الفصل 6
°ˆ~*¤®§(*§*)§®¤*~ˆ°الجزء السادس°ˆ~*¤®§(*§*)§®¤*~ˆ°
احساس بدفئ ونعيم مع نسيم هواء بارد خفيف يكفخ بوجهها ... تحلم احلام سعيده .. مرتاحه لاول مره بحياتهاا ماتحس بعوار برقبتهاا ولا بأيدها .. انقلبت على الجنب الاخر وفتحت عيونها ببطئ
ولا تشوف رجال واقف بالبلكونه ومعطيها ظهره ويدخن زقاير ومعاه كوب يشرب منه
.. هالانسان مايحس بالبرد واقف برى البلكونه ومولابس جاكيت .. رفعت جسمها نص رفعه وهي تبي تشوف منو هذا اللي واقف بالبلكونه ومخليهاا نايمه عادي بسريره..
...........
حس بحركه غريبه وراه ألتفت ولا يشوف على قولته ( النشبه ) قامت من النوم .. تسند على سياج البلكونه بظهره وقام يطالعها ويبتسم .. هاه نوفه قمتي من النوم
نوف .. مبطله حلقها : نوفه يدلعني بعد : هاااه ايي قمت بس انا شاللي جابني هني
نواف.. تقدم وهو يحط الكوب على الطاوله ويجلس بالسرير اللي مقابلها : انا جبتك هني
نوف.. نزلت راسهاا وهي تكتف ايدها من البرد خصوصا وهي لابسه بدي مهتري
نواف.. بردانه
نوف.. ترفع راسهاا : أي بردانه
يقوم نواف يروح لكبته يفتحه ويدور له جكيت او قميص يدفيهاا .. لقى له جكيت لونه بني مع بيج سناره
نواف.. تفضلي البسيه ..
نوف.. اخذته ولبسته .. وبحركه عفويه ردت شعرهاا اللي من اليوم يتطاير على وجهها ورى اذنها.. وبلحظتهاا بققت عيونها على الاخر .. وشهقت .. وين حجابي .. ألتفتت تدوره لقته طايح جنبها بالسرير..
نواف: كان ماسك الضحكه الاول حركت عيونها شلون طلعت لبرى والثانيه شكل الجكيت عليها
واصل لي ركبهاا .والكموم طويله حيل . هي صغيره حيل بجسمها وبنيتهاا ..وهو طويل ولا لاعبي كورة السله ..
عقب مالبست الحجاب وجلست بنفس السرير .. وهي منزله راسها ضايق خلقهاا منو قط حجابها وهي متحجبه .. خصوصا وهي حيل متمسكه بحجابها وفطرتهاا سليمه على الدين ..؟..
نواف.. ليش مبرطمه ..
نوف..وعيونهاا فيها بكيه وصوتها مخنوق .. منو نزل حجابي
نواف: مو انا
نوف: وليش تنزلونه
نواف.. يمكن عشان خاف لا يخنقك لا نمتي
نوف: اموت مخنوقه بحجابي ولا بكرى احترق بجهنم انتم ما تعرفون انه حرام وربي بكرى يعذبي
نواف: اووف اووف كل هذا خلاص يبه انا اسف وحقك علي
نوف.. نزلت راسها بحظنها وقامت تبكي من القهر .. يارب سامحني مو مني يارب سامحني
نواف.. انخطف وجهه وعروقه نشفت وظل يطالعهاا منصدم : سبحان الله هالبنت كل ماشافهاا يحس بخوف ويقعد يحاسب نفسه ...
قام وقعد بنفس سريرها بجنبهاا .. حط ايده على ظهرها .. خلاص نوفه سامحيني والله مره ثانيه ماتعودها ..قومي يالله لا تبكين خلاص يالحلوه .. زين قومي شوفي شجايب لك جايب لك هديه
رفعت راسهاا وهي تمسح دموعهاا بيدها .. وتشاهق .. مــــابي شي ابي بدور
نواف.. رافع حاجبه : بدور منو
نوف.. بدور اختي
نواف: ووينهاا فيه
نوف.. تهز كتوفهاا .. مدري
نواف.. طيب شلون نجيبهاا ..
نوف.. تطالعه والدموع تسيل بغزاره .. مدري
نواف.. يبتسم .. خلاص انا بشوف وينهاا .. انزين ماتبين تشوفين شنو شريت لك
نوف.. تبسم بنفس الوقت تشاهق .. إلا
نواف.. ههههههههههههههههه ايالعوبه توك زعلانه ماتبين شي
نوف.. تنزل راسهاا مستحيه .. خلاص مابي شي
نواف..هههههههههههههههه تفضلي ..
نوف.. وتفتح الكيس .. وبعدهاا رفعت راسها ببتسامه كبيره .. هذا لي
نواف.. لا
نوف.. وتنقلب معالم وجهها وتبرطم .. تفضل
نواف..هههههههههههههههه اكيد حقج شحقه معطيك اياه
نوف.. وتفتحه مره ثانيه وتطلع الملابس منه ..
كان شاري لها ملابس بنوتيه مستره عشان ماتفضحه يعني طويله مع كم طويل او تنوره مع بدي
ولا بنجابي بناتي ..؟.. واكيد بعد مع كل لبسه حجاب .. وهم دراريع للبيت ..؟..
نوف.. بفرح : مشكووووووووور
نواف.. وهذي هديه من بندر
نوف.. وفيها ضحكه .. جفننه هههههههههههه
نواف.. هههههههههههههههه مو جفننه جنجفه وليش تضحكين
نوف.. لان اوله يوم كنا نلعب هو يفهمني وانا ماافهم وبس جننته
نواف.. قصدك من امس لان صار لك 12 ساعه نايمه
نوف.. تكذب
نواف: انا اكذب
نوف.. اجل سافروا
نواف:أي سافروا من الصبح
نوف.. واللحين الساعه كم
نواف.. الساعه 9 بليل
نوف.. تشهق .. وماصليت .. وراحت تركض ووقفت عند الباب فجأه .. بروح الحمام ممكن
نواف.. ويبتسم .. روحي مقـفل كل شي ومضبطه مامن خوف
نوف.. وراحت للحمام وهي تتسائل .. ليش خايفين مني كل هالخوف اصلن انا خوافه مايدرون
بعد ماصلت وخلصت راحت عند نواف .. ومستانسه حيل انه مازفها ولا هوشها مثل كل مره
وانه مستانس حيل ..؟..
نواف.. انا ابي اروح السوق ألبسي يالله ..
نوف.. سوق اللحين ماسكر
نواف.. عادي نتصل عليهم ويفتحونه << حب يكذب عليهاا بيشوف ردة فعلها
نوف.. صج تقدر
نواف.. شوفيني
وياخذ لتلفون ويمثل انه يتصل برقم ويكلمه .. طيب افتحوا السوق انا جاي اللحين
نوف.. تبتسم حيل .. الله نواف قوي ويقدر يفتح السوق اكيد انه غني حيل إلا غني عنده جهاز يطلع الناس صغار ويتحركون وعنده مشروب السعاده ويتصل على ناس تجيب له اكل بكيس الا غني
نواف.. يالله افتحوا السوق امشي ..؟..
وراحت لبست لها من الملابس اللي جايبها لهاا .. تنوره جنز كحليمع بدي وردي عليه حركات وزري ورسومات وفوقه جاكيت جنز .. وملفع وردي عليه وردات بيضه ..؟..
اما نواف
لبس بنطرون جنز ديرتي مع بدي اسود صوف وفوقه جكيت بني جلد ولفه على رقبته وشاح
راح هو ونوف السوق .. ولما وصلو نزلو ومسك ايدها.. نوف .. وهي مستانسه وتنقز بطفوله وتتكلم متعجبه من اللي تشوفه .. وكل محل تبي تدخله تشوف شنو فيه .. واللي ونسها اكثر ان نواف يستشيرهاا باللي يبي يشتريه ..؟؟
وقف قدام كشك يبيع مشروبات ومأكولات خفيفه ..
نواف.. ماسك القائمه ومنزل جسمه على نوف : هاه شتبين تشربين
نوف.. تطالع القائمه ومافاهمه شي وتأشربعشوائيه : هذا شنو
نواف: عصير
نوف: ابيه
نواف: وبعد
نوف.. ماعرف اقرى
نواف: تبين ذره نفيش شبس
نوف: أي هذا سمس
نواف: يرفع جسمه ويرده على ورى وهو فاقد ضحك: ههههههههههاي خلاص ولا يهمك .
طلب نواف .. ووقف ينطر طلبه يخلص .. ونوف قدامه تطالع البياع شلون يقلي الشبس وهي مشتهيه حدهاا وودها تنقض وتاكله ..
نواف.. بقلبه .. أأأه يانواف هم على قلبك ومنت عارف تخلص منه .. ليتك ماعرفتهاا لا تكفلت فيهاا انا يالله اعابل بنفسي هالدوب بنت صغيرى بعد الله يعين بس.. اتمنى اضيعها بالسوق ماعرف مكانهاا وارتاااااااااح من همها ..
استلم الطلب وعطى نوف الشيبس وقامت تاكل منه بشفاحه .. وباقي الطلب بالكيس سارع خطوته وهو يشوفها منزله راسه ملتهيه بالاكل وقام يمشي بسرعه يبي يضيعها بالسوق .. ولا هامه للي وراه
نوف كانت واقفه تحاول تدخل الشبس داخل الشوكه وتاكل منهاا لما اعرفت شلون تاكلها رفعت راسهاا تدور نواف اختفى من قدامهاا .. نوااااف نواااااف
مامن مجيب طاح الشبس منهاا وقامت تركض ووتتلفت تدوره .. نواف نوااف
الناس كلهاا تطالعهاا امتلكهاا الخوف .. وين تروح تلجئ لمنو .. انا ماعرف غير اسمه نواف وبس .. دموعهاا تنزل بسرعه ودقات قلبهاا تسبقهاا .. بخووف
.............
طلع من بوابة المجمع ارتاح انه ماسمع احد يناديه .. بس ضميره يأنبه انا شسويت اخليهاا لمنو
تضيع بالسوق وبعدين يجي احد مايخاف الله يذيهاا ..
فجأأه تمسك ذراعه ... ألتفت متخرع .. انصدم باللي شافه
نواف: شجايبك هني
عبير: ألحقك بشوف وين بتروح انت وحبيبة القلب
نواف: يعني تراقبيني بعرف انتي شتبين .. اول مره اشوف انسانه بلا كرامه يابنت اعقلي اعقلي
عبير: ماني عاقله وانا عاجبني وضعي .. وقامت تتلفت : ماشوفها وينهاا توها معاك
نواف.. مو شغلك ورجاء لا تتدخلي بحياتي الخاصه
عبير: حياتك هي حياتي يا حبيبي .. وقربت منه
نواف..رجع لي ورى : عبير اعقلي انا رجال لي سمعتي وش بتقول الناس عني لو شافتك بهلمنظر ..
عبير: بتعذرني لما تحس باللي فيني بيقلون مسكينه عاشقه وولهانه والحبيب ولا معبر فيهاا
نواف: عبير ترى والله معطيك وجه ومقدرك بس انتي ماتستاهلين وصلت تراقبيني وين اروح
والله مهزله ..؟..
عبير: احـــــــبك ماتحس فيني نواف شتبي اسويه لك وانا مستعده اسويه بس ابيك تبادلني الشعور
نواف.. يتأفف ويقلب عيونه بالسماء : يالله خلاص ابعدي عني شوي يمكن اشتاق لك
عبير: لاماقدر هذا من ثامن المستحيلاات يوم ما اشوفك فيه او اسمع صوتك ينقلب كياني
.............
طلعت مع الباب وشافت نواف واقف يكلم بنت بس ماهتمت لهاا يوم شافت نواف حست انها باقيه على الحيااة .. راحت تركض ودموعهاا تنزل كأنها مجرى نهر ..؟..
نوف.. بصوت مخنوق.. نــــــــــــــــواف
ألتفت على الصوت وشاف نوف تركض صوبه والدموع تارسه وجهها .. فتح ايده وطاحت بحظنه تبكي وهي تظمه وتهشم ..
نواف.. بس بابا انا اسف
نوف.. انا خفت حيل لما ماشفتك .. وقامت تبكي حيل وهي تدس راسها في بطنه
نواف.. خلاص نوفه انا اسف ماعاد اتعودهاا كنت بحط الكيس بالسياره واجي ماكنت بطول
نوف.. ترفع راسهاا : بس انا اخااف اقعد بروحي لا تخليني مره ثانيه بروحي
نواف.. ويتركى على ركبته لمستواهاا ويمسح دموعها بيده : ماراح اخليك انا اسف.
** ادرك نواف ان نوف احتلت جزء من تفكيره ..وانه مايقدر يخليهاا لو شنو ماصار اللهم اذا انحلت المشكله **
........
كانت عبير واقفه مصدومه من المنظر اللي قدامهاا .. نواف يعرف يحظن ويحظن منو ألد عدواتها طبعا من عرفت انهاا حبيبة نواف .. شلون تحظنه مايحق لهاا هذا لي انا وبس انا وبس
أخيرا قدرت تتحرك من سكونهاا .. مسكت شنطتها و طقت ظهر نواف فيه راحت لسيارتهاا تركض .. طبعاا نواف ماهمته وظل واقف مع نوف لين طلعت من ازمتهاا وعلشان يراضيها طلعهاا مطعم ..؟..
.............
وصل المطعم .. عطى مفتاح سيارته للعامل الواقف عند الباب .. يصفط سيارته .. ونوف تحس نفسها مع نواف اميره ..
دخل المطعم كان دافي حيل أخذوا من نوف ونواف الجيكتات .. وقعدوهم على طاوله بوسط المطعم كان مكانها استراتيجي .. والاثاث المطعم بين لونين الذهبي والعنابي كان اثاث ملكي وراقي ..؟..
طلب نواف على طول الطلب وجلس يسولف مع نوف .. اللي كانت لالحين شهقت البكيه فيهاا
نزل راسه على الطاوله ولافه صوب نوف .. مسك ايدهاا .. لالحين زعلانه
نوف.. تهز راسه : لا . بس خايفه
نواف.. تخافين وانا عندك
نوف.. خفت لاني خفت انك نسيتني < وبدت تحك عينها بحركه دائريه مستعده للبكاء
نواف.. لالالالالا .. كلش ولادموعك قطعتي قلبي خلاص
نوف.. ماتخليني مره ثانيه
نواف.. مااخليك بس ماتبين تروحين للملجأ مره ثانيه
نوف.. وكأن جسمها مسته كهرباا : لالالالا
نواف.. ليش متخرعه
نوف: انا ماصدقت اطلع منه ارجع له ان رجعت راح امووت .. وبعدين اخلي الامير واروح اقعد عند سعاد اللي يتقطعني وتقرعني وتجلدني .. ويمكن توديني الشرطه تقول اني حراميه وماعندي بيت عاد هم يدخلوني السجن ويعذبوني
نواف.. مبقق عيونه على الاخر : وكل هذا بالملجأ وبعدين منو الامير
نوف: انت امير .. انت مو امير
نواف:هههههههههههههههههههه� �هه امبلا انا امير
نوف.. انت اطيب امير بالدنياا ماتطقني ولا تشويني بالنار ولا تقطع شعري مثل سعاد
نواف: لا خلاص ماراح اوديك لسعاد بتجلسين عندي لين اقول لهلي عنك وبعدين اوديك عند اخواني عندي اخت كبرك وراح تحبيهاا اسمهاا شوق
نوف: صج انت ماعندك عيال
نواف.. لا ليش باين اني شايب
نوف.. لابس كبير وعندك شوارب لازم يصير عندك عيال صح
نواف: لامو صح
نوف: إلا صح
نواف: لا
نوف: انت ماتحب العيال
نواف: امبلا احبهم بس خلاص انا اللحين عندي بنت ماعاد ابي عيال
نوف: صج منو بنتك
نواف.. انتـــــي
نوف.. وتبتسم ابتسامه كبيره : انا بنتك يعني انت ابوي
نواف: أي خلاص تناديني مني ورايح بابا
نوف:ههههههههههههههههههههه� �هههههه
نواف: ههههههههه ليه مو حلو بابا علي ولا مو لايق
نوف.. لا مو لايق علي انا بغله اقولك بابا وانت مو شايب
نواف: خلاص اصير اخوك
نوف: يعنى قبل اسمك اقولك اخي نوااااف
نواف:هههههههههههههههههههه� �هههههههههههههههه أي
نواف: تردد بحماسه وفرح : اخي نواف اخي نواف .. حفظته
جاء طلبهم وقاموا يكلوون ونواف يعلق على الناس ويضحك نوف ..؟..
...............
يتمشوون بأحد المجمعات..؟..
عبير: لو شفتيه شلون يحظنها بتموتين بمكانك
مها:ههههههههههههههههههههه� �هههههههههههه
عبير: أي اضحكي اضحكي يارب ابليها بحب اللعن مني
مها: لا انشالله مالت تدعي علي بعد
عبير: عشاان تعرفين شلون تضحكين علي
مها: طيب فكينا من نواف وقولي شرايك بالهتيور
عبير: اممممم نوت باد
مها: نوت باد؟ يجنن حرام عليج
عبير: بس الابيض أحلى
مها: بس غالي حيل
عبير: هالمحل غالي من اساسه
مها: طيب ليش دخلناه
عبير: تتلفت وتبتسم : اخذتنا السوالف ههههههه
مها:ههههههههههههه شفتي انك ماتحبينه
عبير: مااحبه مااحبه شتقولين انتي
مها: لوتحبينه ماتمشيتي معاي بالسوق لا ضحكتي هالضحكه كان من المفترض لو انك تحبينه
منصرعه تبكين او تفكرين تنتقمين ..انتي اللي تبينه بس انه يحبك وتنتصرين عليه هذا الي تبينه ياعبير
عبير:وقفت منذهله .. ويدور بخاطرهاا : صح انا مازعلت حيل يوم شفته معاها بس مايمنع اني مااحبه لاني اعرف نواف مايعرف يحب ويمكن لانها طفله ماغرت منهاا حيييل
مها: سرحااانه وين
عبير: افكر بكلامك انا مازعلت حيل لانهاا جااهل ويمكن اخته ويبي يغيضني هذا اللي فكرت فيه
مها: اعيد واكرر هذا ليس حب ياعبير
وطلعوا من المحل وقاموا يتمشون بين المحلات وعبير سرحانه تفكر ما احبه ما احبه
انا اعشقه شلون تقول هالسخيفه هالكلام هي شلون تدري باللي بقلبي ..؟..
شعرفهاا اصلن بالحب ..؟..
...........................
نواف ..منسدح على الكنبه وحاط ايده على عيونه .. توه بينام
نوف.. جالسه على الكنبه الثانيه وناااايمه ..
دق تلفون نواف
نواف.. بتملل .. أوووف منو المتصل .. فتح التلفون .؟
نواف: ألـــو
فيصل: زيـــن زين سمعناا صوتك وينك يارجال
نواف.. هــــــــــــــــلا ومــــــــرحبا وغــــلا هلا ببو نواف
فيصل: ماتخسي
نواف:هههههههههههههههههههه افا اخسي اعلمك الشغل ياحمار
فيصل: اجل ابو نواف هااه
نواف: لازم اقنعك من اللحين
فيصل: المهم شخبارك شمسوي مشتاق لك يالوح
نواف: تشتاق لك العافيه مع اني ولاداري فيك
فيصل: حط عينك بعيني
نواف.هههههههههههههههههههه� �ههههه
فيصل: طيب بشوفك ماصدقت اختك تنام وارتاح منها يالله عليكم عايله مزعجه وحنانه
وكلكم على بعضكم دمكم ثقيل
نواف.. اخو سلطان عرض وطول تسب اختي قدامي والله مايبان فيك النعمه
فيصل: من قال شروق حبيبتي وحياتي وهي دنيتي انا ماتخيل حياتي من غيرها
نواف:هههههههههههههههه ليه قامت
فيصل: ص ع ص
نواف: اجل السماا فيهاا غيم ههههه الحكومه جت ههااي انطرك تخلص من التحقيق
فيصل: هلا حبيبتي انتي قمتي ليش
شروق: من تكلم
فيصل: اكلم نواف
شروق: ومخليني بروحي ليش
فيصل: حياتي نواف اتصل علي ورحت اكلمه شسوي بخوك النشبه
شروق: طيب لاخلصت تعال
فيصل: حاظرحياتي
فيصل: سمعت بذنك
نواف:هههههههههههههههههه سمعت يعني منت جاي
فيصل: ياحضك ياشيخ
نواف: ليه
فيصل: عزوبـــــي ماعندك احد يحكمك يالله مع السلامه المدام تنتظر
نواف: ههههههههههههه خله تعرف شلون تطنزعلى العايله الكريمه عندنا من ياخذ بحقنا
فيصل: وانا من ياخذ بحقي
نواف: ربك
فيصل: اللهم انصرنا على القوم الظالمين
نواف: هههههههههههههه حنا ظالمين طيب ان ماقلت لشروق
فيصل: لالالالالالالا التوبه مع السلامه لا اروح فيهاا بكرى اشوفك
نواف: وين
فيصل: بالشركه
نواف: صااااااااااااااار
فيصل: مع السلامه
نواف: ياهلا والله
سكرالتلفون وقام يبتسم على فيصل وسوالفه اللي ماتخلص .. وألتفت على نوف اللي نايمه بسابع نومه
نواف: نووووف نوووووف
نوف.. تقوم متخرعه : هااااه
نواف: هااه ؟؟ طيب روحي نامي داخل
نوف.. انشالله
وتروح تنام بسريرهاا ..؟..
جلس نواف يفكر هذي بكرى وين تروح وين اوديهاا ياربي ابتلشت فيهاا بلشه انا لازم اوديها للدار وارتااح منهاا ..؟..
××××××××××××××××××××××××× ×××××
~> يتبــع