الفصل 3
البارت الثالث
"الخميس"
تغريد:بروح مع ابوي اصلاً
ضاري وهو يعّدل فروته ونظارته الشمسّيه:يكون احسن
تغريد مسكت ايلان بيدها وهي تركب بسيارة ابوها نجد اخذت ايلان بحضنها تغريد لفت نظرها للدريشه ضاري ركب سيارته متوجهه لشقته مِع حصة بعد ثواني طلعت وهي تركب السياره توجهو للمخيم وحِركت السيارات كلها مع بعض
نجد لفت نظرها وهي تشوف صقر يطلع ويركب مع السواق ومعاه نور وامه ابتسمت بحماس وهي تاخذ جوالها لكِن لفت نظرها انه صقر معطيها بلوك انصدمت ليش يعطيني بلوك ! رمت جوالها بالشنطه وهي تهز رجلها بقهر تغريد:خلاص شفيك تهزين رجلك
نجد:مافيني شي انتِ اللي شفيك منفسه
تغريد:مافيني شي شروق ركبت جنب نجد:اف بروح معاكم
نجد:ركبتي وخلصتي وتقول بروح معاكم ضحكت تغريد:شتبين فيها وين جمانه ؟
شروق:مع امي وابوي بروح معاكم لاني احبكم وضحكت لفت نظرها وهي تشوف سيارة ابوها ماتشتغل نجد:قولي كذا انه خلص البنزين احبكم ومدري ايش
طلع ابورائد:زيد يابوك تاخذ عمتك ورائد لان عندي شغل وماقدر اروح
زيد:مافيه مشكله اركبي ياعمتي معاي
عمر:عادي اروح مع جدي ؟
زيد:لا وين تروح تعال معي
عمر:بروح مع عمتي تغريد يبه تكفى
تغريد فكت الشباك:تعال عمر
تالا وتولين:وحنا ؟
تغريد ضحكت:تعالو يلا
زيد:نجد امشي معاي اجل
جوزاء:انا بروح مع اخوي مناور وانت خذ شروق ونجد معك انت ورائد
زيد:اجل يلا امشو خلصونا
نزلو شروق ونجد مع زيد ورائد
جمانه وام جمانه وابوجمانه مع ذعار
سند:خير ماحد بيروح معاي اجلس لحالي يعني !!
احسسن ركب سيارته لكِن وقفه عمه عايض:انا بروح معك ماترك ولد اخوي يزعل
قاطعهم وقوف سيارات الشرطه قِدامهم وهّم ينزلون:سند سهاد الحمد !
نزل سند وهو مِستغرب:انا امر ؟
سحبوه وهم يكلبشونه ويركبونه السياره
جمانه شهقت:شصاييير ! دقيقه لاياخذونه وش مسوي !
سهاد مناور وعايض ركبو مع ذعار متوجهين لمركز الشرطه
الضابط:سند مُتهم بقضية قتل !
سهاد ضغط على يد اخوه مناور:قتل اكيد فيه شي غلط !
الضابط طلع السكين:زي مانت شايف البصمات بصمات سند يعني الدليل واضح قدامك وطاعن خويه رامي 7 طعنات
عايض بصدمه:ياحضره الضابط اكيد فيه شي بالموضوع سند عندنا ولاطلع لمكان!
الضابط:بيتم التحقيق بالموضوع بس الادله اثبتت على سند واهل القِتيل يطالبون برقبة سند !
سهاد جاه هبوط بالسكر واغمى عليه شالوه الاسعاف ذعار:ممكن اشوف سند ؟
الضابط:لا حالياً ماتقدر تشوفه
ذعار طلع وهو يتصل على جمانه ثواني وردت:خالي شصار ؟
ذعار:لاحد يدري متهم بقضية قتل
جمانه شهقت:قتلل بس سند مايسويها والله مايسويها
ذعار:لااحد يدري اذ جيت تعالي لشقتي ابيك بسالفه
جمانه وهي مستغربه من برود خالها:طيب
"غرفة تغريد"
نومت بنتها وهي تقوم بدلت ملابسها وتنزل لخالتها الي انهارت بسبب الي صار جلست عند ركبتها:خالتي سند بيطلع لاتشيلين هّم
دخلت حصه:السلام عليكم خالتي اخبارك
ام ضاري ماردت عليها
تغريد ردت السلام بس بصوت ماينسمع
حصه:طيب ردي السلام مراح تموتين
تغريد طنشتها:خالتي بسوي لك حاجه تاكلينها من الصبح وانتِ على لحم بطنك
ام ضاري:مالي نفس ياتغريد اكل شي مالي نفسس
وقفت تغريد:بسوي لك وانتِ بتشتهينه اكيد
راحت للمطبخ ولحقتها حصه:انتِ شفيك ماتكلميني 5 سنوات حقد وماتكلميني نسيتي اني صديقتك ؟
تغريد ضحكت بسخريه:حصه ! كم مره فشلتك ؟ كم مره طردتك ؟ كم مره مسحت بكرامتك القاع ؟
حصه:شف مِن يتكلم عن الكرامه! تغريد انتِ غلطانه وكنتي تدرين انا وضاري نحب بعض من قبل لايخطبك !
تغريد:المطلوب مني الحين ؟ تبي ترجع علاقتنا زي قبل ؟
حصه:ايوه انتِ صديقتي تغريد ليش مومصدقتني ؟
تغريد:حصه انقلعي عن وجهي ! موفاضيه لك !
"الساعه 9 اليل"
دخل ضاري:السلام عليكم
ام ضاري وقفت:طمني شصار ؟
ضاري:هاه سالفه بتعدي انشاءالله وقريب
ام ضاري:طلعتوه ؟
ضاري:لا بس مطوله السالفه شوي
ام ضاري بكت:علمني وش السالفه ابوك وينه ؟
ضاري بتوتر:يمه هدي سند بخير وابوي بعد بخير بس هم بمركز الشرطه يشوفون الموضوع
دخلت تغريد وشافت حصه تتافف بطفش وملل:خالتي تكفين رفضتي تاكلين اليوم والحين مابيك ترفضين
ام ضاري:مالي نفس ماني مشتهيه شي
جلست تغريد على ركبتها وهي تحط الصينيه على الطاوله:خالتي بس شوي بس ملعقتين تكفين خالتي والجوء الحين بارد اشربيها خِليها تدفيك
ام ضاري شافت مافيه مفر:طيب
تغريد ابتسمت وهي تاخذ الشوربه بملعقه وتشربها بعد دقايق:خالتي بس شوي شوي
شربت اخر ملعقه انتهى الي بالصحن وهي تاخذهم للمطبخ جلست حصه جنبه:متى ارجع؟
ضاري:وين ترجعين ؟
حصه بملل:بيتي وين يعني ترا من الظهر وانا هنا وماحد طايقيني بعد
ضاري بعصبيه:شايفه احد فاضي لك ولحركاتك !
حصه:انت شفيك يعني اخوك انسجن لانه قاتتل ! شهقت ام ضاري:قاتل شقاعده تقولين انتِ تكلمي شقاعده تقوليييين فهموني شصاير لفت لضاري وكانت بتتكلم بس اغمى عليها
ضاري ركض بخوف لامه:يمه يمه اصحييي يمه
دخلت تغريد وهي ترجف:خالتي يمه خالتي اصحييي ضاري اخذ مويه وصار يمسح على وجها بخوف بعد دقايق صحت وهي تصيح بحضن ضاري وتردد:هاتو لي سند هاتووه
دخل سهاد وهو تعبان والدنيا ضاقت عليه من كل الجهات بكره بتكون محكمة سند بسبب ثبوت الادله عليه بانه قاتل !
"اشِجان"
صحت وهي تشهق بقوه وترجف بخوف:بسم الله اخذت جوالها والساعه 2 اليل استغفرت وقرت اذكارها وهي تقوم تغسل وجها والحَلم مايفارقها ابد من كانت صغيره وهي عارفه الشيي هذا وتدري انه حقيقه بس ابوها يرفض ويقول ماهو صحيح ويحاول يخليها تنساه تدري انه حقيقه وتدري انه فعلاً موجود بس قاطع افكارها دخول علي:صحيتي ؟
اشِجان تنهدت:ايوه
علي:الحلم ؟
اشِجان وقفت:ابوي الحلم اكيد انا متاكده صار لي بحياتي بس موقادره كل شي مشوش وبس انا الي باينه فيه يعني الحلم وراه شي وراه سرر ابوي تكفى تعرف شي عن الحلم ؟
علي:لا يابنتي ماعرف
حصه كانت للان جالسه بالصاله وتغريد جالسه بغرفتها دخل ضاري وهو تعبان:ممكن تطلعين ؟
تغريد باستغراب:ليش ؟
ضاري:خلي حصه تنام هنا وانتِ نامي عند ايلان
تغريد:ايش ؟ انت شقاعد تقول مريض متخلف انت ! فيك شي ضاري تطلعني من غرفتي عشان زوجتك الثانيه تنام فيها ! وصلت فيك الوقاحه تقول كذا ! اوك انت ماتحبني انت متزوجني عشان وصية جدي فقط بس ماتوصل تقول لي اطلعي من غرفتك عشان زوجتي تنام فيها ! ضاري انا تحملتك وكثير كثيييير تحملتك ! بس تدري انا ببلع موس واسكت لاجل خالتي وعمي فقطط لانهم تعبانييين بسبب سند بس تشوف ياضاري مراح اقعد عندك ثانيه وحده والغرفه خلها لك يامُتخلف طلعت وهي تصفق الباب بقوه وتدخل غرفة ايلان وهي تجلس على الارض كورت يدها وهي تضربها بعُنف على البلاط وهي تتنفس بقوه طلعت وهي تدخل للغرفه مره ثانيه وتشوفه جالس على السرير ويمسح على صدره وكانه يحاول يتنفس دموعه نزلت من الي يحس فيه بسبب جاه ضيق تنفس
تغريد بخوف:ضاري فيك شي !
ضاري:تغريد موقادر اتنفس موقادر تكفين لبست عبايتها وهي تلف الطرحه وتتنقب:امش المستشفى يلا قوم معاي
ضاري وقف وهو يضغط على يد تغريد نزلو وحصه شافتهم مقبلين وقفت:ماشاءالله اقولك ودني لبيتي ترفض بس اذ تغريد طلبت منك شي توديها
تغريد صرخت بوجها:بلا حركات مبزره انقلعي وهي تدفها بقوه وطلعت هي وضاري صارت تطق باب السواق طلع السواق:ايوه ماما تغريد ؟ تغريد:شغل السياره بسرعه بسرعه طلع وهو يركض شغل السياره وركبت هي وضاري بالخلف تغريد مسكت وجهه:ضاري شوي شوي على نفسك وصلو للمستشفى ودخلوه لغرفة الفحص الدكتور:ماكنتي تدرين انه فيه ربو ؟
تغريد:الا اعرف لان معاه بخاخ بس اليوم مدري شفيه اول مره اشوفه كذا
الدكتور:مومشكله الحين عطيناه بخار وبصرف له ادويه واهم شي الحرص على اوقات الادويه بوقتها
تغريد:تمام يعطيك العافيه طلع الدكتور جلست على الكرسي وهي تمد يدها وتاخذ جوال ضاري لان نست جوالها فتحت الجوال ببصمة اصبع ضاري فتح الجوال دقت على نجد وردت:نعم ؟
تغريد:روحي عند ايلان ولاحد يدري تمام ؟
نجد:تغريد وينك ؟
تغريد:بالمستشفى مع ضاري وهذا رقمه ف عشان مذا لاحد يدري احرصي على ايلان بالله
نجد:تمام تمام
حطت الجوال بجيب عبايتها تنفست براحه كانت تعبانه صاحيه من 6 الفجر والحين 5 الفجر تطمنت عليه وانسدحت على الكَنبه ثواني وغفت صحى ضاري وهو يعدل جلسته دخلت الممرضه:خلاص تقدر تطلع وقف ضاري وهو يعدل ازرار ثوبه وصار يهز تغريد:تغريد تغريد
تغريد:همم
ضاري:يلا بنروح البيت اصحي وقفت وهي دايخه وفيها النوم لفت نظرها له:كيفك الحين ؟
ضاري ابتسم لها:الحمدالله يلا نطلع
طلعو وشافو السواق واقف قريب من البوابه اشر له ركب ضاري جنبه وتغريد بالخلف غفت مره ثانيه بعد ساعه وصلو للبيت نزل ضاري وهو يفتح الباب الخلفي وكان بيشيل تغريد بس فزت:وش تسوي ؟
ضاري:بوديك لغرفتك ماكنت ابيك تصحين
موشلتيني انتِ ؟ خليني اشيلك
تغريد:لا ضاري انت معاك ربو حاد اخاف عليك ويرجع نفس اللي قبل شوي شهقت:ضاري نسينا نجيب ادويتك
ضاري:الحين انا بخير مافيني شي ومفعول الادويه اللي عطوني للان مراح فـ عادي ننام وبكره يجيبها السواق او انا اروح
تغريد هزت راسها دخلت ودخل وراها حصه:انت شفيك على الاقل خل السواق يوديني ولدك تعب وانا تعبت !
ضاري بتعب:حصه نامي هنا وبكره اوديك مايصير تروحين الحين لحالك مع السواق
حصه:انام هنا خير انشاءالله ؟؟؟
تغريد:نامي انتِ ولدك بغرفة ايلان وايلان بتنام عندي
ضاري:هاه يلا انحلت المشكله رقى لفوق وهو تعبان ودايخ
حصه تاففت وهي تعباننه وفيها نوم اخذت ولدها وهم يرقون تغريد فتحت الدولاب وطلعت بجامه ايلان:لبسيها ايان
حصه اخذتها وهي تجلس وتلبس ايان وطلعت مفرش وعطتها اخذت بنتها وهي تطلع من الغرفه دخلت وشافت ضاري خلص من الصلاه وانسدح على السرير سدحت ايلان جنبه وراحت تصلي خلصت من الصلاه وانسدحت بس استغربت من ايلان ماتحس فيها جنبها لفت وهي تدورها شافت ضاري حاضنها ونايم هو وياها انسدحت وسرعان ماغفت مِن التعب .