الفصل 1
ببـدا بـ روايتي الرابعـه () !
" شيّبتي راسي بـ عنادك ، ما تبين تعاندين الموت وترجعيلي ؟؟ "
احداثها مختلفه كلياً عن رواياتي السابـقه بالشخصيات والمواقف
وكل شي 👌🏻💛.. (: تدور الاحداث الاساسيـه على
شخصيـه " هديل "
وخطا ارتكبته قبل ١٥ سنه
و أفنت عمرها كله معاقبـه
عليـه من امها ... () 💔
طبعاً دايماً ما احب ثنائي
فقـط بالروايه والاحداث حولهـم .. فـ بتكون شخصيات وعلاقات
كثييير بالـروايـه 🙄💛.. وللإسف بتكون فيـه احداث
حزينـه ما قد تطرقت لها
سابقاً ، بس العوض الجميل
موجود بهالحياة دايماً .. ✔️ و أوقات البارتات ⏳ بـتكون :
الخميس ، الجمعه ، السبت و الاثنين فقـط 🗣❤ وكل يوم 3 - 4 فقــط 👑💕 والوقت بالضبط ع حسب
ما في وقت معين الصبح او
العصر او في الليل 💎.. ()
تعريف بـ الشخصيات 🌸
عائله ابو محمد () لـه ثلاث اولاد وبنت وحده . ( ابو سلطان ، ابو علي
ابو راكان ، ام ترف )
عائله ابو سلطان () " خالد "
الابن الاكبر لـ ابو محمد
رجل اعمال معـروف
حنون جداً ع عيالـه وبنفس
الوقـت له هيبـه وكلمته مستحيل
احد يثنيها .. () ! " منيره "
ام سلطان كانت ام حنونـه
ع عيالها وتحب ولدها " معااذ " كثيير ومتعلقه
فيه ..
الى يـوم الحادثه قبل
١٥ سنـه وكل الموازين تغيرت
كلياً حتى نفسيتها تغيرت
وكرهت بنتها " هديل "
تمنت موتها كل يـوم !
يومين توقف قبال دار رعايـه
ومعها هديل وشنتطتها
بـ تنزلها بس كانت مخاوفها
تكبر من ابو سلطان لو
رجع من السفر مهما كذبت
مهما قلت يمكن تطلع بيوم
وتقول له والله يومها ما يرحمني !
الابن الاكبر : سلطان
٣٤ مهندس بـ شركة ***** شخصيـته عصبيـي جدا
وما يحب احد يفرض
علييه اي شـي .. !
مـتزوج بالسـر من غير علم
اهله من " سهام "
البنت الي حبـها وعشقها
بجنون وطلب من اهلـه يخطبونها
لـه ورفض ابوه بسبب سمـعه
والد سهام سمعته مو زين "
وما زال يتذكـر جملـه ابوه " اخر عمري انا اناسب الـ ****** ! "
نواف : ٢٩
يشتغل مع ابوه بالشـركة
حنون جداً وشخصيته هادية .
حاول كثير ان امه تسامح " هديل " بس للاسف !
نهى : ٢٦
دكتوره في مستشفى
الـ ***** ملامـحها ناعـمه جداً
وشعرها قصيير ونبره
صوتها المبحوحـه تميزها
كثيير .. () هديل : ٢١
تتميز بـطولها وتناسق
جسمها الرشيق .. وملامحها جداً فااتـنه .
عيونها واسـعه باللون
البُني ورموشها الطويـله .
وشفافيها الصغيره البارزه .. !
بس للاسف .. !
الظروف الي تعيشها
وقسوه امها ما عندها
وقت تفكر بنفسها او
تهتم شوي !
كانت مهمل نفسها جداً
وبتحسّ عمرها بـ ٣٠
من الهموم والشيبّ !
فـ الاغلب كان يشوف نهى
اجمل واصغر من هديل !
عائله ابو علي 🌸
موظف بـ احد الوزارات
وله منصب .. () كانت سمعتـه جداً طيبه
ولـه وسط اجتماعي محترم .. ام علي متوسـطه بالعمر
حنونـه جداً ، عيالها اهم
شي عندها بهالحيااه .. !
علي : ٣٥
وسـيم وملامـحة جداً
حـاااده انسان فوضوي
ولا يعتمد علييه .. منفصل عن زوجته لـ ظرف
عائلي بـ نتعرف عليه قريب .. اثير : ٢٢
ستايلها سبورت وشعرها
قصيير ملامحها بيبي فيس .
نفسها خفيفـه وما تحب
الرسميات ابداً .
شموخ : ٢٥
عكس اختها تماماً
انطوائيه وهاديه جداً
ممُلكة ع " سعد " من قرايب
امـها ... () عائله " ابو فارس " 🌸
ام فارس متوسطه
بالعمر ترملت قبل ٤ سنوات
حب ولدها فارس بجنون
وهو سندها بهالحياه .. !
فارس : ٣٠
ملازم اول
لـه هيبه وحضور والكل
يحترمـه ،، تأثير
مكانته الاجتماعيه حتى ع
حياته الخاصـه .
كثره مشاكله مع عمامـه
اشغلتـه عن الزواج
بـ سبب الورث .. () !
عايله ابو ريم 🌸
ابو ريم " حمد "
موظف بقطاع خاص ،، انفصل عن زوجته وبنت عمه
بعد سنتين من الزواج .. () لان كانت تربطه علاقه
حُب مع بنت خالتـه .. ام ريـم : ٤٠
وشكلها يوحيّ بانها اكبر
تحملت مسوؤلييه تربيه اخوانها
من بعد وفاه امها وبعدين
تزوجت ولد عمها حمد
وبعد سنـه حملت بريم
وبعد ولادتها بـ اشهر
طلقها وتزوج بنت خالته !
فـ كانت تعيش ضغوطات كثير
اثرت ع نفسيتها بشكل
كبييير ... () ريم : ٢٣
طالبه بالجامعه ، بريئه
لـ درجـة السذاجـه .. () !
جمييـله بـ زيااااده ملامـحها
طفولييـه وشعرها الاسود
لـ نهايه رقبتها وعيونها الزيتيـه
وشفايفها البـارزه .. وزمام بـ انفها الصغير .. كانت جمـيلـه .. ()
عائله ابو راكان
الابـن الثالث لـ ابو محمـد ❤
ابو راكان ؛ ٦٤
مُتقاعد من احد الدوائر
الحكوميية .. توفت زوجتـه قبل ١٠ سنوات
ورفض انه يتزوج غيرها () راكان : ٢٩
دكتور اسنـان في مستشفى
حكومي ، شخصيـته قياديـه
بزيااده .
احمد : ٢٧
موظف بشـركة ابوه ،
عكس اخوه تماماً شخصيته
خفيف دم ويحب يستهبل .
داليا : ١٨
اخر سنه ثانوي ، دايماً
كانت تتمنى اخت او زوجة اخ
معها بالبيت لانها ملتّ من الوحده !
بس اخوانها كانو رافضيين
بـ حجة " بدري ع الزواج "
تاخذ من ملامح اخوها
راكان كثيير .. ()
Like
اميرة ياسمين likes this.
التعديل الأخير تم بواسطة فيتامين سي ; 03-03-22 الساعة 04:33 PM
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 26-02-22, 03:08 PM #3
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Elk
البارت 1
في احد احياء الرياض
تحديداً في بيت ابو سلطان .
نزلت بـخفه وهي تمشي ع
اطراف رجولها ع الارض
الباااارده عشان ما احد
يحسَ فيها
فتحت الباااب وطلعت للحديقه
رفعت راسها وتنهدت بـ راحـه
واخييييراً مليييت من الغرفه
شهر كاااامل ما طلعت متر
برا الغرفـه .. !
اتجهت للكراسي وجلست
وضمه رجولها لصدرها الجو
بااارد شوي بـس ما فكرت
تاخذ اي شي معها تبي تطلع
بـس .. !
تنهدت بـألم ليش تحاسبني
ع شي مو مقصود كنت صغييرة
ما يعتمد علي .. !
الغلط منها هي مو انا
منها هي ليش تعتمد علي !
كنت طفله عمري ٦ سنوات
ليش تحملني مسوؤليه
اكبر مني .. !! كانت تواسي نفسها بهالكلمات
وتحط اللوم ع امها وان
التقصيير منها هي !
ع ان قلبها يحترق كل يوم
وتمنت انها ذيييك اللحظه
ميته ولا شافت الي صار !
قاطع عليها حبل افكارها
صوت اخوها " نواف "
نواف : صباح الخيير
هديل : صباح النور
نواف بضحكة :
جاك الفرج يعني
هديل بتوتر : لاا
نواف : كيف طلعتي اجل !
هديل : الشغاله ما قفلت
الباب وبخوف : الله يخليك
نواف لاتقول لها !
نواف : يابنت الحلال مو
قايل لها اصلاً انا لي كم
اقنعها تسامحك بس تنهد :
امي تعرفينها !
هديل بضعف : كلنا نعرف انها
مو معقبتني ع طلعتي من غير
اذنها هي تعاقبني ع غلطه
قبل ١٥ سنه !
نواف الي ما يبي طاري
هالموضوع : بـ اكلمها اليوم
واحاول اقنعها وانتي تكفيين
انتبهي لتصرفاتك !
هديل بتوتر : وعد ما ازعلها
واذا ما تبي اطلع من البيت
موافقه بس اطلع للحديقه
اتغدا معكم اجلس معكم
نواف والله مليييتّ خافو الله
فيني انا اختكم .. !!! نواف تنهد : باذن الله وعدتك
اليوم اكلمـها بس انتي طولي
بالك ع المرهّ !
احترق قلبها سنين
هديل بعتب : عاقبتنـي سنين !
مرتين توقف قدام دار
الرعاااايـه لو ما تخاف من
ابوي انا اليوم بدار ... !
نواف انا ما الومها ادري
احترق قلبها بس ترا حتى انا
احترق قلبي مليون مره .. !
وهي ما قصرت كله تهاوشني
وتستحقرني !
ترا حتى انا بنتـها ليش تسوي
كذا !
والله ما ابي حبها ولا ابي
تخاف علي يكفييني تتركني
بحالي !
مليييت سنين انتظر رضاها
نواف : ش هالكلام يا هديل !
هذي امك مهما قالت
ومهما سوت فييك هذي امك !
() هديل بـ استخفاف :
هه امي .. !
عاد انت اكثر واحد عارف
شعورها تجاهي !
تكرهني ودها اموت اليوم
قبل بكرا !
تذكر كم مره اخذتني انت للمستشفى ؟
وهي ما درت عني .. ؟
تذكر كم مره دخلت وفكيتني
من يدينها .. ؟
تذكر كم مره طلبوها المدرسه
تجي لحفل تكريم او تخرج وترفض تروح معي .. ؟
تذكر كم مره جمعة العائله ما
تاخذني .. ؟
وبـ انهييياااار : اذا انت
ناااسي اركان هالبيييت
تشهههد
الصاله تشههد كم مره انطقيت
فيييها
غرفتي تشهههد كم مره عاقبتني
وقفلت عليي
مخدتي تشهههد كم مره نمت
ودمعتي ع خدي
نواف بضعف نزل راسه
وبغضب : خلاص خلاص
هديل ببكا وصراخ : لا مو
خلاص لا احد يلومني اذا
ما حبيتها من ١٥ سنه ما سمعت
اسمي ع لسااانها
من ١٥ سنه وهي كاره وجودي
بهالبييييت
وبـ انهييار : ولا فيييه ام تاخذ
بنتها لدار رعايييه مرتييين !!! لو ما تخاف من ابوي
وبمراره : انا مو بينكم !! تعرف اليووووم تمنيت انها
ودتني هنااااك يمكن تكون
الحييييياه احسن منها
ع الاقل ما اشوف الكره بعيون
امي !!!!! وقف نواف مسكها مع
عضدها وبغضب : هديل
شفيييك شهالكلام انتي اختنا
وبنتنا !! هديل بـسخريه : بـالكلااام
بس هه .. !
كلكم تخافون منها كلكم ما
تقدرون تردون الكلمه بوجههّا
نواف بغضب : امنا هذي
اكيييد نسمع كلامها !
هديل بسخريه :
اجل امكم قالت بنتي
ماتت ذاك اليوم ما عندي
بنت اسمها هدييل !! نواف : لاحول ولا قوه
الا بالله !
الا ما يجي يوم ويحنّ
قلبها !! هديل ببكا : متى متى
راح عمري وانا انتظر
رضاها شوف شوف شعري !! شيبتّ وعمري ٢١ !!! روح لغرفتي وشوف ملابسي !! كلها قديمه وصغيره
اتفشل بالجامعه !! الكل يقول بنت خالد الـ **** بخييييلـه !
ما يعرفون ان امي حارمتني
من ابسط حقوقي !
ومع هذا ساكته ولا اشكي
ع امل انها تسامحني !
بس ما ضنتي يا نواف !
واتجهتت داخل تبي تبكي
تبي تفرغ طاقه البكا الي
لها شـهر تحاول تقنع نفسها
انها قويه وبتتحمل !
بس للإسـف .. !
دخل وراها نواف ما تحمل
كلامها الثقييل يبي يواسيها
بس الصدمـة كانت ام سلطان
نازله من الدرج !
() بس الصدمـة كانت ام سلطان
نازله من الدرج !
وقفت بخوف هديل وكانها
طفل مذنب ينتظر العقاب .. !
نواف : يمه انا قلت لها
تعـالي اجلسي معي !
ام سلطان : تكسر كلامي
يا نواف !
نواف : ما عاش من يكسر
كلمتك يالغالييه بس انا
طلبتها بـ اشاورها بموضوع !
ام سلطان بـ استحقار :
وما لقيت تشاور اذا ذي !
نواف : ما ناكل حقها
بنتك ذكيييه وشاطره
ام سلطان : لا تقول بنتك !
نواف تنهد : هديل هديل
هديل ما استحملت كلمه
امها !! وانزلت دمعه قهر وحسره
واتجهت لغرفتها بسرررعه .. !
ام سلطان ولا كانها قالت
اي شي ببرود : تعال افطر
معي .
نواف : ابشري يالغاليه
ابدل ملابسي وارجع لك .
ام سلطان : لا تروح لها !
تنهد : ابشرري .. واتجهه لغرفتـه وهو يفكر
بكلام اختـه !
اول مره تتكلم بشفافييه
قدامـه كذا !
اول مره تشكي كـذا !
يالله ساعدني امي ما ابي
ازعلها !
واختي ما ابي اكسرها !
يارب افرجها من عندك
وحنن قلب اميمتي ع هديل !
ام سلطان طلبت من الخدم
يجهزون الفطور وجلست
تنتظر ولـدها وبنفسها والله
ياهديل لا احرق قلبك مثل
ما احرقتي قلبي قبل ١٥
والله ما انسااه .. !! ع الفطور 🌸
نواف تنهد ما يعرف كيف
يبدا بالموضوع وقرر يتكلم
من غير مقدمات .. !
نواف : يمه لمتى وحالكم
كذا !
ام سلطان ببرود :
اي حال ؟
نواف : انتي وهديل يمه
خلاص قضاء وقدر .. !
ام سلطان ببرود : وهذا
قدرها خليها ترضى فييه .
نواف : يمه هذي بنتك ما
يصـ
قاطعته بحده وحذفت الشوكـة ع الصحن : خلاص يا نواف !
سديتّ نفسي ع هالصبح
بطاريها
و وقفت بغضب واتجهت للدرج .. !
تنهد بـ قهر : يااارب !
بنفس الحـي بيت ام
راشد جيران " ابو سلطان "
كانت جالسه ع طاوله
الطعام تنتظر ولدها وحيدها
سندها بهالدنيا بعد وفاه
زوجها " ابو راشد "
نزل راشد بـلبس الـدوام
وبحُب : صباح الخيير
وباس راسها .. () ام راشد : هلا ابوي
صباحك نور وتوفيق من
رب العالميين .. راشد : امين يالغاليه .
وجلس يفطر مع امـه
بـ هدوء
تنهدت ام فارس : امس
كانت ملكه سهام بنت ام خالد
ابتسم فارس ع كلام
امـه وهو فاهم قصدها :
الله يوفقها
تنهدت بقهر : تمنيتها لك
بس وبحسـره : من يقنعك انت !
فارس بضحـكة : يا ميمتي
يا قلبي كم مره قلت لك والله
ما افكر بالزواج لسـى مو
مستعد نفسياً العمر قدامي
طويـل باذن الله .
ام فارس : ابي اشوف عيالك
قبل لا اموت
فارس بجزع : بسم الله علييك !
لك طوله العمر شهالكلام !
ام فارس : الموت حق يا وليدي .. فارس تضايق : ادري يالغاليه
وكلنا بنموت بس تكفين لا
تجيبين هالطاري .. !
واخذ الكاب مع فوق الطاوله
وطلع
وبـنفسه ياجعل يومي قبل
يومك .. !
فقد ابوي كسر ظهري وما
بقى لي الا انتي !
يارب طول بعمرها يارب .. !
في بيت ابو سلطان 🌸
ع الغـداء تحديداً الكـل
موجود حتى هديل لان ابوهم
رجع من رحلـه عمل من شهرين .. !
ام سلطان : كيف الشغل
ان شاء الله زين ؟
ابو سلطان : ايه الحمدلله
كلش تمـام
ووجهه كلامـه لـ سلطان :
فييه رحله ثانيه بعد كم يوم
وانت هالمره بتروح !
سلطان : يـبه والله أنـ
قاطعه : ما ابي اعتراض
يا سلطان !
سلطان تنهد : ابشر طال
عمرك
ابتسم نواف : ههههه سلمت
انا هالمره .. !
ابو سلطان : من قال ؟
فييه اجتماع بـ فرع قطر
بعد يومين وانت بتروح بعد !
نهى : ههههه تستاهل
ابو سلطان : اطلع لك شغـله ؟
نهى : هههههه لا خلاص امزح
امزح
ابو سلطان : شفييك يا امي
خاطرك ماهو عاجبني ؟
هديل : هاه لا ما فيني
شـي وتنهدت : مشتاقه لك بس ابو سلطان : والله ما هو كثر
كاني لي سنه مو شهريين
جعلني ما افقدتكم ولا تفقدوني !
الكل بـ اصوات متفرقه :
أمييين .. () ابو سلطان : هديل بعد الغداء
تعالي لمكتبي ابيك تشيكين
لي ع اوراق
ام سلطان : العيال يساعدونك
ش تبي بها !
ابو سلطان : انا ابي هديل !
ولا بـ اخذ اذنك بعد من اشاور
من عيالي .. !
ام سلطان : لا ما هو القصد
يا ابو سلطان بس العيال يعرفون
بالشغل احسن منها
ابو سلطان بفـخر : ما احد يعرف
مثل بنتي !
تنهدت بقهر وسكتت
هديل ابتسمت من قلب ولو ان
نظرات امها منكده عليها .. !
في القصيم 🌸
في احد احـياء بريده الراقـيه
بيت " ابو علي "
ام علي طالعـه من المطبخ
وبغضب : ما خلصتي !
الشغالـه بخوف :
شوي مدام
ام علي :
اُف منك ساااعه ع
ما تخلصين الصاله !! ش اسوي فييك انا ارجعك
للمكتب يعني !
الشغاله بخوف : لالا مدام
نزل ابو علي ع اصواتهم
وبـ حزم : شصاير !
ام علي :
قلت لك ما ابيها
يدها بارده ولا تعرف تشتغل !
تنهد :
يا ام علي طولي بالك
شوي عليها ترا هي روح مثلك
وجايه تدور رزقـها علميها بالهدوء
وان شاء الله تفهم عليك مو
كل شي بالصراخ والهوش
الله ما يرضى .. !
تنهدت وهي تتمالك اعصابها
من كلام زوجها :
لاحول ولا قوه الا بالله
وبـنبره هاديه :
خلاص روحي للمطبخ كملي
العشاء
بعد ما راحت للمطبخ
ابو علي :
ايه كذا تعاملي معها
الله يجزاك خيير .. !
ام علي تنهدت :
ب احاول امسك نفسي
ابو علي : وين العيال ؟
ام علي :
علي نايم بالشالية
و وعد و شموخ بالسوق
يجهزون لـ ملكة خـالتهم .. !
ابو علي :
ايـه صح ترا بنجلس
عند اخوي ابو سلطان
ام علي :
اجل ما اتفقنا ناخذ
شـقه !
ابو علي :
والله لزم علي وقال
ما يصير تاخذون شقه وبيتي
موجود !
تنهدت ام علي :
والله يوم
اشـوف معاملة " منيره "
لـ هديل تطيب نفسي من الجلسه
ابو علي :
لاحول ولا قوه الا
بالله ! ما تنسى هذي !
ام علي :
الام ما تنسى ضناه !
ابو علي :
ولا تقسى ع ضناه بعد !
هديل مو بنت الشارع بنتها بعد
ام علي :
الله يهديها ويصلح حالها بس !
في الرياض في منزل متوسط
الحـال
كانت حانيـه ظهرها ولابسه
نظراتها وبيدها المجعده من تقدم
العمر خيط وأبـره .. دخلت " ريم " وبيدها صينيه
قهوه وبحنيه : ارتاحي يا يمه
ش لك بالشقى .. !
ام ريم : ما به شقى يا بنيتي
الا تسليـه وضياع وقت
ريـم : تتعب نظرك يالغاليه
ام ريم : النظرات نعـمة الحمدلله
ع كل حـال .
وبتذكر : ليش ما رحتي لشغلك ؟؟
ريم بتوتر : يمه انا فصلت
ام ريم بصدمـة : ليش !
ريم : يمـه والله مو مرتااحه ابد
معهم وتعتذرت لها المسافه
بعييده علي وقالت اكلمك لك
صديقه بـ حيكم عندها مشغل
باذن الله بـ اروح لها
ام ربم تنهدت : الله يقدم الي
فييه خيير ولو ان قلت لك اتركي
الشغل وانبسطي بالاجازه
الدولـه الله يكثر خيرها مو مقصره
معنـا الله يديم امنها وامانها
ويحفظ ولاه امرنا
ريم : اللهَم امييين .. بس يمـه لازم اعتمد ع نفسي
واشتغل
ام ريم تنهد : الله يكتب لك
الخيير يا بنيتي !
ريم : اميين يارب .. () في الشرقية 🌸
في بيت ابو "راكان "
الاخ الثاني لا ابو سلطان .
كانت كل العايـله موجوده
ع طاولة الطعام .. () داليا : يبـه احمد يبي يسافر
للرياض عنده شغل عادي
اروح معـه لبيت عمي .. ؟
ابو راكان : والله ما ادري
داليا ضربت رجل اخوها
من تحت الطاوله وغمزت
له بـمعنى " اقنع ابوي "
راكان : يبـه خليها تروح
تبسط مع البنات من بدت
الاجازه وهي بروحها
ابو راكان : سفرتها لـ لندن
والنمسا ودبي
داليا تستغل عواطف ابوها :
كله كنت بـروحي !
والله مشتاقه للبنات مره !
احمد : واثقه اني موافق اخذك !
هه .. ! ابو راكان : واذا قلت لك
عشاني خليها تروح معك ؟
احمد بـ احراج : ما به كلمه
فوق كلمتك يالغالي !
داليا بفرح : يـس يـس
احمد : بكرا بالليل بنمشي .
داليا وقفت بسرعه :
بـعد اذنك يبه بـ اروح للسوق
ناقصتني كم شغلـه
ابو راكان : راكان يوصلك
راكان بتنهيده : لا تطولين عليّ !
بعد مرور يوم 🌷
نواف تنهد بـضيقه :
يا يمه تكفييين !
ام سلطان : نواف لا تزعجني !
نواف : عشان عمتي ام علي !
والله ما يصير وين هديل ؟
هديل بغرفتها معاقبـه !
ام سلطان ببرود : ايـه تستاهل
ما احد قال لها تطلع من
فيير علمي !
نواف ما تمالك اعصابه :
يمه لا تحطينها عذر !
كلنا نعرف السبب هذي نهى
تطلع متى ما تبي ما اشوفك
هاوشتيها وعاقبتيها ؟؟؟ ولا العقاب لـ هديييل بس !!! سكتت ام سلطان من رد
ولدها وبقهر : قل لها تطلع
الله ياخذها وارتاح منها .. !
في سياره علي 🌷
ام علي : ان شاء الله
الاوضاع هاديـه في بيتهم .
علي ببرود : لسى ما تراضو ؟
ام علي : لا وييين !
ام سلطان مستحييل تنسى !
علي : الله يهدي الاوضاع
اثير بحزن : والله ما تستاهل
هديل مره تجنن
شموخ : ايييه ماشاء الله
واخلاقها تجنن بس الله يهدي
عمتي وتسامحها .. !
ام علي : الله يسخر قليبها ع
بنيتها وتسامحهَا .
الكل بـ اصوات متفرقـه :
امييين .. بسيارة احمد 🌷
داليا بزعل : لا بليييز
وصلني اول لبيت عمي
احمد : بالليل
داليا بغضب : اف منك !!!
احمد بضحكة :
لايطق فيك عرق امزح معك
اصلاً بــ انزلك واطلع عند
صديقي " راشد "
داليا بفرح : يـسس مره
مشتااااقه لهم ولا شموخ واثيير
بيجون بعد .. !
احمد لاشعورياً بـ ابتسامة :
اثيير هناك ؟
داليا بخبث :
ايييه هناك
احمد : لازم انزل اسلم ع
عمي من زمان عنه
داليا بضحكة : سبحان الله !
هالحين بتنزل عند عمك قبل
شوي راشد !! احمد بشفافيه : اييه عشانها
ارتحتي ؟؟؟ داليا بضحكة : ههههه ايه
قل كذا !
ان شاء الله حتى صوتها ما
تسمعـه !
احمد بقهر : داليا !!! هذا جزاتي جايبك معي !
المفروض انتي تضبطين
لي الوضع !
داليا بخبث : هههههه
لاتفكر سكتت احمد بقهر من
اخـته !
في بيت ابو سلطان 🌷
وصلو عائله ابو علي () وكان بـ استقبالهم ابو سلطان
ونواف .
ابو سلطان : ياهلا ياهلاا
علي : هلابك زود يالغالي
وباس راسـه : طمني عنك
كيفك من التعب ؟
ابو سلطان : بخيير جعلك
سالـم .. () علي : جعله دووم .. نواف : حياك حياك
واتجهـو للـمجلس ... عند البنات 🌷
نهى : حي الله من جانا
ام علي : الله يحييّك
وسلمت عليها
نهى : تفضلي يا عمه
ام علي : زاد فضلك .. اثير بحماس : وين هديل ؟
ام شلطان ببرود :
شوي وبتنزل تفضلو .
نهى بتدارك الوضع :
اصعدي لـها
شموخ بخجل : عند اذنكم
بـ اخذ علاجي .
وانسحبت بهدوء تاخذ
ابره السكر .. () " عافنا الله واياكم "
بـغرفه هدييل 🌷
كانت محتاره ايش تلبس !
هذا الفستان قصيير علي
وهذا قديييم .. !
تنهدت بـضيقه الله يسامحك
يا يمه الله يسامحك .
طق الباب بـخفه
فتحت الباب وكانت الشغاله
وبيدها كيس وبهمس :
من نهى ما يبغا ماما يعرف
هديل استغربت : اوكي .
واخذت الكيس وقفلت الباب
وفتحتـه وابتسمت لاشعورياً
كان كيس فييه فستانين
سنبل مرره ، وعطر وشويه
اكتسواز .. () وبنفسها الله لايخليني منها
يااارب .
كانت ام سلطان تتعمد تقصر
عليها باللبس والطلعات حتى
وقت العزايم ما ترضى انها
تطلـع .. !
لبست بسرعه وعدلت شعرها
ولبست عقد ناعم وخاتم .
واتجهت لـ الدرج وتحس بتوتر
بنات عمها من زمااان ما شافتهم !
بهالوقت دخلت داليا وبحماس
كـ العاده : سلااااام
نهى بفرح : ياهلاا ياهلاا
اثيير : ارحبي ياهلا
قاطع عليهم صوتها الانوثي :
نورتينا والله .
اللتفت لها داليا وبفرح :
هديييل واتجهت لها وضمتها
بـكل قوه وبنبره حزن :
اشتقت لك والله !
هديل لاشعورياً نزلت دموعها :
مو قدددي والله .
اثير سحبتها من حضن
داليا وبشوق : وانا بعد مره
مشتاااقـه لك .
هديل ببكاا : اثيييير
وضمتها بقوه .
الكل تاثر من لقائهم والكل
يعرف سبب تغيب هديل من
الجمعات دائماً .. () بـ استثنـا شخص واحد !
مو عاجبه الوضع ابداً !
الي هي " ام سلطان "
تمنت انها رفضت طلب
نواف ومنعتها تنزل !
بمجلس الرجال 🌷
احمد : خيرك سابق
ياعمـي ما تقصر بس
والله ان صديقي ينتظرني
الليله !
ابو سلطان بقله حيله :
معذور هالليله ومن بكرا
بتنام عندي !
احمد فرح وبقووه :
ابشر طال عمرك .. !
دخل سلطان وحاول يضبط
اعصابـه لانه سهام كانت
تعبانـه ورفضت تروح للمستشفى .
وابوه اصر علييه يرجع عشاان
عيال عمـه وصلو .. !
فـ كانت متوتر و خايـف ع
حُب حياتـه و زوجتـه .. !
سلطان : ياحي الله عيال
العم
علي : هلابك يا ابو محمد
وتبادلو السلام والاخباار .. دخل نواف وبصوت عالي :
حياكم الله ع العشاء
واعذرونا ع القصور
عند البنات 🌷
ام سلطان :
نهى ياقلبي شوفي ش
صار ع العشاء ؟
دخلت هديل وبتوتر :
العشاء جاهز حياكـم
ناظرت لها بـ استحقار ام
سلطان وبنبره غريبـه :
حياكم
واتجهه الكـل لـ صاله الطعام
وكانت بتطلع هديل بس مسكتها
ام سلطان : لاتشوفك عيني
ع العشاء وبنبره غضب : ساامعـه !
هديل بتوتر : ان شاء الله .
توكت يدها بقوه وعدلت شعرها
واتجهت لـ صاله الطعام عند
ضيوفها وتركت هديل تستجمع
نفسـها وتحاول تتجاهل دموعها .. !
الكل لاحظ عدم وجود هديل !
والكل كانت عارفه السبب
بـ نسبته 90% !
فـ التزمو الصمت وكملو
عشائهم بـ هدوء ... () !
عند الرجال 🌷
بعد ما خلصو عشاء اتجهو
لـ مجلس الرجال .. () بـ استثناء علـي طلع للحديقـه
يكلم بنت خالتـه .. !
علي : ياهلا حي هالصوت
ريوف : هلا فييك
وبعتب : وينك عنيّ !
عـلي : انشغلت مع الوالد
هالفتره واليوم سافرنا
للرياض .
ريوف بغيره : عند عمك ابو
سلطان ؟
علي الي يعرف تفكيرها :
اييه عنده وبكرا بـ ارجع !
ريوف بغيره : لا تنام عنده
اليوم .. !
بلييييز
علي بطولة بال : شفيك !
كم مره قلت لك ما احد
يقدر يجبرني ع شي !
ريوف : امك ما ع لسانها الا
هديل هديل والله يجعلها من
نصيب علي !
تنهد بضيقه : ريوف لا تعصبيني !
قلت لك اذا الشي مو من خاطري
مستحييل احد يجبرني !
ريوف ببكا : يعني انت تفكر فيها !
علي تنهد : يابنت الحلال شفيك !!!
ريوف : خايفه خايفه
ياعلي تاخذها .. !
علي يحاول يتمالك اعصابه :
للمره الاخيييره اقول لك !
لاتجيبني هالطاري .. !
تعرفيني اني ابيك !
ولولا طلاق اخوك " سامـي "
واختي شموخ وما صارت
مشاكـل بين العائلتين !
ريوف بقلـه حيله :
هذي ثلاث سنـه يا علي !
كلم ابـوك .. !
علي : ليش يعني ع بالك
عاجبني الوضع كذا !
بس ابوك الله يهديـه كل
ما يهدا الوضـع وافكر
اكلم ابوي يجي ويسوي مشكله !
ريوف : لاتلومـه قلبـه محروق !
سامي من طلق شموخ ومتغير
علينا كلنا .. !
وابوك ما قصر اجبرك تطلقني
بليـله زواجي .. !
علي بقهـر : طلبني قدام الكل
تبيني اكسر كلمته !! ريوف : ما كسرتها يا علي
كسرت قلبي .. !
علي تنهد : لاحول ولا قوه الا
بالله !
ما تعبتي من التنبيش بالماضي ؟
ريوف ببكا : اذا انت تشوفـه
ماضي !
فهو يعيش معي كل يوم وليله !
من ذاك اليوم وعائلتنا ما اجتمعت
مثل اول .. !
ابوي صاير عصبي ما احد
يتجرا يكلمه !
وسامي طلب نقل لـ فرع قطر
وما صرنا نشوفه الا بالاعيياد !
امي تعبت من مشاكل ابوي !
وودها بالطلاق بس خايفه من
كلام الناس !
وانا وببكا : انا يا علي انا
تعبت وانا اسمع كلام الناس !
طلقها ولد خالتها بليله زواجها !
علي بقههر : الناس تعرف ان هذا
من طلب ابوووي قدام كل الحضور !!! و ******* كل من تكلم فييك !!! ريوف :
لا تستحقر الماضي ياعلي
ولا تحرق قلبي ..! علي بقله حيله :
توصيني ع شي ؟
ريوف :
لاتحرق قلبي بـ هديل
تكفى .. !
علي تنهد : ريييوووف !
وبغبنه : والله تجيبي طاريها
اكثر من امي ... !! ريوف :
امك ما ع لسانها الا هدييل !
علي : عليك مني انا !
انا ش اقول ؟؟ انا من ابي ؟؟ الله يرضى علييك لا تحديني
ع اقصاي ... !!! مع السلامة وقفل الخط
وهو متضااايـق مرره .. !
هل هو حُب لها ؟
او احساس بالمسوؤلـيه ؟
والذنـب ؟
هل هو رحمه وشـفقه ؟
نهاية الفصل...
Like