شيّبتي راسي بـ عنادك ما تبين تعاندين الموت وترجعيلي - الفصل 6 | روايتك

البارت 6 في بيت ابو فارس 🌸 ام فارس بنبره غريبه : تذكر ام ريم ؟ فارس : ام ريم ؟؟؟ ام فارس : الي ساعدت بنتها فارس بتذكر : اها ايه ايه اذكرها ام فارس : هالحين يعني صدق بنتها بريئه ؟ فارس : ايه ! ام فارس : اكييد يعني ما لها علاقه بالجريمه لا من قريب ولا من بعييد ؟؟ فارس : ايه يمه اصلاً بوقتها انهارت وكل الموجودين قالو جديده بالمشغل ولا تعرف شي ! ام فارس : اها فارس : ش الطاري ام فارس : عزمتها هي وامها فارس : ؟؟؟!!!! ام فارس : طلعت صديقه هديل بنت ام سلطان وعزمتها فارس : هههه يا صغر الدنيا ! ام فارس بقلبها : ان شاء الله تطلع البنت زينه وسمعه اهلها زينه وقتها نتفاهم يا فارس .. !!! في بيت ابو سلطان 🌸 نزلت وهي تحسّ بخجل وتوتر هديل : صباح الخير الكـل : صباح النور ام سلطان : اي صباح شوفي كم الساااعه بس ! هديل : مساء الخير ولا تزعلين ام علي : تعالي يا امي هنا اتجهت هديل بخجل وخجلست بجنب ام علي واخذتهم السواليف والضحك مع تحفظ هديل بالخجل المُستمر . في بيت ابو ريوف 🌸 سامي بشوق : شلونها عساها بخير ؟ سجى ببرود : ايه بخير ومبسوطه الابتسامه من الاذن للاذن سامي بُحب : عساها دايمه يااارب ام سامي : لو تسمع كلامي وازوجك والله بتنسى شموخ واهل شموخ سامي : يمه قلت لك من قبل واقولها هالحين والله غير شموخ ما اخذ والله وقام لانه يكره يناقش اهله بالذات بموضوع شموخ .. !!! طلع للحديقه وتنفس بعمـق ورجعت فيه الذاكره قبل ٣ سنوات كان يعيش حياه سعيده مع زوجتـه وكانو ينتظرو قدوم مولودهم الاول ! ولكن ... !!! حُب وغيره سامي المبالغ فيها لدرجة الشـك خلته يخسر ثقه وحب شموخ فيه .. ! وطلبت الطلاق ورفض ورفعت قضيه خلـع ولما شاف الامر جاااد طلقها بالمعروف وبعد الطلاق بشهر وصله خبر انها تعبانه بالمُستشفى كان يوقف بالممُر عشان اذا طلع اي احد من الغرفه يطمنه .. ومره طلع الدكتور وملامح الضيقـه واضحة سامي : شفيها يا دكتور ؟؟ طمن قلبي ! الدكتور : للاسف صار نزيف وتوفى الطفل .. !! سامي اتسعت عيونه بصدمة وبصراخة : لاااا سند راسه ع الجدار : اللهم لا اعتراض اللهم لا اعتراض !! ومن ذاك اليوم انتهت علاقته بـ زوجته او بمعنى صح طليقته وبنت خالته شموخ .. وهو السبب الرئيسي لـ طلاق علي وريوف ابو علي ما رضى ان ينشك في بنته وتتطلق وبالمقابل ياخذ بنتهم لـ ولده .. () ! بعد مرور يومين 🌸 وكل عائله رجعت لـ بيتها .. () في بيت ابو علي 🌸 ام علي : انا من راييّ ان موعد الزواج يكون قريب ابو علي : وانا بعدد نهايه الاجازه نسوي الزواج علي بتفكير : يكون احسن بعد ووقف واتجهه للحديقه ام علي : ش فيه ؟ كان مو عاجبه ؟ ابو علي بمراره : ما ادري عنه .. وبنفسه : لايكون بيطلب مني اخطب بنت خالته ؟ تنهد بضيقه ش اقووول لـ اخوي ! يالله بس !! علي كان يكلم ريوف 🌸 علي : قلبي لاتزعلين والله انها ما تسوى ظفر منك .. ! ريوف : بنت الـ ***** علي : اذكرك انها بنت عمي قبل اي شي فـ بليييز ريوف لا تبدين بالسبّ ! ريوف ببكا : من هالحين تغار عليها ... !! علي : يا بنت الحلال والله ما اغاااار بس اقول لك لا تسبينها قدامي .. ! ريوف بنفسها بنتزوج وبتشوف ش اسوي فيها .. ! وبتسليك : ما علينا منها كلمت ابوك؟ علي : انهبلتي انتي؟ ما لي يومين مملك .. ! ريوف : اجل !! علي : بـ نتزوج اخر الاجازه يمكن بعد شهر كذاً وبعد الزواج اخطبك عشان عمي ما يسوي لنا سالفه .. !!! ريوف ببكا : انا كان قلبي حاس انك بتسحب علي علي قاطعها : ريوف شفيك ! لو كنت ما ابيك ما كلمتك وقلت لك .. ! لو انا كذاب كان سحبت عليك من يوم الملكة ولا رضيتك واكلمك .. ! بس انا ما ابي هديل زوجه لي ابيك انتي ... ! تكفين ريوف والله ما فيني كل مره اناقش نفس الموضوع اهم شي ضمنت موافقه ابوي .. ! وكل شي بيتسهل باذن الله .. ! في بيت ام ريم 🌸 كانت ريم بالمطبخ تجهز نوعين حلا وموالح بتاخذهم معها لا ام فاارس .. () ام ريم كانت تخيط بالصاله وتفكر بكلام خالد : اذا مضايقك كلام الناس بالدخله والطلعه ، اقنعيها توافق ياخاله والله اني ابيها حلالي .. ! وبنفسها اه منك يا ريم عنيده مثل امك ، لو توافقين ع خالد ويصير عندنا رجال بهالبيت .. ! في بيت ابو فارس 🌸 رجع من الدوام بدري .. () فتح الباب واتجهه للدرج استوقفه صوت امه بحنيه : فارس ! فارس اللتفت لها : سمي يالغاليه ام فارس : غريبه يمه راجع بدري! عسى ما شر ؟ فارس : احس بشويه صداع وب انااام ام فارس بخوف : ما تشوف شر ياقلبي ، رحت للمستشفى؟ فارس : صداع خفيف اخذت بندول وبا انام وان شاء الله اصحى مصحصح ام فارس : ان شاء الله يااارب . يلا امي .. واتجهه لغرفته وهو يحس الصداع يزيد ما يخفَ .. () بدل ملابسه وانسدح وترجع فيه الذاكره لـ نقاش حاااد جداً بمركز الشرطه بخصوص الورث .. ! من عمـامـه... () سببو له احراج اولاً وثانياً ازعجوه وضايقوه بكلامهم عن ام فااارس .. () ! بعد مرور ساعتين 🌸 رن الجرس وفتحته الشغاله وكانت ريم وامها وصلو .. () واستقبلتهم ام فارس .. () ياهلااا ياهلااا وسلمت عليهم وشافت الاكياس الي مع الشغاله وبـ احراج : ليش الكلافـه يا ام ريم شوفتكم تكفـي .. ! ام ريم : لا كلافـه ولا شي شي بسيط من طبخ ريمي .. ام فارس بـ اعجاب : ماشاء الله ، ووجهت كلامها للشغاله : جهزيهم وجيبهم للصاله حياكم حياكم تفضلو ام ريم : زاد فضلك .. ريم كانت مبهوره بالمكان وبنفسها ماشاء الله الله يزيدهم والله يرزقنا .. في بيت ابو سلطان 🌸 هديل كانت تفكـر بحيرهّ .. ! اقول لا ابوي ابي اتطلق ! ش اقول عذر او ايش المُبرر ؟؟ اقول له ولد اخوك تزوجني وهو متفق مع اخوك ؟ نزلت راسها بحيره وقهر .. ! في بيت ابو فارس 🌸 كانت طول الجلسه تراقب تصرفات ريم .. () واعُجبت مره فيها ذوق ورزانـه وأسُلوب ذرب .. كانو يتبادلون اطراف حديث بمواضيع اجتماعيـه .. لفت انتباه ام فارس نوع الضيافـه مو من تجهيزاتهم ابد اخذت قـطعـه وذاقتها وبنفسها ماشاااء الله وسنع بعد ! فوق بغرفه فارس 🌸 كان يتردد كلام عمه بـ اذنه تنهد بضيـقه الله يرحمك يالغالي الله يرحمـك .. قرا ورده وقرر ينام يريح راسـه من الحيره يعطيهم او لا لهم حق او لا ؟ تعب ابوه كله بدا من الصفر ما لهم حق .. ! بس من باب الانسانيه والمساعده ! واول ما غمض عيونه جا طيف عيونها تعوذ من ابليس وردد ايه الكرسـي ونااام .. بغرفه هديل 🌸 بعد طول تفكير قررت تسكت ع الي شافته وتطلع من هالبيت اذا يبي يتزوج بنت خالته كيفـه اعيش مع عمتي ام علي والبنات قاطع حبل افكارها مسج من شموخ تشاورها بتاريخ الزواج اذا مناسب اول لا .. ! من غير ما تفكر ارسلت ايوه مناااسب .. تبي تطلع بـ اسرع وقت لان معامله امها تغير للأسو !! بعد مرور اسبوع كامل 💛 كانت ثقييييل ع البعض وخفيف ع البعض .. هديل كانت تسحب الايام والليالي لليوم الزواج .. ع انها متوتره وخاايـفه .. ومتحمسه للعيش في بيت عـمها .. () علي وريوف علاقتهم مُتوتره نوعاً ما بسبب قرب الزواج .. اثير وشموخ كانو يجهزون لـ زواج علي وهديل بكل حماس . ام ريم وام فارس علاقتهم صارت كويـسه وبينهم زيارات .. في بيت ابو سلطان 🌸 دخلت هديل ونهى ومعها اكياس ام سلطان : بدري مطولين شوي ! ما تشوفون الساعه كم !! نهى : يمه الزواج ما بقى له كثير وهديل تو بدت تجهز ! ام سلطان : تبي تروح للسوق ما احد ماسكها تروح لحالها مو لازم تنتظر الويكيند عشان تروحين انتي معها !! بزر هي .. !! هديل تبي توقف هالحوار : خلاص من اليوم انا اجهز بروحي ، شكراً نهى ما تقصرين واخذت الاكياس من يدها واتجهت لغرفتها تتجاهل دموعها وبقلبها تصبري ياهديل .. ! في بيت ابو فارس 🌸 ام فارس بغضب : مليييتّ وانا انتظرك يا فارس ! ما عندك عذر مقنع !!! انا مو ضامنه عمري عشان ب اشوف عياللك .. !!! حرام عليك حسّ فيني ! ما في احد بهالبيت الكبير انت يا بالداوم ولا مسافر .. ! مليييت وانا اسولف ع روحي مليييت وانا اواسي نفسي !! ع امل بيوم تجي تقول يمه اخطبي لي فلانه عمرك وصل ٣٠ يا فارس ٣٠ !!! فارس قاطعها بـ توتر : هذي نفسك يالغاليه وباسها ع راسها ام فارس : ما تحس بضيقه الخلق والوحده الي اعيشها اقل شي تكون عندي كنتي وان شاء الله الله بيرزقكم بـ اطفال يملون علي هالبيت !! فارس : عمرك ما شكيتي لي من الوحده عمرك ما حسيتيني انك محتاجة لي ! ام فارس بـ صوت مبحوح : ش اقول لك يا نظر عيني اشوفك يا مسافر لشغل يا بالدوام وتعبت وانا اقول لك تزوج تزوج بس ما تسمع الكلام ! تنهدت بضيقه واتجهت لغرفتها فارس رفع راسه بضيقه : كل ذا بقلبك يا يمه !!!!! جلس ع اقرب كراسي يفكر بكلام امه ! يفكر بالنبره الي اول مره يسمعها ! معقوله لهالدرجة امي تحس بالوحده ! لهدرجة متملله من الوضع !! في سياره سامي 🌸 كان واقف قبال بيت ابو علي عنده شغل بالشرقيه .. ع امل تطلع او تدخل ويشوفها !! وكان حظه هالمره حُلو .. ! بعد مرور نص ساعه من الانتظار شافها وفز قلبه يعرفها يعرف مشيتها وزولها تنهد بشوق : اه يا شموخ ! لو تتركين العناااد وترجعين لي .. !! كانت بتطلع تشيك ع بعض تجهيزات الزواج .. ولمحتّه يناااظر لها بتركيز للحظه حستّ بضعف ورجعت فيها الذاكره لـ قبل ٣ سنوات وكلامه وتشكيكه فيها يتردد مشت بسرعه وركبت بالسياره وبتوتر : حرك بسرررعه .. بسياره ابوعلي 🌸 نزلت راسها وهي تحس بضيقـه .. ! ليش يا ساااامي لييش !!! نزلت دمعه غصباً عنها مهما كانت تكابر وقت ما تكون بروحها تشتاق له .. !! كان يحبها بجنون كان يعيشون حياه سعيده جداً وبلحظه غضب والشيطان شاطر قال له كلام ثقيل .. !! كرهته للحظه حست فكره انها ترجع له بعد الاعتذار والناس الي تدخلو للصلح يجرح كرامتها .. ! ورفضت رفض تام .. لدرجـه رفعه قضيه خلع لاكن حميـه وشهامه سامي اكبر من كذا .. ! وطلقها علطول من غير محاكم .. ! السواق كان متوتر ومو عارف كيف يتصرف فيه سياره تلاحقهم من طلعو من البيت .. ! وفجاءه وقفت بشكل عرضي بنص الشااارع .. ! ووقف السواق فجاءه شموخ بخوف : بسم الله .. !!! شفيييه !! ورفعت راسها وشافت سياره سامي واقفه بالعرض بنص الشارع نزل سامي واتجهه للشباك وطقه بخفه .. !!! مسحت دموعها بسرعه وحاولت تتمالك نفسها تنهدت وقالت للسواق : تصرف وطلعنا من هنا السواق : ماما ما يقدر هذا مجنون ! شموخ بصرخة : قلت لك اطلع اطلع .. !!!! رجع ع ورا بشويش ع امل يقدر يلف يمين ويطلع بس جنون سامي اكبر من كدا لدرجـة ركب السياره وقفل الطريق من اليمين !!! شموخ عرفت عناده .. ! وما تبي تطولها اكثر وبنص الشارع .. !! فتحت شوي من الشباك بحيث تسمع صوته ولا يشوفها .. ! سامي بشوق : ممكن تنزلينه شوي ابي اكلمك ! شموخ ببرود : اسمع ؟؟؟ سامي : شموخ انا وانتي مو مراهقين اسمحي لي اجيكم زياره وبوجود ابوك نتفاهم .. شموخ : ما بيننا شي نتفاهم عليه ! سامي بحنين : شدعوه يا شموخ نسينا ا قاطعته : ما نسيت انت احرقت كل شي بذاك اليوم لا توقف قدامي وتذكرني بـ اشيا اندم اني عشتها .. !!!!! سامي انصدم من ردها الغير متوقع معقوله لسى حاقده علي .. !!! شموخ : بعد سيارتك وراي اشغال اهم منك .. !! الرد الثاني صدمة اكثر .. ! معقوله هذي شموخ ؟ هذي ام اطيبّ قلب ؟ شصاير بالدنياااا ؟؟ شموخ ما تعرف من وين جتها القوه والشجاعه ! لما سمعت صوته تذكرت ذيك النبره وكرهته ... !! في بيت فارس 🌸 بعد تفكير طويل بكلام امه ضاق صدره فعلاً .. ! امي محتاجة احد يونسها يسولف عليها اتجهه لـغرفتها بعد الغداء وطق الباب ام فارس : ادخل فارس : شلونك يالغاليه؟ ام فارس : بخير الله يسلمك جلس بجنبها : يمه انا فكرت بكلامك وفعلاً انا مقصر معك وانتي محتاجة احد يونسك ويسولف عليك .. وتنهد : يمه اخطبي لي اي بنت تشوفينها مناسبه دين واخلاق وبنت ناس محترمين ام فارس تهلل وجهها بفرح : صاااادق يا وليدي !!! فارس : ايه يالغاليه ام فارس : بذمتك يا وليدي ما في احد في بالك ؟؟ سكتت فارس وبينه وبين نفسه اه يا يمه ما ابي اقول لك وتضحكين ع ولدددك .. ! يا كثر ما قلتي لي عن فلانه وفلانه يا كثر ما شافت عيني بنات بس القلب ما اسرته الا وحده ومن نظـره .. ! صوتها نظرتها مو راضيه تطلع من بالي .. ! ام فارس بـ ابتسامة : هاه يا وليدي ؟ فارس : لالا يالغاليه انتي الي تشوفينها مناسبه لي توكلي ع الله وكلمي امها اذا فيه نصيب رحت انا وخالي وخطبناها .. ام فارس من كل قلبها : الله يجعلها من نصيبك !!! وقامت بفرح للجوال بتكلم ....... !!! فارس : استأذن يالغاليه . ام فارس من الفرح ما ردت عليه مشغوله تدور رقمها .. ! في بيت علي 🌸 كان يشرف ع العامل بتجهزات الغرفه لان ابو علي طلب تغير الاثاث كااامل بس علي ابد ما كان متحمس ! مشاعره بارده جداً .. ! كل شي مجامله عشان اهله وعمه ولا هو ما له خلق شي ابد !! بنفس البيت تحت 🌸 شموخ من ذاك اليوم وهي علطول متوتره والذكريات مسيطره عليها اثير : شفيك مو ع بعضك؟ شموخ بتوتر : لا ولاشي .. وتحاول تغير الموضوع : متى توصل الفساتين ؟ اثير : بعد يومين شموخ : حلو عشان نتاكد من القياس اثير : لا ما عليك ان شاء الله المقاسات تمام شموخ : اهم شي فستانين هديل توصل هنا مو للرياض .. ! اثير : ايه ايه حطيت العنوان واحد . شموخ : حلو .. في بيت ام ريم 🌸 قفلت جوالها وجهها تهلل فرح .... !! وبصوت مسموع : يالله لك الحمد ، الله يجعله من نصيبها ويهديها وتوافق .. ! وجلست تتخيل لو تزوج فارس ! بـ اتطمن عليها وام فارس مره فيها الخير والدين ،، وفارس ما قصر معنا ذاك اليوم وان دل ع شي فهو يدل ع طيبّ اصلـه .. ! في بيت ابو سلطان 🌸 نهى صارت تطلع من دوامها للسوق وتساعد هديل من غير علم امها .. !!! وام سلطان كانت مشاعرها بااارده جداً ولا كانه زواج بنتها .. !! في بيت سلطان 🌸 كان يلعب ولده وبضحكة : بتروح لزواج عميمه هديل ع دخله سهام : تصددق ودي احضر سلطان بجديه : صدق ؟؟ سهام بتوتر : ودي اشوف اهلك تعرف ولا مره شفتهم .. ! بالاسماااء بس .. !! سلطان بتفكير : ابشري ولا تصير بخاطرك تجهزي تروحين معي !! سهام بتوتر من موافقته السريعه : واهلك ؟ سلطان : عادي خواتي بيرحون مع ابوي وانا بروحي ناخذ شقه ونحضر الزواج ونجلس كم يوم بالشرقيه ونـرجع ؟ سهام بفرح : الله لا يخليني منك يالغالي .. !! وضمته هو وخالد بـخفه وحُب .. في بيت ابو راكان 🌸 جالسين ع طاوله الطعام ينتظرون داليا ابو راكان بنبره غريبه : كلمني اليوم ابو علي يا كبر فرحته بزواج ولده .. ! راكان فهم قصد ابوه : الله يسعده يااارب . احمد ابتسم بخفه : امييين .. ع دخلت داليا الي سمعت الحوار من كانت ع الدرج وبضحكة : افهم يا فهيّم ، خلااص عععاد طولوها لمتى ابوي يطلب منكم ! ابو علي : هالجيل غريب من اول ٢٠ يزوجون الولد هالحين ٣٠ ولا يبي ههههههه !! راكان : الله كريم يالغالي .. داليا : يبه اخطب لهم وحطهم قدام الامر الواقع احمد : اخطب لبنتك قبل لا تخطب لولدك توردت خدودها بخجل .. () ! ابو راكان بضحكة : عسى الله يعجل بنصيبكم وافرح فيكم كلكم !! بعد مرور يومين 🌸 قبل الزواج بثلاث ايام تحديداً في بيت ام ريم () ام ريم بعصبيه : طيب ليش ؟؟ عطيني سبب مقنع .. !!! ريم بعناد : كذا ما ابي اتزوج .. !! غصب السالفه ما ابيه ام ريم : مو غصب بس ابي عذر مقنع .. ! ش اقول لا ام فارس ! ريم : قولي لها بشفافيه بنتي رافضه .. ! ولا عشان ساعدنا ولدها وعزمتنا كم مره خلاص .. ! ام ريم : حتى تفكير ما فكرتي ! قالت ع راحتكم واسالو ريم وقفت وهي متضايقه : يمه قلت لك ما ابي ما ابي واتجهت لغرفتها وهي تحاول تتجاهل دموعها .. ! وبنفسها يمه انا ما ابي اتزوج عشان ما اتركك بروحك بهالبيت يمه انا ابيع الدنيا عشانك ! اه بس لو تفهميني اه لو تحسين فيني .. اخاف عليك من نسمه الهوا ما عندي غيرك انتي ملجأي انتي اماني انتي كل شي بالنسبه لي ... !! ام ريم حستَ ان تبلغ ام فارس احسن من تتأمل ع الفاضي ، لان تعرف بنتها وتعرف عندها ... !!! في بيت ابو فارس 🌸 ام فارس كانت تكلم ع دخول فارس ونبره صوتها ما جازت له ! ام فارس تنهدت : ما هي من نصيبه .. ! عسى الله يعوضنا بـ وحده مثلها ولو ان انا ودي بس ش نسوي .. !!! ام ريم : .......... ام فارس : لا تعتذرين يالغاليه هالمواضيع مو بالقوه .. شده الموضوع وجلس .. !! وشوي انهت المكالمه .. فارس : شسالفه ؟ ام فارس بخيبه امل : ما هي من نصيبك .. !! فارس : مين ؟ ام فارس : ريم الـ **** الي ساعدتها كلمت امها قبل امس واليوم ردت رافضه .. فارس رفع حجابه : وليش ان شاء الله ؟ ام فارس : كذا ما عندها سبب ع كلام امها .. فارس ببرود : الي خلقها خلق غيرها ام فارس بتذكر : ما شافت عيني مثل جمالها ابد سنع ودين واخلاق وجمال .. !! ولله كل صلاه ادعي انها من نصيبك بس وتنهيده : ما الله كاتب .. فارس : لاتضيقين نفسك يالغاليه .. ام فارس : مو مكلمه احد ب انتظر شهر كذا واخطبها مره ثانيه !! فارس ما جاز له الوضع : يمه انا قلت الي تجوز لك وين الي كنتي تقولي بنت فلان وبنت فلان ولا ما في غيرهااااا ؟؟ ام فارس : اذا مستعجل اخطب لك بس يشهد الله ان كان ودي ريم من نصيبك .. !! في بيت ابو سلطان 🌸 قرب يوم الزواج وبدا التوتر يزيد عند هديل ... () بغرفتها كانت تجهز ملابسها واغراضـها واخيراً جا اليوم الي اطلع فيه من هالبيت .. ! في احد يكره بيت اهله ياهديل؟ ايه ايه اكرره واكره كل لحظه عشتها هناا قفلت الشنطه ونزلت راسـها بـ الم : ياارب فرج لي من عندك ياااارب ييّسر لي ياااارب هونها علـي ورجعت تكمل شغلها وهي تتجاهل الافكار السيئه .. !! في بيت ابو ريوف 🌸 كانت تدور بقهر وسجى جالسه تتقهوى برواقان سجى : اشغلتينا ترا ! خلاص اجلسي ريوف : مستوعبه بكرا عرس علي ... !! سجى بخبث : الله يوفقه ! ريوف بنرفزه : سجججى !!! سجى : اف تعبت منك تفكيرك طفولي قلنا تكلمنا عدنا الشي ميه مره بذكائك وشطارتك تخلينه يطلقها بس انتي غبيه عبالك بالعناد والزعل يمشي كلامك ! هي هالحين زوجته ع سنه الله ورسوله ومستحيل من ثاني يوم بيقول يلا اخطبو لي ش بيقول لـ عمه ؟ وبعدين تعرفين علاقتهم مره قويه مع بعض فـ طولي بالك عليه علي لك استوعبي هذي الجمله .. ! ريوف تأففت بضيقـه وجلست وبيدها جوالها ع امل يتصل عليها علي ... !!! اما عند علي العريس 🌸 كان منسدحـه بالصاله وهو يفكر بحياااته فتحت ع نفسك باب يا علي صعب يتسكر سوا تزوجت عليها او طلقتها ممكن عمك يزعل ؟ والاهم زوج خالتك لو ما وافق بتضطر ترفع عليه قضيه عضل ! حط يده ع راسها اُف يالله قاطع صوت شموخ : وعريسنا شفييه ؟ علي انتبهه لوضعـه : هلاا شموخ شموخ : شفيك يالغالي ؟ علي بتنهيده : نفـكر .. شموخ : طبيعـي بتشيل هـم بس والله هديل مره مره طيبه وهاااااديـه وقنوعـه .. انا متاكده انكم بتتفاهمون مره مع بعض .. علي : ان شاء الله .. نهاية الفصل.....