الفصل 3
’ البـــارت الثـــالث ’’
صوب البنات بعد ساعة ونص حاطو فالمول بكبره
طيف : اوف تعبت
شهود : اهي اهي ريلي عورتني
شمول : آآآخ
اسوم : ايه جب فضحتونآ الله يغربلكم
شهود : انتي جب جب
منيه : ايه يلا خلاص باقي لينا مال المكياج بس
ريموه : لا شو بس . . بعد مال الشنط
شموس : خيبه عيل نحن من ساعة ونص نحوط شو نسوي
عهود : اااهه . . بنت عمي لحقيني بموت
اروى ( تصد ورى وترجع تصد قدام )
شمول : انتي بلاج تتلفتين من ظهرنا من محل النعل وانتي جي
اروى ( بصوت خفيف بس هم يسمعونها ) : اييه تشوفون الشباب اللي ورانا
مروه ( تصد ورى وترجع تلف ) : هي . . بلاهم
اروى : هاذيل من ظهرنا من المحل وهم يمشون ورانا
عهود ( فجت عينها ) : بذمتجج ؟
اروى : قسم بالله
ريموه : ايه سمعو محد يصد ورى اوكي
الكل : اوكي
ومشو سايرين صوب محل المكياج
منية : هكو ( وبلغلط طاحت الغشوه )
1 : اوف يالله ع هالجمال . . غزال غزال
كل البنات صدو ع مصدر الصوت
منيه : نعممم !!!!!
2 : فديت هالصوت
شموس : لو سمحت احشم
مروه : يالله جلبو ويوهكم
1 : اتزين بس الرقم
واحد من ورى حط ايده على جتفة : خير اخوي في شي ؟
البنات لفو ع الشخص و توهقو
1 : نعم ؟ . . انتو مو ؟
منصور : ما يخصك منو نحن
1 : يالله يالله سير مناك شوف لك بنت غيرها
وليد ( يرفع كم كندورته ) : اها جي السالفة . . اوكي
لف اونه بيسير . . وبحركة سريعة لف علية وعطاه بكس طيحه طيحة ع الأرض
وليد : لو سمحت ثمن رمستك . . انا مب من هالنوع
منصور ( يحاول يبعد وليد عن الولد ) : ولييييد خوز عن ذبحته
2 : اييييه خوز عنه لا ادفنك انت واللي وياك
منصور لف عليه : نعم !! بتدفن منو ومنو ؟
خاف وسكت ما قال شي
وليد خاز عن الولد : يالله تأسف لهم
الولد ( يمسح الدم اللي نزل من خشمه ويطالع البنات ) : آسف
منصور يطالع الولد الثاني : وانت
2 : لازم
منصور رفع ايده بيضربه بس ع طول الولد قال : آسف آسف
وسارو . . اما منصور ووليد لفو ع البنات اللي كل وحده متمسك بإيد الثاني ويرجفون وتمو يطالعوهم
منصور : انا ما قلت لج تتغشين
منبه شوي وتصيح : انزين والله تغشيت بس بالغلط طاحت
منصور (متخصر ) : لا والله
مروه بلا حاسية رمست : انزين انت بلاك بتاكلها تراها ما سوت شي
منصور لف عليها وبقق عيونه ( منصور : اوف ما شاء الله شهالجمال وصوتها عذوبي . . والله ما الوم الولد يوم غازلهم )
وليد : فطيييم
فطوم ( بسرعة رمست ) : والله والله ما سويت شي . . ها ها حتى الغشوه ما عقيتها . . والله هم اللي لاحقونا . . والله ما يخصني قسسسم بالله . . حتى اسأل ربعي
وليد : خييبه انزين شوي شوي ما قلت شي انا
منصور : هههههههههه
وليد : زين يالله ككل وحده تسير البيت
شموس ( رفعت راسها ورمسته ) : شو لا . . بعدنا ما خلصنا
وليد تم امبهت فيها وما خوز عينه من عينها . . شموس انتبهت حقة استحت ونزلت راسها لين ما منصور انتبه ورفس وليد بكوعة ع بطنه
وليد ( حط ايده ع بطنه وقعد يتألم ) : اخخخ حسبي الله ع بليسك ( بهمس )
منصور يطالعة وكاتم ضحكته : زين يالله خنسير
وليد : نعم . . والله ما سرت وخليت فطوم مع البنات يتغزل فيهم واحد من الشباب
منصور تقرب منه وهمس بخبث : فطوم وله البنت ههه
وليد فج عينه ولف عليه وعض شفايفه . . لف ع البنات : سمعو بنسير نزقر الشباب وبني انتو تمشون ونحن وراكم لين ما تخلصون . . سمعتو ؟؟
البنات : انشاء الله
منصور : لا انت تم اهني وانا بسير ازقرهم
وليد : اوكي بس لا تتاخر
منصور راح وتم وليد مع البنات واقفين
وليد : فطوم
فطوم : شوو ؟
وليد : تعالي
سارت صوبه : خيير
ضربها ع راسها بالخفيف : اييه رمسي عدل
فطوم ( تحط ايدها ع راسها ) : اخخ انزين شو تبآ
وليد : المهم ( وبصوت خفيف ) منو هذيك ؟
اطالعته وهي مستغربه : شو
وليد ( بهمس ) : أقول لج منو هذيك ؟
فطوم ( فجت عينها ) : منو ؟
وليد ( بهمس ): ربيعتج اللي ردت علي ؟
فطوم فهمت عليه ( وبخبث ) : اها تقصد شموس اقصد شمسه
وليد ( ابتسم ) : اسمها شمسه
فطوم : هي . . ( بخبث ) وانت ليش تسأل ؟؟
وليد ( ارتبك ) : ها . . لا لا ماشي يالله سيري عندهم
فطوم ضحكت وسارت
شوي وصلو الشباب وطبعا عرفو باللي صار . . اول ما وصلو البنات حصلو نزاعة بس وليد ومنصور دافعو عنهم لانهم يعرفون باللي صار . . البنات دخاو محل المكياج بعد ربع ساعه طلعو
هزاع ( وهو طفران ) : انا أقول امي ليش ما تيبكم تتسوقون . . عثركم تخيسوها فالمحل ساعه كامله
ناصر : وانا أقول ليش امي كل يوم اطرشكم مع الدريول
ابراهيم : وانا أقول ليش امي تحتشر يوم اروى ترجع من السوق
راشد : وانا أقول ليش امي ما تخليهم يسيرون المول الساعة 7 عثرهم بيرجعون الساعة 1 بليل
محمد ( يتمصخر ) : وانا أقول
مايد ( يتمصخر وياه ) : اها وانا أقول
سيف : خيبه خيبه بس انا أقول وانا أقول . . قولو زين بس مب جدامنا شو نسوي ليكم نطبل ليكم ام علايه مثلا
ومن اهناك منصور ووليد وعزوز وعبدالله وذياب وحمدان مع البنات فاااطسين ضحك
ذياب : ههههههه يالله خلصتو
شهد : لا بس باقي مال الشنط
حمدان : يالله عيل بس لا اخيسونا برع
البنات : هههههههههههه اوكي
ومشو سايرين صوب محل الشنط وشافو كله زحمه
ريموه ( فاجه عينها ) : خيييييه
طيف : ما شاء الله هايل كلهم باجر عيد زواجهم شو
شمول : ههههههه انا أبا اعرف الشباب شو دخلهم فمحل شنط الحريم
ناصر : هههههه يمكن يشترو حق حريمهم
راشد : شموس . . عهود مسكو ايد بعض عن اضيعون
عبدالله : هي عسب امي وعموه ما ياكلونا
شموس مسكت ايد عهود ودخلو
وبعد ما خلصو طلعو
حمدان : زين طلعتو .. ( يشوف الساعه ) بل يات 7 !!
احمد : احللللللف ::!!
حمدان : قسم بالله
مايد ( يحط اده ع جتف عزوز و سيف ) : تراكم بتيون بيتنا انزين
عزوز : زيييين
سيف : يصير خير
وليد : خييييييير ؟
سيف : شو . . بسير اودي اختي البيت
مايد : انزين عادي خلهم ايون بيتنا . . هم بيلسون فالصاله ونحن ف ميلس الريايل
"""""""'"''""'"'""'"'"'"'"'"''"'"'"'""'"'"'"''"'"" ""'"'""'''"'"'"'"''"'"'"'"'""""'""'""'""
" فبيت بو مايد "
فطوم : يلسو هني بسير ازقر امي وبي
البنات : انزين
سارت فطوم تزقر أمها ورجعت
ام مايد : السلام عليكم
البنات وقفو : وعليكم السلام
ام مايد ( وهي شاقه الثم ) : حي الله من يانآ
البنات : الله يحيج خالوه <<<< ههههه قسم بالله ما يليق عليكم الادب
وكل وحده سارت تسلم عليها وتبوس راسها
فطوم : امايه هاذي مروه ( وتأشر عليها ) وهاذي طيف ( وتأشر عليها ) وهاذي شهد ( وتأشر ) وهاذيل التوأم اسوم وشمايل زقريها شمول ( وتأشر ) وهاي منيه ( وتأشر ) وهاذيل بنات عم شموس وعهود ( وتأشر عليهم )
ام مايد (فجت عينها ) : فطوم شوي شوي عليه ،،،، اعنبو مب من اول دقيقة بحفظهم
الكل : هههههههههههههههههههههههه
ام مايد : هههه. . عاشت الاسامي
البنات : عاشت ايامج خالوه
ام مايد : بسير أقول لشغاله تحطي ليكم عشى (وسارت )
شهد : اااه اسمنه بطني يزقزق
ريموه : اخ ريلي تعورنبي
مروه : ريلي انكسرت من كثر ما مشيت
منيه : راسي بينفجر
طيف : سكتو جنكم عيايز يتحلطمون
فطوم : موني تبين بندول ؟
منيه : هيه ياليت
فطوم : ويت
سارت فتحت الدرج اللي فالمكتبه وطلعت بندول وكبت لها ماي وعطتها
منيه : تسلمين
شموس وعهود واروى واسوم مسووين لهم طاف ويالسين يرمسون . . جان تشل شهد المخده وراشتها عليهم
اروى : اخخ
عهود : ليش ؟ !!
اسوم : شو سوينا ؟
شموس : ايه هذا مب بيتكم تروشين المخده فضحتينا
البنات : ههههههههههههههه
اروى : جب جب اسمنكم ماصخين
اسوم : ضحكتن بلا ضروس
شهد : ههههههه والله شو اسوي ساحبين علينا وترمسون
"""""""""""""""""""""""""""""""""""""""""""""""""" """"""""""""""""""""""""
اليوم الثاني " فبيت بو حمدان "
طيف : اووف . . زين سيري سيري بقوم
الشغاله : يالله سرئه مافي واجد وقت
جان تشل طيف المخده وتفلعه : قلنالج بنش بنش ، ، ها نشيت
الشغاله : انتي بتشآ ما في زين ( وتشلها بركضه )
طيف ( صرخت ) : شااااااندروهههههه يالبعععععععير يالحييييوااااااانهه انا بتشآآآآآآآ ما زين صبرررري عليه
ونشت سارت الحمام . . ويوم خلصت نزلت تحت وهي تتحلطم
باست راس أمها وابوها وهي بعدها تتحلطم وقعدت مكانها
ام حمدان : يالله صباح خير . . بلاج تتحاطمين
طيف : هاي شاندرا ما ادانيها كله تغصص بي
عزوز دخل : هههههههه دواج
طيف ( رافعة حايبها ) : اسكت عني انت الثاني
عزوز : ههه صباح الخير
""""""""""'"'"'"'"'""""""'"'"'"'"'"'"'"""""""""""" """"""""""""""""""""""""""
" فالمدرسه "
.
.
عيشي بلادي عاش اتحاد إماراتنا
عشت لشعب دين الإسلام هديه القرآن
حصنتك بسم الله يا وطن
بلادي بلادي بلادي بلادي
حماك الاله شرور الزمان
أقسمنا أن نبني و نعمل
نعمل نخلص نعمل نخلص
مهما عشنا نخلص نخلص..
دام الأمان وعاش العلم يا إماراتنا
رمزالعروبة كلنا نفديكِ
بالدما نرويكِنفديك بالأرواح يا وطن
.
.
وطول تحيت العلم طيف تفص شمول ع جتفها عسب تحي العلم وشمول مسويتلها طاف وصاده جدام
وبعد ما خلص الطابور البنات راحو الصفوف . . وهم يمشون
طيف : انتي ايه ليش ما تقولين . . ؟
شمول : سكتي عني روحي مسطله
ريموه : بلاج . . ؟
اسوم ( تضحك ) : هههههه عسب امي اليوم مقومتنها اول وحده وهي نايمه الساعة ثلاث الفجر
اروى ( فجت عينها ) : خيبه ليش . . ؟
منيه : شو كنتي تسوين لين الساعه ثلاث ؟
شمول ( تتثاوب ) : كنت اشوف فلم هندي بعدين قعدة ع البي بي
مروه : هييييه وانا أقول منو يطرش برودكاست بليييل عثرج انتي
شهد ( تضربها ع راسها ) : وانتي شو تسوين حضرتج نصايف اليل ؟
مروه : ترى اسمع صوت البي بي وانش بعدين ارقد
وفجأء شموس تنقع ضحك . . الكل لف عليها
جان تحطي عهود أيها ع حلج شموس : حسبي الله عليج ما يسوى علينا قلنا نكته
منيه : بلاكم
دخلو الصف ، ، وشمول تمشي وراسها ع جتف اسوم
عهود : هاي قلت ليها نكته وضحكت ، ، انزين يالثور يالديايه ضحكي شوي شوي مب بصوت عالي
شموس : هههههه انزين انتو سمعتو نكتتها ؟؟
طيف : شو هي ؟!
شموس ( كاتمه ضحكتها ) : اونه في بقره عليها خط احمر ، ، ليشش ؟
البنات : ليششش //؟
شموس : منتهيه صلاحيتها ^0^
أقولكم اهني الصف استوى مسرحيه من كثر الضحك لان شموس قالت الجمله بصوت عالي فالكل سمع
ريموه : هههههههههه عهود انتي تتفيجين تقولين نكت من صباح الله خير
اروى : هههههههههه متفيجه
عهود : هههه شو اسوي انتو كلكم ميتين ما لقيت الا بنت عمي
وجان تدخل عليهم ابله التاريخ
شمول وطيف ومروه وشهد مره وحده : اخخخخخخخخخخخيييييه
اسوم : اععععع من صباح الله خير تاريخ
شموس : يالله صباح خير
الابله : السلام عليكم
البنات : وعليكم السلام ورحمه الله وبركاته
وبعد نص ساعة عهود وشموس حذال بعض واروى مع ريموه وشمول مع اسوم ومروه مع طيف وشهد قاعد مع وحده من بنات الصف
وفنص الدرس دخلت عليم الاخصائية مع بنت
الاخصائية : السلام عليكم
كل البنات وقفو : وعليكم السلام ورحمه الله وبركاته ( ويلسو )
الاخصائية : ياتنا اليوم بنت يديه من مدرسه ثانية ، ، فـ ما دام انتو الصف الوحيد اللي ناقصه بنت يبناها عندكم
شهدد : حياها الله
البنت ( بصوت خفيف ) : الله يحيج
الاخصائية : طيف ومروه . . ( وقفو ) . . انتو بتدلون البنت ع المدرسة بكبراها وتعرفونها ع القوانين . . انزين ؟
طيف ومروه : انشاء لله ابله
الأخصائيه : يالله سيري يلسي هناك . . (تلف ع الابله ) . . السموحه ع المقاطه
الابله : لا ولو
طلعت الاخصائية وع طول نشت شهد وسارت يلست صوب البنت
شهد ( بالخفيف ) : هلا
البنت : اهلين
شهد ( تمد ايدها ) : انا شهد
البنت ( تمد ايدها ) : وانا شيخه
شهد : عادي نصير ربع
شواخ : هي عادي
شهد : اوكي . . تشرفت . . بعدين بعرفج ع الشله
الابله : شههههههد انتبهي
شهد اصطلبت : انشاء الله ابله
"""""""""""""""""""""""""""""""""""""""""""""""""" """"""""""""""""""
مروه ( تأشر ) : شوفي شوفي هناك جان تنقلب عهود
الكل : هههههههههههههههههه
عهود : بس بس فضحتونا
منيه : وتشوفين هناك . . شمول انزلقت هناك
الكل : هههههههههههههههههههه
فطوم : ايه تذكرون فذاك الممر ( وتأشر ) يوم كنا شاردين من حصة الرياضة وكنآ نركض وما انتبهنا انه في ماي مكبوب هني وسوينها شقلبه جماعيه
اهني الكل فطسس ضححك
ريموه : تذكرون يوم سرنا الرحله يوم كنا نتراكض فالمول والكنادير وصلت لين الركب
اروى : الله كااااان عجيب
شموس : يبالنا انعيده
شهد : شواخ بلاج ساكته ارمسي ويانه عادي
شمول : ليكون تستحين
شواخ : لا لا ما استحي . . بس يعني اليوم تعرفت عليكم يبالي اتعود
فطوم : عيل يبالج وقت عسب تتعودين علينا
~~~~~~~~~~~~~~~~~~~~~ stop ~~~~~~~~~~~~~~~~~~~~
اخر بطله فالروايه
( شواخ ) عمرها 18 . . بيظة طولها عادي . .ضعيفه شعرها لين نص ظهرها . . خشمها سله
"""""""""""""""""""""""""""""""""""""""""""""""""" """"""""
" فبيت بو مايد "
فالصاله محد كان قاعد غير مايد ووليد يشوفون التيلفزون
فطوم : هود هووود
وليد : ذلفي ذلفي
مايد : رجعي من وين يتي
فطوم : يالحميييييير ربعي ويااااي
اول ما سمعوها ع طول شلو قشارهم وشلوها بركضه بسرعة حتى الجبس اللي ع الطاوله انجب
دخلت ودخلو وراها شموس وعهود
فطوم : حسبي الله عليهم خربو الدنيا
شموس وعهود : هههههههههههههههههه
عهود : انزين يالديايه هم ما ليهم خص نحن اللي ياين من غير لا نقول
شموس : حتى أهلنا ما يعرفون
فطوم : زين يالبعير ترى الحين بيب الفون وبتتصلون
شموس وعهود : انزين
سارت يابت الفون واتصلو حق أهلهم
اما الصوب الثاني صوب مايد ووليد اللي ع طول ربعو صوب امهم اللي فحجرتها وع طول بطلو الباب لا هود ولا هدا
مايد : امايه امايه
ام مايد : بسم الله . . بلاكم تترابعون
وليد : ربيعات فطوم اهني
ام مايد : زين زين زارتنا البركه . . خوز عني بروح اشوفهم ( وسارت )
مايد : اخخخ ريلي عورتي دزيت الطاوله
وليد : دواك هههههه ( وحط ايده فجيب البنطلون عسب يطلع الفون وما شافه . . فج عينه ) . . لا تقول
مايد : بلاكك . . ؟
وليد يضرب يبهته : نسيت الفون بالصاله
وسارو صوب الصاله وقفو صوب الباب بس من برع ما ينشاف شي
وليد : احم اححم . . فطوم
عهود ( ارتبكت ) : أمم فـ فطوم مـ مب هني سارت تبدل ملابسها
وليد : اها . . انزين اختي لو سمحتي نسيت فوني ع الغنفه عادي تيبينه
شموس : لحظة
ويلسو يدورون لين ما حصلوه . . شلته شموس وسارت صوب الباب
شموس : احمم . . تفضل ( ومدت الفون )
وليد : شكرا . . ( ومد ايده بيشل الفون وبالغلط صبعه دق بصبعها . . بلا حاسيه زادت دقات قلبه وشموس استوت حمرره من الخاطر )
لمَ حس بعمره سحبر الفون : مـ مشكوررهه ( وسار )
.
.
.
( نهاية البارت . . توقعاتكم )