في يوم وليله - بارت 9 في يوم وليله 🌸 - بقلم Nero | روايتك

🦋🦋🦋🦋 الجميع مصدوم عاصم فاتح عينه بزهول ومش مصدق حسن: ابتسم بشر في صمت ريم: بصت على طارق اللي بص عليها ومش فاهم ولا مصدق وفارس عينه على صاحب عمره و زعلان عليه لوجي: مسكت ايد طارق وفاتحه بوقها من الصدمه خالد: غمض عيونه بوجع ودمعه نزلت منه وادم: مش فاهم حاجه طارق: هههههههه العب غيرها يا شيطان انا امي سعاد ومش هتعرف توقعنا في بعض عارف ليه لان كل اللي هنا بيحب بعض بجد وكلنا واثقين في بعض وهنقتلك وهنخرج وكلنا مستعدين نضحي بحياتنا عشان نحمي بعض الشيطان: هههههه 😈 ذكي يا طروقه بس كان نفسي تشغل مخك صح اللي هناك ده وشاور على خالد هو السبب في موت امك وهو السبب في وجودكم هنا وبص لريم ابوكي ضحى بيكي عشان يعيش وبيحاول يوقعهم في بعض ريم: بزعيق وحاطه ايدها على ودانها اسكت انت كداب بابي مستحيل يعمل كده انت فاهم وقربت من خالد ومسكت ايده اتكلم ي بابي قول انه كداب خالد بص في الارض ومش قادر يتكلم طارق: ههز رائسه انت موطي راسك ليه ي بابا وبصوت عالي قول ايه الكلام ده. الشيطان: ههههه هيقول ايه الحقيقه خلاص بانت وكمل بفحيح افعى ودلوقتي احنا محتاجين ريم وهيا مستقبلنا فارس: بزعيق كفايه كدب بقى. وراح علي طارق اهدي ي صاحبي ده كداب الحقيقه مش كده بالظبط ده عايز يطلع ابوك قدامكم خاين ووحش اسمع من والدك طارق وريم قربوا من خالد ومسكوا ايده وقالوا اتكلم حضرتك فهمنا. خالد: عايزكم الاول تفهموا ان انتوا نور عيني وانا اضحي بحياتي علشانكم وبص لريم وقال ابوكي يفديكي بروحه ولطارق انت سند ابوك يا حبيبي واول فرحتي وعايز مهما اتكلم تسمعوني للاخر من غير مقاطعه ريم وطارق جواهم خوف واتكلموا احنا سامعينك خالد: من 50سنه جدكم رياض كان عايز يزود من شهرته وثروته وسمع عن المدينه الغامضه دي وانها مليانه ثروات وان ما فيش حد عارف يدخل المدينه ويخترقها وانه لو قدر يدخلها كده هيتكتب اسمه في التاريخ غير ثروته اللي هتزيد لما يسيطر على المدينه ومع انه عارف انه علشان يدخل لازم ثمن وتضحيات وهو فضل مصمم على اكتشاف واختراق المدينه وانه هيضحي بأي حاجه مهما كانت عشان يوصل للمملكه دي وساب والدتي وهي حامل في عاصم اخويا وانا كان عندي خمس سنين وبدأ يخطط ويتواصل مع خبراء وازاي يخترق المدينه وحصونها ووالدي غاب عننا 3 سنين ولما رجع كان متبهدل والجروح في كل مكان في جسمه غير وزنه اللي نزل والخوف اللي اتملك منه وعدت السنين وهو رافض يتكلم او يفهمنى. وانا كان دايما تحصل معايا حاجات غريبه جسمي لوحده يتفتح وينزل منه دم كتير وكان الغريب ان الدم يختفي لوحده ما يبقاش ليه اثر والجرح يقفل ويختفي اثره لوحده. وف مره جالي هبوط في الدوره الدمويه من كتر الدم اللي فقدته ولكن الدكاتره لحقوني وكنا دايما نشوف الخوف في عيون والدي لحد ما بابا جه في يوم وقال لي انت لازم تتجوز وانا كان عندي 25 سنه ف الوقت ده وانا فعلا فرحت لاني كنت بحب سعاد من واحنا في ثانوي واني اقول ل بابا انهاهيا الأنسانه اللي عايز اكمل حياتي معاها ولكن حصل ان بابا قالي اني هتجوز نرمين بنت عمي وقالي البت يتيمه وبنت اخويا واحنا اولى بيها واللي عرفته بعد كده ان والدي صمم على جوازي من نرمين عشان يكفر عن ذنبه لانه كان السبب في موت عمي بابا نرمين لما كان بيحاول يكتشف المدينه وضحى بحياه اخوه بكل سهوله وانا ما كانش عندي حل تاني واتجوزت انا ونرمين يمكن ما حبيتهاش لكن كنت بحترمها لانها ونعم الزوجه وعدي سنتين علي جوازنا ومحصلش حمل ونرمين قالتلي خالد انت لازم تتجوز انا قولت لها ان احنا لسه سنتين وانا مش مستعجل على الخلفه لكن هي قالت لي انا عارفه انك كنت بتحب سعاد زميلتي وهي بتحبك وانا اكيد دلوقتي في نظرها غداره وخاينه وانت كفايه احترامك ليا وتقديرك وكفايه انك وافقت انك تتجوزني لكن صدقني انا حبيتك وانتم كنتم اماني بعد موت بابا وبعده ماما ونرمين صممت وفعلا اتجوزت سعاد ما هيا حب عمري وبعدها ب شهرين نرمين عرفت انها حامل فيك ي بني طارق مسك ايد ريم جامد وغمض عينه بصدمه ودمعه نزلت منه وريم مش مصدقه وبصت على طارق بقلب موجوع خالد: اتنهد وكمل بحزن كنت اسعد واحد بالخبر ده وان هيبقى عندي ابن حته مني وكانت سعاد مهتمه ب نرمين وكانوا زي الاخوات وما حسسونيش في يوم انهم ضراير وانا برضوا حوار الدم مكمل لحد ما دخلت لبابا في يوم وقولت له انا عايز افهم كل حاجه بابا اتنهد وقال لي انا هقول لك عشان خلاص انت لازم تفهم وتعرف وقال لي علي حوار المدينه دي و انه قدر يدخل المدينه بعصابه كان مجهزها ودمر المدينه بالحرب وقتل اللي فيها من الجن وشياطين وسيطر على المدينه وبقى الحاكم لكن وبص للشيطان وكمل الشيطان عمل تمرد على حكم والدي وجهز القبائل من الجن عشان ينتقم لجدوده وابوه وقدر يسيطر على المدينه ولكن عشان المدينه ترجع زي الاول سعيده ومبهجه ويقدروا يصلحوا الدمار اللي حصل ف المملكه كانت المملكه محتاجه دم بشري وفعلا والدي قدم كتير من البشر ولكن دمهم ما كانش بيفيد وقالوا له عايزين نجرب دم عائلتك انت مقدمتش حد منهم ووالدي من غير تردد مضى على دم اخوه واخذوه ضحيه والمدينه رجعت تتحسن واكتشفوا ان دم عيلتنا هو نجاتهم ولكن عرفوا برضوا ان مش ضحيه واحده ترجعهم العمر كله لا كل فتره لازم ضحيه من عيلتنا وبقينا احنا حماه الطريق ليهم ولمملكتهم وكانوا دايما يعذبوا ف ابويا وهو هناك لكن دمه ما كانش بيفيدهم لانه خاين وغدار ورغم من إن المكان بيقوى بالغدر والخيانه لكن دم الناس البريئه هو اللي بيرجع ازدهار المملكه ابويا من غير تفكير ولتاني مره ضحى ولكن بالعيله كلها ومضى ووقع على ان اولاده واحفاده هم ملك للشيطان وللمملكه وبكده وافقوا انه يمشي ويرجع من تاني وكان دمي انا المطلوب ومضى على الوثيقه على دمي وروحي ليهم لو احتاجوها وخرجت من عنده وانا مصدوم ومش عارف اعمل ايه وما اتكلمتش ولا كلمه وعدى شهور ووالدي توفى وبعدها جاء ميعاد ولادت نرمين الله يرحمها وجيت انت على الدنيا يا حبيبي ويوم العقيقه بتاعتك الشيطان ظهر لي وانا فهمت من شكله هو مين واخدني معاه وفضلوا يعذبوني وياخدوا دمي انا زي اي انسان تعبت وقررت اني اضحي ب أي حد عشان انت متتيتمش بدري لأنهم هيموتوني ومش هتعرفوا انا فين لان الجثه اللي بيموتوها بيحتفظوا بيها ومش بيرجعوها خوفت على نرمين وسعاد ما لهمش غيري فضلت افكر وما قدرتش اضحي بعاصم مهما كان ده اخويا ولكن ضحيت بواحد صاحبي كان عامل حادثه وانا متبرع له بدمي وكده دمي جواه وهما هيستفادوا بيه وفعلا جابوه واخذوا دمه وضحك خالد بندم وكمل وانا علشان غدار وخاين وضحيت بغيري طبعا ما بقاش دمي ينفع وده اللي انا كنت عايزه بالظبط انا عمري ما فكرت اضحي بنرمين لكن حصل ان الشيطان دخل عليا فجاءه وكان معاه نرمين وانت معاها وقال لي مش عايز تمضي على دم نرمين احنا خلاص جبناها هيا وابنك وكفايه وثيقه ابوك اللي مضاها لنا قبل كده هما كانوا عايزين دم نرمين لأن ابوها هو اول واحد قدم دمه للملكه وبسببه حصل ازدهار وانا رفضت اني اوقع ع الوثيقه ولكن هما جابوك وهددوني بيك وانا كنت عارف ان لازم الوثيقه تتجدد كل فتره عشان العهد يفضل ما بينا ويقدروا يستفادوا ب دمائنا وفجاءه دخل علينا حسن صاحبي انا كنت مستغرب هو جيه ازاي ويعرف المكان منين لكن اتصدمت من كلام حسن لما قال للشيطان خد خالد وابنه لكن نرمين ملكي انا الشيطان ما كانش يعرف حسن وعشان شاف حب حسن لنرمين فكان عايز دم حسن ودخلنا في معركه ولان المملكه بقى لها فتره من غير دم فكانت متدمره واهلها ضعاف وانا مضيت على دم حسن لاني ولي العهد والكلمه بأمر مني وكمل بخزي ومضيت على دم نرمين عشان انقذك يا ابني انا اضحي بعمري عشانك لكن كان دمي خلاص مش هينفع وعشان نخرج بخير ضحيت بيهم واخذت على الشيطان عهد ووثيقه ان دمك محرم عليهم وعشان اخرج مضيت على ان ابني الثاني اللي هخلفه يبقى ملكهم وبص لريم بأسف عشان اخوكي وامك ضحيت بيكي لكن صدقيني انا كنت ناوي اني ما خلفش ثاني عشان اللي هيجي ما يتعذبش لكن اراده ربنا بعدها بست سنين امك حملت فيكي مع اني حزرت عليها اني مش عايز اخلف تاني واني مستكفي بطارق بس هي زي اي ام كانت عايزه طفل بالرغم من انها كانت روحها في طارق وربته زي ابنها وانا كدبت عليها في موت نرمين وسعاد تعبت علشانها ودخلت المستشفى وخدتك ابنها يا طارق يا ابني ولكن هيا كانت عايزه حته مني ومنها منا حبيبها طارق: صرخ بوجع وصرخته هزت جدران المكان ريم حضناه وهيا بتعيط خالد بيقرب من طارق طارق: بزعيق وصوت عالي ابعد عني ومتلمسنيش انت مش ابويا فاهم فارس: حضنه بدموع وحاول يسيطر عليه وعلي غضبه اهدى يا صاحبي نخرج من هنا و اعمل اللي انت عايزه طارق: زق فارس انت كنت عارف ابعد عني انا بكرهكم كلكم كلكم خاينين هتضحوا ب مين مين هيضحي بمين هههههه سعاد مش امي ابويا خاين امي ماتت وانا ما اعرفش عنها حاجه وما اعرفش ان في عندي ام اصلا غير سعاد وخبط ايده في الحيطه وايده اتجرحت ريم: حضنته جامد وعيطت بتكرهني يا طارق هعاقبك لما نخرج على كلامك ده انا بنتك ريم حبيبتك وحياتي فوق عشان ترجع حق ماما نرمين هي ضحت بحياتها عشان انت تعيش انت حضره الظابط طارق من وانت صغير وانت الامان والقوه كلنا بنستمدها منك هتقتل الشيطان وتنتقم لماما نرمين وليا وليك علي الوجع ده اخويا مش ضعيف طارق: حضنها جامد انا ما ليش غيرك وخلاص انا مش عايز حاجه من الدنيا دي غير انك تبقي في امان يا قلب طارق وقام طارق وبقوه اتكلم اللي في الماضي راح اختي ومش هتأذيها وهنخرج وبص بغل للشيطان وهقتلك وحياه نرمين اللي ما شوفتهاش لقتلك ودمعه نزلت منه عاصم: حضن طارق ولوچي وقفت جنبه ومسكت ايده بدموع فارس: انكل خالد هو حسن صاحبك ده هو نفسه دكتور حسن اللي هناك خالد: مهو ده اللي محيرني ي بني ازاي لسه عايش ادم: مصدوم من اللي عرفه وزعلان لطارق صاحبه اللي يعرفه هو وفارس من ايام الجامعه واتكلم يعني حضرتك تقصد ان دكتور حسن ده هو حسن صاحبك طب ازاي ده في نفس عمرنا وريم ولوچي حضنوا بعض بخوف حقيقي وحسن بص بشر واتكلم....... ♡♡♡♡♡♡♡♡♡ ♕بقلمي نيره حسين ♕✍️🤔 ــــــــــــــــــــــــــــــ🍓