القلب المسروق - الفصل 2 - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵القلب المسروق* *❴🔢❵الـــبـــــــــــ❴الثاني❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: #القلب_المسروق #روز_سعد_الدين #الجزء_الثاني في صباح اليوم التالي ، فتحت نينار عيونا و شافت حالا نايمة على فرشة و متغطية بحرام جوا غرفة ،استغربت مكان نوما كانت متعودة تفيق تلاقي حالا جنب شي مزبلة او تحت شي جسر ، بس تزكرت الأحداث يلي صارت معا و انو هيي هلأ نايمة بمستودع وليد ، ابتسمت و رجعت غمضت عيونا حسن : أمين المعلم طالبك نينار : حسن الضخم هاد انت حسن : المعلم من ساعة ناطرك لتفيق من سباتك الشتوي نينار : تركني نام كمان شوي مو كل يوم بلاقي فرشة و حرام لنام فيهن وليد : حسن طلاع لبرا حسن : معلم هاد انت ، أمرك وليد : فوتي يا شيملا بس سمعت نينار باسم المعلم فتحت عيونا ، و وقفت على رجليها و فاتت شيملا و يا حزركن مين شيملا …… بنت بملامح هندية فاتت على الغرفة و ريحة عطرا الشعبي عبت الأجواء و فاتت لجوا أنف نينار بتياب ملونة و مكياج تقيل و مركز على العيون شيملا : وينا البنت يلي قلتلي عنها وليد : هاي البنت اسما نينار شيملا : شكلا متل الصبيان وليد : و أنا لهيك جبتك حتى تعملي منا بنت كلا أنوثة متلك شيملا : هههههههههههههه قومي معي يا حلوة نينار كانت مستغربة و ما عم تفهم يلي عم يصير ، فتحت عيونا من النوم لقت بنت شكلا غريب و ضحكتا مستفزة عم تحكي مع وليد بخصوصها نينار : وليد مين هاي و شو بدا تعمل فيني وليد : ما تخافي نينار ، هاي بدا تعمل منك بنت و تعملك كيف تتصرفي متل البنات مشان هديك الشغلة يلي اتفقنا عليها شيملا : المعلم وليد قلي اعطيكي دروس علمك فيهن كيف تتصرفي كبنت من هون ليوم الأربعاء كوني متعاونة و ساعديني حتى نخلص بسرعة تطلعت نينار بوليد بنظرات كلها استفهام ، عم تتأكد منو ازا هالحكي صحيح وليد بدورو اومألا براسو حتى تطمن و تساعد شيملا بشغلا شيملا : حاج نضيع وقت و خلينا نبلش اقتربت شيملا من نينار حتى تبلش شغلا بس بعدت بسرعة و نفور شيملا : شو هاد ليش هيك ريحتك ، ايمتى اخر مرة تحممتي فيها نينار : من ست شهور شيملا : شو هاد يا وليد ، لتكون مفكرني ساحرة بعصا سحرية ، و بدك مني اعمل من هالكائن المقرف بنت بظرف كم يوم نينار : ما بسمحلك تقولي عني كائن مقرف ، أصلاً تطلعي بشكلك قبل ما تحكي متل السحلية يلي عم تلون جلدا و عيونا طالعين لبرا شيملا : بس السحلية ما بتلون جلدا قصدك حرباية نينار : اي انتي حرباي… وليد : خلللص انتي و اياها قالا وليد بصراخ حاج نفختولي راسي انتو التنتين شيملا شوفي شغلك يرضى على اسمك ، و بس تخلصي مري لعندي و رح اكرمك ازا عجبتني النتيجة انا طالع غادر وليد من الغرفة و شيملا فردت العدة تبعا شيملا : شلحي تيابك بدي حممك بالأول نينار : حطيلي المي هون و بتحمم لحالي شيملا : الوسخ اللي عليكي بدو فرك باسفنجة من حديد حتى تنضفي ، و بدك اتركك تتحممي لحالك نينار : معناها ما رح اتحمم شيملا : هلأ بصرخ صوت لوليد بخلي يجيب تنين من رجالو يمسكوكي حتى اقدر حممك شو رأيك نينار : اااه لا خلص ما في داعي مسكتا نينار و بلشت تنضف فيها بالليفة و الصابونة ، ما تركت بقعة بجسما الا و دعكتا بقوة نينار : لك عم توجعيني شيملا : معلش تحملي بقيان شوي : : شيملا : و هلأ بقدر قلك نعيماً لك استني ما تلبسي تيابك الوسخين هدول نينار : لكن شو بدي البس شيملا : رح اعطيكي فستان من عندي ، بس بالأول لازم تشيلي الشعر يلي على رجليكي نينار : لا ما رح شيلن ، هيك ببين بنت ، خلقة يلي هون شاكين فيني انو ماني شاب شيملا : من وين عم تجيبي هالزكاء ، ابهرتيني بتعرفي قديش دفعلي وليد حتى اعمل منك بنت ، ما بعرف على شو ناوي و ليش عم يعزب حالو فيكي ، هلأ ازا بينزل على الكازينو بيجيب ست ستك نينار : لأنو ما بيقدر يثق ببنت غيري هون شيملا : ما فهمت نينار : و ما رح تفهمي ، خلصي يلي بدك تعملي مليت بدي اطلع شم شوية هوا شيملا : مديلي رجليكي لشوف اول ما حطت الحلاوة على رجليها و شالت صرخت نينار صوت هز أرجاء المدينة شيملا : يبلاكي بقتلك شو هالصوت هاد نينار : اه اه عم توجعيني كتير وليد يلي سمع الصوت راح ركض للغرفة ، حاول يفتحا بس كانت مسكرة وليد : نينار شو عم يصير معك ليش هيك صرختي شيملا شو في حكاهن من ورا الباب و ردت عليه شيملا شيملا : ما في شي هاي نينار عم تتدلع شوي وليد : شو عم تتدلع! نينار انتي منيحة شيملا : عجبك هيك ست نينار ، ردي نينار : انا منيحة ما في شي وليد : اي ، انا رح روح ازا صار شي خبريني نينار : ماشي شيملا : رح كمل شغلي و انتي سكري لتمك ، ما تفضحينا نينار : لا خلص ما عاد بدي شيملا : على كيفك لأنو ، تعي لهون نينار : اااااه ااه ااه ، شو هاد رح موت كانت شيملا عم تتصارع مع نينار لحتى قدرت تنزعلا الشعر بس بعد عناء طويل طبعاً شيملا : خلصت و اخيراً نينار : الحمدلله ، كنت حاسة بروحي عم تطلع شيملا : انا يلي رح تطلع روحي منك والله : بقيت اللمسات الأخيرة و بتصيري جاهزة ، رح نينار : شيملا فيني اسألك كم سؤال شيملا : اي سألي ، بس بالأول قعدي قدامي حتى صففلك شعرك نينار : انتي شكلك و طريقة حكيك بتختلف عنا ، انتي مانك من هون شيملا : شيملا من هون و من هناك و من كل مكان بالعالم ، المكان يلي بلاقي رزقي فيه بعيش فيه نينار : عم احكيكي عنجد شيملا : أصلي من الهند ، خطفوني من أهلي لمن كنت صغيرة و باعوني باسطنبول نينار : و ما حاولتي ترجعي لعند أهلك و تدوري عليهن شيملا : لك ليش هيك شعرك مجعد كتير نينار : لانو على طول بضبو تحت طاقية و ما بخلي يبين ، بس ما جاوبتيني شيملا : تزكرة الرجعة على الهند ما معي حقا ، و بعدين ازا عرفو انو هربت و لقطوني نهايتي الموت بعيوني شفت بنات كتير حاولت تهرب و ماتت ستي و ازا رجعت على الهند ما بعرف وين بدي دور على أهلي خليني هيك تأقلمت على هالعيشة ، بيكفيني انو اكل و اشرب ولاقي مكان نام فيه نينار : محظوظة يا شيملا ، لو بعرف انو عندي اهل متلك كنت دورت عليهن لحتى لاقيتن بس انا ولدت بالشارع و عشت طول عمري بالشارع و ما بعرف شي عن اهلي شيملا : فتحي عيونك لحط الكحلة ايوا خليهن مفتوحين و هلأ الحمرة و بتطلعي جاهزة نينار : لا ما تحطيلي أحمر غامق ما بحبو شيملا : انتي شو فهمك نينار : حطيلي من هاد الزهري حاسستو احلى شيملا : طيب متل ما بدك و هيك صرتي جاهزة ، وقفي لشوفك …… بتاخدي العقل لبسي هالفستان لشوف ، لحظة خليني ساعدك ، تمام هيك ، لك طلعتي حلوة انا رح نادي لوليد حتى يشوفك نينار : لك شيملا استني ماني متعودة على حدا يشوفني بهالشكل ، يا الله منا راحت قعدت نينار و الخجل بادي على محياها ، كان واضح انها ملبكة و مو متعودة على شكلا الجديد بعد دقائق معدودات رجعت شيملا و معها وليد يلي ما صدق عيونو لمن شاف نينار وليد : هاي انتي ، تغير شكلك كلياً و صرتي أحلى نينار : …… نينار من خجلا ما قالت شي شيملا : مع شيملا لا للمستحيل يا معلم ، نسيت قلك ، بسلم عليك الاستاز وهيب و بقلك ايمتى رح تشرفنا بزيارة ، محضرلك سهرة على كيف كيفك رح تعجبك ، قالت اخر جملة و غمزتو وليد : و صليلو تحياتي و قليلو عندي شغل هالفترة بس خلصو ببقى بزورو شيملا : انا هيك خلص شغلي لليوم ، بروح و برجعلكن بكرا وليد : في ظرف على طاولتي خديه بطريقك و خلي حسن أو علي يوصلوكي ابتسمت شيملا ،ابتسامة تنم عن رضاها و راحت وليد : نينار نينار : اي وليد : حاسستك خجلانة كتير نينار : ماني متعودة على هاد الشكل و هدول التياب ، عم حس حالي بنت للمرة الأولى وليد : انا رح خلصك من هالخجل كلو مشي معي نينار : وليد لوين اخدني وليد : رح تعرفي بعد شوي اخدا وليد على الساحة يلي قدام المستودع ، وقف الكل مستغرب ، نادراً ليشوفو بنت بالمقر تبعن وليد : اسمعوني الكل في شي بدي قلكن عليه كل واحد يترك شو في بإيدو و يجي لعندي هون تجمعو الكل حوالين وليد ، و لمن قربو بلشو يتهامسو و يحكو بين بعض …… : هادا مو امين يلي عامل حالو بنت …… : اي كتير بيشبهو …… : معقولة يكون امين بنت! …… : ما عم صدق كيف قدر يخدعنا كل هالسنين وليد : ما في داعي للأحاديث الجانبية رح خبركن بكل شي هادا أمين اي ما تستغربو امين هوي بنت و اسما نينار ، انا بعرفا من زمان كتير من قبل ما انتقل لعندكن و عيش بهاي المدينة ، انا و نينار ربينا سوا لمن كنا اطفال و بسبب الظروف تضطرت انو تعيش بهيئة ولد ، بس هلأ صارت تحت حمايتي و مالها مضطرة تغير شكلا و اللي بقرب منها او بضايقا يعتبر حالو ميت …… : يعيش المعلم وليد هتفو الاولاد كلن بصوت واحد يعيش نينار بعد هالحكي هاد بلشت نظرتا تجاه وليد تتغير ، كانت مشردة بالشوارع من زقاق لزقاق و من بعد ما رجع طلع وليد بحياتا حست بالأمان ، وفرلا مكان لتنام فيه و عم يدير بالو عليها و يجبلا اكل ، حست انو في سند بحياتا و حبت هالإحساس كتير وليد : ليش عم تطلعي فيني بهاي الطريقة نينار : كيف يعني وليد : عيونك عم تلمع ، عم تبكي يا نينار! نينار : انا ما ببكي ، فات شي بعيوني : : بهالأثناء فات حسن عم يركض بسرعة و صرخ حسن : معلم يااا معلم وليد : شو في يا حسن ليش عم تركض حسن : لحقنا دخيلك عصابة الذئاب جايين باتجاهنا وليد : شو ! انت متأكد من هالشي حسن : شفتن حاملين عصي و سكاكين و عم يقولو بدن ينتقمو وليد : و احنا رح نكون الهن بالمرصاد يا شباب عصابة النسور ، بدي من الكل يجهز حالو ، اللي عندو عصاي او سكين يطولها و يحملها عصابة الذئاب هاجمين علينا بدهن ينتقمو لانو كسرنا راسن بالمرة الماضية فزعو الكل من امكانن ، كل حدا عندو وسيلة او اداة بيقدر يقاتل فيها حملها و استعد وليد : نينار انتي رح تضلي معي طال وليد مسدس كان مخبى تحت جاكيتو نينار : وليد انت معك سلاح ؟ شو هاد بدك ترتكب جريمة وليد : لا تخافي ما رح استعملو الا للضرورة ، محتفظ فيه لدافع عن حالي لحظات و فاتت عصابة الذئاب و اشتبكو الاولاد مع بعضن ، كانت معركة مصغرة بأسلحة خفيفة بس كانت شرسة كتير وليد : فوتي على المستودع و سكري الباب منيح ولا تفتحي لحدا نينار : بس انا بخاف ابقى لحالي ، بترجاك خليني معك وليد : بالمستودع اأمنلك انا لازم اهجم مع البقية يلا نينار فوتي نينار : ماشي ، لا تطول فاتت نينار و اتخبت بالمستودع متل ما قلا وليد و هوي انضم لبقية الاولاد وقف بنص الساحة و ضرب رصاصة بالهوا توقفو الكل عن القتال فجأة و سكتو وليد : وينو المسؤول عنكن ، شو ليش ما اجى خايف على حياتو و بعتكن الكن تقاتلو بدالو رجعو لورا يلي بدو يخطي خطوة وحدة باتجاهي او باتجاه اي فرد من النسور رح قوسو دغري …… : الشرطة ، الشرطة اجت اول ما سمعو بسيرة الشرطة ركضو الكل من الموقع و بأقل من دقيقتين كانو مخليين الموقع و كل اما وليد فراح لحتى ياخد نينار معو قبل ما يهرب وليد : نينار فتحي بسرعة الشرطة جاي ولازم نهرب من هون نينار : لوين بدنا نروح وليد : لحقيني نينار : ما رح اقدر اركض بهاد الفستان وليد : هاتي ايدك مسك وليد بايد نينار و هربو بعيد عن المستودع ، و الشرطة يلي وصلت ما لقت حدا من الاولاد نينار و وليد ركضو مسافة منيحة بالاتجاه المعاكس للمستودع نينار تعبت و طلبت من وليد يوقفو لحتى يستريحو شوي وليد : صرنا بعاد عنهن نينار : ايه قالت هيي و عم تلهت و هلأ شو رح نعمل وليد : ما رح نرجع على المستودع الليلة ، رح نبقى بعاد عنو كام يوم ، لحتى تنسانا الشرطة و منرجع نينار : رجعت مشردة من جديد وليد :هههههه ليش ايمتى بطلتي مشردة حتى ترجعي نينار : قصدي كنت ملاقية سقف نام تحتو بمستودعك ، و فكرت حالي ما رح ارجع للتشرد و النومة تحت الجسور من بعدا ، بس الهيئة انو كنت غلطانة وليد : ما رح خليكي تنامي بالشارع ، رح نروح لمكان في اصدقاء الي بساعدونا نينار : عنجد عم تحكي لهيك بحب ابقى جنبك يا وليد ، لأنو دايماً عندك حل لكل مشكلة بتواجهنا بتعرف شو ، من وقت ما خبرتني بحصتي من المصاري و انا عم احلم ببيت دافي يؤويني وليد : لهالدرجة البيت مهم بالنسبة الك يعني مسلا مانك حابة تعملي فيهن مشروع او شي حتى يتضاعفو نينار : سبق و قلتلك انا ماني متلك ، احلامي بسيطة كتيرة امنيتي كون بنت عايشة ببيت مشان ازا تعرفت على شي شاب و حبيتو ما اخجل من كوني مشردة وليد : عنجد حابة انو تتعرفي على شاب و تعيشي قصة حب نينار : اي بدي حب و انحب و اتزوج يلي بحبو و اعمل عيلة ، جيب ولاد على الدنيا و ربيهن و عوضن عن الحنان و الاهتمام يلي ما صحلي احصل عليهن وليد : وشك عاكس عليه القمر الليلة نينار تطلعت بعيون وليد و شافتو عم يتطلع فيها بحنية و عيونو عم تلمع ببريق مميز وليد : انتي احلى بنت بشوفا بحياتي ، نضيفة من جوا و بريئة الشارع ما قدر يسرق ابتسامتك العذبة ولا جمالك الداخلي نينار : عم تحكيني حكي كتير حلو الليلة وليد : حاسس انو عم اوقع بحبك يا نينار نينار قلبا بلش يخفق و ضرباتو صارت تعلى اكتر و اكتر و لمن لمس وشا بايدو حست بالدم كلو اتجمع بخدودوا يلي كانو رح يتفجرو من شدة احمرارن نينار : خلينا نروح لعند اصدقاءك قبل ما تعتم اكتر وليد :بعدين منروح لعندن ، على شو مستعجلة خلينا قاعدين لحالنا و قرب منها اكتر حتى التصقت اجسادن ببعضا نينار : شو عم تعمل نحنا بمكان عام وليد : ما في حدا هون المكان فاضي ، خلينا نعيش لحظاتنا الحلوة : : : بهديك الليلة نينار سلمتو حالها ، كانت أول مرة بتسلم حالا لشاب و هالشاب كان وليد يلي كانت مبلشة تتعلق فيه و تحبو ، بس بالمقابل ما كانت نينار هيي البنت الأولى بحياة وليد و ما كانت الأخيرة ……… نامو هديك الليلة بأكبر مكان ممكن انن ينامو فيه ، بأرضية خضرا و سقف حدودو السما مزين بأضواء القمر و النجوم ، اي نامو ليلتن بحديقة عامة بالشارع ، و هالشي ما كان جديد عليهن ، يلي متلن نامو بالشوارع اكتر ما نامو تحت سقف بيت و حيطان : : وليد فتح عيونو على صوت حارس الحديقة يلي كان بدو يرشا بالمي وليد : نينار فيقي فتحت نينار عيونا و التعب كان واضح عليها وليد : نينار بدن يرشو الحديقة بالمي نحن لازم نروح نينار : بس انا تعبانة كتير و ما بعرف ازا بقدر امشي وليد : مو مشكلة رح بحملك ، بس انتي تمسكي فيني منيح حملا وليد على ضهرو و مشى فيها لوصلو مكان أصدقائو لوليد و هالمكان شو كان ؟! كان عبارة عن غرف بمكان أشبه بالفندق تابعة للكازينو حكى وليد مع الحارس و طلبو منو يفوتو لعند المعلم وهيب وليد : نينار بتقدري توقفي شوي نينار : اي وليد : خليكي هون شوي هلأ برجع ما بطول فات وليد لعند وهيب وهيب : والله يا أهلاً بالمعلم وليد ، عاش مين شافك وليد : اهلين فيك معلم وهيب بدي تدبرلي غرفة فاضية فوراً وهيب : اي صار وليد : معي بنت واقفة برا ، خلوها تفوت ترتاح بالغرفة وهيب : يعني هالبنت بتخصك وليد : اي لازمتني بشغلة ، ابعت شيملا لعندا على الغرفة ، بتعرفا و رح تهتم فيا وهيب : يا اسمر اسمر : اأمور معلم وهيب : البنت يلي اجت مع المعلم وليد طالعوها على غرفة و ابعتو شيملا لعندا اسمر : صار معلم : : : : ……………………. …………………… وصلنا لنهاية الجزء التاني و متابعين بالجزء التالت تحياتي روز 💕💕