البحر ساكن عيونك للغرق - الفصل 6 | روايتك

القسم السادس …. جسار ناظر الغرفه ولف للباب اول مادخلت قفلت النور بتنام انسدحت بدون كلام همس جسار:اذا قلت شي لاتعاندين وتسوينه امجاد مادرت عليه جسار بلع ريقه:المفروض ماتعاندين وانا المفروض ما اضربك امجاد ماردت عليه تافف وعصب:اكلم الجدار مادرت عليه ورفع صوته:امجاااد انفتحت الانوار وناظرها جسار واقفه وتناظره امجاد:ماتضربني ولاتمد يدك علي لاني جايه اشتغل بكرامتي جسار سكت وهويناظرها تكمل امجاد وهي تحس بالغصه:ماتهينني انا اخذ فلوس على شغلي لاتضحك لي ولاتسولف لي بس احترمني كفايه اني بنت بلدك وانحطيت بالهموقف وبالهظرف وصرت شغاله انظف وراك رجف فكها وكملت:انت تعبان ومضغوط لاتضغط علي لانك ماتدري شاللي فيني وترا عادي ماني مظطره اكمل معاك واشتغل الله الرزاق جسار سكت وهو يناظرها امجاد همست:تصبح على خير قفلت الاناره وجسار بلع ريقه وامجاد مسحت دمعتها اللي نزلت انذلت وانضربت وانهانت كله بسبب غبائها …. يوم جديد نزل ضاري وناظر عفاف جالسه وناديه جنبها:سلام عفاف:هلا ضاري:وين سحر؟ عفاف:طلعت مع صحباتها ضاري سكت ثواني ومشى طالع مشت ناديه وراه بسرعه:ضاري لف لها ناظرها ناديه:بغيت اطلع اذا عادي ضاري:وين؟ ناديه:بفرفر بالاسواق ضاري هز راسه ومشى يركب سيارته …. امجاد ناظرت اللي كنسته واخذت نفس انكسر ظهرها من اللي كنسته جلست على الكنبه وطلعت جوالها ناظرت رقمه وزمت شفايفها بتفكير ارسلت له رقم حسابها في البنك وناظرته قراها ابتسمت وانتظرت يكتب ماكتب صدت وهي تهز راسها ولفت بسرعه اول مادق ردت:الو ضاري:برسل لك مبلغ بسيط مشي امورك فيه لين مايموت الوالد عقدت حواجبها بصدمه:طيب ضاري:كيفك؟ استغربت سؤاله:الحمدلله ضاري:كويس يالله سلام قفلت وناظرت جوالها باستغراب ومشت تاركه جوالها وطلعت تحضر شي ياكله جسار دخلت عليه وقفلت الباب برجلها مشت له وحطت الصينيه على فخذه فتحت له العصير وحطته تحت نظراته لها مشت تاركته جلست على الكنبه وتكت بيدها وهي تناظر جوالها رفع راسه يناظرها بهدوء اما هي تلعب بشعرها ومتكيه وتناظر جوالها رفعت عيونها وناظرته يناظرها:ماتبي تاكل؟ جسار مارد ونزل نظره للاكل ناظرته ثواني امجاد وصدت عنه قفلت جوالها ومشت للتسريحه طلعت الطقم اللي عطتها اياه ناديه فتحته وابتسمت وهي تناظره رفعته بهدوء وهي تحطه على رقبتها ابتسمت باعجاب وبللت شفايفها بحماس همس لها:مسروق ناظرته من المرايه:ماني سراقه انا جسار:مو انتي اللي عطاك تراه مسروق امجاد سكتت وهي تناظره جسار:من عطاك؟ امجاد همست:ناديه اتوقع اسمها كذا جسار:مسروق صدقيني امجاد:شدراك؟ جسار:حق عفاف زوجة ابوي الثانيه امجاد سكتت ثواني :يمكن مو لها جسار:الا متاكد ماكانت تنزله من عليها كل المناسبات تلبسه امجاد عقدت حواجبها:وليش تعطيني اياه؟ جسار:اساليها هي امجاد لفت وناظرت العقد وزمت شفايفها جسار:رجعيه لايسوون لك مصيبه امجاد:وين ارجعه؟ جسار:ادخلي البيت وطيحيه بأي مكان لاتلقاه معاك عفاف والله تسوي لك مصيبه امجاد لفت ل:وليش تعلمني؟ جسار:لمصلحتك امجاد حطته في علبته ومشت طالعه من الغرفه وجسار يناظر الطقم من بعيد ونزل نظره للاكل …. ضاري جالس في الصاله ويناظر حوله وناديه وعفاف يتكلمون لف لفوق ومشى طالع وقف عند غرفة سحر ووقف ثواني يسمع فتح الباب وناظرته بارتباك وقفلت جوالها ضاري:وش تسوين؟ سحر ابتسمت:ولاشي ضاري ناظر الغرفه وهز راسه وطلع داري وراها بلا بس مرده يعرفه نزل ووقف في الدرج يناظرها واقفه عند الباب جمد ثواني وهو يناظرها اما امجاد رفعت راسها له وناظرته ناديه لفت وناظرت ضاري ورجعت ناظرت امجاد عفاف عقدت حواجبها:من ذي؟ ضاري نزل خطوه خطوه وعينه عليها وهي تناظره يتقدم لها وقف قدامها وهمس:جسار فيه شي؟ امجاد:بغيتك ضاري سكت وهو يناظرها وناديه واقفه بينهم تناظرهم لف ضاري ومشى وامجاد مشت وراه دخل المجلس ولف لها امجاد بلعت ريقها وهي تتذكر كل حرف قاله لها جسار ضاري:شصاير؟ امجاد طلعت من شنطتها الطقم ومدته له نزل نظره باستغراب ورجع ناظرها امجاد:زوجتك عطتني اياه ضاري رفع نظره لها:طيب؟ امجاد:سارقته ومعطيتني اياه ضاري ضحك بهدوء:سارقته؟ فتحت العلبه امجاد ومدته له:هذا مو حق عفاف؟ ناظره ضاري واختفت ابتسامته ورجع ناظرها:الا امجاد:زوجتك لاتورطني تسرق شي وتعطيني مسروق ضاري:شدراك ان حق عفاف؟ امجاد هزت كتوفها وهي تناظره:عرفت ضاري جلس واخذ نفس:ليش ماتكونين انتي السراقه؟ امجاد جمدت محلها:انا؟ كيف سرقت تستهبل اقولك زوجتك عطن.. قاطعها:زوجتي ماتسرق امجاد سكتت ثواني ورمشت تستوعب:تكذبني؟ ضاري رفع راسه:اجل اتهم زوجتي بالسرقه؟ امجاد رمت الطقم جنبه وهزت راسها:انا ماني سراقه هي اللي عطتني اياه وانت شفتها وكنت موجود ضاري رفع راسه لها:متى؟ امجاد تنرفزت وهزت راسها:طيب مشت طالعه وناظرتها ناديه طلعت بار بعصبيه وركبت السياره وهي تتذكر كلام جسار .. جسار:روحي كلميه وشوفي شيقول بيوقف معاك ضاري ما يظلم تنهدت امجاد وعرفت مقصده من الكلام عرفت انه يبي يوضح لها ضاري ونوعيته بس بطريقه غير مباشره لفت تناظر الطريق بتفكير غمضت عيونها ماتكذب لو انها مارسمت احلام من يوم ماشافتت ضاري بس كل شي تبخر من كذب وفضل يوقف مع زوجته كله ولا عايلته حتى لو الغلط منهم تاففت ونزلت راسها لتحت وهمست:حظي دايم طايح …. دخلت وناظرت غرفته مالها خلق شي خلاص فصخت عبايتها وحطت جوالها وطلعت فتحت الباب وناظرته وصدت ودخلت ناظرها جسار بتمعن وابتسم اول ماعرف ان كلامه صار فعلا امجاد مشت للمويه وصبت لها كوب وهي تشرب تكلم بهدوء:شصار؟ امجاد نزلت الكوب وهي تناظر الكوب:صح عليك لفت ناظرته:انا توقعاتي كانت مبالغه جسار ماتكلم وهو يناظرها امجاد رفعت حواجبها:شتبي يصدق شغالة ويكذب زوجته؟ جسار مارد وهو يراقبها مشت وجلست على الكنبه وانسدحت شبه جالسه لفت ناظرته:شكرا جسار:العفو بس على ايش؟ امجاد:على الصفعه المعنويه مو الحقيقيه اكيد جسار نزل راسه وابتسم:اعرفهم عايلتي امجاد لفت بجسمها تناظره :مو اخوك من امك صح؟ اقصد ضاري جسار:لا امه الاولى وانا امي الثالثه جات بتتكلم امجاد وسكتت قامت ومشت ووقفت عند البلكونه:هو شاري لك البيت؟ جسار:اسكان لفت ناظرته بصدمه جسار ناظرها:حسبالك هو معطيني البيت؟ امجاد هزت كتوفها:توقعت جسار ناظرها وصدت عنه همس:نطلع؟ امجاد لفت له:نطلع؟ مين؟ جسار:برا شرايك؟ امجاد ناظره وابتسمت:اذا بتصفعني مره ثانيه مارح اطلع جسار ابتسم ومارد مشت وطلعت الكرسي صارت بطيئه الحركه بالنسبه لجسار صار يشوف الحركه اللي بنص ثانيه دقيقه كامله كل التفاصيل لاحظها شعرها المبعثر اللي على عيونها واصابعها الطويله واظافرها اللي معرجه من قضمها لها حتى يمكن مسامات وجهها لاحظها ماوعى الا وهي تحاوط يدينه من ورا وتثبته على كرسيه مشت فيه وطلعت وقفت وهي تناظر البحر همست:اذا بغيت شي نادني باسمي لف لها:مو على اساس احنا؟ ناظرته امجاد وناظرت البحر:ما احب قعدة البحر جسار لف لقدام ولارد امجاد تنهدت:طيب بس انا ماني مسؤوله عن اللي بقوله جلست جنبه على العتبه وناظرت البحر جسار لف يناظر البحر وجواته الف سؤال وده يلف عليها ويبدأ في اختباره سؤال سؤال وكل سؤال يكافئ نفسه بابتسامه منها امجاد لفت له:عادي اسألك؟ غمض عيونه وكانها فتحت له ابواب لف لها وهز راسه امجاد:وين امك؟ ناظرها ثواني:ليش تسألين؟ امجاد:صراحه مستغربه يعني مافي ام تترك ولدها وهو بحالتك لفت له تناظره وكملت:محتاجها صدت لقدام:الا اذا كان الله يرحمها يعني ماتت؟ وضحكت بهدوء:او زي مايقولون مجنونه لف وناظر ابتسامتها:في الطب النفسي اختفت ابتسامتها وبلعت ريقها صد لقدام وسكت امجاد لفت لقدام وهي تفكر لف لها:انتي لفت له تناظره كمل:اللي وينها امك؟ ابتسمت ورفعت كتفها جسار:لان مستحيل في ام تترك بنتها كذا؟ لفت له امجاد وابتسم:محتاجه لها ابتسمت وطبقت شفايفها على بعض ثواني:امي اممم تبرت مني من كم سنه لفت له ورفعت كتفها:ببساطه كذا جسار:وش الذنب اللي خلا ام ببساطه تتبرأ من بنتها؟ امجاد لفت لقدام:الحب لفت له:انا حبيت الشخص الغلط وهذي نتيجته جسار رفع حاجبه:مستحيل عشان كذا امجاد ضحكت:والله كذا جسار عقد حواجبه:اذا الحب خلا ام تتخلى عن بنتها عساني ماحبيت ضحكت ولفت له:ليش؟ جسار:يعني انه مسوي هواويل ابتسمت امجاد ولفت لقدام:لا تظلمه انت بس اختار الشخص الصح ضحك جسار:من وين لي شخص؟ لفت له امجاد تناظره جسار:الا اذا في حوريات يطلعون لي من البحر ذا؟ امجاد ابتسمت ولفت لقدام:لا تستبعد انا طلعت لك يمكن تجي غيري جسار لف لها وناظرها وصد …. ضاري وقف سيارته وهو يراقبها تمشي وداخله المستشفى نزل من سيارته ونزل نظارته مشى وراها وناداها:زوجة اخوي لفت هدى ومن ناظرته بلعت ريقها وقف قدامها:شلونك؟شلون حفيدنا؟ هدى:لا والله حفيدكم؟ ضاري اخذ نفس وهو يناظر حوله:ادري اللي سويناه غلط هدى تكتفت وصدت ناظرها ضاري:ارجعي لبيتك ولوليد تراه ضايع من دونك هدى لفت له تناظره ضاري ابتسم يطمنها:وولدك حفيدنا الاول لا تخافين هدى ابتسمت ومشت طالعه معاه طلع جواله ضاري ووقف عند سيارته وهدى ركبت جنبه اتفق على كل شي وقفل وركب لف لها وابتسم:حي الله ام .. الا صح وش بتسمينه؟ هدى ابتسمت:مافكرت بس اذا بنت وتين نفس مره ضاري ابتسم:وتين حلو بس نبي ولد احنا عاد هدى:أللي يجي حياه الله ضاري:صدقتي وقف عند شقه ولفت له:وين؟ ضاري:وليد يستناك فوق امشي اطلعك هدى لفت للعماره ونزلت نزل ضاري ودخل العماهر وطلع معاها شقه ولف لهم وليد اول ماشافهم هدى وهي تناظر حولها:وليد؟ وليد بلع ريقه:هلا ضاري لف لوليد:اذا خلصت كلمني هدى لفت لضاري باستغراب ضاري ابتسم ولف لها:مع السلامه ام وتين مشى تاركهم واول مادخلت هدى قفل الباب وليد ولفت له:شفيك؟ مسكها من معصمها ودخلها الغرفه فيها دكتوره ونيرس صرخت اول ماشافتهم ولفت لوليد:وليد وليد طلع وتركها تصرخ جوا