القلب المسروق - الفصل 4 - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵القلب المسروق* *❴🔢❵الـــبـــــــــــ❴الرابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: #القلب_المسروق #روز_سعد_الدين #الجزء_الرابع بليلة تنفيذ العملية ، راحت نينار على البيت يلي كانت متفقة مع وليد عليه ، و بقيت طول الليل عم تنتظر قدومو بس ما اجا ، خافت عليه كتير و قلقت ليكون صابو شي ، بس كمان خافت على حالا خافت تطلع برات البيت و تمسكها الشرطة …… بقيت متخباية جوات البيت لمدة شهر كامل ، كانت تطلع لحتى تشتري أكلا و بس ، كان معا شوية مصاري معطيها اياهن وليد و حدا متل نينار عاش طول عمرو بالشوارع لشو بيحتاج المصاري! بس نينار ما فقدت الأمل و بقيت كل ليلة تنطرو بهداك البيت لوقت ما سمعت صوت الباب ندق ، قلبا صار يخفق بسرعة ، فتحت الباب و هيي منتظرة وليد يفوت عليها و يقدملا تبرير لغيابا و يعتزر منها لانو خلاها تنطرو بس يلي على الباب كان شخص ما بتعرفو نينار : مين حضرتك …… : انا يلي لازم اسألك ، هاد البيت الي شو عم تعملي هون نينار : بيتك ، بس نحنا ، قصدي انا و وليد …… : اها ايوا ، انتي خطيبتو لوليد نينار : اي ، انت بتعرفو …… : طبعا بعرفو انا يلي أجرتو البيت ، هوي قلي انو رح يستأجر البيت لشهر واحد بس شايف انو ما فضيتو البيت ، صار مارق تلت ايام على انتهاء الشهر ازا بدكن تجددو شهر تاني لازم تدفعيلي الاجار نينار : هوي قلك لشهر واحد بس ، متأكد ما جابلك سيرة عن مشترى البيت؟ …… : لا ما قلي ، بس ازا بدكن تشترو البيت في معاملات كتيرة لازم نعملا نينار : مبدئياً خلينا نجدد الاجار لشهر تاني ، بس ما معي مصاري حالياً بكرا بخلي وليد يمر عليك يدفع الاجار …… : ماشي بس لا تتأخرو اكتر راح الزلمة و نينار بلشت تدرك انو وليد ما تخلى عنها هوي من البداية كان متخلي عنها و البيت استأجرو حتى يخدعها لتعمل هالشغلة نينار : انا بفرجيهن ضحكو عليي ، كزب عليي و وعدني بالبيت و الزواج و اخد المصاري و شمع الخيط و هرب لبست برجلا و طلعت فوراً من البيت راحت على المستودع بس ما لاقت حدا كان فاضي ، نينار : شكلو من يوم ما كبست الشرطة عليهن غيرو مكانن اها تزكرت اكيد رح لاقي عند وهيب و ازا ما لقيتو هنيك ، اكيد بيعرفو شي عنو راحت على كازينو وهيب و التقت على الباب مع اسمر اسمر : انتي شو رجعك ، شو جاية تعملي هون ؟ نينار : انا جيت حتى اسألكن عن وليد و ازا بتعرفو شي عنو اسمر : عم تجدبيها عليي يعني مسكا من ايدا ، قليلي لشوف وليد لشو بعتك شو في براسو هالمرة نينار : تركلي ايدي ، وليد ما شفتو من بعد هديك الليلة اسمر : يعني وليد اخد المصاري و ضحك علينا الكل نينار : شو ما عم افهم ليش ما قسمتو المصاري بيناتكن اسمر : ههههههه ااااخ منك يا وليد وليد الكلب حسان : اسمر شو عم تعمل عندك ، المعلم عم يسأل عنك اسمر : جاييك اسمعيني يا نينار لهون لا بقى ترجعي ، المعلم وهيب ازا شافك حالف الا يقتلك مع وليد نينار : ليش انا شو دخلني اسمر : هوي مفكر انو سرقتي المصريات مع وليد و هربتي لهيك اوعي يشوفك حدا من رجالو ، روحي من هون و سمعي خليني شوفك لحتى افهم اكتر ، وين بقدر لاقيكي نينار : هون بهالشوارع حسان : اسمر شو عم يصير معك يلا اسمر : رح مر عليكي بس يخلص شغلي ، بشوفك بالساحة يلي جنب المدرسة القديمة جيييتك حسان نينار : طيب رح استناك لتخلص شغلك بعدت نينار قبل ما يقرب حسان اكتر و يشوفا و راحت على الساحة و قعدت هنيك تنطر جية اسمر غفت هيي و ناطرتو ما بتعرف قديش نامت ، بس لمن فتحت عيونا شافت وش اسمر عم يتطلع فيها نينار : ااه اسمر : شبك نينار : خوفتني ، ليش هيك مقرب مني اسمر : كنت عم اتأكد ازا نايمة نينار : بعد عني شوي اسمر : ماشي رح بعد نينار : انا نطرتك حتى اعرف منك شو صار بهديك الليلة اسمر : انا يلي جاي لاعرف منك شو صار نينار : بعد ما عطيتكن الاشارة حتى تفوتو ، بلش صوت اطلاق النار و سامر صحي بعد ما كان غايب عن الوعي ، حط فردو براسي و كان رح يقوسني بس وليد فات باخر لحظة و انقذني منو ، سرق مصاري الخزنة و مسك بايدي و هربني من هداك القصر و من بعد ما امن عليي و وصلني الشارع ، قلي انو راجع لعندكن لحتى تقسمو المصاري و من بعدا ما شفتو اسمر : ايوااا ، هالكلب نينار : فهمني اسمر : وليد كان حافظ و عارف تقسيم بيت سامر من جوا ، لهيك ضل رايح دغري على غرفتو هالشي خلاه يقدر يسرق الخزنة و يهرب و نحنا لسا علقانين مع رجال سامر نينار : وليد تاجر مخدرات مو هيك اسمر : لو وقفت على المخدرات منيح ، وليد ما في شي ممنوع غير و اشتغلو تهريب ممنوعات مخدرات ، كلو نينار : طيب كيف قدر يعمل كل هالشي بفترة قصيرة اسمر : وليد وصل على المدينة ولد مشرد صايع تعرفت عليه و حبيت ساعدو ، قمت شغلتو عند المعلم وهيب و هنيك تعرف على تاجر مخدرات مشهور كتير ، اعجبو وليد و شغلو معو ما مرق كم شهر على شغلو عند تاجر هالمخدرات الا و صار ايدو اليمين و بين ليلة و ضحاها نقلب حالن و تقاتلو و انتشرت شائعات بوقتا انو وليد سرقلو مصرياتو نينار : اي كمل و عنجد طلع سارقن؟ اسمر : على الأغلب ، وليد بعدا قتلو للتاجر و استولى على عرشو نينار : ما عم صدق انو وليد عم يعمل كل هالشي اسمر : المصاري عمتلو على عيونو نينار : طيب شو يلي بيجبرو يعيش بمستودع متل المشردين اسمر : عمل هالشي حتى ما يلفت نظر العصابات الكبيرة عليه ، و كمان لانو كان عم يخطط لقتل سامر نينار : يعني من البداية كان هدف الخطة قتل سامر مو الخزنة اسمر : اي و كمان الخزنة فيها معلومات عن صفقات و تجارة ممنوعات يلي هني اهم من المصاري نينار : يعني سامر مانو رجل اعمال اسمر : سامر مهرب سلاح و تجارة المخدرات عندو هواية نينار : يا الله قديش كنت غبية ، كيف و ثقت فيه و بحكيو ، تلاعب فيي و بمشاعري و كل هالشي كرمال اخدم مخططاتو الرخيصة و انا يلي عم احلم ليل نهار بالمية الف دولار يلي بدنا نسرقن كرمال نعيش حياة كريمة اسمر : هههههههههه قال مية الف ، لك الخزنة بيطلع فيها اكتر من نص مليون دولار نينار : اسمر خلص حاج ، كل ما بتحكيلي معلومة بستتفه حالي اكتر اسمر : لا ما تظلمي حالك ، كلنا نخدعنا ، ازا المعلم وهيب يلي محدا بيطلع معو براس نحلقلو بقى احنا الصغار شو بيطلع بايدينا نينار : قديش كانت رح تكون حصتك اسمر : وشو بفيد هلأ نينار : مجرد سؤال اسمر : 15 الف دولار نينار : انا كان واعدني بتلاتين الف اسمر : خلص تركينا من سيرتو ، كل ما بتزكر كيف نخدعنا بضيق نفسي وين رح تنامي الليلة نينار : بدي شوف ازا مكاني يلي تحت الجسر فاضي و بنام فيه اسمر : ليش ما بتروحي معي ………………………… على بيتي نينار : و شو بدي اعمل ببيتك اسمر : مو احسنلك من نومة الشوارع ، و بعدين انتي هلأ نعرفتي بنت ، يلي رح يحاولو يستغلوكي كتار ، و لا تنسي المعلم وهيب عم يدور عليكي ، يعني بدك مكان امن ما بينشك فيه و بيتي هالشروط متوفرة فيه نينار : و ليش عم تساعدني ؟اكيد مو لوجه الله اسمر : طبعاً في مقابل بس المقابل رح يكون شي رمزي كتير ، ما رح تتعزبي انتي و عم تدفعي نينار : هههههه على اساس خايف عليي من الاستغلال ، ليكك اول حدا فكر باستغلالي اسمر : انا عرضت عليكي العرض و حرية الخيار بتركا الك بعدين انو تكوني مع رجال واحد عم يحميكي و يلبيلك كل طلباتك مقابل خدماتك كزوجة الو ببيتو ما فيكي تقولي عنو استغلال ، سميها تبادل مصالح نينار : يعني عم تقلي حسناتك غلبت سيئاتك ، و رجال واحد يتحكم فيي احسن من عشرة يتسلو فيني اسمر : شايفك اخدتي الموضوع باستهتار ، انتي حرة انا رايح و انتي شوفي مكانك تحت الجسر لف وشو و مشى بس نينار ما قدرت تتحمل فكرة انو ترجع تتشرد مرة تانية ، ببساطة لانو يلي بجرب شعور الامان و الاستقرار لو لساعة وحدة بس ما بفكر يرجع للتشرد ، لهيك نينار شافت الانسب الا و اختارت نينار : اسمر ابتسم ابتسامتو الخبيثة ، لانو ادرك انها اختارت العيشة ببيتو نينار : نطرني جاية معك اسمر : كنت عرفان رح تحسني الاختيار ، مشي قدامي راحت معو نينار و شافت بيتو المتواضع جداً ، كان عبارة عن غرفتين صغار و مطبخ و حمام بغض النظر عن وضعن المزري يلي بيشبه حاوية الزبالة نينار : هلأ انت عايش هون ، لك يا زلمة الشوارع انضف من بيتك اسمر : جلالة الملكة نينار بعتزر لانو المكان مو من مقامك بس تنضفي البيت و ترتبيه بيرجع يلمع متل اول نينار ما كان عندا خيار هيي وافقت على العيشة عندو و على تقديم خدمات الزوجة لالو اسمر : اليوم نامي و ارتاحي و بكرا بس روح على الشغل برجع بلاقيكي منضفة و مجهزة الاكل و ناطرتيني نينار : بس اسمر : اها بلشنا ، بس شو نينار : ما بعرف اطبخ اسمر : لا تقلقي معك معك بتتعلمي خدي هدول المصاري لحتى تشتري شو بيلزمك و شو بيلزم البيت خديهن ليش خجلانة انا مسؤول منك من اليوم و رايح ، كلشي بتحتاجي بتطلبيه مني و انا رح لبيلك رغباتك بالمقابل كلمتي عندك ما رح تصير تنتين نينار حست باحساس غريب هيي و عم تاخد المصاري منو ، هاي اول مرة حدا بيعطيها مبلغ كبير اسمر : روحي نامي و بكرا بشوفك راحت نينار تنام هيي و عم تفكر ازا الشي يلي عملتو صح ، ما بهم لانو ما كان قداما خيار الشي الوحيد يلي كانت متأكدة منو المرة هوي انو ما لازم ترجع تثق بحدا ابداً غير حالا ، وثقت بوليد و شافت شو عمل فيها ، كان براسا شغلة وحدة و بس انو من اليوم و طالع بدا تستغل الكل حتى تاخد يلي بدا اياه و ما رح تسمح لحدا يستغلا فاقت تاني يوم الصبح و رتبت بالبيت يلي قدرت عليه ، جهزت اكل و فيقت اسمر تعزبت كتير بتنبيهو كان نومو تقيل كتير نينار : يا اسمر فيق اوووف انا الله بشو بلاني اسمر اسمر : اممم روحي من هون نينار : اوووف عملت اللي عليي تركتو و راحت على السوق تجيب اغراض ، و لمن رجعت ، شافتو قايم من النوم و معصب اسمر : انتي وين كنتي نينار : بالسوق اسمر : اخدتي ازني قبل ما تروحي نينار : ليش بدي اخد ازنك ضربها كف اسمر : انا عم اصرف عليكي بهاد البيت و عم طعميكي و شربك و نيمك مشان تعتبريني رجل كرسي بهاد البيت ! ازا بدك تفوتي الحمام لازم تاخدي ازني ، عم تفهمي …… جاوبيني عم تفهمي نينار : اي عم افهم اسمر : فوتي على المطبخ اعمليلي شي اكلو بدي انزل على الشغل ، تحركي نينار حست بالقهر من تصرفاتو ، بس ما فتحت تما بحرف حتى ما يعصب عليها اكتر و يضربا لانو واضح انو ايدو طويلة جهزتلو الاكل و ندهتلو نينار : الاكل صار جاهز اسمر : تعلمي الطبخ بسرعة ، لانو ما فيني قضيها على اكل الحواضر نينار : ماشي نينار : ممكن اخد ازنك ، بدي روح على الحمام زورا اسمر بنظراتو ، نجحت انها تستفزو بدون ما تقول شي ياخدو حجة لضربها اسمر خلص اكلو و راح على شغلو ، و نينار وقفت قدام المراي تشوف وشا كانت اثار ايدو معلمة على خدها ، بكيت على حالها كتير ، لو بقيت متخباية بشخصية امين مو احسنلا ، و بلحظة تسرع فكرت انو كلاب الشوارع ارحملا من اسمر و امثالو طلعت برات البيت و راحت على الساحة يلي بتحب تقعد فيها بس تتضايق و بقيت هنيك لحل الليل كان في الف سؤال براسا ، انو ليش هيي من بين كل بنات الكوكب الله اختارها حتى تتشرد و تعيش هالحياة الصعبة ، يا ترى اهلا كانو فقرا كتير و ما قدرو يربوها ، والا حدا خطفها من عيلتها و باعها والا كلام الناس صحيح هيي بنت حرام حست انو ازا استمرت بالتفكير راسا بدو ينفجر ، تمددت على صخرة و عيونها تعلقو بالسما كانت عم تعد النجمات و تتخيل برسماتن ، لحد ما سمعت صوت رجال وهيب لاحقين واحد …… : ما عملت شي انا والله حسان : رجع يلي سرقتن …… : ما سرقت شي ضاعو حسان : هاد الحكي ما بيمشي معنا كانت نينار عم تراقب بحذر ، شهقت لمن قوس حسان الزلمة ، حطت ايدا على تما حتى ما يطلع صوتا حسان : مين في هون قرب حسان باتجاها حتى يشوف مين يلي طلع صوتو و قلبا صار بين رجليها بس فجأة طلعت قطة من جنب حاوية الزبالة حسان : هاد انتي يلي رعبتيني راح حسان و هيي تنهدت بارتياح ، هدول ما في عندن مزح بالمرة ، يلي بيغلط معن بيقتلو ، استنت حسان و الرجال لراحو و رجعت ركض على بيت اسمر حالياً بيت اسمر هوي آمن بيت لالها فاتت البيت و لونها مخطوف ، كانت متوقعة تلاقي اسمر بوشها ، بس ما شافتو بالبيت نينار : عنجد انو انا محظوظة اليوم فتحت باب الغرفة و فاتت عليها ، لقيت اسمر متسطح على التخت نينار توترت : هااد انت ، ايمتى جيت ما شفتك اسمر : طبعاً ما رح تشوفيني ، لانو حضرتك بتغافليني و بتطلعي من البيت نينار : ما غافلتك كنت ناوية اتركلك البيت اسمر : و شو رجعك نينار : رجعت اسمر : مزال رجعت ، يبقى فهمتي انو ما الك حدا غيري نينار : اي جلس اسمر قعدتو و قال : فتحي الكيس يلي جنب التخت نينار : هاد اسمر : اي ، قليلي شو رأيك بهت لون وشا لنينار لمن شافت قميص النوم اسمر : لبسي و تعي نامي جنبي نينار : اسمر بترجاك ، ما تطلب مني هالشي ما بقدر ، طلوب اي شي الا هاد اسمر : هههههه هاد اهم شي نينار : هالشغلات ما بتصير بالغصب و انا مو جاهزة بترجاك تعطيني وقت اسمر : و انا ما عم اغصبك ، عم قلك تعي باراتدك و ازا ما بدك بعطيكي لوهيب هوي يحر يعمل فيكي يلي بدو اياه نينار : عم تهددني اسمر : عم بينلك العواقب نينار : لكن سماع ، ازا بتسلمني لوهيب رح قلو عنك ، رح قلو انك كنت مخبيني عنو عليي و على اعدائي اسمر : انا ما بتهدد ولي كلبة قام اسمر و بلش فيها ضرب هوي و عم يسبا بأبشع الألفاظ اسمر : انا يا كلبة لميتك من الشارع ، رجليي لازم تبوسيهن نينار : اااه تركلي شعري ، عم توجعني كتير اسمر : وقت بقلك على شي بتجاوبيني حاضر نينار : خلص متل ما بدك ، حاضر حاضر ااااااي مشان الله بعد عني اسمر : القميص يلي جبتو روحي لبسيه شو عم قووووول ، قالها بصراخ اخدت نينار القميص و لبستو من تم ساكت هيي و عم تبكي و اسمر ما همو شي اخد يلي بدو اياه متل الحيوان بدون ما يراعي مشاعرا ، او حالتا النفسية و رفضا الو اسمر نام و نينار لتفت على حالا بطرف التخت عم تبكي بدون ما تطالع صوت نينار كل مرة بتقدم فيها تنازل بتقنع حالا انو هالتنازل رح يكون الاخير ، و ما بتلاقي حالا الا و عم تتنازل اكتر و اكتر ، خسرت كل الجولات و ما ضل عندا شي تخسرو غير حياتا تاني يوم فاق اسمر الضهر تحمم و لبس تيابو و راح على شغلو بدون ما يحكي معا حرف او يتطلع بوشا و نينار قعدت تفكر بوضعا الحالي و لوين ماشية ، بالاخير قررت تترك هالمدينة و تبعد عن كلشي فيها يمكن اجا هالقرار متأخر شوي بس اكيد افضل من قعدتا تحت رحمة اسمر كانت ناوية ترجع لشخصية امين حتى تقدر تعيش بالشواع بس هالمرة بغير مدينة فتشت بيت اسمر لعل و عسى تلاقي شي الو قيمة تستفيد منو ، بس ما لاقت شي اسمر عامل متواضع بيتو على قدو راتبو يلي بيقبضو بيصرفو على اكلو و المشروب لاقت شوية مصاري كان تاركن بالبيت ، حطتهن بجيبتا و راحت لحتى تطلع من البيت ، بس كان الباب مسكر ، و كأنو اسمر قلبو حسو انها ما رح تبقى بالبيت ، بيعرف حالو غلطان نينار : الله يلعنو ، مفكر ازا سكر الباب ما فيني نط من الشباك فتحت شباك الصالون كان بدون حماية و نطت منو ، بالمصريات يلي معا شترت تذكرة قطار ضبت شعراتا جوات الطاقية و لفت مشد على صدرا ، لبست كنزة واسعة و بنطلون جينز مسحل و انطلقت لغير مدينة