الفصل 7
القسم السابع
….
ضاري
ركب سيارته ولف لجواله
ارسل لناديه"بجيك"
قفل جواله ولف للطريق
عند ناديه ابتسمت بفرحه كل مايقول هالكلمه ضاري
يمر عليها اجمل ايام حياتها
طلعت لغرفتها وجهزت نفسها ولبست وتعطرت تنتظره
دخل الغرفه وابتسم من شافها
ضحكت ووقفت له
جات بتحظنه بعد شوي:دقيقه بحط اغراضي
طلع العقد من جيبه وحطه على السرير
وناديه من ناظرته انصدمت وجمدت مكانها
لف ضاري لها وحاوطها من خصرها:شفيك؟عجبك؟
لفت تناظره وهي ناشفه
ابتسم:طلعت متزوج سراقه؟
ناديه رجف فكها بخوف من نبرته:ضاري ان..
قرب منها وهمس باذنها:هديتيه شغالة جسار ليش؟
ناديه غمضت عيونها بخوف:ضاري
ضاري بعد وابتسم وهو يناظرها:هلا
ناديه:ماسرقت شي
ضاري ابتسم وحاوط وجهها بكفوفه:شلون وصل لها؟
ناديه هزت اكتافها بتوتر:مادري
ضاري ناظر شعرها ورجع ناظرها:اللي يغلط يتعاقب والا؟
ناديه بلعت ريقها:ضاري كان عاجبني ومالقيت زيه ويوم شغالة جسار جات بتروح مالقيت الا اني اعطيها عشان تسكت
ضاري رمش بهدوء:شغالة جسار؟
ناديه هزت راسها وبلحظه صفقها كف
لفت تناظره بصدمه والدموع ملت عينها
سحبها من شعرها وصرخت
ضاري:اوووششش
بلعت ريقها:ضاري اسفه والله
ضاري دفها بقوه على الارض وناظرها:مابي القاك في غرفتي اذا رجعت
مشى وطلع
ركب سيارته وحرك وعينه على الطريق
وقف عند البيت ولف يناظره
ابتسم ونزل من سيارته
دخل البيت وحصل الباب مفتوح كعادته
توقعها مهمله مسوؤليه زي ماهي مهمله شكلها
قفل الباب وتقدم للمطبخ وهو يناظر ظلها
وقف عند طرف الباب وهو يراقبها
كانت تمشي ورافعه شعرها كله فوق
وتناظر الاكل وهي تسويه
حطته في الصحن وحطت اصبعها في فمها تفكر
ابتسمت ولفت تاخذ عصير وطاح الصحن من يدها
ابتسم وتقدم لها:خسارة الشغل اللي اشتغلتي عليه
جمدت محلها وهمست:متى جيت؟
تقدم لها اكثر:من يوم ماكنتي محتاره في اي صحن تحطين؟
بلعت ريقها وصدت عنه
ضاري:ماني متعود اعتذر على شي سويته حتى لو غلط
لفت تناظره وعقدت حواجبها
ضاري:بس اسف
امجاد بلعت ريقها اكثر من مره لحد ما انتبه وناظر رقبتها
رفع راسه لها:ارتبكتي يوم شفتيني قريب؟
امجاد رجعت خطوه على ورا:وصل اعتذارك شكرا
ضاري ناظرها دقايق بدون ملل ولف شوي:تمام جيت على اساس بلقى ردة فعل افضل بس يالله
امجاد لفت له ومشى طالع
لحقته بسرعه وتكلمت بصوت عالي شوي:منت مظطر تعتذر
ابتسم وبلل شفايفه ولف لها:ليش؟
امجاد مشت لناحيته:ماغلطت بشي مو انا شغاله ومتوقع مني اني اسرق
ضاري ابتسم وهز راسه:ياعجيبه
عقدت حواجبها
وكمل ضاري بابتسامه:في امرك ,ياعجيبه في امرك
ابتسمت وهزت كتوفها
لف ومشى طالع:لنا كلام بعدين
قفل الباب وراه وابتسمت محلها امجاد
عضت شفتها ومشت للمطبخ
ناظرت القزاز ولمته بابتسامه
…
دخلت الغرفه وناظرها جسار:مين كان يكلمك؟
نفضت يدها امجاد:ضاري
سكت وهو يناظرها تفتح جوالها
همس:قلت لك عن ضاري
امجاد تنهدت:وسمعت منك
جسار رفع حاجبه:وين سمعتي؟
امجاد نزلت جوالها بقل صبر:شكرا لنصيحتك
جسار ناظرها ثواني وصد:العفو
نزلت بجسمها امجاد في الكنبه وهي تناظر الجوال ومبتسمه
وجسار يراقبها بين وقت ووقت
….
وليد
جالس على اعصابه ولف اول ما انفتح الباب
طلعت هدى ووقف لها:هدى ارتاحي ليش طلعت؟
هدى ودموعها ماليه عينها:اطلع من حياتي
وليد بلع ريقه:غصب عني كنت مخير
هدى:مخير بالفلوس ؟
وليد صد بنظره وهدى مشت رايحه
مسك يدها وغمضت عيونها هدى
وليد:مالي حياه بعدك انسي وتعالي
هدى همست:صعب صعبه هالمره
وليد:خذي وقت بس لاتتركيني بعيد عنك ارجعي لبيتنا
هدى لفت له وناظرته
وليد برجاء همس:تكفين
هدى لفت ومشى وليد وركب سيارته وركبت هدى جنبه
لف لها وناظر دموعها ولف لقدام بضياع
وقف عند البيت ومشى لها
جا بيمسك يدها بعدت عنه
تنهد وهو يراقبها تمشي بخطوات حذره
دخلت البيت ولفت لها عفاف:هلا هلا تو مانور الببت
ابتسم ضاري ولف يناظرها
دخل وليد وراها ومشت هي لغرفتهم
ناظر ضاري وليد ومشى طالع
ابتسم ضاري ولف على جواله
يناظر رسالتها"منت مظطر تناديني عجيبه عندي اسم"
ابتسم ورد"كل شي ماني مظطر اسويه عندك؟"
ردت عليه في نفس الثانيه"امجاد"
غمض عيونه ثواني وقفل جواله اول ماتكلمت عفاف
عفاف:متهاوشين؟
رفع راسه لها:مين؟
عفاف:انت وناديه؟
ضاري:مالك شغل
عفاف صدت عنه وشمقت
ضاري وقف:شوفي سحر واللي تسويه لاني لو بمسك عليها شي بقتلها
عفاف عقدت حواجبها وهي تناظره طالع
دخل الغرفه وماحصل ناديه
اخذ نفس ورمى نفسه يناظر السقف
ميل راسه وهو يفكر
اخذ جواله وطلعه على الرف جنبه
ولف للجهه الثانيه يغمض عيونه
….
امجاد
جالسه وتناظر جوالها
تاففت وهي تنتظر منه رد
اكلت اظافرها وتنهدت
لفت وناظرت جسار يناظر الفراغ
دخلت وقفلت باب البلكونه
ومشت للسرير
وانسدحت على بطنها:مواليد كم؟
ناظرها جسار بهدوء تكلم:1995
ضحكت:صعنون
ماتحركت ملامحه ابدا
امجاد:انا مواليد 97
جسار هز راسه وصد
امجاد:من متى انت كذا؟
لف لها ناظرها
امجاد:اقصد ولدت كذا؟
لف لقدام:لا
امجاد:متى صار؟
جسار لف لها:من 8 سنوات
امجاد عقدت حواجبها:حادث؟
جسار:يقولون
امجاد حطت يدينها تحت دقنها:وانت شتقول؟
جسار همس:بحكيك وشوفي
امجاد هزت راسها
جسار:كان عمري 18 سنه بعد ماطاح ابوي علينا بكم شهر كان ضاري مجمعنا كلنا ويقولنا عن الفلوس اللي تنتظرنا بعد وفاة ابوي الكل فرح بدون تحديد بس ضاري حكم كل شي وانا متاكد ان ورا هالشي
امجاد عقدت حواجبها:ورا ايش؟
جسار تكلم بصرامه:سيارتي فجاه تعطلت الفرامل وهي جديده كيف؟
امجاد رفعت كتوفها:ليش يعني ينوي يذبحك؟
جسار هز راسه
امجاد:شيستفيد؟
جسار:لو خلص علي رح يصير له 35% زياده من الورث ولو كمل على وليد رح يكمل 75% والباقي لعفاف وسحر
امجاد جلست وهي تناظره:مستحيل كل ذا يسويه عشان الفلوس
جسار:ليش شوفيك جالسه قدامي عشان الفلوس؟
امجاد صدت بعيونها:بس ماقتلت اخوي
جسار سكت ثواني:عندك اخ؟
رفعت راسها امجاد وابتسمت:ياليت امنيه والله
جسار:ولاخوات؟
امجاد نزلت راسها:وحده اصغر مني
جسار:ماتكلمك؟
امجاد ابتسمت:وييين؟هي الوحيده اللي مبسوطه من يوم مارحت اصلا
جسار:حكيني ابي اسمع
امجاد رفعت راسها له
جسار:اي حب اللي خلاك كذا؟
امجاد اخذت نفس:اختي تزوجت قبلي وعادي مافرقت معاي بشي كانت احلى مني صراحه كان زوجها يجينا بالايام وينام عندنا بحجة ان بيتهم بمدينه ثانيه كنت اتجاهله واحترمه صراحه لين ماصارت بيننا رسايل والرسايل صارت مكالمات والمكالمات جات بعدها هدايا
رفعت راسها لجسار:صدق حبيته وغلطت ادري بس من يتحكم بقلبه؟
جسار:زوج اختك عاد؟
امجاد بلعت ريقها:عاد نصيبي الغبي
جسار رفع حاجب:وتبرت منك امك عشان كذا؟
امجاد ابتسمت بتوتر:اي
جسار:ما اصدق
امجاد:مو لازم
جسار ظل يناظرها
رفعت نظرها له:طيب ضاري بما انه كان بيموتك على قولتك ليش ماذبحك الحين؟
جسار:هذا اللي استناه
امجاد رفعت كتوفها:ما اصدق
لف ناظرها باستغراب
امجاد:لا تطالعني كذا ما اصدق ان ضاري اخوك يسوي كذا
جسار ضحك:بكره تصدقين
امجاد قامت ومشت للكنبه وانسدحت
تفكر ثواني بالعايله هذي وبضاري وجسار وكلامه
تدري ان كلام جسار ممكن يكون صح بس مابتصدق الا اذا تأكدت
لفت عليه:اذا بغيت شي نادني باسمي
جسار ناظرها وامجاد تغطت باللحاف ولفت للجهه الثانيه
….
ضاري
رفع راسه ناظرها ورجع ياكل
ناظرتهم عفاف ورفعت حاجبها
جلست ناديه جنبه ووقف:اذا صار شي كلموني
تنهدت ناديه ولحقته
مشى لسيارته وناديه وراه
لف لها في المواقف وناظرها
ناديه بنبره مكسوره:اسفه
ظل على حاله يناظرها وساكت
تقدمت له وناظرته:ضاري ماقدرت انام ماقدرت اتخيل ممكن تتركني يوم
مسكت يده وهمست:احبك وما احب اي شي يبعدني عنك واذا ضايقك الموضوع مستعده اسوي اي شي عشان ترضى علي
ضاري هز راسه:مستعجل
ناديه اخذت نفس وبعدت عنه
ضاري فتح الباب ولف لها:اذا جيت نتكلم
ناديه هزت راسها
حرك سيارته وهي تناظره بضيق
….
امجاد
حطت الورقه وضحكت:فزت
ابتسم جسار وصد:قلت لك فاشل فيها بس انتي جبرتيني
امجاد ناظرته:نتسلى شفيها؟
جسار ابتسم وتنحنح
رفعت نظرها له وهي توزع الورقه:مويه؟
جسار:ياليت
مشت وبسرعة البرق سحب بوكها من شنطتها جنبه
لفت له ومدت له الكاسه وشرب
امجاد وزعت له
جسار:خلاص
امجاد:مابتعلب؟
جسار:لا
امجاد هزت راسها واخذت الاوراق
لفت له:شوي واجي
جسار هز راسه وطلعت امجاد
طلع بوكها وناظر بطايقها
اخذ الهويه وهو يناظر اسمها
ابتسم :سعوديه صدق
لف للدرج واخذ دفتر وكتب في نص الاوراق
اسمها وسجلها المدني حتى رقم حسابها البنكي
اخذ البوك ورماه بعيد عنه وكأنه طاح من الشنطه