الفصل 33
الـــــــــــــــــبـــــــــارتــــ 1⃣4⃣1⃣ ...
📖🖌 @storykaligi 🎀🍃
حرك السياره وهو مبتسم بسببها
الى م وصل لبيت عبدالمحسن " كان دورين بنظام خشبي من برا يحاوطها اسوار
كامله عند البيت وحديقه ومسبح وجلسه
نزلو من السياره وهي تطالع بالمكان باندهاش
لفت عليه : معقوله مكان مثل هذا ينوجد عندنا ؟
ابتسم : عبدالمحسن وتصاميمه
مشو لداخل فتح الباب ودخلو كان عامه ذوقه ف هالبيت
مثل الاكواخ الاوروبيه بكل شي من مطبخ وحمام
وغرف والصاله نزلت نقابها بدهشه وابتسامه
من فخامه وجمال المكان : والله مصدومه اهنيه والله ع هالتصميم
لف ويخزها : لو انا لي القدره والفلوس كان صممت احسن منه !!
مشت وجلست ع الكنب وتمددت وحطت رجل ع رجل
وهي تطالع بالصاله من حولها : انا قدام هالجمال
اصمت !
رمى شنطته ع الارض : لو داري انك تبين هالمكان
كان من زمان تهاوشت مع اللي م يتسمى شايف نفسه ع وشو
هزت اكتافها : اولاد عم نفس الطبع
رفع حاجبه واتكئ بإيده ع مدخل الصاله : يعني انا شايف نفسي ؟
حور : ااي
ليث : وانتي ع وشو مغروره ؟؟
رفعت حاجبها : تبينا نتهاوش احنا الليله؟
مشى وقعد بجنبها ع الكنب واسند راسه ع ورا وغمض عيونه بتعب : لافكيني صيري زوجه صالحه وضميني
ضربته ع كتفه
ضحك وهو باقي ع وضعه ومغمض عيونه : م ينمزح معك !
فتح عيونه ولف عليها وعيونه بعيونها : جوعان
حطت ايدها تحت خدها وبهيمان متصنع : وش تبيني اطبخ لك ي زوجي العزيز !
ليث : اي شي والله م تفرق معي !
قامت : طيب امش معي للمطبخ مستوحشه المكان والله !!
مد ايده مسكت ايده وسحبته وقومته معها حط ايده ع كتفها ومشو متوجهين للمطبخ دخلو
طالعت المكان بهيمان : حتى مطبخه يجنن اكثر من بيتنا
نزلت عبايتها وحطتها ع جنب رجعت فتحت الدواليب والثلاجه وهي تحوس لقت مكرونه طلعتها وطلعت القشطه
ليث وهو واقف ومستند ع الطاوله قدامها رفعت عيونها له : بسوي مكرونه ساعدني يالله
تنهد وشمر اكمامه : اساعد حبيبي ليه م اساعد
نزلت راسها وابتسمت : م تترك حركاتك
بدو يجهزون للعشا مابين سوالف وهواش ومناقره بينهم وضحك وفضفضه الا بنهايتها لما حطت صحنها وصحنه ع الطاوله وجلسو
ليث بجوع وحماس : اخخخخ مااقدر اصبر الريحه تدوخ
حور بثقه : بسم لله علي سنعه
وهي بتبدأ تاكل الا دق جوالها رفع عيونه لها باستغراب لما اخذت الجوال فتحت الخط
الا ع نبره صوت ضاري بخوف ممزوج بفرحه : حور ؟؟ حور وينك انا عند بيتنا ليه في مستأجر جديد ؟
يتلعثم من وناسته : اسمعي اسمعيني الحين ابشرك انا طلعت من السجن
توسعت عيونها بصدمه وهي تطالع بليث !!!!!
🎀📖🖌 @storykaligi 📖🖌🎀
🍃🎀
🎀🍃🎀
🍃🎀🍃🎀
🎀🍃🎀🍃🎀الـــــــــــــــــبـــــــــارتــــ 2⃣4⃣1⃣ ...
📖🖌 @storykaligi 🎀🍃
عقد حواجبه بخوف من نظراتها مفجوعه !! حرك راسه وبهمس : شفيه؟؟
حست الدنيا جمدت من حولها بهاللحظه
وكأنها بوهم مو بواقع ابد !! بلعت ريقها بخوف ورجفه وبدموعها اللي تجمعت بعيونها
مابين وناسه وخوف : ضـ..ـاري !!
ضاري بخوف وفرحه : عيون ضاري عيون اخوك
حور بضيق ولهفه وشوق نزلت دموعها : ضـ..ـاري
قامت واخذت نفس وهي ترتجف حطت ايدها ع جبينها
وهي تحس بالخنقه ودموعها تنزل وبضيقه وبحه :
تكفـ..ى قول انك م تكذب تكفـ..ى قول انك صدق طلعت
تكفـ..ى
ابتسم بفرحه والدموع بعيونه : وربي م اكذب ي حور طلعت وبراءه .
عضت شفايفها وحطت ايدينها ع عيونها وهي تصيح من قوه فرحتها وخوفها اما ليث قام ووقف بصدمه
من سمعها !!!! مشى وهو مو مستوعب ولا مصدق
اللي يسمعه لفها عليه نزلت ايدينها وهي تطالعه بضيق
ودموعها ع خدها عقد حواجبه وبهمس : اخـ..وك؟ طلع؟
هزت راسها بإيه
ضاري : الووو حور ؟ الو وين رحتي ؟؟ ابعد الجوال يطالعه باستغراب الخط مفتوح ورجعه ع اذنه
: الو حور انتي معي ؟
استوعبت ان الخط مفتوح رجعت الجوال لاذنها
وبصوت مبحوح : الـ..و ضاري
ضاري بخوف : وين رحتي ؟
حور : موجـ..وده
ضاري بشك وخوف : فيك شي ؟
حور وهي تطالع بليث : لا مافيني شي
ضاري وهو يطالع بالبيت اللي كانو فيه وهو بنص
الشارع وبشك : حور ليه انتي مو في البيت ؟؟ ليه
فيه مستأجرين ؟ وين رحتي ؟!! وين طلعتي ؟؟!! بلعت ريقها بخوف وربكه وهي تطالع بليث
نطق بحده من خوفه : حور وينك ؟!!!!
انتفضت واقشعر جسمها من نبره صوته الحاده
اما ليث رفع حواجبه بدهشه من سمع صراخ اخوها
بالجوال اخذت نفس وهي ترتبك هزت راسها لليث
بمعنى وش اقوله ؟
طالع حوله وهو يفكر وش يقولها
ضاري بحده : حور قولي لي وينك ليه فيه مستأجرين ببيتنا ليه ؟
حور برجفه صوتها : لان طـ.. طـ..ردني صاحـ..ب البيت!
ضاري باستغراب عقد حواجبه : طردك ؟؟!! حور : م دفعـ..ت له الايجار !
رفع حاجبه بدهشه : هاه ؟؟
ضربت ليث بخوف ابعدت الجوال وبهمس : شقول ؟!!
ليث : مـدري والا اقول اي خليه يجي هنا
حور بصدمه توسعت عيونها : يجي هنا ؟!! ليث : ايه خليه يجي ونتفاهم معه
حور بهمس : م ظنتي فيه تفاهم
ضاري : الو ؟! حور وين تنقلعين انتي ؟
رجعت ع جوالها بخوف تطالع ليث : معك معك اسمعني تعال انا طلعت لبيث ثاني
ضاري باستغراب : اي بيت ؟؟
حور : بعطيك العنوان وانت تعال
ليث بهمس : قولي له اذا مطفر احنا ندفع للتاكسي
حور : ابعطيك العنوان وتعال بتاكسي واذا مامعك شي انا بدفع له
ضاري : نشوف
وقفل ...
الـــــــــــــــــبـــــــــارتــــ 3⃣4⃣1⃣ ...
📖🖌 @storykaligi 🎀🍃
صدت وهي متنرفزه متوتره بخوف
خبت وجهها بايديها بارتباك ورجفه !
تنهد وجلس وكمل اكله ابعدت ايدينها
لما طاحت عيونها عليه وهو ياكل رفعت حواجبها
بدهشه : فيك حيل تاكل ؟؟
رفع عيونه وهو حاط الشوكه بفمه يطالعها باستغراب
نزل الشوكه وهو يكمل ياكل : معليش قاعد اقوي نفسي بالبلع قبل م يجي اخوك لان واضح الليله ماراح تعدي ع خير !
صدت وبتأفف : اووف منك ي برودك ي ليث
عطني العنوان اخلص
اخذ جوالها وكتب العنوان وارسله لضاري اما هي طلعت قعدت بالصاله اما هو كمل اكله
قعدت ع الكنب تربعت وضمت المخده لصدرها ومتكئه
بايدها ع ذراع الكنب وهي حاطه كفها ع جبينها
وزفرت بضيق : اووووووف
حطت وجهها ع المخده وزفرت وهو طالع من المطبخ
وبايده صحن المكرونه وشوكتين وكاس العصير
مشى وهو يطالعها مستغرب دافنه وجهها بالمخده
جلس ع الطاوله وحط الصحن والكاس بجنبه
رفعت راسها له بضيق
ليث : شفيك ؟
عضت شفايفها بنرفزه : وتسأل شفيني تستهبل ع راسي انت
ضحك : ان لله تحرقين اعصابك وهو باقي م جا م تدرين يمكن يكون عقله متفتح ويكون الوضع فري عنده ويبارك لنا
طالعته بنظرات حقد اخذت المخده وضربته فيه بقوه
: عن السماجه ي فله انت لو م كفخك هو يكون هذا انجاز تدري !!!
ابتسم : انجلد لعيونك
رجعت المخده لحضنها واستندت ع ورا وهي تطالعه
بهم وضيق
عقد حواجبه : م ودك تاكلين
غمضت عيونها ببراءه وحزن : ياربي يفكر بالاكل واحنا بوسط مصيبه ..
اخذ الصحن ومسكه وحط اللقمه بالشوكه
ومده لفمها : اكلي
فتحت عيونها وهي تطالع بالشوكه ثم رفعت عيونها له : والله مو وقتك
ليث : اكلي بالطيب والا تبيني ااكلك بالغصب اكلي عاد!!
زفرت بضيق : ليـ..
ليث : اكلي قلت !! ابتعدت ع ورا
نزل الصحن بتأفف وقرب منها ابتعدت ع ورا مسك
فكها بايده وهو يطالع فيها ورجله ع الكنب ورجله الثانيه
ع الارض وهي راجعه ع ورا لذراع الكنب وهو تقريباً فوقها : افتحي هزت راسها بلا
عاندها وشد بايده ع فكها وفتح فمها بالغصب وحط اللقمه
بفمها وابتعد : اكلي
سكرت فمها بغيض وقهر تاكل
ليث : تبين اغصبك وااكلك بنفسي والا تصيرين مثل الاوادم ..
سحبت الشوكه بقهر من ايده واخذت الصحن وتاكل وهي متنرفزه اما هو جلس ع الطاوله يطالعها وبابتسامه ع تصرفاتها منقهره منه وتحط حرتها بالاكل!!
_
بعد نص ساعه قاعدين بالصاله قام ليث : شكله مطول والا انه ضيع دقي عليـ..
الا برنه الجرس للبيت صنموا وهم يطالعون ببعض .
لف بسرعه ليث ومشى لعند السنترال التلفون اللي بكاميرا
للي عند الباب ...
🎀📖🖌 @storykaligi 📖🖌🎀
🍃🎀
🎀🍃🎀
🍃🎀🍃🎀
🎀🍃🎀🍃🎀
👍
16
❤
4
🔥
1
5.49Kviews
09:16
الـــــــــــــــــبـــــــــارتــــ 4⃣4⃣1⃣ ...
📖🖌 @storykaligi 🎀🍃
فزت بسرعه تركض لعنده ابتعد لما جت وتطالع
شهقت بخوف : ضضضارري
لفت ع ليث بخوف ترجف : والله ضاري !!
مسكها وثبتها وعيونه بعيونها : خلاص اهدي !!! خلاص
ابعد ايدينه ولف يطالع بالشاشه : اصبري بنكلمه
بهدوء طيب
ولف عليها : طيب ؟
حور : لا والله مو طيب !
تنهد : بتخلينه برا ؟
حور : خلك هنا بروح افتح له انا
ليث : بكيفك
اخذت نفس ومشت وتوجهت لبرا وهي ترجف بكل خطوه
تحس انها تقترب من نهايتها اخذت نفس عميق
لما وقفت عند الباب للحظه ما سمعت صوته يزفر
بعصبيه وهو ينتظرها دق الباب مسكت مقبض الباب
وفتحته بهدوء عقد حواجبه دخل وهي ورا الباب لف
اطالعته بخوف وطالعها بغرابه ضمته
بسرعة وبضيق وفرحه : الحمدلله ع سلامتك
الحمدلله والله م تدري شكثر مشتاقه لك !
ابتسم وحضنها : والله مو كثري ي الملسونه !
دمعت عيونها ابتعدت عنه وهي تطالعه ابتسمت : والله م صدقتك لما قلت لي
ضاري : انا بنفسي مو مصدق اني طلعت
عقدت حواجبها : صدق شلون طلعت ؟
طالعها باستغراب استوعبت ع نفسها وضحكت بربكه
: لا اقصد ان يعني قالو ان مستحيل يتنازلون
وان مافيه براءه فقدت املي والله واستسلمت عشان كذا انصدمت باللي صار !!
ابتسم : براءه ي عيون اخوك براءه والله م دريت الا يوم يسحبوني للمحكمه ف هالقضيه وقالوا هات اقوالك
وقلت كل شي صار الا بذيك البنت لما اعترفت انها كانت مخططه لكل هذا انصدمت من وجودها م سمعت
الا كلمه المتهم ضاري عيسى براءه رجولي ي حور
رجولي احس ماقدرت اوقف عليها من قوه صدمتي وفرحتي
وقتها انهرت بصدمه من فرحتي والله مو مستوعب احس اني خايف للحين !! يمكن انهم يعني ينادوني ويرجعوني لذاك المكان اخاف يصير كل هذا كذب مدري مو مستوعب للحين اللي صار مو مستوعب اني بريئ !!
ابتسمت من بين دموعها ومسكت ايدينه
: الحمدلله ع سلامتك م تصدق شكثر فرحت وتطمنت
احس هموم مثل الجبال انزاحت عن اكتافي !
دمعت عيونه سحبها لحضنه : اخخخ ي الملسونه
كيف تركتك بوسط كل هالمصايب اسف وانا اخوك اسـ..ف
ابتسمت : ماله معنى هالكلام دامك موجود ..
ابتعدت عنه عقد حواجبه وهو يطالع بالمكان باستغراب
: وش هالمكان !!
نزلت راسها بتوتر من سؤاله لف عليها : شفيك ؟
رفعت عيونها وابتسمت تخفي ربكتها وتوترها : يوه سالفه طويله انت روح ارتاح وبعدين افهمك !
تنهد ومشى وهي وراه مرتبكه وبتوتر الى لما دخل
ودخلت وراه وبخوف عضت ع شفايفها وهو يطالع
بالمكان باستغراب لف ع جهه الصاله
جمد !!!!!!
الـــــــــــــــــبـــــــــارتــــ 5⃣4⃣1⃣ ...
📖🖌 @storykaligi 🎀🍃
ليث اللي وقف بلحظتها وهو يطالع بضاري !
لف ضاري ع حور بصدمه مو مستوعب
مثل الصاعقة طاحت عليه اما حور ابتعدت
ع ورا وهي ترجف من نظراته !!
رجع لف يطالع ليث بصدمه غمض عيونه وفتحهم
ضحك بدهشه وصدمه ولف ع حور وهو
يحس انه يغلي من داخل
نطق برجفه وصدمه من اخته : حـ..ور ؟؟ حـ..ور مين هذا ؟؟!
بلعت ريقها بخوف وبرجفه : ضـ..ـاري تكفـ..ى اسمعني للاخـ..ير !
انفجر بعصبيه وبصراخ :
مين ذا ؟ !!!
وهي برجفه تطالعه مو مستوعبه
الا لما لف ضاري وتوجه لليث بصراخ
مثل البركان ينتفض بعصبيه ووجهه مال للاحمرار
وبرزت عروقه اما ليث رجع ع ورا بهدوء ومبتسم
بربكه وصدمه : حيا الله ضاري !
تو م نور البيت هلا والله اخـ.. الا بلكمه ضاري لليث ..
طاح ع
ورا صرخت حور بفجعه ركضت لعند
ضاري اللي ركب فوق ليث وماسكه من ياقته
بقوه وبعصبيه وحده : مممممين انت ي *** وش جابك عند اختي ؟!!!
ليث بتألم حط ايده ع شفايفه اللي تنزف
وهو دايخ : يا الله ترا البارحه تكفخت امداك انت بعد !
اما حور اللي مسكته من ذراعه تحاول تسحبه عن ليث : تكفى ضاري خله بقولك كل شي تكفى اترجاك !! خله
سحب ذراعه من ايدها وهو يطالع بليث ومسكه
من ياقته بقوه : مين انطق .
حور بربكه : ي ضاري تكفى خله تكفى اترجاك
عند ليث اللي يحاول يبعده عنه : يااخي اسمعني اصبر !!!
اما حور تحاول تبعده بالقوه بس م تقدر
الا لما دفه ليث بقوه وطاح ضاري ع ظهره بقوه
قام ليث وهو يتنفس بسرعه وايده ع شفايفه
بتألم : حشى مو آدمي !!
تنرفز ضاري وفز من مكانه بسرعه
الا وقفت بينهم حور وبصراخ : خلاص بس !
ولفت ع ضاري : تكفى خلاص وقف بفهمك كل شي بس تكفون بدون هواش وضرب !!
ضاري بانفاس متسارعه وعصبيه : مين ذاا ؟؟!! مين ؟
حور بربكه سكتت
ضاري بعصبيه وصراخ : مممممممييييييين ؟؟؟!!! حور برجفه م قدرت تنطق لفت بصدمه ع ليث لما نطق بكل برود وهو يطالع بضاري : زوجها !!
مثل المويه الباردة نزلت ع ضاري
بصدمه جمد
مو واعي وكأن هالكلمه مثل الصدى
يتردد بمسامعه ...
#مـــكـــــمــــلــــيــــــن_مـــعــكم....