الفصل 2
البارت الثاني
الساعه 7 الصَباح ركبو الطياره وربطو الاحزام وتّم الاقلاع علي مسك يدها:يابوي ترا انتِ سعوديه ليش زعلانه ؟
اشِجان:تعودت وكثيير على اليونان 10 سنوات ماهي سهله
علي:بتتعودين على السعوديه وهاذي ديرتك واهلك وناسك هناك اليونان مافيها احد وانا مِليت
اشِجان ضحكت:نتعود غصب عنا ليش مانتعود
علي ابتسم: وجدانك راح تحبينهم
اشِجان:طيب نشوف بنام ممكن مِيلت راسها على كتف ابوها غفت
علي مسح على راسها:نوم العوافي ياقلب ابوك
"الشِركة"
وصل ذعار وهو يعدل غترته الشتويه:هاه انا جيت ! شتبون يعني ماتسون شي الا فيني ؟
سهاد ضحك:وينك انت 3 شهور ياذعار ماهي بسيطه تختفي وماندري عنك
ذعار:كنت بالمخيم والله ياهي اجواء وعاد لاتحسبون اني لحالي معاي اخوياي
مناور:المصمم شصار عليها ؟
زيد:تقصد يابوي المصممه لان اليوم تكلمت معانا وبكره بتجي وتجيب اوراقها
ذعار:لا البنت ماتجلس عندي بالمكتب !
زيد:غرفة المصمم بغرفتك يعني بتكون عندك !
ذعار:مابيها عندي افتحو لها باب ثاني بس عندي لا !
سهاد:مايمدي نفتح باب لانه على قسم الماليه وتعرف ممنوع موظفين قسم التصميم يدخلون لقسم الماليه صح ؟
ذعار:اجل حطوها بمكتب ثاني بس البنت ماتجلس عِندي !
عايض:يابن الحلال لاتطيرها مِن يدينا خلاص اسكت عِنا ! لنا شهر كامل ندور واذ لقينا مايعجبنا تصاميمها
صحت اشِجان:اف نمت كثير كم باقي ؟
علي وهو يرفع ساعته:ساعه وحده بس جهزي نفسك
اشِجان:اوفف لهدرجه ماحسيت ونمت عاد تدري نايمه من 9 مدري شلون نمت الحين
علي:عادي ياقلب ابوك
بعد ساعه وصلت الطياره لأراضي السعوديه نزلو وكان الجو ممطر اخذت نفس عميق:الله الاجواء تفتح النفس مره
علي:تعالي يلا تراني تعبانه وهلكان ودي انام بس
ركبو تاكسي وعطاه العنوان بعد ساعه اشِجان: موطبيعي الزحمه وربي فيني الصيحه
علي ضحك:توك ماشفتي زحمة الرياض على اصولها وصلو للبيت ونزلو كان واقف عِنده محمد علي ضمه وسّلم عليه:هاذي اشِجان والله وكبرتي اشِجان ابتسمت:هلا عمي باست راسه
محمد:ادخلو اكيد تعبانين عاد والله ياعلي زوجتي وبناتي هم الي اثثو البيت كانكم تبون تغيرون فيه
دخلت اشِجان:لاعمي ماشاءالله الاثاث يجنن الله يعطيهم العافيه
محمد:يعافيك ربي يلا ارتاحو وانا استأذن
علي:وين اجلس شوي
محمد:بكره انشاءالله العصر بنجي عندك وترا جبت لكم اغراض للبيت يلا فمان الله
علي وصله لين باب البيت ورجع ماشاف اشِجان رقى وراها:هاه اخترتي غرفتك ؟
اشِجان ضحكت:وهو يمدي اختار بس حلوه اكبر غرفه بالبيت لي
علي:ايه ترا الغرفه صغيره بس توسعت من الغرفه الي فتحوها عليها يعني شوفي الغرفه هاذي حقت ملابسك يالفوضويه وهاذي حقت نومك
اشِجان ضمته مِن الجنب:افا انا فوضويه ؟
علي ضحك:ايه يلا نامي الحين عشان بكره تروحين للشركه
اشِجان:ابوي بقولك شي عادي نجيب مساعده ؟
وتكون تطبخ وكذا عشانك بعد
علي:وصيت محمد عليها هي عنده بكره بيجيبها
اشِجان:اف احبك ابوي
علي باس راسها وهو يطلع لغرفته
بنفس الساعه وقفت وهي تسحب حجابها وتاخذ جوالها كـ احتياط نزلت وهي تفتح باب الحوش وتدخل لبيت عمتها ورقت لغرفة رائد دخلت وهي تسكر الباب بشويش جلست على الكنب بعيد عنه عشان مايصحى جته نوبة صحى فجاه وهو يرجع على وراء ويصرخ:بعد بعد عني بععد لاتقرررب لاتقرب مني لاتقرب من قال انك صديقي انت موصديقي موصديقي !
شروق لفت نظرها للباب وهي تشوف للان ماحد دخل ورائد يصرخ بـ لا تقرب ! ركضت عنده وهي تحضنه لصدرها وتمسح على راسه وتقرا ايات من القران وتمسح على راسه بعد دقايق بسيطه رجع نام رجعت راسه للمخده ورفعت نظرها للباب وهو ينفتح فزت وهي تشوف عمتها:شروق ؟ ليش جايه
شروق:ماقدرت انام الا اذ تطمنت عليه
جوزاء وهي تناظر فيه:غريبه النوبه للحين ماجته لايكون جته وانا غافيه مادريت
شروق:ايوه بس ماعليك هديته ورجع نام
جوزاء:تعالي ابيك معاي
شروق طلعت وهم يدخلون للغرفه الثانيه:تحبين رائد ؟
شروق شتت انظارها وهي تحاول انها تغير السالفه
جوزاء:لاتستحين مني تحبينه ؟
شروق:اكذب عليك اذ قلت لا
جوزاء ابتسمت وهي تضمها:ماقدر اخطبك له الفتره هاذي رائد لازم يتعالج
شروق:ليش ماتخليني اكمله ؟ يعني مادام مانفع معاه العيال بس بيكون بيني وبينك وماحد يعرف اني كلمته واقنعته بالعلاج
جوزاء:شلونن ؟
شروق:اذا صحى بكره انا بجي ونجلس انا وانتِ ونتكلم معاه وانشاءالله يوافق
جوزاء:طيب بس انتِ تعرفين اسلوب رائد يعني قاطعتها شروق:عادي يلا انا بروح قبل لاحد يفقدني وقفت وهي تطلع برا وتدخل لبيتهم ورقت لغرفتها رمت نفسها على السرير وهي تحس براحه تطمنت عليه والحين بتنام وصار روتين انها تروح لرائد بدون لاحد يعرف باستثناء عمتها جوزاء
الصباح صحت وهي تطلع نقابها من الشنطه وتكويه وتلبس عبايتها السودا الخَاليه من الزينه حطت شوي مسكرا ماكثرت تنقبت وهي تاخذ اوراقها وتنزل علي:يلا انا ماشيه
علي:تعرفين العنوان ؟
اشِجان:ايوه انت ارسلت لي
علي:تمام انتبهي على نفسك ابتسمت وهي تطلع وتركب سيارتها شافت انه بدري فتحت جوالها على قوقل ماب وهي تحدد ستاربكس وشافته قرريب مره طلبت ايس وايت موكا وحِركت وهي تمشي على اللوكيشن لين وصلت للوجهه وهي الشركه
وقفت بمواقف السيارات وهي تعدل نقابها نزلت وهي تمشي بثقه دخلت للشركه وكانت تدور بعيونها على قسم التصميم لقته وهي تسال السكرتيره:سهاد الحمد ؟
السكرتيره:مين اقوله ؟
اشِجان:المصممه الجديده
السكرتيره وقفت وهي مستانسه تبي تفتك من صراخ المُدراء عليها بسبب انها مالقت مصممه طقت الباب بغرفة الاجتماع:وصلت المصممه
كانو جالسين ذعار سهاد مناور عايض ضاري زيد
سهاد وقف وهو يمد يده يسلم عليها اشِجان:اعتذر عن مصافحتك
سهاد:مومشكله اجلسي جلست قدامهم
ذعار:اوراقك ؟
وقفت وهي تمد له الملف فتحه وصار يتصفح عِملها ورسمها ودقتها بالرسم:سمعت انك درستي باليونان ؟
اشِجان:ايوه
سهاد:من متى وانتِ باليونان ؟
اشِجان:من كنت صغيره وانا باليونان
مناور هّمس لسهاد:شف شغلها زين خلونا نقبلها
سهاد:ومن قالك بنرفضها بليالله لقينها
ذعار سكر الملف:تم قِبولك ابتسمت اشِجان:يعني من اليوم ؟
سهاد:ايوه
اشِجان:طيب مين مديري ؟
سهاد لف نظره:الاستاذ ذعار بيكون مديرك
اشِجان:مين فيكم معليش بس قاطعها مناور:الي بالاخير
اشِجان ناظرته:اوك وقف ذعار وهو ياخذ ملفها وكم ورقه
سهاد:الباقي عليك ياذعار
ذعار:ولايهمك وقفت وهي تمشي وراه دخلو للمكتب وجلس على مكتبه اتِصل على السكرتيره
دخلت انوار وهي ترجف وخايفه:امر استاذ ذعار
ذعار:افتحي المكتب انوار اخذت المفتاح مِنه وهي تفتح المكتب
دخلت وكان صغير مره ومافيه الا باب واحد وهو الي بينها وبين ذعار رجعت:شلون بطلع ؟
ذعار:موعاجبك الباب ذا الي وش كبره ؟
اشِجان بنرفزه:نعم ؟ اكون معاك بنفس الغرفه بس يفرق بيني وبينك باب سكتنا بس اطلع من عندك معليش لا
ذعار:صوتك لاترفعينه علي فاهمه !!!!
اشِجان:مارفعت صوتي بس انا ابي اغير المكتب مابيه
ذعار:والله عاد هذا الموجود وهذا مكتب المصمم الي قبلك
اشِجان:هذا انت قلتها مصمم انا ليش قاعده اتكلم معاك اروح لمدير القسم واكلمه طلعت وهي مطنشته
ذعار وقف وهو يمشي وراها وهو معصب دخلو عند سهاد:انتِ موتسفهيني وتمشين اكلمك تنثبرين لين اخلص كلامي !
اشِجان:اذ كنت محترم معاي ذيك الساعه اسمع كلامك اما تكون وقح معاي لهنا وبس
ذعار:انتِ من اول يوم تبين تفرضين شخصيتك علينا انا مديرك واذ قلت شي تنفذينه بدون لاتناقشيني
اشِجان:توني ماقلت بسم الله هاذي بدايتها تنعاف تاليها معليش انا مابي عند هذا المُختل !
سهاد تنهد:بس المشكله ماعندنا مكتب فاضي الا هذا المكتب
اشِجان:مومشكلتي انا ماجلس عنده ثانيه وحده غيرو مكتبي !
ذعار انرفع ضغطه بنت وتعلي صوتها علي ! قرب مِنها وهي ترجع للخلف:لاتخليني احطك براسي واندمك على الساعه الي رفعتي صوتك علي لاتحسبيني العب معاك !
اشِجان ناظرت فيه وبتحدي:وش بتسوي ؟
ضحكت بسخريه وهي تبعد وتوجه الكلام لسِهاد مابي الوظيفه لان مستحيل اشتغل مع واحد مِثل هذا اسلوبه همجي سهاد:طيب انا مدير القسم وذعار قاطعته:تبوني اشتغل معاكم ماتخلوني معاه بنفس المكتب اذ قررتو دقو علي رقمي عندكم طلعت بعد مارمقت ذعار بنظرة كره .