ليه يطعني وقلبي بين يديه يرتجي عطفه عليه - الفصل 3 | روايتك

البارت الثالث الجدة/ ياشين الصبح .. وياشين قهوته ام نادر / افا يمه قهوتي ماعجبتس الجدة بضيق / الغاليه كانت معودتني على كل شيء والحين البيت فاضي الامن ريحتها ام نادر / أي والله مكانها خالي عسى الله يوفقها توتر قاد الثوره لطريق منغلق لامجال فيه للانفتاح طارق بعصبيه/أقول اركبي قدام .. شايفتني سواق عندك شذى طنشته وراحت للباب الخلفي وحاولت فيه ينفتح بس طلع مأمن طارق /أركبي الناس تطالعنا .. ويشد على اسنانه / اركبي خلي الامور تعدي على خير شذى ركبت قدام /ليش تحطني بمكان مومكاني طارق / يتهئ لك ولاهو اصلن مكانك -------------------------------------------------------------------------- زيادعلى اعصابه وحده متوتر / وش توصلتوا له الطرف الثاني / طال عمرك التحريات اثبتت ان السياره طافت كل السيارات ووقفت خلف سيارة متعب وهذا يدل على انها مستهدفه فواز زياد بضيق / طيب مشكور اخذ اغراضه وطلع وش اخرتها ياترى ------------------------------------------------------------------------ دحل طارق بيت ابوه ونزلت شذى قبله وقفلت الباب باقوى ماعندها ومشت ووصلت للباب الداخلي ووقفت طارق من وراها /زين والله تعرفين الاصول شذى / تبيني اعلمك علمتك طارق مسك يدها وبعصبيه/ طول لسانك هذا راح تدفعين ثمنه غالي .. والحين لواحد درى اوشك مجرد شك طارق هذا بيصير انسان ثاني وشدد على اسنانه/ فاااااهمه شذى بكبرياء/ ماعاش من يهددني وتقدمت للباب بس طارق سبقها ولف لها بنظره دخل طارق بصوت عالي / ياهل البيت ...ياجده .يام سالم طلعت له ام نادر واستقبلتهم ودخلتهم عن الجده الجدةة بفرحه / ياهلا وغلا ومرحبتين ومسهلا .. صباحيه مباركه ياعرسان طارق وقهو يتقدم لها /الله يبارك بعمرك يالغاليه وسلمت عليها شذى الجده تعالي يابنتي جبني .. غبتي ليله عني وكنها سنه شذى وهي تبوس راسها / جعلني م اافقدك ام نادر / سبحان الله تو خاطرها شين وتقول صبحي شين حتى قهوتي عايفتها .. ومن يوم جت بنت فهد وهي ماكله الجو علينا الجده بفرحه / تو مازان صباحي بهالوجه طارق / افا وانا الحين وجهي ماتصبح به ماهقيتها منك ياخزونتي الجده بمزح/ شوفي رجلتس سارقه كلمتس ام نادر /الله يهداتس يمه هو مأخذها كلها جت على كلمه ابتسم طارق وهو يطالع فيها -------------------------------------------------------------- فواز بضيق /ادري يازياد هذا شيء واضح مايبي اثبات وتحريات .. وتبي الجد نويت فيهم نيه بس ربك ماكتب ومتعب ماطاعني زياد بعصبيه/ ماراح يوديك بداهيه الاتهورك... وش نويت فواز /بعد ماقفلت منك لاحظت ان متعب زاد بسرعه السيارة وكان مقصده يضيعهم بس خطر ببالي فكره وحبيت استغل سرعته لصالحنا طلبت منه يوقف فجأه علشان تصدم سيارتهم بسيارتنا زياد بعصبيه / مجنون انت ..ناوي على روحك فواز يكمل / لاصار التصادم سيارتهم بتتضر لان صدمتهم اقوى وببتتعطل سيارتهم زياد بنفاذ صبر /وبتطلق عليهم النار فواز / غبي انت اكيد لا بعطيهم درس وبمشي واخليهم بس متعب جلس يهاوش زياد/ تعطيهم درس على حساب روحك ...مافكرت بنفسك واللي حولك فواز // خلصت من متعب تجي انت تراي نعسان بنام قفل زياد وهو متضايق على حال صديقه ورفيقه وهو عارف تفكيره واسلوبه وذكاءه وهذا مايمنعه بانه ينبهه لنفسه واللي حوله --------------------------------------------------------------------- سوليز الشغاله/ تفزل ماما ام نادر / وش هذا سوليز/هزي ماما شزى يقول ودي ماما كبيره الجده والعبره خانقتها /ياجعلني مابتسيها تعرف خاطري والتفت لطارق /انتبه عليها ياوليدي تراها مهره نادرة طارق بابتسامه / المهره انا خيالها سمعوا صوت زياد ينادي / ياهل البيت .. ياولد ... ففي احد طارق طلع له/ حياك الله .. في جدتي وعمتي ..اقلط حياك زياد بابتسامه / صبحيه مباركه ياعريس .. ياخي نا مافتكيت منك لاحقني لاحقني طارق / من صبحنا بوجهك ماعينا خير سلم طارق وتقدم لجدته وعمته جلس /مشا ءالله ناس حالهم زين ...مبسوطين .. ويضحكون.. ووجيهم منورة.. بشوفة حبايبهم.. وناس وجيهم مغبره وحالتهم حاله لاتسر لاصديق ولاعدو الجده/ وش فيك ياوليدي ورا حتسيك تسذا طارق /// هههههههههههههه ياجده يبي حرمته زياد/ ياجدة الخبل اللي مجوزينه موصي حرمتي تجلس عندك ولاتفارقكك لحد ماتجي حرمته عندك وحرمتي خبله طالعه على اخوها صدقت وعيت تروح تقول لحد ماتجي شذى وطارق .. صرتي ياجده عهدة عسكري سلم واستلم الكل ضحك على خبال زيااد زياد / قم ناد حرمتي يابووجه اغبر طارق // ما الاغبر الاوجهك ماشفته بالمرايه قبل ماتجي زياد // عطشان شماته انت ... ونادي بصووت عالي // ياحرمتي المصووووون شذى وهي داخله على هند / روحي لابن الملوح .. الحقي عليه قبل لاينجن هند وهي تبتسم// لبى ابن الملوح فديته يانااااس طلعت ههند وشذى راحت تصحي البنات وتطمن على كادي نزل ابو طارق وام طارق على صراخ زياد ابوطارق / يالله صباح خير .. اصبح ياولد سلم ابو طارق وجلس / وش فيك من الصبح صراخك مصحيني .. والتفت لامه .. وش فيه يايمه الجدة / جوزناه وانهبل .. يبي حرمته ابو طارق // مالك حرمه عندي جزا لك علشان ماتصارخ . . ابوحي العدو مافيك صبر زياد مسوي نفسه زعلان// افا ياعمي انا يتيم ارفق علي ..واما اليتيم فلاتنهر ..ماطلبت حرام حلالي ابوطارق بضحك// اليتيم انا موب انت .. الكل ضحك وكملوا سوالفهم ------------------------------------------------------------ ماسك كادي ومجلسها فوق بطنه ومتكيه على رجوله وهو ساند راسه على فخذ شذى |/قولي لماما تبوسني شذى بعصبيه وهي متضايقه من وضعية طارق اللي اجبرها عليها / ماما شذى ..لاتنطقها بدون شذى طارق متجاهل عصبيتها وارتجافها الشديد/بابا خليها تبوسني ولابزعل كادي ببراءه /بوسيه هنا وتشر على خشمه طارق وهو ياشر على خده لا هنا شذى / لاوالله وتختار المكان بعد وكنك واثق ..رجاء لاتدخل كادي بينا طارق باستفزاز / لولا كادي ماصرنا بهال المكان شذى بانفعال /لاطبعا .. لاتحط كادي بكفه االميزان.. لولا جدتي وعمتي وعمي مارجحت كفة الميزان صراع بين قلب متقبل ..].. وعقل رافض ..] جنون .برود. مشاعر مظطربه -------------------------------------------------------------- ريهاف بضيق /تصدقون بنات بيتنا صاير ممل بقوه .. هتاف / أي والله يارهوف من جد .. تعودنا على هواشها وصراخها .. فاقدتها حيل نجلا / خلاص ترى مومن بعدها متى مابغينا بنروحل ها ادعوا الله يوفقها ..وطرووق فديته موب معارض ريهاف / فكونا من الهرج قوموا نلم اغراضها الباقيه علشان بتروح بيتها وتطالع اختها ريها م/ يالله يامراهم ريهام/ مراهم بعينك ...قالت مراهم اقول طسي يامراهيف ريهاف عدلت حجابها وطلعت من الغرفه هتاف /وه لبى المراهيف فديتتها اصبري مراهيف ريهام بابتسامه/ الله لايبلانا ضحكت حنين ونجلا على هبال بنات عمهم ------------------------------------------------------------------- الجدة/ روحي يام طارق انتي والبنات مابي حيل يابنيتي ام طارق /الله يهداتس ياعمة ام تركي ملزمه عليتس الجدة/ تعذري لي منها .. رجيلاتي تعورني والتفت للبنات .. /قومن اجهزن لاتبطون على الناس شذى بضيق / انا ماني رايحه .. يكفي خالتي وعمتي وهند ام نادر/ ليش ماتروحين العزيمه لتس ولرجلتس شذى / مايصير ياعمه نسيتي توني عروس مالي الاسبوعين وش تبين الناس يقولون مستعجله على المسايير والطلعات الجدة/وش هالكلام يايمتس هذا زمن اول البنت العروس تجلس حول الشهر ولاازود ماتطلع من البيت لاحدن غريب .. والحين خنا بزمن الدنيا تغريت شذى / ياجده هذا ماضينا عاداتنا وسلومنا قامت / ماني برايحه وطلعت للدرج هند بزفر / اووف الله يعين اخوي عليها عنيده وراسها ناشف ضربتها جدتها بالعصا / لويحفر اخوتس طول وعرض مالقى مثلها مير اهجدي هند وهي تفرك مكان الضربة / ااااي أرفقي علي ... الله يهديها هذي سواة تسويها الحرمه ملزمه عليها وهي معييه ام طارق /شذى عاقل وتوزن الامور ---------------------------------------------------------------------- في مجلس خالي من بعض الضيوف وبقى طارق واهله تركي بهمس / بشرني عن امورك .. وجهك مايبشر بخير طارق بابتسامه / الحمدلله تمام التمام.. دامني بقربها هذا الخير تركي /لاتحاول تخفي ضيقتك عني .. من شفتك عقب العرس وانا عارف امورك .. ماني بجاهل عنك ولاتونسي اعرفك طارق / حلمن حلمته وتمنيته وعشته نااقص تركي وهو فاهم مقصد خويه وصديقه/انت مايبي لك عرف مشا ءالله اقلب الامور لصالحك وغمز له بعينه طارق بضيق / الاهذي اعترف بعجزي .. كل مااوشكت النهايه ابتدي من جديد تركي متضايق من انهزام صديقه / يمكن مانسكب من الجوله الاولى المهم نكسب .. بس الاهم والمتسحيل انك تخسر من اول جولة .. انتبه لاتظلم نفسك وغيرك جلس يفكر بكلام صديقه واخودنياه اللي حس انه بمكانه لانه عارف خاطره ابتسم / غيري حاكم مستبد ظالم وجاير ابتسامته دليل رضاه على كلامه ممابعث له الامل في نفس تركي همس /يارب كسير اجبر بخاطره ويسر له اموره -------------------------------------------------------------------------- دخل ابوطارق والبنات مجتمعات حول الجده/ ها جاهزين .. لروحه المزرعه بكره.. اموركم خالصه ريهاف / أي ياعمي بس ودنا نمر محل ناقصنا شوي اغراض ابوطارق / ابشري على هالخشم ريهاف قامت حبة راس عمها / الله لايحرمنا منك الجده نزلت دموعها / امييييين ...انتوا اللي عوضوتوني في فقدهم عسى الله لايذووقكم ماذقته ابوطارق بضيق / امين والبركه بخلفهم انسحب الكل في صمت تام بعد انخيم عليهم الحزن طارق / ادخلي برجلك اليمين سمت بالرحمن ودخلت باليمن اختنقت بشهقات مكتومه استرسلت دموعها في صمت استغرب سكوتها مشى لداخل ولف عليها / تعالي شـ ........ وبتر جملته يوم شاف منظرها تقدم منها وتعالت شهقاتها توتر من قربه منها خاف من رده فعلها حاوطها بيدينه وضمها استغرب انها ماقاومته وحس بالامل نشوة فرح سرت بعرروقه بس تكدر من وضعها يبي يلمها وهي تضحك .. تسولف . فرحانه .. مومتضايقه حس انه قاعد يستغلها وهو مايبي هالشيء رغم انه مستمتع بوجودها بين يديه لفتره طويله همس / شذى .. تعوذي من الشيطان انتبه لصوته ولمكانها بين يديه دفته باقوى ماعندها 7/ استبحت حدود اختي وبدت تتعالي شهقاتها اكثر عن اول طارق بضيق / اختك ماتت الله يرحمها ..والله عوضنا فيك بدالها ..لاتخلين علاقتنا تتأزم بحواجز وهميه شذى بانفعال /تلعب على مين انت..؟؟ حواجز وهميه...!! للحين حبها بقلبك واضح من عيونك .. حزنك عليها سفرتك وهروبك .. كادي بنتها ... بيتها اللي حنا فيه كل هذي ذكريات وهيمه طارق / مابيا تكلم عن الماضي خليه يروح بحلوه ومره لاتقلبين المواجع كافي وجع اطلقت تنهيده انغرست رمح بصدر طارق تمنى يسعدها مايبيها تكدر ولكن هالشيء في نظره شبه مستحيل سحبها من يدها وجلسها بجنبه/ وش رايك نعقد اتفاق ..يرضيني ويرضيك شذى / ماني بصفقه من صفقاتك ولا مناقصه دخلت كادي تركض / ماما شذى بخوف وقفت / وش فيك ياكيود انتبهت كادي لدموع شذى وهي تمسحها وبكل ببراءه/ مين دربكي (مين ضربكي ) والتفت لابوها / انت دربتها (انت ضربتها ) طارق / لايابا هي طاحت كادي / زيي انا دحت بالحوس (مثلي انا طحت بالحوش ) شذى بلهفه / تعورتي ,, وريني اشوف كادي / لا ماتعولت .. بس ملابسي وسحه شذى / تعالي اغيرها وننام .. يالله علشان بكره نروح للمزرعه طيب كادي ببراءه / يلا كان يراقب خوفها وحصرها ولهفتها واهتمامها وكيف تغيرت حالتها في لمح البصر وتعلقهم ببعض حتى نسوا انه كان معهم ادرك بعدها ان القادم اصعب من مامضى --------------------------------------------------------------------------- عشق يتجدد يوم ورا يوم لايتأثر بما يحدث حوله المهم انه يرتوى منها لحد الثماله.. زياد/ خذيها كسرت كتفي .. نومها ثقيل هند تضحك/ هههههههههه ماجابته من بعيد زياد / لاوالله ماهقيتها منك وسوى نفسه زعلان الله يسامحك هند/ لبى الزعلان ... هاتها عنك طارق / عندي شغل بالمكتب بخلصه وبلحقكم دخل المكتب والتهى بشغله مرت الساعه ونص الساعه وهو ماحس بالوقت وانتبه لجواله يدق ورد / هلا ...../ الو حبيبي زياد بخوف / هلا فيك شيء هند/ تعبانه شوي طلع من المكتب وهو خايف ةركضمع الدرج وهمس توها كانت بخير دخل الغرفه واستوقفه شكل الغرفه المزينه بالشموع ومنظرها وهي لابسه فستان ابيض لنص الفخذ تفاوت عليه انوار الشموع الخافته ابتسم وقرب منها وسحب يدها وقبلها همس / سلامتك من التعب ياروح زياد هند بخجل / الشوق ماله وصفة واصرفها ارتبكت من قربها منها وكانها اول مره زياد بهلفه/ القرب من مغليك ... افضل علاج لمها لحضنه وضمها وانفاسه تلفح رقبتها قبل رقبتها وحضنها بقووة وكانها بتتركه مستمع بخجلها وربكتها وهو متلذذ بقربها ------------------------------------------------------------------------- نومت كادي وغطتها وتركتها بخفه منسحبه من فراشها وصدمت فيه وشهقت حضنهامن الخلف بهمس خافت / بسم الله عليك ارتبكت من قربه حاولت تقوام ضعفها وتستمد قوتها المشتته بلعت ريقها وهمس / لاتقرب مني قرررربك عذااااب دفته عنها بعد ماضعفت قوته اللي حاضنه فيها وانفلتت يديه وتاكدت ان كلمتها ضربته بالصميم همس / وانابعدي عنك هو العذاااب طعنة رمح جديده ...اي قلبن يتحتمل تلك الطعنات ويستكن الالم ويتسلذ الطعن أي صبر يحتمله الجالد والمجلود ..الطاعن والمطعون؟؟؟ّ!!!! نهايه الباررررت السلام عليكم وركمة الله وبركاته صباحكم عطر بذكر المولى مساءكم عبق بالايمان وطاعة الرحمن " " "