البحر ساكن عيونك للغرق - الفصل 4 | روايتك

القسم الرابع …. ضاري دخل الغرفه وهو يناظرها:ياخي ودي اعرف سرك جسار وهو يراقب حركاته وبيده المشرط ضغط عليه وهو يناظره لف ضاري له:ليش محد تحملك؟ جسار ابتسم ضاري:ليش تعاند؟ جسار:بذكركم ان لكم اخ تحسبوني بموت؟ ضاري ضحك وجلس على حافة السرير:ادري اعرف ان انت وامك بتقعدون على قلبي جسار اختفت ابتسامته من طاري امه ضاري ابتسم:يالله شد حيلك قوم وخذ حقك وحق امك جسار شد على يده وهو يناظر ابتسامته صد ضاري عنه:متوصيه فيك ناديه جايبه لك سعوديه وحلوه يعني بتنبسط ياويلك تروحها عليك لف له وضحك:اذا روحتها عليك باخذها انا وقف وطلع من غرفته نزل وناظر امجاد جامده محلها وناديه عبت راسها لفت ناديه وحظنت يد ضاري:يالله حبي بالتوفيق ناظرها ضاري من فوق لتحت باستغراب وطلعوا رفعت راسها امجاد وهي تناظر غرفته تقدمت وطلعت خطوه خطوه وهي تفكر مشت لغرفته وفتحت الباب بهدوء ناظرته يناظرها ابتسم لها:سعوديه اجل؟ امجاد ماردت وبلعت ريقها مشت وتركت الباب مفتوح جسار:شفيك لا يكون خايفه؟ امجاد ماردت جسار ضحك ولفت تناظره برعب جسار:ضحكوا عليك قالوا معاق؟ امجاد بهدوء تمثل الثقه:ليش انت منت معاق؟ جسار هز راسه بالنفي امجاد شدت على قبضة عبايتها ورفعت حاجبها:معاي تقرير غير هالكلام جسار اختفت ابتسامته:ماني معاق انتوا المعاقين امجاد ماردت ومشت له بخطوات متوتره رفعت لحاف السرير وهو يناظر توترها ابتسم:بدري على نومة السرير؟ ناظرته بخوف:وين المشرط؟ مارد وهو يناظرها ومبتسم امجاد اخذت نفس وهي صاده بنظرها:وين المشرط؟ جسار رفعه بيده للجهه الثانيه امجاد ناظرت المشرط:هاته جسار وهو يلعب فيه يفتحه ويقفله:خذيه انتي لف لها وهمس:انتي الشغاله مو انا امجاد وكان الشياطين كلها تجمعت حولها مدت يدها بقوه ومسكت يده وشدته عليها بقوه لحد مافلته اخذته وبعدت عنه ناظرها بحده:شفيها الشغاله لا يكون زعلناك؟ امجاد ماردت وحطت المشرط على الدولاب جسار ابتسم:بجيبه ترا امجاد لفت له:اتحداك جسار وهو يحاول يرعبها:بجيبه امجاد ماردت عليه وصدت …. وليد نزل وهو مبتسم ويده بيدد هدى وقف قدام ضاري وناديه اللي تاكل عفاف لفت له:تعالوا تعشوا وليد ابتسم ولفت له سحر وهي تشرب عصير تناظرهم وليد:باركوا لي؟ عفاف:مات ابوك؟ وليد ابتسم:لا ضاري سكت وهو يناظرهم بشك وليد:هدى حامل ضاري صد وشد على يده عفاف وقفت بعصبيه:نعم؟ وش حامل؟ هدى بلعت ريقها كانت متخيله ردة فعلها بتكون كذا مو اول مره وليد:امي ولد واحد ما بيأثر على الورث عفاف لفت لضاري:شوف الحمار هدى:خالتي حر.. لفت لها بحده:اسكتي انتي ضاري رجع اكل وتكلم بهدوء:ينزل لف وليد له وعفاف تكتفت تناظره هدى:مستحيل مو لعبه هو ترا روح ضاري ناظر وليد:بينزل وليد:مو اول وحد تنزلونه مو حرام؟ ضاري:ماتبي؟ تعرف شتسوي؟ لف لهدى وهدى ناظرته:مارح ينزل وليد بلع ريقه:ضاري تكفى ضاري:لو بتجيب انت ولد انا بجيب بعد ذاك الساعه قسموا الورث ريالات وليد اخذ نفس ولف لهدى طلعت هدى لغرفتها وهي تبكي ووليد عض شفته وهو يناظرهم ناديه لفت لضاري:حبيبي عصير؟ ضاري هز راسه وصبت له ناديه ببرود وسحر تشرب عصير وتناظره مشى وطلع من البيت وعفاف جلست وكملت تاكل …. امجاد حطت الصحن ومشت وهي شايله الصينيه دفت الباب برجلها ودخلت لفت للمشرط مكانه اخذت نفس ومشت له حطت الاكل ومشت بتروح جسار:والله؟ لفت له وناظرته جسار:ما اكل بيدي انا امجاد اخذت نفس وصدت جسار:انتي شغاله وتاكليني يالله امجاد:ترا شغاله مو عبده؟ جسار:عبده؟ انتي مو عبده؟ انتي عبدة فلوس والله اجل تشتغلين هالشغله عشان كم 1000 امجاد ناظرته وهمست:ماتبي اكل؟ جسار ضحك:زعلت؟ امجاد اخذت الاكل وحطته على الرف قدامه اخذت منه صحن لها وجلست وهي تاكل وهو يناظرها بلل شفايفه وهو يشوف المويه بارده لفت له امجاد وهي تاكل بطريقه تشهي صد عنها وغمض عيونه وقفت ومشت للصينيه:ماعندكم كلاب والا قطط نعطيها حرام ينرمي؟ لف لها وناظرها تناظره جسار:لا تتحديني امجاد ابتسمت:تحديتك تاخذ المشرط وما اخذته جسار عض شفته بغضب:محد قدر علي لا تشوفيني كذا انا اهد انسان امجاد همست وهي تشيل الصحن:مابتهد احد مهدود طلعت وجسار ظل يناظر مكانها دخلت وفتحت عبايتها زرار زرار ورمت طرحتها على الكنبه مشت لسلة الغسيل اللي مليانه انحنت واخذتها وهي تمشي حافيه للحمام تحت نظراته اللي قسمتها لانصاص حطت السلة وبدات تغسل ناظرت الغساله اوتماتيك حاولت فيها لين اشتغلت حس بالجوع وصوت بطنه بلع ريقه مستحيل يطلب منها طلت براسها تناظره يناظر السقف قلبها مو قاسي بس كلمته جرحتها دخلت وتكت على الغساله وهي عاضه شفتها سمعته يكح ولفت ثواني وطلعت ماسك رقبته ويكح بقوه مشت وصبت له مويه ومدت له الكاسه اخذها وشربها كلها دفعه وحده بعطش ناظرته بصدمه ومد لها الكاسه وابتسم:حلو المقلب؟ ماردت عليه وهي تناظره جسار:كنت عطشان والله امجاد:وجيعان شكلك؟ جسار مارد وهو يناظرها مشت وطلعت جابت الاكل وحطته على فخذه ومشت رايحه جسار:وين؟ لفت له تناظره:بروح اخلص الشغل جسار:والاكل؟ امجاد:شفيه؟ جسار:من ياكلني؟ امجاد ضحكت بسخريه:شايفني ملعقه عندك يدين جسار وهو يناظرها:ماني متعود اكل بيدي امجاد مشت وتركته:تتعود ناظر محلها وعض شفته بقهر ولف ناظر الاكل وبدأ ياكل وهو صدق ماقد اكل بيده يمكن ما كان احد يدري انه يحرك يده …. مسحت دموعها وصدت اول ماسمعت صوت الباب تنهد وليد من شافها مشى وجلس جنبها وهو يناظر قدامه هدى نزلت راسها وهمست:ثاني بيبي ثاني واحد اطيحه وليد بلع ريقه ولف لها:هدى سامحيني هدى لفت تناظره ودموعها تنزل:وليد عسى الفلوس ماجات خلنا نجيبه حرام والله ربي بيحرمنا وليد تنهد وصد:تدرين اني ما اقدر هدى هزت كتوفه:وليد ولدك تضيع ولدك؟ وليد صد ولاتكلم هدى وقفت وناظرته بثقه:اذا ماتقدر انا اقدر رفع راسه لها يناظرها هدى تكتفت وصدت وقف وناظرها:شقصدك؟ هدى:بروح عند اهلي واجيب الولد لحالي مو ملزوم تربيه وليد:صاحيه انتي انا ابيك وابيه اكثر من اي شي لفت له هدى:اكثر من الفلوس؟ وليد اخذ نفس:هدى خلي لين ابوي يموت ونوزع الورث وذاك الوقت نجيب غصباً عنهم هدى ناظرته:اسفه عقد حواجبه:تخليني هدى؟ هدى:أخليك عشان طمعك بالفلوس وعشان ولدي اخليك ماني مستعده اعيش مع عبد فلوس مشت رايحه سحبها من يدها:هدى اموت بعدك هدى مادرت ومشت اخذت كل ملابسها وهو يراقبها بخوف …. امجاد ناظرت الساعه 1 ونص الليل دخلت الغرفه وناظرته مغمي على نفسه مشت للدولاب وفتحته طلعت لها لحاف ومخده ومشت فرشتها ورفعت راسها وهي تناظره يهتز وكانه يرجف عقدت حواجبها وبلعت ريقها عضت شفتها ماتدري شتناديه تقدمت بخطوات حذره وحطت يدها على اللحاف:تعبان؟ مارد عليها وكانه كاتم نفسه فتحت اللحاف وهي تناظره مغمض عيونه ويبكي جمدت محلها تناظر دموعه وعاقد حواجبه بحزن رجف فكها ولاول مره تشوف رجال يبكي وبهالضعف جلست على ركبها وهمست:شفيك؟ مارد عليها وهو عاض شفته يلوم نفسه ومقهور من نفسه ماتدري شتسوي ولاعارفه شفيه وقفت وناظرت المفرش عقدت حواجبها وهي تشوفه مبلول تمنت بهالموقف تموت ولا تنحط فيه انحرجت من نفسها اكثر منه يبكي عشانه تبول على نفسه وعلى سريره مغمض عيونه ما يقدر يحط عينه في عينها لفت للدولاب وعضت شفتها بضعف وحست دموعها نزلت لا اراديا كان يحزن شكله وكانه طفل مستحي من نفسه مسحت دموعها واخذت له ملابس تورطت ماتدري كيف توديه الحمام او تحممه مشت له ومسكت كتوفه ترفعه رفع نفسه وجلس وناظرها ناظرت عيونه ثواني وصدت بحزن على حاله جلست ورفعت يدينه وسحبت التيشيرت اخذت نفس تهدي نفسها:بدخلك الحمام وافتح لك الدش مارد عليها وهي تلفتت وناظرت الكرسي المتحرك مقفل في زاويه مشت وفتحت الكرسي وثبتته عشان لا يتحرك مشت من وراه وحطت يدينها تحت باطه ترفعه رفعته بصعوبه وجلسته على الكرسي نزلت لرجوله وحطتها على مكانها ومشت فيه للحمام رفعت طرف قميصها وثبتته على خصرها فتحت المويه ودخلته وهمست له بهدوء:اذا خلصت نادني مشت طالعه وخلت الباب مفتوح مشت للمفرش ونزلته وطلعت واحد جديد ولبسته وكل ماطاحت منها دمعه مسحتها بسرعه خلصت ومشت على جنب:خلصت؟ مارد عليها وقفل المويه عرفت انه خلص وما يبي يتكلم لبس منشفته ودخلت رفعته وحطته على الكرسي مشت فيه للغرفه وطلعت له ملابس لبسته التيشيرت ولبسته السرول وهو لابس منشفته شالت المنشفه ونشفت شعره وهي تناظر ملامحه بحه تكلم فيها واضح فيها الحزن:ما اتوب اغلط عليهم وانحط بهالموقف ويطقطقوون علي بعد ناظرته امجاد:مين؟ جسار:كل اللي اشتغلووا عندي امجاد ماردت عليه ورفعته وسدحته وغطته باللحاف اخذت الكرسي وطلعته ينشف برا لفت له وغطته زين:اذا بغيت شي كلمني ونادني باسمي ناظرته وتكلمت بهدوء:امجاد ناظرها ولاتكلم مشت وطفت الاضاءه وانسدحت على الكنبه وهو ظل يناظر الظلام بحسره لين نام …. ضاري واقف عند البلور الشفاف يناظره اخذ نفس وهمس:الله ياعبدالله عبدالغني عيالك يستنون موتك طمعانين بالفلوس ابتسم وتكتف:انا راعي الحلال وانا الامر والناهي من يومك معلمني على الانانيه وان الاناني بنفسه هو اللي يعيش كمل وهو يتنهد:عجل علينا وخلنا نشوف حياتنا تراها وواقفه تنتظر نصيبك من الموت يجيك سكت وطلع جواله اللي رن ناظره ورد:هلا ناديه:وينك؟ ضاري:ليش صاير شي؟ ناديه:الحق ضاري ضاري عقد حواجبه:طيب جاي قفل جواله وناظر ابوه اخر نظره ومشى وصل البيت ولف لعفاف اللي تهاوش وليد تقدم لهم:شفيه؟ وليد ناظره وصد بتوتر عفاف لفت له:اخوك الذكي ذا زوجته هاربه من البيت تقول تبي تجيب الولد غصب عنه ضاري لف لوليد:وخليتها تروح؟ وليد ناظره:مادريت بالليل طلعت ضاري:طيب خلاص وش يعني بتولده اليوم مالقيناها اليوم نلقاها بكره واتصرف وليد ناظره:اتصرف؟ ضاري:اي انا وليد:ترا زوجتي انا اللي بحل الموضوع ضاري جلس وحط جواله جنبه:تمام حله انت اسبوع مالقيتها انا بتصرف وليد مارد ومشى طالع من البيت عفاف:تخليها اسبوع؟ ضاري:مايمدي يثبت الجنين اصلا مارح يحصلها اعرفه حمار ناديه جلست جنبه وعفاف طلعت غرفتها همست له:ضاري اخذ جواله ورد:هممم ناديه:لو احمل انا شبتسوي؟ ضاري من دون مايناظرها:بسوي اللي بسويه لهدى ناديه:تخليني اجهض ولدك؟ ضاري لف لها:شالطاري؟ ناديه:ولاشي نسولف ضاري وقف:تضيعيين وقت اجل لان مارح يصير شي زي كذا مشى تاركها وهي تناظره تنهدت بضيق وصدت