حكاية شمس - الفصل 1 - بقلم المجنون - مكتملة | روايتك

*•~💗~ ࢪواية حڪاية شمس~💗~•* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *الجزء1✿︎* *الجزء2✿︎* *الجزء3✿︎* ‏تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w ‏ •_______🎀•🎀_______• مساء الخير انا عايزه اعرفكم بنفسي بدون مقدمات كده هحكيلكم حكايتي انا شمس خريجه تجارة عندي ٢٣ سنه يتيمة الاب والام ماتوا في حادث عربية بعد جواز عمتو نهال بأسبوعين كان عمري ساعتها ١٠ سنين هتسألوا مين عمتو نهال دي بقي امي التانيه وصديقتي بابا هو اللي رباها وعلمها وجوزها لعمو مجدي وبصراحه عمتو هي وجوزها عمو مجدي ردوا جميل بابا واحتضنوني وربوني صحيح بعد موت ماما وبابا باعوا كل حاجه تخصني لكنهم عملوا ليا بيها وديعه يصرفوا بيها عليا في حالة قصروا معايا ومرت الايام واتخرجت وحاولت اشتغل بشهادتي لكن للاسف ده كان المستحيل ذاته المهم مطولش عليكم في الكلام وادخل في الحكاية علي طول انا حاليا بعمل حلويات مقرمشه جميله وبابيعها لمحلات كبيرة طبعا هتسألوني ايه جاب التجارة للحلويات هقولكم انا جاتلي فكرة اعمل حلويات وابيعها من زباين عمتو طبعا هتسألو زباين عمتو اللي هما مين هي عمتو نهال بتشتغل طيب جوزها فين، طبعًا مش هاسيبكم حيرانين كتير هقولكم عمتو نهال من خمس سنين جوزها اتعرض لازمه قلبيه وبعدها عمل عمليه خطيرة في القلب وطبعا كان واجب عليا اساعدهم بلي اقدر عليه علشان ظروفهم المادية مش تمام فكيت الوديعه علشان اساعد في عملية عمو مجدي والحمد لله قام بالسلامه لكن كان صعب يشتغل اعمال فيها مجهود وهنا جت فكرت عمتو انها تأجر نص الشقه للمغتربين اللي هو ازاي شقة عمتو كبيرة ما شاء الله عملت نصها للايجار كنت بنام انا وبناتها التؤام سهي ونهي باوضه و عمتو وعمو مجدى وابنهم سامر في اوضه وباقي الاوضتين للايجار وكانت الخدمه فايف ستار طبعا كلكم عارفين يعني ايه فايف ستار ولا اقولكم هو انا خسرانه حاجه يعني خدمة كامله مميزه وكنت بساعدها، بصراحه كانت فكرة ممتازة واحدة غضبانه من جوزها وعايزه تبعد يومين تجي تشرفنا واحد استلم شغل جديد ولسه بيدور علي مكان يشرفنا شباب او بنات بيدوروا علي سكن ايام الدراسة كان الحال ممتاز وبيتحسن وانا كنت بساعدهم والمكسب كان كويس وبيكفي لكن المصاريف ومتطلبات الحياة بتزيد وجت فكرة مشروعي بعد شكر زباينها في حلوياتي، قلت كويس علشان اقدر اساعد بمبلغ اكبر في مصروف البيت وبالذات انها نوع جديد من المقرمشات وعملت المشروع تعبت في الاول لحد ما بقي ليا زباين كتير بيحبوا يشتروها ومحلات بتتعامل معايا بالطلب وقدرت اوسع نشاط مشروعي واخرج من القرية للمدينه كان ارهاق السفر في القطر كفيل بإني اروح انام من التعب قتيله، بس حلوة المكسب اللي كان بيكبر علي طموحي في انه يكون ليا عملي الخاص ده غير ساعدني ازيد من مساعدتي ليهم اكتر وبعد ٦ شهور من انشاء مشروعي بقيت اسافر يوميا للاسكندرية اورد طلبات لمحل حلويات كبير كان مكسبي منه الضعف كان زبون ممتاز رغم انه طلب اشتغل معاهم بس خفت يخدوا مني سر الصنعه ويتعلموها ويدوني صابوني اه صابونه يعني يزحلقوني، اظن انتو فاهمين أوضح اكثر يعني يطردوني بعد ما يستغفلوني، المهم انتبهوا معايا وركزوا علشان من اليوم ده حياتي اتغيرت ٣٦٠ درجة ، اه والله الصدفه لعبت أعظم واكبر لعبة في حياتي ، اسمعوا منا الحكاية ، في اليوم ده وانا راحه اورد طلب للمحل بالاسكندرية كانت قاعده جمبي ست كبيرة تكسو ملامحها الطيبه والحزن سألتها مالك وايه سبب الحزن والدموع في عيونك العجوز:- ابن بنتي اتقطعت اخباره من ٣ شهور وانا هتجنن واعرف حصله ايه وكل يوم انزل الاسكندرية واروح لشركته اسأل عليه ومفيش اي فايدة ولا فيه اي جديد شمس:- طيب ما تتصلي بالتليفون تسألي عليه بدل السفر كل يوم للاسكندرية ده مرهق عليكي هو انتي ساكنه فين العجوز:- في كفر الدوار وانتي شمس:- بمرح انا كمان من كفر الدوار بس في القري من جوه بس انا اول مره اشوفك تركبي معانا القطر العجوز:- كنت بسافر بعربيتي لكني تعبت من السواقه كل يوم فكرت اركب القطر واريح نفسي وفجاء وهي بتكلمني جسمها يرتعش وتقع عليا وكانت عرقانه جدا وجسمها متلج ، بصراحه انا اتخضيت وبقيت اصرخ الحقوني الحقوني وتجي شابه صغيرة شكلها متخرجه جديد وتقول انها دكتورة وتمسك ايدها تقيس النبض وتبصلي برعب دي حاله غيبوبة سكر حد معاه حاجه مسكره بسرعه وواحده حشرية من الركاب شافت علب الحلويات اللي معايا وقالت بصوت عالي سمعه الكل اللي قاعدة جمبها معاها حلويات ويسحبوا علبه من الطلبيه ويفتحوها ويدولها قطعه والدكتورة تكلمها افتحي بوقك وتحط ليه قطعة الحلويات وتديلها قطعه تانيه وبعد خمس دقائق تبدء الست الكبيرة تفوق وانا كنت هصوت اه وربنا هصوت لان اللي فتحت العلبه داقت الحلويات لقت طعمها حلو بقت تعزم زي ما تكون بتاعتها وكل اللي في العربيه حبوا يدوقوا هما كمان وراحت الطلبيه في ابو بلاش وانا روحت في داهيه تشوف الست الدموع في عيني بعد ما ضاع تعبي لا كسبت فلوس ولا حتي ثمن التكاليف اللي اقدر اعمل بيها طلبية جديدة وكده خسرت زبون كان بياخد طلبيه كبيره ومكسب ممتاز اكيد لان الطلبيه كانت لحفله وكده هو هيخسر وطبعا هيرفض يتعامل معايا لاني خلفت اتفاقي معاهم واكيد هيخسر بسببي العجوز:- اكيد الحلويات ده شغل انتي بتوصليه واكيد ليه تمن وحرام تتحملي ثمنها لوحدك وكنت انا السبب انك تخسري شغلك تعالي معايا اروح الشركة اسأل علي ابن بنتي وبعدها تروحيني وانا هدفعلك كل التكاليف وتمن الحلويات كامل وقتها قلبي ردت فيه الروح وانتعاش الامل من جديد وسالتها بلهفه وعدم تصديق وقلبي بيرقص من الفرحه بجد انتي بتتكلمي بجد العجوز:- ايوه بتكلم بجد يلا قبل القطر ما يتحرك وخدتها ونزلت واتفاجات من مظهرها كانت سيدة شيك جدا وانيقه وشكلها بنت ناس زيادة عن اللزوم من طريقة تعاملها مع سواق التاكسي اللي طلبناه ووصلنا لمقر شركة كانت شركة كبير عالمية للتعدين والجولوجيا، دخلت للاستعلامات تسأل علي حفيدها الموظف:- يا مدام وصال احنا قولنالك كذا مره حفيدك المهندس يزن في رحلة بحث خارج البلاد هو والبعثه كلها واخبارهم اتقطعت من فترة لو وصل لينا اي جديد هنبلغك اتفضلي ده موقع الشركة بره راسليهم وهما اكيد هيبلغوكي باي جديد او يوصلوا رسايلك للمهندس يزن ده كل اللي اقدر اعمله ليكي انا مقدر لهفتك وخوفك عليه بس انا معنديش اي حل تاني والله وزعلان علشان وصال:- تاخد منه الورقه اللي مكتوب عليها مكان المرسله لحفيدها وتحطها في شنطتها وتبص للموظف بغضب لو حفيدي جراله حاجه انا مش هرحمكم كلكم وتخرج متعصبه انا بصراحه خفت منها دي شخصيته قوية اووي وخرجت اجري وراها وطلبت تاكسي وركبنا وطول الطريق ساكته طلبت من السواق يكمل بيها لكفر الدوار وهتديله اللي يطلبه ووافق السواق كانت رحله مريحه غير القطر وسالته ليه مجتيش في سيارة اجرة بدل تعب السفر بالقطر مدام عندك مقدرة تدفعي اجرة السواق العجوز:- خفت اركب معاه لوحدى انا مريضة سكر وزي ما شفتي اللي حصلي في القطر كان ممكن يحصلي وانا بالعربيه مع السواق لوحدى كان ممكن يأذيني ويسرقني او يرميني في اي حته ويخلص مني، يمكن ربنا بعتك ليا علشان تبقي رفيقتي انا ارتحت ليكي اوووي وعلشان كده اخدت تاكسي لحد البيت لانك هتونسيني وهترافقيني وهتاخدي بالك مني، لو حصلي زي اللي حصل ليا في القطر شمس:- اكيد وفضلت تحكيلي عن حياتها وان كان ليها ابن وبنت بنتها وجوزها ماتوا من ٦ سنين في حادث طيارة وهما رايحين للحج وسابوا ليها يزن يونسها علشان كده بتجنن لما بيغيب عنها من يوم موت والديه وهو عايش معاهم ام ابنها رفضت يعيش معاهم لان مراته كانت بتعمله وحش طرديتهم بره بيتها وحاليا عايشه لوحدها بعد اختفاء حفيدها يزن وليها احفاد من ابنها ولد وبنت شجون وشوكت بس هي مش بتحبهم لان امهم مش بتحبها وعلمت ولادها يكرهوها وابنها مش بيتدخل ويصلح العلاقه بينهم وبالذات انه غيران من ابن اخته اللي مسيطر علي قلبها حكايتها وجعتني وفكرتنيي بنفسي واحساسي باليتم ليه الناس بيستكثرو علي اليتيم العطف والحنان وحمدت ربنا علي عمتو نهال وعلي حب ولادها ليا والمهم الطريق خلص وونزلنا من التاكسي وساعدتها تنزل وقفت مصدومه من المنظر اللي شفته قدامي كان منظري زي الهبله من الصدمه ولقيتها بتقولي مالك واقفه كده ليه ✍ البارت الاول ✍ **________________** تقف شمس مبهوره من مظهر البيت الذي امامها وتنظر الى السيده وصال باستغراب احنا هنا ليه وصال :-انتي مالك يا بنتي واقفه كده ليه وايه الخضه اللي على وشك دي شمس:- انتي مش شايفه اللي انا شايفاه بيت مين ده و احنا هنا ليه اوعي تقولي لي ان ده بيتك و انك ساكنه هنا وصال:- ولو بيتي ايه المشكله تعالي ادخلي معايا ما تخافيش وتدخل شمس معاها وهي مش عارفه هي الست وصال غنيه ولا ساكنه معاهم ولكنها متدخلش البيت اللي يشبه القصر وتدخل بيها لاوضة جانبيه مجهزه بكل سبل الراحه من فرش فخم واجهزه كهربائية حتي السجاد من النوع الغالي جدا شمس:- انتي ساكنه هنا لوحدك ولا معك حد والقصر اللي بره دي ملكك وصال:- انا ساكنه لوحدي من سنين لولا يزن ملا حياتي لكن بعد ما غيابه عني ما بقاتش طايقة اعيش في القصر لوحدي عشان كده جهزت الاوضه دي منها جنب المزرعه زي ما انت شايفه وفي نفس الوقت قريبه من القصر والبحر انت بقى اقعدي واحكيلي حكايتك انتي كده عرفت كل حاجه عني وعايزه اعرف كل حاجه عنك شمس:- انا بنت يتيمة الاب والام وعمتي هي اللي ربتني وعايشه معها في بيتها اشتغلت في صنع الحلويات عشان اقدر اساعدها زي ما وقفت جمبي وربتني وكمان في طريقه ثانيه بحاول اساعدهم بيها اكتر بيت عمتي اربع اوض اوضتين لينا واتنين للايجار وساعات بيجي يسكن عندنا شباب والبنات اللي بتبقى ساكنه معانا بتتضايق ومش بتاخذ راحتها فكرت في الاوضه اللي باعمل فيها الحلويات افرشها كويس و اجهزها للشباب اللي عايزه تيجي تسكن عندنا وفي نفس الوقت هيزيد الدخل وهتبقى زياده تنفعهم وابداء انا افكر في تكوين نفسي واسس مشروعي و زي ما انت شايفه انا شابه صغيره و فقيره واكيد مش هلاقي عريس بالساهل عشان كده بفكر اني بعد ما اعمل لهم الاوضه وافرشها كويس و تبقى حلوه للسكن كده اقدر اسيب مكاني و احاول اسكن في الاسكندريه واشتغل في اي مصنع للحلويات هناك لحد ما احوش مبلغ لمشروعي وهبداء بدكان صغير على قدي وكده اقدر اعملي قرشين ينفعوني اجهز نفسي بيهم بالمستقبل وصال:- طيب وانتي دلوقتي خلصت الاوضه ولا لسه شمس:- انا حاليا جهزتها ووضبطها بس فاضل الفرش و هتبقى تمام وجاهزة للسكن وصال:- طب قوليلي على سعر الحلويات اللي اتفتحت في القطرعلشان ادفعلك ثمنهم وكمان انا عايزه اتفق معك اتفاق انتي شايفه اني انا ست عجوزه ممكن يحصلي ازمه في اي وقت ومحتاجه حد يتابع حالتي او يرافقني وياخد باله مني ايه رايك كل يوم تيجي تقعدي معي ساعه او اثنين وتكتبي لي جواب اوتقرائي ليا جواب وتسليني او تقرائي لي قصه وهديك قد اللي بتكسبيه يعني لو انت بتكسبي 100 او 200 جنيه من بعد خصم التكاليف انا هديهم لكي من غير اي تعب كل اللي هتعمليه انك هتيجي تقعدي معايا وتونسيني و في نفس الوقت نفتح القصر و نقعد فيه انا وانت وكل يوم تروحي وتيجي الصبح شمس:- طب بس انت معاكي مزارعين كثير يقدر اي حد منهم ياخذ باله منك واضح كمان انك غنيه ومرتاحه ليه ما تجيبيش واحده تخدمك وتقعد.معاك اشمعني انا وصال :- هصدقيني لو قولتك انا ما بحبش حد يخدمنى او حد.يقعد معايا يونسني الوحيد اللي ارتحت معاه هو يزن ولاني تعبانه مبقدرش اجهز اكل ليا في واحده بتيجي كل يوم تجهزلي الاكل وتمشي لكن انت الوحيده اللي ارتحت لها زي يزن يمكن لانك يتيمه زيه وقلبي اتطمئن لك وعشان كده انا عرضت عليكي العرض ده جربي مش هتخسري حاجه حتي لغايه ابن بنتي ما يرجع و اوعدك اني مش هتعبك او اطلب منك تعملي اي شغل غير انك ترافقيني و زي ما انت شايفه انا هادية وهابقى ساكته هسمع منك وكمان ابقي اعمليلي الحلويات بتاعتك لانها طعمها حلو قوي ايه رايك وانا مستعدة يابنتي اديلك كل يوم قد اللي كنت بتكسبيه وهديلك فلوسك كل يوم مش بالشهر و هفرشلك الاوضه احسن فرش علي حسابي مقدما عشان تقدر تساعدي بها عمتك وجوزها ها موافقه وقبل ما ترفضي فكري كويس شمس:- تبداء تفكر انا كده هبقى مرتاحه ومش هاسافر واتبهدل كل ما اودي طلبيه وفي نفس الوقت هيبقى معايا فلوس اقدر اعمل بيها مشروعي لكنها تحس انها كده هتبقي استغلاليه تبص ليها وتقول لها انا مستعدة اجي اقعد معاكي كل يوم واسليكي انتي زي جدتي وحضرتك طيبه جدا ويسعدني اخدمك بس من غير اي فلوس الدنيا لسه فيها خير مش كل حاجه بمقابل وصال:- يا بنتي انتي شايفه وقولتلك اني اقدر اوظف اللي تخدمني وتقعد معايا لكني اخترتك وانا عايزه اريحك زي ما هتريحيني يعني خدمة مقابل خدمة وافقي ارجوكي شمس:- خلاص خلي الفلوس لحد ما ابن بنتك يرجع بالسلامه حوشيهم معاكي ليا وهاخدهم منك اعمل بيهم مشروعي وصال:- لا خدي وتفتح شنطتها وتتتصدم من الفلوس اللي كانت ماليه شنتطها ليها حق تخاف تركب تاكسي لوحدها خدي دي الف جنيه خليها معاكي ولما يخلص اطلبي تاني ومترفضيش لاما هرفض مساعدتك انك تجي ترافقيني شمس:- تاخد الالف جنيه وترتعش اول مره تمسك مبلغ كبير زي كده مره واحده وتخاف تحطه في شنطتها وتحسب الطلبيه كده معاها ٥٠٠ زيادة يعني حق طلبيه جديدة بأربأحها وتشوف وصال الفرحه في عين شمس واحساسها بالرضي بمبلغ صغير زي الف جنية وتقتنع انها اختارت صح وان شمس فعلا الانسانه اللي هتكون رفقيتها مش طمع فيها لكن لانها بتحب تعمل الخير حتي لو المقابل قليل وبعد ما خدو علي بعض وقضو وقت سعيد واتغدت معاها تستتأذن شمس بالانصراف وتوعدها هتكون عندها قبل الظهيرة ●○●○●○●○●○●○●○■▪▪▪▪▪▪▪ رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ ربنَا إِنَّكَ جَامِعُ النَّاسِ لِيَوْمٍ لَا رَيْبَ فِيهِ إِنَّ اللَّهَ لَا يُخْلِفُ الْمِيعَادَ ¤■¤■¤■¤■¤■¤■¤■¤■¤■●●●▪▪▪▪ وتروح البيت وتدخل علي عمتها تديلها ٢٠٠ جنية من الالف جنيه اللي خدته من الست وصال وتحكي لعمتها اللي حصل نهال:- تزعل ليه كده يا شمس انا عندي تشتغلي في مشروعك ولا انك تشتغلي خدامه عند حد مساعدتك ليا هنا ده رزقنا وفي بيتنا لكن انك تشتغلي عندها بمقابل مرفوض شمس:- يا عمتو يا حبيبتي من غير ما تقولي هي اديتني ١٠٠٠ جنية انا خدت حقي الحلويات ٥٠٠ والباقي انا هعينه وال٣٠٠ هجيب بيهم طلبات جديدة علشان اعمل طلبيات حلويات انا هرافقها لحد ما ابن بنتها يرجع وارجعلها فلوسها انا مقبلش استغل احتياجها للونس بإني اخد منها فلوس مقابل معروف هعمله معاها اني أسلي وحدتها وأرافقها واخد بالي من صحتها نهال:- ايوه كده انتي بنت اخويا اللي ربتها صح كفاية رغي بقي وتعالي ساعديني نغسل المواعين ونجهز العشا للزباين علشان نهي وسهي نامو انتي عارفه بيصحو بدري لمدراستهم شمس:- خمس دقايق وهتلقيني فطيت جمبك في المطبخ يا احلي عمه بالدنيا هو فين صحيح عمو مجدي مشفتوش بالصاله لما رجعت ولا هو بره لسه مرجعش نهال:- لا عمك مجدي تعبان شويا خد العلاج ودخل نام انا قلقانه عليه اووي يا شمس بقي يهمل في علاجه علشان يوفر ثمنه رغم ان ربنا سترها والحمد لله شمس:- عمتو خلي ال٢٠٠ جنيه دول لعلاج عمو مجدي مش تحطيهم في الحصاله وخدي ده مفتاح الحصاله افتحيها لو احتاجتو اي فلوس دي فلوسكم زي ما هي فلوسي لاني بنتكم نهال:- كفاية اللي بتدفعيه بالبيت من تعبك في عمل الحلويات ده غير مساعدتك ليا في خدمة الزباين كفاية كده حوشي قرش ينفعك انتي بقيتي عروسة ولو جالك عريس مش هنعرف نجهزك اتكفلي بنفسك وكفاية الوديعه اللي كانت مركونه لجهازك خدناها ومبقاش في غير الفلوس اللي بالحصاله اللي فاضلين ليكي واسمعي اذا كنت بتحسبي تربيتي ليكي ده دين لازم تسدديه يبقي الاولي اسد انا دين تربية امك وابوكي ليا طول عمري وجهازي اللي مدفعتش فيه مليم وابوكي هو اللي جهزني من ماله شمس:- يا عمتو انا بنتك زي سهي ونهي واستحاله يبقي معايا فلوس محتاجنها واستخسرها فيكم ولا انتي مش بتعتبريني بنتك زيهم ولا ايه الحكاية يا مزتي انتي نهال:- انتي مش بنتي بس دي انا ليا فيكي اكتر من امك وابوكي الله يرحمهم انا عشت معاكي كل يوم من حياتك يارب اعيش واشوف بناتي زيك ويلا بقي بطلي رغي خلينا نخلص اللي ورانا وننام ولا متعبتيش من الرغي طول اليوم شمس:- تحضن عمتها انا مزهقش من الرغي معاكي يا نهول وتخرج نهال وتغير شمس هدومها وتحصل عمتها وتساعدها في الاعمال المنزليه وتجهيز العشا للزباين وينتهي اليوم وتنام شمس مجهده بعد يوم طويل ومرهق وتصحي تاني يوم علي ايد عمتها بتصحيها بالحاح نهال:- قومي يا شمس شوفي الناس دول عايزين ايه شمس:- في ايه يا عمتو وناس مين انا مشبعتش نوم لسه نهال:- بعصبيه في رجاله بره بيقولي جايين من عند واحده اسمها مدام وصال مش دي الست اللي كنتي عندها امبارح شمس:- تفوق لما تسمع الاسم ايوه بس عايزين ايه هو جرالها حاجه ولا ايه وتقوم تلبس روبها علي قميصها القطني البيتي وتخرج تلاقي ٣ رجال اجسامهم ضخمه ومعاهم راجل تظهر عليه ملامح الهيبه والوقار الرجل المهيب :- انتي الانسه شمس وحيد شمس:- ايوه انا انتو مين وعايزين ايه الرجل المهيب :- انتي كنت مع الست وصال امبارح و شمس:- تقطع كلامه ايوه بس والله سبتها بخير هي ماتت ولا ايه …….؟؟؟ **____**____**_____**_____*&& تخرج شمس تقابل الرجاله اللي بيسالوا عليها ومنهم رجل يظهر عليه الهيبه والوقار ويسألها الرجل:- انتي شمس وحيد شمس:- ايوه انا انت مين وعايز ايه ومين الرجاله اللي معاك دول الرجل الوقور:- انتي كنتي مع مدام وصال امبارح و شمس:- تقطع كلامه ايوه بس والله سيبتها بخير هي ماتت ولا ايه .يا نهار مهبب عليا وعلي سنيني الرجل الوقور:- سبيني اكمل كلامي لو سمحتي اتفضلي ويطلع ليها الكارت بتاعه وتاخده منه بلهفه وتقرأه شمس:- سامي مدكور مصمم ديكورات و صاحب معرض موبيليا تبصله باستغراب ايه جاب الديكور للموبيليا وعايز مني ايه وتعرف حكايتي مع مدام وصال منين المهندس سامى:- انا مهندس ديكور وصاحب اكبر معارض للموبيليا بس دي معارض والدي وانا بديرها معاه لكني بالاساس عندي مكتب ديكورات وتصميم هندسي وعلشان خاطر مدام وصال جيت اخد مقاسات واصمم ديكور الاوضة اللي فوق السطوح فهمتي انا هنا ليه وعرفتي الرجاله دول جايين معايا علشان ايه نهال:- اوضة ايه دي شمس بتعمل فيها الحلويات بتاعتها هتصممها ازاي هتعملها مطبخ يعني فيها بس دي شغلانه ميستحقش مهندس شمس:- استني يا عمتو لما نفهم افهم من كلامك ان مدام وصال هي اللي بعتاك هي قالت ليا ان فرش الاوضة هدية منها قلت يمكن عندها عفش مش محتاجاله وهتدهولي بدون مقابل لكن تبعت مهندس يعمل تصميم لاوضة وكمان فوق السطوح لا كده كتيراوووي اووي يا هندسة ومش من مقامك المهندس سامى:- هي اتصلت بيا وطلبت اشرف علي كل حاجه بنفسي واجهزها في اقرب فرصه وطلبات مدام وصال اوامر لانها ست خدومه والواحد ما بيصدق بتطلب منه خدمه ياريت حضرتك توريني الاوضة علشان اشوف محتاجه ايه من الموبيليا ولو كان فيه ديكورات اعملها بالمره شمس :- والله هتتعب نفسك علي حاجه مش مستاهله بس تعالي اتفضل معايا وتاخد مفتاح السطح وتاخدهم وتطلع ويشوف الاوضه ومساحتها ويبداء يكتب ملاحظاته عليها ويبص ليها المهندس سامى :- اناهسلمك الاوضة والسطح خلال اسبوع شمس:- اسبوع ليه الاوضة متجهزة وناقصها الفرش بس المهندس سامى:- فرش ايه دي محتاجه دهانات وديكورات وتجهيز للموبيليا اتفضلي انت روحي لمدام وصال هي بانتظارك ووصيتني مأخركيش وانسي تطلعي هنا قبل ما نخلص شغلنا واسلمك مفتاح السطح والاوضه شمس:- دهانات ايه وديكورات ايه حد قالك ده شقة عروسة ولا اوضة في فيلا دي اوضة علي السطح وبجهزها للايجار يعني سرير ودولاب وسجادة وتبقي فله يا هندسة المهندس سامى:- ده بالنسبالك لكن مدام وصال طلبت مني اجهزها علي احسن ما يكون زي اوضتها اللي بالجنينه شوفتيها انا اللي مجهزها ليها روحي انتي وانا هعمل المطلوب شمس:- لا شكلك عايز تعملها شغلانه وتاخدلك قرشين منها وانا مش هسمح بكده بقولك ايه خد عمالك وديكوراتك وروح انا هنزل اشتري سرير ودولاب ولما ربنا يفرجها هكمل فرشها المهندس سامى:- انا الشغلانه دي لا عايز منها لا قرشين ولا عشره كل اللي انا عايزه اخدم مدام وصال وهي طلبت مني اجهزها كانها بيتها وليها يعني كلامي معاها مش معاكي واتفضلي روحي ليها وسبيني اشوف شغلي انتي غلباوية اوي شمس:- هات المفتاح يا هندسة واتفضل من هنا ولما اكلمها هشوف هي طلبت منك ليه كده لانها تكلفه علي الفاضي المهندس سامى:- بعصبيه انسه شمس اتفضلي من غير مطرود ده شغلي دلوقتي وحضرتك بتعطليني وينادي عماله ينزلوها ويقفل الباب وراها وتنزل من علي السلم وهي بتخانق نفسها نهال:- مالك بتخانقي دبان وشك ليه ومين دول واوضة ايه اللي هيجهزوها هو انتي ناوية تتجوزي فيها يا بنت اخويا شمس:- عمتو انا مش طايقه نفسي والمهندس الرخم ده حرق دمي وطردني ويقولي ده شغله وهعطله شغل ايه في اوضة خمسه متر هي سرقه ولا هبل والسلام انا هلبس واروح لمدام وصال واشوفلي معاها صرفه في البلوي اللي بعتتهالي نهال:- طيب استهدي بالله وتعالي افطري معايا الاول شمس:- مليش نفس يا عمتو المهندس ده عصبني وسد نفسي وتروح تلبس وتاخد شنتطها والفلوس الباقيه من حق الطلبيه وتروح ليها وهي خارجه تلاقي سواق تاكسي بينادي عليها تستغرب مين ده وتروح تساله عرفت اسمي منين السواق:- انا مستنيكي من ساعه مدام وصال اجرتني علشانك اديتني عنوانك وقالتلي استناكي هنا كل يوم اوصلك ليها وارجعك تاني بليل علشان متتعبيش من طول الطريق وتتاخري عليها شمس:- هو ايه حكاية مدام وصال دي معايا هو في حد كده وتبص للسواق بص يا اسطي انا معرفكش علشان اركب معاك والسكه مش طويله ولا حاجه اتكل انت علي الله وانا هروح ليها مشي ومتخافش مش هتاخر عليها السواق:-يا انسه اسمعي لمصلحتك سواء جيتي او مجتيش انا اخدت اجرتي عن الشهر كله يرضيكي تخسريني رزق ولادى شمس:- يا راجل يا مفتري اجرة علي كام متر اتقي الله ولا كل واحد ما بيصدق يسرق الست الغلبانه بالساهل كده ولا علشان ملهاش حد يقف ليكم ويعرفكم ان الله حق السواق:- هو حد يكره الرزق يا انسه انا مغصبتهاش ولا طلبت منها هي بعتتلي ناظر العزبة بتاعتها واتفقت معايا اجيبك كل يوم ليها واروحك اخر النهار وانا رضيت باللي دفعته واتفقت معايا عليه واديني بقالي ساعه مستنيكي قوليلي بقي سرقتها انا في ايه شمس:- بصراحه هو مش غلطتك هات بطاقتك معايا ضمان عليك وهدهالك لما نوصل بالسلامه اتفضل وصلني يا اسطي هو انت اسمك ايه السواق:- محسوبك رجب يا انسه شمس شمس:- وتركب العربية يلا بينا خلينا نشوف اخرتها مع مدام وصال وبعد خمس دقايق تقف قدام بيتها اللي يشبه القصر وتفتح البوابه لكن تلاقي راجل جاي في وشها وشكله البواب البواب:- راحه علي فين يا بنتي شمس:- انا داخله لمدام وصال في مشكله يا عمونا البواب:- انتي الانسه شمس صح اتفضلي يا بنتي المدام مستنياكي من بدري اتفضلي وتدخل علي جوه لكنه يوقفها علي فين يا بنتي المدام مستنياكي في بيتها اتفضلي من هنا شمس:- هو انت البواب البواب:- ايوه يا بنتي في حاجه شمس:- اومال كنت فين لما جيت هنا امبارح ملاقتكش البواب:- انا في اجازة من ٣ شهور لان الست وصال من يوم المهندس يزن ما سافر مكنتش طايقه تكلم حد ومشت الكل واديتنا اجازة لحد امبارح بعتتلي ارجع تاني وفتحت البيت ومستنياكي جوة اتفضلي وتمشي معاه شمس وتدخل جوه البيت وتقف مبهور من الديكورات والفرش والطراز الجميل اللي مبني عليه وصال:- تشوفها تضحك في وشها ادخلي يا شمس انا مستنياكي من بدري علشان تفطري معايا شمس:- تروح ليها وتحضنها وتحس معاها بالحنان وتقعد قدامها علي سفرة عليها كل ما لذ وطاب وتسألها بحيرة انتي بتعملي معايا كده ليه وصال:- نفطر الاول وهقولك كل اللي انتي عايزه تعرفيه شمس:- حاضر لما اشوف اخريتها معاكي يا مدام وتقعد تفطر معاها وكان فعلا فطار جديد عليها من القشطه لجبنه ريكفورد واشكال وانواع متعودتش تاكلها كان بيكفيها قرص الطعمية وطبق الفول ومعاه البصله وقرن فلفل حراق كان فطار تمام وصال:- مالك مش عاجبك الفطار انا وصيت محاسن تعملك احلي فطار عايزاكي تحسي انك في بيتك وتبقي سعيدة شمس:- اشمعني انا وتعرفيني منين علشان تعملي معايا كل ده وصال:- تعالي معايا وتاخدها توريها كل اوض البيت لحد ما توصل لاوضة يزن وتفتحها وتدخل وشمس تحس بخوف من انها تدخلها زي ما يكون صاحبة الاوضة جوه وتنادي عليها وصال ادخلي يا شمس شمس:- تدخل وتشوف الاوضة مجهزة اثاث حديث ومرتبه وريحتها حلوة زي ما يكون صاحبة لسه خارج منها وتشوف صورة زيتيه كبيرة متعلق علي الحيطه وتبص ليها وتستغرب الشبه اللي بينها وبين الصورة الزيتيه وترجع تبصلها اكتر تحسها هي لكن مش شبهها اطلاقا ازاي متعرفش وتبص لمدام وصال وتسألها مين دي وصال:- دي بنتي لبني وام يزن انا ماحاسيتش الشبه اللي بينكم غير لما سبتيني وروحتي امبارح حسيت ان روحي بتفاريقني و انتي ماشيه بقيت بدور عليكي وعايزه افتكر شوفتك فين هستغربي كلامي هو في ام بتنسي بنتها هقولك لا طبعا بس لكن لما تلاقي ان الشبه بينك وبين بنتي مش مجرد شكل لا ده روح واحساس هو ده اللي لخبطني انا سمعت كتير عن تناسخ الارواح وان ممكن تتخلق روح ماتت في انسان حي ده اللي حسيته معاكي صدقيني يا شمس انا لما بشوفك بحس كان بنتي رجعتلي تاني فيكي شمس:- يخلق من الشبه اربعين بس هي فعلا مش شبهي رغم ان اول ما شفتها حسيتها تشبهني ليه معرفش يمكن شوفت فيا روحها زي ما قولتي ورغم اني سعيدة انك شايفه بنتك فيا لكن لازم تفهمي انا معاكي لحد ما ابن بنتك يرجع بالسلامه وساعتها هرجع لحياتي واوعدك ازورك من وقت لتاني لكن دلوقتي علشان احس بالراحه اتفضلي دول باقي الالف جنيه اللي اديتهولي امبارح وكمان المهندس اللي بعتيه بعملي الاوضة والسواق اللي اجرتيه يوصلني ليكي كل يوم كل ده انا مش عايزاه انا هاعملك زي امي ليا وهرعاكي بدون مقابل وصال:- تضحك مش قولتلك انتي عملة نادرة اقعدي يا شمس واسمعيني انا مش عايزاكي بديل لبنتي ربنا يخليلي يزن انا عايزاكي رافيقتي ومساعدة شخصيه ليا زي ما انتي شايفه البيت محتاج رعاية علشان يفضل مفتوح انتي هتساعديني ان البيت ده يفضل فيه حس تعرفي ان كان حلم جوزي نملا البيت اولاد علشان كده مبقتش اقعد فيه اول ما يزن يسافر لشغله لان مفهوش روح نفسي اللي يسكنه يأسس اسرة فيه ويحقق حلم جوزي اسمعي انا اخترتك تساعديني لاني ارتحتلك وانا من الصعب بل المستحيل ارتاح لحد بسهوله فكلامي معاكي نهائي انتي هتفضلي معايا وهتاخدي اجر نظير مساعدتك ليا اللي هتشمل اعتنائك بالبيت وانك بترافقيني وتقرأي ليا وتكتبيلي جواباتي لابن بنتي ومش هقبل منك اي اعتراض خدي الفلوس دي المبلغ ده كمان خليه معاكي لو شايفه البيت محتاج اي حاجه هاتيها من غير ما ترجعي ليه البيت ده من النهاردة تحت اشرافك ومسئوليتك شمس:- انا متشكره جدا لثقتك فيا واوعدك انا اكون اهل للثقه دي وهنبدأ من تغير الستاير الغامقه دي لانها بضيف حالة من الكآبة علي البيت وتنزل معاها للجنينه ممكن هنا نعمل مزرعه للفراخ ومنحل ونبدأ نستثمر الارض الفاضيه دي وصال:- موافقه علي كل اللي قولتيه شوفي ايه المطلوب وهنبدأ من بكره وفعلا بعد اقل من اسبوع يتعمل المنحل مع مزرعة صغيره للدواجن قرب البيت وغيرت من تصميم البيت وعملت فرانده علي البحر وده ادي رونق وشكل اجمل للبيت ◇■◇■◇■◇■◇■◇■●▪▪▪▪▪ عن ابن عمر ، أن رسولَ اللهِ صلى الله عليه وسلم قال: (( المسلمُ أخو المسلمِ ، لا يَظْلِمُه ولا يُسْلِمُه ، ومَن كان في حاجةِ أخيه كان اللهُ في حاجتِه ، ومَن فرَّجَ عن مسلمٍ كربةً فرَّجَ اللهُ عنه كربةً مِن كُرُبَاتِ يومِ القيامةِ ، ومَن ستَرَ مسلمًا ستَرَه اللهُ يومَ القيامةِ)). ◇■◇■♡■◇■◇■♡■●●▪▪▪ وتمر بيها الايام بقت تصحي كل يوم بدري تروح تجهز ليها الفطار بنفسها وتاخد البيض من المزرعه والعسل من المنحل وتطلب من محاسن تعملها فطير وبقت تهتم بصحتها وعلاجها وبعد مرور الاسبوع علي شغلها مع مدام وصال في يوم وهي مروحه للبيت عند عمتها تلاقي المهندس سامي بانتظارها علي غير العادة واول ما يشوفها يضحك بوشها شمس:- اهلا يا هندسة اخيرا حضرتك اتنازلت وهتتكلم معايا ده انا بقالي اسبوع بحاول اكلمك بترفض باستمرار وكل ما اجي اطلعك تقفل الباب في وشي متقولش جاية اشحت منك المهم ممكن اعرف هتخلصني امتي من ابتكاراتك الهندسية مهندس سامى:- اتفضلي ويطلع ليها مفتاح السطح اطلعي شوفي السطح والاوضة وقوليلي رايك شمس:- تاخد منه المفتاح وتطلع تجري لفوق وهو وراها وتفتح الباب وتقف مذهوله من شكل السطح اللي بقي تحفه فنيه حرام تعرضه للايجار للشباب خساره فيهم وتدخل تشوف الديكورات وتنبهر بالتصميم وتبص للمهندس باعجاب لمهارته وتغيرة لشكل السطح وخلاه بالروعه دي عمل تكعبيه من الخشب المزكرش وحط فيه طقم انترية جميل والجهة التانيه قفل مكان للصوبات الزراعيه وقصاري الزرع والورود فاصبح السطح كالروضة الجميله  اما الاوضة كانت كاوضة العرائس بالاضواء الملونه وغرفة كامله اوضة النوم مع مكتب صغير وشيك جدا وشاشه للتلفزيون وثلاجه للعصائر ومكيف وسجاد فخم وشيك  وتخرج شمس من الاوض وتحط ايدها علي فمها من خجلها من نفسها ومش عارفه تقول ايه ولسانها عاجز عن التعبير انت مهندس فذ معجزه اللي عملته في اسبوع عمره ما يخطر علي بالي انا مش قادرة اوفيك حقك بالكلام بس انت اثبت اني حمارة ودبشه وعبيطه واسفه علي كل كلمه اتعصبت بيها عليك ومش عارفه اشكرك ازاي علي اللي عملته المهندس سامى:- مش عايز غير انك توصلي لمدام وصال اني وفت بكلمتي معاها وعملت كل اللي عليا في تجهيز الاوضة شمس:- اكيد وعلشان شغلك الحلو ده اتفضل معايا ادوقك الحلويات بتاعتي حاجه تحفه ولذيذة زي شغلك كده بالظبط وينزل معاها وتضيفه وتعمله الحلويات بايده وتعمل حساب مدام وصال فيهم حلاوة الاوضة اللي بقت تحفه معمارية وتمر الايام وعلاقة وصال وشمس تزيد وكل يوم تكتب جواب ليها وتنزل اسكندرية تبعته لمقر البعثه يمكن يرد يزن علي جدته ويطمنها عليه وفي يوم تتاخر عليها لانها كانت بتجهز طلبيه لمحل خايفه تخسر زباينها لو اهملتهم واعتمدت علي شغلها مع مدام وصال وراحت ليها البيت لاقيتها زعلانه منها لانها اتاخرت وتحاول تصالحها بعلبة حلويات من عمايل ايدها وصال:- انا سمحتك خلاص وهوفر عليكي كتابة الجواب بتاع النهاردة خدي ده ابعتيه وانتي جايه الصبح ومتتاخريش عليا تاني انا مش هفطر الصبح غير لما تجي شمس:- انا أسفه واوعدك مش هكررها تاني وتخرج تبعت الجواب وترجع علي بيتها وفي صباح اليوم التالي تصحي بدري وتخرج تلاقي الاسطي رجب بانتظارها كالعادة يوصلها للبيت وتدخل تسلم علي البواب وتفتح باب البيت بالمفتاح اللي اديتهولها مدام وصال وتنادي عليها متردش تروح تجهز الفطار وتاخده علي صنيه وتطلع اوضتها علشان تفطرها وتخبط علي باب الاوضه مره واتنين وثلاثه محدش يرد تحط الصنيه علي الارض وتفتح الباب وتصرخ باعلي صوتها من منظر مدام وصال وهي واقعه علي الارض ….؟؟؟ **************&& تذهب شمس كالمعتاد الى بيت مدام وصال لكي ترافقها وتراعها وتعتني بها وتحضر لها الفطار وتطلع الى غرفتها لتفطر معها كالعادة وتطرق عليها بابها مره واثنين ولا مجيب القلق في قلبها خوفا عليها من ان تصيبها غيبوبه سكر مثيل كالتي اصابتها يوم معرفتها بيها في قطار الاسكندراية من شهر فات وتفتح الباب لتصتدم بمدام وصال واقعه علي الارض وتصرخ شمس طلب للمساعدة في انقاذها وافاقتها ويسرع اليها محاسن والبواب ويحاولون انقاذها ولكنها لا تستجيب لتطلب من رجب السائق ان يساعدهم علي حملها والذهاب بيها لأقرب مستشفي وتصل الي هناك ويستقبلوها ويقومون بالكشف عليها ويدخلوها الرعاية المركزة وتنتظر شمس في الخارج في قلق وخوف من ان تفقده وهي اصبحت لها كأم ويخرج الدكتور من غرفة الرعاية ليطمئنهم الدكتور:- للأسف مدام وصال دخلت في غيبوبه نتيجه ازمه قلبيه ناتجه عن جلطه ده غير السكر عالي جدا عليها ادعولها تقوم بالسلامه لان حالتها خطيرة جدا وحساسه شمس:- يارب تقوم بالسلامه وتبص لمحاسن والبواب اللي واقفين معاها ومسبوهاش لحظه قولولي اعمل ايه دلوقتي البواب:- مفيش غير حل واحد اتصلي بابنها رضوان بيه شمس:- بس هي قالتلي انه مش بيكلمها ولا بيسال عليها محاسن:- رضوان بيه طيب زي ست وصال والباشمهندس يزن لكن مراته ثريا هانم هي سبب كل اللي حصل بيهم منها لله شمس:- طيب في حد منكم معاه عنوانه او رقم تليفونه البواب:- ايوه انا معايا رقمه تليفون بيته هو ادهولي علشان اكلمه في الضرورة ويفتح محفظته ويطلع ليها ورقه مكتوب عليها رقم تليفون ارضي بالاسكندرية شمس تاخد منه الورقه وتذهب الي استعلامات المستشفي وتستاذن منهم في اجراءت اتصال باهل مريضه لديهم ويعطيه موظف الاستعلامات السماعه بعد ان قام بالاتصال شمس: الو سلام عليكم ممكن اكلم رضوان بيه لو سمحت صوت رجولي:- رضوان بيه ممكن اعرف مين عايزه وليه شمس:- انا مساعدة مدام وصال العمري والدة استاذ رضوان وهي دلوقتي بالمستشفي في غيبوبه وخالتها خطيرة الصوت الرجولي:- اديني عنوان المستشفي وانا هكون عندك شمس:- احنا موجودين في المستشفي الالماني بالاسكندرية الصوت الرجولي:- كويس انا قريب منكم جدا ربع ساعه واكون عندك قولتيلي اسمك ايه يا انسه شمس:- بارتباك اسمي شمس وحيد وحضرتك مين الصوت الرحولي :- لما اجي هتعرفي انا مين ويقفل معاها ويعد مرور اقل من ربع ساعه يدخل شاب انيق جدا ذو مظهر رجولي وحضور قوي وملامح حادة بعض الشئ يروح ليها ويقف قدامها انتي الانسه شمس اللي اتصلتي بيا شمس:- ايوه وانت حضرتك مين مش معقول رضوان بيه محاسن:- تجري عليها تبوس ايده يا مراحب يا شوكت بيه البواب:- حمدلله بالسلامه يا بيه شوفت اللي جري لجدتك شوكت:- ايه اللي حصلها كانت بتكلم ماما الصبح وقفلت فجاءة وانتي يا انسه ايه علاقتك بجدتي وصال هانم محاسن:- الانسه شمس شغاله عند الست وصال وبتحبها اووي الوحيدة اللي سلمتها مفتاح الدار ومش بتسيبها غير علي النوم لولا هي كانت الست ماتت من الحسرة علي غياب الباشمهندس يزن واللي انقطعت اخباره من ٥ شهور وزيادة شوكت:- يروح ويتامل شمس غريبه من امتي جدتي بتسمح لحد يقرب منها كده اكيد فيكي حاجه مميزه خلتك تكسبي ثقة جدتي بسهوله بعد ما سيطر عليها يزن الحقير وبعدها عن الكل وعمل من نفسه واصي عليها علشان تكتبله كل ثروتها شمس:- انا مشفتش الباشمهندس يزن من يوم ما اشتغلت مع وصال هانم واتفقت معاها بعد ما يرجع حفيدها انا هستقيل شوكت:- واو رائع انا فهمت ليه اكتسبتي ثقة جدتي وخليتها تأمنك علي نفسها وشغلتك عندها في وظيفه مش محتاجاها بس علشان ترضي نفسك الطيبه لانك مش وصوليه وخدومه شمس:- شكرا لحضرتك انا فعلا رفضت ااخد مقابل لرعايتي ليها ومساعدتها او اني اونسها لانها ست طيبه جدا وبحس معاها حنان امي اللي اتحرمت منه وانا صغيرة المهم دلوقتي ندعيلها تقوم لينا بالسلامه وياريت تحاول تصالحها علي والدك رضوان بيه شوكت:- والدي مظنش بقي مستحيل ويخرج الدكتور يسال عن حد من اهلها لانهم محتاجين يعملولها جراحه سريعه شوكت:- انا حفيدها شوكت رضوان العمري هي جدتي عندها ايه يا دكتور وجراحه ايه اللي هتعملوهالها في السن ده الدكتور:- اهلا استاذ شوكت مدام وصال اصيبت بجلطه في القلب والحمد لله انقذناها في الوقت المناسب واذبنا الجلطه لولا سرعة احضارها للمستشفي كانت ماتت وحاليا محتاجين نعملها عملية قسطرة للقلب وبعدها دعامات لحماية قلبها شوكت:-طيب سنها يتحمل الجراحه ولا فيه خطر علي حياتها الدكتور:- في كلتا الحالتين حياتها في خطر بدون اجراء الجراحه حالة القلب هتضعف و ممكن تحصلها جلطه تانيه ولو عملت العملية سنها كبير ممكن ما تتحملش الجراحه بس مرغمين نعملها لانقاذ حياتها شوكت:- اوك شوف المطلوب مني ايه وانا تحت امرك الدكتور:- ياريت ابنها يكون موجود افضل علشان يوقع علي موافقته لاجراء الجراحه ويتحمل المسؤوليه كامله شوكت:- للاسف سبب اللي حصل لجدتي هو معرفتها لموت والدي بلغناها الصبح بالخبر لما اتصلت تسال عليه وحصلها اللي حصل الدكتور:- اسف البقاء لله اتفضل معايا تمضي علي الموافقه وويروح ورا الدكتور ومحاسن تلطم علي خده يا وجع قلبي عليكي يا ست هانم ابنها مات من غير ما تشوفه ليها حق تتحسر وتقع من طولها ده غير غياب سي يزن عنها من مده طويله تاعبها زيادة ربنا يكون في عونها شمس:- لا حول ولا قوة الا بالله هتتحمل الست ده كله ازاي ابنها وبنتها ماتو وهي عايشه وحيدة في الدنيا حتي حفيدها اللي بتحبه محرومه منه ومتعرفش عنه حاجه وتسمع صوت ساخر من وراها بيقولها شوكت:- اكيد هرب او طفش منها بعد ما عملتله توكيل او خلاها كتبتله كل املاكها وثروتها دي انسان مستهتر وطماع البواب:-سي يزن استحاله يسيب جدته وصال هانم غير غصب عنه يا عالم هو فين او صابه ايه لبعده عنها كل ده لانه عمره ما عملهاواكيد وميمنعهوش عن ست وصال غير الشديد القوي يا شوكت بيه شوكت:- هو لعب في دماغكم وخداعكم زي ما خداعها واوهمكم انه بيحبها ده كذاب وخلاص بان علي اصله لما طفش وسابها لوحدها في سنها ده وهي محتجاله بعد ما اتسبب في طردنا من البيت زمان علشان يسيطر عليها ويكوش علي كل حاجه ليه لوحده شمس:- فعلا هي بتحبه جدا ومش بتتكلم غير عليه وهو مهنش عليه حتي يطمنها رغم انها بتبعت ليه كل يوم جواب شوكت:- كويس انه غار في داهيه انا هفضل جمب جدتي لحد ما تقوم لينا بالسلامه كفاية بابا اتحرم منها بسبب يزن مش هسمح ليه يحرمني منها انا كمان هي جدتي زي ما هي جدته بالعكس انا اقرب ليها لاني ابن ابنها وبحمل اسم العيله شمس:- البقاء لله في والدك بس هو مات امتي شوكت:- بابا مات من ٥ شهور وحاولنا نتصل بيها كتير نبلغها لكن محدش كان بيرد علينا ويأسنا نكلمها لحد النهاردة الصبح اتصلت هي بينا تطلب مساعدة بابا في انه يسافر ليزن علشان تطمن عليه لكن ماما صرخت فيه وقالت ليها انه مات وبعدها اتقطع الاتصال وجربنا نتصل بعدها لقيته خارج الخدمه لحد ما اتصلتي انتي وعرفتينا اللي حصل ليها في الوقت هذا يخرج التمرجي من غرفة الرعاية ساحب سرير نقال وعليه مدام وصال ويدخل بيها اوضة العمليات وتجري عليها شمس وتمسك ايدها وتبكي بحرقه شمس:- ارجعيلي انا مش هقدر اتخيل حياتي من غيرك بقيتي ليا الاخت والصديقه والام اللي اتحرمت منها وتبوس ايدها وتدخل غرفة العمليات وتظل شمس وحفيدها شوكت وخادمتها محاسن والبواب جمعه في انتظار خروجها وبعد مرور ٤ ساعات يخرج الدكتور وملامحه لا تنم عن خير الدكتور:- حالة القلب ضعيفه جدا احنا عملنا القسطرة بس صعب نعمل الدعامات في الوقت الحالي هي محتاجه لمعجزة ربنا يتولاها برحمته هي لسه في حالة غيبوبه ياريت تحاولو تخرجوها منها بحبكم ليها يمكن تتحسن حالة قلبها تعالو اقعدو جمبها وكلموها كل يوم لحد ما تستجيب ليكم والاهم يكون كل احبابها حواليها هتحس بيهم وتفوق علشانهم باذن الله شوكت:- طيب هي هتفضل بالرعاية ولا هتنتقل لغرفة عادية علشان نقدر نزورها ونقعد معاها زي ما حضرتك بتقول الدكتور:- لا هننقلها بكره لغرفه عادية وهخلي الزيارة مفتوحه شمس:- انا هفضل جمبها ليل ونهار لحد ما ترجعلنا بالسلامه شوكت:- وانا كمان هي الوحيدة اللي فضلالي من ريحة بابا الدكتور:- اتفضلو انتو روحو دلوقتي وجودكم ملهوش لزمه شوكت:- حاضر يا دكتور ومن الصبح هكون عندها هسيب اشغالي وكل اللي ورايا علشانها هي اهم عندي من اي حاجه شمس:- خلاص انا هروح ومن الفجرية هكون جمبها شوكت:- اتفضلي يا انسه شمس اوصلك شمس:- متشكره مفيش داعي عم رجب السواق تحت مستيني بيفضل طول اليوم معايا لحد ما بروح جدتك هي اللي موظفاه ليا وانا هاخد محاسن وعم جمعة البواب هوصلهم في سكتي اتفضل انت وبلغي تعزية لوالدتك ثريا هانم شوكت:- اوك اتفضلو وكمان موظفالك سواق خصوصي انت كده غاليه عليها اوووي وهتبقي طريقي لقلب جدتي __________________&&& اللَّهُم إني أسألكَ الجَنَّةَ بغيرِ حساب ولا سابِقِ عذاب ، اللهُم إنِّي أسْألُكَ ⁧ الْجَنَّةَ⁩ وَأسْتَجِيْرُ بِكَ منَ النَّار🌿 __________________&&& ينزل شوكت يركب سيارته وينطلق الي منزله ويصل بعد دقائق قليله الي بيته ويفتح الباب لتقابله امه وتساله ثريا:- طمني ماتت وخلصنا منها ولا لسه شوكت:- يضحك ياه معقول انتي بتكرهي جدتي لدرجادي انتي نفسك تخلصي منها باي طريقة انا دلوقتي فهمت انتي ليه قولتلها لما اتصلت تطلب مساعدة بابا في الاطملنان علي يزن وحضرتك حرقتي دمها وقولتلها يزن مات وابنك مات انتي عايشه ليه يا شيخه موتي و رايحينا منك كنتي نفسك تموتيها بقي بس عمر الشقي بقي جدتي عايشه بس شكلها مش هتطول واسمعيني يا ماما دي فرصه اني اتقرب ليها ومنبعدش عنها تاني ونسيبها ليزن يسرقها ويسرق ثرواتها ليه لوحده بالذات انه مختفي من فترة ثريا:- قصدك ايه قولي دماغك فيه ايه يا ابن ثريا شوكت:- خير يا مامي دلوقتي يزن مختفي وجدتي مش عارفه توصله وفي بنت جدتي شغلتها معاها وعندها ثقة عمياء فيها انا هاخدها وسيله اتقرب بيها منها واكتسب ثقتها وابعد عنها الطماع يزن ونرجع نعيش معاها تاني ونطرد يزن من حياتها للأبد وبكده نقدر نسترد حقنا في ثروة جدي ثريا:- هو احنا لسه هنصبر عليها تكسب ثقتها اكيد هي لسه مكتبتش حاجه ليزن ياريت تموت وتريحنا ومدام ابوك مات يبقي الورث ليك ولاختك ويزن لكن مين دي اللي جدتك بتثق فيها ومن امتي جدتك بتطمن لحد ولا بتقرب حد ليها من يوم موت بنتها لبني وهي قفلت علي نفسها هي ويزن حتي ابوك مكنتش بتعتبره ابنها استكتفت بابن لبني وطرديتنا بره حياتهم وحرمت ابوك من ورثه في مال ابوه بعد ما خلته اتنازل عن كل ما يملك ليها ودلوقتي ابوك مات من غير ما ياخد ورثه واصبحت هي المتحكمه في كل الثروة وانا واثقه انها ممكن تكتبها ليزن في اي وقت علشان تحرمك انت واختك من حقك زي ما حرمت ابوك ادعي ربنا ياخدها لكن خد هنا مين البنت اللي جدتك قربتها منها كده ومعني انها تثق في بنت بالشكل ده وتامنها علي نفسها يبقي في سر ورا كده انا متاكده انت متعرفش وصال زيا دي عقربه ومحدش يعرف ايه اللي في دماغها او بتفكر في ايه او ممكن تاذيك ازاي وامتي وفين احذر منها يا شوكت وقرب منها بحذر لو عندك ثقه انك تقدر تكسب ثقتها اتوكل علي الله شوكت:- متقلقيش يا ماما انا بقالي ٥ سنين بعيد عن جدتي وهستغل وقوفي جمبها في وقت شدتها واتقرب ليها وهخلي شمس تساعدني في اني اكسب ثقتها وحبها ووهخليها هي بنفسها اللي تطلب مننا نرجع نعيش معاها وناخد ورثنا كمان ثريا:- ماشي همشي وراك وهشوف خطتك هتوصلني لفين ونشوف شمس دي حكايتها ايه مع جدتك وصال هانم ♤■♤■♤■♤■♤■♤■♤■¤▪▪▪▪▪▪ ترجع شمس لبيت مدام وصال وتتاكد من ان كل حاجه تمام ولم تتاثر المزرعه او المنحل بمرضها او غيابها عن البيت وتوعد شمس نفسها انها تحافظ علي كل حاجه كانها موجوده والوقت الذي كانت بتقضيها معاها هنا ستقضيها بدل عنها معاها بالمستشفي تقص عليها الحكايات وتحدثها وتطمنها علي الامانه التي حملتها لها في رعاية بيتها ومزرعتها وفي صباح اليوم التالي تذهب شمس الي الاسكندرية وتطلب من السائق رجب ان يصلها الي مكتب التلغراف لترسل برقيه الي حفيدها يزن تبلغها بسوء حالة جدته وتطلبها العودة باسرع وقت ليراها قبل ان تفيض روحها الي ربها وبعد ان ارسلت البرقيه تذهب الي محل الزهور وتشتري باقه جميله من الورود الجميله المتناسقه من مالها الخاص وتعود لتستقل السيارة ويذهب بها رجب راسا الي المستشفي وتذهب للاستعلامات لتسال عنها وتستفسر عن حالتها شمس:- لموظف الاستعلام لو سمحت مدام وصال العمري انتقلت لوضة عادية ولا لسه في الرعاية المركزه الموظف:- لا انتقلت ورقم غرفتها ٥١٤ بس هي حاليا عندها زيارة واحد قال انه حفيده شمس:- ايوه اكيد استاذ شوكت وتروح للغرفه تخبط عليها ويفتح ليها شوكت وعلي وجه ابتسامه خفيفه شوكت:- اتاخرتي ليه كنت بانتظارك من بدري علشان اروح لشغلي ومحبتش اسيب جدتي لوحدها شمس:- تدخل وتحط الورود في الزهرية وتضعه بالقرب من سريره معلش كنت بشتري ليه الورد اسمع انه بيخلق جو وروح حلوه للمريض اتفضل انت روح شغلك وانا هقعد معاها واقراء ليها الروايات اللي بتحبها لحد ميعاد ما بروح شوكت:- انا مش عارف اشكرك ازاي جدتي ليها حق تحبك شمس:- وانا كمان بحبها جدا اكتر من نفسي ويخرج شوكت لشغلها و وتمر الايام ويبقي المعتاد تذهب شمس صباحا لزيارتها ويكون بانتظارها شوكت ليتركها معها ويذهب الي عمله و يعود في المساء ليظل معاها الي صباح اليوم التالي وفي يوم يصل شوكت قبل ميعاد ذهاب شمس ويطلب منها انه يكلمها علي انفراد ولا تستطيع شمس ان ترفض ويقابلها امام المستشفي ويذهبو لكازينو علي البحر شمس:- نعم يا استاذ شوكت عايزني علي انفراد ليه شوكت:- اولا انا بعد اكثر من اسبوع وانا شايف وفاء نادر واخلاصك ظاهر في حبك وخوفك علي جدتي شمس:- فعلا مدام وصال قالتلي كده ان جوزها كان نفسه يشوف البيت مليان بالاولاد بس انا هساعدك ازاي في كده شوكت:- يمسك ايدها احنا هنديها الامل في ان واحد من احفادها هيتجوز ومين الانسانه الوحيدة اللي بتثق فيها شمس:- تشد ايده انت عايز تتجوزتي انا اسفه مش،موافقه شوكت:- خلاص اهدي عندي حل تاني اننا نمثل قدامها اننا مخطوبين وتفضلي تكلميها عن اعجابك بيا وبشخصي وانك بتحبيني وبنتظري اليوم اللي تخف فيها علشان تحضر فرحنا شمس:- بس احنا كده بنخدعها ولما تفوق هتزعل مني جدا شوكت:- احنا هدفنا نبيل تخف الاول وبعد كده ناكد ليها حسن نيتنا وانا واثق انها هتسامحنا لانها بتثق فيكي وبتحبك شمس:- ماشي انا عارفه انك بتعمل كده علشان بتحبها كفاية انك بتبات معاها يوميا من يوم ما مرضت عكس حفيدها التاني اللي مسالش فيها رغم اني بعتله وعرفته سوء حالتها خلاص موافقه و ننفذ كلامك ده من بكره ونشوف لو مافقتش انا مش هستمر بالتمثيل لاني بكره الخداع والكذب شوكت:- موافق ويطلع علبه ويفتحه تلاقي فيه خاتم غالي جدا وياخد ايدها ويحاول يلبسه ليها شمس:- ايه ده ليه الخاتم دي خطوبه تمثيل وهي في غيبوبه مش هتعرف اتخطبني رسمي ولا لاء شوكت:- بالعكس انا عايزك وانتي معاها تخليها تلمس الخاتم وتاكديلها اننا مخطوبين فعلا الخاتم هيخليها تصدق وكمان الممرضين اللي بيتعاملو معاها لازم يعرفو انك خطيبتي علشان يتكلمو معانا قدامها علي هذا الاساس وتصدقنا شمس:- انا مش مقتنعه لكن هوافق مدام في مصلحة المدام ويلبسها الخاتم ويرجعو للمستشفي ويقعد شوكت جمب جدته ويمسك ايدها ويحطها علي ايد شمس اللي فيها الخاتم شوكت:- جدتي انا عايز افرحك انا خطبت شمس يلا قومي لينا بالسلامه علشان تفرحي بجوز حفيدك علي احسن بنت في الوجود واكيد انتي تعرفيها اكتر مني لانك كنتي سبب اني اعرفها واحبها واخطبها ويقبل ايدها وشمس تبكي لانها حست انها بتخدعها وهي عمرها ما كانت مخادعه وتخرج من الاوضه وتحاول تمنع دموعها من الانهمار زيادة يخرج شوكت يهديها ويطلع ليها منديل تمسح دموعها شوكت:- بقي ده اللي اتفقنا عليه خدي بالك هي هتحس بيكي وكده احنا هنضرها مش هنساعدها تخف وترجعلنا شمس:- غصب عني اول مره في حياتي احس اني كذابه بس اوعدك من بكره هنفذ الخطه وهتقوم لينا بالسلامه وبعدها تروحو وتدخل تمسي علي عمتها وتنسي تقولها علي موضوع الخطوبة المزيفه مع شوكت حفيد.مدام وصال وفي صباح اليوم التالي تذهب للبيت اللي اصبح فاضي بعد ما طلبت شمس من محاسن تخليها في بيتها لحد ما ترجع المدام وتفتح البوابه ومتلقيش عم جمعه تفضل تنادي عليه ميردش وتسمع صوت حركه غريبه في مزرعة الدواجن وكانو العمال لسه موصلوش وتشوف شاب بيلم البيض من داخل الحظيرة تدخل تصرخ فيه وتطرده وترميه بالبيض لحد ما يهرب منه ويقولها الشاب:- بغضب انسانه همجيه شمس:- وانت حرامي خسيس جاي تسرق البيض وتأنب نفسها يا حرام يمكن جعان وانا حرمته ياخد حاجه ياكلها يارب سامحني وتطلع تجهز اوضة المدام وترتب البيت كانها موجودة فيها وبعد ساعه كانت خلصت كل حاجه وتجي تخرج من الباب تسمع جرس التليفون بيرن تروح ترد شمس:- ايوه مين المتصل:- احنا المستشفي الالماني عايزين نبلغك ان ……..؟؟ وتصرخ شمس………!!! *.. يتبع ..* > *تـفاعل حـلو منڪ بيشجعنا انه نڪمل♥🌹*