القلب المسروق - الفصل 1 - مكتملة | روايتك

*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵القلب المسروق* *❴🔢❵الـــبـــــــــــ❴الاول❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: #القلب_المسروق #روز_سعد_الدين #الجزء_الآۆلْ بمدينة بناياتها بتعانق السما من شموخها ، مدينة بتتحقق فيها الأحلام و الأمنيات ، مدينة الحب و الفن و الجمال ، اسطنبول ……… حلم كتيرين من الناس انو يزوروها و يعيشو فيها بس… للأسف هالناس ما بيعرفو الوجه التاني لهالمدينة ، ما بيعرفو شو في خلف ناطحات السحاب المزينة بالأضوية ، ما بيعرفو مين عم يعيش تحت الجسور اللي بتمر منها أفخم و أغلى السيارات و المركبات ، ما بيعرفو انو ورا شبابيك المطاعم الفارهة يلي عم يتعشو فيها الأغنياء في فقراء و مشردين عم يتطلعو بحسرة و ألم على بقايا الأكل يلي عم تنكب بالزبالة بدل ما تنكب ببطونن الفارغة من أيام …… : : قصتنا صارت أحداثا بوحدة من الاحياء الشعبية المترامية على أطراف هالمدينة …… البائع : في عندي نكهات كتيرة ، على شوكولا و فانيليا و فريز يا مدام المرا : شو النكهة يلي بدك اياها يا ماما الطفل : فريز البائع : و هاي احلى بوظة لأحلى طفل المرا : قلو شكراًيا ماما الطفل : شكراً طالت المرا جزدانا حتى تدفع للبائع ثمن البوظة ، بس في عيون كانت عم تراقب هالأحداث من بعيد و نظرا مركز على الجزدان يلي نطال من شنتاية المرا ، و بخطوات سريعة و رشيقة قفز هالشخص فجأة و خطف المصاري من ايد المرا قبل ما توصل ايد البائع و ركض فيهن المرا : حراامي ساعدوني ، سرقلي مصرياتي كان في شابين واقفين قريب من هالمرا و لمن سمعو صوتا عم تصرخ حرامي ركضو حتى يلحقو بالحرامي ، و بقيو عم يطاردوه لمدة نص ساعة بس ما تمكنو منو و هرب منن الشاب 1 : لك وين اختفى قالا و هوي عم يلهت الشاب 2 : ما بعرف كان عم يركض قدامي و فجأة تبخر الشاب 1 : ضيعنا أثرو بس هالولد يلي عم يقولو عنو حرامي كان متخبي تحت الجسر و عم يراقب فيهن لمن شاف انو فقدو الأمل و راحو بالاتجاه التاني تنهد بارتياح و جلس على الأرض حتى يلتقط أنفاسو يا ترى كانت حرزانة يركضو كل هالمسافات ورا مشرد مشان مبلغ مانو حرزان ؟! هوي و جالس سمع صوت حدا عم يمشي باتجاهو خاف ليكونو الشبان عرفو مكانو و جابولو الشرطة حتى يقبضو عليه لمن سمع اسمو ، وقف يشوف مصدر الصوت …… : امين أمييين انت هون ؟ امين : مين عم ينادي : حسن : هاد انا حسن خبى امين المصاري بجيبتو بسرعة قبل ما يرد عليه : شو بدك مني حسن : المعلم وليد بدو يشوفك بلع أمين ريقو بخوف : شو بدو فيني ، أنا ما ضايقتو بشي ، بعدين والله العظيم ما قربت من منطقة المعلم ولا سرقت شي منها حسن : ما بعرف ، هوي قلي ناديلي أمين فوراً حاول أمين يتململ حتى يهرب بس حسن عرفلو و مسكو بايديه التنتين ، و ساعدو بهالشي ضخامتو مقابل بنية جسم أمين الضعيفة و الهزيلة حسن : امين لا تحاول تهرب حتى ما تتعاقب عرف امين انو ما في مهرب لهيك ما عاد قاوم حسن يلي كان حاملو على كتفو متل كيس بطاطا و ماشي فيه بالشوارع امين : لك حسن خفف ايدك يا زلمة قبضتك متل المهدة رح تكسرني حسن : شو بعملك يعني ، هادا بدال ما تشدلي حالك و تطلعلك عضلات و شوارب متل الرجال كل مالك عم تصير متل البنات صوتك عم ينعم و عضلاتك عم تصغر امين حس بالاحراج و شو صار لونو أحمر و تلبك شوي قبل ما يجاوب : لأنو ما عم آكل منيح ما عم يطلعلي عضلات متلكن حسن : اي خلص حاجتك لعي ، محدا بيسرق مصاري قدك بكل السوق و عم تقلي ما بتاكل منيح انا متأكد ازا بفتشك هلأ رح يطلع منك مصاري … أمين : اي خلص سكتت ، مطولين لنوصل حسن : ما حضرتك مرتاح و لاقي مين يحملك لهيك عم تتذمر شرف وصلنا نزلو حسن عند باب مستودع قديم مهجور ، كان عبارة عن مقرّ لزعيم عصابة من المشردين يلي بالشارع ، و كان معروف باسم المعلم وليد ، زعيم عصابة النسور حسن : شو ناطر فوت لجوا أمين : اي برم أمين وشو و هم بالفوتة لجوات المقر بس استوقفو صوت حسن حسن : ما دفعتلي أتعاب توصيلتك لهون أمين : جبتوني غصب عني و بدي ادفعلكن كمان ، حلو عنا يا … بحركة سريعة رجع حسن أحكم قبضتو على أمين و رفعو بالهوا ، مسكو من رجلينو بحيث صارو ايديه لتحت و رجليه من فوق ، هزهزو شوي حتى يطلع منو مصاري أمين بحركة لاإرادية منو لف ايدينو حوالين بطنو و مسك كنزتو ، مع انو كان المفروض انو يمسك المصاري يلي بجيابو حتى ما يوقعو ، بس ليش تصرف هيك ؟! وقعت ورقة المصاري يلي كان مخبيها بجيبتو على الأرض ، حسن ابتسم و رماه لأمين من ايدو و اخد المصاري حسن : كان لازم تعزبني يعني أمين : …… بقي أمين ساكت و ما قال شي ، لأنو بيعرف ازا حكى بدها تصير مشكلة و بنيتو الجسدية ما بتسمحلو يفوت بمشاحنات مع حدا ، يعني ورقة المصاري يلي كان رح ينحبس بسببا لو مسكتو الشرطة و يلي كلفتو نص ساعة من الركض و المطاردات و بالآخر راحت مع الهوا حسن : هلأ فوت فات أمين رجل لورا و رجل لقدام ، خايف من المجهول و ما بيعرف ليش المعلم وليد بعت وراه أول ما فات لجوا شاف وليد ماسك عصايتو و نازل ضرب بولد من المشردين يلي التقى فيه مرة نشف حلقو بهديك اللحظة و بلع ريقو عدة مرات هوي و عم يشوف العصاية عم تشق جلد رفيقو بدون رحمة ، حس بانو الدور جاي عليه ، يا ترى رح يتحمل جلدو الرقيق كل هالضرب؟! وليد : مين سمحلك تقرب على منطقتي و تسرق فيها يا حيوان خود هاي و هاي و هاي كمان الولد : اااااه ، والله ما عاد عيدها غلطت ، سامحني بترجاك ااااخ وليد : لسا بدي ربيكن يا كلاب قال وليد لتنين من أتباعو الواقفين : خدوه لجوا و كملو عليه التفت وليد لأمين اللي واقف بالزاوية و عيونو معلقة بالولد يلي شحطوه حتى يكملو تعزيبو وليد : و أخيراًشرفت استاز أمين أمين : والله العظيم يا معلم ، و أقسملك بالله ما سرقت شي من منطقتك ولا حتى بعت علبة علكة وحدة ، يلي قلك عني كزاب…… وليد : لك خلص سكوت يا أمين والا بتحب ناديلك باسمك الحقيقي نينار بهتت نينار هيي و عم تطلع بوليد ، عتادت انو تعيش كولد مشرد و ينادولا أمين ، ببساطة لأنو عيشتك بالشوارع كولد أسهل بكتير من عيشتك كبنت …… هاي أول مرة من تلت سنين حدا بناديلا باسما وليد : شبك وين صفنتي نينار : ااه ، لا ولاشي وليد ، قصدي معلم وليد وليد : محدا بيعرف بهالسر غيري مو هيك يا نينار نينار : لا تناديلي بهالاسم ، بخاف يسمعك شي حدا هوي و مارق من هون بالغلط و ينكشف أمري وليد : اي معك حق ، ازا عرفو يلي بالشارع انك بنت رح ينتهي فيكي المصير محبوسة بشي وحدة من بيوت الدعارة يلي معباية البلد ، رح يستعبدوكي و يزلوكي و يهينوكي لحتى تتعرفي على رجال و تطالعي مصا…… نينار : خلص خلص سكوت ، بعرف هالشي لا تزكرني و هلأ لشو بعتت ورايي وليد : حابب دردش أنا و اياكي شوي نينار استشعرت بالخطر من طريقة حكيو معا و حست انو في مصيبة جاييتا على الطريق نينار : ما عندي وقت للدردشة بدي روح دبر مكان نام فيه وليد : اااه منك يا نينار ، لك ليش صايرة هيك يا بنت نينار : عم قلك حاج تناديني بهالاسم شو ما بتفهم نقلبت ملامح وش وليد فوراً و زاورها بنظراتو يلي كانت متل السهام عرفت حالا غلطانة فسكتت حتى ما تثور حفيظتو و يأزيها وليد : خلينا نحكي بالمفيد ، انا الي دين برقبتك من تلت سنين بتتزكري وقت كان سلطان يشغلنا عندو غصبن عنا و ياخد مصرياتنا و يعزبنا فوق هاد كلو انا يلي خلصتك من هالجحيم وقت هربتك معي نينار : انت ما كان قصدك تساعدني ، كنت بتعرف و متأكد انك بدون مساعدتي ما فيك تهرب من سلطان ، لهيك عرضت عليي اهروب معك مقابل انو ساعدك و جبلك المفتاح المعلق برقبتو لمن ينام وليد : عم تنكري المعروف ، لك لولاي كنتي هلأ عايشة تحت رحمة واحد ابن حرام ولو بقيتي عندو سنة تانية و تفتح العيون عليكي ببيت سلطان كان باعك لشي سكير و قبض حقك بس انتو هيك دايماً جبنا و خويفين ، بدكن حدا يخططلكن و يدلكن على الطريق لحتى تمشو فيه و هالحدا هوي أنا ، انتو مندوني ولا شي لك شوفي حالك وين و أنا وين ، تنيناتنا هربنا سوا و جينا لهون ، انا أسست امبراطورية الكل هون بخافني و بيحسبلي الف حساب و انتي اولن بينما شوفي حالتك ، عم تتنكري بهوية ولد حتى تقدري تعيشي ، عم تنامي تحت جسر مع الجرذان و الحشرات ، مفكرة محدا رح يكشفك ، رح يطلعلك شوارب متلنا شي؟ و رح يقوى جسمك و تطلع فيه عضلات ؟ صوتك رح يخشن شي؟ أصلاً كيف عم تدبري حالك بالشوارع لمن تجيكي …… سكت وليد و ما كمل لمن شاف نينار نزلت راسا بخجل و بقيت عم تطلع بالأرض وليد : تطلعي فيني و جاوبيني عاجبتك حياتك ؟ نينار : لا تعمل حالك محروق دمك عليي و بهمك أمري بعدين شو بيطلع بإيدي اعمل ، ماني زكية متلك حتى أسس امبراطورية وليد : شتغلي معي نينار : عندك الف ولد بيشتغلو تحت ايدك ، شو بدك ببنت متلي وليد : انتي قلتيها يلي عندي ولاد و انا بدي بنت لهالشغلة نينار بخوف : شغل شو وليد : لتعرفي شو الشغل سمعيني للآخر و ما تقاطعيني ، في واحد زنجيل و معو مصاري كتير عم يتردد بالآونة الأخيرة على كازينو هون بالمنطقة نينار : زنجيل و بالمنطقة تبعنا ، أتخن حدا بفوت المنطقة عنا ما معو 100 دولار شو بدو بالكازينو يلي هون ، ازا زنجيل وليد : ما بتعرفي يمكن زوقو بالبلدي نينار : اي و شو المطلوب مني وليد : ترافقيه لليلة وحدة نينار : ايوا ، انا رافق و اشتغل و انت تاخد النص مو هيك وليد : لك ليش هيك مخك مسكر سمعي لقلك من لمن قالولي الاولاد انو في زنجيل بالمنطقة ، قررت راقبو و شوف شو فيه وراه الزلمة بيجي كل ليلة خميس على الكازينو بيسهر لوش الصبح و بياخد معو بنت و بروح على مبنى شركة و بعد التحريات اتضحلي انها الو ، و الظاهر كمان انو الو بهالمصلحة من زمان لأنو عامل غرفة صغيرة جنب مكتبو و فيها تخت نينار : لهلأ ما فهمت شو بدك مني وليد : وصلنا للجزء المهم ، بمكتبو في خزنة مصاري على هوا تقديرات البنات يلي سألتن بيطلع فيها شي 100 الف دولار او اكتر نينار : شو مية الف دولار! وليد : اي نينار : و انت ناوي تسرقن مو هيك وليد : لا تعتبريها سرقة ، خلينا نقول بدنا ناخد منو زكاة عن أموالو نينار : كنت استناه ليطلع من المكتب و سروق الخزنة شو بدك فيني وليد : حاولت ، بس الخزنة بتفتح على بصمة ايدو لهيك انا بحاجة لبنت اثق فيها تروح معو على المكتب و هنيك ما عليها الا تخدرو و انا بفوت بفتح الخزنة ببصمة اصبعو ، و مناخد المصاري و منهرب لك والله ازا عاونتيني بهالمهة لنقبر التشرد و الفقر نينار : قديش رح تعطيني حصة وليد : تلاتين الف نينار : ليش مو النص وليد : لأنو انا يلي لقيت الصيد و خططتلو ، انتي ما عليكي غير انو ترافقيه و تحطيلو مخدر بمشروبو…… هلأ بطلو يعجبوكي التلاتين الف ست نينار لك فكري معي بهالمبلغ رح تقدري تشتري بيت صغير بمكان متواضع و تعيشي فيه بدل التشرد و الفقر و القلة يلي عايشتيهن هلأ نينار : في احتمال تمسكنا الشرطة و نعفن بالسجن وليد : اي في احتمال بس المبلغ حرزان نخاطر مشانو نينار : في شغلة تانية ، يلي بالشارع رح يعرفوني بنت و يصيرو يضايقوني وليد : لك بس يصيرو معك المصاري بعمرك ما رح ترجعيلو للشارع رح تصيري انسة محترمة و تقعدي ببيت مرتب مو كنتي تقليلي حلمي عيش ببيت متل بقية البنات سرحت نينار بأفكارا و بلشت تتخيل حالا آنسة لابسة تياب نضاف و قاعدة ببيتا حوالين مدفأة عم تاكل كعك بالشتا ، مجرد التفكير بالموضوع رسم على شفافا ابتسامة عريضة نينار : وافقت وليد : هاد الحكي يلي بينسمع يا نينار ، و من هون ليوم الخميس رح تبقي بالمقر عندي تحت حمايتي و ما حدا رح يضايقك او يتدخل فيكي نينار : لكن قول لحسن يرجعلي مصرياتي يلي اخدن مني على الباب جوعانة بدي اشتري اكل وليد : هلأ رح ابعت حدا يشتريلك خبز سخن من الفرن نينار : و بدي كمان تفاحة وليد : ماشي رح خليهن يجيبولك تفاحة وليد : علي يا علي علي : تفضل معلم وليد : روح جيب خبزة سخنة و تفاحة لأمين و شغلة تانية جهزولو مكان ينام في عنا الليلة وقف علي عم يطلع بأمين و مستغرب ليش المعلم تغيرت طريقة معاملتو لأمين و عم يهتم فيه وليد : انا شو قلت علي : رايح فوراً نينار : رح اطلع لبرا وليد : اي مو مشكلة ، بس ما تتركي المكان و تروحي ، بتعرفي انو فيني جيبك من تحت الأرض لو فكرتي تعمليها نينار : اي طلعت نينار لبرا و شافت الكل عم يتطلع فيها بطريقة غريبة ، و يتهامسو نينار : شو في ليش عم تطلعو انت و اياه رد عليها حدا من الولاد : شو عامل يا أمين حتى المعلم يحطك بحمايتو و يوفرك مسكن و اكل ما في شي بيتخبى هون نينار : هاد شي ما بخصكن و يلي مو عاجبو يروح يناقش هالشي مع المعلم سكتو الاولاد و محدا فيهن تجرأ يزيد حرف ، لانو ما في كلمة فوق كلمة المعلم وليد و يلي بخالف هالشي بيعرف انو عقابو عسير لهالدرجة كانو يخافو وليد مع انولسا يعتبر ولد متلن عمرو شي 20 سنة بس ، كلمتو ما كانت تصير تنتين عندن ، كانو معو حق وليد لمن قال انو بنا امبراطورية ، حتى لو كانت على المشردين و يلي بالشوارع ما فينا ننكر نجاحو … : : : ……………………………… #يتبع