الفصل 7
البارت السابع
بهالصباح الجميل..قامت بطلتنا ولفت على يمينها..شافت أمها الي حبتها..بس مو أمها الي جابتها وربتها..لا..هذي ام الغاليه..مثل أمها..جدتها..شافت الكرسي وحاولت تقرب يدها له ..بس ماقدرت..سلمت الجدة الي كانت تصلي وشافت لينا ..ابتسمت وقامت قربت لها الكرسي..
لينا:ششكرا
الجدة:العفو يايمه ماسويت شي
لينا:الا بالعكس سويتي كثير..لو وحدة غيرك رمتني لاني السبب في موت بنتها..
الجدة:استغفري ربك يا لينا استغفري..هذا كان يوم لما ومحد سبب في شي
لينا:استغفرالله..طيب شرايك ننزل نفطر
الجدة:يالله يا يمه من امس ماذقت شي
لينا :اوكي مشينا
.................................................. ..................................................
تحت كان الكل موجود على سفرة الطعام الا..فيصل..الي من امس موموجود
لينا والجدة:السلام عليكم
الكل:وعليكم السلام
ريم:هلاوالله اسفرت وانورت هلا بعمود البيت
الجدة بضحكة:مع وين عمود والله يا ليتني انحف واصير عمود
لينا:خلاص خلاص زعلت ..وانا مالي ترحيب
ريم:افا عليك بس..انتي من جيتي والبيت منور يا شمعه
لينا:ههههههه خلاص رضيت
سماح:الا عز سويت الي وصيتك عليه
عزيز:لا والله اليوم بروح
سماح:اوكي
امل:ماشاء الله من متى لكم اسرار هاه؟
ريم:ايه والله خير
عزيز:شي سري بين العايله مالكم شغل
لينا:ليش وحنا مو من العايله؟
عزيز بمزح:هههههه اما عاد انتي من العايله؟!توني ادري
لينا راح تفكيرها بعيييييييد..فهمت ان عز يشوفها وحدة غريبه مو من العايله..حطت يدها عالعربه ولفت عليه:طيب ..شكرا.....وراحت
ريم:عزييزاان!!خير؟
عزيز:طير ..عزيزان بخشمك
امل:الا مو عزيزان بالعكس انت عزيزه
عزيز:اقول عاد اهجدوا احسلكم
سماح:عز البنت زعلت ليش كذا؟!
خالد :صح كلام سماح..تراها ما تعود علينا الا بعد الموت..تجي انت وتخرب كلشي
عزيز:شسوي يعني اروح احب راسها مثلا؟!
ريم: انت ادرى وش تسوي
.................................................. ........................................
كانت ماسكة صورة أمها وتبكي :ماما ..ليش رحتي عني؟والله وحشتيني..عاد تدرين..بعد بكره يوم ميلادي..اول بيرثديي لي من دونك!فجاة سمعت صوت الباب ينطق:عادي ادخل
لينا مسحت دموعها بسرعه:تفضل
دخل عزيز الي سمع كل شي قالته لينا:ليش الدموع ؟
لينا:لا ولاشي بس نفضت الشرشف وكان مغبر
عزيز سوا نفسه ما يدري:اها..زين انتي شايله شي بقلبك علي؟عادي قولي
لينا:لا شدعوه..انا كذا دايم افهم غلط
عزيز:لا..انا دمي ثقيل ترا..خلاص ماراح امزح مره ثانيه طيب؟
لينا:لااا عز مو كذا عاد!!بالعكس ابيك تمزحح كثير.زبس مو على زين؟
عزيز:ههههه زين..بس على من يعني
لينا:اممممم..ريم!!
عزيز شهق:تبيني اموت؟!لا انا مو خبل لذي الدرجة
لينا:هههههه سمالله عليك..ترا والله ريم طيبه
عزيز:ايه طيب يصير خير..يالله انا بمشي..تامرين على شي يا عسل؟
لينا :لا سلامتك
طلع عزيز وبالسياره جته فكره جهنميه..لينا قالت ان يوم ميلادها بعد بكره..وبعد بكره بيروحون الشاليه..يعني يقدرون يسوون لها مفاجأة وحفله بيرثديي!!دق على ريم وقال لها كل شي ووافقت بحماس
.................................................. .................................................. ..........
قام من االنوم ولقا نفسه بمكان يخوف :فهد..شصار؟
فهد:الكلب محمد..اخذ الفلوس وانحاش
فيصل:ليش ما لحقته؟!
فهد:تبي تدخل السجن انت؟اذا لحقته شافوني الشرطة ومسكوني
فيصل:طيب خل نروح..المكان يوحش
فهد:كلم نواف يجي ياخذنا
فيصل مسك جواله ودق :الو
نواف:هلا فصفص وينك
فيصل:فصفص ياكلك ...تعال خذني انا في...............
نواف:وش جابك هناك
فيصل:تعال واقولك كل شي
نواف:اوكي
.................................................. ..................................
رجع من المسجد بعد ما صلى العصر..دق جواله:الو..هلا احمد
احمد:هلا سيدي..انا بغيت اقولك اني باخذ اجازه
ابولينا:خلاص لك ثلاث أيام بس
احمد استغرب من عطف ابولينا الجديد:ان شاء الله ..مشكور
ابولينا:العفو..انت تستاهل اكثر...وسكر السماعه..طبعا ماكان ورا هذا خير..ابولينا راكب راسه ابليس..وما سوا كذا الا وهو في راسه فكره بيسويها
.................................................. ...............................
كان بالسوق يدور لها شي :أمم شاخذ لها؟!هالخاتم حلو..نادا المحاسب:اكسكيوزمي..هذا بكم؟
المحاسب:فيه له نوعين الي بفضه بس ب5الاف والي بفضه ورصع بالماس ب7الاف
عزيز:خلاص عطني الي ب7الاف..والله تستاهل اكثر
.................................................. ....................................
كانت هدى تصلي ..وتدعي ربها انه يحقق لها لي تتمناه..سلمت وراحت لسريرها تأخذ غفوة كالعادة..بس دق على جوالها رقم غريب..ردت عليه:الو
......:هدى؟
هدى:ايه نعم..من معي؟
......:افا نسيتيني؟!
هدى:ا..ااححم..اححمدد؟!
احمد:ايه احمد..احمد الكلب الي تركك..بس لمصلحتك..احمد الي عشق التراب الي تمشين عليه..احمد الي لا جابوا طاري اسمك فز..احمد الي ضحى بنفسه عشانك..احمد الي كره بنات الدنيا لانك سكتنيه..احمد الي تمنى بيوم تكونين له..احمد الكلب ..بس تصدقين؟!كلب وفي والله
هدى:اممماانه انت احمد صدق ولا؟تكفى احلف؟
احمد:شفيك؟لذي الدرجة مصدومه؟!
هدى:احمد ليش ليش؟!والله حبيتك وعشقتك وماعمري اذيتك..تركتني ليش؟
احمد:لاني مابي أبو لينا يعرف مكانكم..لاني ابي مصلحتكم..لاني احبكم..فهمتي ليش؟
هدى:بو لينا؟بس مامات؟
احمد:لا مامات..ذبح زوجته وبنته..هذا يموت ما يموت
هدى:بس بنته م..
احمد:ما ايش؟
هدى:هاه ما شفناها ابد..الله يرحمهم..يالله انا بسكر
احمد:لحظه..هدى ابيك تفهميني اول ..ترا والله اموت فيك
هدى:احمد لو سمحت امي جت ..معالسلامه
.................................................. ........................................
~توقعاتكم~