الفصل 3
---:آلــــــــو
فيء:السلام عليكم
---:وعليكم السلام...هلا اختي من بغيتي
فيء:ممكن اكلم ريماس
---:لا مش ممكن انتي فيء
فيء:اي شيوووم(تستعبط يعني ماتفرق بالاصوات)
--:تبين اصير لك شيوم اصير ماعندي مانع
فيء:شيوم عن العبط عطيني ريماس ظروري
---:آسف
فيء:ليش ياحياتي(تبيه ينجن فوق جنونه)
---:ـــــــــــ
فيء:شكلك محد يقول لك كلام حلو
---:وش عرفك
فيء:هههههههاي
---:يالبـا الضحكه وصاحبتها
فيء استحت:شيوم(كذبت الكذبه وصدقتها) خلاص ماابي ريماس باااي
---:تعالي تعالـي اضحك
طووط طوووط طوووط
شاف مشاري اخوه....
--:مشاري بتروح والا لا
مشاري:لا عندي كليه وهذا الاسبوع كله امتحانات
هزاع:خلاص بتروح عليك
محمد:وين بتروح
مشاري وهزاع:بسم الله من وين طلعت
محمد:من بطن ام الجيران
هزاع يهبل في اخوه:روح بيتكم بابا بعدين تضيع
مشاري يكمل عبط اخوه:لبسه نعاله يمكن مايعرف
’محمد سمع كلمة نعاله(انتم بكرامه)سرررح
(البيبي قالت بدور وش دعوه هذي بدور مرت جاسم بروح اسئل البنات)وقام
هزاع:بابا وين رايح
ومشاري:ماما قالت بتجيب الخدامه
محمد:بروح عند الصبايا
هزاع:وش تبي فيهم
محمد:بسولف معهم ليش حرام
مشاري:لا مش حرام ,بروح معك
هزاع:وانت وش تبي
مشاري وقف:يمكن اسمعهم يسبون المدام ومافي احد يدافع عنها
محمد وهو يبتسم:من تعيسة الحظ
مشاري سرح(عائلة السرحان)
محمد وهزاع راحو وجاو ركض:صبو عليه مويه
مشاري صحصح ويصرخ:خير وش تبون
محمد وهو يضحك:قلي السالفه بس بدون سرحان(حاس فيه)
مشاري ابتسم وطلع برا البيت
محمد صعد فوق وهزاع ضحك وراح عند الاب توب
ــــــ******ــــــــــــ******ـ ـــــــ
محمد:هااااااااي بنات
ريماس:هايااات ...كيفك"بلبناني"
محمد:تمام وين شيماء
ريماس:ماادري..تبي شي(شافت في اخوها خاطره بشي)
محمد ضحك:اي وش عرفك والا ...انا مفضوح
ريماس ابتسمت:اي مفضوح آمرني كم حمودي عندي
محمد :واحد ههههاي
ريماس:ادري لاتتشقق اخلص وش تبي
محمد يسوي نفسه بريء:تدرين ياريماس امس تفشلت ماعرفت احد من عيال وبنات خوالي ابي تذكريني باساميهم
ريماس منصدمه:كلهم
محمد :ياليت اذا ماعندك مانع
ريماس خاطرها تقول اي عندي مانع بس استحت:لا وانا خدامة للغالين
محمد:يسلمو قولي لي بنات عمي سعود كم بنت
ريماس:عنيد بس
محمد:ياربي مااتذكرها(مايقدر ينساها مايحبها)
ريماس:اللي احذفتك بالحصا على رجلك
محمد يسوي نفسه يتذكر :اي قطع وهي ماتغيرت
ريماس وهي تضحك:لا خلاص عقلت وصارت حرمه
محمد خاف يمكن اهي:للحين متينه
ريماس:اي بس حلو جسمها
محمد زاد الاسئله:للحين تحب تلبس برمودا(يكذب يعرف ان عنود ماتحب )
ريماس:لا اصلاً ماعمري شفت العنود لابسه برمودا
محمد(اشوا ماطلعت الجنيه):وبنات خالي حمد
ريماس:فيء وميء
محمد:تغيروا
ريماس تذكرت لما صورت فيء ابتسمت:يعني فيء صارت بطه وميء لا ضعيفه بس قصت شعرها
محمد(فيء بطه يمكن ميء):للحين تحب تلبس برمودا(نفس السؤال)
ريماس انتبهت بس مااهتمت:لا صارت تحب التنانير الطويلة
محمد:شعرها لين وين قصته (ماعطته لاحق ولاواجب)
ريماس:لين نص كتفها مرت خالي تقول لها ارفعيه تقول تخيل ليش قصيته
محمد يرقع السالفه ضحك بدون نفس:ههه وخواتهم الثانين من امهم وش اساميهم
ريماس:مريم تزوجت
محمد منصدم لانه يتذكر لانه بنفس العمر:تزوجت
ريماس:اي عندها بنت شعوله وولد خليفه
محمد تذكر مشاعل:يحليلها عندها بنت كم عمرها وشلون شكلها
ريماس(زهقت هو تحقيق):صغيره وضعيفه تشبه شوق حيل
محمد(يمكن هذيك شوق):وش لابسه
ريماس:برمودا اسود وتي شيرت ابيض
محمد:شعوله هذي بس من البنت الي لابسه ثوب
ريماي وهي تضحك:لا الي لابسه برمودا شوق اي هذي شعوله
محمد:هم كم بنت
ريماس:ثلاث بقى ماقلت لك بدريه
محمد:اي وحده بدريه الي شعرها اشقر يوم كانت صغيره
ريماس:اي هذي..بس يشيخ جمال اي الي عليها
محمد ابتسم(اكيد اهي):للحين متينه(يسوي نفسه ناسي)
ريماس:هي ماكانت متينه اللي اذكرها ضعيفه وللحين ضعيفه
محمد:للحين تحبتلبس برمودا(اعادة السؤال)
ريماس انتبهت:خلاص كم مره سئلتني هذا السؤال
محمد يرقع:اذكر وحده من بنات خالي تحب تلبس برمودا
ريماس:اي صح بدريه اذكرها تحب
محمد:شفتي قايل لك امس وش لابسه
ريماس فتحت عيونها:خير وش تبي
محمد يرقع:عشان اشوف للحين تحب تلبس والا لا
ريماس:اي امس لابسه؟؟؟؟؟نسيت
محمد(الله ياخذ عدوك):بساعدك برمودا تي شيرت بادي ثوب فستان وش بعد
ريماس:اي برمودا وتي شيرت
محمد(مافي فايده لازم اقول من شفت):امس كاني شفت وحده لابسه برمودا ابيض وتي شيرت فيروزي من هذي
ريماس:وين شفتها
محمد:كانت مع بزر في الحوش من هذي
ريماس:بدريه بنت ساره
محمد:عيب عليك مرت خالي حمد
ريماس خافت فرقعت:ادري بس اذكرك قلت يمكن نسيت
محمد(شلون انسىاصلاً من يوم شفتها رجعت الذاكره):لامانسيت
يلا زهقت شكل شجرة العائلة ماانتهت (خذا الي يبيه)
ريماس تكلم امها:يما تكفين ابي اروح بيت خالي سعود
الام:لا يعني لا
ريماس:ليش زين العنود عازمتني
اام:انتي ليش ماتعزمينها عندنا كله عندها
ريماس:تقول بيتنا كله عيال وماتحب وانتي يما كان قلبتيهم بنات احلا
الام:استغفر الله يارب فارقي عن وجهي
ريماس:ارووح اتجهززززز
الام:لا انتي ماتفهمين عربي
ريماس:يمااا والله بروح,,,بنجن من البيت وفيء بتروح مب انا بروحي
الام(زهقت):روحي بس مالي دخل اقنع احد يوديك
ريماس وهي طايره من الوناسه:ماابي شكراً مام
الام عصبت ما تحب حد يقول لها مام:اذلفي انتي مامك ذي.
ــــــ*****************************ــــ� �ـــ
العنود:يبا انا عازمه البنات ابي تروحون عن البيت لو ساعه بس
جاسم ويعلي صوته:البيت بيتك وانا ماادري
الاب:جاسم...وش فيك عليها بنات يبون يأخذون راحتهم
جاسم:آآآآه يالقهر لو انا مش معزوم اليوم كان شفتي ..........
الاب طنشهم:نويصرررر نصـور نااااصر ووجع
ناصر وهو طالع من الفت:نعم يبا خيررر
الاب:جهز الاغراض والعهودات كلها وورقة الموقع بعد صلاة العشاء بنروح
ناصر:خلاص جهزها لي منصور وعلمني وش اسوي تتطمن يبا
العنود:ووناااااسه كل البيت بيروح
ناصر:خير هبله وشعندك
جاسم للحين مقهور:عازمه بنت عمتها شيخه الشيخة ريماااس وفيء
ناصر ابتسم:لاتنبسطين انا بقعد
العنود سوت نفسها ماسمعت وراحت تجهز عدة السهرة اليوم
ريماس:فيء ليش ماتروحين
فيء:اولاً من الي كلمني ادري شيماء
ريماس تناضر في الصاله:متى
فيء:من ساعه يوم كلمتك
ريماس:محد قال لي...لحظه لحظه شيوم انتي كلمتي فيء من ساعه يوم كلمتني
شيماء وهي تلعب بالريموت:لا
فيء:اجل من
ريماس ابتسمت وفيها ضحكه:اكيد ميشووو
فيء(آآآآه احلى مكالمه):المهم قولي لعنيد بروح السوق مع امي وخواتي
ريماس:كلكم حتى ميء
فيء:لا عندها امتحان وقاعده تدرس
ريماس:اجل بس انا وعنود وش ذي السهره(ماتدري وش راح يصير حزنتني اخبرها)
فيء:انبسطي ياشيخة يابنت شيخة
ريماس:اجل اذلفي
فيء:اوكي بااااباي
ريماس:باااابااي
ــــــــ*********************************� �ـــــ
---:كم مره قايل لك هذي العبايه ما تتطلعين فيها انتي ماتفهمين
---:جاااسم لاتصرخ مااني اصغر عيالك عشان تصارخ واذا انت مسوي فيها رجال روح ادب غيري مب انا فاهم
جاسم:انا رجال غصب عنك يازفت يابدور
بدور:اووووف العيشه معاك تقصر العمر<قامت>
جاسم مسكها من ذراعه بقوه والشرار يتتطاير من عيونه:من هو العيشه معاه تقصر العمر
بدور:انت بعد فيه غيرك
<جاها هذاك الكف الي خلاها تطيح على الارض من قوته قعدة تصيح..... جاسم طلع براء البيت ولا كنه سوا شي>
في نفس البيت ولكن في جناح ابعد من جناح جاسم وزوجته
العنود:ريماس عطيني البيبسي اللي وراك
ريماس وهي تقراء روايه بالجوال طرشتها ميء لها:لا
العنود:ريماس اخلصي علي عطشانه
ريماس:عطيني الشبس الي فيدك وعطيك
العنود لا انا قلت لك اشتري غير الي عندي بس انتي قلتي ماابي
ريماس ترفع بنطلونها:انزين اشتهيته الحين
العنود:يلا انقلعي
ريماس سوت نفسها مندمجه مع الفلم
العنود تناضر ريماس الي جالسه على طرف السرير والعنود تحت:يعني مع الفلم مندمجه
ريماس تبتسم ابتسامة خبث
العنود مندمجة مع الفلم الهندي
ريماس تأخذ الشيبس من العنود وتتطلع براء الغرفة بسرعة.<توقف>
في نفس الحظه
ابو منصور:ناصر ماحصلت ورقة الموقع
ناصر يدور:ماحصلتها....اي يبا في غرفتي(يتعمد ينساها)
الاب معصب:رح ركض خلصنا ياولد محد يعتمد عليك في شي
ناصر يبتسم ولا كانه يسمع كلام ابوه وراح يركض لان ابوه قال والله اكثر من 5دقايق ماتتوظف عندنا
ناصر يركض والعنود تركض بس ضربت رجلها الباب قعدت تصيح وريماس وهي نازله من الدرج اخر 4درجات نطت
دخل ناصر في وجها هي على طول غمضت عينها بيدها من الفشيله
ناصر <مسوي قيس> فتح ايدينه يبي يمسكها
ريماس مافكت يدها من على وجهه:قعدت تصيح
ناصر(ماعرف وش يقول):سوري والله قصدي على بالي اي انتي في العنود غرفه....العنود وين<فاضي يسأل>
ريماس مافهمت ونزلت تحت للحين تصيح
ناصر للحين واقف تذكر شكلها وهي تنط ضحك بصوت عالي
ريماس انزلت راحت غرفة الجلوس الي قريبه من الدرج انخشت
العنود وهي للحين تصيح تتوعد في ريماس شافت ناصر:انت وش الي جايبك
ناصر:ابوي قال لي اجيب اوراق له.انتي ليش قاعده على الارض
العنود:هين هين ياريماسوه الدبه
ناصر خذ الورقة وطلع بس وقف يوم لف حصل ريماس تصعد الدرج :ريماااااس
ريماس وقفت عن الحركه بس لفت تشوف من ناداها
ناصر:آآآآآسف مو قصدي
ريماس للحين واقفه منصدمه
ناصر:ادري زعلانه مني(وحدة من الربع)خربت عليك حركة طرزان بس تراها مو زينه يابنت عمتي اول مره احترقتي والحين تبين تنكسرين
ريماس مافي غير رموشها تبطل وتسكر
ناصر:ترا احنا نبيك اذا ماتبين عمرك<طلع وسكر الباب وخلى وراه انسانه توقف القلب لديها من شدة الاحراج
العنود وهي نازله تدور ريماس شافتها واقفة تتطالع باب الصاله:ادري حلو بابنا تصدقين جايبينه من ايطاليا
ريماس تتكلم بصعوبه:ال عن وود ماي ب بارررررد وطاحت
العنود تصرخ(كله تصرخ هالبنت):ريماااااس ريمااااااس وتروح تتدق على ناصر لانه اكيد قريب من البيت لانه توه طالع:ناصر الحق ريماا س ما ما اد ري
ناصر مافهم شي غير الحق عكس الطريق وبطلع باب الصاله
شاف وحده طايحه واخته شالتها بحضنها وتصيح راح جاب ماي بارد صب عليها <لاحياة لمن تنادي>
ناصر يكلم العنود:روحي جيبي عبايتها بسرعه
العنود راحت تركض نست آلام رجولها جابت عباية ريماس ولبست عبايتها
ناصر يصرخ :بسرعه العنود لبسيها
شالها ركبو السياره
واول ماوصل المستشفى خاص قريب من بيتهم صرخ دكتووووووور
راحو ركض الممرضات والدكاتره الطواري لمصدر الصوت الي هز كل زاويه في المستشفى شافو واحد شال بنت كانها جثه
ـــــــــ***********************ــــ� �ــــــ
راكان:تركي وينك الصوت يقطع عندي
تركي:في الاستراحه مع الشباب
راكان:متى بتجي؟؟؟
تركي:ليش
راكان:في مسألهQuiz(تطبيق)ماعرفت احلها
تركي:روح عند ناصر تراه شاطر في انجليزي
راكان:اوكي يلا باي قول مابي اساعدك
تركي:لا والله بس بعيد اهو اقرب لك
راكان:خلاص يلا باي
راكان يدق على ناصر طول لدرجة بغا يسكر بس سمع
صوت حزين:الو
راكان:من ناصر
ناصر:اي
راكان:وش فيك
ناصر:مافيني شي وش تبي
راكان:انت وينك
ناصر بخوف:ليش
راكان منصدم:في مسأله في الامتحان ابي تشرحها لي
ناصر:راكان اسف مشغول الحين يلا باي
راكان:باي(وش فيه نويصر والله فيه شي بطلعه من عينه السالفه)
ــــــــــ***************************ـ� �ــــــــــ
---:يما ماترررد علي
ام خالد:حاول ياهزاع
هزاع:يما ماترد دقي على البيت خالي
الام:مايردون
مشاري:دقي على جوال العنود والا فيء(غصب يدخلها)
الام وقابظ عليها قلبها:ووين شيماء
فيصل وهو داخل البيت:وديتها السوق مع مرت خالي حمد
الام:دق عليها خلها تعطيك رقم وحدة من البنات
فيصل:ليش يما وش تبين منها
هزاع وهو ماسك تلفون للحين يدق على جوال اخته:ماترد ريماس على جوالها والبيت بعد
فيصل دق على شيماء وخذ رقم العنود ودق عليها
في المستشفى
العنود تناضر ناصر:رقم غريب
ناصر:ردي.....لا لا عطيني ارد
العنود وهي تمد يدها لاخوها الي واقف:تفضل
ناصر:الو
---:الو من
ناصر:انت المتصل خير اخوي
---:هذا جوال العنود
ناصر:اي من انت
---:فيصل ولد عبدالله انت جاسم؟
ناصر:لا...ناصر خير وش تبي
فيصل:ابي اسئل على ريماس ماترد على جوالها
ناصر ماقدر يستوعب وش يقول والدكتور للحين ماطلع:خلاص بروح اودي الجوال لها انا انا براء البيت شوي وارواح اوكي
فيصل:اوكي استناك
سكر ناصر قعد على الارض حط يده على راسه ورجله دفن فيهاوجهه
العنود خافت وقامت لخوها:من وش فيك انت
ناصر والعبره ماسكته(بسببي احترقت وشافتني طاحت ويمكن...)
:انا السبب انـــــــــا الســـــــــبب
صرخ وقعد يصيح يصيح كانه طفل نظراته عتاب الدنيا خوف فقد الحبيب كانه طفل ضايع يبحث على من يطمنه
طلع الدكتور راحت رررراكض العنود:دكتور بشر وش فيها
الدكتور يناضر ناصر:انت اخوها
ناصر الي واقف بعيد شوي خايف يسمع شي مب زين:اي
الدكتور:ابي اعرف شنو الي صار
العنود وناصر:!!!!!!!!!!!!!!!
الدكتور:بصو هي جاتها صدمه يمكن حد مخوفها او شايفه شي مش كويس
العنود:انزين شخبارها
الدكتور:بصو هي الحمد الله بس لازم تقعد عندنا بكره العصر بخرجها اوكي
ناصر وهو مبسووووط:اوكي
الدكتور:اخوي رح بس ادفع الغرفه عشان نخرجها من غرفة الفحص
ناصر:ان شاء الله(لو تبيني ادفع رواتبكم الي في غرفة الفحص ماعندي مشكله)
العنود:ناصر لازم لازم تخبر اهلاها
ناصر طنش لاخته لاحق الدكتور:دكتور يصير نشوفها
الدكتور:اه لما تروح الغرفه
ناصر:شكرااااااً
العنود معصبه من اخوها:انت وش راح تسوي
ناصر:بقول لخوها فيصل انها تعبانه في المستشفى
العنود من الفرحة قعدت تصيح ظماها ناصر:العنود
خلاص هي الحين الحمدالله بخير
العنود وهي تشاهق:خلاص ماراح اعزمها اخاف تموت في بيتنا
ناصر(اصلاً انا ماراح اخليها تجينا):خلاص بوديك لهم كل ماشتقتي لها
العنود ابتسمت:الله يخليك لي يانصور ياوجه النحس
ناصر والعنود:هههههههههههههه
ـــــــــ************************ــــ ـــــــ
ام خالد:هلا يما ماكلمك
فيصل:لايما انت وش فيك كانك خايفه
الام:قلبي يعورني عليها
هزاع:يما تعوذي من الشيطان هذا وسواس
الام:اعوذ بالله من الشيطان الرجيم
مشاري:فيصل دق...دق على نصور
فيصل:اوكي
ناصر يناظر العنود ونظرات خوف:فيصل اكيد يسأل اقول له ماوصلت احسن صح
العنود:اي قول
ناصر:ماوصلت يارجال زحمه طريق
فيصل ابتسم:امي ذبحتني وش اسوي
ناصر:خلاص 5دقايق واوصل صاير حادث سادين الطريق
فيصل:خلاص اذا وصلت دق اوكي ماوصيك
ناصر:من عيوني.....مع السلامه
العنود:ناصر بروح اشوفها صحت اوكي
ـــــــــ****************ــــــــ ــــ
---:تعبت خلونا نستريح نشرب شي
ام فهد:اي والله هلكت ماتعبتو يابنات
بدريه:يمااا باقي ماخلصت
شوق:حتى انا يما وش راح نسوي
شيماء:انا تعبت انزين نشرب شي اقل شي
الام:انا بس ابي ماء
شيماء:حتى انا ابي مثل مرت خالي
بدريه وشوق:اوكي كبتشينو
دق جوال شيماء:الو
--:خلصتي
شيماء:لا بس انت وين
--:تحت عند البوابه
شيماء:ليش وين فيصل
--:في البيت قال لي...والا انا مش قد المقام
شيماء ضحكت:ههه لا بلعكس انت غيررر
--:هههه جده غير
شيماء:ههه لا محمد غير هههه
بدريه ابتسمت ورقص قلبها من داخل(ياحلاته صدق غير)
شيماء:انزين تعال ستار بوكس انا بروح
محمد:خلصتي
شيماء:اي خلصت بس شوق وبدريه مطولين
محمد سمع بدريه(لو ادري كان كشخت):يلا جاي اخذك لاتتحركين
شيماء:ليش
محمد يرقع<من عرفته وهو يرقع>:ابي اسلم على مرت خالي وبناتها بس استحي
شيماء:خلاص استناك اطلب لك شي تراه على حساب بدريه
محمد(احلى شي بشربه):اي كابتشينو بنكهة الفانيليا دام على الحساب
شيماء ضحكت:ههههه صدق بخيل وصكت الخط
شيماء:مرت خالي محمد يبي يسلم عليكم
الام:حياه الله يابنيتي
بدريه انصدمت:شوق قومي نروح نجلس بعيد عنهم
الام:والله وين عايشين تقعدون بروحكم
شيماء:بدريه ماراح يطول تعبان وانا بروح معه تعبانه
بدريه للحين واقفه:ليش
--:تقول لك خلاص تعبان< تعبان من شوق>
بدريه لفت مصدر الصوت وخقت صدق (هو بعيد واستخفيت الحين قريب)
محمد:السلام عليكم ورحمة اله وبركاته...شلونك مرت خالي
الام:بخير دامك بخير
محمد:شوق شلونك...بدريه شلونك
شوق وبدريه:الحمدالله....شخبارك انت<شوق الي قالت>
محمد:بخير دامكممممم بخير...وين الكابتشينو والا مش معزوم
الام:افا وانا مرت حمد حياك بنات ليش واقفين اقعدو(بدريه الي واقفه )
استحت بدريه جلست جنب امها
محمد يناضر بدريه الي صارت مقابلته وهي تناضر شيماء الي جلس جنبها وقعدو سوالف بعدين خذ محمد شيماء وراح
ــــــــــ*****************ــــــ� �
انتهى البارررررررررات الاول
&@%بداية البااااااارات الثاني:::
منصور:وين تبون تروحون ياعيال
فزاع:ملاهي
سعود:لا يبا انت قلت بنروح بعد المحاظره كورنيش
عهود:اي يبا نروح نمشي شوي
الام نوره:اي تعبنا 3ساعات وحنا قاعدين خلنا يازوجي العزيزنمشي
سعود:اي يبا تصويت الاكثر كورنيش
عهد:انا ابي الملاهي
الاب:انا بعد ابي الملاهي
عهود معصبه:يعني صرنا تعادل
الام:شرايكم نروح بيت اهلي
الاب:هههههاي شرايكم صدق
عهود:انامابي
سعود:انامابي
فزاع وعهد:اي اي ونااسه
الام:تعادل مره اخرى
الاب يضحك:ههههاي يالله ياعيال بوديم مطعم بحري يطل على البحر
الام:اي هذا الذوق ولابلاش
سعود:يالله توكلنا على الله
ـــــــــ******************ــــــ
_ _:حمدالله على سلامتك شخبارك الحين
ريماس:ليش وش صار
العنود:ماادري بس الي اتذكره تهاوشنا على الشبس وحصلتك طايحه في الدرج
ريماس تحاول تتذكر:اي تذكرت ناصر ك___
العنود:بستغراب وش فيه ناصر
ريماس:من جابني
العنود:ناصر
ريماس:خير شلون
العنود:شالك وحطك في السياره بس
ريماس:فشله
العنود:بقول لك شي بس لازم تعلميني السالفه
ريماس:اعرفك ام هلال<حرمه تحب الحكي> بتموتين اذا ماعرفتي وعلمتها السالفه
العنود تضحك بصوت عالي:ههههاي انا اقول ليش يصرخ ويبكي يقول انا السبب
ريماس:كذابه يبكي
العنود:والله وهو شالك دموع صرخت ترا ماقلنا لهلك
ريماس:دقو دقو ترا امي تلاقينها تحاتي طمنيها عنيد تكفين
طق طق طق<الباب>
العنود:مين
ناصر:ناصر...... تعالي شوي
العنود طلعت :خير وش فيك
ناصر:يلا بنروح
العنود:ليش والبنيه
ناصر يغني:<اغنية كاظم البنيه>
البنيه حلو تعاكس بي
الايد شكليته والخد بسته
هلا هلا هلا راحت تشتكي مني لجدها
العنود:سخيف اتكلم جد
ناصر:اهلها بيجون الحين
العنود:اوكي_انت ماراح تسلم عليها سلم<تغمز له>قبل اهلها يخربون عليك
ناصر:لا فشله عيب قصدي استحي
العنود تبي تحرجه:بطلت باب الغرفه:ريماس تقطي ناصر بيسلم عليك
ناصر فتح فمه وعيونه
ريماس تقطت:حياه الله
ناصر:حمدالله على سلامتك يابنت عمتي
ريماس:الله يسلمك ياولد خالي
ناصر:تامرين على شي ،العنود شوي
العنود وهي ماسكه ضحكتها:هلا باولد امي وابوي
ناصر:يلا امشي
العنود:بسلم عليها بجيك اوكي
ناصر<ليتني مكانك>:اوكي
ــــــــ**********************ــــــ ــ
الجميع عرف ان ريماس في المستشفى انتشر الخبر راحو زيارات
---:السلام عليكم ورحمة الله وبركاته
الكل:وعليكم السلام ورحمة الله وبركاته
ابومنصور:حمدالله على السلامتك يابنت اختي
ريماس والتعب باين عليها:الله يسلمك
ابومنصور:شلونك الحين...في شي يعورك
ريماس:لا الحمدالله بخير..شلونك انت ياخالي
ابومنصور:بخير دامج بخير......عسى ماشر وش الي خلاك تتعبين
ريماس(قالت للدكتور يقول ارهاق كذبت عليه قالت امي وبوي فيهم ضغط وسكر وقلب):ارهاق ياخالي من؟؟؟.....الدراسه
العنود تهمس لفيء الي تعرف السالفه:واااضح الشطاره
فيء بصوت عالي:هههههاي اي يعمي قول لها ريحي عمرك يتجيبين نسبه تقول لا برفع راس اهلي وخاصة خالي ابومنصور
ريماس تتطالع فيهم فاتحه فمها(هين ياثلاثي مرح)
العنود تهمس لميء عشان تكمل المسيره:تصدق ياعم..حتى يوم رحنا السوق قالت لابروح عن العنود عشان تشرح لي كم درس
العنود: تصدقون قلت لها خلاص ريماس خلينا نشوف الافلام قالت لا والله ماشوف لين اخلص ثالث ثانوي وارفع راس خالي
ابومنصور:بعدي والله .....وليش ماتسون نفسها
شيخة صرخت:لااااااا ويطيحون علينا مانبي نسبه
الكل:هههههههههههههههههههه� �هههههه
ــــــــ*******************ـــــــ� �ــ
الدكتور:السلام عليكم..... حمدالله على سلامة المريضة
الشباب كانو براء عند الباب:وعليكم السلام ..الله يسلمك
الدكتور يناظر ناصر:شلون شفت اختك الحين تحسنت
ناصر:ــــــــــــــــ
فيصل:دكتور سوري مغلط انا اخوها ويأشر على هزاع ومشاري وخالد وخالد يأشر على عبود ولده:هذا ولد اخوها
الدكتور يكلام ناصر:شنو صله القرابه اجل بينك وبين المريض
ناصر(يخوفي يقول لهم قعدت اصيح):مثل اختي واكثر
الدكتور:بس هذا مو سبب يخليكـــــ
ناصر يقطعة يعلي صوته عشان مايسمعون كلام الطبيب:تقدر تقول المدام قريب ان شاء الله
الكل صدمه مرت علهم وسكووووووووووت تاااااااااااااام
الدكتور يهز راسه :مبررررروك مقدماً وراح
ناصر ناظر شاف في وجه كل واحد سؤال يمكن اسئاله
حب يرقعها(شكل الترقيع في العائله يمشي):هدرجة ماشرفكم اكون نسيبكم
الكل:ــــــــــــــــــــ� �ـــــــــ
ناصر دق جواله(الحمدالله بنحاش):يالله عن اذنكم عندي كم شغله يدوب الحق عليها وتاخرت على الشباب في الاستراحه
ــــــــ********************ـــــــ ــ
---:يماا متى نروح عندي امتحان ابي اذاكر
الام تقصر صوتها:شوي ماراح تتطير المدرسه
ميء:يما وراك تقولين كذا مو انتي تقولين شدي حيلك
الام:خلاص هونت عقب ريماس
فيء:ميووو مياوو وش فيج
ميء:مادرست عندي اختبار بكره اقول شكلي بكلم واحد من الاعيال
فيء:خلاص بروح معك....تبيني اكلم
ميء:اي بس مب هنا يعني روحي اي مكان بعيد عن امي
فيء:روحي انتي
ميء:امي بتعرف اني قلت لك بعدين
فيء:اخاف اروح بروحي
ميء:اطلعي قولي مافي ارسال وقولي بنزل تحت ميء تعالي
فيء:يمااا ماام بنزل تحت مافي ارسال ابي اكلم صديقتي
مشاعل:كلميها بعدين
فيء:ابيها ضروري تجيب لي اوراق مهمه للاختبار لانها بتسافر
العنود:من هذي
فيء:ماتعرفينها هي صديقة ميء اختها
الام:لا بعدين كلميها
فيء:يماا بتسافر بعد ساعه لازم لازم ترسل الاوراق
الام:بس لا تتاخرين زين
فيء:اي ان شاء الله ...ميء تعالي معي اخاف
ميء:اوكي
طلعو من غرفة ريماس حصلو الشباب واقفين والشيبان
فيء خافت:ارجعي ارجعي خلاص هونت روحي بروحك
ميء:تكفين يافيفي كملي طريقك
فيء وهي بتلف سمعت:على وين يابنات
ميء:بنروح اا ال الكفتيريا
ابو منصور:لا تتاخرون وانا خالكم
ميء:ان شاء الله ياخال
علي زوج مريم:بروح لهم مب زين بروحهم
مشاري(بكحل عيني بشوفتها ):استريح برون لهم انا ابي امر الكفتيريا احد يبي شي
الكل:سلامتك
ميء:بغيت امووت يافيء اخر مره اروح معك مكان بروحنا
فيء:ليش ماصار شي بس انتي خوافه
ميء:انزين كلمي لاتاخرينا
فيء وهي تدور في الشنطة طاح منها دفتر صغير
ميء:بروح اشتري نسكافيه تبين
فيء وهي بتقعد على كرسي:اي
ميء:كلمتي
فيء:مافي ارسال وش اسوي
ميء:بروح اجيب الطلب
فيء ارفعت راسها تشوف من واقف قدامها شاب لابس برمودا زيتوني على تي شيرت بيج حزام بيج كبوس زيتوني:نعم اخوي في شي
الشاب رفع يده وعطاها الدفتر:هذا ط
---:من هـــذا ياحيوانه
فيء:مشاري؟؟؟؟هذا د........
جاها كف ومسكها من ذراعه بقوه مشاري يصرخ:وين اختك
ميء وهي جايبه الطلب شافة مشاري ماسك اختها وشكله بركان منفجر:مشاري وش السالفه
مشاري وللحين ماسك فيء الي تحاول تشل يدها:امشي قدامي بسرعه
ميء:ان شاء الله بس فك يد فيء حرام عليك
مشاري وهو يدز في على ميء انتثر الكوفي على يد فيء وصاحت الم وبكى القلب من الحبيب:ياحيوانه امشو قدامي على السياره
ـــــــــــــــ******************** ***ـــــــــ
العنود:ريماس متى بتطلعين
ريماس:وش عرفني
العنود:الدكتور امس قال اليوم العصر يطلعك الحين المغرب
ريماس:خليني كذا مرتاحه....دقي على فيفي عبدو(فيء)تأخرت
العنود مسكت جوالها ودقت:ماترد يمكن حطته على السايلانت
ام منصور:نوره يمك دقي على بدور قولي لي اذا مطوله خليها تطرش السايق
نوره:ان شاء الله عمتي
شيخة:بدري يامرت اخوي
ام منصور:بدري من عمرك...بنشوف اشغالنا
عهد:حركات جده بزنز ومن
البنات ضحكو العجز مافهمو
ام فهد:بنات كلمو خواتكم تاخروا
شوق:ان شاء الله
يدق جوال شيخه:الو
---:من
شيخه:مشاري وش تبي
مشاري:يما...قولي لمرت خالي البنات وديتهم البيت
شيخه:ليش وش معنى انت
مشاري:يا يما ميء(مانطق اسمها عشان يقهرها) وراها امتحان وتركي قال لي
شيخه:دير بالك عليهم تراهم مثل خواتك
مشاري(تخسى تكون مثل اختي):ان شاء الله مع السلامه
شيخه تناضر مرت حمد:البنات راحو البيت مع مشاري
ام فهد:ليش
شيخه:البنات وراهم امتحان وتركي قال لمشاري وش فيك هذا اخوهم
ام فهد:يعلم الله اني اعتبره مثل واحد من عيالي
شيخه:ماتقصرين ويرجع لك سعود بالسلامه
الكل:ان شاء الله
ـــــــــــــ**********************ـ ـــــــ
مشاري نزل البنات وحرك بعد10 دقايق لما تاكد انهم دخلو
فيء راحت ركض غرفتها وقعدت على السرير تبكي
ميء:فيء خلاص اهدي لاحد يجي ويشوفك تبكين
فيء تصيح بالم بحزن بفقد الحب والحبيب والثقه
ميء:فهميني وش صار
فيء تعيد شريط السالفه وتذكرت لما عطاها كف وصاحت بعالى صوتها:جباااان ماخلاني افهممه السالفه وتصيح
ميء مافهمت:خلاص خلاص الله ياخذه وتدعمه سياره لا لا شاحنه مافي امل يقوم منها
فيء صرخت:حراااام عليك هذا ولد عمتك بس الله يسامحه وتصيح
ميء(بعد كل الي سواه فيك ماتبين ادعي):مرده بيعرف الحقيقه
ــــــــــ**************ــــــــ ـــ
---:صحيح الخبر
ناصر:اي خبر ياابن عمي
راكان:بتاخذ بنت عبدالله
ناصر:لا بس ارقع
راكان:وش ترقع وش تخلي
ناصر:قال كل الي في قلبه لصديقه راكان
راكان وهو يضحك:حب اي هذا ولا حب ريا وسكينه
ناصر:هههههه الله يقطع ابليسك وش ذا على بالي بتقول وضحى وبن عجلان ولا عنتر وعبله من هذوالا
راكان :هذوالا وجيهم مش منحوسه هههههههه
ناصر يسوي نفسه زعلان:اشرها علي اني خبرتك لو قايل لمحي الدين سايقنا كان احسن منك
راكان:ههههه عشان يقول لك انت حب واجد فلفل
ناصر وراكان:ههههههههههههههههها� �ااي
ـــــــــــــ**********************ـ ــــــ
طق طق طق (الباب)
مشاري:من
--:خالد ممكن ادخل
مشاري<وليي شنو يبي هذا بعد>:دش دش البيت بيتك
خالد:وش فيك ليش ماتعشيت اخليهم يجبون لك عشاء
مشاري(وين لي نفس وانا شايفها تخوني):لا مشكور
خالد دخل وصك الباب وجلس على طرف السرير:وش فيك ياخوي
مشاري:قلت لك مافيني شي(لازم ارقع عشان مايشك)بقولك بس لاتقول حق حد
خالد ابتسم:افا وانا ولد عبدالله وابو عبدالله قول ياعزوتي
مشاري(وش اقول):هذا واحد من الربع في الكليه ابوه جابره على بنت خاله وهو مايبي وقال لنا ساعدوني بس
خالد منصدم:بس هذا السالفه تخليك كنك وسكت
مشاري:تخليني شنو
خالد:ولا شي بس قول لرفيقك يكلم ابوه بلين ان شاء الله يرضا
واذا اخذها ان شاء الله مع العشره يمكن يحبها
مشاري ولا كانه سمع شي: تخليني شنو
خالد:شوف وجهك بالمنظره ثم بتعرف مايحتاج اقول<وطلع
مشاري قام وقف عند المنظره شاف جرح على خده الايمن ينزف
تذكر يوم نزلهم فيء قعدت تصيح ونزلها بالقوه دزته وبظفرها جرحته...من تفكيره ماحس بالالم بس يوم ذكره خالد حس بحراره تولع في خذه وقلبه وصدره كل جسمه من القهر
ـــــــ********************ــــــــ ـ