Part 23
بعد مرور شهر…
سيدرا كانت هي المحامية اللي اترافعت عن والد ياسين…
وبالفعل، الحكم طلع أخف من المتوقع.
القضية خلصت…
بس حاجات تانية لسه بتبدأ.
في المكتب…
كان هادي.
سامي وياسين مشيوا…
وفضلوا سيدرا وحازم بس.
سيدرا كانت قاعدة على مكتبها بتقلب في ورق…
وحازم واقف عند الشباك كعادته.
سيدرا من غير ما تبصله:
"واقف كده لي؟"
حازم:
"مفيش."
سيدرا رفعت عينيها:
"لا في… من ساعة القضية ما خلصت وإنت مش طبيعي."
حازم لف وبصلها:
"أنا طبيعي."
سيدرا قامت وقربت منه:
"لا مش طبيعي."
سكتت لحظة وبعدين قالت:
"مالك؟"
حازم بص لها شوية…
وكأنه بيقرر يقول ولا لأ.
بعدين قال:
"مضايق."
سيدرا:
"من إيه؟"
حازم اتنهد:
"من نفسي."
سيدرا باستغراب:
"ليه؟"
حازم قرب خطوة وقال:
"علشان كل مرة بشوفك بتتكلمي مع سامي… أو ياسين…"
سكت…
سيدرا رفعت حاجبها:
"وبعدين؟"
حازم بص في عينيها:
"بتضايق."
سيدرا ابتسمت بخفة:
"غيران يعني؟"
حازم بصراحة:
"آه."
سيدرا اتفاجئت شوية… بس ما بينتش.
سيدرا:
"ليه؟"
حازم:
"علشان أنا مش شايفك مجرد شريكة شغل."
سكت لحظة…
وبعدين قال:
"أنا بحبك يا سيدرا."
المكتب سكت…
سيدرا ما ردتش فورًا.
بس عينيها عليه.
حازم كمل بهدوء:
"حاولت أتجاهل… حاولت أقول إن ده شغل…"
ابتسم بسخرية:
"بس واضح إني فشلت."
سيدرا سكتت شوية…
وبعدين قالت بهدوء:
"وأنا؟"
حازم:
"إنتي إيه؟"
سيدرا:
"شايفني بحبك؟"
حازم قال بصراحة:
"حاسس… بس مش متأكد."
سيدرا ابتسمت ابتسامة خفيفة…
وقربت منه خطوة.
وقالت:
"أنا كمان مش شايفة حد غيرك."
حازم عينه وسعت شوية.
سيدرا كملت بهدوء:
"بس…"
حازم:
"بس إيه؟"
سيدرا:
"إحنا مش لوحدنا… في شغل… في مشاكل… في ناس حوالينا."
سكتت لحظة:
"لو ده هيأثر علينا… يبقى بلاش."
حازم قال بسرعة:
"مش هيأثر."
سيدرا بصتله شوية…
وبعدين قالت:
"طيب… نسيبه يمشي بهدوء."
حازم ابتسم:
"يعني؟"
سيدرا ابتسمت وقالت:
"يعني نشوفه رايح على فين… من غير ما نبوظه."
حازم ضحك خفيف:
"اتفقنا."