خاطره صدري يلمك يمكن ينسى سنين عذابك - الفصل 7 | روايتك

البارت السابع - يومين وهي حابسه نفسها بغرفتها .. م تطلع منها الا اخر الليل لما يكونون نايمين .. خايفه منه بشكل خاصه بعد م ضربها .. من امس بالليل م اكلت شي بس شربت مويه .. واصوات بطنها تزداد من جوعها الي تحس فيه.. بس كل ماكلت تحس بغثيان و انها بتستفرغ .. ناظرت بساعتها الي كانت 2 ونص بالليل .. وقررت تنزل لان بهالوقت كلهم نايمين .. فتحت الباب بخفه ونزلت بالاصنصير .. وهي تدعي انها ما تلاقي اي احد .. دخلت المطبخ وفتحت الثلاجه .. تبي عصير او مويه بارده .. وانصدمت ان م فيها شي وبقهر : اكيد من ياسمين وسكتت شوي : ي ربي وش اكل والله جوعانه مره فتحت الدولايب ولا كان فيه شي غير علبه اناناس.. مقطع فتحته وكانت بتاكل بس من شمت ريحته .. حست ب غثيان و قفلتها و حطتها ب الثلاجه .. اتجهت للمخزن الي بالمطبخ بس كان مقفول .. همست : حسبي الله ونزلت دمعتها : لمتى ي ربي وانا اتعذب ي رب هونها علي جلست ع الكرسي بس سرعان م شهقت وقامت .. وهي تتالم من ظهرها المتورم من الضربات .. قفلت النور وصعدت غرفتها بهدو .. بعد م اخذت كاس مويا كبير .. واول م دخلت حست بالباب انفتح بقوه .. ومن قوته طاحت بالارض ع ظهرها تتوجع .. وانكب عليها الكاس وشهقت من برودته .. : تمثلين الالم ها ..! رغد انفجرت تبكي : و و و وا لـ .. ـلـ .. ـه م ا كـ .. ـذب صرخ بوججها : من كنتي تتحسبين عليه ..! رغد غطت ع وججها لما دنا منها وهي تصرخ بجنون .. وتان من الم ظهرها الي زاد من طيحتها .. كان يتوقع انها تمثل بس لما قرب منها .. كانت ترجف وتصرخ بشكل متواصل .. ضاري : رغد رغد وش فيك ..! رغد لارد وكانت ع حالها .. شالها واتجهه للحمام ومسح وجها بتتالي .. شهقت شهقه عاليه لما مسح ع وجها .. سما عليها وكان يحاول يهديها .. رغد ترجف وناظرته فيه بخوف وهي ضامه نفسها : تكفى لاتضربني والله ظهري يوجعني والله م اكذب وكشفت عن كتفها من الخلف بهدو ولفت بظهرها .. : شوف شوف والله يوجعني يمكن بس احمر بس والله يوجعني والله ناظر فيها مصدوم ما توقع هالاثر كله .. كان كتفها من الخلف بنفسجي ازرق فيه جروح .. ما زالت تنزف كان واضح ببلوزتها دم من الخلف .. سكت فتره يستوعب الي شافه من الاثر الي تركه.. هه كيف تنصدم ! ضربك لها م يتحمله حيوان .. ف كيف ببنت ناعمه لاحول لها ولا قوه .. استغفر بنفسه وخرج من عندها .. ارتاحت لما خرج نزلت دموعها .. وبكت بصوت مكتوم موجوع ع حاله .. طمنت حالها انه م بيرجع .. اتجهت لسريرها ودخلت بفراشها .. ونامت ع بطنها بعد م سحبت الحاف ع رجولها فقط .. وكلها ب ثواني الا وصارت بعالم ثاني .. بنفس الوقت دخل وبيده صندوق الاسعافات .. ناظر فيها كانت نايمه ترك الصندوق ع التسريحه .. نام جنبها ع السرير يفكر بحال رغد مع ياسمين .. مستحيل يقدرون يعشون مع بعضهم .. محتار وش يسوي .. ابعد عن عيوني.. ترى جرحك مأذيني* واتركني من ظلمك.. وارجع وجافيني* لأنه بقربك الدنيا.. أسود من سواد عيني تعلمني أكون قاسي.. وأسلم أمري بايديني وأحط الحرة بالغدار.. غدر بشعوري وفيني ** -- بمكان ثاني يملاه السعاده - وصلوا ل تركيا وب التحديد من يومين .. بس توهم يتوجهون ل مدينه انطاليا - بسبب العطل الفني الي صار بالمطار .. نزلوا من المطار واستاجروا كم من سياره .. واتجهوا للفندق الي كانوا حاجزين فيه .. بعد ساعه وصلوا لفندق - رويل وينقز - .. دخلوا منبهرين بجمال الفندق والمكان .. البحر والجسور الي من شاطئ لشاطئ .. وجمال الطبيعه والجو كل شي كان جميل .. كانوا يمشون والابتسامه مرسومه ع وجيهم .. كل واحد اخذ اهله وراح جناحهم .. بس البنات رفضوا يبون يجلسون بجناح مع بعض.. تجمعوا بشقه سلطان واخواته وسلطان راح لعمته .. - عند البنات - كانوا البنات مسوين حلقه عند نافذه زجاجيه كبر الجدار .. عدا ساره وتسنيم الي كانوا جالسات ع الكنب جنب بعض وبعيد عن البنات شوي .. : شهد شهد لارد : شششهدد شهد بعد لارد صرخوا عليه وفزت مفجوعه : نعم ! البنات بصوت واحد : الي ماخذ عقلك يتهنا فيه ندى غمزت لها : اعترفي لايكون الي بالي بالك شهد ببراءه : مين ..! ندى بصراخ : ترا بتجنني ببراءتك شهد : ليش.. ! سما و رها : وش سالفه الغمزه ها ..! ندى ناظرت ب مرام الي فهمت : صح ي مرام ..! مرام بضحكه : صح سما : ترا لو م تقولين لنا الحين باتجنن ندى ناظرت بشهد : اقول شهد بعدم اهتمام : قولي الي تبين ندى : جد ! شهد : والله ندى بضحكه : هذا الله يسلمكم وش اسمه سطام اول م قالت اسم سطام فزت ساره .. ووقفت قريب منهم تستمع .. ندى تكمل : اشك اشك مو متاكده انه يحب شهد من اهتمامه وكذا سما ورها طيروا عيونهم بصدمه : مممن جدك ..! ندى : لا من خالي ، عاد صار موقفين شكيت فيهم اكثر شهد : وش موقفين لاتكذبين بس هذيك المره صدفه وضحك بس وانتي قلتي من راسك انه يحبني وهو ولاجاء ببالهه ندى : والله موقفين بهاللحضه رن جوال سما وردت : الو ، ان شاء الله و قفلت جوالها وناظرت ب ندى : ندى انزلي تحت بالوبي والبسي ندى ب استغراب : ليش ..! سما : مناف يقول انزلي له الحين ندى وقفت : طيب عن اذنكم الكل : اذنك معاك - عند ساره - خرجت لـ الصاله مقهوره وتبعتها تسنيم .. : ساره وش فيك ..! ساره : اخوك الي م يحس الحجر يحب ..! تسنيم بضحكه : من جدك يحب ..! ممستحيل بس الحين صار موقف بالصدفه و ندى تفسر من راسها ساره تمشي بتوتر : مدري مدري تسنيم تطقطق بجوالها : تبين الصدق ساره : وشو ..! تسنيم : اخوي مممستحيل يحبك ممستحيل لانه حجر وماعنده مشاعر ابد ساره : انا بخليه يحبني غصب بس اصبري علي شوي ابتسمت تسنيم ع تفكيرها واصرارها وسكتت .. - عند مناف وندى - اول م شافها نازله ابتسم ابتسامه عريضه .. وقفت قريب منه مايبعد بينهم الا نص متر تقريبا .. مناف : يلا ندى : وين ..! مناف : مكان بتحبينه كثير كثير ندى ب اعتراض : لالا ابوي و امي م يعرفون مناف : استاذنت من عمي ندى : جد ..! مناف ب ابتسامه : والله بعدين ترا انا مو وحش ندى ضحكت بخفه : طيب خرجوا من الفندق يدينهم بيدين بعض .. ركبوا سياره واضح ان مناف متفق مع صاحبه .. كان طوال طريقهم هدو وصمت .. وخلال ربع ساعه وصلوا لمكان .. قليل بحقه كلمه روعه و خيال .. كانت مدينه العاب مائيه وعروض دولفين .. فتحت عيونها بدهشه واعجاب .. ضمها له بيده اليمين : اعجبك ندى بفرح : يجنن مناف : تعالي اوريك اشياء تجنن ندى ب ابتسامه : يلا ، بس بيدخلون الكيس الي بيدك عادي ..! مناف هز راسه بالايجاب .. وقف ع البوابه واخذ لهم كاسين عصير و دخلوا .. اتجهوا لمقاعد مرصوصه بشكل مرتب وانيق .. وكلها ثواني وبدا العرض كان دلافين .. ترقص ومره تلعب بالكره بحركات مختلفه .. اندمجت مع العرض وهي تضحك لحد م انتهى .. ندى : انتهىىى مناف ب ابتسامه : م كنت اعرف اني متزوج طفله ندى تمثل الزعل : طفله هاه مناف : اجمل طفله بعيوني ووقف وسحبها معاه متجهين لجهه ثانيه .. مناف : مستعده ..! ندى : لايش ..! مناف : منحدرات مائيه ندى ب اندفاع وخوف : لاا اخاف مناف بضحكه : انا معاك ندى بعد تردد : مم يدك بيدي وماتتركني مناف ضحك ضضحكه عاليه : بحضني بعد ندى رفعت يدينها لوجهها بخجل : لا العب لوحدك مناف سحبها معاه وهو يضحك .. وجلس ع زلاجه وسحبها معاه .. وبدا العد التنازلي 3 ..2 ......1 .. تعلقت فيه بقوه وهو مستمتع .. والمويا تغطيهم من كل جهه .. صرخت بخوف ودفنت وجها بصدره .. وتعلقت فيه بقوه اكبر من شده خوفها لاتطيح .. حس فيها ولمها بيده اليمين وبنفس الوقت .. مثبت الزلاجه بحبل بين يدينها .. وبعد دقائق ..، وقف وسحبها معاه .. وهي مازالت متعلقه فيه بخوف .. مناف : خلاص حبيبي شوفي وقفنا ندى بعدت عنه شوي شوي .. وفتحت عيونها وتنهدت براحه .. ندى : والله تخوف مناف : لو فتحتي عيونك احسن ندى تحاول تبعد العبايه الاصقه ع جسمها شوي : لا لا خفت لما لاحظ حركاتها وخجلها من العبايه .. شلح جاكيته الجلدي الطويل و لبسها هو .. وماهي الا ثواني و اعطى شخص كيس لمناف .. عرفت الكيس بسرعه لانه الكيس الي كان بيده .. مناف : يلا ببدل وانتي كمان ندى : ماجبت لي ملابس مناف ب ابتسامه : جبت لك انا ندى : كيف ..! مناف : يلا بالطريق باقولك كيف وراحوا غرف مخصصه للتبديل يبدلون .. ** -- محتار بحاله اخته .. اللي كانت جالسه معاهم وتقظم اظافيرها .. باسبوع تحول حالها بشكل غير طبيعي ومفاجئ .. ناظر ب امه الغير مهتمه بوضع اخته تماما .. وقف وجلس جنبها .. وبحنيه : نهى نهى التفتت له بدون اي تعابير ع وجهها .. مساعد : تبين نطلع ..! نهى علقت عيونها بالفراغ وطنشته .. مساعد مسح ع شعرها : ها وش رايك او نسافر لاي مكان تبينه نهى وقفت : شكرا ناظرتها امها بنظره حاده : اتركها ورجعت لغرفتها مكانها الي ترتاح فيه .. صارت تحب العزله اكثر من الجمعات .. يمكن خوف من رده فعل امها .. او حبسها لنفسها انتج هالشعور .. جلست بس لما حست ببلل ملابسها .. بكت بالم خايفه احد يشوفها .. صار هالشي لاردي .. - بجهه ثانيه - صعد مساعد ل جناحه .. وكلها ثواني وصارت اسماء خلفه .. اسماء : حبيبي مساعد لاتضيق صدرك مساعد : شفتيها كيف ..! حالها يتدهور واذا قلت لامي قالت دلع بنات اسماء سكتت شوي وبعد تردد : مم مساعد مساعد التفت لها اسماء : م تزعل اذا قلت لك رايي مساعد : وشو ..! اسماء : لو تعرضها ع طبيب نفسي وبالسر ماحد يعرف الا انا وانت مساعد ب اندفاع : مممستحيل اسماء : جرب مساعد بحزم : قلت مستحيل ووقف واخذ جواله و شماغه .. وخرج ..، ** -- مستغربه اختفاء رغد هاليومين .. رغم انها تسوي الفطور والغداء والعشاء .. بس م تشوفها وبتساول وقفت مقابل غرفتها .. وكانت ب تطق الباب ناويه عليها بنيه شر .. بس قطع عليها صوت جوالها الي يرن .. وبسرعه رجعت غرفتها .. ترد على المتصل الي عارفته من النغمه .. ياسمين : الو محمد : يالبئ هالصوت ياسمين بدلع : محمد محمد : عيونه ياسمين : خلاص استحي محمد ضحك : ترا اذا م تكلمتي عدل باجي اخذك الحين ياسمين : لا وين م شبعت من الجلسه مع ضاري محمد : طيب متى ناويه ترجعين ..! ياسمين : مم م اعرف بس باكلمك محمد : طيب بس لاتطولين ياسمين : ان شاء الله محمد : يلا ي قلبي بروح اكمل شغلي ياسمين : الله معاك محمد : انتبهي لنفسك ياسمين : وانت بعد انتبهه ع نفسك محمد : ان شاء الله وقفلوا من بعض ..، محمد رجع لشغله .. وياسمين رجعت تفكر .. بافكار و نوايا بنفسها خبيثه .. ** -- كانت بتدخل لمكتب تركي .. بس توقفت لما سمعت محمد يكلمه .. وتجمدت مكانها وهي تسمع كلامهم بغير قصد .. محمد : الله يهديك ي تركي لاتجيب لنفسك المشاكل تركي : انت م شفت الحاله الي هي فيها محمد : تركي انت واثق فيها واخاف تركي قاطعه : اميره غير والله غير ليش م تثق فيني ..! محمد : تركي انت م تعرف عنها شي غير اسمها تركي : الا اعرف كل شي وين تدرس و اهلها وش صار لهم وهي وحيده امها وابوها وساكنه مع عمها السكير حتى اهتماماتها وميولها اعرفها وكمان اسمها اميره احمد الهادي محمد طير عيونه : وووووششششوووو ..! تركي : وش فيك ..! محمد : تعرف اسم جدها ..! تركي : حسن محمد ناظر ب تركي بصدمه : مو معقول تركي : وش فيك خوفتني محمد : ابوها وجدها كانوا من اكبر تجار الشرقيه صار ع ابوها حادث و بعد فتره مات جدها و عمها ورث كل شي بعدهم وضيع ثروته بسنه وحده وتنهد : كان ابوها صديق ابوي الله يرحمه حتى ماتوا بسنه وحده تركي بصدمه : تتكلم ججججد ..! يمكن تشابهه اسماء محمد : لا مو تشابهه اسماء طيب اسم عمها سالم تركي : ايه محمد : اجل مو تشابهه اسماء ابوي كان يزور امها بالفتره الي مات فيها ابوها وكان يهتم فيها بس م قال شي عن البنت تركي : وكيف تعرف هالمعلومات كلها ..! محمد : جدي الله يرحمه قالي بكل شي يخص ابوي وكم مره رحنا لهم بقصر كانوا فيه تركي : صدمتني والله م توقعت حالتهم بعد هالعز محمد : الله يكون بعونها مالها احد بعد امها لان عمها مو عزوه واهل لها تركي : اي والله ضيعها سكتوا شوي .. وبعدها وقف محمد .. : ارفع راسي بشغلك ي دكتور ابتسم محمد : ولايهمك ابشر من حست انهم بيطلعون .. رجعت لاستقبال وهي م تشوف الي قدامها .. من الدموع الي بعيونها مو صدقه الي سمعته .. زاد كرهها لعمها اكثر واكثر ومحمد كرهته اكثر .. تركت الي بيدها ومسحت دموعها وخرجت من المستشفى .. وببالها مخطط خطير تبي تنهيهه باسرع وقت .. رجعت الشقه مشي رغم انها بعيده شوي .. واخذت الي يلزمها وخرجت .. ** -- - انطاليا - الشباب نزلوا ع الشاطئ .. وبالوقت الي كانوا يمشون .. كان فيهم بنات يمشون بالبكيني .. ماجد خز وحده التفتت لهم : كسر الله هالسيقان ياللي م تستحين كلهم ناظروا فيهم وضحكوا باصوات عاليه .. لدرجه ان كل اللي ع الشاطئ ناظروا فيهم .. ثامر وهو يضحك : يعني الحين فهمت عليك ..! ماجد : مو لازم تفهم هاللي م تستحي ولف عنها وهو يكلم الشباب .. البنت ناظرت فيهم بابتسامه وهي تاشر بيدينها .. ب معنى تبون شي او بتقولون شي .. مشاري ضرب ماجد بيده : البنت تكلمك ماجد التفتت وبحده : نعمم ..! البنت رجعت تاشر بيدينها بنفس حركاتها قبل .. مشاري بصوت عالي : يقول ذس از براذر عيب عيب هالبس تستري كسر الله هالسيقان كلهم ضحكوا وهما يسحبونه .. وهما ماشين سمعوا شباب عربين يضحكون و يتكلمون : ي الله شو هيدا ..! مابعرفوا العادات هنا الثاني : كلامهم خليجي صح ..! الاول : آيه الثاني : واضح انون خليجين الثالث : يالطيف شو بيفشلو مشاري فار دامه : من الي يفشلون ..! ماجد : اذا انت وهو وهو وهو رجال تعالوا طبعا الشباب كانوا ساكتين ويناظرون ب ماجد ومشاري .. سطام بحده : مشاري ماجد من ضيع دينه ضيع كل شي امشوا واتركوهم ماجد : ماسمعت وش يقولون مناف بصوت عالي : ماجد مشاري امشوا واتركوهم مشوا وهما يتحلطمون .. ثامر : وش رايكم ناخذ لنا هذا غزل البنات الي يحبونه البنات سلطان ب اندفاع : لالا والله مو حلو تكرم النعمه ماجد : الجد انا ذقته واعجبني مشاري : الحمدلله مناف : طيب وش رايكم بمشروب بارد مع هالشمس سلطان : انت م تقول الا درر مناف : شفتوا اسمعوا من الحكيم ذا وياشر ع سلطان .. ماجد : اجل م بنخلص بيمدحون ببعض لاخر اليوم مناف : اقول يلا يلا عازمكم سطام : لا والله هالمره علي ثامر باندفاع : والله انها علي وجلسوا يتحالفون .. وبالاخير ثامر الي عزمهم .. ** -- ابو سطام وابو مناف خرجوا واخذو الحريم .. طلعوا ل حديقه قريبه منهم .. ابو مناف : تبون تجلسون والا تمشون معانا ..! ام مناف : انا بمشي معاكم ام سطام : نمشي احسن ام ثامر : امشوا وانا بجلس هنا امناف : لالا خلاص ب اجلس معاك ام ثامر : والله ان تمشين معاهم بس بجلس شوي مشوا و ام ثامر جلست على احد الكراسي .. وهي تناظر ب الرايح والجاي .. : يمه ..! ام ثامر : ثامر الشباب وقفوا ثامر جلس جنبها : وش فيك يمه جالسه ب لحالك ..! ام ثامر : اعمامك يتمشون و راحوا حريمهم معاهم فقلت ب جلس ثامر : طيب تعبانه ..! ام ثامر : لا يمه ثامر : شباب روحوا انا بجلس مع امي ماجد : اجلس معاك مشاري : وانا ثامر ب ابتسامه : اكيد حياكم استاذن سلطان ومناف و سطام ومشوا .. كان فيه رجال شعره اسود و هو ابيض كبير بالسن .. يناظر لهم ويبتسم .. ماجد : تتوقعون وش سالفه هالشايب الي يوزع ابتسامات مشاري : خق ع خالتي ماجد ضربه ع كتفه : تخيل مشاري : جد شوف كيف يناظرها ماجد ناداه و ثامر يهاوشه .. الشايب قرب منهم .. مشاري : وت وت ..! الشايب عقد حواجبه .. ماجد بضحكه : يقول اخوي ي الوصخ ليش تطالع في حريمنا ..! الشايب : شو هيدا الكلام ماجد طير عيونه والتفتتت ل مشاري : الرجال عربي مشاري : اخوي مايقصد شي يقول روح و استمتع استمتع بيومك الشايب مشى من عندهم وهو مستغرب .. ثامر وام ثامر كانوا يضحكون .. ثامر : يلعن شياطينكم ماجد فز : لاتلعن شيطاني التركي مشاري : مسرع تغير ثامر بنص عين : بتقنعني ان شيطانك السعودي تخلى عنك مشاري : ايه تراه سعودي اصيل مايتخلى عن صديقه ام ثامر وهي تضحك : خلاص قطعتوا بطني من الضحك ثامر : احمدي ربك يمه انك م تجلسين معاهم دائما ام ثامر : اي والله الحمدلله والا كان مت ضحك وانتوا السبب ** -- كانت تقلب بالاوراق وفجاءه قرات اسم اميره .. فز قلبها و رجعت تقرا الاسم يمكن تشابهه .. وبعد ماستوعبت فزت و هي تدور بعيونها ع اميره .. بس م كانت موجوده دارت بالمستشفى باكمله .. لكن من غير جدوى .. فزت ع صوت تركي .. : مها وين اميره ..! مها : م اعرف م لقيتها بالمستشفى تركي : خرجت ..! مها : اتوقع تركي : طيب شكرا مها : د.تركي تركي رجع خطوتين : نعم مها : تعرف رقم اميره احتاجه ضروري تركي : ليش ..! مها بتردد : موضوع خاص بيني وبينها تركي : م عندها جوال بس اذا تبين شي بتداوم بكره او قولي لي اوصل لها مها : لا مابزعجك بكلمها بكره ان شاء الله تركي : ع راحتك مها : شكرا دكتور تركي : العفو ومشى متجهه لمكتبه ..، وهو معصب كيف خرجت وما استاذنت .. او على الاقل بالتلفون او اي شي .. قطع تفكيره المريض الي دخل .. واندمج معاه ونسى أميره .. توقعاتكم : - رغد و ياسمين و ضاري ..! - نهى و حالتها الي بتدهور ..! - مها وموضوعها المهم لاميره ..! - شهد وسطام والطرف الثالث ساره ..!