عيني بعينه والقلوب بعاد - الفصل 3 | روايتك

الجزء الثالث دخلوا البيت شافوا الكل في الصالة ينتظروهم عبدالله ومنى وحنان:السلام عليكم الكل:وعليكم السلام لطيفه:يالله روحوا غيروا وغسلوا وتعالوا تغدوا راحوا كلهم غرفهم منى دخلت غرفتها تغير ملابسها وتغسل وتنزل نزلت لقت الكل ينتظرها لطيفه:أخيرا ما بغيتي تنزلين والله لو أميرة ما نطرناك كذا أبو عبدالله: لطيفه وبعدين خلي البنت تتغداء بهدوء منى ابتسمت على خفيف ورقصت عواجبها للطيفه من دون ما يشوفها احد بس لطيفه شافتها وانقهرت مرررره جلسوا تغدوا وبعد ما خلصوا يوم خلصت منى وغسلت مرة عليهم من الصالة عشان تروح غرفتها لطيفه:وين رايحه من يغسل صحون الغداء منى:والله مو فيه اذا صار ادور فيه مرح انتظر احد يقولي نهى: ادور فيه يمه وشوي وبغسلها راحت منى وقبل توصل غرفتها سمعت ابوها يقول أبوعبدالله: انتي اش فيك على البنت ما تعدي ساعة ما تسمي بدنها بكلامك تري بنتي وما ارضى عليها لطيفه: وانا وش قلت بعدين انت ما تشوفها لما ما تكون هنا لسانها اش طوله علي ما تقول انها ذي الساكتة قدامك ابوعبدالله:والله انا اتكلم عن الي يشوفه بعيني بعدين ما اتوقع بطول لسانها عليك من الباب الطاقه اكيد انتي تتحركشي بها قبل ما ترد لطيفه وتكبر السالفة قاطعها عبدالله عبدالله:بيه يسلم عليك جارنا قبل صالح محمد ابومحمد ابوعبدالله: الله يسلمه وين شفته عبدالله: جان اليوم في القسم ابوعبدالله:ليه عسى ما شر عبدالله:واحد شراء من عنده ارض وفات موعد سداده وما سدد ويقول ان الرجال رافض يسدد له الحين ابو عبدالله:وليش رافض مو بينهم عقد عبدالله:ايه بينهم بس الرجال يقول ما عنده وقاله يصبر عليه بس شكل ابو محمد مل منه ابوعبدالله:صادق والله حقه نرجع لمنى منى دخلت غرفتها بعد ما قطع عبدالله حوار بين ابوها ولطيفه منى انسدحت على كرسيها وهي تطلع السقف شوي دخلت عليها نهى نهى: غريبة ما قد نمتي منى:شوي وبنام انتي كيف يومك اليوم بعد سهرت امس نهى:واي الله لا يوريك راسي حسيته بينفجر بس نمت في حصة الانجليزي منى:ما شاء الله عليك وبتجلسي تسهري وتنامي في الحصص نهى: اقول مناك لا تجلسي تسويلي محاضره تراء راسي قاعد يلف فيني وابي اناااااااااااام بدون ازعاج فيا ليت حولي نفسك على الصامت منى تقلدها : يا ليت تحولي نفسك على الصامت اقول نامي بلا فلسفه مالت عليك نهى: احسن لفت نهى بظهرها لمنى ونامت منى جلست تتقلب حتى نامت صحت على صوت عهود تصحيها عهود:منى منى قومي صلي العصر قد أقام منى:طيب عهود وهي خارجه: لا ترجعي تنامي وقومي صلي لأني معد بأجي اقومك منى: اصلا انا قايمه قامت منى وراح الحمام توضأت وصلت وطلعت راحت الصالة لقيت اخواتها كلهم موجودات بس لطيفه مو معهم جلست معهم منى: ليش ما قومتيني يوم قمتي نهى: قومتك عهود خلاص ولا لازم انا اقومك منى: انتي اش فيك اليوم دمك ثقيل نهى:طالعه على اختي منى طنشتها وقالت العهود منى:مبروك سمعت انك اخطبتي عهود:لسه ما وافقت عشان تباركي منى: ليش ممكن ما توافقي عهود:مدري لسه محتاره حنان: طيب صلي لاستخاره وشوفي عهود: استخرت نهى: طيب اش قال لك عبدالله كلمك عهود:ايه كلمني يقول هو كويس واخلاقه ما عليها كلام ومحافظ على صلاته منى:طيب وليش مترددة دامه زين عهود: خايفة من الحياة الجديده خايفة من المستقبل منى: اقول وافقي وتوكلي على الله والخوف شي طبيعي في حياة الإنسان عهود: قولك كذا منى: ايه حنان:صلي الاستخارة مره ثانيه وردي عليهم منى: وانا رائي كذا نهى:وانا كزالك رائي كزا عهود: شوركم وهداية الله حنان:ههههههههههههههههههه حسستيني اني مسلسل خليجي عهود: وليه من وين انتي مو خليجيه حنان:لا افغانستانيه ههههههههههههههههههه منى: عهود وش فيهم خواتك اليوم يستخفون دمهم عهود:يبون يسون رجيم ههههههههههههههههه منى:جايه بشتكي لك طلعتي اخس عنهم حنان ونهى وعهود:هههههههههههههههههه منى:الله يخلف على عقولكم الا وين امكم حنان:شكلك اشتقتي المناقر منى:لا جد وينها مالها حس عهود:عند ام خطيبك المستقبلي منى عقدة حواجبها:مين ذي حنان: علينا ما تعرفين ام خطيبك منى انقهرت : من تقصدون نهى:ههههههههههههههههههههه� �ههههههه ههههههههههههههههههههههههه هه يقصدون ام جابر جارتنا منى لفت تدور شي ترميهم به بس ما لقت فقامت تضربهم هربوا كلهم الا عهود ما امداها تهرب فمسكتها منى وجلست تضربها منى: مالت عليكم ما نسيتوا ذا السالفه ولا ما لقيتوا الا جويبر العربجي عشان يموتني طق عهود:تتفادى ضربها وهي تضحك : ههههههههههههههههههههههههه ههههههههههههههه هو الي قال انك خطيبته مو انا رجعوا جلسوا وهم يضحكوا على منى جلسوا يسولفوا لين جاء المغرب سمعوا الاذان قام بصلوا الا على دخلت لطيفه جايه من عند ام جابر سلمت وردوا السلام وراحوا يصلوا ( نقولكم قصت جابر مع منى يوم كانوا صغار كانوا منى وعهود يطلعوا يلعبوا في الشارع فكان جابر دايم اذا شاف مع منى شي يأخذه ويضربها لان حجمها صغير وما تقدر تدافع عن نفسها فمره شافه ابوها يوم قاله ليش تضربها قال عادي هي خطيبتي فعادي اضربها كان وقتها حتى جابر صغير بس مسكوها عليها ان جابر خطيبها ) انتهى الجزء الثالث