الفصل 2
بدر وهو يجلس على الكنب ويحط يدينه تحت راسه ورجل على رجل : بيتهم عادي بالنسبه لمقامهم .. شكل عمه قعيطي ..
خالد : لااااا مو عادي بالعكس حلو وبين ذوقهم رفيع .. لانه مو فخم مره بس الذوق راقي ..
بدر وهو يطالع بالصاله بطرف عينه وبعدين التفت على خالد : عشانك ولد فقر .. ولو مو خير تركي كان اللحين انت بالشارع ..
خالد انقهر : وشووو ؟؟
بدر يطالعه ببرود : اللي سمعته ..
خالد : يكون بعلمك .. انا مااخجل اني ولد من عائله على قد حالها بس انا عندي اخلاق ومبادء ماانتهكها ولو كنت باخر الدنيا ..
بدر : شقصدك ..؟؟؟
خالد : اللي سمعته ..
ومشى من عنده ..
خالد من سمع هالكلمه انجرح وبعد عن بدر ....
تركي طبعا ماكان معاهم على طول راح للدور الثاني ..
الخدامه دخلت بهالوقت .طالعتهم وخافت : أنتا مين ..
بدر مسكها بيدها وعطاها ألفين ريال : خذي هذي واسكتي ..
الخدامه تطالع ببدر وخايفه : أوكي
بدر ابتسم ابتسامته اللي ياما جذبت البنات : بابا وينه .
الخدامه وهي فرحانه : بابا سافر وماما مفي أحد ... بس
بدر ماخلاها تكمل كلامها على طول بعدها عنه وهو منقرف منها :
يله روحي ولاشوف وجهك ..
الخدامه بخووف : حاظر بابا
بدر صوت عالي : ترررررررررركي خذ راحتك ماحد هنا
تركي بهمس لخالد : هذا اكيد انجن ..
خالد يطالع بتركي يحرك كتفه على أنه مايدري
تركي يطل على بدر من فوق بصوت واطي : نعم .
بدر بصوت عالي : مافي احد خذوا راحتكم ......
تركي بفرح : yes ...... سبحان الله كنت حاس .
خالد وهو يمشي يتذكر كلام بدرعنه (( جرحني بدر بس بدر كان معه
حق أنا ولد فقر أنا ابن حارس لييش اشوف نفسي والله لو ما كنت
مع تركي لكنت مادخلت اكبر جامعات العالم واحسنها واشهرها ولا
لبست هالملابس ))
قطع تفكيره صوت موسقى حزينه باأحد الغرف
خالد خاف لأن البيت مافيه أحد على كلام بدر ..
كيف الموسيقى تطلع من احد الغرف
خالد تشجع ومسك على قلبه ... فتح الباب بهدؤ...
يطالع الغرفه بفتحة الباب اللي يفتحها ...
طالع بالغرفه بتأمل ..
الغرفه بارده أكيد فيه أحد ماراح تكون بارده على فاضي
كان فيه أحد على السرير نايم ....
خالد صار يطالع باللي نايم بالسرير بفضول يبي يعرف هو مين يمكن
احد الخدمات نايمه هنا ...
خاف خالد لمى شافه يتحرك ويطلع اصوات خالد ذبحه الفضول حب
يعرف هو مين قرب خالد من على السرير
شاف طفل صغير مايتجاوز عمره سنه كان جالس يلعب بشعر وحده
قليل بحقها لو قلنا ملاك ... كان لون شعرها بني المايل للنحاسي
وبشرتها البيضاء الناعمه وشفايفها
الورديه ورمشها الكثيف والطويل كان خالد يطالع مين هالخدامه
الجميله ..خالد طالع بالولد يشوفه فرحان انه دخل الولد يضحك
وطاير فرح
خالد بهدؤ مد يده للطفل ومسح على خده مع ظهر يده ...
تركي يدخل بقوه : أووووه واخيرا لقيتك ... خلود تصدق عند عمي بنت وولد
خالد يهدي نفسه لانه ارتاع من دخلت تركي عليه فجاءه ..
تركي يكمل وهو ماسك بطاقة العائله ويطالعها : البنت عمرها 18 واسمها مشاعل ... الولد عمره سنه واسمه عبدالله .....
بنفس الوقت مشاعل سمعت صوت ازعاج حولها صحت ....
خالد وهو ياشر على مشاعل : هذي ؟؟؟
مشاعل سمعت كلام خالد – هذي ؟؟ – خافت فتحت عيونها ..
مشاعل صرخت بكل صوتها وهي تضم اللحاف بكل خوف : أنتوااااااااا مييييييييييييين ؟؟!!!
تركي طاحت عينه بعين مشاعل ... مشاعل خافت واخذت تبكي
: أنتوا مييين .... ولييش جاييين هنا ؟؟؟؟
تركي يطالع مشاعل وعيونه تطلع شرار ......
تركي ببرود وعلى فمه ابتسامة النصر .. يطالع ببطاقة العائله ويطالع بمشاعل : أنتي مشاعل صح.
مشاعل وهي تضم اللحاف بخوف تهز راسها بالموافقه ..
تركي يطالع بعبدالله : أمم وهذا عبدالله صح ...
مشاعل خافت زياده وتضم عبدالله : شتبي منا رووووح براااااا..
تركي ابتسم على بكاها ...
طلع من جيبه صوره وحطها بوجهها : تعرفينه ؟؟
مشاعل : بابا ... (( خافت على ابوها )) بابا صاير فيه شي
(( اخذت الصوره من يد تركي وهي ترتجف ))
تركي ابتسم بخباثه : ماصارله شي بس راح يصير له ... ياقمر ..
مشاعل وهي تصرخ ويديها على اذنها وتهز راسها بهستريا :
أنتوا مييين .... وايييييييييش تبون مني ؟؟؟
تركي بخبث اكثر: تبين تعرفين حنا مين أقولك ياحلوه .. وليش ماقول
وطلع صورة ابوه من جيبه : تعرفين هذا ؟؟؟!!
مشاعل وهي تمسح دموعها ومن بين شهقاتها بان جزء من كبريائها اللي اتعودت عليه واتولدت بين ناسه :
لااااا وبعدين مالي ومال هالعجوز
تركي شد شعرها بقوه وقرب الصوره عند عيونها : مالك وماله هالعجوز هاه .. طيييييييييب يابنت عبدالعزيز حتى ألفاظه نفسها طيب
مشاعل بغضب : شدخل ابوي وبعدين ماسمح لك تتكلم على ابوي كذا
تركي بغضب : وأنا ماسمح لأبوك يقتل أبوي ...
مشاعل تطالع بتركي مو فاهمه شي : هيه وشو يقتل ومايقتل
وماسمح ...... لاااااا اكيد الاخ مجنون ... انا كفايه ساكته لك
مدت يدها على الناحيه اليمنى من طرف السرير واخذت الجوال :
انتوا باين منتهين لازم ادق على الشرطه .....
تركي مسكها مع زندها وضغط عليها بقوه مشاعل تطالع فيه :
اتركني ياواااااااااااااااااااااا اااااااطي ياابن الكلب ......
تركي ابتسم ابتسامه كبيره وعيونه العسليه على جمالها بينت
عصبيته وشراسته وحقده على عمه اللي بيوم ماظن يبنتهي : أوووووووه انتي بنت مو محترمه ولا متربيه
مشاعل تكلمت مع دلع بصوتها وبحته : مو محترمه ؟؟!!! والله نااس
طالع من يتكلم ويكون بعلمك انا اشرف منك مليوون مره اترك يدي
تركي جلس بجنبها وايده اليمين ماسكتها مع كتفها وايده الشمال
على يدها الثانيه . ويلعب باصابعها : تدرين لييش اقول مو محترمه
ولامتربيه لان مافي احد بالدنيا يسب عمه ويقول له (( يضغط على اصابعها بقوه شوي وتنكسر ومن بين اسنانه نطقها وبهمس )) كلب مايصير عيب (( يمسح على شعرها )) وبعدين مايصلح تقولين لولد عمك واااااااا(( شد شعرها لتحت بقوه )) اااااااااااااااااطي ... اوكي مايصلح .. ياقمر ....
تركي اللي كانت الدنيا موسايعته اخيرا ولو بجزء بسيط بيطفي نار
القهر اللي جواته ..
مشاعل مو قادره تتكلم من الصدمه ..
مشاعل تتذكر كلام ابوها أنه ماعنده اخوان معقوله كان يكذب ..
مشاعل تمسك يد تركي تحاول تبعده عنها ودموعها على خدها .. ونظراته الحاده والواثقه اللي استغرب منها تركي وخالد بنفس الوقت : برااااااااااااااااااااا أصلا ماعندي عم ولا عيال عم ياكذابييييييين انتوا اصلا مكانكم مستشفى المجانين ... الا اكيد مكانكم مستشفى شهار .. ولا مستشفى الامل برااا ياحقيرين ..
بهالوقت دخل بدر عليهم ….
بدر : شباااااااب شوفوا أيش لقيت …..((طالع بمشاعل وابتسم وفتح يدينه على الاخر )) الله الله شوهالحلا .. هذي الخدامه توب ..
خالد يضربه مع خصره وبصوت واطي : لااااااا هذي مو خدامه ياللحول هذي مشاعل بنت عم تركي ..
بدر شهق بقوه : بنت عم هالشين .. وبعدين مو قايل ماعند عمه عيال ... مرته ماتنجب ..
خالد : والله علمي علمك .....
بهاللحظه دق تليفون مشاعل بهالوقت …
مشاعل على طول ردت على التليفون …
مشاعل تصرخ باعلى صوتها : باباااااااااااااا ..
بو مشاعل : هلا والله ... امري ياقلب ابوك ..
مشاعل وهي تبكي : بابا الحق علــــــــــي ...
بو مشاعل بخوف : مشاعل اشفيك ..
مشاعل : بابا فيه شباب عنــ ..
اخذ منها تركي التليفون ..
تركي : السلام عليكم ..
بو مشاعل بخوف وقلق : من انت وشتسوي ببنتي وكيف دخلت البيت
تركي بستهزاء : السلام لله يا …… ياعم .
بومشاعل : الله الله على الاخلاق العاليه ياعم مره وحده ..
تركي : وليش تتوقع انه اتمنى اناديك عم .لا بس الصله تحكم علي
عرفت اللحين أنا مين ..
بو مشاعل برتباك : أنت مييييين ؟؟؟؟؟؟؟!!!!!!!!!
تركي بعصبيه : وتسأل أنت مين ؟؟ اقول لك يالحلو… أنا تركي عبدالله
جاسم … عرفتني .. ولااااا اذكرك …….
بو مشاعل بخوف : تركي .. تركي أنت … ولد اخوي عبدالله
تركي بصوت اقرب للهمس من بين اسنانه : ايوه .. تركي ولد
عبدالله اخوك اللي ذبحته تذكر … ولا اذكرك … (( مسك مشاعل
مع شعرها وشده بقوه كبيره ومشاعل تصرخ بصوت عالي وتبكي ))
لااا لاا أنا بذكرك بطريقتي الخاصه بااااااااااااااااااااي ياعمي ياخو ابوي
سكر تركي السماعه من بو مشاعل وتركه على خوفه على عياله ..
تركي بعد ماكلم عمه صار له زمان عنه كان خايف حيل يده ترتجف
خايف من عمه خايف ……. تركي تذكر انه لازم مايبين لهم انه
ضعف قدام عمه …….
خالد عرف ان تركي فيه شي ومخبيه عنهم : تركي حرام عليك
عمري ماشفتك كذا ….
بدر وعيونه سرحانه على هالموقف : خالد اترك تركي , تركي مو يمك … ولا هو تركي اللي نعرفه ..
خالد يطالع ببدر يحاول يفهم كلامه بس ماهو قادر ..
معقوله في ناس بيغيرون اخلاقهم ومبادئهم بالحياة علشان شي اسمه انتقام .. لهذي الدرجه ياتركي متعذب ..
لهذي الدرجه جرحك توه ينزف ..
تركي .. كانت نظراته وحركاته لمشاعل فيها جزء من القهر اللي بقلبه ..
بس تركي ماتعود يضرب بنات عمره ماعرف يمد يده عليهم ..
تركي يطالع بمشاعل اللي كانت ماسكه عبدالله بحجرها وتبكي ..
كانت ضامه عبدالله بخوف .. وجالسه بزاويه السرير وتطالع فيهم
ماتدري ايش تكون لهم .. ماتدري هم اييش بيسون لها ..
هل تكون قويه وتتحدى تركي .. ولابتكون خايفه وتسوي اللي يبيه ..
بقوه وألم وخوف …
تركي وقف وعدل ياقة التيشيرت وسرح بعيونه لبعيد ..
خلال ثواني مر عليه شريط حياته .. عذابه .. انهياره .. شوقه لابوه .. مكانه بين الطلاب اللي بكبره .. كان كل همه كيف ينتقم من عمه واخيرا لقى لها طريق .. لقى حل لافكاره .. _ بس البنت تكسر الخاطر ومالها ذنب باللي يصير أعاملها باحترام شوي ..: مشاعل يالله هيا ..
مشاعل وعيونها مغرقه دمووع وتشهق ببكاها : هيه تكفى لاتاخذني لا
قاطعها تركي اللي عيونه سرحانه على الشباك .. : أنا اسمي تركي مو هيه ؟؟
مشاعل : تركي الله يخليك خذ اللي تبي خذ كل فلوسي مجوهراتي
بس ما روح وياك (( ماقدرت تمسك نفسها على البكي اخذت يد
تركي )) ابوس يدك بس ماروح وياك ….
تركي ابتسم بالم وطالعها ببرود من فوق لتحت (( لازم تذوق ولو جزء من اللي ذقته ياتركي )) : وتتوقعين تبوسين يدي اتركك
فلم مصري هو …… اقول دام اتكلم معاك بأدب روحي ألبسي عباتك
يلللللللللللله ..
خالد : تركي هد اعصابك على البنت .
بدر : لاااااااا ياخالد .. تركي سو اللي تبيه برد النار اللي جواتك ..
تركي التفت عليهم وهو معصب .. : انتوا اللحين وش تبوون خلاص براااااااااااااااااا .. وانتي لو سمحتي بسرعه يله انزلي تحت استناك تحت ولا تجبريني اتعامل معاك بالقوه … أوكي يله
مشاعل ماهي قادره تسوي شي يمنع أن تركي ياخذها مشاعل بعد ماطلع تركي من الغرفه هو و اللي معه مشاعل انهارت على السرير وتبكي : ماني فاهمه شي بابا ليش سكت بعد مانطق تركي اسمه
ليش خبى علي طول هالعمر ماقال أنه عندي عم لييييييييييش
تركي ماعمري سمعت بابا ينطق هالأسم ..
لمى ذكرت هذا الاسم صارت ترتجف من الخوف منه تذكرت كيف كانت عصبيته تحاول توقف على رجولها ماهي قادره تحاول بس ماهي قادره
تركي بصوت عالي : مشاااااااااااااااااااااعل .
مشاعل على طول وقفت على رجولها ابتسمت : أهه تو عرفت أنا أجي
بالعين الحمرا ..
اخذت عبدالله وشالته تو تطلع من الغرفه تذكرت الأوراق والرسائل
بعدين راحت تاخذهم ...
ومشاعل على الدرج طالعها تركي بألم يالله هذي ايش ذنبها اخليها تتعذب نفس العذاب اللي عشته ليش ... هي بنت جميله وبريئه بس لاااااامستحيل انساها لك ياعبدالعزيز .
تركي اللي كان جالس يلعب بالمفاتيح .. : سنه .. يله ..
مشاعل وهي منزله راسها لتحت : اصبر وش وراك .. الله ياخذك ويفكني منك ..
تركي اللي سمع كلمتها .. وانجن : وش قلتي .؟؟؟
مشاعل اللي طالعت فيه بخوف وعيونها تتلفت : هاه ماقلت شي ..
خالد : تركي السيارة جاهزه
تركي والشرار يتطاير من عيونة يكره مشاعل يكره كل من له علاقه
بالسفاح اللي حلل دم ابوه : يله ......
طلعت مشاعل من البيت وقلبها يتقطع حزن ..... وبنفس الوقت