الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عقلة الإصبع`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*مرحبًا بكم في لحن الحكايات 📚🩵📖*
*القناة عبارة عن قصص*
*حب*💙
*رعب*💙
*مافيا*💙
*كوميدي*💙
*رابط القناة للانضمام:*
https://whatsapp.com/channel/0029VbAv1EtATRSjnK2lId07
*قناة هناء الكل ينسخ رابط ويدخل😍👆🏻*
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
_1_
_ ببكاء: كل الحق عليك ليش تحبسهم مع بعض
_: ما كنت بعرف رح يسوي هيك ويكون هيك حقود
_ببكاء: شو بدك تعمل بدك تخبر الشرطه
_: أكيد لازم يتربى ويتعلم
_ببكاء: بس هيك بكبر بعيد عن حضني ما بدي إياه يبعد بكفي أخوه اللي راح
_ بقسوة: خليه يتحمل نتيجه أفعاله وبدك تعتبري من هاد الوقت ما عندك إلا ابن واحد ماشي بدك تنسيه وما بدي أسمع بسيرتوا بنوب
تركها تبكي لما حل بهم من أحداث وما حل بأبنائها
نظر لأبيه وعيونه تمتلئ بالدموع فقد سمعه
أمسك به بكل قسوة ووحشية وأخذه معه
: يلا يا سيدو جهز الأكل
: تعبتي حالك يا أمل
أمل بمزاح: تعبك راحه يا ابو علي
ابوعلي: شو عمالتيلنا
أمل بسعادة: عملت منسف يلا يا سيدو لأنك اذا ما جيت مارح يضللك اشي
ابوعلي بضحك: هههه آخرتني رح أتحول للبن من كثر ما بتطبخيه
أمل : أووه يا سيدو في حد بقول للمنسف لأ
ابوعلي: طيب قومي يا أمل احسن ما يبرد الأكل
_
_:مصطفى يا مصطفى( وبصوت عالي) مصطفى
نظر إليه مصطفى بانزعاج: شايفني أطرش شي يا معاذ
معاذ: وين سرحان اللي ساعه بنده عليك
تنهد مصطفى وقال: الدوام بالجامعه بعد يومين
معاذ: اه (لاويا فمه) مش عارف ليش بتكمل دراسه هيك ماشي بالشغل وعين الله عليك
مصطفى: آخر سنه هاي يا معاذ مفيش داعي لهالكلام
معاذ: طيب تعال مادام الصالون فاضي تعال زبطلي شعراتي
مصطفى: ما تزبطهن لحالك
معاذ: يعني كيف بدي قص الشعر اللي ورا تعال اعمل خير
مصطفى: اقعد خليني أخلص من نقك
معاذ بمزاح: اردلك إياها يا زعيم بأفراحك
مصطفى ضربه على مؤخره رأسه: مش عارف من وين مطلع هاللقب
معاذ: هاد اللقب خاص بيك يا زعيم
مصطفى لاويا فمه: تمجلس خليني أقصلك هالشعرات..شو رأيك اقصلك اياهن ع الصفر وأرتاح منك كل يوم والثاني تعال زبطلي شعراتي
معاذ واضعا يده على رأسه بهزار قال: لأ حرام عليك بترضاها اكون أقرع
مصطفى بتبرم: كل اشي بتقلبوا مزح
معاذ: تعلم يا زعيم وخوذ شوي مني
مصطفى نظر له بنفاذ صبر
____
ابو علي: امل مابدك تجهزي نفسك للجامعه
امل بتبرم: يعني يا سيدو مش عارفه ليش اصريت إني انقل من جامعتي لهاي الجامعه
أبو علي: يعني يصيبك مكروه بعدين أقول يا حسره ويا ندم
أمل: يا سيدو أنا وقت الحق بقلب راجل ما تستهين بحجمي مثل عقله الإصبع
أبو علي يضحك بكل جوارحه: ههههه والله يا سيدي عليكِ تشبيهات عقلة اصبع لأ إنت أكبر شوي منها هههههه
أمل: ههههه مش عارفه يعني إنت ما شاء الله عنك ليش مش مثلك ...مثل السنفورة بعد بكرى بفكروني سنفورة لأني جديده على الجامعه من السنافر وهاد كله بسبب حجمي الرهيب يا جدي العزيز
أبوعلي: قومي يابنت فاطمه خليني كمل قراءة قرآن قاطعتيني
أمل جلست بجانبه وقالت بسعاده: اقرأ يا سيدو بصوت عالي بحب أسمعك وإنت بتقرأ
أبو علي: طيب ما تجيبي مصحفك وتقرأي كمان إنت
أمل: سيدو انا بقرأ قبل ما أنام بس هسا بدي أسمع صوتك بصير ولا لأ
____
بدأ الفصل الدراسي الجديد
أمل: سيدو يلا أنا طالعة بدك اشي مني
أبو علي: سلامتك يا جدي ديري بالك ع حالك ومثل ما وصيتك ابعدي حالك عن المشاكل مش ضروري تحشري نفسك بكل اشي
أمل ضاحكه: هههه احكيها يا سيدو حشريه هههه بحاول بس ما بوعدك ما بقدر بتعرفني
أبو علي: طيب كوني صدقات احسن من حشريتك
أمل بتبرم: مين بدي أصاحب (قالت بجديه مصطنعه اضحكت جدها) بتعرف يابو علي إنه هاد الجيل فاسد وبفسد الأخلاق فكل واحد لازم يكون وحدو ويعمل اللي براسوا أريحلوا
أبوعلي ضاحكا: الله ينورها في طريقك يا أمل يلا روحي قبل ما تتأخري عن محاضرتك
___
تنظر لجدول محاضراتها
أمل بتبرم بصوت مسموع: وين هاي القاعة كمان مدرج هي ناقصه كمان يلا منيح اسمي ببدا بحرف الألف حتى ما يكون حظي في الآخر ما أسمع اشي أووف لازم الواحد يعني يدرس
كانت هناك مجموعة من الفتيات أطلقن ضحكات عليها
رمقتهن ببرود واستهزاء وقالت في سرها: هاا يا سيدو بدي أختصر المشاكل قال شو اعملي صحوبيه خليني ف حالي أحسنلي
تقدمت في خطواتها تبحث عن ذاك المدرج البغيض هكذا وصفته قبل دخوله
لم تستطع التعرف على مكانه
وجدت شابين يقفان ويتحدثان فذهبت إليهما دون أي تردد وقالت بجديه: لو سمحتوا
التفتوا إليها وقال أحدهم: اتفضلي
أمل قالت بجديه بعد أن مدت جدولها لهم: هاد المدرج وين موجود
نظرا كلا الشابين لبعضهما البعض وقد تلاقت عينيهما في نظره خبيثة فقال احدهم مشيرا لأحد الأماكن: هناك
لاحظت نظراتهم... لم تتفوه بحرف وإنما اتجهت لطريق مغاير.. فتبعوها قائلين
فقال احدهم: مش من هين
امل بنظرة ثاقبه: شو عبالكم تتسلوا روحوا العبوا بعيد الخبث واضح عليكم بدل ما تعملوا اشي يفيد آخرتكم بالعكس بتعملوا ...واضح مش هناك مكان المدرج
قالت كلماتها ونظرت لهم بسخريه وذهبت من أمامهم وهم فارغين فمهم
قال احدهم: شو يا سائد عجبك هالكم الي اخذنها طلعت فاهمه علينا
حك رأسه سائد بتعجب: والله يا هاني شكلها مش سنفوره هههههه شوي رزعتنا كفين
مرّ من جانبهم بطلته وقال ساخرا: لازم كل واحد كف حتى تبطلوا قله قيمه
هاني بابتسامه: الزعيم وش أخبارك
مصطفى بتضييق عيونه: وش اخباري؟ توه بالكلام ما تحترم نفسك إنت وإياه
سائد بمزاح: قلنا بنتسلى شوي
مصطفىبحزم: امشي انت وإياه قدامي مش انتوا عليكم محاضره يلا
هاني: إنت معنى يا كبير
مصطفى: للأسف قدري
سائد: يلا يا زعيم
_
وصلت أخيرا للمدرج وصلت بالوقت المحدد بنفس وقت دخول الدكتور نظرت للقائمه وأين يقع اسمها في أي كرسي وجدت رقمها الرابع عشر
ذهبت فورا للمقعد الرابع عشر وجلست عليه وكان بجانبها الأيمن فتاة من أول نظرة لها قالت أمل في سرها متباهيه ليس أكثر
أما جانبها الأيسر فيرقد شاب واضح عليه علامات النعاس أكثر من اليقظه ضحكت داخلها
وبدأت بالاستماع للمحاضر الذي بدأ بالشرح من أول لقاء
طرق الباب ودخل وهما يتبعانه
المحاضر/الدكتور ينظر لساعته: من اول محاضرة تأخير
نظر له مصطفى وقال بجدية: د. سامر اعذرنا بإذن الله ما رح تتكرر
نظر له سامر بابتسامه وقال: اتفضل يا مصطفى واثق فيك (ثم وجه نظره لسائد وهاني بنظرة أسف وقال) بس هدول ما اظن
غمز له مصطفى فأتبعه سامر بغمزته وجلس كل منهم بمقعده
أما عقله الإصبع أم نقصد مشاكستنا أمل نظرت لهم شزرا وقالت بصوت خافض: مُهَرِّجان
كأنه سمعها النائم بجوارها وقال متثائبا: خير بتحاكيني
نظرت له أمل وقالت بصوت عالي غير مدركه لمكانها: تصبح ع خير يا أخ نام أحسنلك
التفت إليها الطلبه وكذلك الدكتور
سامر: خير يا آنسه في اشي
أمل في سرها: أوووبس آخ يا سيدو لو إنت هين كان ضربت راسي بالطاوله
أمل بحرج مصطنع: بعتذر حضرتك
سامر: طيب خلينا نكمل محاضرة
أما سائد وهاني الذين جلسا بجانب بعضهما البعض بسبب تغيب بعض الطلبه
سائد هامسا: هههههه هاي مجنونه اشي
هاني هامسا هو الآخر: شكلها يا صاحبي
سائد: شكلها جديده هين
هاني: بس غريب يعني هاي ماده سنه أخيره شو جايبها
سائد: يا فهّيم يمكن ناقله لجامعتنا
هاني: والله طلعت بتفهم
سائد بفخر: لسا انت بتعرفنيش صح ..ما بتعرف قدراتي
هاني متهمكا: اسكت اسكت لأنه د. سامر شوي رح يطردنا
___
انتهت المحاضره بدأت بجمع أغراضها نظرت لجدولها فكان لديها وقت فراغ فقررت الذهاب لكفتيريا الجامعه
بدأت بالبحث لم تسأل أحدا وإنما ذهبت وحدها تكتشف محيطها الجديد
.......
أما مصطفى عند انتهاء المحاضره فقد ذهب لسامر
مصطفى مادا يده: شو اخبارك يا دكتور
سامر متبرما: كم مرة قلتلك يا مصطفى احنا من جيل بعض ارفع هالتكلفه ما تحسسني إني أكبر منك
مصطفى مازحا: مشان برستيجك
عدل سامر ياقه قميصه: إذا هيك مش مشكل بس بين بعضنا سامر وبس
مصطفى: طيب شو عليك محاضره
سامر: لأ فراغ شو رأيك نروح نفطر
مصطفى ضاحكا: شو المدام مخرجتك بدون فطور لأ لأ ما حبيتها إلك يا سامر
سامر يضحك: هههههه شايف قال بقولوا الجواز بريح والله كنت عند امي كل يوم ألاقي الفطور جاهز بس شو الواحد بدو يقول حكم القوي
مصطفى: هههه شو وين بدك تفطر
سامر: بالكفتيريا
مصطفى: ما بتغير إنت دكتور في جامعه يعني الك مقامك
سامر: سيبك من هالأمور يعني ضروري اشتري فطوري واختنق بجو المكتب لاحق ع القعده فيه وخلينا اليوم نشوف اجواء الجامعه بأول يوم والطلاب الجدد
مصطفى لاكزا إياه: مهو واضح اول يوم بدليل إنك بدأت شرح
سامر: انتوا سنه أخيره ليش ما أشرحلكم يعني مش طلاب جدد حتى نتعارف ع بعض صوح
مصطفى مبتسما: صوح
_2_
أمل: سندويشه فلافل وعصير عنب
البائع: السندويشه حمام ولا لف ولا عادي
فكرت قليلا وقالت: خليها حمام وياريت تضغطها ع التوست
هز برأسه... انتظرت دقائق أخذت طلبها وذهبت لتجلس في إحدى المقاعد غير المشغولة
وجدت طاوله في الوسط جلست عليها وبدأت بتناول طعامها دون الالتفات لأحد أي كان وكأنها لا ترى أحد
...
سامر: شو بدك تفطر
مصطفى: حيالله اشي مش فارقة
سامر: نشتري ساندويش ولا وجبة
مصطفى: خلينا ع سادنويش أخف
سامر: طيب روح تمجلس وانا بجيب ساندويش ع زوقي
مصطفى: والله شكلك مش دكتور بهالملافظ
سامر: ههههههه وك خليني ع راحتي بحمد ربي إني لقيت حد اتصاحب معاه كل الدكاترة كبار
مصطفى : المهم تعترف بهالفضل
...
ذهب على إحدى الطاولات وجلس عليها
جاء اليه سامر
مصطفى: شو جبتلنا
سامر: سندويش فلافل
مصطفى بامتعاض: هاد اللي قدرت تجيبه
سامر: الواحد مشتقله ما بوكله إلا هين
مصطفى نظر بشرود ثم قال : الحمدلله نعمه وفضل
نظر له سامر ثم أنب نفسه وقال في نفسه: كيف هيك يزل لساني مني عارف إنه ساكن وحدوا انتبه مرة ثانيه يا سامر
...
_ بلهفة: متأكد إنه موجود هين اشتقتلوا يا محمود
محمود: سألت هاني وسائد شفتهم حكولي ف الكفتيريا فاهدي يا راما
راما: طيب يلا بسرعه
.......
أمل بصوت خافض: وينك يا سيدو اشتهيتك معي بهالسندويشه خلص رح روحلك وحده مثلها
التفتت إلى مصدر صوت بجانبها
مصطفى بابتسامه: أهلين محمود وراما كيفكم
راما تحضنه وتبكي: اشتقتلك يا مصطفى ليش ما اتصلت فينا بالعطلة
مصطفى يزيحها قليلا: خلص هووش يا راما الناس بتطلع علينا
سامر بمزاح: ههههه هسا بقولي حبيبه
راما بخجل: والله لأني مشتقلك يا مصطفى
نظر مصطفى لمحمود: وإنت مش مشتاق
محمود ألقى نفسه في أحضانه: طبعا مشتاق
سامر بضحك: شو جو العشق الممنوع اللي عايشينه
ضربه مصطفى في كتفه
مصطفى: اجلسوا يلا
محمود: خلص آخر سنه الك يا مصطفى
مصطفى: الحمدلله.... وانتوا كيف همتكم بدي إياها عالية
راما: مادام إنت دايما داعمنا رح نضلنا متفوقين
محمود بصوت خافت: امي مشتاقتلك
نظر له مصطفى بحزن وقال: انا أكثر منها والله بس شو بدي أعمل نصيب ما بقدر ألقاها
راما: طيب ما تجرب تحكي مع بابا كمان مرة
مصطفى نظر للفراغ وقال بحزم: مافي داعي لأنه ع الفاضي وبتزيد بعدين الفجوة بينا
راما: يعني لمتى بدك تضلك بعيد عنا
مصطفى ابتسم: عم بحمد ربي دايما اني بقدر أشوفكم كمان هيك
سامر مغيرا للموضوع: وكيف الطب يا محمود
محمود بتنهيده: حلو بس بدو دراسه
سامر: ربنا يوفقكم
الكل: آمين
راما: مصطفى
مصطفى: نعم راما
راما: بدي شوية مصاري
محمود ناهرا إياها: راما مش ناقصنا اشي حتى تطلبي
راما بزعل حاولت إخفاؤه: بعرف إنه بابا مش مقصر علينا بس بحب أطلب من مصطفى
مصطفى بود: لأيش بدك الفلوس
راما بصوت خافض: خلص شكرا في معي
مصطفى بحزم ولطف نوعا ما: راما احكي
راما: في هاد الفصل مطالبين بعمل مشاريع وتصاميم كثيره فبدي أدوات رسم جديده
مصطفى واضعا يده على كتفها: ولا يهمك كل اشي بدك إياها ومن أحسنه رح يكون تحت إيديك
محمود: بس يا مصطفى إنت مش مجبور
مصطفى: ليش مش مسؤول أنا اخوكم الكبير ومن حقكم علي إني أوفرلكم كل اشي بدكم إياه وتطلبوا مني وما تخجلوا
محمود بخجل: إنت مش مقصر كل شهر بتبعثلنا مصروف بكفي وبزيد فمفيش داعي تكلف نفسك اكثر
مصطفى: خليني أعمل اشي ببسطني ماشي وراما ما تخجلي مني وما تردي على محمود انا عارف إنك بتعزيني وبتعتبريني اقرب الناس إلك
راما بحب: انا بحبك كمان مش بعزك وإنت كمان بعتبرك بمقام الأب يعني
سامر بصفير: شو هالجو العشق اللي قاعد فيه ارحموني يا جماعه
مصطفى رافعا إحدى حاجبيه: إنت شو مقعدك بين إخوة أصلا
سامر بتهديد مصطنع: إنت بتحكي هيك مع دكتورك ما بتعرف شو بعملك
مصطفى نهض وقال: يلا ع المحاضرات ما بدنا نتأخر إذا حضره الدكتور فاضي نحنا مش فاضيين
سامر ضاحكا: بدكم تتركوني لحالي هين لأ اروح ع مكتبي أحسن
___
ذهب كل واحد لمحاضرته على وعد اللقاء مرة أخرى
أما على الناحية الثانيه فكانت تنظر لهم مستغربه وتقول في سرها: كيف هيك بحضنوا بعض شو الحب صار هيك علني وكمان قدام الدكتور كمان شو هاد طيب معقول هو دكتور لأنه مش مبين عليه طالب يعني بمشي مع الدكتور سامر بس لأ هاد كان يحضر المحاضرة اممم طيب يمكن تكون وحدة قريبتوا ..مثلا اختو هبلة يا أمل يعني اختو هالقد بتكون مشتاقه إلو
نظرت لهم عندما وقفوا وذهب كل منهم في اتجاه
قالت في سرها: وين راحوا طيب ليش قاموا فجأة
نظرت لساعتها ففرغت فمها وقالت بصوت خافض: يعني لازم اسرح فيهم هيها بلشت المحاضره ومابعرف وين القاعة أووف وينك يا سيدو تضربني ع راسي خليني اصحصح
أمسكت بجدول محاضراتها واغراضها وبدأت بالبحث عن قاعتها
وجدت شابين يقفان وظهرهما لها فقالت بجديه وهي ماده الجدول لهما: لو سمحتوا
ما إن التفتوا إليها حتى بحلقت بهما
أما هما فنظرا لبعضهما البعض وانفجرا بالضحك
سائد: مش عارفه وين القاعه
هاني: بدك ندلك اصلا نحنا يمكن بنفس القاعه هههه
أمل بإغاظة وأسلوب مستفز: لأ بس كنت حابه أخدمكم إنت اللي لابس تيشيرت ازرق في ع ظهرك صرصور
قالت كلماتها وهرولت سريعا من أمامهما
هاني بفزع: سائد شوف شيل الصرصور عندي فوبيا منهم
نظر سائد لظهر صديقه فانفجر ضاحكا
هاني: يلا ليش بتضحك
سائد: مبروك عليك هاللمقلب يا صاحبي
هاني حك رأسه: يعني استهبلتنا
سائد يضحك: هههه اه
هاني بغيظ: عم تضحك
سائد: ههه عادي يعني عم فرغ طاقتي
هاني: طيب امشي نلحق المحاضرة احسن ما يقلعنا الدكتور
.....
تنهدت بضيق عندما وجدت القاعة طرقت الباب وسمح لها المحاضر بالدخول جلست على أقرب مقعد صادفها
بعد مدة دخل كل من هاني وسائد... وتعمدا الجلوس بجانبها
لم تعرهما أي انتباه... فقد كانت تنصت بتركيز للشرح
هاني بهمس: مرحبا يا قطه
لم تجب عليه
سائد يضحك: طنشتك
هاني يجز على اسنانه: فرجينا شطارتك
سائد: لو سمحتِ يا آنسة
وقفت فجأة وقالت بصوت عالي: دكتور ممكن اغير مكاني
المحاضر: خير في اشي
نظرت لهم بانتصار: لأ بس هدول الشبين عم بفهموا بعض مش عارفه اركز بالشرح منيح
الدكتور: طيب اتفضلي ع مكان ثاني
نظر لهم الدكتور وقال: بدكم سؤال اسألوني أنا ما تسألوا بعض يلا تفضلوا شو عندكم اسئله
نظرا لبعضهما البعض فقال سائد بهمس: يعني لو قالت بحكوا وبدردشوا اهون من هالورطه
هاني يجز على اسنانه: من وين طلعتلنا هاي
الدكتور بنفاذ صبر: ياريت تنتبهوا شوي حتى لأنه الماده بدها تركيز
نظر لهم مصطفى الذي كان يجلس بإحدى زوايا القاعة بابتسامه على ما حصل لهم
أما هي فقد جلست بسعادة فقد حصلت على انتقامها منهم
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
*مرحبًا بكم في لحن الحكايات 📚🩵📖*
*القناة عبارة عن قصص*
*حب*💙
*رعب*💙
*مافيا*💙
*كوميدي*💙
*رابط القناة للانضمام:*
https://whatsapp.com/channel/0029VbAv1EtATRSjnK2lId07
*قناة هناء الكل ينسخ رابط ويدخل😍👆🏻*
`