الفصل 8
البارت الثامن -
صحت من النوم وانصدمت لما شافته نايم جنبها ..
كيف م حست فيه لما انسدح جنبها ..!
يمكن من تعبها ماحست فيه ..
تجاهلت افكارها ..
و قامت بهدو ودخلت الحمام - وانتوا بكرامه - توضت ..
وفرشت سجادتها وصلت صلاه الفجر الي فاتتها ..
بعد مانتهت بدلت بجامتها ببجامه سودا واسعه ..
اريح لظهرها وكتفها الي مجرح ومملؤ كدمات ..
وقفت قريب من التسريحه تعدل شعرها المبعثر ..
بس م قدرت ترفعه من الم كتفها وبعد محاولات ..جمعته ع جنب وسوته جديله عشوائيه وصلت لاسفل بطنها ..
ناظرت فيه كيف نايم ومرتاح وتنهدت ب قهر ..
نايم و مرتاح م يشكي وجع وهي عكسها وبسببه ..
رفعت يدينها ودعت ربي يفرجها عليها ويريحها ..
سحبت نفسها و جلست ع الكنبه تفكر بحالها ..!
دمعت عيونها بهالذكرى اهلها واخوانها وحياتها ..
وضلت تتذكرهم وتبكي لحد م غفت عيونها ..
- بعد ساعتين -
صحى ..،
ناظر مكانها بس م كانت موجوده ..
ولما وقف شافها نايمه ع الكنبه وواضح بعيونها الدموع ..
تركها واتوجهه للحمام واتوضا وصلى صلاه الفجر ع سجادتها ..
جلس يستغفر بعد صلاته وشوي وفز وقرب منها ..
: رغد رغد
صحت ولما شافته بطوله واقف قدامها تذكرت امس وبخوف : والله كنت .. انا .. هي
ضاري تركها و بجمود سحب صندوق الاسعافات من ع التسريحه ..
ضاري : لازم احط مرهم ع ظهرك
رغد باندفاع والخوف مازال مسيطر عليها : لااااا انا احطه
ضاري رفع حاجب : كيف ..!
رغد بدون م تناظر فيه : انا احطه ب اقدر
ضاري كان يعتقد ان رفضها خجل منه ..
بعكس الي كان بخاطرها لانها كانت خايفه منه ..
وكانت متوقعه يضربها ويستمتع بالمها ..
ويرقص على جروحها ..
م اصر عليها وتركها و ترك الصندوق عندها ..
: لاتنسين تحطين
وخرج وقفل الباب بقوه بعده ..
لدرجه انها اهتزت الفازه من قوه قفله للباب ..
شهقت بخوف ورعب من صوت الباب ..
و بعد ماخرج اخذت الصندوق ..
وشافت اغراض كثيره م بينهم الا مرهم واحد ..
عرفت انه هو اخذته وقفلت الباب وفسخت بلوزتها ..
وحاولت تحط حاولت بس م قدرت كل ما تحركت تالمت بقوه ..
رمته ع الارض وبكت لعجزها عن مداوه نفسها ..
قلْ للحّزنْ آلليّ سّكَنْ بِ آطرَآفْ كَليّ يسّتكَينْ
قِله خلآصّ . . وآلله خلآصّ*
مَآ عّآدَ | تغرّيني‘ آلحّيآة*
مَآ عّآدَ يغرّيني‘ (فرحّ ) !
مآ عِدّت افرآحّ بـ : آلقـآ
مآ عِدّت بـَ |
....... عّيونْ آلحّيآة جّنونْ*
وّ وّ وّ ضحكَآتّ وشغّبْ ..*
أنْآ غدّيتَ بـّ عّينهآ طفّله ولعَثمّها 0آلحّـزنْ ،
طفّله ( مّمزوجَة ) بـِ / وجّعَ =(*
طفّله تبيّ تنطقَ "حِـلمّ" ومَآتتْ آلكَلمّة جّفآء ،
مّآتتْ حـّزنْ*
مّآتتْ وجّـع
**
--
- بعيد عن اراضي الوطن -
- وبالتحديد ب انطاليا -
جالسه ع الشاطئ بعيد عن البنات ..
ورجولها بالمويه تحركهم بعشوائيه ..
كيف كنا وكيف صرنا ..!
كنا بيت صغير يلمنا نجتمع ع الغداء والعشاء ..
رغم بساطته الا انه لذيذ وما ينسى ..
بعكس الحين م صار لشي طعم ..
مع اننا صرنا بقصر ااشر ويجيني الي ابي ..
بس ما ابيه ابي اهلي ابي امي وابوي ..
تنهدت وهي تردد : الله يرحمهم الله يرحمهم
فزت على صوت يقترب منها ..
: مم لا م بقولك مين ، ان شاء الله بخطبها قريب ، تسلم تسلم ، يلا اجل م اشغلك معسلامه
بدون م تلتفت عرفت الشخص الي يتكلم ..
وقفت ومشت باتجاهه البنات ..
بس صوته وقفها ..
: شهد
التفتت له : نعم ..!
: انتظري شوي
شهد : تبي شي ..!
سطام : ينعم عليك بس كنت ابيك بموضوع
شهد : تفضل
سكتت شوي : امم ولاشي بس فيه واحد خطبك وكذا وكنت بسالك اذا موافقه او لا
شهد احمرت خدودها الواضحه من لثمتها : تاخذ موافقتي بصفتك من ..!
سطام ب ابتسامه : بصفتي ولدعمك وولي امرك
شهد : ولي امري اخوي الله يطول بعمره بعدين مو موافقه ..!
سطام : بدون م تعرفين مين هو ..!
شهد : م يهمني من كان اخواني اهم
سطام بنفس ابتسامته : بتظلين جنب اخوانك وان شاء الله توافقين اذا عرفتي من يكون
شهد عصبت من ثقته : ماشاء الله مره واثق اني باوافق
سطام : والله الواثق منه انك بترفضين بس تاكدي ي شهد انك اذا ما وافقتي بتخسرين الكثير
شهد بنظرات غريبه للارض : هه م عندي شي اخسره اكبر خسارتي راحوا ومابقى لي الا اخواني
سطام : ان شاء الله بيعوضك عن كل شي
شهد خزته : شكلك مرهه تحبه وواثق فيه اذا تحبه وواثق فيه زوجه تسنيم
سطام اطلق ضحكه قويه ..
لفتت انتبهه كل الي حوالينهم ..
سطام وهو يضحك : استغفرالله استغفرالله استغفري
شهد عقدت حواجبها : ليش قلت شي غلط ..!
سطام لما شاف ندى اتجهت لهم : لا سلامتك يلا لنا لقاء قريب ان شاء الله
ومشى عنهم متجهه لشباب ..
وندى سحبت شهد معاها ..
ندى ب ابتسامه عريضه : وش فيه الاخ يضحك كذا ..!
شهد : الله لايبلانا اخوك انجن
ندى بضحكه : لييش ..!
شهد حكت لها الي صار ..
ندى بضحكه قويه : وهو صادق استغفري
شهد : ليش ..!
ندى : م يصير اخ يتزوج اخته
شهد فاتح فمها ع الاخير : هاهه
ندى ب ابتسامه : والله
شهد مشت عنها للبنات ووجها احمر من الخجل ..
ما توقعت انه كان يقصد كذا ابد ..
يعني كان يقصد نفسه ..
**
--
قررت تهزم خوفها وتطلع من غرفتها ..
نزلت الحديقه ودخلت الغرفه الي بالحديقه ..
فتحت الباب بقوه و فتحت النور بخوف وحذر ..
رفعت يدها ع فمها و خشمها تحجب الغبار عنها ..
ناظرت بالمكان كان شنط سفر تقريبا خمس شنط ..
مفتوحه ومنثوره بعشوائيه واهمال والغبار مغطيها ..
وقفت تناظرهم مستغربه ..
كانت الشنطه 1 و 2 ..
ملابس طفله بعمر 5 او 6 سنوات ..!
والشنطه الثالثه ..
العاب مختلفه بلون واحد وهو الرماني ..
والشنطه الرابعه ..
فلاتات و سبورات لطفله - وانتوا بكرامه - ..
والشنطه الخامسه ..
كتب تلوين واقلام واوراق مختلفه ومتعدده ..
ناظرت فيهم متعجبه ومستغربه لمين ي ترى ..!
قطعت تفكيرها بسرعه م تبي تفكر بشي ثاني ..
وقفلت النور وبسرعه خرجت وقفلت الباب بعدها ..
شافت عند الباب سكيت رول اسود متغطي بالغبار ..
فرحت بشكل لما شافتاه ونزلت منها دمعه ..
لما تذكرت اخواتها ولعبهم مع بعض وتعليقات ابوها ..
مسحت دمعتها وهي تحاول تنسي نفسها ..
واخذت السكيت رول بسرعه ووقفت عند الدرج ..
نفضت عنه الغبار و نظفته ولبسته وهي فرحانه ..
متناسيه الوجع والجروح والكدمات الي بظهرها ..
رغم قفسوه الدنيا عليها الا انها متمسكه بروحها الطفوليه ..
وقفت تتزلج ببممرات الحديقه مستانسه ..
من زمان م استانست كذا و فرحت بهالشكل ..
صعدت المساحه الطويله المنحدره بجانب الدرج ..
و هي تضحك : 1 . 2 ... 3
وبوناسه : ياااا هههههوووووو
بس بنهايه المنحدر صرخت : بعععد عني
بس م اهتم لتحذيراتها و اصطدمت فيه ..
طاح ع ظهره بقوه وهي طاحت عليه ..
صرخت بالم من ظهرها ومن طيحتها ..
وبعد فتره جلست بوجع وفسخت السكيت ..
ناظرت فيه وكان عاقد حواجبه والواضح انه يتالم ..
: فيك شي ..!
وشدته من كتفه عشان يجلس ..
ضاري قفل عيونه بقوهه : آه كككككتفي
رغد بخوف : والله نبهتك بس م سمعت لي
ضاري وهو مقفل عيونه : ساعديني اوقف
رغد هزت راسها بالايجاب : ط ط طيب
مدت يدها له وحاولت توقفه ..
وهي تحس ان ظهرها بيتمزق من الالم..
حاولت اكثر من مره يوقف ..
بسس هو ثقيل ب النسبه لها ..
عقدت حواجبها : م اقدر انت ثقيل
ضاري : طيب ادخلي وبنادي البودي قارد
رغد وقفت بصعوبه : طيب
دخلت وجلست بالصاله بخوف ..
وهو اتصل ع البودي قارد ..
وبثواني : امر استاذ
ضاري بوجع : ساعدوني اوقف
: ان شاء الله
ووقفوه و ساعدوه لحد م دخل القصر ..
اول م شافته دخل ركضت له : كيف كتفك ..!
ضاري بدون م يناظر فيها : شويه وجع وبيروح بس جيبي لي مسكن
رغد وقفت وبرجاء : الله يخليك روح المستشفى
ضاري وهو راص ع اسنانه : رغد روحي جيبي المسكن
رغد نزلت دمعتها : والله م احب احد يتالم بسببي والي يعافيك روح
ضاري بصراخ : والله لو م تروحين تجيبين مسكن وانتي ساكته ان تشوفين شي م يعجبك
رغد سكتت وبسرعه جابت مسكن وكاس مويا ..
وناولتهم لضاري الي شربهم وانسدح بمساعدتها ..
ضلوا فتره جالسين و بهدو و كلن يفكر بهمه ..
قطع صمتهم : جيبي لي الجوال
رغد وقفت : ان شاء الله
وجابت له الجوال من ع طاوله المدخل ..
اخذه منها واتصل : الو . دكتور . لو سمحت ابيبك تجيني الحين . ان شاء الله . معسلامه
وخلال نصف ساعه حضر الدكتور ..
: ا.ضاري
ضاري : ادخل ادخل
دخل : وش فيك استاذ ضاري
ضاري : كتفي
: شلت شي ثقيل او رجعت للاثقال
هز راسه بالنفي : بس طحت عليها
الدكتور : ي استاذ ضاري تعرف ان الخلع يرجع عليك كل فتره بسبب اهمالك واذا تكرر مره ثانيه بيعيق حياتك الطبيعيه
ضاري بالم : طيب وش اسوي الحين ..!
الدكتور : لازم تنتبهه ع نفسك يمكن المره الجايه تتاج لعمليه وجبس و بتعيق حياتك اليوميه
ضاري ب استسلام : طيب والحين
الدكتور : بعطيك مرهم و ان شاء تتشافى بس استمر عليه
ضاري : ان شاء الله
الدكتور : تحتاج شي ثاني
ضاري : سلامتك بس وصي البودي قارد اسماعيل ع المرهم يجيبه لي الحين
الدكتور : ان شاء الله
ضاري : مشكور
الدكتور : العفو
خرج الدكتور ..،
وياسمين دخلت لضاري ..
: وش فيك ي اخوي ..!
ضاري : ولا شي بس رجع الخلع الي بكتفي
ياسمين : كله من هالعله رغد اكيد م تهتم فيك
ضاري بصراخ : يييييييياسمين
سكتت برعب من صوته ..
وانسحبت من الصاله ..
رغد كانت تستمع لهم وخايفه ..
ومن سمعت صراخه رجعت غرفتها ..
وقفلت الباب وتنهدت براحه ..
م تبي احد ينضر بسببها ..
بس ارتاحت شوي لما سمعت ..
انه هذي المره مو اول مره ينخلع كتفه ..
**
--
رمى الحاف عنه وهو يسمع جواله يرن من فتره ..
رفع الجوال وانصدم من عدد المكالمات ..
ثلاث وعشرين مكالمه متتاليه ..
وكانت كلها من حمد ..
عاد الاتصال ع حمد الي رد بسرعه ..
: حمد شو بلاك - وش فيك - ..!
حمد : م تسمع تلفونك من ساع اتصل عليك - م تسمع جوالك من ساعه اتصل عليك - ..!
سيف : امس نمت متاخر وماحسيت بالتلفون
حمد : م عليه بس بمرك الحين
سيف : حياك ي ابو سالم
حمد : يحييك يلا دقائق وانا بويهك - بوجهك -
قفلوا من بعض ..
حمد اخذ اوراق معاه ..
وخرج من البيت واتجهه لسيارته ..
وسيف اخذ له دش سريع ..
ولبس بنطلون اسود ..
وتي شيرت بيج ..
دخل المطبخ وسوا قهوه ..
ورتب فناجين بصحن ونزلهم بالصاله ..
وفتح الباب لحمد ..
سيف : تفضل
دخل حمد وسيف وجلسوا ..
حمد : عندي لك خبر يخبل - يعني جميل -
سيف ب اندفاع : شو هو ..!
حمد : عرفت شو ابوك يشتغل
سيف ب اندفاع : شششو
حمد : الي عارفته انه ريل اعمال - رجل اعمال - معروف بعد
سيف : ابوي انا ..!
حمد : هيه ابوك - ايه ابوك -
سيف كان مصدوم ..
ابوه رجل اعمال ومعروف ..
ولا يسال عنه ولا يهتم فيه ابد ..
سيف بعد دقائق من الصمت : انا لازم اروح السعوديه ب اقرب وقت
حمد : شو بتسوي
سيف : باروح واسال ابي اقابله اعطيه الامانه والا هو مو هامني
حمد : هذا ابوك ي سيف
سيف بحده : ليش م يسال عني ..! ليش م يهتم فيني ..! ولاكاني ولده بس عشان خاطر امي رحمة الله عليها
حمد يبي يهدي الامور : يمكن معاه عذر
سيف : مافي عذر يبعده عن ولده
ووقف ..،
: انا بجهز حالي الليله وبروح بر منها اسال عن ابوي ومنها اشوف مساعد
حمد وقف : وانا معاك
سيف : لا ي حمد لا تودر - لاتترك - شغلك وكلها يومين او اسبوع وراجع لك
حمد : واللـ ..
سيف ب اندفاع : حمد لا تحلف والله م تيي - تجي - معاي
حمد : الله يهداك اصلا انا اصلا باخذ ايازه - اجازه -
سيف : تهنا ب ايازتك - اجازتك - ي رَيال مع الاهل
حمد : الله معاك وانتبهه ع عمرك
سيف : ان شاء الله وانت بعد انتبهه ع عمرك
حمد : ان شاء الله
وتوادعوا من بعض ..
حمد خرج متجهه لعمله ..
و سيف راح يجهز شنطته ..
لانه عزم يمشي الليله لسعوديه ..
**
--
تناظر بحركات البنات ولعبهم ..
كانت شهد و ندى جالسين ويسولفون ..
وتسنيم وساره يمشون و الثلاثي المرح يستهبلون..
ام ثامر : بسم الله على شهد عقل وادب كامله والكامل الله
ام مناف : اي والله انشهد
ام ثامر : والله اني افكر اخطبها ل ثامر
ام مناف : ماشاء الله زينه البنات تستاهل ثامر و ثامر يستاهلها ماشاء الله عليها
ام ثامر : الله يسر
ام مناف : امين ي رب
وسكتوا على اقتراب تسنيم منهم ..
الي جلست بجنب امها بهدو ع غير عادتها ..
ام سطام : تسنيم فيك شي ..!
ام مناف : وجهك شاحب عسى ماشر ..!
تسنيم بهمس : مافيني شي
سكتوا مستغربين حركتها ..
وهدوها اللي ع غير العاده ..
نزلت راسها ع فخذ امها بهدو وراحه ..
وقفلت عيونها مبحره في بحر افكارها ..
ي ربي الاقيها من افكار ساره المجنونه ..
والا من الالم اللي م اعرف وش سببه ..
ي ربي ي حبيبي خفف المي الي يزيد ..
ي رب لاتفجعني ب نفسي ي رب ي رب ..
وغفت ع افكارها بدون م تحس بنفسها ..
او بسواليف و صراخ الي حوالينها ..
**
--
طلب اميره تجي ..
بس مر وقت طويل وماجت ..
اتصل ع الاستقبال : وين اميره ..!
مها : ماداومت
تركي : والصبح داومت ..!
مها : لا ماداومت ب شفت الليل و لاشفت الصباح
تركي شكرها وقفل ..
وبسرعه اتصل ع تليفون الشقه ..
مره ومرتين وثلاث بس مافي اي رد ..
وقف ونزل بسرعه وضبط مواعيده لصباح بكره ..
و ماهي الا دقائق وصار يرن جرس الشقه ..
الي م انفتح طلع مفتاحه وفتح ..
وهو ينادي عليها ويدور عنها ..
بس مافي استجابه ..
: مو بالمستشفى ولا بالشقه لايكون
وقطع تفكيره ورجع لسيارته ..
متجهه بسرعه كبيره ل بيت عمها ..
وبدقائق صار يرن الجرس بس ما من مجيب ..
شاف بنت لابسه عبايه عرفها ع طول ..
بس استغرب من حركاتها ..
ركض خلفها بسرعه ..
: امممييرهه
اميره طلعت السكين الي بجيبها : انقلعععع والله لو
بترت كلامها لما فك الثمه : انا تركي
اميره نزلت السكين : وش تبي ..!
تركي : وش تسوين ..!
اميره : لاترد ع السوال بسوال
تركي : اميره خطر عليك ترجعين هنا
اميره صرخت فيه وبدت تبكي : اتتتتتترررررككككني لا ازم احرقهم ابي اريح ابوي و امي بقبرهم ابي اسمع خبر وفاه عمممي اكككككرهههه واكرهههكمم كلكم
قرب منها : طيب اهدي
رفعت السكين مره ثانيه : بببعععددد عنيي اسمع كلام اخوك ولاتثق فيني يمكن انا بنت شوارع زي مايقول
تركي بعد عنها بمسافه و تنهد : الله يهديك ي محمد
ورفع راسه : بنت احمد الهادي مو بنت شوارع
اميره بصراخ : لااااتنطق اسم ابوي اصلا انت زي عمي
ورمت السكين و دخلت بين جدار بيتين و انهارت تبكي بالارض : زيي عميي
: اممميره لااااااااا
ركض لها بس كانت يد الظالم اسرع ..
غرز السكين بكتفها بكل قوه ..
رفعت نظرها لتركي ..
وشهقت بالم ..
تركي بسرعه شالها ..
وركبها السياره ع بطنها ..
وانطلق للمستشفى القريب منهم ..
- بعد 3 ساعات -
خرج الدكتور ل تركي ..
: لو سمحت د . تركي نحتاج دم باسرع وقت
تركي : وش فصيله الدم
الدكتور : a +
تركي : انا o+ يصير اتبرع لها لاني م اعرف احد
الدكتور : تقبل بس ربنا يخليك بسرعه روح لدكتور مصطفى وهو بيتكفل بالموضوع
تركي : طيب بس وين مكتبه
الدكتور : قنب - جنب - مكتبي
تركي : يلا
وبسرعه راح ل د .مصطفى ..
**
--
جالسين يتابعون البورصه ..
بس طفشوا وقفلوها ..
ابو سطام : خلاص قررت ابيع اسهمي كلهم
ابو مناف : ليش ..!
ابو سطام : والله اشغلتني ابي ارتاح اخر عمري
ابو مناف : ياما نصحتك تقلل اسهمك
ابو سطام نزل فنجان الشاي ع الطاوله : تهورت و ان شاء الله ابيعها وارتاح
ابو مناف : الله يسر لك
: وش تتكلمون عنه
ابو مناف : عن الاسهم
: نقدر نجلس..!
ابو سطام : اكيد ي ابوك
جلسوا وصب مشاري له ولسطان ..
ابو سطام : ان شاء الله استانستو
مناف وهو داخل : اي والله استانسنا
مشاري : خالي سالنا م سالك
ماجد : اتركه م احد استانس كثره
مسشاري : اي والله كل شوي يرفع جواله
ويقلد صوت مناف : عمي باخذ ندى اذا م عندك مانع
ماجد يضحك : لا و مايتصل عليها يتصل ع سما عشان تبلغها يعني اني مسوي مفاجاءه
مناف خزهم : باشوفكم اذا تزوجتوا وش بتسون
ابو سطام وهو يضحك : الله يسعدكم عقبال م نشوفكم معاريس كلكم
: الله يعينها ع هذولاء الثنين
مشاري : اقول المفروض تحمد ربها ان مشاري بسموه وفخامته ياخذها
ماجد وهو يضرب يد مشاري : الا شوف من يتكلم سلطان وثويمر
مشاري وهو يضحك : اي والله
ابو سطام : ثامر ي ابوك متى ناوي تتزوج
ثامر : ان شاء الله قريب
ابو سطام : انت بس اختار و انا اخطبها لك
ثامر ب ابتسامه : م تقصر
ابو سطام : المفروض تتزوجون كلكم دراسه وخلصتوا ووظيفه وتوضفتوا مابقى لكم شي
ماجد : انا ادرس
ابو سطام : انت خلك علي عندي لك وحده
ماجد : اجل خلاص مايحتاج اهم شي دام عمي مختار لي
مشاري : يمكن م تعجبه
ابو سطام غمز ل ماجد : عاد اكثر شخص فاهمه ماجد اعرف وش يحب وش يكرهه
الشباب بصوت واحد : اوووووهه
سلطان : مين قدك ي مجيدوه
ماجد : الله يخليك لنا ي عمي
مشاري التفتت ل ثامر : من كلام عمي ببالك وحده صح ..!
ماجد : انا ..! لالا
مشاري : صدقتك
ثامر ناظر ب ابو مناف : وش فيك ي عم ساكت
ابو مناف : والله مستانس بلمتكم و ادعي ربي انه لايفرقكم ويمتعني بشوفه عيالكم
الكل : امين ي رب
سطام رفع جواله الي رن بنغمه رساله ..
وفبعد م قرا الرساله ..
: حياكم الله قوموا العشاء
**
--
- نرجع لديارنا ولوطنا الغآلي -
متوتر وقلقان بشكل ..
واقف تقريبا 3 ساعات ونص م يعرف وش صاير ..
ومن لمح الدكتور طالع من عندها ركض له ..
: بشر ي دكتور
الدكتور : الحمدلله رقعت لها الحياه مع اننا فقدنا الامل لانها نزفت دم كتير
تركي : الحمدلله
ورفع نظره لدكتور : طيب كيفها الحين ..!
الدكتور : ان شاء الله بعد 48 ساعه تتخطى مرحله الخطر
تركي : طيب متى تصحى ..!
الدكتور : ان شاء الله خلال 48 ساعه القايه
تركي : شكرا دكتور
الدكتور : العفو دا واقبنا
اتجه الدكتور ل مكتبه ..
و تركي خرج من المستشفى بكبره ..
و رجع القصر يبي يريح شوي من تعب اليوم ..
دخل القصر و استغرب الهدو ..
حتى الخدم هادئين ..
صعد الدرج ..
بس وقفه صوت محمد ..
التفتت له ببرود و ملامح تعبانه ..
: تركي
تركي : نعم ..!
محمد طير عيونه وبخوف : وش هالدم الي بثيابك ..!
تركي : سالفه طويله بروح انام الحين واذا صحيت اخبرك
محمد : مستحيل اخليك تنام قبل م تقول لي
نزل له تركي : اجلس اقولك
جلس محمد وتركي بثيابه المليانه دم ..
محمد : تركي وش السالفه خوفتني ..!
حكى له تركي السالفه بالتفصيل ..
محمد : حسبي الله على هالعم الي سبب بشقاها
تركي : امين
محمد : طيب كيفها الحين ..!
تركي : يقول الدكتور بتصحى خلال 48 ساعه بس للحين ب مرحله الخطر
محمد بتردد : تركي اقولك شي وماتزعل
تركي : وشو ..!
محمد : ي ليت انك ماشفتها ولاقابلتها بتسبب لك مشاكل
وقف تركي وهو معصب : هي وش ذنبها ..! وماراح اتركهها لحد ما اساعدها و اادب عمها هالسكير
محمد : تركي اتركهم
تركي : اتوقع اني عاقل م يحتاج تدلني ع الطريق الصحيح
محمد : لا ي تركي مو عاقل لانك تسمع لقلبك مو لعقلك اصحى ي خوي
تركي : انا اسمع للحق
ناظره محمد بنظرات م فهمها..
وتركه وصعد جناحه ..
تركي تجاهل كلامه و صعد غرفته وبدل ..
بعد ما اخذ دش انسدح بفراشه ونام على طول ..
توقعاتكم :
- رغد وسبب المها ( ضاري ) ..!
- أميره و عمها وتركي بينقذها او محمد بيوقف بوجهه ..!
- سطام و اعترافه ل شهد ..!
- والثنائي الجميل مناف وندى ..!
- تسنيم والمها وتعبها ..!
- سيف ي ترى بيقدر يلاقي ابوه ..!