القلب المسروق - الفصل -3 - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵القلب المسروق* *❴🔢❵الـــبـــــــــــ❴الثالث❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: #القلب_المسروق #روز_سعد_الدين #الجزء_الثالث اسمر : يا انسة نينار : عم تحكيني الي اسمر : العفو منك ليش في غيرك هون نينار : كنت شاتة شوي اسمر : ولا يهمك ، تفضلي حتى اخدك لغرفتك نينار : وليد هوي يلي بعتك اسمر : اي تفضلي معي مشيت نينار ورا اسمر و هني بالطريق للغرفة شافت اشيا كتير غريبة مانا متعودة على شوفتا بحياة الشوارع ، بنات اشكال ألوان ، لبسن كتير قصير و بيفضح اكتر ما بيستر ، مكياجن تقيل طريقة ضحكتن و حركاتن مستفزة ، حست انو عم تشوف نسخ من شيملا قداما و شباب سكرانين ماشيين ورا هالبنات ، في واحد منن قرب باتجاها و صار يتطلع فيها بنظرات عم تتفصحا من اصابع رجليها لراسا ، خافت كتير و ما عرفت شو بدا تعمل ، بس تدخل اسمر باخر لحظة اسمر : يا ريت تروح على غرفتك استاز …… : ليش عم تخبو عنا البضاعة الحلوة و تعطونا شو ما كان قرب اسمر من الرجل و قلو : هالبضاعة بتخص المعلم وهيب ازا مصر كتير انو تجرب هالنوع من البضاعة لازم تكون جاهز لتشوف الوش التاني من المعلم بعد هالكلمتين بعد هالزلمة و الذعر كان واضح بعيونو اسمر : يا ريت تبقي ورايي و ما تتلفتي شمال و يمين مشان سلامتك نينار : انا انا … ما فيني ابقى هون ، بدي شوف وليد اسمر : المعلم وليد رح يجي بعد شوي ، تفضلي قدامي هاي غرفتك نينار : بس… اسمر : شيملا رح تجي بعد شوي نينار : اي حست نينار بارتياح بس سمعت باسم شيملا ، صح ما بتعرفا غير من ساعات قليلة ، بس على الأقل وجود شخص بتعرفو بهيك أماكن بيخليك ترتاح شوي بقيت نينار عم تستنى بالغرفة لحالا اكتر من ساعة و محدا اجا لا وليد ولا شيملا بس بالاخر سمعت صوت الباب عم يندق و ركضت تفتح الباب لانو كانت مفكرتو وليد نينار : هاد انتي شيملا شيملا : شو ما نبسطتي بشوفتي نينار : لا بالعكس ، بس فكرت وليد اجا شيملا : هههههه وليد نينار : ليش عم تضحكي شيملا : المعلم وليد سهرتو شغلتا مطولة ، لا تستني على الفاضي نينار : شو قصدك بهالحكي ، وليد وينو ؟! شيملا : شو عم تغاري على المعلم يا حلوة ، بس ما تكوني حاببتيه نينار : هالشي ما بخصك شيملا : معناها مكان وليد كمان ما بخصك نينار : شيملا بترجاكي وليد وينو شيملا : ههههههه سهران بشي غرفة من هالغرف مع بنات هبلان متل حكايتك و عم يتسلى و انتي هون ناطرتيه لك يا مجنونة لوين رايحة؟! نينار : بدي دور عليه بهالغرف شيملا : لك البناية كلا رجال سكرانين و مو بوعين بلا ما يأزيكي شي حدا فيهن بعد ما فتحت نينار الباب و كانت ناوية تطلع ، خافت بس تزكرت هداك السكران و نظراتو لإلها ، تراجعت باخر دقيقة و قعدت على التخت نينار : بس وليد بيحبني ! شيملا : هوي قلك هالشي نينار : نحنا عملنا علاقة ، ما فيه يخوني بهالبساطة شيملا : ههههههههههههه اخ يا بطني عم يجعني من الضحك نينار : بس انا ما قلت شي بضحك شيملا : هلأ ازا عمل معك علاقة يعني بحبك ؟ عنجد انك هبلة و درويشة و دور امين لابقلك اكتر من نينار ههههههههه نينار : حاج تتمسخري عليي شيملا : لك يا هبلة وليد معلم بتعرفي شو يعني ، هادا حوت متلو متل المعلم وهيب عندن نفوذ و معارف و قوة و رجال لك حتى عندن تجارة ممنوعات ، ما في بنت بتقدر تمتلكن نينار : بس وليد مانو هيك ، هوي قائد شلة زعران مشردين مو متل ما انتي مفكرة شيملا : لك هدول المشردين و الزعران اللي عندو بتاجرولو بالمخدرات ، اسأليني انا عنن بعدين المعلم وليد صغير بالعمر كتير ، ما فكرتي كيف الكل بيسمع كلمتو و بخاف منو ؟! نينار : ……… شيملا : المصاري و الرجال يلي حواليه و الناس اللي بضهرو هدول كلن سببن تجارة الممنوعات نينار : انتي عم تخبصي بالحكي ، وليد مانو تاجر مخدرات ، اي هوي مشرد و سيء أحياناً بس مو متل مانك مفكرة ، بعدين انا بعرفو من زمان كتير من لمن كنا ولاد صغار ، كيف بدو يبني امبراطورية بالكبر يلي بتحكي عنو بتلت سنين بس ! شيملا : ليش عم تعب حالي بتفهيمك ، خلص متل ما بدك ، قومي خلينا نتدرب شوي نينار : تدريب شو شيملا : بدي علمك كيف تمشي بالكعب و أصول الغنج و الدلال نينار : ما رح اعمل شي حتى يجي وليد و افهم منو كلشي شيملا : لك ازا اجا و شاف انو مو عاملين شي انا يلي بتبهدل نينار : ما دخلني ، بدي اعرف كلشي ، حاسة حالي ضايعة بيناتكن الباب عم يندق هادا اكيد وليد و هالمرة كان وليد يلي على الباب وليد : شو صار معكن وين وصلتو نينار : شيملا طلعي لبرا و تركينا لحالنا شوي وليد : شو عم يصير معك نينار ، ليش بدك شيملا تروح نينار : وين كنت ! شيملا حست انو وجودا مالو اي ضرورة فانسحبت بهدوء و سكرت الباب وليد : شو نينار عم تحاسبيني نينار : ليش ما بيطلعلي حاسبك على سهراتك الحلوة ؟! وليد : ايوا فهمت مين عم يزرع هدول الأفكار براسك شيملا مو هيك نينار : مانو مهم مين عم يقلي ، بدي توضيح و تفسير وليد : اي كنت عند وهيب ، كنا عم نحكي بشغل علقان بيناتنا عرفتي هلأ وين كنت نينار : شو هالشغل ، تجارة مخدرات ؟!! وليد : شووو انتي اكيد جنيتي ، تجارة مخدرات شو يلي عم تحكي عنا لك هنو شوية ولاد عم يسمعو كلمتي ، بدك تخليني تاجر ممنوعات نينار : طيب قلي ليش كان معك سلاح ؟ وليد : بعيونك شفتي كيف هجمو علينا عصابة الذئاب ، هالشي لحتى احمي حالي نينار : عقلي كتير مشوش ، انا بعرفك من زمان ، انت مالك دخل بشغل الممنوعات و العصابات مو هيك وليد ! وليد : طبعا يا نينار ما لازم يكون عندك شك بهالشي الناس بتطلع عني اشاعات كتير لأنو شايفيني صغير بالعمر و في شوية ولاد عم ينادولي معلم لهيك عم يفسرو على كيفن نينار : و انا هيك قلت ، بس شيملا كانت واثقة هيي و عم تحكي…… وليد : حسابا عندي هالبنت ، لسانا صار بدو قص نينار : لا ما تأزيها ، هيي شو خصا سمعت حكي من الناس وليد : والله هالناس لو بتشغل مخا شوي بتعرف الجواب لحالا ، لو كنت تاجر مخدرات و عندي مصاري كنت اشتريت بيت و عشت فيه ، ما كنت قعدت بخرابة بالشارع نينار : انا اسفة لأنو شكيت فيك للحظة وليد : مافي داعي تعتزري ، بتعرفي شو ؟ نينار : شو وليد : بس نسرق هالمصاري رح اتزوجك و نسكن ببيت كبير و نبعد عن كل هالأجواء نينار : عنجد عم تحكي ، بدك تتزوجني وليد : ايه بتقبلي تتزوجيني نينار : ههههه ما عم صدق ، بس مو لازم تقدملي خاتم وليد : اي بس يصير معي مصاري رح اشتريلك احلى خاتم نينار : لكن بس تجبلي الخاتم رح قلك انو موافقة حملا وليد و صار يلف فيها و هيي عم تضحك : : : وليد : نينار انا رايح عندي شغل برجع بس خلص شغلي و يمكن اتأخر بس ماعم لاقي الحزام نينار : ليكو هون على الارض ، رح جيبو وليد : يسلم ايديكي نينار : ما تطول وليد : ما رح طول ، رح ابعتلك بنت بدل شيملا نينار : ليش خليها لشيملا تعودت عليها وليد : هالبنت بتحكي كتير و بعتبلك اعصابك نينار : متل ما بدك طلع وليد من الغرفة هوي و معصب و راح لعند وهيب فوراً وليد : وهيب انت يلي قلت. لشيملا تخبر نينار على كل شي وهيب : اهدى يا وليد و روق ، و شيملا شو عاملتلك وليد : مطولة لسانها بالحكي قدام نينار ، و انت اكتر واحد بتعرف قديش انا بحاجة نينار بالمهمة يلي خبرتك عنا مبارح وهيب : يا وليد انت عرضت عليي شاركك بهالمهمة و انا وافقت يعني ازا بخرب عليك بكون عم خرب على حالي و انا ماني اهبل حتى ضيع هيك فرصة من ايدي وليد : اوعى تكون عم تلعب معي يا وهيب وهيب : له يا وليد مو انا اللي بعمل هيك ، بعدين هاي شيملا حسابا عندي ، صارت مطولة لسانا اكتر من مرة و بدا ترباية اسمر …… حسان ………… حدا فيكن يرد حسان : امرك معلم وهيب : ساعة لتردو ، انا لشو عم ادفعلكن حسان : العفو منك معلم في مشكلة صايرة برا و كنا عم نحلا وهيب : شيملا حسان : شبا معلم وهيب : مطولة لسانا بالحكي بشغلات ما بتخصا ، لسانا صار بدو قص حسان : صار يا معلم وهيب : و ابعتو سوزان لعند البنت الجديدة و وصوها تشتغل من تم ساكت و هلأ يا معلم وليد رضيت وليد : ازا بتزبط هالشغلة معنا رح نصير فوق فوق رح يتهافتو كل التجار بالسوق لينالو رضانا وهيب : رح نشوف وليد : رح تشوف : : : أخد حسان سوازن لعند نينار متل ما وصاه المعلم حسان : بيقلك المعلم الشغل من تم ساكت عم تفهمي عليي سوزان : قلو للمعلم تكرم عينو هوي بس يرضى علينا حسان : فوتي بلا كترة حكي سوزان : فايتة دقت سوزان الباب و نطرت حتى فتحتلا نينار ، عرفتا عن حالا و بلشت تعلما الشغل و متل ما وصوها ما فتحت تما بحرف ، حاولت نينار تستفسر منا عن شوية شغلات و تعرف منا معلومات حتى تريح قلبا ، بس سوزان كانت حذرة و ما عطتا يلي بدا اياه بقيت ساكتة و تكتفي بالصمت او قول ما بعرف نينار : انتي ما بتحكي كتير سوزان : شغلي بيتطلب مني هيك نينار : انتي بتعرفيها لشيملا سوزان : اي بعتوني بدالا لانو عندا شوية شغل نينار : اها سوزان : اي و هلأ حطي هاد الكتاب على راسك و امشي بالكعب لحتى شوف ازا بتقدري تتوازني نينار : اي سوزان : لمن بدك تضحكي ، ضحكي بصوت عالي ، الابتسامات الخجولة مو لشغلنا نينار : اي سوزان : و كلشي بينحكالك ضحكي عليه ، حتى لو كانت نكت بايخة و تافهة بدك تسايري و تماشيه نينار : اي بعرفن لهدول الشغلات قالتلي عنن شيملا سوزان : لكن يلا عمليلي بروفا نينار : شو بتعرفي عن هاد سامر يلي عم تحضروني لالتقي فيه سوزان : رجل أعمال ، غني كتير ، و كتير بنات دبحو حالن لياخدو هالفرصة ، بس المعلم وليد اختارك الك نينار : اوقات بحس بالخوف و بفكر اتراجع بس ازا زبطت خطة وليد رح حقق كل احلامي سوزان : اي ، هلأ خلينا رح نختارلك التياب ، في مجموعة فساتين وصلت حتى تختاري منها نينار : اي ، خلينا نختار و نخلص يا ريت يجي بكرا بسرعة و ينتهي كل هالشي و ارتاح سوزان : شو رأيك بالفستان الأخضر والا الأزرق احلى نينار : ما بعرف ماني متعودة على هيك ألوان فاقعة سوزان : هاد الأحمر رح يلبقلك اكتر شي نينار : بس هاد كتير قصير و مكشوف ، بخجل اطلع بهيك تياب سوزان : هههههه حبيبتي ما في خجل بشغلنا ، بكرا بتتعودي و تزكري خجل اقل مصاري اكتر نينار : انا ماني متلكن و ما رح اشتغل على طول ، هيي مرة وحدة و بس و بعدا رح اترك كل هالقرف للأبد سوزان : ليش هيك عصبتي عليي ، ما حكيت شي نينار : نقي شي فستان و كعب مناسب الو و روحي من هون تعبت بدي ارتاح سوزان : طيب بعتزر منك ليكو الفستان حطيتو هون انا رايحة ، بدك شي نينار : لا الله معك طلعت سوزان من عند نينار هيي ولافة بوزا و عم تنفخ و تحكي مع حالا اسمر : بسسست سوزان تعي لهون سوزان : شو بدك يا اسمر اسمر : شايفك عم تخانقي دبان وشك ، شو صاير سوزان : مافي شي اففف اسمر : حكي معي منيح و لا تتأفأفي بوشي احسن ما اكسرلك هالوش الحلو سوزان حست بالخوف من حكيو و حطت ايديها على وشا تتحسسو بحركة لا ارادية منا سوزان : انا بعتزر منك مو بقصدي اسمر : شفتك طالعة من عند البنت الجديدة سوزان : اي رفعتلي صغطي من غباءا و ما قدرت الا سايرا لحتى ارضي المعلمين اسمر : حلوة هالبنت و بريئة سوزان : شو شايفة هالبنت خارطة مشطك اسمر : اي مصيرن يخلصو شغل معا و يكبوها علينا و وقتا منجربا سوزان : الشغلة بدا صبر ، بكرا كلو بصير ببلاش اسمر : روحي على شغلك سوزان : رايحة اسمر : ……. نينااار : : : نامت نينار هديك الليلة هيي و عم تفكر بيوم بكرا الكل عم ينطر هاليوم …… يا ترى هل رح يتوفقو بمهمتن والا الفشل رح يكون نصيبن كلن معلقين آمالن على هالمهمة نينار يلي حلما تتزوجو لوليد و تعيش كبني ادمة طبيعية ببيت مع حبيبا و تجيب منو ولاد و وهيب يلي اقنعو وليد بشراكة و شغل رح يكسر الدني و يدر عليهن المصاري اما وليد يلي محدا بيعرف شو في براسو ، الكل في براسو شي بس رح يقدرو يمشوه على اللي براسو لوليد ؟ نينار فتحت عيونا و شافت وليد واقف جنب الشباك عم يدخن سيجارة نينار : وليد ايمتى جيت وليد : شو فقتي نينار : اي نطرتك مبارح بس ما جيت وليد : قلتلك عندي شغل ، كيف همتك نينار : متحمسة كتير لأنو من بعد هاليوم رح تنقلب حياتنا ، بس خايفة شوي وليد : ما بدي اياكي تخافي ابداً و انا معك ، بس بدي تثقي فيني و تتبعي تعليماتي بحزافيرا وقفت نينار وراه و لفتو من ضهرو نينار : انا بحبك كتير وليد : مين علمك هالحركة شيملا والا سوزان نينار : ههههه لا محدا طلعت بعفوية وليد : فوتي تحممي و جهزي حالك بدي اخدك لحتى نفطر برا نينار : يعني هاي عزيمة وليد : اي ، بدي خففلك من توترك ، ما بدي تفشل هالمهمة من ورا غلطات ثانوية نينار : يعني كل هالشي كرمال مهمتك و مو مشاني وليد : انتي اهم شي عندي نينار : الله يخليلي اياك طلعو سوا لحتى يفطرو بس وليد كان مخبيلها مفاجأة ، اخدا على بيت و فرجاها اياه و قلا انو ناوي يشتري هالبيت لالن بعد ما يخلصو هالمهمة نينار : هاد البيت رح يصير النا وليد : اي نينار انا جبتك لهون مشان قلك شي تاني نينار : قول وليد : اول ما تخلص هالمهمة ، بدي منك تجي على هادا البيت و تقعدي فيه و بتنطريني لحتى ارجع نينار : ليش نحن ما رح نهرب سوا بس نسرق المصاري وليد : انا رح يكون عندي شغل مع وهيب ، رح نضيع الشرطة حتى ما يوصلولنا و بنقسم المصاري و برجع لعندك نينار : ليش خبرت وهيب عن هالمهمة ، يعني لو بقينا لحالنا متل اول ، كانت المصاري رح تكون كلا النا وليد : لانو ما كنت حاسب حساب انو الشرطة تكبس على المقر اللي كانو معي هربو و انا بحاجة لمساعدة حدا ما بقدر لحالي و ما فيني غامر و ارجع على المستودعات شوف ازا حدا منن رجع بخاف تكمشني الشرطة نينار : اي معك حق وليد : متل ما وصيتك الليلة بس تخلصي شغلك بتجي على هاد البيت نينار : ماشي متل ما بدك وليد : و هلأ صار لازم نرجع مشان تحضري حالك نينار حست بشي غريب لمن قلا تجي على هاد البيت قلبا ما كان متمطن و كان معا حق ، محدا بيعرف الخطة تبع الليلة غير وليد يلي ناوي يكشف وراقو باخر لحظة رجعو لعند وهيب ، نينار بلشت تجهز حالا لليلة و وليد راح لحتى يراجع الخطة مع للرجال و وهيب ، كلشي صار جاهز و بحلول الليل كانو عم يحطو اللمسات الأخيرة وليد كان عم يلبس درع واقي للرصاص و على الطرف التاني نينار عم تشلح تيابا و تلبس فستان قصير يا دوبو عم يغطي فخادا ، وليد عبى مخازن أسلحتو و نينار عبت شفافا بالحمرة وليد صار جاهز لابس سترتو الواقية و مدجج بالأسلحة و رجالو متلو نينار الوحيدة فيهن يلي فايتة المعركة بدون تجهيزات او تحضيرات ، هل رح يقدر فستانا القصير يحميها ؟! فتح وليد باب الغرفة على نينار يلي نبهر بجمالا بس شافا ، وقف للحظات عم يتطلع فيها و مو قادر يشيل عيونو عنها ، انتبه لحالو و اتدارك الموقف وليد : جاهزة نينار : وليد خوفتني ليش لابس هيك وليد : الاحتياط واجب طلعو لبرا و الشي يلي زاد صدمتا لنينار هوي عدد الرجال يلي لابسين متل وليد و حاملين أسلحة ، هون نينار بلشت تدرك خطورة الموقف و انو هالشي ما رح يكون ببساطة احلامها الوردية الساذجة يلي قضت ليلة مبارح عم تحلم فيهن ، بس يمكن الحق مو عليها هيي كمان محدا وضحلا خطورة هالشي ولا حتى حطوها بالصورة نينار : حاسة حالي متل الفايتة على المعركة خسرانة ، الكل مستعد الا انا و هربت دمعة من عيونا وليد تطلع فيها بشفقة ، كان بيعرف انو ما الا زنب غير انو بيوثق فيها و تمن هالثقة رح تدفعو نينار وليد : نينار تطلعت فيه على امل انو يقلا تراجعت ما عاد بدي خاطر فيكي وليد : خدي هاي الحبة ، خبيها معك و بس تصيري مع سامر لحالكن حطيلو اياها بمشروبو حتى يغفى و يغيب عن الوعي ، مشان ما يصير شي بيناتكن نينار : و ازا رفض يشرب شي ! لف وليد وشو على الجهة التانية و هيي وصلتا الاجابة ما بتعرف ليش بهدوك اللحظات حكي شيملا صار يخطر على بالا و تتزكرو كتير وليد حوت ، وليد تاجر مخدرات ، بيشتغل بالممنوعات حست راسا رح ينفجر ، لأنو التفسير المنطقي الوحيد للشي يلي عم يصير قداما و الأسلحة يلي شايفتا هوي حكي شيملا دماغ الانسان زكي كتير و معقد ، الدماغ ما بس بفكر هوي كمان بيحس ، اي الدماغ بيحس و بينبئنا بحدوث الخطر قبل وقوعو ازا حس فيه ، بس احنا منحب على طول نكزب هالاحساس و ما نصدقو و نوهم حالنا انو مجرد احاسيس نابعة من خوفنا المبالغ فيه لأنو منحب نضل نفكر انو لسا الامور بخير و تحت السيطرة ! نصيحة ازا بيجيك هالإحساس لا تكزبو ، و كون متأكد انك بخطر ! تروك كلشي بين ايديك و اركض بعيد عن مصدر هالخطر قبل ما يفوت الأوان و تندم للأسف نينار كزبت هالإحساس و اوهمت حالا انو كلشي بخير و بعد هالليلة امورا رح تزبط و وضعا رح يتحسن وليد : سامر صار جوا ، اسمر رح يوصلك لطاولتو ،طبقي كلشي تعلمتيه و خليه يختارك اساسا كل البنات الحلوات ما سمحنالن ينزلو على الكازينو الليلة بس بضل عليكي تبذلي مجهود صغير ليقع عليكي الاختيار بدي منك تكوني واثقة من حالك و قوية ، و ما تخافي كلنا بضهرك و رح نلحقكن بالسيارات نينار : انت تاجر مخدرات كبير او متل ما بقولو حوت وليد : بس نخلص رح فهمك كلشي ، بوعدك ما رح يصيبك مكروه الليلة اسمر : معلم صار لازم نفوت مشيت نينار مع اسمر و فاتت على الكازينو اسمر : هداك هوي سامر ، يلي قاعد مع بنتين على الطاولة اخدت نينار نفس عميق و راحت ، مشيت باتجاهو هيي و عم تطلع فيه و تتبسملو و تحرك شعرا بايدا متل ما تعلمت و قعدت على طاولة جنبو و بالفعل ما مرق دقائق الا و كان سامر باعتلا خبر مع الجرسون حتى تقعد على طاولتو سامر : شو هالجمال كلو ، ما عم صدق ملكة جمال الليلة قاعدة معي على طاولتي نينار : ملكة كل ليلة مو بس الليلة سامر : هههههه ما قلتيلي شو اسمك نينار : ياسمين سامر : انتي جديدة هون نينار : ما صارلي زمان بهالشغلة سامر : كتير حلو ،هاد طلبي تروحي تكملي السهرة معي بمكان اهدى و بعيد عن هالعالم نينار : اكيد بروح طلعو من الكازينو و ركبت معو بسيارتو و لمحت سيارة وليد من بعيد عم تلحقن كانت خايفة و متوترة كتير ، اما سامر كان عم يغني بالسيارة ولا على بالو شو عم يصير حواليه سامر : بتشبهي ممثلة على التلفزيون نينار : اه اي كتير بسمع هالجملة كانت احاديث سامر مملة و تافهة بس نينار سايرتو سامر : وصلنا لبيتي المتواضع ، نزلي نينار نصدمت بس شافت قصرو ، كان وليد قايلا انو رح تروح لشركة بقيت منبهرة بالقصر عم تطلع بحديقتو و نوافير المي بس الشي يلي كان صادمها اكتر هو كمية المرافقة و الحراس يلي موجودة نينار : انت ساكن لحالك بهالقصر الكبير سامر : اي مرتي و ولادي عايشين برات البلد خلينا نفوت فاتو لجوا و نينار متل ما كانو موصينها طلبت مشروب سامر : خلي المشروب لبعدين نينار : ما فيني فوت بالجو بدون المشروب سامر : لكن رح صب على زوقي جاب سامر كاستين نينار اخدت منو كاسة و حطت فيها الحبة و صارت تتحايل على سامر حتى شربا ، و فواً بعد الكاس داخ و وقع من طولو و هيي فوراًصارت تضوي ضو الغرفة و تطفيه عدة مرات ورا بعضن ، هاي كانت الإشارة يلي اتفقو عليها مشان تخبرن انو خلصت مهمتا ، بعدا بلش صوت اطلاق النار نينار خافت و قعدت بزاوية الغرفة عم تنطر حتى يجو و يخلصوها ، الشي يلي ما كانت حاسبة حسابو ، هوي انو سامر بلش يصحصح على صوت الرصاص لمن فاق و شاف نينار بالغرفة و في حرب قايمة برا بلش يصرخ سامر : انتي شو عملتي فيني اه مين هدول يلي برا نينار كانت عم تبكي و تقلو ما خصني ما بعرف سامر حمل سلاحو و جهو على راس نينار ، بهاللحظة فتح وليد الباب و قوس سامر براسو و نينار ركضت على وليد و ضمتو وليد : خلص ما تخافي ، كلشي خلص لازم افتح الخزنة ، دغري راح على خزانة التياب و فتحا و كأنو عارف مسبقاً وين مكانا شحط سامر الميت على الأرض لعند الخزنة و فتحها ببصمة ايدو اول ما نفتحت الخزنة نينار ما صدقت عيونا ، المبلغ كان كبير كتير بعمرا مانا شايفة متلو و لجهلا صدقت حكي وليد بأنن مية الف دولار وليد كان حامل شنتة على ضهرو ، فتحها و بلش يعبي المصاري فيها ، اخد كلشي موجود بالخزنة من وراق و مجوهرات و مصاري ، ما ترك شي فيها وليد : لازم نهرب بسرعة نينار : و سامر انت قتلتو بدك تتركو هون وليد : لا بدي احملو على ضهري مشان ادفنو ، مشي بسرعة ترك وليد وهيب و الرجال علقانين مع رجال سامر ، و اخد المصاري و نينار و هرب ركضو كتير بالشارع حتى وصلو مفترق طرق وليد : انتي كملي من هاد الاتجاه و روحي على البيت مكان ما اتفقنا و انا رح ارجع لعند الشباب ، منخلص شغل و برجعلك نينار : لا تطول وليد : روحي ، ركضي ولا تطلعي وراكي ……………………………………………………… وصلنا لنهاية الجزء التالت ، ملابسات كتير رح تنكشف بالقصة و احداث رح بتصير اوضح ، لتفهمو كلشي تابعو الجزء الرابع تحياتي روز 💕💕💕 الإشارة إلى مزيد من الأصدقاء