الفصل 1
البارت الأول ‘‘
ناازله من الدري وهي ترررربع : امااااااايه اماااااااايهه
: هاآ ها فطوم .... انا هني
فطوم ( ركضت عند أمها وهي تناقز ) : امايه وليدووووه بيرجع هالاسبوع
ام مايد ( وهي مب مصدقه ) : صددددددق ...؟!
فطوم : والله .. توه قال لي
ام مايد شلت البيت بيبابهاآآ
مايد ظهر من حجرته وهو يفرك عينه وشعره مكشكش
مايد ( وهو يتذمر ) : استغفر الله ... اشوووو ها الحشره ..... الناس تصبح بهدوء وتلاقي الريوق زاهب هب حشررره وعوار رآآس
ام مايد ( وهي تبتسم من بين دموعها ) : اخوك هالاسبوع بيرجع
مايد اول ما سمع اسم " اخوك " نقز من مكانه : حلفووووو ...، ؟؟
فطوم نقعت ضحك ع شكله لانه جد كان يضحك
ام مايد : هههه ... والله اونه توه مرمس فطوم وقل لها .....( سكتت شوي و تنهدت ) ...آآآآآه متغرب عنا من سنه وهالاسبوع بيرجع .. فديت ولدي
وشوي ما وعو الا ع واحد حادر عليهم وكان لابس قميص كت لونه اصفر وجينز ... ولابس نضارة شمسيه عجييييبه .... وبعد كاب لونه اخضر
: اححم احم ... يتفدوني بعد ( وكان مبتسم احلا ابتسامه ع ويهه )
الكل لف على مصدر الصوت ...... وفجو عيونهم مب مصدقين اللي جدامهم
الكل مره وحده : وللللييييييييييييد
وليد : ههههه عيونه
وجان ينقز عليه اخوه مايد وحضنه
مايد ( وهو طااااير من الفرحه ) : وليدوه .. متى وصلت الحمده ع السلامه ... اشتقت لك يالدب .. شخبارك شعلومك ...... فطوم ما قلت انك بتي هالاسبوع
وليد ( يضحك ) هههه بلاك شوي شوي ..... اول شي اليوم وصلت ...وثانيا الله يسلمك .. رابعا انا والله اكثر ... وخامسا شخباري وشعلومي من بعد شوفتكم تمام التمام ... واخر شي حبيت اسويها مفاجئه
خاز عنه وشاف امه وفطوم الي بعدهم مب مصدقين اللي جدام عينهم
ابتسم ابتسامه عريضه : ها امايه وفطوم اشوفكم مب فرحانين .... ( مثل انه زعلان ) خلاص باجر بحجز تذكره وبرجع بريطانيا
ام مايد وفطوم صرخووو مره وحدهه : لالالالالالا
مايد :ههههههههههههه
فطوم سارت صوب اخوها وحضنته بقووو : الحمد الله ع السلامه
وليد يبادلها الحضن : الله يسلمج
شوي وخاز عنها وسار صوب أمه اللي دموعها ماليه عينها وباس راسها وحضنها
وليد : اماااايه
ام مايد : ي عيونها
وما ستحملت وصاحت صيااح ... وخيست قميص وليد ... وليد بعد ما تجمل وصاح فحضن امه جنه ياهل
ومن الصوب الثاني فطوم تصيح ومايد حاضننها ويهديها
بعد شوي وليد + مايد + فطوم + ام مايد يالسين ف الصاله ووليد كان لاصق فمه
مايد ( يتمصخر ) : ها وليدوه ...... اشوفك شفت نبع الحنان ونسيتنا ( وغمز له
وليد : ههههههه يالحمار
فطوم وام مايد : ههههههههههههه
دقايق وسمعو صوت الباب يتبطل ..... وجان يدخل أبو وليد
وليد اول ما جاف ابوه وقف
لف صوبهم أبو مايد وما نتبه حق وليد : السلااام عليــ ( ماكمل كلمته الا وهو جايف وليد ... فج عيونه ع وسعهم ) ..
أبو مايد (وهو مصدوم ) : و ولـ ـيـ ـ دد !!
وليد (ادموع مغطيه عينه ) : ابوووويه
وسار صوبه باس راسه والدموع ع خده ... وقف جباله ......ثواني وحضنه وقعد يصيح صياااااح بصوت عالي
أبو مايد ( وهو يصيح معاه ) : يا عيون ابوك انته
""""""""""""""""""""""""""""
بعد نص ساعه ...الكل قاعد على السفره يتعشا
ام مايد (وهي تحط اللقمه مجابل وليد ) : كل كل جوف كيف مضعف كل
وليد ( فج عينه): امايه حرام عليج شو مضعف
امه مسويتله طاف : بطل حلجك بطل
وليد ياكل اللقمه غصب
مايد (يصفق حق وليد) : هنيآ لك صراحتا ... انا امي ما ادلعني جي انته جيف ادلعك ..؟
وليد : هههههه بل بل عن تحسدني
فطوم ( تتمصخر ع مايد وتحطي لقمه جدامه ) : ولا يهمك ميوددد ... بطل حلجك قول آآآه
مايد رفع حايبه : تتمصخرين حضرتج
فطوم : افاآ ... انا اتمصخر .. بطل بطل
مايد كل اللقمه وطالع وليد : يحيك مستانس ع هالدلع ... خلاص قررت اني اسافر وارجع بعد 20 سنه عسب الدلع
الكل : ههههههههههههه
بعد العشا الكل راح ينام
"~~~~~~~~~~~stop” ~~~~~~~~~~
عايلة ( بو مايد )
( مايد ) اكبر واحد عمره 22 ثاني سنه فالجامعه .... حنطاوي عيونه حاده خشمه سيف عريض شوي ومب وايد طويل... سوالف وضحك هاي كل حياته
( وليد ) الوسط .. عمره 21 اخر سنه كليه ... دلوع امه.. جميل طالع على اخوه بس هو ابيض عن اخوه قبل سنه سافر يكمل دراسته برع . . وفالويكند كانو ربعه واخوه يسافرون له يعني شابعين من شوفت ويهه >> خخ
( فطوم ) اصغر وحده عمرها 18 ثانويه عامه ..جسمها ضعيف..بيضه خشمها سله عيونها وساع شعرها لين نص ضهرها
~~~~~~~~~~~~~~~~~~~~~~~~~~~~
ثاني يوم الصبح اول يوم مدرسه الساعه 6:30
فبيت بو مايد
ام مايد : فطوم فطوم قومي نشي بتتاخرين عن المدرسه
وفطوم لا حياة لمن تنادي >>خخخخ
ام مايد تعلي صوتها : فطوووووووم
فطوم : هممممم
ام مايد تعبت من كثر ما توعيها وزعجت : فطططووووووووووووووم
فطوم من الخرعه فزت من مكانها : ها ها ... شو ؟
ام مايد : قومي بتتاخري عن المدرسة
فطوم بتعب : انشاء الله
""""""""""""""""""""""""""""""
الساعه 8:00
فالمدرسة
فطوم بصوت عالي : ايييييهه
كل الشلة صدو صوبها
وسارو صوبها وتحاضنو
مروه : فطوم اشتقت لج
فطوم : وربي انا اكثر
قدو شوي واتي ريموه
ريموه من بعيد : السلام عليكم
الكل: وعليكم السلام
شموس : هلا والله بالطش والرش وبماي والورد اللي بالغرش (وتحضنها )
ريموه : ههههه يالبههه
عهود : شحالج . . ؟
ريموه : تمام انتو شحالكم
اروى : الكل تمام
الكل دون ريموه : هههههه اسمع تجاوب عنا
اروى + ريموه : ههههههههه
ريموه :أقول لا تقولو فرقونا
شهود (بحزن ) : اهئ اهئ انا نقلوني
فطوم + ريموه (انصدمو ) : لاااا تقولي
شهود ( الدموع بعينها ) : قسسم بالله
مروه : والله رحنا واحتشرنا بس ماشي فايده
منيه : هي والله احتشرنا وصارخنا واخر شي طردونا
اسوم : قسم بالله بصيح مابه ( تلف ع شهود ) شهود لا تروحي
شهود : والله ما ابي اروح
شموس : أقول شرايكم انسوي مظاهرات
طيف ( طالعتها بذيج النضره اللي تخلي الواحد يتنافض من الرعب )
شموس ( رافه حايبها )
فطوم : هيييه عسب يفلعونا يالكعب مالهم اللي طولة طول باب صفنا
منيه + مروه :ههههههههه
ريموه : والله صدقها .. مادري شمسوين لهم
عهود : هههه كل هاي الشردات والدرجات
شمول ( تكمل معاها ) : والتعهدات والمخالفات
اروى : وما تبهوهم يفلعونا
شموس : عاد حدكم لين اهني . . انا ولا مره وقعت تعهد ودرجات ما شاء الله عليها فوق
اسوم : حتى انا نفسج
فطوم : هي عاد شموس ما تذاكر ودرجاتها فوق عيل لو تذاكر كيف
منية : هي والله
عهود : بل بل قولو ما شاء الله عن تحسدو بنت عمي
فطوم ومنية : ما شاء الله
شموس جان اتلف على شهد وجافتها محطية ايدها ع خدها واطالعهم وتضحك
شموس : ههههههه
الكل لف ع شهد وضحك ع شكلها
شهود ( وهي اطالع عمرها ) : فيني شي غلط
شمايل : هههههه لا
شهود : عيل بلاكم
طيف : والله شكلج يضحك ههههه
مروه : ههههههههههه
فطوم جنها تذكرة شي وصقفت : ايييه خلاص الحين خلونا انسير عند الاخصائية نخليهم يرجعون شهد
ريموه : هي صح يالله
"""""""""" فغرفة الاخصائية """""""""""
الاخصائية وهي متخبله منهم : لا يعني لا
اروى : انزين ليييشش لااااا
الاخصائة تخبلت اكثر لانهم عادو نفس السؤال اكثر عن خمس مرات وصرخت
: بس بس خبلتو بي .... قلنالكم ممنوع
منيه ببرائة : عيل اول ثنوي عادي ... احنا ليش لا
شموس : هي والله
الاخصائية شوي واتصيح : رحموني وطلللعو برررررررع
شهود : ابله حرام والله خلاص بتوب مابسوي مشاكل
الاخصائية : هاي الرمسه من السنه اللي طافت اسمعها
اسوم : انزين ابله خلاص هاي اخر مره
مروه : هي هي هاي اخر مره
شمول : هي ابله وهاي المره جد نرمس
فطول : والله ابله خلاص
منية : هي ابله والله والله حلفنا نحن
الاخصائية راسها عورها : انزين برمس المديرة وبشوف
البنات صرخو من الوناسه وقعدو يناقزو : هههههههي
الاخصائية تضحك على خبالهم
~~~~~~~~~~~~~~~~~stop~~~~~~~~~~~~~~~~
ابطال الروايه بالاضافه لـ فطوم
( شموس ) بطلة الروايه الرئيسيه عمرها 17 وشوي بعد جمن شهر بتدخل 18 .... حنطاوية بس يليق عليها عيونها ناعسه سود .. خشمها سيف ، طويلة شوي .... جسمها نفس فطوم ضعيف ..وعندها غمازه جمييييله على خدها اليسار شعرها لين تحت ظهرها
( عهود ) تستوي بنت عم شموس ... عمرها نفس شموس،،، بيضة عيونها حاده لونها سود خشمها سيف نفس طول شموس
جسمها متوسط شعرها لين نص ظهرها
( ريموه ) عمرها 18 .. مربربه شوي.، بيضة ... عيونها وساااع وجميله ....خشمها سيف وقصيره شعرها لين جتفها
(اروى ) عمرها 18 .. بيضة عيونها ناعسه سود خشمها سيف نفس طولهم جسمها ضعيف ... شعرها لين اخر ظهرها
( اسوم ) دخلت 18 قبل كم شهر.... حنطاوية ..عيونها ناعسد سود .. خشمها سله جسمها ضعيف قصيره شوي شعرها لين جتفها ...توام شمول
( شمول ) دخلت 18 قبل كم شهر...... حنطاوية ....عيونها ناعسه سود جسمها ضعيف خشمها سله نفس طول اسوم بس شوي أطول شعرها لين جتفها.... خت اسووم توام بس شمول لها حبة خال جريبه من عينها
( مروه ) عمرها 18 .... بيضه عيونها ناعسه..... ضعيفه خشمها سيف شعرفا لين جتفها طويلة نفس طول عهود وشموس
( منيه ) عمرها 18.... بيضه عيونها ناعسه ....... خشمها سيف ونفس طول اسوم شعرها لين اخر ظهرها وضعيفه
( طيف ) عمرها 18 ... حنطاويه ... عيونها حاده سود ... خشمها سله جسمها متوسط طولها نفس شمايل شعرها لين اخر ضهرها
( شهود ) عمرها 18 ... بيضة عيونها حاده سود .... خشمها سيف جسمها نفس ريموه طويله شوي شهرها لين اخر ضهرها
""""""""""""""""""""""""""""""""""""
بعد المدرسة الكل رجع البيت ( طبعا الكل رجع فصف واحد )
" فبيت بو راشد "
حدر راشد البيت وهو هلكان وشاف الكل يالس عالطوله الحين بيتغدون
~~~~~~~~~~~~~stop~~~~~~~~~~~~~
(راشد ) اكبر واحد عمره 22 ربيع مايد ووليد ... ثاي سنه فالجامعه .. ابيضاني،، طويل،،، رياضي وعنده عضلات وعليه جمال
…………………………………………� �…..
راشد : السلام عليكم
الكل : عليكم السلام
بو راشد : يت فوقتك..... يالله تعال تغدى
راشد : اول بروح ابدل وبرجع
شموس : زين لا تتاخر .... لاني بموت يوع عصافير بطني تزقزق ( راشد طنشها وراح )
خلود ( تتمصخر ) : زين عطيهم حليب عسب يسكتو
شموس ( بستهزاء ) : هيهيهي ولا يهمج بضحك عشان خاطرج ههههه
ام راشد ( زعقت ) : خلااااااص جداااامكم نعمه
جان يسكتو
شوي ونزل راشد وهو لابس برموده رماديه وقميص كت ابيض ومحطي ايده فجيب بنطلونه
قعد حذال اخوه عمر ...... والكل قد ياكل وبعد ما خلصو قعدو فالصاله يرمسون
فجاء رن فوون راشد وكان ربيعه
راشد ابتسم ورد : الووو
: هلا والله ..... شحالك ؟
راشد : يسرك الحال .... ومن صوبك ؟
: والله تمام
راشد : أقول انا اشوف رقم البلاد انت مب ببريطانيا ..... ؟!!
وليد : ههههه لا البارحه رجعت
راشد ( فج عينه وصرخ ) : قوووووول واللللللله ؟!
وهو كان حذال شموس ويوم صرخ حطت ايدها ع اذنها
شموس ( زعجت عليه ) : اااااييييييه .... اخ اذني
وليد يوم سمع صوت بنت استغرب " هو وين قاعد "
وليد : ههههههه والله
راشد ( بفرح ): والله!!..... الحمد الله ع السلامه.... عيل باجر بنتجمع اوكي ؟
وليد : هههه اوكي
يلس يرمسه شوي وبند
بو راشد : عسى ما شر ليش صرخت .... صاير شي ؟
راشد ( ابتسم له ) : لا ابويه ... هذا ربيعي كان مسافر ورجع البارحه
عمر : وليد ؟!
راشد : ايوآ
( ملاحظة : عمر يعرف كل ربع راشد لانهم يوم ايون بيتهم ييلس وياهم واحيانا يطلع وياهم )
بو راشد : اها ..... زين
خلود ( بدلع ): رشششششود
راشد لف عليها : عيونه
خلود : طلبتك قول تم
شموس : دام السالفه فيها تم عيل اكيد طلعه
خلود لفت عليها : انتي جب
بو راشد + ام راشد : احم احمم
خلود تلومت وباست راسهم : اسفه والله اسفه
شموس وعمر نقعو ضحك : ههههههههههههههههه
وما حسو الا بمخدة على ويهم من خلود : آآخخخ
خلود : ها رشود شو قلت
راشد : من عيوني .... سيرو لبسو
شموس وخلود يناقزون من الفرحه
راشد وام راشد وبو راشد : هههههههههه
شموس : ابويه امايه عادي انروح
بو راشد : هي فديتكم سيرو
عمر : عيل رشود انا بسير وياكم
راشد : اوكي
~~~~~~~~~~~~~~~~stop~~~~~~~~~~~~~~~~~~
( خلود ) اكبر عن شموس بسنه ... اول سنه كليه .... فيها جمال ماشاء الله
( عمر ) اصغر واحد ,,, عمره 16 ... قطعه من اخوه راشد
"""""""""""""""""""""""""""""""""""""""""
ع الساعة 9 العشا رجعو البت وكل واحد هلكان اكثر عن الثاني
راشو الأغراض فالغرفة ودحوها ارقاد من الخاطر
بس خلود ما رقدت اونه تبا تشوف فلم هندي يديد اول مره يعرضوه وقعدت جدام التلفزيون لين الساعه 11 وبعدين سارت ترقد
.
.
.
نهاية البارت الاول . .
لا تحرمونا من تعليقاتكم . .