحمن لم يقوى على التنفس ومن بين اسنانه /تكفى رجعه اطلب من الالف للمليون وهي لك
صالح /يعني في كل مره اتصل فيك تعيد نفس الكلام
عبدالرحمن بالحاح/١٥ سنه وش تبي اكثر من كذا
صالح/ابي ولدي رجع لي ولدي حي وارجع لك ولدك
يضرب راسه بدركسون بقهر وبيأس/ليش ترسل صوره لي اجل
صالح/اذكرك فيه
عبدالرحمن بصراخ/ما نسيته عشان اتذكره..انت قلت لي في اخر مره اتصلت انه مريض!؟ كيف صحته!؟ بعده يتعب!؟ وش تعبه!؟
صالح باِستمتاع/تعب قبل فتره بس الحين مثل القطو بسبع ارواح..لا تخاف عليه من مرضه خاف عليه مني..وخاف عليه من الجوع ومن الشغل
عبدالرحمن رفع صورة الشاب اللي مغطي فيها وجهه..يتأمل نحله الشديد/قلت لك مليون مره اعطني رقم حسابك بحول لك المبلغ اللي تبيه واصرف فيه عليه بس لا يتعب لا ينام جوعان لا يشتغل
صالح باِستفزاز/
—————
صالح باِستفزاز/ينام جوعان ومرات ينام وهو مضروب او حتى يمكن مغمى عليه يروح للمدرسه وما معه مصروف حتى اني جاي للرياض وهو نايم برا البيت مدري من اللي مضايقه يمكن احد قال له وهو فالشارع يا اللقيط او يا ولد الحرام او تضارب معه او اني انا اهلكته بالشغل في المطر
عبدالرحمن بتهديد/ والله ان حصلتك انه ما يكـفيني فيك ذبحك والشرب من دمك وحذف عظامك للكلاب يا الكلب..وان ارجع ولدي لي وانت تموت بحسرتك..
صالح بصدق/القاني يا عبدالرحمن ١٥ سنه انتظرك تلقاني وتوقفني عن تكفيري في ولدك.
انقطع الخط على هذا الكلام اللي تردد صداه بين ضلوع صدره
عبدالرحمن/الووو الوووو لا تقفل
طاح الجوال من بين ايديه واسند رأسه
على الدركسون…صداع يداهمه وانفاسه تضيق معلنه ارتفاع ضغطه..
رفع راسه وفتح نور السيارة ..
ورفع الصور يتأملها/كبرت يا ابوك!؟ وصرت بنفس طول توأمك ليث بس ما تشبهه!؟ من تشبه؟!؟ وش طباعك !؟ وكيف دراستك متفوق مثل اخوانك!؟ وش تحب تاكل !؟
وش تتمنى تصير!؟
ضم الصور لصدره ورجع راسه على الدركسون بألم شديد براسه..
وما كانت الا دقايق الا وشباك سيارته يندق بقوه واصوات تناديه
رفع راسه بثقل وهو يشوف عياله واخوه حول السيارة وابوه واقف على مدخل البيت
مسح وجهه وإستجمع قوته ودخل الصور بجيبه..فتح قفل تحكم السيارة..ورمى جسمه بتثاقل على المرتبه وانفه بدأ ينزف
فتح خالد الباب بسرعه وهو ينحني له ويقيس نبضه وصارخ بالعيال/جيبوا حبوب الضغط وماء باارد بسرعه
ليث ركض يجيب حبوبه
خالد انحنى ورفع يد عبدالرحمن على كتفه
وساعده ليث
حتى اخرجوه من السيارة..
استجمع قوته وابعد يده عن خالد/اقدر امشي
تحرك لداخل البيت وكلهم تبعوه بخوف..
العنود مسكت
يده والدموع بعيونها/عبدالرحمن وش صاير
عبدالرحمن عجز يرفع عيونه لها/انا بطلع ارتاح فوق ..
غمض عيونه بقوه من ارتمت عروب بحضنه وبكت بقوه وهي عارفه ضيم ابوها تعرف اللي كاسر ظهره ومشقيه.. فهمت من يكون صاحب الصور..وعرفت ان المتصل كان الخاطف اللي ابدع باِنتقامه من ابوها …
عبدالرحمن يلف يده حولها وينحني لاذنها/اششش يا ابوك بخير بخير لا تخافين ابوك قوي
عروب بنفس الهمس/حسبي الله عليه الله يحرق قلبه
عبدالرحمن يرفع راسها له بشبح ابتسامه مسح دموعها وبهمس/يكفي اني شفته..اخوك طلع مزيون
عروب خالط بكاها ضحكه صغيره
في وسط حيرة الجميع من ضحكتها وفضول يعتريهم لمعرفة سر همساتهم
ادركوا ان عروب هي من تعرف سر ابوها..
تحرك عبدالرحمن وطلع لغرفته
العنود تمسك عروب/وش فيه ابوك
عروب تفلت يدها/ما اقدر اقول
خالد يسحبها له/عروب والله ان ما قلتي انك ما تحصلين خير
—-
الى الملتقى🖐
Like
سبنا 33
,
sira sira
and
وبل الغمام
like this.
رد مع اقتباس إقتباس متعدد لهذه المشاركة الرد السريع على هذه المشاركة
#9 أضافة تقييم إلى لامارا تقرير بمشاركة سيئة
قديم 16-01-22, 08:01 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
خالد يسحبها له/عروب والله ان ما قلتي انك ما تحصلين خير
عروب شهقت ببكاء/لا تضغطون علي ما اقدر والله العظيم ما اقدر
ابو عاصم شد على عصاه/هو سؤال واحد جاوبي عليه يا عروب..اللي متصل له علاقة بترك ابوك للطب!؟ وانكساره طول ذي السنين!؟
تشتت نظرات عروب كان كفيل بوصول الاجابه
خالد اردف/وش سالفة الصور‼️
مصعب رفع صوره بيده وهو يقلبها/سحبت هذه الصوره من جيبه بس مو واضحه
خالد اخذها منه وهو يدقق بالصورة..شاب طويل ونحيل ..تقدم من عروب ورفعها قدام عيونها/من هذا!؟؟؟؟
عروب تراجعت للوراء وهي تهز كتوفها بما ادري
ليث بصراخ ارعبها/تكلمي…مخليتينا على أعصابنا واحنا نسحب الكلام منك كأنك متفضله علينا
عروب بصراخ باكي/لو كنت اقدر اقول كان قلت لكم من اول ما عرفت اللي في ابوي وحتى اني اكتشفت اللي فيه بالصدفه ..لو عرفتوا بتنكسرون يكفي واحد يكفي ..و ما احد يقدر يساعده فـَعدم معرفتكم افضل له ولكم …ولا أحد يسألني مره ثانيه
تركتهم وطلعت لغرفتها منهاره…
تاركه الجميع خلفها في حاله من الرعب..
والخوف الشديد على عبدالرحمن فَـكلماتها زادت الوضع سوءًا
•••••
•••••
•••
بـعـد سـنـة
ها هي سنة جديدة تضاف الى رقم عمره
ليصبح19 تتكرر ايامها وكانها يوم وحد فقط لم يتخللها الا القليل من التغيرات التي لا تعد..مرغم على التعايش مع الاشياء المتاحه لا المرغوب بها.. إعتاد على الصمت المرعب اللي يحيطه وإعتاد الحديث الى نفسه...
ولكن من يجلس الى جواره الان اخترق صمته ووحدته و ها هو الان يبتسم بسببه…
احمد بعدم اقتناع/يعني تبي تقنعني ان هذا كل اللي صار في غيابي عنك بس
بجاد ويده على الدركسون يسوق داخل البر متوجه للمتسودع/وش تبي اكثر
احمد بحميه وهياط/علي بالحرام ان ام ناصر ذي غبنتني اخ بس لو كنت موجود كان دخلت يدي بعيونها
بجاد/تركت كل السوالف ووقفت على ام ناصر..ولا عشانها تكرهك ورافضه تكون بنتها محجوزه لك
احمد ضرب كتفه بدفاشه/اقول سوق وانت ساكت بس لأدخل اصبعي في عينك تراك غابني انت بعد
بجاد/هههههههههههههههه وش سويت لك
احمد يستعدل بجلسته بصعوبه بسبب سمنته/الحين انا ذابحن نفسي لي اكثر من سنه انتظر متى نجي للديرة عشان اعلمك ان ابوك يعرف من هم اهلك وانك موب لقيط وانت ما همك
بجاد ناظره بستخفاف/قلت لك ادري اني موب لقيط قبل اشوف خشتك يا الدب..بعدين وش تبيني اسوي!؟
احمد/يا رجال طس دور عليهم ولا هدد ابوك يعلمك منهم اهلك بتبلغ علي بيعه للخمر و إسأله ليش ما رجعك لهم وهو يعرفهم
بجاد بتقليد/هذا والله اللي بدخل اصبعي صدق في عينه…يا رجال اركد انت ما سمعت من هرج ابوي الا اخره
—
——-
احمد وهو يعيد اللي سمعه من عمه صالح يوم كان عندهم وكان يتكلم مع ابوه/افهمني ابوي سأل ابوك متى بترجع بجاد لأهله قال ابوك على جثتي ارجعه
واللي فهمتي من كلامهم ان ابوك خذك من محطه قبل الرياض ورجع فيك للديره
بجاد بدون اهتمام/وطيب اروح لأبوي اقوله رجعني لأهلي ولا أبلغ عليك!؟انك خطفتني!؟ احمد بحماس/ايه وبعد هدده انه اذ ما علمك انك بتبلغ على الخمر اللي يبيعه
بجاد لف الدركسون لأقصى اليسار يفحط
بقوه وسرعه بالسيارة والغبار يملئ السيارة بسبب الرمل
احمد بخوف/يويلي ويلاه وقف يا حيوان وقف الله يلـعـ.. وقـف..يـمـه رااااسي بمووووووت
بجاد يرجع يلف الدكسون
لأقصى اليمين/ههههههههههههههههههههه
احمد بصراخ/في وجهه امك ان توقف الله يبلاك…اسألك بالله ان توقف
بجاااد يخفف السرعه ويوقف/يا الخوف وبعدين لا تسال بالله الا الجنة..ههههههههههه
احمد ويده على راسه بدوران
فتح بجاد باب السيارة بحذر وترقب.
رفع احمد راسه وبتحذر/لا تتحرك
بجاد نزل من السيارة وهرب من احمد اللي نزل يركض وراه/بجاااادوه علي بالحرام ان اتوطى في بطنك يا الثور وقف
بجاد يركض اكثر بدون ما يلتفت له /هههههههههههه امزح معك يا مسلم
تعثر احمد وطاح على ركبته وجلس وهو يتنفس بسرعه بسبب الركض
خفف بجاد سرعته و إنحنى بيده مستند على ركبته يلتقط انفاسه/هههههههههههه
طاح الشر يا الدب
احمد بتصنع/إلحقني رُكبي مقدر احركها
بجاد رجع له /والله‼️ ا
احمد يمد رجله ويعثر له حتى طاح بجنبه
بجاد/اه وجع يا التعبان
احمد/الله ياخذك انقطع نفسي وطاح مني كيلو بسبب الرعب و المراكض وراك
بجاد ينسدح على تراب/ههههههههه سلفني الكيلو اللي نزل منك
احمد يكز تراب عليه و بإستخفاف/كركركر والله طلعت تعرف تنكت
ينفض التراب/تعلمت منك يا الفله
احمد بجديه/اقول لا تصرف..وقول لي وش ناوي عليه!؟بتسوي اللي قلت لك
بجاد جلس بطفش و بنزفزه/يااخي لا اصرف ولا شي..الحين بالله عليك اذ حصلت على قولتك اهلي وش اقول تعالو انا ولدكم الضايع مدري المخطوف؟؟ وبعدين!؟
احمد بذهول/انت من جدك!؟وش اللي وبعدين بيصير لك اسم واهل ويمكن يكون عندك اخوان يعني بالله عاجبتك عيشتك هنا!؟
بجاد بتصنع عدم الاهتمام/واذا صار لي اسم واهل واخوان!؟؟اترك الديره !؟ وأترك امي المريضه !؟ وحتى أبوي من بيساعده في شغله ومن بيطبخ لهم ..يا أحمد أنا ما اعرف لي اهل غير أبوي صالح ولو قسى ولا غير امي منيرة
احمد بإلحاح/ولو بتعيش حياة جديده بتفتك من ضرب ابوك وكرف البيت ومن سموم اهل الديره وقذفهم وإستحقارهم
رجع إنسدح وغطى عيونه بذراعه/يقولون خلك على قردك لا يجيك اللي اقرد منه..
رجع انسدح وغطى عيونه بذراعه/يقول خلك على قردك لا يجيك اللي اقرد منه..يمكن اكون ولد الهندي اللي كان في المحطه!؟
احمد بيأس وفتور/انا من شفت وجهك وانا شك انك هندي
وقف وعدل غترته هو يعيد عصبها على شعره اللي طال/هههههههه امش نرجع..بعد ابي امر الحلاق احلق شعري اللي طل قبل اداوم
احمد يوقف/الدوام له ترم الثاني له اسبوعين من بدأ متى بتداوم !؟ ترا ثالث ثانوي صعبه وانت ووجهك داخل علمي
بجاد/شف من ينصح ماخذ وضع الخريج اللي يطقطق..ارجع للرياض ودور لك وظيفه بدل البطاله
احمد/توي متخرج خلني ارتاح ذي السنه وبعدها لاحقين..وبحاول انحف عشان انقبل في الجيش ما حد بيوظفني غيرهم شهادتي الثانوي مثل ركبتي
بجاد يفتح باب السيارة/ههههههههههه لا تكفى لا تنحف ملحك بسمنتك
احمد بحده/هي هي وين راكب والله ما يسوق الا انا ..مو كل مره تسلم الجره
بجاد بعناد يركب/كيفك لا تركب
احمد يفتح الباب الثاني/انزل انزل بسرعه ولا والله ان ارجع للبيت على رجولي
بجاد/عز الطلب ما توصل للديره الا وانت نازل عشره كيلو واضمن لك الجيش
احمد يلتقطه من يقته ويسحبه بقوه لخارج السيارة وينزله غصب
ويركب مكانه
بجاد مسك رقبته بيده/هههههههههههههه تستقوي علي يا الدب!؟
احمد/بعد لـل 3 ما ركبت والله ان امشي عنك
ركب بجاد باِستسلام
ورجعوا للقرية..في طريقهم
بجاد/وقف عند الحلاق
احمد بدون ما يوقف/احلق بكرا بعد ما ترجع من الدوام
عبث بشعره بدون اهتمام/بكرا بكرا
وصلوا للبيت ..
نزلوا ..وجلس احمد على الرصيف بجانب باب البيت..
بجاد ابتسم بسخريه من لمح طفل صغير يمشي بصعوبه وحذر بسبب الكيس اللي بيده.. متوجه لهم/ احمدوه جوعان!؟
احمد بلهفه/ايه تكفى ميت جوع..اظبط لنا كبسة دجاج ولا مكرونه
بجاد/يخسى الجوع..وتخسى اطبخ لك
احمد ويده على بطنه/اجل نروح لمطعم!؟
بجاد يأشر بذقنه على الطفل
اللي وصل لهم/...
بجاد/يخسى الجوع..وتخسى اطبخ لك
احمد ويده على بطنه/اجل نروح لمطعم!؟
بجاد يأشر بذقنه على الطفل
اللي وصل لهم/وصل لك الاكل
رفع حاجبه/من هذا
بجاد ينزل لمستوى الطفل اخذ منه الكيس
الطفل ببرائه وغباء/تقول هنادي بالعافيه
بجاد يعبث بشعره/يعافيك..ولا يعافيها
الطفل يلوح بيده وركض/مع السلامه
بجاد راقبه حتى ابتعد ثم التفت لأحمد
اللي يصفق بيده/اووولالاااا هنادي وبالعافيه
بجاد يرفع الكرت صغير /هههههه هه
وقف احمد وسحب الكرت منه وقرأه بصوت عالي/"تعال لما تزعلك الدُنيا,انا دنيتّك الثانيه ورضاك….بالعافيه على قلبك ..””صَفّر بقوه/في اي حقبه زمنيه نعيش!من بعد يرسل اوراق ..
فتح الكيس واخذ صينية القصدير وجلس وفتح الغطاء وهو يشوف كرات البطاطس/اويلللي ياقلبي قلبه كذا الحب ولا بلاش
بجاد جلس بجانبه/اي حب واي بطيخ هذه فاهمه الحب خطأ متخذه قاعدة “اسعد بطني تكسب قلبي”
احمد يأكل بتلذذ/ونعم القاعده هي مو بس بتكسب قلبي بتكسب عقلي وقلبي وروحي وحياتي ودمي
بجاد/ابو بطين
احمد أخذ كرة بطاطس ورفعها نحو فم بجاد/بالله ذوق لذيذ مره
بجاد صد بنفور
وأبعد يد احمد/تستهبل!؟وكأنك ما تعرف اني مستحيل اكل من طبخ احد غير طبخي او طبخ ام سلمى وبس
احمد ياكل اللي بيده/نفسيه يبي لك دكتور نفسي بالله وين تودي الاكل اللي ترسله البنت واضح بان هذه مو اول مره ترسل لك اكل
بجاد/تاكله القطوه
احمد/الله يشفيك…وتعب حبيبة القلب يروح هباء
بجاد/حبك برص خليني احب نفسي عشان احب بنت الناس..
احمد/بذمتك ما تحبها!؟
بجاد ضحك بمكر وغمز له/لو تعرف من اخوها بتنجلط
احمد بحماس/من!؟
بجاد بإبتسامه ساخره/محسن
احمد/اللي يتضارب معك!؟؟
بجاد هز راسه بإيه
احمد ضرب فخذه وانحنى منفجر ضحك/هههههههههههههههههههههههه اخوها يكفخك في الصباح وهي تراضيك في الليل!؟؟
بجاد يركله لإسكاته وعينيه تدور في انحاء الحاره بحذر /اسكت فضحتنا
احمد يمسح دموع ضحكاته/انت عجبه كل اللي يصير لك عجيب..اكسبها وكسّر راس اخوها فيها
بجاد ركله للمره الثانيه بحده/استح على وجهك..مهوب انا اللي اخذ حقي عن طريق بنت..إلا الله يستر عليها
احمد/اقول إركد بس فكك من الشهامة محد درا عنك..والله ان تنكسر عين اخوها وما عاد يقدر يرفع عينه بعينك اذا عرف باللي تسويه اخته
بجاد هز راسه بنفي/وسوس لي الشيطان مره اني اسوي اللي قلت عليه بس عارف ان اخرتها ما بياكلها الا انـا..لانه ما بيصدقني وبيتهمني ان انا اللي اتعرض لأخته والكل بيصدقه في النهايه انا في نظرهم ولد الحرام اللقيط
احمد بضيقة من مرارة وقع هذي الكلمه”ابن حرام” لقيط” كيف لصاحبه بأن يتأقلم مع سمومها كيف له ان يرفض العوده لعائلته
احمد بضيقة من مرارة وقع هذي الكلمه”ابن حرام” لقيط” كيف لصاحبه بأن يتأقلم مع سمومها كيف له ان يرفض العوده لعائلته كي يتجرد من لقب “ابن الحرام..اللقيط” هو قدم له طوق النـجـاه من هذا المـسـتـنـقـع الموحل الذي يعيش فيه
فتجاهل هذ الطوق وكان القرار ليس له..
بجاد ضم حواجبه بحيره من صمت احمد..
لوح بيده للفت انتبه/هـي يـا اكس لارج
وقف احمد وصينيه بيده/دخلها للمطبخ بكملها اخر الليل
بجاد يفتح الباب /لحظه لا تدخل ..خليني اشوف لك درب
احمد يدف بجاد للداخل /اقول ادخل ولا يكثر بغطي عيوني
بجاد رفع سبابته بتحذير/يا ويلك ان تلقطت عيونك لداخل البيت وان لمحت زول امـي فقعت عيونك..حدك المجلس والحمام
احمد/هذا والله اللي يبيني ارجع للرياض من بكره
بجاد/على جثتي ترجع ..بس اذكرك تعرف البيت له حرمته
احمد /اخر واحد يتكلم عن حرمة البيت انت ترا عمتي ما تحل لك
بجاد احتقن وجهه بغضب ورفع قبضته بتهديد/احمدووووووه
احمد يتعده ويدخل المجلس/لايطق لك عرق
دخل خلفه بجاد وقفل الباب وراه بقوه
وتحدث بهمس غاضب/انت ناوي تجلطني
احمد بلا مبالاه/شفيك عصبت!؟؟ ما قلت شي غلط..مكانك مو هنا
بجاد بإنفلات اعصاب هجم عليه ومسكه من ياقته ودفعه بعصبيه/غلط؟؟؟ هذي امي يا حقير لو انت مانك مستوعب تراك جالس تعيد كلام ام ناصر
احمد دفعه بيبعده عنه ورفع يده على رقبته بالم/انا مو ضدك يا بجاد افهمني لمتى بتكون انهزامي وراضي بوضعك..في كل مره اشوف فيها وجهك الي مليان جروح ولا جسمك اللي بكل مكان فيه ندب ولا اسمع الكلام المسموم اللي يُوَجّه لك ينحرق دمي
الغصه تذبحني وانت ولا همك كانك آلـه.. بجاد تجهم وجهه بضيق ..رفع راسه للاعلى يحارب طيف دموعه بصمود
وقف مستند على ركبته يهم بالخروج من هذه الغرفه الخانقه..
توقف للحظه لصوت نداء
احمد بإلحاح/لا تتهرب..بـجـاد!؟
خرج وقفل الباب خلفه بقوه..
نعم يتهرب فهو يفضل ان يختنق الكلام في صدره على البوح به
مع ان في داخله اصوات مزززعجه تثير جنونه لحد ابتلاع غصاته كـالجبال
خرج من البيت
يتجول في حواري قريته الصغيره
بإنارات المنازل المتباعده..
بدون هدف..وصلت به خطواته لباب بقاله صغيره
بدون هدف..وصلت به خطواته لباب بقاله صغيره.. وبدون ما يدخل /ابو زكي
ابو زكي اخذ من الرف باكت دخان من سمع صوت يعرف نبرته جيدًا ويتوقع طلبه دون الاجهار به..بدون ما يخرج من البقاله حذف الباكت عند الباب..
انحنى بجاد وإلتقطه/سجله على الحساب
ابو زكي/حسابكم وصل للـ٣٠٠ اخر مره اسجل عنك انت وابوك
بجاد بلسان سليط متجاهل فيه كبر سن ابو زكي/بتسجل وانت ما تشوف الدرب..ولا وش هو له فاتح لك بقاله كان جلست في بيتك ابرك مع حرمتك
ابو زكي وقف بغضب مع انه تعود على الكلام الوقح منه..
لكن كان مبتعد بخطواته عنه راقب ابتعاده ثم دخل وهو يتحسب عليه …
-
جالس في ركن مظلم من الحاره مستند على الجدار..وشفتيه تحتضن السيجاره..
رفع رأسه للأعلى ونفث الدخان بقوه
لعله يخرج معها ما بداخله من فوضى..
ما لا يعلمه احمد بأن حديثه أثار اواصر جنون الخوف في نفسه..
فهو لم يتخيل حتى في اقصى احلامه بان تكون له عائلة ويعود إليها!؟
حتى اذا عاد اليهم فكيف سيكون اللقاء هل سيستقبلونه بالاحضان التي حُرم منها ولم يعتد عليها!؟ هل سيستقبلونه بالاهتمام والحرص وهو الذي لم يتلقاه ولم يألفه ولو للحظه!؟
هل ستكون له ام تغطيه اثناء نومه!؟ وتسهر الليل حتى عودته من الخارج!؟
وتنام الى جواره في مرضه!؟
وتعد له اصناف الطعام التي يحبها!؟ لِإرضائِه
وهل سيكون له اب يسحب هذا السم الذي بين شفتيه!؟ ويعاتبه بخوف!؟وحرص على صحته!؟
ويأخذ بيده الى المسجد!؟ ويتفاخر به في مجالس الرجال!؟
ويفرح لنجاحه!؟ ويحرص على دراسته و مستقبله!؟!؟؟؟؟ تقهقرت انفاسه لعبث الخيال به
لتسقط السيجاره من بين يده فدهسها بحذائه..
وجر خطواته عائدًا..من سراب باهت
—
لمح ابوه ينزل من سيارته
وانتبه لوقوفه/من وين جاي!؟
بجاد رفع البكت وحذفه له
إلتقطه صالح وعقد حواجبه بحده من لاحظ ان الباكت مفتوح وناقص منه حبه/سرقت منه يا السروق!؟؟
بجاد يدخل يده بجيبه/أجر التوصيل
انحنى صالح وإلتقط حذيانه وحذفه عليه لكن بجاد تفاداه/ابو زكي يقول الحساب ٣٠٠ اذ ما سددته ما عاد بيسجل لنا
صالح بفجعه/من وين جات الـ ٣٠٠!؟ يلعب علينا !؟
بجاد/لنا شهر ونص ما سددناه
صالح بصراخ/ اكيد انك يا سلقه تسجل على ظهري من وراي!؟والله ان لجاء بكره وما سددتها ان ادفنك بأرضك
بجاد دخل لداخل بتطنيش لصراخه المعتاد..
قفل باب غرفته و نزل ثوبه وعلقه على الباب
رمى بجسمه على مفرشه الي على الارض.. والنعاس يداهمه بشده ..
رفع عيونه بكسل للنور الي نسى يطفيه..غطى عيونه بذراعه يحجب النور عنه..ثم ابتسم ابتسامه باهته يغمرها شيئ من سعاده لانه قد قطع شكه باليقين
بأنه لم يكون ضحية عاشقين كان الشيطان ثلاثهما..
بأنه لم يكون ضحية عاشقين كان الشيطان ثلاثهما..ولم يكن لقيط في احدى الشوارع او المساجد او حتى دور الايتام
— —
—
-
في احد البيوت العريقه لعائلة صيتها يصل لعنان السماء بسمعتهم الطيبه..ومكانتهم الاجتماعية بين قبيلتهم..ومستواهم المادي فوق المتوسط
…
ولكن بين غرف واروقة ذلك المنزل الكبير يتواجد منفى يُخفى فيه سرًا
تلك العائلة..
لا لم يكون سرًا بلل وصمة عار في تاريخهم
إن أُكتُشِف ذلك السر فستكون النهاية لكينونتهم الاجتماعية..
سرًا لا يعرفه الا كبار تلك العائلة فقط..
سر يكمن في تمرد الابنة الوحيده لتلك العائلة
وخروجها عن المألوف بل كسرها للعادات والتقاليد..وزواجها من رجل اجنبي الجنسيه دون علم عائلتها..عندما كانت مبتعثه في الولايات المتحده الامريكيه..تزوجت من رجل كندي كان زميلًا لها في الجامعة..ومن هناك بدأ حبهما لبعض رغم اختلاف الديانات والعادات والثقافات..
اخفت زواجها لـمدة 8 سنوات متتاليه حتى انتهت بعثتها ..ثُمّ عادت الى الوطن بصحبة طفلتها وزوجها فحدث صدام وصراع متوصل وضغط من قبل العائله عليها حتى اجبروها على الانفصال..
دون ان يعلم احد بذلك…10سنوات الان مرت على انفصالها عن زوجها
والان ها هي تتلقى العقاب لتمردها وعقوقها لعائلتها فهي الان تصارع المرض الخبيث..
قد يكون مرضها نعمه..
فبسبب هذا المرض لم تجبر على الزواج الى
الان و بسبب هذا المرض سمحوا لإبنتها ان تكون معها…
ولكن بقاءها تطلب تضحية كبيره..
من قِبَل توأمها عاصي الذي كذب على الكل وقال ان ابنتها هي إبنته هو
وبأنه كان متزوج من اجنبيه..لإخفاء قصة عشقها وزواجها من اجنبي او كما يقولون قصة فضيحتها..
فزواج الرجل من اجنبيه اخف وقعًا ووطئةً من المرأة التي تتزوج اجنبيًا..حتى ان من عادات قبيلتهم ان لا تتزوج الفتاة من خارج القبيلة..فكيف بأن تتزوج من اجنبي الجنسيه !؟؟
وهذا سبب له واودى لمشاكل مع زوجته هند .. رفعت رأسها بخمول
وابتسمت بسعاده وهي تشوف بنتها جيلان تتمرن تمارين الصباح..
سارة/صباح الخير
جيلان نزلت الاثقال وإبتسمت بإشراق “وبلغة إنجليزيه”/صباح النور ..يبدو اني قد ازعجتك
سارة تفتح يدها لحضنها/تعالي
جيلان برفض/اوه لا فأنا متعرقه بسبب التمارين..سأدخل كي أستحم ثم سأُعانقك بشده حتى تتشابك اضلاعك ههههههه
سارة/هههههههههههههههه
سارة/ههههه
دخلت الحمام ونزعت ملابسها
ودخلت البانيو وفتحت الماء البارد لينسكب على جسدها.. ويمتلي الحوض بـ الماء
الجو هنا شديد الحراره..
مشتاقه لكندا و لاصدقائها الي مرت سنه على غيابها عنهم..
وفي نفس الوقت ما عندها الجرأه ترجع بعد الي مرت فيه..
ما تتخيل كيف بتكون ردت فعل امها اذا عرفت اللي صار لها في كندا اكيد ما بتصدقها
الان اللي صار شي اشبه بالجنون.. لذلك اكتتمت سر عودتها لهذه العائلة بعد هروبها منهم قبل سنوات..
وبررت رجوعها لهم بأنها مشتاقه لأمها ...
لـكن الوضع هنا ما اختلف كثير فأخوالها عاصي وعبدالرحمن مصرين انها تعيش هنا على انها بنت عاصي مو بنت سارة..
هذا غير كره هند زوجة عاصي لها وهواشهم المستمر
عشان كذا اضطرت انها تسكن مع خالها عبدالرحمن وعياله وتزور امها مرات وتنام عندها.. اقشعر جسمها بسبب برودة الماء
اخذت اكبر قدر من النفس ونزلت بقوه تغطس بالحوض كاتمه لنفسها المملوه بـ العبرات..
بسبب حلمها الليلة البارح اللي اعاد
لها اللي صار في كندا
خرجت من الماء وجسدها يرتعش
بخوف من ان اللي صار لها يتكرر.. تنهدت تنهيده متقهقره خلطتها دموعها الضائعة
المبعثر كـ حياتها..
المتقلبه بين فصول السنة
لولا وجودهم لولا تدخلهم لـ ربما كانت اسعد فتيات كـندا
مع هذا هم المجبورين على تحمل مسؤاليتها وعليهم تحمل عاقبة افعالهم و جنونها — —
دخلت وراء زوجها اللي بيده كوب شاهي
ويسوالف لها عن عمله
لكن بالها مو معه
إلتفت لها /انتي معي?
العنود /سم!؟
عبدالرحمن يجلس/سم الله عدوك لااا انتي بالك مو معي
العنود تجلس جنبه بضيق/قلبي ماكلني على اختي هند
عبدالرحمن ابتسم لان هذه المره الرابعه اللي تقول له/وشفيها بعد
العنود /وش بيكون فيها غير اخوك اللي احرق قلبها بأفعاله
عبدالرحمن/يا العنود سالفة صار لها 17 سنه وكانت طيش شباب واختك سامحته عليها
العنود/ اوكي سامحته ونست لما راحت بنته لامها في كندا الحين بنته هنا..في كل مره تشوفها
بتتذكر خيانته لها ..
عبدالرحمن بعتب/بنته يا العنود وين يخليها بالغربه..
العنود/..لي سنة كل ما اشوف فيها اختي يعورني قلبي عليها تاكل بنفسها..والله اني اعتبر جيلان مثل بناتي بس لسانها يبي له قص كل ما شافت هند تدقها بالهرج وتحاول تستفزها
عبدالرحمن يعيد نفس السيناريو والكذبه اللي اتفق عليها مع اخوه عاصي/
وش تبينه يسوي يا العنود!؟ يطرد بنته ولا يرجعها لامها اللي هددته انه اذا ما اخذها وتكفل فيها بتفضحه وترفع عليه قضية
العنود تشبك اصابعها ببعض بحسره/ نعنبو طلبها كيف تسوي ببنتها كذا كل هذا عشان الفلوس
——
الى الملتقى🖐🏻تعريف مختصر جداً
للعائلة
لا تقراءه اذ كنت فاهم الشخصيات..
تعريف فقط لمن لم يفهم ترتيب العائلة
——
الجد عازم العاصي"ابو عاصي"
اولاده
من زوجته الاول
عبدالرحمن+ عاصي+ سارة
—-
زوجته ابو عاصي الثانيه كانت زوجة لـ اخوه ابو عاصي المتوفي
و بعد وفاته تزوجها عشان عيال اخوه اللي هم" راجح..العنود..هند"
جابت و ولد من ابو عاصي اللي هو خالد فقط..
بكذا يكون خالد اخو عاصي وعبدالرحمن وسارة من ابوهم و اخو العنود و هند و راجح من امهم...
——
عيال عبدالرحمن وزوجته العنود
مصعب 29
عروب 26
رشا 21
التؤام المختلف لـيث و غـيث"اللي هو بجاد"19
——-
عاصي زوجته هند
اولادهم
انس 27
جولي 12
وسام 5
——
سارة البنت الوحيده لـ ابو عاصي..مطلقة من رجل كندي
وعندها بنت منه
جيلان 18 سنة
—————- ان شاء الله بكذا تتضح لكم الشخصيات
مع اني ما احب تعريف الشخصيات الان بعتقادي تعريفهم كان واضح من خلال البارتات
لدنا شخصيات اخرى في الروايه ولها دور مهم وتضحت لكم من خلال البارتات 💜