الفصل 6
(الجزء السادس))
نرجع لسلطان اللي حس بالدنيا ضايقه فيه بعد مارجع لبيته حط راسه ونام عل طول بدون مايحس .. قام الصبح وصلى واخذله دش ونزل يفطر مع نواف وامه اللي كانت طايره برجوعه والدنيا ماتوسعها ...
نواف كان يسولف مع امه واول ماشاف خاله نازل ركض له وحب راسه ويدينه..
الحمد لله على السلامه ياولد اختي .. التفت بعدها على نوال اللي كانت ترتب الفطور على الطاوله.
قرت عينك ياوخيتي برجوع نواف هذاه رجع لك الحين وهالمره بنربطه علشان مايفكر يسافر مره ثانيه ..
نوال ..ههههههههههههه ياليت يااخوي هذاه عندك ..الله يهديه بس >>> ..يالله حياكم تعالوا عند الفطور ..
راح نواف وسلطان للطاوله ..
سلطان حب يلطف الجو>>>>
...الله الله .. كل هالفطور لنواف .. الله لنا ... احناماتفطرنا الا بيض مسلوق ..وان تحمست حطت معاه كم طماطه واذا صارت بيوم مروقه زادت بالخبزه شطه واليوم فول وحمص واجبان ولا بعد حاطه زيتون شفتوا زي كذا ظلم..
نواف وامه جلسوا يضحكون على سلطان ..
ام نواف ..انت الخير والبركه الله لايحرمني منك ويخليك لنا مالنا غنات ..
سلطان .. الله يخليني بس علشان اجيب بيض وزيتون و الحب كله لحبيب امه نواف ؟؟صح
ام نواف ..تبي تقهره ..ايه عاد وليدي ماابدي عليه احد بالدنيا وان شاء الله بأعيش بلا زيتون وبيض ..
سلطان .. شف شف قلبت علي الحين اقوم اروح لتجارتي ابرك لايجني حكي اكثر وانتي استمتعي بولدك ..
وعند الباب التفت لنواف.. قبل اذان العصر خلك متجهز علشان يمدينا على الصلاه ..
نواف..ان شاء الله ياخال ..
ام نواف كانت ماتدري بالسالفه لذلك حب نواف انه يقول لها ..ومنها يتسامح منها على اللي سواه فيها ..
نواف .. العذر والسموحه يمه على كل اللي سويته فيك ..والله مدري وش اللي جاني ..
ام نواف .. الله الهادي ياوليدي اهم شي انك رجعت وياليتك توعدني ماعاد تسويي هالشي مره ثانيه تدري
ياوليدي مالي غنات عنك وخالك الله يخليه لنا اليوم ماعنده التزامات لاكن بكره بيصير له حرمه وعيال وبيلهى ..
نواف كان منزل راسه وامه حاسه انه ندمان على اللي سواه فما حبت تزيد عليه ..
ياوليدي انت كبير وتعرف الصح والخطأ ومايحتاج انصحك .وجروح بنت عمك ماصار لك نصيب معها ون شاء الله القى لك وحده غيرها تخاف الله فيك ..
نواف بحزن ..ان شاء الله يمه الله يكتب اللي فيه الخير بس هو سؤال ابي له جواب .. ليه خالي ردني ذاك اليوم انا مهب كفو او سامع عني شي ؟؟ انتم كلمتوه ..؟؟
ام نواف .. انا وخالك سلطان ماقصرنا كلمناه وحاولنا نجي معاه بالسياسه بس انت تعرف خالك محمد اذا عنَد عنَد .. وش نسوي فيه؟؟؟ واخرتها يطق بنته بغت تروح بين يدنه وكل امس واحنا وياها بالاسعاف وهو مايدري عنها..!!
حس نواف ان قلبه بيطلع من مكانه يوم سمع طاريها ..
افاااااا .........امس كنتوا بالمتشفى ..خالي ماقال لي شي ..
ام نواف .. يمكن ماحب يخوفك بس امس ام جروح كلمتني وعلى عقلها خطر تقول بنتي الحقوا عليها واشوى ان خالك كان موجود على طول رحنالهم شلناها ورحنا للاسعاف ..
نواف .. ليه وش اللي صاير ....؟؟
ام نواف .. هو فيه غير خالك الله يهديه.. كانت تحاكيه .. قب عليها تعرفه حار وملسون.. ضربها وطلع.. وبعد سكر جواله وشكله لحد الحين مايدري عنها ..لانه الليله عند حرمته الثانيه؟؟
نواف بدهشه .. حرمته الثانيه ..؟؟
ام نواف .. ايه له حرمه ثانيه بعد له عيال منها ..
نواف واللي ثارت عنده الحميه.. والله خالي محمد ذا يقهر ؟؟ ليه يتعدى على بنته بهالوحشيه مابلغتوا عنه يرمونه بالسجن؟؟
لا ..ام جروح رفضت وقالت انها زلقت وخبط راسها الجدار ..
نواف .. غريبه منها التصرف بس لو مكانها مااسكت بصراحه خالي استخف في احد يضرب بنته ؟؟
ام نواف .. قل الحمد لله والشكر الله يعاافيه ولا يبلانا ..
نواف .. اامين ..وجروح وش اخبارها الحين ...؟؟
والله انا مادقيت عليها بس ان شاء الله بأدق عليها العصر واسال ..
نواف .. وش رايك اوديك لهم المغرب مره وحده ومنها اسلم على خالتي سلوى ..؟؟
ام نواف.. لا خلك بعيد هاليومين.. لايقول بعد خالك يبي يعيد سالفه الخطبه ماعاد لي خلق وجع الراس ..يكفينا..
نواف.. الله لو يحصل لي بس كل شي قسمه ونصيب وان احمد ربي واشكره ..
ام نواف .. هذا الكلام اللي احب اسمعه بنت خالك ماعاد لك فيها نصيب والحمد لله بدالها كثير وهي الله يستر عليها..
بعد فتره عم المكان الهدوء..
نواف بهدوء لأنه عارف ان طاري زميله ينرفزها.. يمه ؟؟
ام نواف واللي كانت تطالع التيلفزيون .. هلا يمه بغيت شي..
تعرفين زميلي ناصر ..
ان نواف .. ايه اعرفه الله يكفينا شره وش فيه بعد لا يكون هو اللي طلعت انت وياه البحرين وانا قد نبهتك عنه
نواف بحزن .. شوي علي يمه خليني اعلمك وش اللي صار ..
ام نواف واللي ماكان عندها استعداد تتقبل طاريه .. اسمعك ...
نواف.. ناصر قبل امس توفى بحادث سياره
ام نواف جمد الدم بجسمها وحست برعشه وقف منها كل شعر جسمها .. وش تقول ؟؟
نواف ..اللي سمعتيه يمه .. كنت انا وياه بالبحرين .. كان وده يزور واحد من اقاربه بالسعوديه لاكن امر الله كتب انه تنقلب عليه السياره ويموت محترق ..
ام نواف كانت حساسه تجاه هالموضوع ..** دمعت عينها ** الله يرحمه ويحلله ويبيحه لا اله الا الله كلنا على هالطريق يالله بس حسن الخاتمه ..
نواف ..............
ام نواف .. ومتى بتصلون عليه ..؟؟؟
نواف رجعت له الضيقه وحس ان عينه بتنفجر دموع.. ان شاء الله بعد العصر وانا وخالي سلطان بنطلع للمسجد والمقبره ..
ام نواف بدت تبكي لانه مر ببالها كيف هزءته يوم يدق عليها بالبيت؟؟ وكم مره طردته عند الباب اذا جاء يسأل عن نواف..
نواف ..يمه وش فيك ؟؟
ام نواف .. لا ابدا سلامتك يله انا بأطلع لغرفتي باتمدد شوي .. وانت مانت رايح لدوامك ..؟؟
نواف.. لايمه باقي على اجازتي ثلاث ايام ان شاء الله ..
ام نواف .. الله يعين .. تبي شي يمه قبل ماارقى ..؟؟
نواف ..سلامتك يمه ..
ام نواف .. على العموم زمزميه الشاهي عندك فوق الطاوله..
نواف .. خلاص يمه.. لاتشتقين معاي روحي ريحي ..
ولكم عاد تتخيلون كيف قضت نوال اليوم بغرفتها تبكي وتتذكر مواقفها مع صديق ولدها ..احيانا كانت تلوم نفسها على شدتها معاه ..واحيانا ترخي على نفسها وتقول انها كانت تبي تحمي ولدها ..
وكلما ذكرت وجهه رجعت تصييييييييييييييييييييييي يح وتدعي له وتحلله وتبيحه...
.................................................. .................................................. ......................
*****في بيت ابو جروح .****.
دخل ابو جروح وهو مستضيق مرررررره على الموضوع اللي صار بينه وبين زميله عبد الاله..
كانت ام جروح وبنتها جالسين بالمقلط وفاتحين على التلفزيون قاعدين يتابعون مسلسل ..
ابو جروح مرعليهم وكانت نظراته غريبه لجروح .. استمر يبحلق فيها فتره نزل راسه بعدها وطلع لغرفته بدون مايذكر كلمه .. ام جروح وبنتها استغربوا تصرفه معهم لانه بالعاده مايمر عليهم ابد واليوم يدخل ويتصرف هالتصرف .. ؟؟ هالشي حيرهم لاكن جروح بعد فتره بسيطه,, استرجعت الموقف اللي سواه لها ما حبت تلقي له بال.. فرجعت تتفرج على التمثليه ورفعت بعد صوت التلفزيون اكثر ..
يمه قصري عليه لايجي الحين ويسوي لنا سالفه يكفي ماجانا ؟؟
جروح واللي كانت تحمل بقلبها غيض .. يمه شفتيه وشلون كان يطالعني .. حتى ماكلف نفسه يسأل وش صار فيني لهالدرجه ماعنده احساس .. ؟؟..
ام جروح كانت تطالع الباب لانها كانت متخوفه ان ابو جروح يرجع ويسمع بنته ويقلب اليوم نكد .. اقولك خلاص سكري عالسالفه ويله قومي نحط الغدا
جروح وبوزها متر يسبقها.. ان شاء الله ..
طلعت سلوى الغدا لابو جروح بس باب الغرفه كان مسكر.. لما طقت عليها الباب ....رد عليها .."مابي شي الحين ...لااحد يزعجني ابي ارتاح شوي"...
رجعت بالغدا للمطبخ وبوجهها علامات حيره واندهاش!!!
لما شافتها جروح استغربت مره لان ابوها مو من عوايده يرد الغدا ابدا ..وش السالفه يمه ؟؟
والله مدري يابنيتي اليوم ابوك فيه شي اكيد ؟؟انا اعرفه زين اذا كان فيه شي !!!
جروح باستغراب وفضول .. وش تتوقعين ؟؟
مدري وانا امك اليوم ابوك بتصرفاته يحير .. اول شي يمر علينا .. والحين مايبي الغدا !!!!!!
جروح .. يمه صرت اخاف من ابوي وافعاله بصراحه ..!!
ام جروح.... الله يستر انا مثلك ...قلبي مو مرتاح لاكن نقول خير ان شاء الله ...
اما ابو جروح فكان يفكر وشلون يطلع من هالورطه اللي حط نفسه فيها .. ماكان عنده فلوس يسدد دينه وفي نفس الوقت ما يبي يورط بنته مع عبدالاله بالتحديد ولو كان غيره كان ماتردد ابدا .. ؟؟؟؟؟؟؟؟؟؟؟؟؟؟؟؟
هل راح يرضى ويوافق على زواج بنته ... وش اللي راح يصير ياترى ؟؟
نكمل ونشوف وش رايكم ؟؟؟
.................................................. .................................................. .................................................. .......
بعد ماصلى سلطان ونواف صلاه الميت على زميله ناصر ..توجهوا للمقبره علشان يدفنونه في المقر الاخير لكل انسان بهالدنيا .. الموقف كان جدا صعب على نواف .
.لما دخل المقبره وشاف الجثه تنزل للقبر انهار من البكاء حتى ان الجميع تأثروا لما شافوا حالته .. حاول خاله سلطان يهديه ..ولما هدأ ..ركبوا السياره ورجعوا للبيت..
طبعا نواف ماحكى ولا كلمه .. وسلطان كان حاس باللي فيه ..
سلطان .. نواف حرام اللي تسويه بنفسك.. انت مؤمن وتعرف ان كلنا على هالطريق..
نواف بضيق رهيييييب .. والله ادري ياخالي سلطان بس والله صعبه علي شوي .. كان معاي قبل ساعات من وفاته والحين هو تحت التراب ** وقعد يبكي بحراره**
تأثر سلطان من كلام نواف وحب انه يغير الموضوع.. بعد الغدا بأطلع لبيت هدى تطلع معاي لها تغير جو ؟؟؟.
نواف .. لا ياخالي الحين انا مالي مزااااج ابدا ...رح انت لحالك.....وخالتي هدى بأزورها بيوم ثاني ..
سلطان.. اللي تشوفه ..
.................................................. ................................
راحوا للبيت وتغدوا مع بعض بعدها طلع سلطان لهدى ..ونواف حب انه ياخذ له شاور ويتمدد شوي
**سلطان وهو جالس بالسياره ينتظرها تحتمي** ----->.. كانت واجهة السياره باتجاه بيت جيرانهم .. بيت ابو عبدالرحمن ** اهل روان**..
>>>>>>>>>>>>>>>>>>>>>>>>>>>>>>>>>>>>>>>>>
وهو ينتظر طلعت من البيت بنت بكامل زينتها.. وحجابها كان يستر الجزء السفلي بس .. اما الجزء العلوي فكان يبرز ملامح وجهها بطريقه فاتنه
استغرب منها سلطان !!!!!!!.
.البنت توجهت للسياره اللي كانت واقفه عند الباب .. واللي كان فيها مجموعة بنات مع سواق من جنسيه هنديه ..كان صوت المسجل يعلوبالغناء ... غير ضحكهم اللي اهتز معاه كل الحي ...
ركبت معاهم البنت اللي طلعت من البيت وراحوا ..
سلطان انذهل من الموقف اللي شافه .. معقوله اللي شفته .. ؟؟ متى وصلنا لهالدرجه من السفور ... ؟؟ بعدين من هالبنت اللي طلعت من بيت جارنا ابو عبدالرحمن ..؟؟ تكون هذي بنتهم روان اللي كانت تتكلم عنها اختي ذاك اليوم ...؟؟؟ معقوله روان !!
لا..لا يمكن وحده ثانيه مابي اظلم البنت من دون مااتاكد ؟؟
بس البنت تحمل نفس ملامح البراءه اللي كانت تطير عقلي يومنا صغار؟؟
إلا هي روان ..؟؟
يالله شفت بعيني ومااحد قالي ؟؟
هذي البنت اللي فضلتها على الكل ..؟؟
البنت اللي كنت احلم تكون زوجتي وام عيالي ......تكون بهالاخلا ق!!!!!!
يالله ....يالله .. ابوس راسك يازمن ..وين البراءه وين الطفوله وين اخلاقنا زمان ؟؟
وينك ياروان وين ايامك ؟؟
**حس سلطان بالحزن والضيق على اللي شافه .. كان يحاول يطرد هالفكره من راسه** .. لا المفروض ماأحكم قبل مااتأكد ؟؟بس كيف اتأكد ؟؟ وشلون اعرف انها مو هي ؟؟ ياربيه ..؟؟ وش الحل ؟؟وش اسوي وش اسوي؟؟؟يارب تلهمني واعرف قبل مااظلمها وينكسر قلبي !!!!
.................................................. .......................وبعدها بفتره بسيطه وخلال تفكيره...................................... ....
دق جواله ---->نواف يتصل ..
هلا نواف بغيت شي ..
نواف .. سلامتك بس يوم افتح شباك الغرفه شفتك وانت تركب السياره ..بعدها رحت ااخذ لي دش ...ولمارجعت اسكرها لقيت سيارتك بمكانها وهي مشغله قلت ادق لايكون فيك شي ؟؟
لا ابد سلامتك بس راح علي الوقت ماحسيت
..نواف انت شفت السياره اللي كانت واقفه من شوي هنا واخذت البنت وراحت .. ؟؟
نواف.. باستغراب .. اي وحده تقصد لايكون اللي كان صوت مسجلها عالي وفيها بنات
..
كان استغراب سلطان اشد يوم سمع رده لان هذا دليل ان الموضوع مو اول مره يصير ..... ؟؟
نواف.. ايه هي ؟؟؟هذا البنات الله يستر عليهم .. كثير مااصادفهم ياخذون بنت الجيران ويطلعون .. هذا غير الموكب اللي يكون وراهم من الشباب !!
سلطان استضاق من الجواب..اللي معهم بنت جيراننا ؟؟اللي اعرفه ان ابوها ماعليه رجال عاقل ومايترك فرض للصلاه.. ودايم مع الجماعه ولا شفنا من جيرته الا كل خير بس ... صحيح انك لا تهدي من احببت؟؟
نواف .. صدقت ياخال.. يالله دامك بخير باسكر... في امان الله..
سلطان.. في امان الله..
سكر الخط ..وهنا زادت خنقته وضيقته ..حس الدنيا اظلمت..قلبه يدق بسرعه والنفس صعب يطلع
فكر انه يأجل زيارته لاخته ....ماكان وده يروح لاي مكان .. بس صعبه اخته مواعدها وزوجها ينتظره لذلك قرر يتناسى الموضوع شوي لحد مايرجع ..وياصعبها ذي !!!!!!!!!!!
بنوقف هنا الحين ..و انا انتظر منكم توقعات على اللي بيصير ..لسلطان وجروح ونواف والباقي ...
تحياااااااااااااااااااااا اااااااااتي لكم
Like
رد مع اقتباس إقتباس متعدد لهذه المشاركة الرد السريع على هذه المشاركة
#9 أضافة تقييم إلى فيتامين سي تقرير بمشاركة سيئة
قديم 17-12-13, 12:24 AM
الصورة الرمزية فيتامين سي
فيتامين سي فيتامين سي غير متواجد حالياً
مراقبة عامة ومشرفة منتدى الروايات المنقولة
((تتمة الجزء السادس))
في بيت هدى ..
اول ماوصل سلطان استقبله الثنائي بكل حفاوه لان كان لخالهم سلطان معزه غريبه .. طبعا الخال مانسى يمر على اقرب سوبر ماركت وجمع لهم ماقدر من حلويات وبساكيت وعصاير ..والاطفال بطبيعتهم لما يتعودون من احد على طبع ماينسونه ابدا ويتعلقون فيه بشكل كبير ..
هدى ماتقصر يااخوي والله هالعيال بيطفرون بك كل مره تشقل لك من هالحلويات الله يغنيك قل اامين ..
عبدالعزيز ..يعني واحنا مالنا من الحب جانب هذاني كل يوم ادخل عليكم بشي ماجاني من هالدعات الزينه ..
سلطان .. الله الله ماقدر انا عالغيره ذي؟؟؟
هدى حمر وجهها وقررت انها تفلت من لسان رجلها واخوها .. اقول انا اقوم اجيب القهوه احسن لي ...
سلطان .. تسلمين لي يااحلى اخت بهالعالم ..
عبدالعزيز حب يناقر سلطان .. الله يحماك لي يااجمل زوجه بهالوجود ..
سلطان .. ياهووووووووووووووه تتغزل باختي كذا اشكره على مايقول الاماراتيه ..
عبدالعزيز ..هههههههههه ياداخل بين البصله وقشرتها
سلطان ..مادام الدعو بصل وقشورخلني اسكت اسلم لي هههههههههههههههه
جابت هدى القهوه والشاهي وحطته لهم وراحت تشوف عياله ومنها حتى ياخذون راحتهم بالسواليف..
عبدالعزيز ..احس بلسانك حكي يااخوي خذ راحتك كلي اذان صاغيه....** مد له فنجال القهوه** تفضل
سلطان اخذ الفنجال .. زاد فضلك ابو راكان ..صدقت انا جايك بموضوع وابي منك فزعه..
عبد العزيز.. ابشر بها وانا اخوك ..
سلطان .. ادري بك قدها وقدود يابو راكان ..
عبدالعزيز .. ماعليك زود
سلطان ..بصراحه الموضوع عن اخوي عبدالله اللي انقطعت عننا اخباره و عاد اتصل فينا ولا جاء من فتره وبيني وبينك انا خايف واحس ان الموضوع فيه ريبه
عبدالعزيز .. ريبه ؟؟ وليه حكمت بهالحكم وش دراك عنه وعلى قولتهم الغايب عذره معاه
سلطان .. مااختلفنا وانا اخوك ..لاكن زيارته الاخيره قبل ثلاث شهور هي اللي خلتني ماانام الليل..
عبدالعزيز .. وضح مافهمت عليك ..
سلطان .. سم ..تذكر العزيمه اللي سواها لنا .. يوم يجمعنا كلنا احنا واخواتي واهل محمد والباقين ..؟؟
عبدالعزيز .. ايه اذكر انه قام بالعزيمه كلها وتكفل بمصاريفها من الى بس الى الحين مافهمت المقصود ؟؟
سلطان .. بعد ماطلعتوا وطلعوا كل اللي كانوا عندنا بالبيت كنت بغرفتي بانام ..طق علي الباب بحجة انه مافيه نوم ووده يسولف يبي يعلمني انه بيمشي لجده مع زملاه..المهم انه دخل وجلس يسولف لي عن نفسه واحلامه وطموحه ورغبته بالجهاد وحال العراق وافغانستان وحال الامه وووووو..انا كنت منبهر بطريقه كلامه كان متحمس للموضوع وكان يتعمق بمواضيع ماتنقال .. انا حاولت فيه انه يغيرمن فكره وانه مستحيل يصلح هالكون .. لاكنه رد علي اذا لا انت ولا غيرك مادافعتوا عن دينكم فانكم تعتبرون من المؤيدين للضلال والفساد المنتشر بالبلاد.. اول ماقالي هالكلام انفعلت عليه وقلت له لاتكون من اصحاب الفكر الضال اللي انتشروا في بلدنا مثل النار في الهشيم .. تنرفز بعدها وقال انه غلطان يفتح مواضيع معاي وطلع ..
عبدالعزيز .. لاحول ولا قوة الا بالله ..
سلطان ..قمت من بكره وعرفت انه شال شنطته وراح قبل مانقوم واذكر اني لقيت ورقه على مكتبي مكتوب فيها .. ان مضطر يمشي قبل مانقوم وانه يعتذر انه ماودعنا وانهى كلامه بانه يوصيني اضحي له ولامي وبوي كل سنه واني ادعي له ولا انساه ...
عبدالعزيز.. فيه احد يدري بالموضوع غيري ..
سلطان لا ليه؟؟
عبدالعزيز .. بصراحه افضل انك تسكت عن الموضوع لين نشوف له حل لاني مو مطمئن بصراحه .. بعدين تقول بعدها ماكلمكم ابدا؟
سلطان..الا هي مره وحد بس وكانت قبل اربع اسابيع وحتى اذكرنواف قال ان عبدالله دق وكأنه مستعجل يسأل عننا وسكر بسرعه..
عبدالعزيز..عبدالله من عرفته وهو غامض .. بس مااتوقع توصل فيه انه يسوي اللي ببالك ابدا ..
سلطان .. وهذا اللي من جد اتمناه ..كل يوم يعدي اقول لازم اروح ابلغ الجهات الامنيه علشان تساعدني بالموضوع لاكني دايما مااتردد!!
عبدالعزيز .. لا لا تبلغ اول شي نحاول نعرف المقربين له واللي كان على اتصال هم نسألهم متى ااخر مره سمعوا عنه او شافوه ..ونحاول بنفس الوقت نعرف الاماكن اللي كان يتردد عليها وان شاء الله مايكون الا كل خير ..
سلطان .. اللهم اامين..والله انه حمل شايله بصدري مدري متى بتنفرج؟؟
عبدالعزيز..لاتحاتي وانا اخوك انا معاك لو تبي من بكره نطلع ونسأل ونشوف ؟؟
سلطان .. لا ماتقصر انا باتولى الامر بنفسي وانت خلك مرتاح وبنفس الوقت علشان ماتحس اختي هدى بشي
عبدالعزيز ..اللي تشوفه المهم انا جاهز لك بأي وقت تبغاه..
سلطان ..ماتقصر وانا اخوك هذا العشم بك ..** جلس يناظر الساعه ** يله الحين استأذن ..
عبدالعزيز .. ياساتر عليك على طول تمشي مافيه مقدمات؟؟؟؟وبعدين تبي اختك تفضحنا ..اقعد وتعشى معنا ..؟؟
سلطان .. لا وانا اخوك وش عشاه والله اني مشغول لراسي ..باطلع للمحل.احنا باخر الشهر لازم اروح اتابع جرد المحل مع العمال واجهز رواتبهم .
عبدالعزيز ..على راحتك والله يعيني على لسان اختك الحين ..
سلطان وهو يضحك .. قبل ساعه كانت حبيبه ..ومافيه مثلها بالوجود .. وش اللي تغير؟؟ ياقيس ابن الملوح
عبدالعزيز هههههههههههه وش قيس ابن الملوح.. قل "" التــــيــس الملوح"" يمكن تركب علي ..
سلطان ضحك على طريقته بالحكي وهو يستهبل .. والله اختي صايره قصاب مهيب عاقله هههههههههه بأروح لا تقصبني بعد انا ههههههههه.. سلم لي عليها اخاف ادخل عليها وتزن علي اقعد اقعد ..
عبدالعزيز ..يبلغ ان شاء الله وانت لاتنسى تبلغني باللي يستجد معاك بالموضوع..
سلطان.. صار ان شاء الله في امــان الله
عبدالعزيز .. في امــــــــــــــان الله..
.................................................. .................