الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عقلة الإصبع`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*مرحبًا بكم في لحن الحكايات 📚🩵📖*
*القناة عبارة عن قصص*
*حب*💙
*رعب*💙
*مافيا*💙
*كوميدي*💙
*رابط القناة للانضمام:*
https://whatsapp.com/channel/0029VbAv1EtATRSjnK2lId07
*قناة هناء الكل ينسخ رابط ويدخل😍👆🏻*
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
...
_7_
تدخل غرفتها وعلامات من الخجل والارتباك على محياها
يتبعها جدها لاستغرابه قائلا: مالك يابنت فاطمه
امل بشرود: ولا اشي
جلس بجانبها وقام بإمساك أذنها قائلا بجدية: شوفي يا عقلة الإصبع احكي
تململت قائله: اووه جدو وجعتني
ابوعلي: ما بدك تحكي
نظرت للأسفل وصمتت
نهض قائلا: وقت ما بتحبي تحكي انا موجود يا عقلة الإصبع المغلباني
ابتسمت لجدها ودثرت نفسها في الفراش
.....
شو جاي تعمل هين
مصطفى مخفضا رأسه: بدي احكي معك يابي
مهدي بحدة: ما تحكيلي يابي إنت مش ابني
مصطفى ابتلع ريقه: طيب ممكن نفوت ونحكي
مهدي: مافي دخول شو بدك يلا احكي
..
داخل المنزل والدة مصطفى تجلس على كرسيها المتحرك تقول لابنيها محمود وراما
زبيدة: مع مين واقف ابوكم
محمود بارتباك: شكلو واحد مين الجيران
زبيدة: بس صوتوا طالع
راما : ابصر شوفي ..لما يدخل بنعرف
....
مصطفى: بخصوص موضوع راما
مهدي: اهااا إنت اللي باعث هالعريس..بس ما حزرت مش موافق
مصطفى: انا ما بعثتوا..بس قبل ما يجي ويطلبها منك لأنه بعرفني حاكاني وبدو يعرف رأيي
مهدي باستهزاء: وشو رايك
مصطفى متجاوزا استهزائه: حكيتلوا الرأي الأخير لراما وإلك
مهدي بنفس لهجته: لا بتعرف بالأصول كمان
مصطفى ابتلع ريقه: يابي ليـ
مهدي بحده وصوت مرتفع: حكيتلك ما تحكيلي يابي فاااهم
...
زبيدة : هاد هاد صوت اخوكم مصطفى
راما بارتباك: شو بدو يجيب مصطفى يا ماما
زبيدة بلهفة: انا متأكده ..تعال يا محمود ساعدني اوصل
محمود: يا ماما مش مصطفى
زبيدة: لأ مصطفى.. تعال ولا والله بغصب عليك يا محمود
...
مهدي: انقلع من بيتي انقلع
مصطفى: بس اسمعني
مهدي: ما بسمع واحد مثلك يلا
اخفض رأسه وأدار وجهه هاما بالرحيل فإذا به يسمع صوت أمه المشتاق قائلا: مصطفى
أدار وجهه وعيناه تذرف شوقا لاحتضان امه .. أبعد نظره سريعا.. وأصبحت خطواته كبيرة ليصل لدراجته وينطلق بها
____
فايز: هيك حفيدتك بتعمل بدها تفضحنا
ابوعلي: شو عملت
فايز: ابن عمها بروح ع جامعتها مشان يروحها..ما بتقبل وبتحتمي بشب
ابوعلي: اول اشي ليش حتى ابنك يروحها امل مش صغيرة ..وثانيا امل ما بدها حد يساعدها حتى تحتمي بشب بتعرف توخذ حقها بإيدها
فايز بغضب: ليش مين كاينه هي بتطلب مساعده
ابوعلي في سره: اه هي مثل عقلة الإصبع بس بطلع منها
ابوعلي: حفيدتي وبعرفها..شو بدك هلقيت
فايز: موضوع جوازها
ابوعلي: طيب إنت ليش مُصِر
فايز: لأنه لأنه صاحبي طلب مساعدتي إني ألاقيلوا بنت مربايه لابنه ومش حلوة اخجلوا
ابوعلي بمباغته: مش إنت قلت إنه شب منيح
فايز: اهاا
ابوعلي: إذن جوزا لبنتك وهيك ما بتخجلوا لصاحبك
فايز بلجلجة: لسا بنتي صغيرة بتدرس بالجامعه
ابوعلي بحنق: وامل بتدرس بالجامعه بدري عليها
فايز: هي سنه اخيره بنتي سنه ثانيه
ابوعلي: مش فارقه كثير
فايز بحدة: يعني مش رح تساعدني إنها توافق
ابوعلي: لأ
فايز: طيب بتشوف شو رح اعمل
ابوعلي: اعلى ما بخيلك اعملوا
..
كانت واضعة أذنيها ع الباب تستمع لما يدور من حديث... عندما سمعت ذهاب عمها بدأت بالطرق بشده ع الباب
فذهب جدها وفتح الباب.. ما إن فتح الباب حتى قفزت نحوه وتعلقت به بسعاده قائله : يحيا ابوعلي يحيا جدو الله حيووو
ابوعلي مبتسما: انزلي يا بنت فاطمه مفكره حالك صغيره
امل بتبرم: منيش ناصحه
ابوعلي: بس انا صحتي ع قدها
امل بمزاح: شباب يا ابوعلي... (اردفت بتبرم) بس ليش سكرت عليّ الباب يا جدو يعني بقدر أنا أرد على عمي
ابوعلي: هو ناقصني مشاكل اكثر (امسكها من أذنها قائلا) تعالي هون مين هاد اللي مساعدك يا عقلة الإصبع وليش ما حكتيلي انه جاي ابن عمك ع الجامعه
تلوت من مسكته قائله: يعني يا جدو ما إجت مناسبه احكيلك وهالقصه ما شلتها من ارضها
ممسكا بها: مش بالعادة ..دايما بتحكي كل اشي (اكمل بمغزى) ولا لأنه في واحد ساعدك ما بدك تحكيلي عنه
ابعدت وجهها حتى لا يكتشف كذبها: لااا يا جدو بس مثل حكيت ما إجت مناسبه احكي( اكملت بجوع) جدو مانك جوعان انا ميتة خليني اروح احضرلك العشا
ابوعلي ضاربا كفا بآخر: روح يا بنت فاطمة ..هيني صابر عليكِ حتى نشوف شو بدو يصير
___
اليوم التالي تراه سارحا وعلامات الحزن ظاهرة عليه.. تحزن لحزنه
تدقق النظر لما يحدث
راما بارتباك: مصطفى
نهض واقفا فور سماع صوتها مبتعدا عن رؤية وجهها قائلا: مشغول بعدين بحكي معكم
وذهب مبتعدا عنهم
تآكلها الفضول لما يحدث قامت باللحاق به خِفية على حسب ظنها
وجدته يقف ناحية إحدى الشجر
تابعته في قلق..سرحت في أفكارها بعيدا
تقدم منها بنفاذ صبر قائلا لها بصوت جدي أرعبها: ليش لاحقتيني ع الدعسه
وضعت يدها على صدرها قائله: بسم الله الرحمن الرحيم
مصطفى: شو بدك يا بنت الحلال
امل اخفضت رأسها: ما بدي لأ بدي لأ لأ مابدي
مصطفى بنفاذ صبر: شوفي
امل نظرت إليه بحب قائله: شو مالك مهموم
ابتعد بوجهه عنها قائلا: ومين إنت حتى تسألي
امل احمر وجهها خجلا: انا انا
مصطفى: اسمعي يا بنت الحلال ما تدخلي باللي ما يخصك ماشي خليك في حالك وما توجعي راسك
همَّ بالذهاب امل قالت بسرعه: تتزوجني
_8_
بحلق بها من شده صدمته
مصطفى بحدة: إنت عارفه شو بتحكي إنت مجنونه شي
امل بارتباك: لأ مش مجنونه بس انا بحـ (وسكتت)
مصطفى ادار وجهه عنها: امشي يابنت الحلال خلي الصورة الايجابيه اللي ماخذها عنك تضلها في بالي وما تغيريها
امل تطقطق بأصابعها من شدة التوتر: بس انا جادة في كلامي
مصطفى رافعا اصبعه بتهديد لها: إذا بشوفك لاحقتيني ما تلومي إلا حالك
وذهب مبتعدا عنها
رمشت عدد من المرات قائله في سرها: شو هاد اللي عملتيه يابنت فاطمة ..بس انا مُصِره...يييييي وين راااح لازم ألحقوه
ذهبت تتبع أثره
..
بعد مده وجدته يخرج مع سامر من الجامعه
قالت متبرمه: يا الله عندي محاضره.. اووووف ما بدي احضرها
تبعتهم ووجدتهم يجلسون في حديقه بجانب الحرم الجامعي تأكدت من انه لم يرها واختبأت في إحدى الأماكن
__
سامر: كلي آذان صاغية
مصطفى: بس اللي بدي أحكيه بدو يضل سر لأنه ما حد بعرفوا..(قال بألم) بس والله مخنوق مش قادر
سامر بتأثر: بوعدك يضل سِر فضفض
___
تدخل إلى البيت مصدومة مما سمعت ...
ابوعلي: وعليكم السلام.. شو لا احم ولا دستور
امل بسرحان: كيف حالك يا جدو
ابوعلي بهدوء: تعالي اقعدي جنبي
جلست بجانبه
ابوعلي: فإيش سرحانه
امل: ليش يا جدو الدنيا ظالمه
ابوعلي: ربنا احيانا بحب يختبر عباده المؤمنين ويشوف قوة صبرهم
امل بحزن: بس يعني الشخص كم بقدر يستحمل ... تقريب العشرين سنه ينظلم حراام
ابوعلي بتركيز: عن مين بتحكي
اخفضت رأسها ولم تُجِب
ابوعلي: احكي يا فضولية يا عقله الإصبع
امل زمت شفتيها قائله بحرج: بس يعني يمكن اللي احكيه ما يعجبك يا جدو
ابوعلي: احكي وبعدين بنقرر
قصت عليه كل شيء ..لم تخفِ عنه شيئا ما
__
ضربها على مؤخرة رأسها
امل: يا جدو شو عملت
ابوعلي: في بنت عاقله بتروح تطلب الزواج من واحد ما بتعرفوا يا بنت فاطمه مهو اللي خلف ما مات عن صح
امل بفضول: شو قصدك يا جدو
ابوعلي تنهد وابتسم بسرحان: إمك هي طلبت الجواز من ابوكي الله يرحمهم
ابتسمت بل ضحكت لما سمعت قائله: والله يا جدو بتحكي جد
ابوعلي يتذكر: اه كانوا يشتغلوا بنفس الشركه أعجبت فيه وكانت تلاحقوا حتى يوم مسكها وطلبت من الجواز
امل بتركيز: وافق بابا ع طول ولا رفض في البدايه
ابتسم الجد: هو طبعا استغرب من جرأتها بس كان هو كمان حاببها بس خجلان يصارحها وبعدها صار النصيب
امل بأمل: يعني يمكن يصير بينا نصيب انا ومصطفى
ابوعلي امسكها من أذنها: ذكرتيني هيك انا ربيتك مش عيب يا أمل
امل بتوهان: بس ياجدو قصتوا بتحزن صح
ابوعلي: الله يعينوا ومثل ما قال صعب يحكي لأبوه بالحقيقه
امل: ليش صعب لازم يحكي
ابوعلي: مابدو إياه يشعر بالذنب هاد بِدل على إنه ولد صالح
امل: طيب يا جدو مابدنا نساعدوا
ابوعلي : امل
امل: يا جدو حرام
ابوعلي: ما تكوني فضوليه..بكفي اللي عملتيه مفهوم.. وممنوع تلحقيه عيب
امل: بس ماما عملت
ابوعلي: لأنه مش كل الرجال مثل ابوكِ..نقطه واول السطر خلص انتهت القصة مفهوم
امل بكذب: مفهوم
ابوعلي ناهضا: الله يرضى عليكِ
__
صوت قادم إليها يقول: راما راما
التفت ناحية الصوت فاحمرت وجنتيها خجلا
تقدم منها بإحراج قائلا: ممكن احكي معك
راما: خير يا هاني شوفي
هاني بحرج: انا ناوي اتقدملك كمان مره
راما بارتباك: انا انا مستعجله بدي امشي
ذهبت مسرعة
...
سائد: الله لا يعطيك العافيه..شو هاد اللي عملته
هاني : شو عملت
سائد: ليش تحكي مع اخت مصطفى
هاني بحرج: ما حكيت اشي غلط
سائد متبرما: طيب لو شافك الزعيم
هاني: آه خلص يا سائد ما بعيدها
__
تهز بقدمها وتفكر : شو بدك تعملي يابنت فاطمة ...آه لو إنك موجوده اكيد كنتِ اقترحتِ عليّ اشي
ليش بتحكي مع حالك
نظرت لهذا الصوت الذي خرق خصوصيتها فوجدتها اخته
راما: كيف حالك
امل: اهلين
راما: ممكن اقعد
امل: تفضلي
ابتسمت لها : شايفك مهمومه
امل: ممكن اسألك سؤال بس هو فضولي
راما: تفضلي
امل: شو قصة اخوكِ مصطفى
راما نظرت للأسفل بحزن: بس بضل سِر بينا
امل: ولا يهمك
راما تتذكر: كنت صغيرة بيبي يعني ما بتذكر اشي بس كبرنا وضلت معنا هاي القصة .. كان عمر مصطفى تقريبا ثمن سنين وكان إلو اخ توأم كان شقيين حسب ما بتحكي امي ..بيوم كان يلعبوا بأغراض ابي وابي دارس علوم ..كان عندو مجسم لهيكل جسم الانسان كسروه
فأبوي قرر يحبسهم بغرفة القبو ... ضلوا لليل ..تعرفي يعني سِن طيشان شكلهم متناقرين في مناقرتهم شكلهم كاينيين يلعبوا فمصطفى دافع مراد وجاي بقضيب حديد وداخل بجسموا
ابي بالليل دخل مشان يطلعهم وكانت امي معوه لقيوا مصطفى دموعوا على وجهوا وحاطط مراد بحضنوا وغرقان بالدم وميت... امي من صدمتها أجالها شلل وما عاد قدرت تتمشي..
تستمع والتأثر واضح عليها
راما تكمل: امي حاولت تقنع ابي انه يحكي الحادث صار بدون قصد بس ابي ما قبل لأنه سنه صغير حطوا اظن بالمدرسه الاصلاحيه كم سنه لما صار عمروا 16 انسجن كمان ..وبعد ما طلع من السجن ابي ما رضي يستقبلوا في البيت.. بلش يكون حالو تعلم مهنه الحلاقة حتى صار اشهر حلاق.. وهيو كمل جامعه وهاي آخر سنه إلو ..والله يا امل مصطفى ما بقصر علينا بإشي..لازم شهري يعطينا انا ومحمود مصروف لإلنا
امل بتلميح: يعني اكيد هو قتل اخوكم مراد
راما: هو يعني بدون قصد اكيد ماا
امل: طيب ابوكي ليش مش راضي يسامحوا
راما : لأنه مصطفى اول ما خرج من السجن ما كان مثل هسا كان مشكلجي عمل مشاكل كثيره مع كثير من الناس وصار تيجي الشكاوي لأبي ومن وقتها ابي اتبرى منو وغضب عليه
امل: طيب كيف صار هيك منيح
راما: علمي علمك ... صار يتردد على البيت مشان يزورنا ..ابي كان يطردوا ..كان ابي يحكيلوا حتى تصير منيح بستقبلك...
امل: طيب هيو منيح
راما: ابي مانو مصدق إنه هيك انقلبت شخصيته مرة وحده
امل: لا حول ولا قوة إلا بالله
راما بحزن: وهاني إجى يتقدملي ابي رفضوا
امل بضحك: هاني ما غيروا
راما ابتسمت: اها ليش في اشي
امل: ههههه لأ ...ربنا يوفقكم مع بعض
راما بتبرم: من وين يا حسرة ابي معَنِد
امل: بتنحل بتنحل وبتقولي امل قالت
_____
رآها خلفه من جديد فنفذ صبره ... تقدم نحوها فحاولت الهرب لكنها لم تستطع ... امسكها من ذراعها جارا إياها في إحدى الممرات بعيدا عن أعين الطلبه
مصطفى بحدة: شو بدك
ابتلعت ريقها: بدي بدي أساعدك
مصطفى:حدا طلب مساعدتك.. تعالي هون فإيش بدك تساعديني
امل بارتباك: يعني بقصتك مع اهلك
مصطفى ظهر الغضب في عيونه : شو عرفك بالقصة
امل ابتعلت ريقها: انا وأختك صرنا صاحبات ...كانت مهمومه فخبرتني
نظر لها بغضب عارم: طيب مادام عرفتِ إني قاتل شو مخليكي تلحقيني...حابة تموتي وإنت بِعز شبابك
بتلقائيه اجابت: ع إيدك مش مشكله
نظر لها غير مصدقا: إنت مجنونه
امل بخجل : أنـ أنا بحبك
مصطفى بحده: اسكتِ ما تعيدها هالكلمه ع لسانك..انا قاتل شو بدك مني قاتل .. ما تقربي عليّ ولا بيجي نصيبك من القتل
دفعها للخلف وسار ومجموعه كبيرة من المشاعر تجتاحه
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
*مرحبًا بكم في لحن الحكايات 📚🩵📖*
*القناة عبارة عن قصص*
*حب*💙
*رعب*💙
*مافيا*💙
*كوميدي*💙
*رابط القناة للانضمام:*
https://whatsapp.com/channel/0029VbAv1EtATRSjnK2lId07
*قناة هناء الكل ينسخ رابط ويدخل😍👆🏻*
`