الفصل 1
><~>< إهـــــــدأإأإأإء ><~><
أنا اللذي ما ابدى للناس سري ..
من خوف سودان الوجيه تحكى به
أصبر على ضيم الدهر و التعري ..
من شان من يرضي علي الغليبه
وأبعد مجالي عن عيال التزري ..
من لا هوى قلبي دواه المغيبه
وأخاف لي من مجلس ما يذري ..
في جانبه بوم حساسه صليبه
وسوالف مابين بحث و تحري ..
يجرح فؤادي عليه وابتلي به
يرضيني المقسوم خيري وشري ..
سبحان من لاتعلم الناس غيبه
احد على ربعه يحب التحري ..
للشر بلاس وخيره بجيبه
هذاك يالربع انا منه متبري ..
لو عضني ناب الدهر مانتخي به
من خوف يضحك لي وهو يستغري ..
يفتل حبال السو مايندري به
يفرح علي بكل شي يمري ..
و ان شاف يمي خير عني نهيبه
للشاعر بندر بن سرور
××××××××××××××××××××
«®°·.¸.•°°·.¸¸.•°°·.¸.•°®»� �لجزء الاول.؟.«®°·.¸.•°°·.¸¸.•°°· .¸.•°®»
ولله مايسوى أعيش الدنيا دوونك
لاء
ولا تسوى حياتي بهلوجود
دامك
انت اللي رحت وكيف
أبصبر
على البعاد وكيف بنثر هالوجود
ماوعدت
انك تقاسمنى المحبه
وتبقى
لي حبي ولدروبي دليل
بس
حسافه الموت كان اقرب وارحم
حسبي
الله وحده ونعم الوكيل
أغلقت الراديو .. بقهر .. مسحت دموعها بسرعه .. ضربت على السكان بعصبيه وهي تردد
لا لا لا لا
انهلت دموعها تسابق ندمها .. أخيرا وصلت للمكان المطلوب جلست مايقارب ربع ساعه
تحاول تجمع قواها عشان تنزل
بالاخير فتحت باب السياره ونزلت منها
وقفت وهي تتلفت بخوف وريبه
تحكم اغلاق سحاب جكيتها تدفي نفسها
تمشي بخطوات متثاقله مره توقف تفتح الكيس ومره تركض بسرعه كأن احد يلحقهاا
لين اخيرا وقفت عند المكان الي قاصدته مبنى قديم يتكون من دورين مضى عليه الزمن مجرد ما تمر من جنبه تحس انه بيوقع من شدة قدمه
فتحت الكيس لاخر مره تتطمن على اللي فيه حست كأنهاا تشلع قطعه من قلبهاا حظنت الكيس وقامت تبكي حيل تراجعت عن فعلتهاا
حظنت الكيس ورجعت عن قرارهاا
لين فاجأها صوت تلفونهاا..
مسكت التلفون شافت الرقم .. نبضات قلبهاا تسارعت
اخيرا حست بالجرأه وفتحت التلفون
بأيد ترجف حطت السماعه عند أذنهاا ..
عهد: أأأألـــووو
مالك: سويتي اللي اتفقناا عليه
عهد.. دموعهاا تنزل: أيـــــــــــه
مالك: عهد ارجعي الشقه اللحين زباين بنتظارك
عهد: صوتها يرجف: أأنشااالله
مالك: عهد لا تتراجعين عن قرارنا خلاص نبي ننتهي من هشي
عهد: انتهينا يا مالك
مالك: الزباين على نار بنتظارك يا عسل .
عهد.. بضيق : مسافة طريق وجايه
سكرت التلفون وفتحت الكيس تشوفه ..بتحسر رمتة على باب المبنى وقامت تركض والدموع تنزل منهاا .. وقفت بنص الطريق تبي ترجع وتاخذ الكيس بس خوفها من مالك منعها وظلت على هالحاله تلوم نفسها على فعلهاا ..
عهد : انا شسويت انا خبله بعد تعب 9 شهور بالساهل اتخلى عن ضناي جذي ليش ليش ياربي
يارب تسامحني على فعلتي هذي يارب تلهمني السلوان
وبدت تبكي بكاء مرير كانت ناويه تاخذ فوق تحت وتلحق على بنتها لكن الخوف اللي ملكها وسكنها من اول ماعرفت مالك ردهاعن فعلها
.. وهي بين دموعها : انا لازم اوقف هالرعب وهالخوف عني لازم اوقف مالك عن حده ألين متى وانا وحده كذا يوديني مثل مايبي ويرجعني مثل مايبي.. مابي بكره بنتي تصير مثلي .. يلعبون فيها الرياجيل بسبب ان ماعندها احد يدافع عنها .. لا لا اليوم برجعك يابنتي بس عقب ما اتخلص من مالك .. اليوم بتنامين بحضن أمك أنشاء الله
وصلت لشقتها ..
فتحت الباب مثل العاده شباب بنات ضحكات واصوات مزعجه رقص مسجل ماتعرف طعم الراحه وسكي رايح وسكي جاي .. ( تعبت من هالعيشه )..
مالك: اخيرا شرفت السنيوره ..
عهد: بعصبيه .. تدزه ...لا تلمسني
مالك.. يحط ايده على ظهرها : بلا دلع سلمي على بوخالد
عهد: تشوف بوخالد .. بنظرات احتقار :خلاص انا مليت مليت اعتقني يامالك ارحمني من هالعيشه
مالك: هذا بعدك بعد ماشلتك من الزباله اللي كنتي عايشه فيها تبين أخليك بالساهل تعشين عندي لا قلبي كل شي بثمنه ويالله قدامي الرجال ينطرك من زمان
عهد.. راحت ركضت لمكانها الوحيد اللي تحس بالراحه فيه المطبخ.. حطت راسها على الطاوله وانخرطت بكااء مرير ..
من بعيد صوت مالك ينقص عليها خلوتها . عــــــــهد << بعصبيه
فقدت صبرها رفعت راسها وطاحت عينهاا على سكين بالهلحظه نفسيتها تعبت حيل يا ذابح يامذبوح اخذت السكينه وراحت تهدد فيهاا مالك اللي اهانها وعيشها بذل
.......
عهد: ان ما طلعت من الشقه انت وربعك هذولا راح اذبحكم واحد واحد
مالك والكل: ههههههههههههههههههههههههه هههههههه
عهد: مالك لاخر مره اقول لك اتركني اروح بسلام ولا بذبحك
مالك.. ويفتح ايده على الاخر : تعالي حبيبتي اذبحيني
عهد.. تفقد صبرهاا وتركض بأقصى سرعه وكانت تبي تسدد طعنه بطن مالك الا انه بحركه سريعه قلب السكينه وارتكزت في قلب عهد ..؟..
وقف مذهول وهو يشوف عهد طايحه قدامه والدم يسيل منهاا ومغطي وجهها
مالك : يصارخ : لالالالالالالالالالالالال الالالالالالالالالالالالا لالا
كل اللي كانوا بشقه انحاشوا من الشقه وشلون يجلسون وهم ان انمسكوا انفضحوا
وغير ذالك يدينون بجريمة قتل ..؟..
اقل من نص ساعه الشرطة تحاوط المكان وتم القبض على مالك ونقل عهد الى المستشفى
وطبعا بلغ الشرطه الجيران اللي منزعجين من اهل البيت وسوالفهم ..؟..
...........................
توه طالع من المسجد ومتوجه بيته وهو يسبح ويهلل ويذكر ربه
(( وااء واااء وااء ))
وقف مرتعب يدور الصوت يلتفت يمين يسار : انا سمعه صوت جاهل يبكي
(( وااء وااء وااء ))
لالا مو وهم
وقام يدور بالمكان يشوف مصدر الصوت وعجزوهو يدوره مره يحس انه بالشمال ومره يحسن انه طالع من دريشة البيت اللي قريب منه
بالاخير لفت انتباهه كيس اسود يتحرك قرب من الصوت بحذر فتحه ويتفاجأ بللي يشوفه طفله صغيره ما اكملت شهرها الاول بملابس خفيفه تتراعد وتبكي ..
رفعهاا من الارض ومو مصدق اللي يشوفه معقول هذا طفل انا احلم ولا حقيقه ألتفت يمين يسار
بيشوف احد قريب من الطفل او احد يساعده بحل المصيبه اللي هو فيهاا ..
لفهاا بشماغه واخذهاا لبيته ..؟..
وكان طول الطريق عينه معلقه فيها منصدم .. حتى كان بيطيح هو وياها من كثر ماهو مبحلق فيها ولا هو قادر يرفع راسه يشوف الطريق .
دخل البيت يصيح .. ام عمر ام عمر
تطلع زوجته من المطبخ وبيدهاا ملاس .. خير يابـــو .<<.تشهق.. : شنو اللي بيدك منين جايبه
ابو عمر.. وانا راجع من المسجد لقيته مرمي بشارع
ام عمر: وحنا شنو بنسوي فيه
ابو عمر: مدري والله جبتها هني عشان تفكرين معاي شنو نسوي فيها
ام عمر: من غير تفكير ودهاا للشرطه ولااقول لك حطهاا عند باب المسجد وامش ولا عليك منها
ابوعمر: مايصير يام عمر انا اقول نخليهاا عندنا لين نفكر وين نوديها الصراحه دخلت قلبي يا ام عمر
ام عمر: شتفكر شتخلي اصلن ان كبرت ماتصير محرم لك ولا يجوز علينا نربيها في بيتنا ودهاا مثل ماقلت لك وفكناا من هالسالفه ولا اخاف يدبسونا فيهاا رجعهاا مكانهاا ولا كأنك دريت
ابوعمر.. وقف متضايق :انشالله يام عمر انشالله
يرجع ابو عمر وهو لاف البنت بشماغه ويجر اذيال الخيبه ..
حطها بمكانهاا اللي وجدهاا فيه وراح وخلاهاا ..؟.. هو يتحسب ربه على مرته الغير مراعيه للشعووره .
ظلت الطفله تبكي وتبكي وتبكي لين سكتت ونامت
طلعت شغاله من العماره معاهاا كيس زباله تبي ترميه وهي تبي ترمي الكيس
حست بحركه مو طبيعيه ورى الزباله ..
الشغاله .. تشهق متروعه : الله واكبر سنو هزااا
قربت من الكيس فتحته وشافت طفله تراعد من البرد ..
شالتهاا وهي تتحلطم : هذا بيبي ركم سلاسه في نفس اسبوع والله هزا وازد مسكله ..
دخلت الشغاله وهي حاظنه الطفله ..؟..
الشغاله: ماما ام سعاد في بيبي زديد
ام سعاد.. تمشي على عصاهاا .. جيبيه هني خليني اشوفه
راحت الشغاله ومدت يدهاا تعطيهاا البنت ..
ام سعاد.. تشوف البنت : ماشالله ماشالله وهالقمر ليش اهلها رامينهاا احد يحصل له على بنت نفسها ويتخلى عنهاا هههههههههه ياحلاتك شنسميك ياحلوه شنسميك أأهاا لقيناهاا بنسميك نوووف
سليمه جهزي الماي والملابس بنسبح نوف ونظفيهاا وسوي لهاا رضعه ..انظمت لعايلتناا بنت جديده ..
**ام سعاد مره كبيره طيبه حيل افتحت بيتهاا ملجأ للايتام او بالأحرى لقطاء وعندهاا بنت عكسها سعاد انانيه غير والدتها مو عاجبتهاا فكرة ان بيتهم مفتوح حق اللقطاء واليتامه دايماا تذيهم بلسانهاا وطماعه لابعد الحدود كل شي عندها فلوس حتى كلامها بفلوس **
..ويظم بيت ام سعاد على 54 طفله لقيطه بمختلف الاعمااار ..
الدورالاول خلته صالات جلوس وغرف صناعات يدويه يشتغلون عليها البنات تترزق من وراهاا وغرفة طعاام داخلهاا طاولتين كباااار للبنات
والدور الثاني يتكون من خمس غرف كل غرفه فيهاا 11 بنت وغرفه لام سعاد وبنتهاا ..؟..
انظمت الطفله الصغيره واللي اسموهاا نوف الى اسرة اليتامه اللي راعوها وحبوها غير ان هالسعاده ما دامت لان بعد سنتين توفت ام سعاد
واستلمت بنتهاا سعاد مكانهاا ..؟.. ولا تهنت نوف بحنان ورعايه ام سعاد وكانت هي اخر طفله انظمت إلى اسرتهم ..
اما سعاد
حولت حياة البنات من سعاده الى تعاسه صارت ماتصرف عليهم بالعكس هم يصرفون عليهاا وفتحت باب التبني اللي كانت امهاا مسكرته وماتبيه لانهاا كانت تحس ان هالبنات بناتهاا واما بنتها فكانت على كل بنت يتبنونها تاخذ لهاا مبلغ محترم غير البنات اللي علمتهم الصرقه واللي يشحذون وللي يشتغلون خدامات ولازم كل بنت ترجع من شغلهاا تسلم لهاا المبلغ كامل مقابل العيش عندهاا وايواءهم ..؟..
............
بنات يتهاوشون صياح طق تكسير صحون ..؟..
بدور.. ماسكه لهاا بنت وتطق فيها : ليه ماخذه لعبة نوف اختي
سهى.. كنت بلعب وارجعهاا
بدور: عطيهاا لعبتهاا ولا اذبحك اليوم
نوف.. متمسكه بثوب بدور وتبكي : بدوررر أأأأأأأأأأأأأأأه
بدور.. تصيح .. اسكتي بعطيك لعبتك
نوف.. تمسك بكيتها وكانت تشاهق بخوف وهي تحضن ظهر بدور ..
بعد ما ادبت بدور سهى ارتحت ..
جت سعاد كل العاده عقاب لكل بنات الغرفه الــ 11 جلدتهم عشرين مره
اولا على ازعاجهم وثانيا على عدم قولهم منو سبب المشكله .
كانت بدور ام نوف واختها الكبيره كانت اكبر منهاا 3 سنوات تعطف عليها وتحبها حيل وتحاول تبعدها قدر الامكان عن سعاد وعقابهاا ..
..................
بعد مرور سنوات ..؟..
حال البنات ماتغير صرقه نشل شحاذه هواش وعقاب كل ليلة << مافي جديد يظفي جو مرح يخليهم يستمرون بحالهم ..
بخلال هالسنوات انتحرت اكثر من 5 بنات غير اللي هربوا وطبعا اللي هربوا مايطولون يرجعون بحضان سعاد وماقول لكم عن العقاب والتعزير اللي يجيهم
بدور: عاجبتك عيشتناا هذي
نوف.. وش تبينا نسوي
بدور: نسوي مثل ماسوت نهى وريم وفتحيه
نوف.. وتمسكنا مثل خوله وعبير وسهى وتعذبناا وتقرعنااعلى الصفر
بدور: ياجبااانه
نوف: ماني جبانه بس وين تبين نروووح قولي لي مكان محدد وانا بروح معاك
مكان يضمنا لصدره يسترناا متوفر اكلناا فيه
بدور: بنلقى يا نوف بنلقى بس انتي وافقي وروحي معاي
نوف: اسكتي اسكتي اسمع خطوات على الدرج اكيد سعاااااد
بدور: غطت نفسهاا بلحاف اللي من عرفت هالبيت وهي تتلحف فيه غير انه منظر ولا لايدفي ولا يلحف جسمهاا كله ..
سعااااااد.. تفتح الباب بقوى .. وبشكلها المرعب .. الشعر الاحمر الكيرلي القصير والمنفوش .. ووجها المجعد وماليه عيونها بالشدور الازرق والحمره الورديه الفاقعه واحمر الخدود الصارخ ولا كريمها اللي مخليها بيضه شبح ..
وبنطرونها الضيق اللي مطلع جسمها واللي كان ممتلئ وقبيح .. والبدي العلاق اللي كان ضيق اكثر من البنطرون وبارزصدرها بشكل يقرف و كرشتها وزنودها <<وكان ينطبق عليها مثل يمشي على زندها الحمار
سعاد : هاااااااااااااااااااااه صدتكم << وهي تطق الباب بالخيزرانه اللي معها
يقومون البنات ويقفون على حافة السرير ..
بصوت واحد.. تصبحين على خير يا عانسه سعااد
سعااد.. ماسمع شقلتو
الكل: تصبحين على خير يا امناا سعااااااااااااااد
سعااد.. حبايبي شطار يالله كلكم ناموو
وقامت تجول بين البنااات وتعدهم .. واحد اثنين.. الخ
سعااد.. 11 وين نهى وييييييييييين
البنات .. يتلفتون يدورون نهى اللي كانت نايمه بالسرير ومن ضعفهاا مو مبينه
مسكت العصايه ومصطت ظهر نهى اللي قامت متخرعه وترجف ووقفت كانها بصف عسكري
نهى..تشهق .. اسمي نهى احمد سليم العمر:15 سنه
البنات..هههههههههههههههههه ههههههههههههههه
نهى.. تتلفت تستوعب المكان اللي هي فيه .. انا وين
سعاد: انتي نايمه وما مسيتي علي
نهى.. تصبحين على خير يا امي سعااد
سعاد.. شطوره بنتي
وتدور بجسمهاا ورجولهاا بنفس مكانهاا .. يالله نامو
والبنات كلهم انسدحوا وغطوا روسهم خوفا من شكل سعاد المرعب وعصبيتها عليهم ..؟..
وكملت سعاد مسيرتهاا بين الغرف الثانيه لين تطمنت ونامت ..؟..
...............................
الساعه 5 الفجر .. الكل صاحي ..
بدور.. تتثاوب.. اااه نعسانه احس اني مانمت عدل ..؟..
نوف.. وليش
بدور: لاني جالسه افكر بخطه ننحاش فيها
نوف.. وتلبس فستانهاا الاحمر المرقوع والقصير وتحته بنطلون اخضر ..مدري متى بتقتنعين ان هذا قدرنا لين ربي يرزقناا ونتزوج
بدور.. لو بتزوجنا كان زوجة عايشه ولا بدريه وصلت اعمارهم25 سنه وهم يشتغلون خدامات بالبيوت ماشوفهاا زوجتهم
نوف.. درب سعيد درب اخووووووه
ونزلت من الدرج المتهالك .. نوف : تعالي اكلي فطورك لا يروح عليك
بدور.. نسيتي وشاح شعرك
نوف.. ألتفتت ..ومسكت الوشاح وربطت شعرهاا فيه اللي ستر شعرهاا كله..لان سعاد تمنع عنهم لبس الحجاب فكانو يغشونهاا بالهلبس ..؟..
كانت واقفه على اخر الدرج نوره ..ومكتفه ايدينهاا تنطر نوف تنزل من قدامهاا
نوف وقفت متردده تنزل ولا لأ لانهاا تعرف نوره ماترحم صغير من كبير
كانت نوره مسترجله وتحب ينادونها ابو نور وياويل اللي يكلمهاا بصفة بنت دايمن تلبس البناطيل والتشيرتات الرجاليه وقصة شعرهاا بوي مدرج والزقاره كله بحلجهاا الوحيده اللي تقدر توقف بوجه سعاد وماترد عليها .. لان سعاد تخاف منها وتهابها وتحسب لها ألف حساب ..؟..
نوره ..تبتسم بخبث .. اهلين تو ما نور الدرج
نوف.. تنزل من الدرج ولا لقت لها بال
نوره.. تمسكها من ايدهاا .. وتدزهاا على الطوفه وتحط ايدينهاا على الطوفه حابسه فيها نوف.. لما اكلمك تردين علي فاهمه
نوف.. حظنت ايدها لصدرها وبخوف.. فااهمه
نوره.. وينك امس مو قلتلك تعالي لي الغرفه
نوف.. نسيت
نوره. وانتي كل يوم ناسيه اليوم اخر انذار لك ان ماجتي لي بالغرفه نصيحه مني لك لاتدخلين هالبيت
نوف.. بتردد.. انزين
نوره.. وبدوره لا تماشينهاا اوكي
نوف.. وقدرت ترفع عينهاا وتطالعهاا .. بس مالي غيرهاا
نوره.. بعطف.. وانا وين رحت
نوف.. دموعهاا تنزل.. بس هي صديقتي من كنت صغيره وماقدر اخليهاا
نوره.. نوف كم مره اقول لك بلا دموع المهم اليوم على وعدنا اوكي
نوف.. ساكته .
نوره. بعتبرهاا اجابة رضي يلله بيبي سي يا .. وطبعت حبه على خدها
وراحت وخلتهاا ..؟..
نوف.. انهارت على الدرج تبكي ...بدور كانت تشوفها من فوق وماقدرت تحرك ساكن
نزلت تطبطب عليهاا ..؟..
بدور.. خلاص حبيبتي اسكتي وخلينا نروح للشغل
نوف.. تبكي.. وش اسوي مع نوره
بدور.. تتلفت يمين يسااااار اليوم بننحاش
نوف.. تطالعهاا.. كييف
بدور: بدبرهاا بس مشيناا يالله ..؟..
نوف.. تمسح دموعهاا ..مشيـــــــناا
وتوجهوا لغرفة الطعام وجلسوا جنب بعض وصحونهم قدامهم ينطرون اللي تمر عليهم وتعطيهم الاكل وحده تسكب لهم الحليب الطازج وحده تعطيهم الخبز الحار اللي توه مطلعته من التنور ..
بدور.. بتملل: نفس الاكل من 15 سنه خبز وحليب
نوف.. احمدي ربك نعمة غيرك مو محصلهاا
بدور.. بدت الفيلسوفه تتفلسف اسكتي بس
نوف..اكلي وخلينا نروح لشغلناا .
نوره .. حسيت بغيض لما شافت نوف وبدور يضحكون ويسولفون .. وقامت من مكانهاا معصبه
من وسط شلتهاا ..؟..
عهود.. تشغل زقاره.. انفخ يابو نور وروق
امسكت نوره الزقاره .. وقامت تشفط فيهاا وعيونهاا تتطاير منهاا الشر رمتهاا بالارض
وراحت لنوف
مسكتهاا من ايدهاا ولوتهاا لورى ظهرهاا .. انا كم مره قلت لك لا تجلسين معاهاا
نوف.. بس مالي غيرهاا
نوره: لا تقعدين تتبكبكين عندي مالي غيرهاا هذي اخر مره اسمح لك تجلسين بالهطاوله وتمسكها من ايدهاا وتوديهاا لطولتهاا وتجلسهاا جنبهاا وتحط ايدهاا ورى ظهرهاا ..
نوره: مني ورايح هناا مكاانك
نوف.. كانت تهشم وتبكي وتمسح دموعهاا ..
الكل:هههههههههههههههههههه� �هههههههههههههاي
على الطاوله الثانيه ..
ابتسام :احد يحصل له رفقة ومحبة نوره ويعافهاا أي نييالهاا
وضوح: اسكتي لا تسمعك اسمها ابو نور
ابتسام: اووووووف لايكون سمعتني
وضوح: هششش
بدور.. كانت تطالعهم بغضب وودها ترمي كوب الحليب بوجيههم
عفراء.. مايصير اصير مكانهاا
عايشه: بعدين تتحسر الخبله لا تطير ابو نور من ايدهاا
بدور.. وماستحملت الكلام .. قامت معصبه وطلعت من المطعم وهي بتنفجر
انطرت نوف نص ساعه عند الباب .. بعدهاا طلعت لهاا
مسكت ايدهاا وانحاشت معاهاا لمكانهم المعتااااد ..؟..
السوق الشعبي
كانت شغلتهم يمشون ورى الناس تسرق الاولى محفظت الضحيه وترميها على الثانيه بخف الريشه من دون لحد يحس عشان ان مسكو اللي صرقت مايلقون معاهاا شي او انهم يشلون اغراض الناس بالسوق وياخذون عليهاا اجر زهيد مايشبع طمع سعاد ..؟
بدور.. تأشر نوف على ضحيتهم
نوف.. تستجيب لهاا
سحبت الاولى المحفظه ورمتهاا على الثانيه اللي اخذتهاا وراحت وبعدها لحقتها
نوف ..؟..
بدور: وتأشر بالمحفظه.. هذي اللي قدرتي عليه يانوف
نوف.. تعرفين مااحب اسرق واسوي كل هالشغل منجبره
بدور: تعلمي مني يا حلوه
نوف: مابي اتعلم
بدور: وانا اشتغل عنك يعني
نوف: خلاص انا بشيل اغراض الناس واخذ عليها اجر برضاهم والله اني كل يوم احلم كوابيس
بسبب هالمرتين اللي صرقت فيهاا
بدور: صرقتي فيها! ماصدق
نوف: لا تصدقي عطني المحفظه
بدور: وبعدين معاك بنرجع لحالتناا القديمه
نوف.. معصبه .. تخطف المحفظه منهاا وتركض
بدور.. وقفي اقول لك وقفي
نوف.. خالتي خالتي لوسمحتي
تلتفت عليها العجوز: خير بنتي
نوف.. هذي محفظتك طاحت منك
العجوز: مشكوره بنتي مشكوره
نوف: تسلمين
العجوز.. تفتح المحفظه وتطلع منها فلوس لنوف
نوف: لالا شكرا خالتي
العجوز: لازم تاخذينه ولا بزعل
نوف.. اخذته بخجل ..مشكوره خالتي
العجوز: الله يوفقك ويستر عليك يابنتي لو ضاع هالبوك ماتدرين شكان بيصير فيني
نوف: الحمد لله
وراحت وخلتهاا وهي تتردد على مسامعها الله يوفقك ويسترعليك... شكثر فرحت بالهدعوه
بدور.. بتهزء: لا عينا خير من وراك
نوف.. وتمد قدامها الفلوس : مافي احلى من الفلس الحلال
بدور: هذا الكلام قوليه لسعااد اوكي انا بروح ادبر لنا كم فلس نعتاش منه
نوف.. وشلون اليوم ما راح ننحاش واكيد ما راح نقابل سعاد صح
بدور: الا بننحااااااااااااش
××××××××××××××××××××××××× ×××××××××
ان شالله يعجبكمـ
اذا شفت ردوود
ابششروا بعزكمـ