الفصل 7
البارت السابع
صلو على النبي
سيف : الملك عبدالله توفى الله يرحمه
ناز: وقف قلبي من هذا الخبر اخر كلمه له كانت قبل أسبوع وهو تعبان
لاتنسوني من دعائكم الله يرحمك ياملك الانسانيه الله يرحمك ياحبيب الشعب بكيت والله بكيت كيف ما ابكي وابونا راح
ام سيف : ان لله وانا اليه راجعون
اسيل وارياف : هدووء:" انصدمنا
كل نفس ضايقة الموت اخر كلام له يوجع القلب ويهز الصخر
الين : ساكته ماني عارفه ايش أقول صدمه
ا:
سيـــدي يا والــــد الشعــــــب وحبيــــبه
غيبتك صـــعبــة وفقــــدانك مصــــيبة
كيف أعيش العمر بعدك وانت عــمري
عــــمري بــــدونك أنا كـيف أهتني بـه
كل حاجـــة من بعـــد فرقـــاك تبكـــــي
الفجـــر والنـــاس والأرض الرحــــيبة
والشــــوارع والمبـــــاني والصــحاري
والقـــمر مـن مطــــلعه حـــتى مــغيبها تبكــــي علـــى مـوتك وأنا ابكي
يا أطيب أهل الارض وأكثر قلب طيبة
بـاقـــي فـــي قلبــي كـــلام ما ســــمعته
آه ليـتــــك بـس تســـمـع وأحـــكي به
لو أبحــكي عنـــك فـي غيابك وأسولف
يخـــنق الدمــــع الحكــي قبل أبتدي به
ما بقــى مـــوعد وأمـــنّي فـــيه نفــــسي
يا عـــسى الميـــعاد فـــي جــنان رطيبة
والعـــوض في ســـيدي سلــمان بعــدك
عمي اللـــي جامـــــعٍ رحــــمة وهـيبـة
والعــــوض في ســــيدي مقرن ومقرن
المناصـــب
تكتـــبك بدمــــوعها أصــــغر بنـــــاتك
آه يا حـــزنـــي ودمــــعاتي السكــــــيبة
كل ما ألمـــح شـــي غــــادرت وتركته
أشــعر بوحـــشة فـــراق وطـول غيبة
مجلـــسك نظــــارتك بشـــــتك عقـــالك
والزوايــا والمــــمــــــرات الكــئـيـــبة
كلـــه
قــــــدها ولا هــــي غـريبة
والبــــقــا للــــدار والشــــعب السعودي
عبرت الاميره سحاب بنت عبدالله بن عبدالعزيز
عن حزنها لوفاة والدها خاادم الحرمين الشريفين الملك عبدالله بن عبد العزيز
اليوم مر كأيب على المملكة مات حبيب الشعب مات ملك الانسانيه مات ملك الحنان
1436 :4 : 3 الجمعه :
الين: بنات كيف الزواج وش بيصير
ناز : وجع الين الملك مات أي زواج هذا كل شي يتأجل
سيف : يممه سعود جاء منتظرني شكله درى بالخبر بطلع اشوف
الين: استغفرالله ياناز قلبي قرصني احس هذا الزواج ماهو ضابط بيصيرشي
ناز : اعوذ بالله استغفري
اسيل: بلا خبال الين وبعدين يمكن خيره تأجيل الزواج
ارياف: الله يكتب اللي فيه الخير يارب
سعود: اسمع ياسيف الزواج ماراح يتأجل
سيف: سلامات اخ سعود الملك مات عارف ايش هذي الكلمه مستحيل يصير زواج او لعب او دق كيف تبي تفرح وملكك مات كيف تبي تفرح وتنبسط بزواجك والسعودية بكبرها حزينه وبعدين لو صار الزواج بكره مارح يصير شي لا دق ولا اختي ما راح تفرح هي ليله العمر مره
سعود : عادي مو لازم مطربه تنزف كذا
سيف :اسمع مابي اعيد وازيد معك الظاهر انت ماتفهم
ماراح يصير الزواج الا بعد أسبوع الين اخر العنقود وراح نفرح فيها رضيت اوانرضيت سلام
مشيت لأنو هذا الانسان مايفهم ما ادري كيف وافقو عليه والله اني رافض هذا ما يستاهل الين
ناز: دقيت على سيما الو سلام اخبارك
سيما : ياهلا والله وعليكم السلام
ناز : على ما اعتقد سمعتي بالاخبار
سيما : أي الله يرحمه ويغفر له
ناز : اللهم امين :اسمعي ياسيما مانقدر نخلي الزواج بكره لازم يتأجل مانبي نفرح والشعب بأكمله حزين
سيما: عارفه وحنا والله زيكم بس حنا خايفين من امي يعني مو شي هين يتأجل زواج ابنها اخر العنقود
ناز: قلتيها اخر العنقود كلنا نبي نفرح حنا مستحيل نخلي الزواج بكره يتأجل أسبوع مافي مشكله وصعبه نزف اختي بدون دق واذا صار الزواج بكره قلت الكلمه وشديت عليها الله لا يقولها تطلع كذا بدون دق وصعبه نلعب وننبسط وملكنا مات فأتمنى تتفهمون وضعنا وتفاهمي مع امك
سيما: انشاءالله
مر اليوم وتأجل الزواج :4:8
مر الأسبوع والحنا خف من ايد الين
الين :وه يابنات الحمدالله الزواج تأجل ولا كان مشكله
اسيل : هههههههههههههههههههههههه اتخيل خدك مورم خخخخخخخ
الين : الله لا يعيدو من الم بغيت امووت
بقي يوم على الزواج والبنات سوو وداع العزوبية جو خوات سعود وام سعود والليله صارت من احلا مايكون
اليوم يوم الفرح يوم فرحتك يا الين الكل قايم من الصبح
البيت مخبوس اللي رايح واللي راد والعروس نايمه ما تدري وين الله حاطها
ناز: والكاميره بيدها : الين الييييييييين القمر اصحي يالله اليوم ليلة عمرك
الين: عين مفتوحه وعين مقفله خيررررر خليني انام شوي انتم عارفين وش ورايه
ارياف : صدق انك قليلة الحيا قومي وجع
اسيل وناز : ههههههههههههه
الين : وجع قصدي وراي قرف تسريحه ومكياج ماقصدي تفكيرك الوسخ
ارياف : قومي سعود اللي رايحبك
الين: اذا سعود أقوم زحف
اسيل : مشفوحه : يعني ماشافت خير
تضبطو البنات وصلو القصر والين قلبي يقرقع مو خوف جوعانه
الين: بنات بنات
اسيل : نعم
ناز: يقولون انتي اليوم عروس اسكتي فضحتينا صوتك واصل تحت
الين: ببكي جوعانه
ارياف : وجع احسبه بتقول خايفه
الين: اهم شي كرشي بلا خوف بلا هم
نزلو البنات رقص و
ارياف: اخذت اكل لإلين وخالد يدق جوال رديت هلا
خالد : عندك صوت دق وينك
ارياف : انا عند بنات عمتي المسجل هذا شغال بعدين اكلمك باي قفلت منه وانا حاسه انو شك
وصل العريس عند الين وقبل ماتنزف ناز طلبت يشغلو شاشه طلع صور الين وسعود
وانزفووو سوا تصورو ام سعود وام الين مع عيالهم
الين : خلاص بطلع الحين وقلبي احسه بيطلع من مكانه من قوه الخوف جد يا الين ما حسبتي حساب خلاص بتستقرين بحياه جديده بتروحي من عند اهلك مدينه ثانيه بعيش عند رجال يعتبر غريب بس هو قريب زوجي بعيش بدون سيف خالد ناز بدر حبيبي من اللي راح امقلب غيره نزلت دمعه مسحتها على طول وانا اسمع عريس الغفله يقول
سعود: الين اضحكي
الين : ياسعود فايقه اضحك انا جتني ضيقه فجأه
خلص العرس واسيل ماقصرت بخبال واكلت لها اكله من ام طلال من خباله
مررر شهر على ابطالنا
طلال : بصراحه طفشت الحين ما يقارب لنا ثلاث شهور والوضع عادي ما كأني متزوج طفشت من هذي العيشه أي نعم رافض كنت الزواج بس خلاص تزوجت ابي استقر بحياتي
ناز : جالسه على التلفزيون ماشفته الا قبالي نعم ايش تبي
طلال : ناز انتي عاجبك الوضع اللي بينا
ناز : رفعت حاجب : اشبه وضعنا يازينه زيناه يهبل
طلال : لا تستهبلين انا طفشت انا ابغى حرمه معي
ناز: ليه شايفيني لوحه عندك كامله والكامل الله
طلال : ناز من الاخر انا ابي حقوقي
ناز : حسيت باحراج من الكلمه بس انفجرت بوجهه
نسيت يوم قلت انك تحاول تتقبلني يعني ما تبيني انت بنفسك قلت مغصوب عليه كيف تبيني اتقبلك وانت كسرت فرحتي بيوم ملكتي محد قدي عارف شنو لم تكون مجنون بشخص وتكون منتظر هذا اليوم عشان تقول له انه شنو هو بالنسبه لي وفي النهايه انصدم صدمت عمري بكل بساطه انا مابيك ابوي غصبني عليك
ابسطها ياطلال تقول لأبوك انا ماني بنت انغصب وتجي بكل برووود انا طفشت ابي حقوقي وانا انا اصلاً ماهمك انا اسطفل همك تأخذ حقوقك ابشر ياطلال خذ حقك بس لا تنتظر مني ان في يوم اتقبلك هذا حق من حقوقك وقلبي لأدوووسه لو فكر ينطق بحبك بيوم
طلال: طلعت على طول برا مابي أتكلم لو تكلمت أتوقع بتنفجر كسرتها ياطلال وتجي تقول لها تبي حقوقك أي حق هذا يارجل بس اوعدك ياناز من اليوم ورايح راح اتغير عشانك
ناز : شفته يطلع انفجرت بكي بكيت وبكيت لين نمت
عزيزتي اتعلمين ان النساء في
اقصى درجات الحب يعمين
ويتهورن لكن الرجال في
اقصى حالاتهم يجنون
خالد: اقولك شي خوله
ارياف : شوو
خالد : احبك
ارياف :ماعاد سمعت ايش يقول من بعد الكلمه هذي من فرحتي نسيت انو هو معي بس لما افكر بس مجرد تفكير اني أقول له اني ارياف قلبي يعورني عليه
خالد: خوله حبيبي معي
ارياف : أي معك حسيت بضيقه خالد اسيبك امي تنادي علي
خالد : اوكي
ارياف : شفته يدق ما مرت دقيقه الا دق خير انشاءالله هلا خالد اش في
خالد: تخيلي انا وبدر بنجي الدمام بنروح عند خيتي تمشيه بس اللي مفرحني اكثر ان انتي بالدمام
ارياف : ضحكت وانا قلبي طبول يعنني اللي يشوفك كأنك بتشوفني
خالد: طيب ليه لا وانا ماسك ضحكتي
ارياف : ياشيخ
خالد : هههههههههههههه
خوله والله احبك انتي اللي قدرتي تنسيني ارياف حتى اسمها من كثر ما اكرهه كنت مابي انطقه بس الحين عادي لأنو ماعاد تهمني انتي اللي بقلبي وبس وهذيك نزووه
ارياف : حسيت بغصه بقلبي وش أقول لك
خالد انت تحب ارياف قلت كذا ابي اقنع نفسي شوي
خالد: خوله اقولك انا احبك ما حبها
ارياف لا تكذب على نفسك
خالد: بلا جنان خوله اشبك
ارياف : اهم شيء تكذب على نفسك تضيع وقتك معي عشان تنساها صح
خالد: انتي انجنيتي يالله باي وقفلت الجوال
ارياف : وش هببتي يالله
بدر : بصوته كله يممممممه تأخرنا يالله
ام سيف: هذاني جيت على وش مستعجل هاك يمه عطى اختك خلاص
خالد : ههههههه الله يهديك يمه اللي يشوفك يقول الشرقيه ما عندهم هذي الأشياء
سيف : وهو نازل من الدرج يعني ما تعرف امي لازم تأخذ الأغراض لبناتها
بدر: ههههه اجل يمه لو بروح جده عند الين وش بتسوي السوق كله لإلين
ام سيف : فجرت تبكي
سيف : هالله هالله ليه كذا يمه والله نمزح معك معاش من ينزل دموعك وطالع ببدر عجبك الحين
ام سيف: لا يمه بس البيت بدونها ولا شي ما عاد اسمع مناقرتها هي وبدر
بدر : بضحكه قول الحمدالله ربك فكانا منها
ام سيف : بتضرب بدر بدر ركض ويضحك
بدر وخالد مشو على الدمام
الين : مر شهر من احلا ما يكون بس اللي مجننني انو لما اكلم امي ولا اخيتي يتصنت علي مرات أقول لا انا غلطانه يمكن يتهيأ لي
سعود : الين الين
الين : هلا حبيبي
سعود: يالله بنروح عند سيما
الين : ببتسامه يالله خلني اتجهز تجهزت وطلعنا عند اخته
سيما : هلا هلا حيا الله الين ارحبي ياعرسان
الين : هلا فيك ياروحي اخبارك
جلست مع بنات سيما حبوبات انبسط احب الصغار اعشقهم وكياته ياناسهم ماسمعت الا سيما تقول التفت
سيما : أقول الين انتي كذا على طول
الين : التفت لها يعني كيف كذا على طول ما فهمت
سيما : يعني جلستك مع الأطفال
الين : ماحبيت لهجتها كأنها مستسغراني بس رديت عليها ضحكت وقلت لها لأنو اعشق الأطفال ومن ما يحب الأطفال يدنون
سعود : والله انتي اللي تدننني
الين : ابتسمت
سيما : حبيبتي مو على طول تجلسي مع الأطفال انتي كبيره اوكي
الين : رديت ببراءه وبحسن نيه ابشري قمت جلست بجنب سعود وابتسم لي انسى كل شي مع ابتسامته
وصل بدر وخالد عند ناز
طلال : قربت بفتح الباب الا اسمع ضحكهم واصل لشارع أي اخوانك تعرفين تضحكين وانا نكد بنكد قالت لك بس معليه انت قلت ياطلال بتتغير وجع انقلبت عدوت ناز لك تسولف مع نفسك دخلت وانا بيدي ورده
سلام عليكم حيا الله من جانا انورت الدمام
بدر : صفر اوخس ياطلال ورد مره وحده والله ياخوك ما دريت انك رومنسي احسبك ناشف المشاعر
خالد : ههههههههههههههههههههه
طلال :أي والله ياخوك من اليوم اخذت القمر اللي بجنبك وانا ضايعن علومي
ناز : طالعت فيه بنص عين عيار يعرف يكذب
بدر: أقول خالد قوم قوم الظاهر خربنا على كناري الحب
طلال : ها زين انك حسيت
خالد : بووووووم منتصف الجبهه
بدر: قوم الله لا يعقب بشر قايم قايم الا برضوتي صحن مندي هههههه
طلال : اجل انتظر بس
بدر : اقولك شغله مابي مندي جالس جالس على قلبك
خالد وطلال وناز : ههههههههههههههههه
ارياف : رايحه راده
اسيل : وجع اشبك اقعدي يا بنت افلقتي دماغي اجلسي زي الخلق اشبك
ارياف : بنفسها : كيف اجلس والدور الفوقاني فيه حبيب قلبي
اسيل : الا صح اليوم بدر وخالد عند ناز صح شفت الحاله حقت الواتس ترحب باخوانها مالت ما لقيت الا بدر ترحب فيه
ارياف : مهي مع اسيل ضربات قلبها تتسارع ها أي أي
بدر وخالد نزلو عند خالهم يسلمون عليه
ارياف : سويت احلا حلا وخليت الشغاله تدخل فيه
اسيل : بنت اشبك بالمطبخ من يوم جو عيال عمتي وانتي في هذا المطبخ
ارياف : ابوي قالي سوي القهوه والحلا شايفتيني فاغره زيك
اسيل : اها أقول انا رايحه عند خالده باي
ارياف : علمتي امي
اسيل : وش رايك بالله اكيد علمتها مثلا بطلع بدون اذنها يالله سلام عليكم
ارياف : وعليكم السلام
جلسو خالد وبدر حول ساعتين عند خالهم سوالف طلع خالد يكلم خوله يبي يرضيها
ارياف : شفت الجوال يرن ابتسمت رديت هلا بقلبي هلا بعمري هلا بحياتي كله
خالد : ضاعت علومي : خوله خلاص وربي لا ادخل من الجوال نسيتني الزعل كله
ارياف : راضي ياحلوو عنا
خالد : غصبن عني ارضى بعد الكلام هذا
ارياف: ههههههههه
بدر : طلعت برا منتظر خالد تأخر التفت الا اشوفها اووو عيون البقر من وين جايه
اسيل : استغفرالله واتوب اليه يالله اصبحت اليوم في مين
بدر : احمدي ربك انك تصبحي وتمسي على هذا الزين كله
اسيل : مالت عليك وبعدين تعال هنا انت مصدق انك خوقاني وع وع وع
بدر : فطست ضحك هههههههههههههههه أقول لك شغله بالله كيف شعورك وانا كاشفك انك تحبيني
اسيل : اقولك ليه ابي العب عليك
بدر : ببتسامه أي علميني
اسيل : شفت نفسي طفشانه قلت خلني اسوي فلم هندي على هذا الغبي ما دامه يخرفن بنات خلق الله بس ماش ماضبطت
بدر : هههههههههههههههههه اكيد ماراح تضبط مبسوووط ماحد قدي
اسيل : راح اقولك ليه ماضبطت لأنو يا طويل العمر هذا مجالك لأنو انت خروف اللي زيك يفهم هذي اللغه لغت الخرفان انا فشلت فيها اختصاصك انت ودخلت على طول لأنو وجه بدر مايبشر بالخير
بدر: وجع وجع هنا حسيت فعلا اني خروف جد وجع ما عرفت ارد عليها اشبك سكت يابدر
طلال : دخلت المطبخ هذا الأسبوع كله هاديه مدري اشبها يعني بتاخذ معي مجال البروود قربت منها وسلمت على راسها انا اسف
ناز : حسيت الدنيا كلها وقفت مع هذي الكلمه انا اصدق اسفه ولا اصدق بوسته او وش اصدق قربه خنقني ما اقدر اسامحه رفضني كسرني لسى يا طلال قلبي ما طاب منك
طلال: ناز خلاص والله تعبت ما تبي تستقري بحياتك ماتبينا نستقر زي أي زوجين
ناز : بس رن الجرس
طلال : بشوف من على الباب وراجع
طلال : فتحت الباب الا اشوف هندي بيده صندوق اخذته منه
ناز: طلعت الا اشوف بيد طلال صندوق جاني فضول قربت من طلال لشنو هذا
طلال : علمي علمك بفتحه وبشوف
ناز : فتح طلال الصندوق ما صدقت جن جنوني بغيت انهبل ماعاد حسيت ايش أقول او ايش يصير معي شفت صورتها بكل وقاحه راسله صورتها وفتح الصندوق الثاني صور طلال هو وهي وهما صغار ومكتوب احبك ورا الصور طالعت بطلال وضحكت ضحكه قهر
طلال: اخذت الصندوق قطعت اللي فيه وبالزباله التفت لناز
ناز : لاتتكلم ولاتقول شي واضح كل شي مادامك تحبها ليه تزوجتني
طلال :مو معقول تصدقين خرابيط زي كذا
ناز : وليه ما اصدق كل شي بان واضح رفضتني عشان بنت الخاله
طلال: ناز ناز اسمعي خليني افهمك يابنت
ناز: مشيت غرفتي لأني ما ادري اصدق من واكذب من تعبت من كل شيء ماعاد ابي اسمع صوتك ياطلال اكتفيت منك دخلت غرفتي قفلت الباب مو معقول ياناز اكيد يحبها ياربي ويش يصير معي
بدر وخالد بالكورنيش تمشيه من العصر وصلو بيت ناز نزل خالد
بدر: خالد عندي مشوار وراجع
خالد : اوكي
ناز : طلعت الا هو بوجهي
طلال : ناز اسمعيني
ناز : اخواني الحين بيجون مابي فضايح اوكي
طلال: طيب خليني افهمك
ناز: الجرس يرن افتح الباب
خالد : سلام والله الشرقيه تفتح النفس ما ودي اطلع منها
طلال: ابتسم قلتلك شرقيتنا غير
ناز : طلعت الا على كلمات طلال وع وع ماهي حلوه ماصبرني الا وسكت
خالد: ضحكت عادي عادي خيتي قولي طلول
طلال: ابتسم اكيد انا فديت حرمتي
ناز : ممثل بارع ياناس لوين بتوصل
رن جوال ناز وكان قريب من خالد
خاالد: اخذت الجوال الا اشوف الاسم ارياف ناز بنت خالك
ناز : هات هلا ارياف ارحبي ياعيني اوخس ست ارياف مسويه حلا ارسلي لي ما اقولك لا قفلت الجوال وقمت المطبخ اسوي القهوه مادام في حلا
طلال لحق ناز
خالد : ناز رقم الين الجديد عندك
ناز : أي شوفو بدون اسم قبل رقم ارياف
خالد : شدني الرقم هذا الرقم مو غريب عليه بس الاسم ارياف هذا الرقم اعرفه اكثر ما اعرف نفسي هذا الرقم اللي نساني ارياف ونساني كل شي دقيت وانا اتمنى انه كذب انو مو رقم خوله دقيت من جوال ناز وانا دقات قلبي تتسارع كل مادق قلبي يدق معه
ارياف : اووووو تحمست الأخت رديت هلا ناز هذا كله عشان الحلا خلاص بطلعه الحين الوووووو
خالد : .............
( ملاحظة )
البارت الجاي راح يكون يوم السبت ان شاءالله