22- الفصل الثاني والعشرون
رواية نور الادم الحلقة الثانية والعشرون
وصلنا في الفصل اللي فات لغايه ما آدم خلى أدهم وعمر راحلوا الشركة يوم خطوبتهم.
…..
آدم: بصوا بقا.
عمر: ايوه.
آدم: أصل أنا عايز……
عمر: مستحيل.
أدهم: لا لا، مش ممكن.
….
عند نور…
نور بحزن: خلاص يا أسوة هتسيبني.
أسوة: يا بنت دي خطوبة وكتب كتاب بس.
نور: ما الجواز بعد شهر، وهتسيبيني.
أسوة: هاخدك معايا.
نور: والله.
إسراء: ما تسكتوا بقا يا بنات، أنا متوترة.
نور: اسكتي أنتِ بس.
إسراء: بقولكو أي، انهارده خطوبتي وكتب كتابي.
نور: أنتِ بتغظيني يعني.
أسوة: يوه بس بقا.
نور: خلاص يلا نفرفش، لغايه ما الميكب ارتيست تيجي، والفساتين موجودة هنا اهو.
إسراء: ايوه كد.
_نور شغلت أغنية، ومتفرحوش يا بنات إن الجواز راحه ومتزعلوش يا بنات إن قولنا بصراحه إن الجواز عمره عمره ما كان راحه.
إسراء: يخربيتك يا نور.
أسوة بضحكة: والله حلوه.
نور: البت دي قلبي.
إسراء: يحرقكو انتو الاتنين.
….
#إسراء_علي
….
عند آدم…
عمر: اللي أنا سمعته ده صح.
آدم: صح.
عمر: يعني أنا مش بيتهيألي ولا حاجه.
آدم: يا عم ايوه.
عمر: أدهم اقرصني علشان لو كانت بحلم أعرف.
أدهم قرص عمر ف عمر اتوجع..
عمر: آه، يخربيتك.
أدهم: مش أنت اللي قولت اقرصني.
آدم: عمر أدهم اسكتو بقا.
أدهم: طيب يا آدم أي اللي غير رأيك.
آدم: مش عارف.
عمر: آدم صحصح معايا كده، أنت أي اللي غير رأيك كده مرة واحدة.
آدم: عيدت حساباتي وقولت اشمعنا أنا مخطبش زيكم.
عمر: لا أنت اتجننت بقا، مرة واحدة كده، وبعدين أنت عارف نور هيحصل فيها إيه.
آدم: وأنا مالي ومالها.
عمر: آدم أنت هتستهبل أنت عارف إنها بتحبك وأنت كمان بتحبها مش عارف بتعاند على أي.
آدم: أنا مش بحب حد، اسكت بقا.
أدهم: على فكرا أنا مع عمر في رأيه، أنت كد هتظلم نور وهتظلم نفسك.
آدم: أنا مش جايبكم هنا علشان تقولوا كده.
عمر: اومال عايز أي.
آدم: عايز أقولكم إني هكتب كتابي انهارده معاكم.
أدهم: لا ده أنت بتستهبل كده.
آدم: ليه خير البر عاجله.
عمر: واضح إنك لسه نايم.
آدم: يا عمر افهمني، بقا.
عمر: افهم إنك عايز تكسر قلب بنت، والبنت دي تبقى بنت عمنا، حرام عليك أنت مش عندك قلب.
آدم: لا، ها هتساعدوني.
أدهم: ماشي يا آدم بس أعرف إنك هتندم بعدين.
عمر: وأشد الندم.
أنا: سوف تندم ندمًا شديدًا لم تراه من قبل ولا من بعد هيعهيعهيعهيع”بصوت الراجل اللي كان في فيلم الحب كده”.
آدم: ماشي، ها اقولكم هعمل ايه.
….
#إسراء_علي.
…..
عند البنات…..
أسوة بتغني: ودوني على بيت حبيبي نعيش مع بعض فيه، ده بقلنا كده طوبه طوبه من الحب بنبنيه.
إسراء: اوباا بقا.
أسوة بكسوف: إسراء اسكتي بقا.
إسراء: واضح إن عمر واخد قلبك ومن زمان.
أسوة: إسراء بس بقا.
نور: أي رأيكم يا بنات فيا.
أسوة: يا قلبي قمر.
إسراء: أنتِ كده هتأكلي الجو مننا.
نور بضحك: يهدك يا إسراء، لا يا ستي أنتِ العروسة، وبعدين أنتِ مش بتبقي شايفه الواد الأهبل أدهم بيبصلك ازاي.
إسراء: متقوليش أهبل بس.
أسوة: لا عدينا يا سوووو.
إسراء: الاه، مش هيبقى جوزي قُرة عيني.
أسوة: يا سيدي.
نور: طيب يلا أنتِ وهي خلصوا لبس، علشان كلمت عمر، وقال إنهم على وصول والمأذون كمان جاي معاهم، والمعازيم.
أسوة: تمام.
…
بعد فترة….
…
#وصل آدم وعمر وأدهم وأول ما شافوا البنات اتذهلوا..
_نور كانت لابسه فستان لافندر وطرحه من نفس اللون وكوتش أبيض وميكب خفيف كانت زي الأميرات، وآدم فضل باصص ليها.
_أسوة كانت لابسه فستان بيچ وطرحه من نفس اللون وجزمه كافيه وميكب خفيف برضو، وعمر واقف مصدوم من جمالها.
_وإسراء بقا كانت لابسه فستان أبيض وطرحه بيضه وجزمه بيضه برضو، وميكب خفيف كده مخليها زي أميرات ديزني، وطبعا أدهم كان مجنون بيها.
..
نور: احم، احم، اي يا شباب أول مرة تشوفوا بنات ولا أي.
عمر لأسوة: أول مرة اشوف القمر نازل على الأرض.
أدهم لإسراء: وأنا أقول البيت نور مرة واحده كده ليه.
نور: احم، احم، نحنُ هُنا يا حضرات.
آدم: بطلوا هزار بقا، يلا علشان المأذون مستني.
نور: نينيني، برود.
آدم: اللهم طولك يا روح.
نور: يلا يا بنات علشان مرتكبش جنا***ية هنا.
….
#إسراء_علي
المأذون: بارك الله لكما وبارك عليكما وجمع بينكم في خير.
عمر: أسوة.
أسوة: نعم.
عمر: بحبك.
أسوة:…
عمر: لا إحنا كتبنا الكتاب علشان نبقى على راحتنا.
…
المأذون مرة تانية: بارك الله لكما وبارك عليكما وجمع بينكما في خير.
أدهم: سووو قلبي.
إسراء: …
أدهم: أنتِ هتفضلي ساكته كده، أنا عايز اقولك لي اختارتك أنتِ.
إسراء: ليه.
أدهم: علشان بحبك، وبحبك من زمان اوي.
إسراء: بجد.
أدهم: بجد.
..
آدم: يا جماعه أنا عايز أقولكم على حاجه.
عمر: أنت لسه ناوي برضو.
آدم: ايوه.
عمر: براحتك يا آدم.
..
إسراء: عمر آدم ماله.
عمر: آدم ناوي يكسر قلب حد.
إسراء: نور.
عمر: ايوه.
..
…: يا آنسة.
نور: نعم، مين حضرتك.
..: أنا شريف، وبصراحه أنتِ خطفتني من وقت ما شوفتك.
نور: نعم.
شريف: والله زي ما بقولك، أنتِ جميلة اوي، ورقيقة جدا، وأنا ملاحظ إنك قاعده زعلانه كده.
نور: حضرتك وأنت مالك، ممكن تتفضل تمشي علشان ميحلصش مشاكل.
شريف: ما أنا مش عايز اسيبك يا قمر لوحدك زعلان.
نور: أنت مش محترم واتفضل امشي من هنا.
شريف: وإن ممشيتش.
نور: هلم عليك الناس.
شريف: والله.. ” ومسكها من أيدها”..
نور ضر**بته بالقلم على وشه.
شريف: آه، أنتِ عملتي أي.
نور: ولو لمستني تاني هعمل أكتر من كده.
شريف مسك نور بطريقة مش كو**يسة..
نور: آه، أنت إنسان مش**** ولسه هتكمل…
آدم قعد يضرب فيه بِغل: أنت مين علشان تعمل معاها كده… ” وقعد يضرب فيه…
عمر: كفايا يا آدم هيم***وت.
آدم: سيبني يا عمر.
أدهم: يا آدم كفايا.
آدم: ماشي سيبته، وأنتِ يا هانم مش قاعده في مكان طبيعي يحصل معاكي كده.
نور بعياط: أنا معملتش حاجه.
آدم: معملتيش، ما هو باللي أنتِ لابسه ده لازم يحصل كده.
نور: وأنت مالك بلبسي.
آدم: ماشي.
…
#إسراء_علي
….
آدم: يا حضرة الشيخ ممكن تستنى.
المأذون: نعم يا أستاذ.
آدم: أنا كمان هكتب كتابي.
المأذون: وأين العروس.
آدم: موجوده.
إسراء: آدم.
آدم: إسراء اسكتي أنتِ.
أدهم: اسكتي يا إسراء.
آدم: العروسة……..
أسوة وإسراء مع بعض: لااااا، نوورر…
يتبع..