الفصل 3
البارت الثالث -
- صباح يوم جديد -
خرج من الفلا و كعادته اليومين الي فاتوا ..
يمر من جنب الملحق ويطل من النافذه ..
بعد مايتاكد ان الكل خرجوا لدوامتهم ..
عشان ماحد يشوفه وتصير مشاكل ..
بس م شاف احد ضل فتره طويله ..
يراقبها متى تصحى بس م في امل ..
خاف عليها دائما تصحى بهالوقت او قبل ..
وبحركه لاشعوريه طلع جواله واتصل ع الخدم ..
وطلب من - رحيمه رئيسه الخدم - تجي وبثواني صارت مقابله ..
: ابيك تدخلين وتسالين شهد اذا تبي شي
رحيمه هزت راسها بالايجاب : ان شاء الله استاذ سطام
سطام : يلا بسرعه
اتجهت رحيمه لباب للملحق وطرقت الباب ..
مره ومرتين وثلاث وبالمره الرابعه جاها الرد ..
بصوت خافت : مين ..!
رحيمه : انسه شهد
شهد فتحت الباب : اهلين رحيمه ..!
رحيمه : حبيت اتطمن اعليك واسئيل - اسأل - كديرا - كيف حالك -
شهد سكتت شوي مو فاهمه كلامها ..
حست ع نفسها وبتعب واضح بوجهه : شكرا
رحيمه : والله وجهك م يطمنش
شهد ب ابتسامه باهته : لا تطمني مافيني شي
رحيمه : بالله عليك تقولي الحقيقه
شهد وخدودها احمرو : بس بطني يوجعني باخذ حبه مسكن وباصير احسن
طبعا كان فيه شخص 3 يراقبهم ..
رحيمه فهمت عليها : بصلح لك شي اسخون - حار - واجيبه لك
شهد بخجل احمرت خدودها وبحركات طفوليه بيدينها : شكرا لاتعبين نفسك انا اسوي
رحيمه ب اندفاع : لالا انتي ريحي وانا باجيب لك كوب اسخون الحين
خرجت من عندها رحيمه ..
ونادها سطام ووصاها عليه ..
وهددها لو احد يعرف بالي صار ..
تتمنى باحلامها تجي السعوديه مره ثانيه ..
ركب سيارته الرنج بعد م نسف غتره وعدلها ..
تذكرها و ابتسم ع حركاتها الطفوليه وهي تكلم رحيمه..
ضحك ع خجلها وتسليكها لرحيمه ..
لان بعض كلامها مو مفهوم ..
**
--
شافت رحيمه وبيدها كوب ..
وبيدينها متجهه فيه خارج القصر ..
نادتها مستغربه ل مين الكوب ..!
لانه واضح مو ل رحيمه ابد ..
من ترتيبه وبطرفه حبوب ..
: رحيمه
التفت رحيمه : نعم
ندى : الله ينعم عليك .. الكوب لمين ..!
رحيمه بارتباك : ل ل ل للانسه شهد
ندى ناظرت بالمسكنات : تعبانه ..!
رحيمه هزت راسها بالايجاب : بطنها يالمها و ظهرها
ندى : بتجلسين عندها ..!
رحيمه : لا بس بانزل الطبسيل - الصحن - عندها وارجع
ندى ب ابتسامه واسعه : اجلسي عندها انا بداوم
رحيمه : علاش - ليش - ..!
ندى : اخاف تحتاج شي او تتعب ومافي احد عندها
رحيمه : واخه - طيب - ان شاء الله
خرجت ندى وقررت لما توصل الدوام تكلم شهد ..
ورحيمه راحت لشهد ودخلت معاها ..
ودخلوا بالسواليف ..
شهد : امم طيب تكلمي لي عن عمي عمتي العيال
رحيمه ب ارتباك : م اعرف
شهد بضحه : الي بينا م احد يعرفه والله انا ترا م احب الا ندى وعمي
رحيمه بضحكه : بحال بحال - يعني نفس الشي -
شهد م فهمت : ككيف يعني !
رحيمه : يعني انا م احب الا ندى و سيدي حمد نفس الهدرا تبعك
شهد بضحكه : كلامك سعودي مغربي
رحيمه ضحكت ..
رحيمه : مدام ام سطام هدرتها - كلامها -كثير
شهد : احسها عصبيها و م تتحمل شي ودائما تهاوش
رحيمه بضمه : بالصااح - صح عليك -
شهد : ندى قلنا طيبه و حبوبه طيب سطام ونسيم ..!
رحيمه : سطام انسان جميل كل بنت تتمناه بس م عنده مشاعر او احاسيس
شهد : يعني م حب ولامره ولاخطب
رحيمه : محال هداك الشي - مستحيل هذا الشئ - الحين عمره الحين قرب 30 ولا مره حب او شفته يضحك او يبتسم جدي بالزاف
شهد ب استغراب : غريب هالانسان
وتذكرت مواقفها معاه : بس متطفل
رحيمه : ماعرفش
سكتوا شوي ..
رحيمه : بتنامي والا اسوي لك اكل اسخون
شهد ب ابتسامه : لالا ارتاحي انا بنام الحين
رحيمه : وانا بروح اكمل شغيلتي - مشغوله -
شهد : الله يحفظك
رجعت رحيمه للقصر تكمل شغلها ..
وشهد رجعت تنام بعد ماحست ان الم بطنها خف..
**
--
وصل للشركه وصعد مكتبه بالاصنصير ..
كان بيدخل بس وقفه صوت السكرتير ..
: الاستاذ حمد يبك
سطام عقد حواجبه : ابوي يبيني غريبه ..!
وخرج من مكتبه متجهه لمكتب ابوه ..
استاذن ودخل بكل هدو ..
: امر يبه
ابو سطام رفع عينه : تاخرت ماشفت سيارتك لما خرجت توقعت انك خرجت قبلي بس قالت لي امك انك خرجت بعدي
سطام وهو واقف : ايه لاني وقفت سيارتي ب الكراج الي ورا الملحق
ابو سطام : اها طيب اجلس ابيك بسالفه
جلس سطام وهو عاقد حواجبه
ابو سطام تنهد : والله ي ولدي انا ابي اقولك سالفه قديمه عشان ابري ذمتي
سطام : امر يبه
ابو سطام : بس توعدني ماتغير نظرتك فيني
سطام حس ان الموضوع كبير : ان شاء الله
سكت ابوسطام شوي : لازم تعرف عشان اذا صار لي شي تكون انت الشاهد ع اللي صار بس مابي مخلوق يعرف بالسالفه
سطام : وش هالكلام الله يهداك الله يطول بعمرك ع الصحه والعافيه
ابو سطام تنهد : امين
وعدل جلسته : السالفه بخصوص عمك ابوسلطان الله يرحمه
سطام : الله يرحمه
سكتوا شوي ..
ابو سطام : اول شي بتعرفه ان اخوي فهد اخوي من ابوي
سطام عقد حواجبه : وعمي ابو ثامر
ابو سطام : اخوي من امي وابوي
ابو سطام تنهد : المشكله مو هنا المشكله ب الورث
سطام ناظر ابوه بتركيز ..
ابو سطام يكمل : جدك الله يرحمه لما مات قسم الورث بينا انا وعمك ابو ثامر و ابوسلطان الله يرحمهم عاد انا ثرت و عصبت ليش يعطي عمك محمد الفندق وانا الشركه لاني كنت ابي الفندق
سطام : اي فندق
ابو سطام : فندق **
سطام بصدمه : كان لعمي
ابو سطام هز راسه بالايجاب وتنهد : عاد انا طلعت عليه اشاعات لحد ما قل المستاجرين وهو م عرف من وين يجيب رواتب العاملين
سطام ناظر ب ابوه نظرات استغراب وصدمه ..
معقوله ابوي يسوي كذا ..!
ابو سطام يكمل : كنت بشتريه بس باعه ع صاحب الفندق مالكه الحين قبل م اكلمه وعاد راح علي وراح ع اخوي لان صاحبه م رضى يبيعه علي للحين وبصراحه انا الحين ابكفر عن غلطتي
سطام سكت شوي ونزل راسه بين يدينه ..
تمنى انه ماعرف السالفه ابد ..
وبصوت متهجد : كيف ..!
ابو سطام : بدال م انا وانت شركاء بالشركه تكون انت وهما بس لك النص ولهم النص
سكتت سطام فتره وبدون تعليق ..
ابو سطام : وش قلت
سطام ببرود : نصك وتصرف فيه كيفك
ابو سطام تنهد براحه : الله يرضى عليك
وسكتوا شوي ..
ابوسطام : امس كلمت بنت عمك يجون ياكلون معانا ع الوجبات بس رفضت
سطام : ليش ..!
ابو سطام : عشانك
سطام : انا ..!
ابو سطام : يبون ياخذون راحتهم بدون غطوه او اي قيود
سطام : اها
ووقف : الله يكتب اللي فيه الخير يلا استاذنك يبه
ابو سطام : اذنك معك
استاذن من ابوه ورجع لمكتبه ..
وهو مصدوم من اعمال ابوه ب عمه ..
م توقع ابوه الطيب المسالم يسوي كذا ..
حالتهم وسوء عيشتهم كانت بسبب ابوي ..
الله يغفر الذنب والله م توقعتها منك يبه ..
بس هما ان شاء الله ما يعرفون بالسالفه ..
وضل يفكر لحد م قطع السكرتير افكاره ..
ب اوراق و ملفات تلزم توقيعه ..
جنب الاوراق ع المكتب ووقف ..
سطام : حازم - السكرتير - اجل هالاوراق والملفات لبكره
حازم : بس لازم ننهي الاوراق والملفات بكره الساعه 6 ونص
سطام : اجل ارسلها مع شاكر - السواق - اذا رجع
حازم : ان شاء الله
سطام خرج و ركب سيارته ..
وم حس بنفسه الا وهو واقف بسيارته مقابل البحر ..
يمشي ع الرصيف القريب من البحر ..
ويفكر باللي سمعه قبل ساعه ..
مو مصدق ان ابوه يسوي كذا ابد ..
جلس ونزل راسه بين يدينه وصار يضغط عليه بقوه ..
يبه دمرت عائله باكملها ..
دمرت اخوك الي من امك وابوك ..
ي قساه قلبك يبه ي قساه قلبك يبه ..
وضل ع هالحال ساعه و نصف ..
حس ع نفسه وركب سيارته ..
ورجع للقصر يحط راسه وينام ..
يمكن ينسى شوي وتخف صدمته ..
- بالقصر -
: رححيمه
سمعت صوته واتجهت له بسرعه : امرك سيدي
سطام بصوت منخفض : كيف شهد ..!
رحيمه : بخير
سطام : اعطيتها شي
رحيمه هزت راسها بالايجاب : اعطيتها طبسيل فيه كوب حليب سخون و حبوب مسكنه ورفضت تاكل
سطام : طولتي عندها
رحيمه : ايه و لما نمت طلعت
سطام : شكرا رحيمه
رحيمه : العفو
وحذرها احد يعرف بالي سواه اليوم ..
و تركها و رجع غرفته يحاول ينام ..
يمكن ينسيه النوم هاليوم الغريب ..
**
--
بمكان ثاني صحت من نومها ..
واخذت دش سريع و دافئ ..
بدلت ملابسها بالملابس الي جابهم ضاري ..
و لبست جلابيه سودا قصيره ..
لنص الساق ويدينها طويله ب سوار ..
فتحت شعرها الاسود ع ظهرها بطبيعته ..
وحطت كحل اسود داخل العين وروج احمر ..
ولبست فلات بيج واسود - وانتوا بكرامه - ..
ناظرت نفسها ب المرايه بابتسامه رضا ..
من سنه م لبست لبس كذا ..
نزلت والابتسامه تملا وجهها ..
استغربت من تواجد خدم ب المطبخ والبيت ..
فهمت انه كان مخطط ع الخدم من قبل امس ..
لانه قال لها - مو لازم - تكمل شغلها وتروح تنام ..
جلست بطرف الدرج تبي تستوعب الي يصير ..
لبس عدل و خدم و راحه كل هالشي عشان عمته ..
رفعت يدينها وهي تردد : ي رب عمته ما تروح من عندنا للابد
سمعت اصوات الخدم وضحكهم ..
وتذكرت اخوانها لما تسمعهم يضحكون بهالشكل ..
نزلت دموعها على هالذكرى الموجعه لقلبها ..
لكن سرعان ما فزت من هالذكرى ع صوت الواقع الاليم ..
ع الواقع الي يعكر مزاجها و يضيق صدرها ..
: رغغد
رغد فزت : ن نعم
نزلت بهدو وخوف ..
تنتظر وش التهزئ او الظرب الي ينتظرها ..
: نعم
ضاري وهو يناظر بالجوال : الله لا ينعـ ..
رفع نظره وبتر كلمته بسرعه ..
جلس يناظرها فتره نظرات اخجلتها ..
واجبرتها تناظر الارض بخجل وخوف ..
بعد مالاحظها نزلت عيونها حس على نفسه و سكت فتره ..
ضاري وقف وصد عنها متجهه للباب : اذا جت عمتي حياتنا بوجودها غير وكاننا زوجين مو بس ع ورق وعقد طيب
رغد لارد
ضاري بصوت عالي : ططيب
رغد : اآ والله طيب
ضاري : كمان تسمينها يمه
رغد : ان شاء الله
سمعوا صوت الجرس ..
ووفزوا كلهم واتجهوا للباب ..
فتح الخدم باب القصر الكبير ..
وهما واقفين ع الباب الي بداخل ..
خايفه كيف بيكون لقاها مع عمته ..
خايفه ماتتقبلها وماتتقبل وجودها بعايلتهم ..
استودعت الله حالها وصحت على صوت عمته ..
رغد ب ابتسامه : ي هلا والله
وسلمت ع راس ام مساعد وباست يدها ..
ام مساعد ب ابتسامه عريضه ..
غمزت لضاري : مالومك والله لو تجننت عليها
ابتسم لها واخذ بيدها : م ودك تدخلين يمه
ام مساعد : الا والله عاد تكسر ظهري من السياره
اخذها للمجلس ورغد تمشي خلفه ..
ترك رغد وعمته بالمجلس وخرج يرد ع جواله ..
كانت تتحرك بانزعاج ..
رغد : وش فيك يمه ..!
ام مساعد ويدها ع ظهرها : ظهري تكسر من جلسه السياره لان السواق م يعرف يسوق عدل
رغد فزت جنبها : وش رايك اعطيك مسكن واجيب لك مخده ورا ظهرك عشان ترتاحين شوي قبل الغداء
ام مساعد هزت راسها بالايجاب وضمت يدينها : الله يسعدك و يفتحها بوجهك يمه
دمعت عيون رغد تذكرت امها ..
حست فيها من حنيه امها بشكل كبير ..
لما تدعي لها و تضم يدينها بحنيه ..
وقفت ومسحت دمعتها : بروح اجيب لك المسكن و المخده
وخرجت متجهه للمطبخ اخذت مسكن من الصيدليه ..
ومخده من الصاله ورجعت لام مساعد ..
رغد : تفضلي يمه
وناولتها كاس المويه والمسكن ..
وعدلت لها المخده خلف ظهرها ..
رغد ب ابتسامه : اذا تبيبن شي ناديني بكون قريبه منك
ام مساعد : ان شاء الله
رغد لفت تبي تطلع بس تفاجاءت بوجود ضاري ..
وبشهقه : م م من متى وانت هنا ..!
ما رد عليها وخرج ..
وهي قفلت النور وخرجت ..
خايفه من نظراته لها وحركاته بيدينه ..
مسك يدها بقوه وسحبها معاه لغرفتها ..
فتح الباب برجله ورماها ع الارض ..
ضاري بعصبيه والشرار يطلع من عيونه : تتصنعين الحب قدام عمتي هاه ، تضنين انها بتطلعك من الحاله اللي انتي فيها
وصرخ بوججها : ا ا ا احلمي ب اهلك انسيهم ابوك وامك ماتوا و اخوانك عند عمك خلاص نسوك انسيهم
رغد ببكاء يقطع القلب : حرام عليك مستكثر علي حنيت عمتك ترا انا انحرمت من امي وهي عايشه والحين انحرمت منها للابد
وبشهقه بكاء : صرت اتمنى اموت وارتاح من الحياه الي انا فيها
تكورت ع نفسها ومال شعرها ع جنب : الله يريحني ي رب والله تعبت تعبت
تركها وخرج ولاكانه سوا شي ..
مـــاأقساك يــــارجل ..
تريدني ان أتذكرك ...
بمـــــاذا ..؟؟؟
بعـــــذابك ...
أم
بقســــوتك ...
ببــــرودك ...
أم
بأنانيتـــــك ...
كل هذا لا شــــئ عند ...
ضربــــك لــــــي ....
يالـ السخرية ....
جعلتني أضحك وكلـــي قهــــر ...
كيــــف لي أن أتذكرك ...
وأنت لــــي الخــــوف ...
والضيــــاع والقهـــــر ...
بأختصار ...
صفحة سوداء بحيـــــاتي ...
**
--
نزلت تركض للباب ..
بوسط استغراب اهلها من حركتها ..
بس لما صرخت وهي تضحك فهموا عليها ..
وكلهم قاموا متجهين للباب ..
وفرحانين بشكل ..
الكل عدا ام مناف الي كانت بغرفتها : ممممناف
مناف ب ابتسامه : عيون مناف
ضموه جماعي وهما مستانسين ..
ويباركون له بالنجاح والتخرج ..
والفرحه واضحه بوجيهم ..
مناف يرفع يده لابوه : يبه ساعدني ابي اتنفس
ابو مناف وهو يضحك : اتركوا الولد خنقتوه
سما بعدت عنها : انقلع بس
مشاري وماجد : م تستاهل
مناف بضحكه : منيتوا ضمتكم باضمكم واردها لكم
واتجهه لابوه الي يحبس دموعه من فرحته ..
وباس راسه ويده : ابشرك بانشب لك كل يوم وكل شوي تشوفني بوجهك لدرجه اننك بتقول انقلع سافر مره ثانيه
ابو مناف : ابركه من ساعه الي اشوفك قدامي والله ان مو مصدق من الفرحه
مناف : صدق ولدك منوفي رجع وشوفه قدامك
ماجد وهو يضحك : من جدك انت ..! وش منوفي ..!
مناف وهو يناظر بمشاري : اسال الي جنبك
ماجد : مشاري ..!
مناف : وفيه غيره ..!
ماجد بفضول : وش سالفه منوفي
مشاري وهو يضحك : هذا سلمك الله اخر مره سافر فيها مناف انا اللي وصلته المطار عاد قضينا طوال الطريق باشتاق لك ي اخوي وهو يوصني عليكم وانا خلاص اخذت الدور اني ابوكم الا جدكم
ضحكوا عليه ..
وكمل : الزبده انه نزل ونسي شنطته الصغيره ولما انتبهت نزلت ولحقته وانا اصرخ بالمطار مناف مناف بس م استمع ولما شفته ناديته و طلع مني دلع منوفي عفوي وبس والله
صرخوا عليه : سسسامج
مشاري : شكرا شكرا اعرف ان السالفه اعجبتكم بس تكابرون
ودخل وهو يضحك ..
ودخلوا معاه ..
صعد لغرفه امه بسرعه ..
وهو ياخذ الدرجتين بخطوه ..
دخل وشافها جالسه مقابل التسريحه ..
الفخمه بالون الذهبي والبني القاتم الفخم ..
: ييمممهه
التفت لمصدر الصوت والدموع بعيونها : عيون امك
قرب منها وباس راسها ويدها ..
ام مناف وهي تبكي : كيفك يمه عسى م تعبت بالرحله والله اشتقت لك سنه كامله م شفتك م اشتقت لي ..!
مناف وهي يضحك ويضم يدينها : الله يهديك يمه سوال سوال عشان اجاوب
ام مناف : من فرحتي فيك حبيبي
مناف مسح دموعها وباس راسها : يمه خلاص لاتبكين والا ترا برجع اسافر بعدين ترا ابي حلاو العيد لايكون خلصتوها علي
ام مناف ضحكت من بين دموعها ..
: يلا ننزل عشان اعطيك الحلاو الي خبيتها لك
مناف : اهم شي كثيره ..!
ام مناف وهي تضحك : دوم طماعع
مناف ضحك :
وقف مناف ووقفت معاه ونزلوا لاهله ..
**
- ماجد الفيصل -
شاب عمره 22 يدرس 4 جامعه اداره اعمال طويل وابيض عكس اخوانه ملامحه حاده طبعا جذاب بعيونه وبكشخته
- سما الفيصل -
عمرها 18 بيضاء وملامحها هاديه شعرها اشقر طبيعه لاسفل ظهرها ناعم حنونه وهادئه
**
--
جلسوا ع طاوله الطعام وهم ينادون نهى ..
بس م استمعت لهم ابد ..
صعدت لها اسماء تناديها ..
فتحت الباب وناظرت ب نهى الي نايمه ..
قربت منها وبهدوا صارت تصحيها ..
: نهى نهى
نهى بهدو : اسماء لو سمحتي اخرجي وقفلي الباب بعدك
اسماء : ننتظرك ع الغداء
نهى بعصبيه : تغدوا بالعافيه عليكم ارتاحوا بدوني مو هذا طلبكم
اسماء ب استغراب : نهى فيك شي ..!
نهى من بين دموعها وبصراخ : اسسسسسسماء اخرجي لو سمحتي
ماحبت اسماء تضغط عليها اكثر ..
وخرجت و قفلت الباب بعدها وهي مستغربه ..
رجعت ل مساعد الي كان عارف وش صاير ..
من صراخ نهى الي وصل له و هو جالس ..
حكى لاسماء الي قالته امه امس ..
: والله م قلت لخالتي شي
مساعد : حتى انا اصلا والله حلات المكان فيها
اسماء : اي والله
مساعد : امي الله يهدها تقول انها مزعجتكم وماتسمع الكلام
اسماء : عمتي متشدده عليها لان تفكيرها تفكير قديم
مساعد تنهد : هه تقول تخاف عليها واذا تزوجت ارتاحت
اسماء : الله يهديها
مساعد : امين .. يلا نتغدا لحد ما تهدا بعدين اكلمها
وسموا وبدوا ياكلون ..
و كان جوهم هادئ وكل واحد يبحر بفكره ..
وقف مساعد : الحمدلله
اسماء : م اكلت ..!
مساعد : والله مالي نفس بروح اشوفها
اسماء : بهدو طيب ..!
مساعد : ان شاء الله
وترك اسماء متجهه لنهى ..
طق الباب اكثر من مره بس م ردت ..
حط يده ع يد الباب و حركها بس كان مقفل ..
تنهد وراح غرفته يفكر ب حل للموضوع ..
بشكل جدي و بنفس الوقت ودي ..
**
--
ركبت السياره بهدو ع غير العاده ..
حتى السواق مستغرب من هدوها ..
تحس بالم ببطنها غريب من ايام ..
وتحس بغثيان من بعد م افطرت ..
: راج
راج : نعم
: وقف عند اي صيدليه جيب لي مسكن
راج بتردد : مم بس مس تسنيم م في فلوس
تسنيم بغير العاده طلعت الفلوس من بوكها واعطته ..
حتى م عدتهم كم ..!
يمكن اكثر او اقل ..
وقف عند الصيدليه ..
وجاب لها مسكن وناولها اياه ..
وهي بسرعه اخذت حبيتين ..
وصلها البيت ..،
وهي نزلت وبدون م ترد ع احد ..
صعدت غرفتها ودخلت بفراشها بملابسها ..
بس سرعان م قامت متجهه للحمام وانتوا بكرامه..
وهي تستفرغ بالم ووجع ..
حالتها غريبه ..
- ي ترى وش فيها ..! -
**
--
جالسه في البلكونه تشرب شاي ..
وتناظر بالاطفال الي يلعبون بالحديقه ..
فجاءه تذكرت اخوها ..
ليش ي ضاري تتزوجها ..!
ليش نسيت وش سوا ابوها فيك ..!
قهرتني والله قهرتني ..
حتى اهلي كلهم مو راضين عليك ..
و يَ خوفي ماهي بس خادمه ..
: ياسمين
ياسمين لارد
: ياسمييييين
ياسمين بشهقه : محممد من متى وانت هنا ..!
محمد جلس جنبها وبحنيه : وش تفكرين فيه ..!
ياسمين : ولاشي
محمد : مم مع اني متاكد ان فيك شي بس بامشيها
ياسمين : محمد متى بنرجع ..!
محمد : مفاجاءه
ياسمين : محمد واللي سلمك قريب ..!
محمد ابتسم لها : قريب ان شاء الله
باسته بقوه تعبيرا عن شكرها له ..
محمد بضحكه : اجل بقولك شي بيفرحك بس ابي بوسه ثانيه
ياسمين : وشو
محمد : بس لازم بالبوسه
ياسمين بابتسامه : طيب
محمد : بنرجع بعد يومين
صرخت ب فرح واضح بعيونها ..
وفزت من مكانها ورمت نفسها بحضنه ..
ياسمين : والله اجمل خبر سمعته
محمد : كل هذا عشان ضاري
ياسمين : والله ضار كان ابوي اخوي امي من وانا صغيره وكل شي بحياتي
محمد : طيب وانا ..!
ياسمين : انت عيوني ورحي وكل شي بحياتي
محمد ضمها بقوه وهو يضحك ع حركاتها ..
: طيب وش رايك ننام
ياسمين : اي والله من الصباح وانا اشتغل مع هالعجوز كاترين وبعدها كملت علي هذيك ام كدش جالسه عندي وتهذر م اعرف وش هي تقول
محمد وهو يضحك : اجل م اعطيتها شي ..!
ياسمين : وش اعطيها ..!
محمد مازال يضحك : انا اللي ارسلتها عليك
ياسمين : وش بغيت ..!
محمد : كنت ابيها تجيب لي الاوراق الي ع مكتبي وتسلمها لواحد اعرفه
ياسمين بشهقه : طيب وش تسوي الحين
محمد : اكيد اعتذرت له
ياسمين : اسفه بس تعرف اني م اعرف كلامها
محمد : عادي ي قلبي
ووقف : يلا بروح انام
وقفت معاه : وانا بعد
واتوجهوا لغرفتهم ويدينهم بيدين بعض ..
**
--
ملتمين عند tv يتابعون مسرحيه ..
جت لقطه زفه وعريس وعروسه ..
وبسرعه التفتت رها ل ثامر وابتسمت ..
وهو بادلها الابتسامه لانه عرف قصدها ..
ام ثامر : يمه متى تفرحني وتتزوج
ثامر ورها ضحكوا من قلب ..
ام ثامر تناظر فيهم مستغربه : وش فيكم ..!
رها من بين ضحكها : كنا نعرف انك بتقولينه بعد هالقطه
ام ثامر طنشتهم وكملت متابعه ..
ثامر م حب يزعل امه ..
قام عندها وحضن يدينها ..
ثامر بابتسامه : يمه ولا يصير خاطرك الاطيب باتزوج خلاص
ام ثامر بفرحه : جد يعني ادور لك
ثامر : يمه اصبري علي بس شهرين او ثلاثه بس اذا تبين تدورين الحين على راحتك
ام ثامر : الله يسعدك ي رب ويفرحك مثل م فرحتني
ثامر : امين
رها مستغربه : ثامر ججد جد يعني ببتزوج
ثامر هز راسه بالايجاب ..
رها : ي لبيه ويصير عندي زوجه اخو
ثامر ب ابتسامه : وتنشبين لها
رها : بدينا هاه
ثامر وقف : يلا معسلامه
وخرج ..،
ام ثامر كانت مستانسه ..
الا طايره من الوناسه ..
اخيرا وافق يتزوج ..
طبعا رها صعدت غرفتها تجهز لعزيمه بكره ..
ب مناسبه تخرج مناف وكذا ..
**
--
فتحت الثلاجه وتقرفت من العلب الي فيها ..
قفلتها بسرعه وهي عاقده حواجبها بقرف ..
رجعت لغرفتها وفتحت غطاء مخدتها ..
تاخذ منه الفلوس الي تخبيهم فيه ..
عشان تشتري لها اي شي من البقاله ..
بس تفاجاءت ان م بقى معاها ولاريال ..
جلست ع حافه السرير المهتري وتنهدت ..
وهي تتذكر ابوها الي ماشافته ابد و امها ..
الي ما جف تراب - وانتوا بكرامه - قبرها للحين..
وماهي الا ثواني ووقفت وهي تتصنع القوه ..
مسحت دموعها الي نزلت على هالذكرى ..
وخرجت لصاله بس استغربت الهدو الي فيها ..
بس سمعت عمها يتكلم عند الباب الخارجي ..
قربت منه وصارت واقفه خلفه وهو جالس ..
: عمي سالم ابي بطاقه الصراف حق تقاعد ابوي
سالم التفت لها وبرود : الي يسمعك يقول من كثر الراتب يعني
: كثير او قليل اببببيه يعني ابيه
سالم لارد
صرخت : لاتسفهني انا لي حق براتب ابوي الله يرحمه ومو مسامحتك عليه
سالم بسخريه : هه
وشرب شوي من علبه الزجاج الي بيده..
كملت وبغصه : تصرف الراتب ع خمورك وحفالاتك وش الفايده منها ها ..! ذنب بذنب وحرام بحرام
سالم قاطعها : امممميره انقلعي من وجهي قبل مارتكب فيك جريمه
اميره : بتذبحني يعني ..!
عصب ووقف بشكل سريع ودفعها ..
طاحت ب الارض على ظهرها وراسها ..
طيحه حست انها افقدتها وعيها لوقت ..
وبعد دقائق صحت مفجوعه من المنظر ..
كان عمها واقف يناظر لها ..
وصديقه ابو جمال يبوسها برقبتها ..
بشكل مقرف وبريحته الكريهه من الخمر ..
حاولت تفلت بس م ترك لها مجال ..
وبحاله هستيريه صرخت ..
وضربته بركبتها باسفل بطنه ..
طاح ع جنبهه يتالم ويصرخ عليها ..
وهي طلعت الشارع تركض مفزوعه ..
والدموع ع وجهها وتبكي بالم وخوف ..
وشعرها الطويل البني متناثر على وجهها ..
وانفها احمر ويدينها ترجف ب خوف ..
تهاوت ع طرف الشارع المتهالك ..
تبكي و ترجف ويدينها ع وجها ..
: ي بنت ي بنت
رفعت نظرها لمصدر الصوت ..
و من شافته خافت اكثر واكثر ..
اميره وهي تصرخ فيه : لاتقرب مني لاتقرب مني
: اهدي اهدي والله م المسك
اميره بنفس حالتها : كككذاب روح عني
: اقسم بالله مالمسك
وباقناع منه رضت يتكلم معاها ..
: هذا بيتكم ..!
هزت راسها بالايجاب بدون م تناظر فيه
: وش فيك خرجتي كذا ..!
اميره وهي تغطي ع وجهها بيدينها : مالك شغل فيني ابعد عنييي
بهدو : طيب ارجعي يمكن اذا احد شافك يصير شي مو زين
اميره بحده وصراخ : لااااااااااالاااا
: امممممممييييييرررررهههه
من سمعت صراخه وهي ترجف بخوف : ببببعععدد ي كلب
حاولت توقف اكثر من مره ..
بس تحس رجولها خانتها وماعاد تقدر تتحرك ..
وبنظره رجاء ونبرات وهن : تكفى طلبتك لاتخليه يلمسني اعتبرني اختك اي شي بس احميني منه الله يخليك
بملامح باهته : اهلك هذولاء
اميره بصراخ : مو اهلي هذا سكير بيعتدي علي
شهقت على يد ابو جمال الي سحبتها ..
بس يده كانت اقوى وسحبها منها..
وتضاربوا طبعا ابو سالم من اول ضربه طاح ..
لانه سكران بالحيال جمال حاله ..
ورجع البيت وهو يتوعد فيها ..
: وين اهلك ..!
وقفت ومسحت دموعها وهي تصد عنه : شكرا الله يجزاك خير
صح رغم شكلها المبهذل ..
وبجامتها المهتريه و الوانها الباهته ..
و شعرها المتناثر الا انها جميله ونعومه ..
ركب سيارته ومشى جنبها : طيب وين بتروحين ..!
اميره لارد
: يمكن اقدر اساعدك
اميره : ماتقدر سويت اللي عليك وبس
وبالاشعور وكلمات ذابت من شكلها : والله اقدر بس اطلبي
اميره التفتت له وبفرحه : جججججد ..!
: والله
اميره بخجل نزلت شعرها الاسود الي يوصل لاسفل لظهرها ع صدرها وججها العاري وعيونها ع البيت : ابي شغل ..!
: ابشري
اميره بفرح : جججد ..!
ابتسم : والله
اميره وهي طايره من الفرح : الله يسعدك ي رب ويفتحها بوجهك
: بس لازم ترجعين البيت الحين
اميره تحولت ملامح الفرح لحزن : ماقدر
: ليش..!
اميره نزلت دموعها : عند عمي حفله الليله شباب وخمر وانا ماقدر والحين بدوا يجون
سكت شوي : طيب البسي بس عبايه حرام تمشين بالشارع كذا عيال ** كثير
اميره مسحت دموعها : ماقدر باتخبى هنا لصبح وانت اتيسر الله يسر لك
: مابتركك ويلابادخل معاك عشان تلبسين عبايتك واوديك مكان بيعجبك
اميره ضمت نفسها ب خوف : وو وش يعجبني ..!
: والله ماقصد شي بس كنت بادخل معاك تلبسين عبايتك و اذا لقيت امكانيه تبدين الشغل اليوم
اميره : تتكلم جد ..!
: والله يلا امشي
ونزل و قفل سيارته ومشت وهو خلفها ..
دخلوا البيت وهي تناظر عن يمينها وعن شمالها ..
خايفه احد يشوفها ويصير شي لها ..
كان يمشي ويناظر بقرف ..
يلتفت عن يمينه وعن شماله ..
ب علب زجاج مرميه و علب بجرايد ..
و اثاث مهتري و كاسات وصحون بكل جهه ..
: وين غرفتك ..!
اميره : اوقف هنا
واشرت : هذي غرفتي بالبس واجي بس تكفى لاتروح
ابتسم : ابشري
دخلت وبدلت ملابسها بسرعه ..
و لبست عبايتها وخرجت له ..
اميره : الشغل يبي مني اوراقي شي ي ..
قاطعها : اسمي تركي مم لازم شهادتك و كرت عائله ...الخ
دخلت وبسرعه جابتهم وخرجت له ..
وخرجوا من البيت والحي بكبره ..
**
--
- اميره الهادي -
بنوته عمرها 18 ب ثالث ثانوي بيضاء وملامحها صغيره وناااعمه شعرها طويل لاسفل اسفل الظهر بني يمزيها شعرها ونعومتها وملامحها الطفوليه وحيده امها وابوها طبعا ابوها توفى وعمرها سنه وامها العام الي راح
- سالم الهادي -
عمها اخو ابوها عمره 44 افنى عمره ع شرب الخمر وحفلات الخمر والاغاني وجمعات الشباب ولعب القمار
**-**
توقعاتكم :
- رغد و ضاري ..!
- نهى بتطور حالتها والا بيساعدونها اسماء ومساعد ..!
- ياسمين وش السر الي مكرها ب رغد ..!
- اميره بيقدر يساعدها تركي من ظلم عمها ..!