الفصل 2
البارت الثاني -
جالس بمكتبه بين اوراقه والمعاملات ..
يوقع الاوراق و يقرا الملفات وهو يرتبهم ..
انتبهه على جواله الي يرن من فتره قصيره..
وسحبه من بين الاوراق وناظر بالاسم مستغرب..
رد : الو
: السلام عليكم
ضاري : هلا والله وعليكم السلام ورحمه الله
: كيفك يمه ..!
ضاري : الحمدلله كيفك انتي ..!
: الحمدلله وكيف زوجتك ..!
ضاري بصدمه : ووووشوووو ..!
ام مساعد - عمه ضاري - : وش فيك ي ولدي رد ع قد السوال كيف البنت ..!
ضاري وعلامات الصدمه م فارقت وجهه : يمه وش تتكلمين عنه وش زواجه ..!
ام مساعد : ضاري يمه مايحتاج تكذب علي انا اعرف كل شي واعرف انك متزوجها من سنه
ضاري باندفاع : انا مو متزوج وش هالكلام بعدين ليش اتزوج بالسر
ام مساعد بعصبيه : ضاري انا امك تكذب علي
ضاري : لاماكذب عليك
ام مساعد : طيب احلف لي
ضاري نزل راسه ع يده و شد شعره : يمه و
ام مساعد قاطعته : سالتك بالله تتكلم معي عدل ترا والله اعرف كل شي
ضاري يحس المكان مكتوم وصوته بدا يهتز : وش اقول
ام مساعد : حلفتك بالله تحسن تعاملها
ضاري سكت دقيقه كامله وبصوت هامس : يمه كـ كيف عرفتي ..!
ام مساعد : مو المهم كيف عرفت بس المهم الحين كيفها وكيفك معاها
ضاري بتردد : الحمدلله
ورجع راسه ع الكرسي الاسود الضخم ..
و خلل يدينه بين خصلات شعره الاسود ..
الي يوصل طوله لاسفل رقبته بشكل جميل ..
ام مساعد : الله لايغير عليك
وسكتوا شوي ..
ام مساعد : يمه ضاري بزوركم بكره او بعده اذا فاضين
ضاري بنفسه - هذا اللي م حسبت حسابه - : حياك يمه باي وقت
ام مساعد : الله يسلمك
ضاري بتردد : مم طيب يمه م ابي احد يعرف
ام مساعد بتاكيد : اكيد يمه م المفروض احد يعرف لحد م تشهر بزواجك
ضاري ارتاح من نبرات صوتها الي طمنته : الله يخليك لنا
ام مساعد : ويخليك لنا
ضاري : اجل م اطول عليك يمه عندي شغل لازم اخلصه اشوفك بكره
ام مساعد : يلاي معسلامه و الله يوفقك
ضاري : معسلامه
قفل وصار يضغط ع الجوال بقوه ..
لحد ما حس انه بينكسر بين يدينه ..
من قوه ضغطه و رصه باصابعه عليه ..
بعد تفكير وقف بسرعه وخرج من القصر ..
مقرر يسوي اللي يفكر فيه قبل م تجي عمته ..
مو متوقع انها بيوم بتعرف ..
اصلا لحد الحين م قرر وش يسوي بزواجه هذا ..
يشهر فيه او يطلقها او يعذبها اكثر لحد ما تموت ..
لمعت عيونه لما فكر ب الموت ..
وركب سيارته وعلا صوت المسجل ..
ع اغنيه اجنبيه عسى يتناسى همومه ..
و يحاول يبعد افكاره المجنونه عن باله ..
- ي ترى وش يفكر فيه ..! -
**
--
جالسين بالحديقه مستانسين ..
بعد تردد شهد الي اول مره تخرج برا الملحق ..
من اول ما سكنوا عند عمهم ..
: شهد
شهد تلعب بالنافوره الي جنبها : همم
ندى وهي تلعب بشعر شهد الاسود المتناثر ع اكتافها بشكل جميل وبعفويه : تعرفين تلعبين سكت رولز ..!
شهد سكتت لفتره ودمعت عيونها ..
: كنت العب انا ورغد ومرام فيها صح كنا نعرف بس رغد كانت تسوي حركات وترقص وهي تمشي فيها
وبضحكه من بين دموعها : كانت تضحك علينا اذا طحنا وتقول لابوي و امي وكان يضحكون معاها واحنا ننقهر
ندى مسحت دموع شهد : خلاص ي قلبي
وبضحكه تغير الجو شوي : اف شوفي خدودك وانفك احمر
شهد : لانها نزلت دموعي
ندى : الله وش هالسرعه مانزلت الا دمعتين
ضربتها شهد ع كتفها : سخيفه
ندى وهي تضحك مدت يدها ل شهد : تبين نلعب سكت رولز ..!
شهد بفرح : ججدد ..!
ندى ب ابتسامه واسعه : والله
شهد وقفت معاها وهي مستانسه ..
دخلت ندى القصر عشان تجيب السكت رولز - جزمه وانتوا بكرامه بكفرات - ..
كانت واقفه عند النافوره تتامل جمالها ..
العشب الاخضر والورد الالوان يحوطها ..
: نور القصر ي بنتي
ابتسمت له : بنورك ي عمي
وباست راسه : كيفك ي عم !
ابو سطام : الحمدلله كيفك انتي وكيف اخوانك !
شهد : الحمدلله
ابو سطام : ي بنتي كنت امس باجيكم ابيكم بسالفه
شهد : عسى خير
ابو سطام : خير ان شاء الله بس حبيت اقولككم فطوركم و سحوركم عندي
شهد بمحبه : الله يكثر خيرك بس م نقدر اعذرنا
ابو سطام : ليش ..!
شهد : اول اسبابنا سطام
ابو سطام : ي بنتي البسي حجابك انتي واختك وبس
شهد : م تقصر بس راحتنا بحالنا كذا
ابو سطام : اجل م اضغط عليك ع راحتكم
شهد : الله يخليك لنا
وباست راسه ..
: الله يسعدك ي بنتي
وتركها متجهه للقصر ..
بالوقت الي خرجت منه ندى ..
وبيدينها السكت رولز ..
باست راس ابوها ع السريع ..
ورجعت لشهد تركض ..
رمت وحده ع شهد ووحده لها ..
جلست شهد بالارض ولبستها ..
ووقفت : وش رايك نسوي مسابقه
ندى : يلا
شهد بضحكه : والله اتوقع انتي الي بتفوزين لاني افشل وحده تلعب بالسكت رولز بين اخواتي
ندى وهي تضحك : يلا نشوف
شهد : اجل الي توصل للباب الحديقه الكبير قبل الثانيه هي الفائزه
ندى وقفت باستعداد : تم
شهد : 1 .. 2 ........ 3
انطلقوا وكان متقاربين من بعض ..
شهد كانت تمشي بكل براعه و تناسق ..
بس كان شعرها يعثر لها ويلفه الهوا ع وجها ..
رغم هذا وصلت للباب قبل ندى بمسافه طويله..
وجلست على الارض تطقطق وهي تضحك عليها ..
رمت السكت رولز على جنب وجمعت شعرها ..
و سوته جديله على جنب عشان ترتاح منه ..
: كنت اتوقع انك بتفوزين علي
بضحكه عاليه : لا الححمدلله انتي الي فزتي
التفتوا لمصدر الصوت ..
شهد بشهقه : آءء
ندى وهي تاشر ع شهد تبيه يحس ويروح ..
بس هو تجاهلهم ودخل البيت وهو يضحك ..
بعدها ضحكت ندى ع وجهه شهد الاحمر ..
: تصدقين ي شهد اول مره اشوف هالضحكه من سطام
وبغمزه : لايكون بينككم شي
شهد ببراءه : زي وشو ..!
ندى وقفت : قومي قومي والله فيك براءه بتجننيني
وقفت معاها شهد وهي تضحك ..
وكل وحده راحت تاخذ دش ..
بعد لعبهم والتراب الي وسخهم ..
**
--
تفكر ب اخوها و زواجه من بنت الانسان ..
الي ما كرهه احد قد ما كرهه هو و عائلته ..
وقفت وخرجت ب البلكونه تناظر ب البحر ..
مستمتعه بشكل غروب الشمس خلف البحر ..
ابتسمت لما شافت جمال هالطبيعه الي ابدعها الخالق ..
- سبحانه خلق ف ابدع -
فزت لما حست فيه يضمها من ورا : ياسمينتي وش تفكر فيه ..!
ياسمين نزلت دمعتها وبهمس : ضاري
استغرب : وش فيه ضاري ..!
ياسمين بشهقه : خايفه عليه
ولفها عليه وبحنيه مسح دموعها : م فيه الا العافيه
ياسمين : ي ررررب
شد خدودها وبابتسامه : ابتسمي والله توني مكلمه وماعليه الا العافيه
ياسمين بدون تعابير ع وجهها
قوس شفايفه وكانه زعل : زعلت ..!
ياسمين ضمته وبابتسامه ع حركته : مو لايق عليك ابد
وبدلع : مودي
محمد : عيونه
ياسمين بخجل - يسلم عيونك - : بس ءٱ
محمد : وشو
ياسمين بتردد : صديقتي دلال كـ ..
قاطعها محمد بضحكه : دلال ولا فناجيل
دفته بقوه وراحت عنه زعلانه ..
مشى وراها وهو يضحك ..
: اخخر مره صدقيني
صرخت بوجهه : سماجتك بتجنني كل مره تقول اخر مره اخر مره
محمد بهدو وهو كاتم الضحكه : سلامتك ي قلبي
ياسمين طنشته وماردت عليه ..
محمد : وش رايك نخرج
ياسمين لارد لسى زعلانه
ووقف وفتح الدولاب وهو يضحك ..
طلع لها بنطلون اسود وبلوزه رماديه ..
ورماها عليها : اذا م لبستي بلبسك انا
ياسمين لارد ..
قرب منها وكان بيوقفها ..
بس استغرب انها تهتز ..
رفع وججها وانفجرت بوجهه ضحك ..
ضحك ع ضحكها : يلا قومي والا ترا م فيه طلعه
وقفت وهي تضحكك : خلاص قمت
لبست بسرعه ولفت حجابها ع راسها ..
وخرجوا يتمشون ع البحر ..
: مودي
محمد بحب : عيونه
ياسمين بخجل : يسلم عيونك بس كنت باقولك اذا رجعنا ابي اجلس عند ضاري يومين مممره مشتاقه له
محمد كاتم ضحكته : ححححلو عشان افتك منك يومين
ناظرت فيه ووقفت وهي معصبه ..
وواضح بعيونها الي تلمع الدموع ..
مسكها من يدها ورجعوا الفندق ..
ولما دخلوا جناحهم ضمها من ورا : كل عام وانتي جنبي ياسمينتي
ياسمين نست زعلها وبهمس : وانت جنبي بخير وصحه
محمد دخل يده بشعرها وبعثره ..
وهي ترتبه وهو يعيد نفس الحركه ..
لحد م قطع عليه اتصال اخوه ..
رد : ي هلا والله بالدكتور تركي
تركي وهو يضحك : ي هلا فيك
محمد : كيفك ! وكيف الدراسه !
تركي وهو يناظر بياسمين : الحمدلله كيفك انتي وكيف ياسمين !
محمد : كلنا بخير
تركي : الله يديمها
محمد : تركي متى تتخرج طولت
تركي : قريب قريب بتشوفيني بوجهك
محمد : ي رب يقرب هاليوم واشوفك شهادتك بيدك والله بكون اسعد انسان بهاليوم
تركي : واذا قلت لك نجحت وصارت شهادتي بيدي
محمد : تستهبل
تركي وهو يضحك : والله ماكذب
محمد طير عيونه : كيف ! ومتى ! وليش ماقلت لي
تركي : باشرح لك كل شي اذا جيت
محمد تنهد : كنت اتمنى احقق امنيتك واحضر حفل تخرجك
تركي : عادي اصلا افتكيت منك
محمد : ودي اصدقك
تركي : ي الواثق
محمد : اعجبك
تركي وهو يناظر بصديقه الي يناديه : محمدوه اكلمك وقت ثاني مناف يناديني
محمد : الله معاك وانتبهه لنفسك
تركي : ان شاء الله
وقفلوا من بعض ..
--
- ياسمين الوافي اخت ضاري -
عمرها 23 جسمها حلو وسمراء ملامحها صغيره وشعرها ناعممم لنص ظهرها لونه بني غامق متخرجه اداره اعمال
- محمد العدلي -
عمره 28 طويل اسمر يشبهه وائل كفوري شعره خفيف واسود عيونه وساع وناعسه وحواجبه مرسومه العارض المرسوم باتقان يزيد من جاذبيته وجماله يتيم الاب والام معاه اخ واحد مبتعث
- تركي العدلي -
عمره 24 شاب طموح و مجتهد مبتعث يشبهه محمد بحواجبه المرسومه وعيونه الوساع الناعسه وعارضه المرسوم بس الي يفرق بينهم ان تركي بشرته افتح من محمد وفيه غمازات ومركب بيرسز
**
--
تقلب بين القنوات بطفش ..
وسلطان يهزاها عشان تثبت ع قناه ..
: مرام صوتك عالي وانا بالمطبخ اسمعك
مرام : سلطان يصرخ علي
شهد : والله ان صوته اخفض من صوتك
مرام بعدم اهتمام : خلاص خلاص
جلست شهد بينهم وسحبت الريموت ..
شهد : نبي نشوف اذا بكره عيد او لا
مرام ب شهقه : اليوم 29
سلطان : قضى رمضان وانتي بس ع هالمسلسلات لاعباده ولا قران
مرام كانت بتتكلم ..
شهد قاطعتها : وهو صادق
مرام خزتهم وهي تتافف ..
شهد ثبتت ع الاخباريه ..
واخذت صحن حلا ..
وهي تسولف مع مرام ..
سلطان : اوووش اسمعوا اسمعوا
مرام وهي تضحك : وش نسمع قول اقروا
شهد تقرا الشريط الاحمر الي باسفل الشاشه : - عاجل : السديريه رويه الهلال حيث ان غدا اول ايام عيد الفطر -
وشوي بدا المذيع يتكلم واعلن عن العيد ..
سلطان تمدد و ب ابتسامه : كل عام وانتوا بخير وصحه وسلامه واجمل اخوات
شهد بادلته الابتسامه : وانت بخير وصحه وسلامه
ومرام : وانت بخير وصحه وسلامه ي اخيس اخ
سلطان بشهقه : افا ليش ..!
مرام وهي تضحك : لانك تهزا اختك
سلطان : دام كذا احسن
سكتوا شوي ..،
سلطان عدل جلسته : حبيت اقولكم عيد اعمامي هنا يشبهه عيدنا الا مو يشبهه نفسه يعني م يحتاج اشرح
شهد : حلو عشان م يتغير روتينا
مرام تتافف : يعني بشوف زوجه عمي
سلطان : تجنبوا الكلام معاها
شهد : اي هذا اللي بسويه
مرام وقفت : يلا بروح اجهز نفسي
شهد وقفت معاها : وانا بعد بروح ارتب المطبخ واجهز نفسي
سلطان : وانا اجلس مع الجدران
شهد : هذا الي بيصير
سلطان وقف : وانا بطلع
شهد : لا تطلع
سلطان : ليش،..!
شهد : اجلس معانا احسن وش تبي بفره الشوارع
سلطان : الحين الي يسمعك يقول بتجلسين معاي
شهد ضحكت
سلطان : يالله معسلامه
شهد : الله يحفظك بس لاتتاخر
سلطان : بعد صلاه العشاء بكون موجود
شهد ومرام : الله معاك
خرج سلطان ..،
وكل وحده منهم راحت تشوف شغلها ..
**
--
يدور بالمجمع من محل ل محل ..
يبي يشتري لها ملابس حلوه بس مو عارف ..
دخل محل نسائي كله بلايز وتنانير وفساتين تبع طلعات ..
الموظفه : لو سمحت المحل نسائي
ضاري : طيب لو سمحتي ممكن ابيك بتجهزين لي طلبيه
وخرج ..،
مشت خلفه الموظفه : لو سمحت
ظاري : نعم
الموظفه : كيف طلبيه ..! م فهمت ..!
ظاري : انا ابي اهدي لزوجتي ملابس وكذا بس مو عارف وش اختار ف اختاري لي 8 او 10 لبسات مو مهم السعر
الموظفه : طيب المقاس
ضاري : تقريبا موديوم او زي هذا - اشر ع فستان معروض -
ودخلت وهو جلس مقابل المحل ينتظر ..
مرت ربع ساعه وهو ينتظر وبدت علامات الطفش..
طلب له من الكفي الي جنبه كوب قهوه ورجع ..
وقف وكان بيدخل بس شافها خرجت وبيدها كيسين ..
ونزلت الاكياس جنبه : الحساب 3500
طلع بوكه وبدون اي نقاش اعطاها المبلغ ..
فتح الاكياس بهدو وتفحص الوان الملابس ..
عشان يجيب لها جزم وفلاتات - وانتوا بكرامه - ..
نزل الاغراض بالسياره ورجع يشتري الجزم والفلاتات ..
اشترى 3 فلات 3 كعوب و بوت طويل ..
خرج وركب السياره بعد م نزل الاكياس بالخلف ..
وصل القصر بعد ساعتين ..
بهالساعتين مر محل حلويات و .. و ...
وصل البيت واستغرب من الهدو ..
معقوله نامت الحين وناظر بساعته الي كانت 8 الا عشر ..
كانت كل الانوار مقفله بس نور المطبخ الي مفتوح ..
دخل المطبخ وشافها جالسه ع الكرسي ومنزله راسها ع الطاوله ..
قرب منها وشافها نايمه بتعب واضح ع وجها ..
جلس جنبها و لثاني مره يتامل ملامحها ..
من تزوجها كان يبتعد عنها خايف يتهور..
انفها وفمها الصغير ورموشها الكثيفه ..
وشعرها الاسود الواضح من الخصل..
المتناثره على وججها بعشوائيه ..
ضل فتره يتاملها م يعرف كم جلس ..
بس حس انه لاول مره يشوفها عدل ..
بعد فتره حس ع نفسه ووقف بسرعه ..
هزها بخفيف ولاول ممره بهدو : رغد
رغد لارد
هزها مره ثانيه : رغد
رغد بعد لارد
هزها مره مرتين ثلاث بس لارد
بالمره 4 هزها من كتفها بقوه وهو يصرخ عليها : رررغغغددد
صحت مفجوعه وفزت بخوف ..
ومن شافت ملامحه بكت بخوف ..
تنهد براحه : الحمدلله
نزل الاكياس ولا اهتم ببكاها ..
: هذي الملابس البسيهم اذا جت عمتي ويلا غرفتك عشان تنامين
رغد بصوت مبحوح : م كملت شغلي
ضاري بحده : مو لازم خلاص روحي وحبيت اقولك ترا بكرا عيد
وخرج من المطبخ بكل هدو ..
جلست و حاولت تهدي نفسها ..
بس اطرافها ترجف من الخوف ..
تكره طريقته الي دوم يصحيها فيها من النوم ..
بعد فتره هدات و شالت الاكياس ..
وصعدت غرفتها مكان امانها ..
نزلت الاكياس ع السرير وشافتهم مستغربه ..
بس م طولت رمت الاكياس جنب الدولاب ..
ودخلت بفراشها مهمومه ..
وهي تناجي ربي ..
يمه يبه هذا ثاني عيد اقضيه بعيد عنكم ..
والله اشتقت لكم واشتقت لاخواني ..
ولبيتنا وللجامعه الي م كملت فيها ترم ..
ولكل شي كان بحياتي .. ي ليت الي راح يرجع ..
ي ليت انا هالانسان القاسي م دخل ب حياتي ..
هه الليل بقضيه ي ليت و ي ليت وبدون فايده ..
الله يجبر بخاطري ويصبرني ي رب ..
**
--
- فجر يوم جديد -
مواصل ع الاب ينهي شغله ..
فجاءه سحب الاب من ع سريره ..
ونزل بسرعه ياخذ الدرج بدرجتين ..
اتجهه لصاله وهو ينادي امه وابوه بصوت مرتفع ..
فتح الاب بعجله و بسرعه فتح السكاي ..
: يمه يمه يبه
خرجت من المطبخ تجفف يددينها : وش فيك ..!
: مناف يبي يكلمك انتي وابوي سكاي
والفرحه بدت ع وججها واتسعت ابتسامتها : بعد قلبي بس ابوك ابوك خرج يصلي صلاه العيد من ربع ساعه
وجلست : مشاري م قال لك اخوك متى بيرجع ..!
ناولها الاب : اي سوال بخاطرك اساليه
بس اولا شوفي المقطع هذا ..
وفتح لها الفيديو وابتسم ابتسامه عريضه ..
كان شخص شعره اشقر وهو ابيض ..
وجنبه واحد عكسه شعره اسود وهو اسمر ..
سمعت اسم ضناها وهم ينادونه :
مناف عبدالله الفيصل
شافت مناف اتجهه لهشخصين
سلموا عليه وناولوه ورقه ودرع وصور معاهم
وبعدها نزل ..
ولبسه لبس تخرج ..
فتح لها مشاري السكاي ..
وعيونها غرقانه دموع فهمت من المقطع ..
ان مناف تخرج واستلم وثيقه تخرجه ..
: كل عام وانتي بخير ي الغاليه
ام مناف والدموع تنزل : وانت بخير وصحه وسلامه
مناف : يمه الله يهديك وش هالدموع
ام مناف تمسح دموعها : من فرحتي
مناف : اخاف تجلسين تبكين لبكره وانا ابيك تستقبليني بدون دموع م ابي اشوف دموعك ي الغاليه
ام مناف بشهقه فرح : بتجي بكره ..!
مناف مثل انه زعل : م تبيني يمه ارجع
ام مناف رجعت تبكي : يوم مناي رجعتك الله يرجعك لي بالسلامه
مشاري يبي يغير الجو : يمه بسافر عشان تبكون علي
ام مناف : احسن نفتك منك
مشارع فتح عيونها وفمه : وووشووو ..!
مناف بضحكه : تستاهل اكثر
مشاري وقف : يلا بسافر
وخرج من الصاله متجهه للباب الحديقه وخرج ..
ام مناف : شكل المجنون هذا صدق
مناف : لا ممستحيل يمكن راح يلحق صلاه العيد او يجيب لكم اغراض وكذا عشان تحتفلون فيني
ام مناف : انت بس تعال واحتفل فيك شهور من فرحتي
مناف وهو يضحك : من عيوني الثنتين
ام مناف : عاد خلاص تخرجت ان شاء الله بعطله الربيع زواجك
دخلت وبسخريه : اجل جاك الموت ي تارك الصلاه بتبثرك ي منافي ع ندى الزفت
ام مناف بحده : سسساره انقلعي
مناف وهو يضحك : م يصير خاطرك الا طيب عاد كل مره تفتحين الموضوع
ام مناف : عاد لاتلومني ابي افرح فيك
مناف : ان شاء الله ، يمه ساره عندك
ام مناف ناظرت بساره : لا يمه مو عندي
مناف : سمعتك تنادينها قبل شوي كـ ..
وبتر كلامها وبعجله : طيب يمه سلمي لي ع ابوي و ساره و سما وماجد الحين ينادون ع طيارتي معسلامه وقفل الايباد بعجله وقف
ام مناف م كنت تتوقع انه بالمطار ..
وطارت من الفرحه لما عرفت انه بالمطار ..
ساره : يمه ليش تقولين له اني مو موجوده
ام مناف خزتها : عشان م تسمعينه كلام يسم البدن ووالله ثم والله ي ساره ان سمعت منك كلام يغث اذا جاء اخوك ان م تلومين الا نفسك
وتركتها وخرجت بدون م تسمع ردها ..
ومن وناستها اخذت الخدم ..
وبدت تشرح لهم وش يسون ووزعتهم ..
--
- ام مناف نوره -
آخت ابوسطام عمرها 42 حياتها عيالها طبعا تحب تهتم بنفسها وتتكشخ كشخه تناسب سنها
- مناف الفيصل -
شاب عمره 26 درس الهندسه وابتعث يكمل الماستر جميل بشكل حنطي البشره شعره بني غامق ناعم بس يتموج بشكل جميل عيونه كبيره وناعسه واكثر م يميزه جسمه المتناسق بطوله و امتلاها
- مشاري الفيصل -
شاب عمره 24 متخرج قسم اعلام وتوضف عند خاله ابو سطام بالشركه طبعا يشبهه مناف كثيرلدرجه انهم يحسبونهم توام بس شعرها اشقر وبشرته افتح من مناف
- ساره الفيصل -
عمرها 20 تدرس 2 جامعه قسم دراسات الي مو مناسب لها لانها م تستحقه من حركاتها الي المفروض تكون متانيه وفيها دين لكن الله يهدي الجميع بيضاء ملامحها عاديه وشعرها جميل بني غامق لنص ظهرها
--
**
كالعاده تقضي يومها هواش مع الخدم ..
ويجي اخوها يفك بينهم ويهزاهم ..
: رهاااا
بلعت ريقها بخوف : ثـثـ ـثـ ـامر متى جيت ..!
ثامر بحده : متى تبطلين حركاتك ووتتركين الهواش كل يوم
رها لارد
ثامر : تكلمي وين لسانك الي قبل شوي والا
رها دمعت عيونها : لا تصرخ بوجهي اصلا لو كان ابوي عايش م صرخت كذا ولاتركك تصرخ بوجهي
: انتوا خلاص
ثامر : يمه
ام ثامر : لمتى وانتوا ع هالحال
رها : يمه كيفي نتهاوش ان وريمه - الخادمه - ونرجع عادي كيفنا لايتدخل
ام ثامر : رها احترمي اخوك
رها صعدت غرفتها بدون م تتكلم اي كلمه ثانيه ..
وهي تبكي بصمت وتدعي لابوها الي كان مدلعها ..
ثامر باس راس امه : كل عام وانتي بخير يالغاليه واعذرني ع الهواش الي قبل شوي
ام ثامر بحنيه : وانتي بخير يمه وانت م هواشتها بس هي تحب الهواش وتكبر الامور
ثامر بضحكه : طيب يمه ابي وحلاو العيد
ام ثامر كالعاده سحبته لسله الحلاو واخذت بيدها كميه واعطته ..
ثامر بضحكه : تعرفين والله م اكل هالحلاو الا من يدينك ي جعلهم بالجنه
ام ثامر بادلته الضحكه : اجمعين يارب
ثامر : طيب يمه تجهزي بنروح لعمي و ترا عمتي بلغتنا انها مو جايه لانها بتجهز لحفله بعد بكره بمناسبه تخرج مناف
ام ثامر : ماشاء الله تخرج
ثامر : ايه الله يوفقه
ام ثامر : امين ي رب
ثامر بابتسامه : بروح مشوار صغير لشركه وارجع ساعه والاقيكم جاهزين
ام ثامر : ان شاء الله يمه
**
- ثامر الحاتمي -
شاب عمره 27 الي يشوفها يعطيه اكبر من عمره مو لشكله لا كشكل جميل وعلى عمرها بس لحكمته وتحمله المسوليه يتصنع الشده عشان يضبط حركات اخته الوحيده الي م تهتم بس مع ذلك حنون وحبوب ابيض وشعره بني غامق طويل ومعضل
- رها الحاتمي -
عمرها 18 ع قد م يهزاونها ويقولون ولد الا ان شكلها بنوته كيوت بس حركاتها طايشه وماتحسب حساب لشي بيضاء دبدوبه شوي وشعرها كيرلي بطبيعته لاسفل ظهرها وعيونها جميله بوسعها ولونه البني
**
--
في يوم العيد ضاقـت بـي وزاد الهـم
من فارق اهله وخلانـه جفـاه النـوم
حاولت اغمّض عيونـي وأنـا أتوهـم
بكره تزين الايام واقضي عيدي بينهم
نزلت المفرش من على عيونها المنتفخه من البكاء..
من صلت صلاه العيد وهي مقررة تقضي اليوم ..
كله نوم وفي الظلام م تبي تشوف او تسمع شي ..
رافضة أن تعيش هذا اليوم لوحدها بعيد عن اهلها..
بكت ب شوق وحنين ل الصلاة مع امها واخواتها..
تكلمت ب صوت خافت وباكي تناجي يوم العيد..
وكانها ب يسمعها ويواسيها و يجاوب ع اسئلتها..
وش حاجتي فيك ياعيد ..
الخلق يفرحون فيك..
ماينقهرون وينظامون..
حتى بالحلم محرومة منهم..
صعب علي ألقاهم حتى في الحلم..
سيطر على أحلامي ونومي ..
ماعاد يفارقني لابصحوتي ولا غفوتي..
هه م بين ضرب و صراخ ..
كانت بتقفل عيونها تحاول النوم ..
بس تضايقت من النور الي ازعجها ..
وبشكل سريع رفعت المفرش عنها..
ونزلت من سريرها توجهت ل الباب ..
وقفلت جميع انوار الممرات والصاله ..
ورجعت لكن تعثرت بشيء أستغربت وجوده..
شغلت الابجورة وقربت من الاكياس ..
تذكرت امس و زياره عمته ..
جلست على الارض ورفعت شعرها من على وجها..وفتحت الاكياس مدت يدها طلعت اللي بالكيس ..
أول شيء كان قدامها هي جلابيه سودا قصيره لنص الساق ويدينها طويله بسوار ..
و تنوره سودا من نص الساق وبلوزه رماديه ..
شهقت بصدمة لما شافت فستان قصير احمر قاني بدون اكمام ولنص الفخذ مره عاري ..
احمر وجهها من الخجل وهي تتخيل نفسها فيه ..
كورته بين يديها ورمته في الكيس وهي ترجف..
لمت الأغراض كلها ورجعتها في الكيس بسرعه ..
حسبي الله عليك ي قليل الأدب يالي م تستحي..
وش ابي في هالفستان لالا مو فستان هذا قميص..
وقفت ورجعت ل فراشها بسرعه ..
قفلت النور وتغطت بالمفرش ..
وأجبرت نفسها على النوم..
مع أن خيالها كان يشتغل..
اخوانها وهما مجتمعين مع بعض ..
ويتبادلون التهاني والهدايا والعيديات ..
دمعت عيونها ع هالذكرى ..
وبكت لحد م نامت ..
**
--
جالسة من بعيد صلاه العيد ..
بغرفتها وحاضنة ثوب صلاة امها ...
وتبكي بحنين وشوق لامها الي غابت عنها للابد ..
اااه يمه احس بغيبتك غربة ..
مو مرتاحه ابد الضيق والوحده ذبحتني ..
مشتاقة لك ولابوي وهواشكم لي ولاخواني ..
الله يجمعني فيكم بالفردوس..
بعد فتره حست ع نفسها ..
وقامت ومسحت دموعها ..
( لا شعور يضاهي الحنين الى الام )
واتجهت لغرفه مرام الي كانت نايمه للحين ..
قربت منها وصحتها وصرخت عليها : مممرام قومي الحين بلبس ومابنتظرك
مرام بكسل : طيب طيب بس روحي
سحبت شهد الحاف معاها ..
ومرام فزت وهي تصرخ عليها وتهزاها ..
شهد دخلت غرفته مطنشتها ..
بدلت ملابسها بسرعه لانها حست انهم تاخروا ..
لبست فستان عشبي ع الجسم طويل وساده ..
بدون اكمام بس سلك واكسسورات ذهبيه ..
سوت شعرها كيرلي بطوله الي طلع يجنن ..
حطت كحل اسود داخل عيونها ..
وروج اورنج جميل ..
خرجت وشافت مرام م لبست للحين ..
وعصبت عليها وجلست تنتظرها بالصاله ..
وبعد فتره خرجت مرام كانت لابسه ..
فستان سكري دانتيل ع جسمها وقصير ..
ويدينه طويله وفتحه الصدر بحركه الدانتيل ..
وحاطه كحل اسود فرنسي من فوق العين ..
وروج هادي وردي كان لونه طبيعي ..
طالعه كيوت مممره ..
: سموا ع انفسكم
وقرب منهم ينسف شماغه : كل عام وانتوا بالف الف خير
سلموا عليه بحذر عشان الروج - معانتي ههههههههههههه - وباركوا له بالعيد ..
واكيد لازم كم من دمعه ع اهلهم ..
سلطان يبي يغير جوهم : اوووف وش هالاشكال خربت اشكالكم
مرام فزت وهي تدور ع مرايه : اممما
سلطان اطلق ضحكه ع حركتها ..
: والله م فيكم شي ويلا خرجنا
الكل : يلا
خرجوا ويدينهم بيدين بعض ..
واتجهوا للقصر دخلوا من باب المطبخ ..
وسلطان دخل من باب الرجال الرئيس ..
وانتبهوا للي تصفر : ووووواوووو
مرام كاتمه ضحكته ورافعه راسه بشموخ ..
حركت شعرها بدلع وبابتسامه : م يحتاج تمدحيني اعرف اني امز وحده بالعالم
ندى بضحكه : يقطع ابليسك بس والله ماشاء الله تجننون
مرام ضمتها : مو اجمل منك يالشينه
ندى بضحكه : شينه بعد
و شهد سلمت عليها وباركوا لبعض بالعيد ..
شهد : وش فيك محتاسه
ندى : الخدم مع امي و تسنيم يعدلون قسم الحريم ويسون التحضيرات وانا مو عارفه وش اسوي بهالحلا
شهد بضحكه : خلاص روحوا كملوا معاهم وانا باقطعه بالشكل الي تبينه
ندى باستها بخدها : ششششششكرا ي اجمل شهد
مرام رفعت يدينها ع عيونها : عععيييييببب
ندى سحبتها وخرجوا وهما يضحكون ..
شهد قطعت الحلا مربعات صغار ورتبته بصحون ..
وشالته عشان توديها لمجلس الحريم الي م تعرف وينه ..
بس من الوان القصر المتناسقه شافت الون الرماني ..
وعرفت انه قسم الحريم ..
: احم احم
ارتعبت من الصوت بس تاكدت انه هو م غيره ..
تنهدت بقهر وبنفس الوقت مرتبكه مو متغطيه ..
طبعا هو م قصر وناظر فيها من فوق لتحت ..
من يتخيل ان سطام الي يكره البنات وسواليفهم ..
يهتم باحد ويناظرها كمان بتفحص وتمعن ..
ولاكانه حرام وبتصير مشاكل اذا احد شافه..
دخلت مجلس الحريم وهي متنرفزه ومقهوره ..
القت السلام ع الجميع ونزلت الصحن ..
وسلمت ع عمتها الي رمت كم كلمه جارحه ..
**
--
- ومر اليوم عادي بدون احداث مهمه -
غربت شمس العيد ..
بعدها قررت تطلع من غرفتها ..
نزلت الصاله وفتحت الستائر الكبيره ..
مودعه لشمس وكأنها تودع الأمل في رجوعها لاخوانها ..
طول اليوم وهي تتأمل ان ضاري ممكن يسمح لها تكلم اخوانها ..
لكن كان كما نفس ما عرفته دوم قاسي ما يلين..
غايب عني وتاركني وحدي هه اصلا انا دوم وحدي ..
تتمنى تدعي عليه بس ماتقدر ولا مره دعت ع احد ..
مسحت دموعها بظاهر كفها وتنهدت بتعب ..
سبت ضعفها وجبنها الي يمنعها من مواجهته ..
كانت تفكر بامها وابوها الي راحوا ولاشافتهم ..
واخوانهم الي م تعرف وش حالهم الحين ..
فزت بخوف ورجفه لما حست بيد على كتفها..
وجسم يرمي ثقله جنبها بمسافه قريبه منها ..
عرفته من دون ماتناظر فيه..
يمكن من ريحة عطره الي حافظتها أكثر من ملامحه..
حاولت توقف لكن هو وثقها وجلسها جنبه ..
استسلمت لانها تعرف انها مهما قاومته ..
ماراح يتركها الا ب ارداته ومزاجه ..
ظلت صامته على حالها لا ناظرت فيه ولا تكلمت..
ضاري بهمس قريب من اذنها : ليش م صحيتي بالعيد
رغد برجفه لارد
ضاري : ع الأقل الصلاة لو صليتيها
رغد بهمس : صليت
جلس فتره يتكلم معاها بس بالها مو معاه ابد ..
تفكر متى بينتهي هالحال وترتاح منه ..
ضاري تنهد : ناظريني ..!
طنشته ودفنت وجهها بيدينها ..
شال يدينها بقوه عن وجها ولفها عليه..
قفلت عيونها م تبيه تكرهه م تبي تشوفه..
ضاري : ليش ..!
رغد : مابيك ابي اهلي
ضاري قرب منها وهي تشد على عيونها..
ضاري ببرود : بس انتي معي هذا العيد والي قبلها وكل عيد راح تظلين معي
رغد دمعت عيونها : بتشوف بارجع لاهلي
وقفلت عيونها بقوه ..
هه تضن انها م بتسمعه مثلا ..
حست بانفاسه الحاره تقترب منها ..
فتحت عيونها بخوف ورجفه ..
وهو بحركه سريعه قبلها ..
وعض شفايفها بعنف ..
رفعت يدها لشفايفها ب الم من حركته ..
وبنفس الوقت تحس انها متجمده ..
م تقدر تمشي خطوه وحده ..
اتجهت للاصنصير ببطئ ..
وسمعته وهو يقول : ترا هذي هديتك للعيد وش اجمل من هالهديه ..!
وضحك : من قدك باسك ضاري الوافي باس خادمته
وبعدها انقفل باب القصر وتاكدت انه طلع ..
جلست عند باب الاصنصير ع ركبها ..
تبكي وتندب حضها ..
وهي تدعي ان ربي يجمعها باهلها..
**
--
جهزت شنطتها وتاكدت منها وقفلتها ..
ناظرت ببنتها الي جوالها بين ييدينها من جلست..
: ننننننهههىىى
نهى وقفت : لـ لبيه
ام مساعد : الله يلبيك ، بس ثاني مره والله لو اشوف الجوال بيدك وانتي عندي
نهى : ان شاء الله
ام مساعد وقفت : باجلس عند ضاري اربع ايام والله لو تاذين زوجه اخوك والا اخوانك
نهى عصبت : يمه وهذا كلامك كل مره وش سويت لهم
ام مساعد : انتي اعرف
نهى وقفت والدموع بعيونها : هذا كلامك كل مره طيب وش سويت لهم احد قالك شي ..! والا اقولك بشي ارتاحي يمه انا ب اتصرف
وبسخريه : ب اريحهم مني تطمني
وخرجت ..،
ام مساعد : نهى نهى
نهى لا رد
: يمه وش فيها نهى ..!
ام مساعد : دلع بنات
مساعد سلم راس امه وعايد عليها ..
وجلس..،
مساعد : جد وش في نهى كانت تبكي
ام مساعد : بس عشان قلت لها لاتاذين اخوك وحرمته بغيابي
مساعد : والله يمه انها مونستنا وش هالكلام
ام مساعد : دائما تتلقف بينك وبين زوجتك وتحرجها
مساعد : اسماء شكت عليك ..!
ام مساعد : ي حليلها بس والله م شكت
مساعد : طيب ليش تهزائينها دوم خليها ع راحتها
ام مساعد : م احد بيخربها الا انت
مساعد تنهدو ووقف : عن اذنك يمه
وخرج متجهه لغرفه نهى ..
الي م رضت تفتح له وومو من عادتها هالحركه ..
--
توقعاتكم !!
وتفاعلكم !!