البحر ساكن عيونك للغرق - الفصل 5 | روايتك

القسم الخامس …. امجاد صحت ولفت ناظرته نايم وقفت ومشت للحمام غسلت واخذت المفارش تغسلها وكل ماتتذكر تحس بحزن طلعت وناظرته معقد حواجبه بالم ونايم مشت له وناظرته من قريب عقدت حواجبها من شكله ولفت بسرعه للباب اول ما انفتح جمدت محلها وهي تناظره ضاري فتح الباب وناظرها ورفع حاجبه مشت له بصدمه:نعم؟ داخل كذا؟ ضاري لف وناظر جسار اللي نايم:شكنتي تسوين؟ امجاد:تفضل اطلع برا ناظرها ضاري وطلع شدت شعرها على ورا ومشت لبست عبايتها وطلعت له لف وناظرها :ماكان له داعي امجاد وهي ماسكه عبايتها ماردت ضاري ناظر الغرفه:كيف جسار؟ امجاد:جسار؟ ضاري لف لها هز راسه امجاد:اها تمام مافيه شي ضاري ناظرها وميل راسه امجاد ناظرته باستغراب:نعم؟ ضاري:شحادك؟ امجاد صدت عنه ولاردت ضاري:وين اهلك؟ امجاد لفت له:بغيت شي يوم جيت؟ ضاري رفع حواجبه واخذ نفس ثواني ورد:ناقصك شي؟ امجاد:لا شكرا ضاري ناظرها زين وكانه يحللها امجاد ناظرته ثواني بتوتر ضاري طلع من جيبه ورقه:رقمي خليه عندك امجاد ناظرته واخذته من يده ضاري ناظرها شوي وطلع ناظرت مكانه وبلعت ريقها دخلت وهي سرحانه وبيدها الرقم ناظرها جسار وتنحنح لفت ناظرته:صحيت؟ جسار مارد وهو يناظر الورقه بيدها امجاد:بجهز لك اكل واجيك مشت ودخلت المطبخ ناظرت الرقم وعضت شفتها لفت وحطته على الرف طلعت له اكل وجهزته وهي تفكر …. ضاري دخل غرفته ودخلت وراه ناديه:ماتبغى تاكل؟ ضاري رمى شماغه:لا ناديه:تعبان؟ ضاري:لا ناديه وهي تناظره بهدوء:تبي شي؟ ضاري لف لها:لا ناديه تنهدت وصدت طالعه من الغرفه ضاري انسدح وهو يفكر من هي ذي البنت ووين اهلها وليش تشتغل هالشغله وراها الف تعجب واستفهام سرح ثواني من تذكر شكلها وملامحها لف للجهه الثانيه وهو يبي يوصل لمبتغاه يبي يكشف سرها …. وليد يناظر جواله للمره الالف دق عليها ولاردت عليه توهق مايدري وين يحصلها لا في بيت اهلها ولا في فندق وين اختفت بلع ريقه وارسل لضاري باستسلام"ماحصلتها" قراها ضاري ولارد تنهد وليد ورجع راسه على ورا بضياع يبي هدى يبي زوجته مايبي شي خلاص …. امجاد واقفه عند باب البلكونه وبيدها جوالها وتناظره بتردد لف لها جسار وهمس:لا تفكرين لفت ناظرته:ايش؟ جسار:لاتفكرين تسوين اللي تفكرين فيه امجاد صدت:لا تسوي فاهم جسار:فاهم فاهم ضاري مو كذا لفت وناظرته جامده محلها جسار ناظرها:مو ضاري؟ امجاد صدت ولاتكلمت جسار:اخس انسان على وجه الارض وما يفكر الا في نفسه امجاد ماردت وهي تناظر البحر جسار:تحسبينه بيناظرك وبيلتفت لك؟ امجاد لفت ناظرته:كل اللي قلته مايهمني جسار ابتسم:رسمتي بيتك وزوجك وعيالك ادري فيك ضاري مصيبته انه جذاب امجاد ماردت ومشت جسار:ناديه ماخذها مو عشان سواد وجهها عشان اتفاقيه بينهم انها ماتجيب عيال عشان الورث ماينتقل لاحفاد وناديه وافقت تبي فلوس امجاد لفت له:وانت؟ جسار سكت وناظرها امجاد:ماتبي فلوس زييهم؟ جسار ابتسم:مو كثرك امجاد جلست على السرير ولفت له:هذي الحياه كل شي بفلوس الكل يبي فلوس جسار:شحادك انتي؟ امجاد صدت لقدام:الحياه جسار عقد حواجبه:واهلك وينهم؟ امجاد:ماعندي اهل جسار ابتسم:جايه من السماء؟ لفت له امجاد وابتسمت:لا من البحر حوريه جسار:الحوريه مين نبته تنمو لحالها يبي لها ام واب امجاد ابتسمت:انا اعجاز البحر اجل جسار ناظرها تمشي طالعه من الغرفه مشت ونزلت تحت جلست على الكنبه وهي تفكر في كلامه تحاول تكذبه وتعيش الكذبه لو لمره تبي حظها يبتسم وتحصل رزقها نزلت راسها لجوالها وارسلت له"بغيت شغله اذا فضيت كلمني" قفلت جوالها وهي تناظر اللي قدامها اما جسار يناظر مكانها باستغراب اول مره يقابل احد اكثر منه في الغموض وكانها متاهه وما بتلقى حلها الا بعد صعوبه …. ضاري صحى وناظر ناديه على جوالها رفع نفسه ولفت له:صباح الخير صرنا الليل ضاري عقد حواجبه واخذ جواله ناظر الرقم الغريب وقرا الرساله وسجل رقمها باسم"العجيبه" لفت له ناديه:شعندك؟ ضاري:وليد ماحصل زوجته ناديه:معروف وين يعرف ذاك ضاري قام:انا طالع ناديه:الحين؟ ضاري لف لها:شفيها؟ ناديه:متاخر ضاري الوقت شوفه ضاري مارد ودخل الحمام تاففت ناديه وصدت …. امجاد دخلت الغرفه وناظرته مشت وصبت له مويه ومدت له الكاسه ناظرته يشرب:اذا بغيت الحمام قول لي مارد عليها ومد لها الكاسه امجاد حطت الكاسه على الطاوله:ينفع اطلع برا والا في احد؟ جسار:وين برا؟ امجاد:برا عند البحر جسار:مافي احد امجاد ابتسمت ومشت فتحت البلكونه وطلعت ابتسمت وهي تناظر حولها وتسمع صوت البحر في احسن من كذا بحر وفله مايسكنها الا هي وفلوس تجي لين عندها لفت وناظرت الغرفه ومشت دخلت لف لها جسار ابتسمت:تطلع؟ جسار هز راسه بالنفي امجاد دخلت:هيا حلو تغير جو جسار:لا امجاد:مو بكيفك مشت وطلعت الكرسي جسار ناظرها:ماتفهمين ثوره؟ امجاد وهي تسوي الكرسي:مافي شي اسمه ثوره الثور ذكر مو انثى جسار ناظره وسكت امجاد وقفت وناظره:هيا جسار:مابي ابعدي عني امجاد تنهدت:باخذك غصب جسار تقدم لها بوجهه:ما ابي امجاد ابتسمت ولفت اخذت طرحتها ولفتها على يدينه رفع يدينه يدفها:اذلفي مابي ما استهبل انا امجاد :ولا انا استهبل حاول يدفها ويفك اللي على يدينه رفعته بصعوبه وثبتته على الكرسي مشت فيه طالعه ومبتسمه تناظر الجو لفت له وضحكت:هاه واخذتك غصب جسار بقهر ناظرها مشت له وفكت يدينه ورفع يدها وضربها كف لين طاحت على الارض :افا على ولد عبدالله لف جسار وناظره وامجاد بلعت ريقها بخوف رجع ناظرها جسار:ماتفهمين؟ ناظرته امجاد وبلعت ريقها مشى ضاري لهم ومد يده لامجاد وهو يناظر جسار:تمد يدك على بنت؟ ناظرت يده امجاد وناظرته لف ضاري لها ومسكت يده ووقفت تنفض نفسها جسار ناظرهم وهمس:مالك شغل انت ضاري:صدق معاق لف وناظر امجاد:احد يمد يده عليها؟ ناظرته امجاد ومشت تاركتهم وقف ضاري يناظرها تمشي جسار همس له:اذلف ضاري لف له:ماجيت عشانك جسار ابتسم:ادري جاي تلعب لذلك اذلف ضاري ابتسم له:هي اللي نادتني والله مو انا جسار اختفت ابتسامته وهو يناظره ضاري كمل بابتسامه:عن اذنك مشى تاركه وجسار يناظر البحر قدامه دخل ضاري وناظرها جالسه مشى وجلس جنبها:اعذريه معاق مايدري وش يسوي لفت له ناظرته ورجعت صدت ضاري ابتسم:امري طلبتيني امجاد رجعت شعرها ورا اذنها:قلت تكلمني ماقلت تجيني ضاري هز كتوفه:عاد جيتك امجاد ناظرته وبلعت ريقها:ابغى فلوس ضاري:كم؟ امجاد:اللي يجي ابغى راتب هالشهر ضاري رفع حاجب:شهر؟ واثقه بتقعدين شهر؟ امجاد:ليش يعني؟ ضاري:ماينقدر على جسار امجاد:ماعلي منه ضاري ابتسم لها وهو يناظرها ناظرته وصدت بعيونها ضاري صد وقام:تمام عطيني حسابك واحولك رفعت نظرها له:تمام ضاري لف لها:شي ثاني؟ امجاد هزت راسها بالنفي مشى تاركها وامجاد تناظر محله نزلت راسها ليدها تناظرها وبللت شفايفها لفت بسرعه اول ماسمعت جسار يصرخ مشت ووقفت عند الباب وهي تشوفه يصرخ باعلى صوت تكت وتكتفت تناظره اما جسار اول ماحس بالقهر والعجز رفع راسه وصرخ باعلى صوت ياخذ نفس ويصرخ اعلى لين ماحس بصوته تعب نزل راسه وهو يبلع ريقه ماحس الا وبالكرسي يتحرك دفته امجاد للغرفه ودخلته رفعته وجلسته على السرير وهي صاده بعيونها …. ضاري وصل ونزل وباله مشغول دخل ولف له وليد:حصلتها؟ عقد حواجبه:بسم الله ناديه عقدت حواجبه وهي تناظره عفاف:شفيك؟ ضاري حك جبينه:ترا ماني منجم يبي لي يومين وليد:وين كنت؟ دورت لها وين؟ ضاري رفع راسه:ماكنت في مكان ولادورت لها وتعبان وبطلع انام مشى تاركهم وناديه تناظره باستغراب ددخل الغرفه ضاري وجلس على السرير وهو يناظر رقمها تنهد وجا بيتصل بس دخلت ناديه ناديه ناظرت جواله وناظرته:طولت ضاري فصخ جزمته:انشغلت ناديه:وش شاغلك؟ ضاري لف لها:بنام ناديه:دوبك صحيت ضاري ضاري:وبرجع انام عندك شي؟ ناديه ناظرته ثواني وطلعت برا انسدح ضاري ورجع يدينه ورا راسه البنت عمرها بالعشرين يمكن 21 سنه صغيره وجذابه وملامحها وكلامها بحت سعودي وين اهلها عنها؟ معقوله مالها احد؟ تنهد وعض شفته بتفكير وغمض عيونه