Part 24 (النهاية)
سيدرا ابتسمت…
والكلام بينهم كان كفاية.
بعدها بفترة صغيرة…
اتخطبوا.
الأيام بدأت تعدي بسرعة…
بين شغل وتحضيرات.
الشقة كانت لسه فاضية…
بس مع كل حاجة كانوا بيجيبوها،
كان المكان بيبقى أدفى.
سيدرا كانت بتختار التفاصيل…
وحازم كان بيسيبها على راحتها،
بس كل شوية يدخل يقول رأيه… ويتخانقوا خناقة خفيفة ويرجعوا يضحكوا.
في الشغل…
اسم سيدرا بقى معروف.
قضايا ناجحة ورا بعض…
والصحف بدأت تتكلم عنها.
"المحامية الشابة اللي قلبت موازين قضايا كبيرة."
حازم كان واقف بعيد… بيتفرج عليها.
مبسوط…
وفخور.
وساعتها خد قرار.
في يوم…
دخل المكتب وقال:
"من النهارده… مفيش كريم الدهشوري."
سامي رفع حاجبه:
"نعم؟"
حازم ابتسم:
"اسمي الحقيقي حازم… ووقته يرجع."
سيدرا بصتله وابتسمت…
وكان واضح إنها واثقة فيه.
ياسين بقى جزء من الفريق…
وسامي كمان.
والأربعة بقوا فريق واحد.
يوم الفرح…
كان بسيط.
مش زحمة…
بس كله راحة.
حازم واقف مستني…
وسيدرا دخلت.
عيونه عليها بس.
قربت منه…
وقال بهدوء:
"متأخرة."
سيدرا ابتسمت:
"كنت بتأكد إنك مستاهل."
حازم ضحك:
"وطلعت مستاهل؟"
سيدرا بصتله وقالت:
"أكتر مما كنت فاكرة."
واتجوزوا.
بعد فترة…
في نفس المكتب.
سيدرا قاعدة بتقرا ملف جديد…
رفعت عينيها وقالت:
"قضية تقيلة."
حازم ابتسم:
"إحنا قدها."
سامي:
"كالعادة."
ياسين:
"يلا نبدأ."
سيدرا ابتسمت وقالت:
"على هامش القانون…"
سكتت لحظة…
وبعدين كملت:
"إحنا اللي بنكتب القانون."
✨ النهاية ✨