الفصل 4
الجزء الرابع }
ثآني يومـ ..
قصر " رآشد ثنيـــــآآن "
9:00 صباحـــــااً
صحى من نومه متضآيق وطفشـــآآن .. بين يوم وليله تغير وضعه وكبرت مسؤوليآته ، ماعاد عآزب وكل همه نفسه ودراسته ..!!
حيآته ماهي محصوره على نجآحه هو بس .. صآر فيه إنسانه تشآركه كل كبيره وصغيره ،، وحده مايعرفها ولا عمره التقى فيهآ ولا اهتم انه يرسم لهآ صوره في خيـآله ..
تنهد وقآم عن سريره ، يآشين النوم لا صآر الواحد مهموم وفي باله الف فكره وفكره ..!!
أخذ له شآور وطلع لـ غرفته .. قرر يلبس وينزل يفطر لأنه لو ماسوى كذآ الكل بيطلع له ويساله عن ليلة البآرحه وكيف كآنت ..
كلهآ 3 أسابيع ويآخذهآ لـ بيته ، يشآركها الحياه بـ حلوها ومرهآ ، مجبور ماهو مخير !!
3 أسابيع ويسآفر لـ المآنيا يكمل دراسته ويحقق طموحه الي رافقه ليآلي السهر ..
3 اسابيع بس وكل شي في حيآته بيكون له طعم ثــــــــــــآني .. يآحلو يآمُر ..
نزل للدور الرئيسي مكآن مآالكل جآلس يفطر في غرفة الطعآم الفآخره ، إغتصب الإبتسآمه وهو يتلقى التبريكآت والتهآني إلي إنهلّت عليه من الكل .. .
سأل " راشد " وعينه على صحنه : فين طيف ؟!
نيرمين بـ هدوء : طيف سافرت ..
عقد حوآجبه : فين ؟
حمد تنحنح : راحت ميلان معرضهآ بعد اسبوع تقريباً ..
رمى الشوكه في الصحن وقال بـ حده : وكيف تسافر من غير شوري ؟
حنآن طالعته بـ ترقب : شور ابوها كآفي ..
راشد طنشهآ لأنها بنظره ولا شي ولا تفرق معآه !! قال بـ صرامه موجه كلامه لـ حمد : اخر مره يصير هالشي وسفرها لـ ايطاليا بالشهور هذا تنساه ..
كمل وهو يوقف : ماعادهآ صغيره .. وسيرتها على كل لسان ( بـ استهزاء ) خصوصاً وإنهآ بدون رجال !!
طلع من غرفة الطعام وترك الكل كارهه وكاره اسلوبه وسيطرته عليهم .. مآخلى احد الا وتحكم في حيآتــــــــه ..
زيآد طالع وجيههم بـ ملل " ههه جد مسآكين .. مآحد قآدر عليه !! " قام من السفره وطلع لـ غرفته بدون كلام ومن متى هو يتكلم اصلاً ؟
أمآ أخــوه ..، طالع كرسيه الي فضى من ثوآني و ابتسم بـ استهزاء ، مايدري اذا هم فعلا أخوآن ولا مجبورين لأنهم من بطن وحده!!
ما اعطى لنفسه مجآل يفكر أكثر .. يكفيه الي فيه ، كيف راح يقنع ابوه انه يكمل بـ الاذاعه هذا حلم حيآته من وهو طفل ؟!
كآن يمسك المآيك ويعمل نفسه مذيع قدآم امه .. ولمآ حققه واسمه كبر في عآلم الفن والاذاعه أبوه بينسف انجآزاتــــه ؟!
مستحيل يرضخ ببسآطه ويحطم طموحه بـ يده هو اقوى من كذآ بـ كثييييير .. نظآم السيطره والدكتآتوريه الي مآشي في هالبيت ماراح يمشي عليه هو بـ الذآت ..
تحمد الله ع النعمه وقآم من السفره على غرفته .. غير لبسه يطلع يشم هوى قبل موعد البرنآمج ..
××
" بيــــــــروت "
جالس على طرف السرير مبتسم يتأملهآ تسرح شعرهآ قدام المرايـــآآ .. قرب منهآ بـ هدوء وسند راسه على كتفها وهو حآضنها من ورى ..
طالع انعكاسهم بالمرآيا وقال بـ همس : أحبك ..
نزلت المشط من ايدها وابتسمت بـ برود : وانا كمآن ..
شدهآ بـ قوه لـ حضنه وباس خدهآ : الله لا يحرمنـــــــي منك ..
أشواق تضآيقت وحآولت تفلت منه ، قالت بـ ربكه وهي تبعد : ابغه التوآليت ..
مهند حس انها انحرجت وبعد عنهآ : لبى الي تستحي ..
ماردت ودخلت الحمآم وقفلت عليهآآ .. تسندت ع الباب وقلبهآ يخبط ويرقع " ليش مو فرآس الي معايا ليـــــــــــــــــش ؟! "
وقفت قدام المغسله وغسلت وجههآ بـ قوه كأنها بتقطعه ، تبغه تمحي خيآل فراس من بالهآآ وتقتنع انه مهند الي معآهـآ ..
خرجت من الحمآم لقته جالس ع السرير وبـ يده الآي بآد يطقطق عليه .. اغتصبت الابتسامه وجلست جنبه ..
مهند ترك الي في ايده والتفت لهآ وعيونه بتآكلها : حبي ..
اشواق طالعته : هـ..ـلا ..
مد يده لـ خصل شعرهآ وصار يلعب فيهم بـ حنيه : فين تبغينآ نفطر ؟
: مابغه ... اقصد ... مآني مشتهيه ..
: تعبانه قلبي ؟
هزت راسها بـ النفي وهو قرب منهآ زياده : اجل اشبك ؟
اشواق بلعت ريقهآ الجآف : مالي نـ..فس ..
ضمهآ لـ صدره بـ تملك : يادنيتي إنتي ..
مسكت دموعهآ لا تنزل وهي في حضنه وقالت بـ رجفه : ابغه ارجع ... جـ..ده
مهند تفاجأ : ليش ؟! ما انتي مبسوطه ؟!
اشواق لسه في حضنه : الا مبسوطه بس .. اشتقت لأهلي ..
: انتي إلحين لي انا وبس ...
اشواق " آهـ ياقلبي والله ما استاهلك يامهند ما استاهلـــــــــــــــــــ ــك "
بعدها عنه بـ هدوء : ماصارلنآ اسبوع ماشبعت منك ..
اشواق قآمت عن السرير واعطته ظهرهآ وقالت بـ اسلوب جاف غريب عليهآ : ماراح أطير ، بعيش معآك هنآك !!
عذرها لأنها متضايقه : احنا محتاجين لـ هالشهر بعيد عن الكل ..
الفت عليه بـ عدم رضى : شهر ؟! لا ابغه ارجع هاليومين ..
مهند استغرب : وليش ؟ متضايقه من شي ؟
تأففت من قلب : لا مهند بليز قلتلك ابغه ارجع وبس ..
عقد حوآجبه وراح نآحيتهآ : بتقنعيني انه مزاجك قلب فجأه كذا ؟
اشواق : مهند افهمني ماني متعوده خلاص ابغه ارجع ..
مهند مسكهآ من كتوفهآ وركز نظراته على عيونهآ : حتى انا ماني متعود بس دآمك معايا مآيهمني شي ..
اشواق " بس انا يهمني ، يهمنـــي أتنفس الهوى الي حبيبي يتنفســـــــه "
تنهد لمآ حس بسرحآنهآ وطلع من الغرفه يطلب الفطور لأنه الظآهر بـ هالمزآج الي هي فيه ماراح يقدروا يطلعو لـ مكـــآآن ..
××
جالسه على مقعد الطيآره بـ جنب الشبآك .. تطآلع ارض المطآر من حولهآ ومآتدري متى راح تشوفهآ مره ثآآنيــــه ..
تبغه تغيب كثيــــــــــرر لحد مآتنسى .. تبغه تدفن ذكرى نآصر في ايطاليآ و ترجع ..!!
طالعت سآعة يدهآ وتنهدت كلهآ ثوآني وتحلق بعيد عن الأرض وهذا صوت الكآبتن يعلن عن اقلاع الطآئره و ضرورة ربط الأحزمه .. التفتت لـ طيف بـ هدوء : معاكي لبآن ؟
هزت راسهآ بـ الايجاب ونبشت في شنطتها السوداء بـ سلاسلهآ الذهبيه من " ديور " لحد مآلقت ..
مدت لهآ اللبآن وقالت بـ ابتسامه : خلاص انسي كل شي ، خلي همومك بالسعوديه وسآفري بعيد عنهآآ ..
روتانا جآملتها بـ ابتسامه وهي في نفسهآ تحترق " كيف انسى وهالمصيبه رآح تلحقني لآخر يوم في عمري " قررت مآتعكر جو بنت خآلتهآ وفتحت مجلة " لهآ " الي اشترتهآ من المطآر وصآرت تتصفحهآآ ..
طيف سندت ظهرهآ لـ الكرسي وفي راسهآ الف فكره وفكره .. وراها مشآغل كثير لازم تخلصهآآ قبل افتتآح المعرض ..
قالت بـ ابتسامه وهي لسه سرحآنه : تذكري لمآ كنا صغار سآفرنا كلنا سوى لإيطاليآآ ، انا وانتي وريمان وامي وخالتي وليآل لسه بيبي بهدلتنآآ !!
ضحكت بـ خفه وكملت : كانت ايام فله عملنآ فيهآ الي مآيتعمل مآمعانا رجآل ..
روتانا ابتسمت بـ ضيقه ياحلوهآ من ايام مستحيل ترجع او تنعــــآآد في يوم .. كيف والعائله تفرقت والبيت انهدم على الي فيه .. ماعاد يربطهم الا سكنهم في نفس المكـــآآن وكل وآحد عقله وروحه لـ حال ..!!
طيف هزت راسهآ بـ تضجر : روري مو كل ماذكرتك بشي حلو تربطيه بإللي يصير دحين ؟ لا تعقدي نفسك ..
روتانا تنهدت : سوري طيف شكلي ضايقتك بمشاكلي بس غصب عني ..
: لا حبيبتي انا وانتي وآحد بس ابغاكي تنسي كل همومك وتعيشي مره لنفسك !!
: إمم الله يعين ..
طيف جآت على بالها فكره : اقترح عليكي اقترآح ..؟
: قولي ..
: صآحبتي وئآم تعرفيها احكيلك عنهآ دايماً ؟
روتانا استغربت : ايوا عرفتها !!
: أخوهآ طبيب نفسي معروف وعيآدته ماشاء الله لها اسمهآآ ..
عقدت حوآجبهآآ بانزعاج : طيف من جدك تتكلمي ؟
: ايش فيهآ روري ، هو مجرد انسان راح يسمعك ويشرب همك ويعطيكي الحلول عشان تتخلصي من مشآكلك ، لا تاخذيهآ عقده زي الي عندنآ ..
روتانا بـ شتات : بس انا مآني محتاجتله ، انا محتآجه لأهلي وهالشي راح يكفيني ..
طيف : وهو راح يساعدك تلاقي الراحه سواء بين اهلك ولا بعيد عنهم ، انتي صدقيني وماراح تندمي !!
كملت بـ ابتسامه : وخذي هالإجازه كفترة نقاهه وصراحه مع النفس ..
روتانا قررت تجآريها لحد مآتقرر مع انها ابداً مو مقتنعه : يصير خير ..
طيف هزت راسهآ بـ الايجاب وسندته ع الكرسي وغمضت عيونهآ بـ هدوء تحآول تغفى شويه ..
××
\
تعب حآآلي وقلبي ضـــــآآق ..
يشيلك سّر في صـــــــدري ..
وأنا من زحمة الـ " أشــواق " ..
أخاف أمـــوت ومآتـدرررري ..
ومن حُبك وتأثيـــرك ، فؤادي ينبض بطاريــك ..
صعب يهوَى أحد غيرك ، وهو ميت أساساً فيك ؟!
متمدد تحت آلة رفع الأثقآل وسماعات الآي بود في إذنه .. يرفع الحديده بـ قوه يتحدى فيهآ نفسه ويحآرب ألم قلبه ..!!
زفر بـ تعب اول مآخلص وقآم من مكآنه ، نشف وجهه بـ المنشفه المعلقه على رقبته وجلس على وحده من الكرآسي .. انتبه بـ رآمي جآي نآحيته وهو يكلم جوآل ..
جلس جنبه بدون لا ينتبه له وأول ماقفل تنهد ودنق لـ تحت يربط جزمته ..
فرآس ابتسم : بس يآثقيل ما انت شآيفنا ؟
رامي رفع نفسه بسرعه على الصوت : هلا والله ما انتبهت !!
فراس بعد مآشرب من قآرورة المويه : حصل خير ايش الأخبار ؟
: عايشين ، انت ايش مسوي ؟
ابتسم له بـ هدوء : برضو عآيش !!
رامي طالع سآعة يده : يجي تينس ؟
اعطااه بـ نظره واثقه : قدهآ ؟
رآمي بـ ثقه أكبر : قدهـــآآ ..
: أوكي مشينآ ..
طلعوا لـ ملعب التينس وقرروا يبدأوا قيــــم سوى !!
فرآس وقف قدآم رآمي من ورى الشبكه : على ؟!
ميل فمه بـ لآ مبآلآه : اللي يعجبك ..
حرك شفايفه بـ استفزاز : أوهـ الثقه ضآربه عندك ..
رآمي لف مضرب التنس بـ حركه بهلوآنيه : أكيد ..
: سفره لـ مصر ..!!
رآمي رفع حآجبه بـ استنكآر : ورانا دوآمات حبيبي ..
حرك شعره بـ يده بـ قوه عشان يعطيه حيويه : ليله ونرجع ..
رآمي ما اقتنع خصوصاً وانه ماعنده المبلغ الكآفي لـ تذكرتين سفر ..
هو يآدوب يلحق على مصروف البيت والسياره !!
فراس حس فيه بس ما إهتم : يلا بدأنــــآ ..
××
متمدد على السرير والريموت بـ يده يقلب التي في بـ ملل .. مآفيه شي يملي فرآغه بـ هالدنيـــآ ..
كل حيآته ضآيعه على ولآشي وهو أكثر وآحد عآرف بـ حالته ، بس تعود يعيش كذآ ومايبغه يغير أسلوب حيآته ..!
دق جوآله بـ نغمة نوكيآ التقليديه .. شآف الرقم غريب ورد عليه بـ جمود : مين ؟
صوت أنثوي من الطرف الثآني : الوو ..
: قلت مين ؟
: زياد ؟
زيآد ميل فمه بـ استهزاء : دآقه عليآ وتسألي ؟
تنهدت وقالت وهي تلعب بأظآفرهآآ : اناا منـ..ـآهل الي ... بالكبآين ..
تذكرهآ وغمض عيونه بـ هدوء : اها .. خير مآني فآضي إخلصي ؟!
منآهل : يعني انا بس حبيت أتشكر منك على الـ...
قاطعهآ بـ وقآحه : هه دآقه تتشكريني على شرفك !!
انقهرت منه بس حآولت تبين طبيعيه : مآني من النوع الي تفكره انا جيت على اساس إنو بآرتي عادي و ونآسه ..
زيآد بلآ مبالآه : والمطلوب ؟
: ريمآن كلمتك شي ؟
زيآد : لا ..
: مآني عارفه هي ايش تبغه مني !! خايفه توكّل عليا احد ثآني ؟!
زيآد بـ برود : خلاص إنتهت منك عن طريقي و ماعاد تفرقي معاها ..
: بس ... هي عرفت انك ماعملتلي شي ..
: إيش ؟! كيف عرفت ؟
منآهل عضت شفايفهآ بـ ندم : إستفزتني فـ لطشتهآ كف و خبرتهآآ ..
زيآد تأفف وخلل اصابعه في شعره : شوفي دآمك طلعتي غبيه تستاهلي مآيجيكِ..
: أول شي مآني غبيه ( بـ تساؤل ) وإنت اذا مآكنت نآوي الشر ليش قبلت بـ عرضهآ عليك !!
كملت بـ عقلانيه : زيآد إسمك مو رخيص عشآن وحده مثل ريمآن تشتريك بـ إيش ماكآن ..
: هه إنصحي نفسك دآمك فآهمه ..
: انا ابغآك تساعدني أخلص منهآ .. هذي بنت حرآم ماتخاف الله مآدري ايش ممكن تعمل !!
زيآد طفش منهآ ومن كثرة هرجهاا : اعطيتك أكثر من وقتك ، بآي ..
قفل في وجههآ وما إهتم لـ أي شي ..
وبمآ إنه القصر مآخذ زآويه كبيره على الشآطئ فـ لكل غرفه إطلاله ع البحر ..
قآم من السرير وطلع للبلكونه يدخن له سيجااره ، هز رآسه بـ سخريه لمآ سمع صوت جوآله يرن بالغرفه ..
أكيد هي رجعت إتصلت ، ايش تتوقع منـــــه يسوي ؟!
هو صحيح مآيحب يسآعد أحد ولآ يسوي شي طيب بـ حيآته ..
بس كمآن مستحيل يضر أحد بدون سبب !!
مآيقدر يكون بـ مستوى القذآره الي النآس تعيشهـــآآ .. لسه بين ضلوعه " قـــــــــــــــلب " ..
إندق بآب غرفته بـ قوه وكأنه الي يدق صآرله سنه وآقف ورى البآب ..
رمى السيجآره ع الأرض ودآسهآ بـ شبشب البيت ورآح فتحه بـ برود .. وإستغرب وجود " حمد " إلي مآقد جآه جنآحه ابداً !!
سأله بـ نظرآته " إيش صآير ؟! "
حمد ابتسم له بـ بشآشه : خلينآ نجلس وأقولك ..
زيآد اشرله برى الغرفه عشآن يجلسوافي الصاله الخآصه فيه بـ الوآنها الغآمقه والكئيبه ..
جلسوا على وحده من الكنبآت السودآء الجلديه وبدأ حمد كلامه : ايش الأخبار ؟
زياد هز راسه بـ الايجاب وعيونه بـ عيون اخوه ..
حمد " الله يصلح حآلك بس !! " قال بـ تساؤل : انت مبسوط بالحاله الي انت فيهآآ ؟
زيآد بـ قمة البرود : إيوا ..
: وايش بتسوي بعدين ؟! لا دراسه ولا شغل ولا هم حزنون ..
زفر بـ تملل وهو يسيح بجسمه ع الكنبه : مآني بحآجه !!
حمد : يآزياد حرام الي انت جآلس تسويه بنفسك وبأهلك ، إعقل واطلع من القوقعه الي حآبس نفسك فيهآآ ..
: لو أمي مرستلك عشآن تقولي هالكلمتين فأنا مآعندي وقت أسمعهم ..
حمد ضحك بـ خفه : ليش عندك شي ثآني غير النوم والطلعات الي مآلها معنى ؟
جآوبه بـ نفس البرود : حيآتي .... اعيشها بـ مزآجي ..
هز رآسه بأسف وطالعه بـ جديه : انا مآني جآي أتضارب معآك ، جآي أعرض عليك إقتراح .. .. ليش مآتطلع مع إيآد ألمآنيا وتكمل دراستك ..؟!
زيآد طالع أخوه بـ استخفاف ......!!
حمد : هاه ؟ كأنه مآعجبك الكلام ؟
قآل وهو يوقف : مآني منتظرهآ تجي منك ، لو نيتي أطلع بطلع من غير شوركم ..
حمد وقف معآه وعقد حوآجبه : انت ليش مآحد مآلي عينك ؟ يآخي قلي انت ليش مآطلعت زي فرآس ؟! هي نفسهآ البطن الي جآبتكم وهالحرمه الضعيفه ربتكم أحسن تربيه ؟! إنت مريض ؟! مسحور ؟! قلي إيش فيك من بلى عشآن نعالجك ...!!
زيآد ضحك بـ استهتار على هالكلام بدون أي احترام او تقدير لأخوهـ الكبير ..
قال بـ ملل وهو يتوجه لـ باب غرفته : اذا مآتبغه تخسر احترامك لا عاد تعتب بآبي ..
حمد كتم غضبه وطلع من الجنآح بسرعه قبل لا يتهور ويمد يده ..!!
:
قآبلته نيرمين في طريقه وحآولت تفهم منه بس ما اعطآهــــآآ فرصه ونزل من الدرج ..!! تنهدت بـ الم وجلست في الصاله عآرفه ايش الي صآر جوا .. ماحد يقدر عليه الا ربـه ..
نزلت دموعهآ غصب مافيها تستحمل هالولد أكثر من كذآ " يآرب إهديه وإصلح بآله يآرب لا تحرئ ئلبي عليـــــــــــه "
دق التيليفون وكآنت " حنآن " تطلب منهآ تنزل لهآآ عشآن يشربوإ قهوتهم ويتآبعوإ المسلسل سوى ، وآفقت بدون تردد .. لأنهآ جد محتآجه لأحد تجلس معآه وينسيهآ عذآب هالزيآد !
××
××
وصلت للكآفيه المطلوب وجلست تنتظره كالعآده ، مآتدري ليه يحب يلطعهآآ ويتأخر .. يخليهآ تنتظره بالسآعآت لحد مآيتكرّم حضرته ويجي !
طلبت لهآ كوفي وصآرت تطقطق ع البيبي لحد مآوصل بـ ابتسآمته الجذآبه واللآمبآليه : مسآء الخير ..
طالعته بـ قهر : مساء النور .. كآن مآجيت !!
ميل فمه بـ هدوء وعينه بـ عينهآ : مآعليه يآملآكي إنشغلت شويه .. .
تنهدت وهي تطآلع عيونه بـ إعجآب واضح مآ أخفته : طيب كيفك بيبي ؟!
: تمآم .. وإنتي ؟!
هزت رآسهآ بـ دلع : وانا معآك أكيد بخيرر ..
تجآهل جملتهآ وهو يأشّر للقرسون عشآن يطلبله قهوه .. حدّه مصدع ويبغه شي يفوقه ..
إستنكرت حركته ومع كذآ مآعلقت ، كل الي سوته إنهآ مدّت يدهآ بـ جرأه ومسكت ايده : طلآل .. انا ابغه اقلك شي ..
سحب يدّه بهدوء وهالشي ضآيقهآ كثير : قولي ..
بلعت ريقهآ بـ صعوبه وهي منحرجه كثير من الي رآح تقوله : بصراحه اناا . .. أحبـ... .ـك ..
ظل يطآلعهآ بـ جمود ولآ كأنهآ قآلت شي يعنيه ، هوُ كآن منتظر هاللكلمه منهآ عشآن ينهيهـــــــــآآ ويجرح قلبهآ .. رغم إنهآ من قبل مآتنطقهآ وهو يبصم انها تعشقه من نظرآتها وحركآتهآ والحاحهآ على شوفته كل يوم والثآني ..
وحده بـ مكآنها ماهي محتآجه لوآحد مثله الا اذا تبغــــــــــــآآه لهآ ولـ قلبهآآ ..
ابتسم بـ سخريه بآرده وهو ينطق إسمهآ : ليآل .. .
توترت أكثر وقلبهآ تسآرعت دقآته : هلا بيبي ..
سند ظهره للكرسي وقال بـ هدوء وبدون مقدمـآت : هذي آخر ليله بنكون فيهآ سوى ..
ليآل ؟!؟!؟!!!
طلال بـ نبره جآمده : الأحد خطبتي ..
توسعت عيونهآ بـ صدمه وهي بالقوه تتكلم : ك ...كـيف ؟
: زي كل النآس ، بخطب وبتزوج .. و وآعدتك اليوم عشآن اقولك هالكلام ..
ليآل ماهي مستوعبه حتى هو طلع كلام في كلام ؟!؟!؟!
طلال قرآ أفكآرهآ : مآضحكت عليكِ بس انا ماقدر أضيع وقتي أكثر من كذآ ..!
جآوبته بـ صوت متقطع : يعنـ..ـي انا .... انا مضيع..ـة وقت ؟!
: لا ، بس قررت أستقر وذا شي مآحد يتكلم فيه !!
ليآل دعست على كرامتهآ وقالت بـ صوت محشرج : يعني ... انت مآ...مآحبيتني ؟!
هز رآسه بـ " لا " : ليآل ماصارلنآ شهر نعرف بعض ؟!
ماتحملت أكثر و وقفت قآيمه بس هو وقف معآهآ ومسك ذرآعهآ بـ قوه : إنتظري ..
حركت يدهآ بتفلت منه : إبعد عني ..
ظل مآسكهآ وتكلم بـ حده : ليش زعلتي ؟! إنتي تعرفي ألف غيري وحتى أنآ .. كلنآ مثل بعض ..
فتحت عيونهآ على وسعهم كمآن يعترف لهآ بـ كل وقآحه ..!!!
قالت بـ صدمه : إنتآ .... زيهـ..ـم ... لا ....... أخس منهم كلهـ..م ..
مآرد عليهآ وفلت يدّهآ من الي خلآهآ تسحب شنطتهآ وتطلع من المكآن وهي تبكككي ،،
زفر برآحه أخيراً كأنه هم وإنزآح .. حرك سيآرته لـ البيت مبتسم عالآخر .. بـ سهوله قدر يجرح هآلبيبي !
××
وفي " ميـلآن الإيطاليـه " ..
وصلوا لـ شقة طيف من سآعآت قليله .. كآنت مرتبه ونظيفه ومايبغالهآ أي تعب بمآ إنه " وئآم " شيكت عليهآ قبل لا يجوا ..
طيف رتبت أغرآضهآ في غرفتهآ المعتآده ، وروتآنآ اختارت الغرفه المطلّه ببلكونتهآ على حديقه عآمه وآسعه ،،
فتحت شنطة سفرهآ وبدأت ترتب ملآبسهآ في الدولآب ، تنهدت وهي تمسك راسهآ بـ وجع معاها صدآع فظيع نتيجة السفر والطيرآن .. قررت تطلع تآخذلهآ بنآدول وتشوف طيف إيش نآويه تعمل اليوم !!
انتبهت فيهآ جالسه بالصاله والتيلفون في يدهآ والظاهر مكالمتهآ ضروريه ..
جلست جنبهآ وصارت تلعب في شعر بنت خآلتهآ بـ سرحآن .. تفكر كثيـــــرر بـ اقتراح طيف لهآآ بالرغم من خوفهآ وترددهـــآ.. مآيكفي فضيحتهآ الي رآح يتناقلهآ النآس بـ اشمئزاز مآهي نآقصه تشوف إسمهآ بين مرضى نفسيين ..!!
صحتها من تفكيرهآ طيف وهي تحط راسهآ بـ حضنهآ : الله من زمآن على هالإحساس ..
روتانا مازالت تلعب في شعر طيف قالت بـ ابتسامه : عجبك ؟
هزت راسهآ بـ " إيوا " وهي تغمض عيونهآ : وئآم عازمتنآ ع الغدآآ ..
: مع انه راسي يوجعني بس أوكي ..
طيف عدلت جلستهآ وابتسمت : يلا إلبسي وانا راح أكلمهآ عشان تمرنآ ..
لبسوإ وتجهزوإ وعلى السآعه 5:00 وقفت وئآم بـ سيارتهآ تحت العمآره ودقت على طيف عشآن ينزلوا ..
روتانا لفت حجآبهآ السكري بـ ترتيب وسحبت شنطتهآ الـ " قوتشي " ونزلت مع طيف ..
وبس شآفت وئآم حضنتهآ بـ قوه : آي مس يووو ..
وئآم بآدلتهآ الحضن وبآستهآ بـ حمآسه : مس يو توو يآسوكر .. كيفك ؟!
: الحمدلله كويسه ( أشرت على روتآنآ ) بنت خآلتي روتآنآ ..
سلمت عليهآ بـ عفويه : كيفك يآقمر ؟
: كويسه ..
طيف بـ تساؤل وهي تطالع السياره : سيارة وسيم !!
وئآم ضحكت بـ خفه واشرتلهم يركبوإ : سيارتي خربت أمس ، سيمو وصلني المطعم حجز طآوله وانا جيتكم ..
طيف بـ ضحكه : الله يسعدوو ، حيتغدآ معآنآ ؟!
وئآم مركزه في الطريق : هههه قصدك يتعشى .. . يب إذا مايضايقكم !
وبمآ إنه الكل فري وعآدي توجهوإ للمطعم المختص بـ صنع البيتزآ .. وإيش أحلى من أكل البيتزآ الإيطاليه في أحد شوآرعهآ الشعبيـــــــــــــــــه =)
نزلوا مبسوطين و حكآوي وئآم وضحكآتهآ ماليه الجو كـ العآدهـ ..
جالس على إحدى الطآولآت الموجوده برى المطعم وسآند ظهره للكرسي وهو يشتغل ع اللآب توب ،
إضطر يجيب أخته ويرجعهآ معآه بمآ إنه سيارتهآ في الورشه .. إيش يفكه من زن وئآم إذا أصرت على شي ؟!
رفع رآسه على الصوت الي وصله وميل فمه بـ ابتسامه بسيطه وهو يوقف : هـــلآ ..
طيف مدّت يدهآ وصآفحته بمآ إنهآ تمون عليه كثير ومعتبرته أخ لهآ بالغربه : أهلين وسيم كيفك ؟
: تمآم إنتي ايش اخبآرك ؟
: الحمدالله بخير ( أشرت على روتانا ) بنت خآلتي روتانا جآيه إجآزه ..
وسيم ابتسم بدون لا يمد يده إحتراماً لـ حجابهآ : تشرفنآ ، تفضلوإ ..
جلست وئآم جنب أخوهآ وهي تطآلعهم : طبعاً بدون لا تفتحوا المنيو الطلبات معروفه ..
طيف : هههه متى تبطلي الرجه خلينآ نآخذ نفسنآ بس ..
ضحكت بـ خفه وهي تأشر للقرسون وتعطيه الطلبآت ،، هآلشي خلى روتآنآ تبتسم على حركآتهآ الي إرتآحت لهآ كثير وحستهآ إنسآنه عفويه ..،
وسيم طالعهآ بـ صمت للحظآت بعدهآ سألهآ : أول زياره ؟
روتانا كآنت شارده وإنحرجت لأنهآ مآسمعته : هاه .. سوري مانتبهت ..
حس فيهآ وابتسم : اول زيآره لـ ايطاليا ؟
: لا .. جيتهآ كثيير ..
وسيم : اها !!
طيف بـ تساؤل وهي تسند ظهرهآ للكرسي : إلآ فين وسن ؟
جآوبتهآ وئآم بإبتسآمه بسيطه : إنتي عارفتهآ .. عنيده ومآتحب تعمل شي في الحيآه ،
طيف بـ أسف : الله يكون في عونهآآ يآرب ..
وسيم عوره قلبه من السيره وقرر يلتهي بـ شغله على اللاب توب ويطنش كلامهم ..
بس صوت وئآم كان أسرع ، قالت بـ الايطالي : ( وسيم خلي اللاب توب شويه وإحكي معانا )
التفت لهآ : ( طيب انآ معآكم )
وئآم هزت راسهآ بـ أسف : ( لآء شآركنآ قول شي ! )
طيف التفتت لـ روتانا بـ ضحكه : لازم تتعلمي اللغه من دحين ..
: إممـ ياريت !!
طيف : ولا يهمك راح أعطيكي كورسآت يومياً ..
روتانا ابتسمت : صعبه ؟
وسيم وهو يقفل غطى اللاب توب : ما أعتقد ..
: ماتعتقد ؟
: لو حطيتيهآ هدف في بآلك بتتقنيهآ بـ سهوله ..
هزت راسهآ بـ الايجاب وهي تفكر جدياً تأخذ لهآ كورسات في أي معهد ..
تضيع وقتهآ وتشغل نفسهآ مع إنهآ مآتتوقع انها راح تقدر تشيل " نآصر" والي صآرلهآ من رآسهـــآآ وحياتهآآ ..
طيف افتكرت شي ولفت تآخذ شنطتهآ المعلقه على طرف الكرسي وطلعت منهآ دفتر كبير أشبه بالملف ..
حطته بينهآ وبين وئآم الي جالسه قدآمهآ : شوفي هذي اشتغلت عليهآ الأسبوع الي راح ..
وئآم لبست نظآرتها الطبيه الي معلقتهآ على رقبتهآ وصارت تقلب الأوراق ..
روتانا دقت طيف بشويش وهمست لهآ : راسي يألمني ..
طيف بـ نفس الهمس : تبغي بنادول ؟
هزت راسهآ بـ " لا " : نآكل ونرجع البيت ممكن ؟
طيف ابتسمت : ممكن ..
وسيم حس بإللي يدور بينهم وقال بـ صوته الوآثق والمريح في نفس الوقت : عندهم قهوه تعدل المزآج جربيهآ بعد البيتزآ : )
روتانا حمر وجههآ من الإحراج وهي تطآلعه : شكراً ..
××
جالسه ع الكنبه بـ صالة جنآحهآ الفآتحه بـ ألوآنهآ المندرجه تحت البيج والخربزي .. رآفعه رجولهآ ع الطآوله واللاب توب في حضنهآ تتصفح الإيميلآت وهي ترتشف من الكآبتشينو السآخن ،
ابتسمت بـ سخريه ، ايميل فيه تهديد والثآني صور لـ بنآت مرغوبآت وايميل صآحبته تترجآهآ تستر عليهآآ وكل هذآ مايعنيهآ تقرآ وتضحك بــــــس ..!!
رفعت جوآلها من جنبهآ ودقت على رقم مسجل عندهآ .. ثوآني وجآهآ الرد ، قالت تسأله : أحمد ايش صار معآك ؟
أحمد : لا تشيلي هم كله تمآم ..
ريمآن عقدت حوآجبها : مابغه هـ الإجابه ، الي ابغه اسمعه انك لقيتهـــــــآآ ..
: انا لاقيهآ بس انتظر الفرصه المنآسبه ..
ريمآن لعنته في نفسهآ : انت غبي ؟ تتوقع بعد الي صارلهآ راح ترضى تطلع مع احد او تقآبل أحد ؟!
: وايش المطلوب مني يعني ؟
تأففت من قلب : لازم تدخل لهآ بوسط بيتهآ وتنهيهـــــــــــــآآ ..
تفاجأ من كلامهآ : البنت عآيشه بـ قصر كله حرآس وخدم !!
ريمآن رفعت حاجبها بـ استنكار : سوو وآت ؟! شغل مخك وإتصرف .. ابغه اسمع خبرهآ قريب ولا تحاول تتصل فيني بهالفترهـ ..
قفلت في وجهه وابتسامتهآ متسعه ع الآخر ..
دق تيليفون الصاله ومدت يدهآ من غير نفس أكيد وحده من الخآدمات تنآديهآ لـ العشآ : نعم ؟!
جاها صوت أمهآ الشآمخ : انا في الصآلون ابغآكي في كلمه ..
حركت عيونهآ بـ تملل : خير ايش فيه ؟
فآتن : تعآلي وراح تفهمي ..
قفلت السمآعه وحطت اللاب توب ع الكنبه وقررت تنزل تشوف أمهآ ايش تبغه مو بعآدتهآ تتذكر انه عندهآ بنآت اصلاً !!
لبست شبشب البيت القمآشي ونزلت للدور الرئيسي ببيجآمتهآ ،
دخلت للصآلون الفخم والوآسع بكنبآته البنفسجيه وستآيره العآليه .. وأنآقة المكآن تعكس ذوق أصحآبهآ الرآقي !
جلست على وحده من الكنبآت بعيد عن أمهآ وهي تحط رجل على رجل بـ تملل : خير ؟!!
فآتن تطقطق على اللاب توب : ايش اخبارك ؟
ريمآن طالعتهآ بـ تمعن : هههه زمـــــآن عن هالسؤال تصدقي !!
فآتن ابتسمت وحطت اللاب توب على الطآوله : ليش مو حقي اسالك ؟
وسعت ابتسامتهآ الخبيثه : الا حقك في النهآيه إنتي البطن الي جآبتنا على هالدنيآ الوسخـــــه ..
فآتن ما اهتمت لـ كلامهآ و إرتشفت من فنجآن القهوه بهدوء : حبيت أبلغك إني مسآفره بكرا لـ اوروبآ ، تعرفي رآح أجيب فسآتين جديده للمحل إحنا داخلين على موسم زوآجات !!
طالعتهآ بـ كره وقالت بـ عدم اهتمآم : وانا ايش خصني ؟
فآتن ابتسمت بـ جمود وهي تلعب بـ الفنجآن تحركه يمين وشمآل : يعني قلت إنتي فاضيه ماورآكِ شي .. أكيد رآح تحبي تجي معآيا وتغيري جو ..
: دحين هذا الموضوع التآفه الي منزلتني عشآنه ( وقفت وقالت بـ نبره حاده ) إفهمي انا اكررررهك ومابغه مكآن وآحد يجمعنآآ ..
لفت ظهرهآ وتوجهت لـ بآب الصالون بس وقفتهآ كلمآت أمهآ : مو هذا موضوعي ، إنتي جآلك عريـــــــــس ..
التفتت لهآ وقالت بـ استخفاف : إرفضيه ايش منتظره ؟
فآتن جالسه بـ نفس وضعيتهآ : بآسل ولد نآيف السآمي ..
ريمآن عقدت حوآجبهآ وقربت نآحية أمهآ بـ شك : مين قلتي ؟!
فآتن رفعت حاجبهآ بـ استهزاء : زي مآسمعتي بآسل الـسآمي ..
حركت كتوفهآ بـ برود مصطنع : مآيهمني ..
فآتن بـ بساطه : مو مشكله أمه مآحددت طالبه إيد مين ..
فهمت قصدهآ وقالت بـ انزعآج : يعني ؟!
فآتن : روتانا موجوده ..
عقدت حوآجبهآ بـ عدم رضآآ " بتزوج روتانا الغبيه الساذجه لـ باسل السآمي !!!! "
قالت بـ وقآحه : مآتوقع روتانا المريضه راح تفيدك بـ شي أو توصلك للي إنتي تبغيه ( بـ خبث ) انا زيك وتفكيرنآ وآحد ..
فاتن ماخاب ظنهآ ، هذي بنتهآ الي تقدر تجزم انها مآخذه كل صفاتها وتفكيرهــــآآ ..
: معآكي لـ بكرا فكري ورديلي خبر قبل لا أسافر ..
عضت شفآيفهآ بـ تفكيــــــــــــــــــر وهي تطلع غرفتهآآ ، هالعرض مآينرفض أبداً !! خصوصاً في حالة وحده زيهــــآآ ، تتآجر بـ " المخدرآت " وربحآنه من ورى تجآرتهآ ميآت الألوف !
فـ بكونهآ تحمل إسم باسل بتتصرف بحريتهآ ومحد رآح يخطر على بآاله هي إيش !!
سحبت خصله من شعرهآ ولفتهآ حول اصبعهآ مبتسمه بـ خبث .. هالموضوع يبغآله درآســــــــه وهي مستحيل تفرط بـ إسم كبير زي كذآ .. لا والمضحك إنهآ تتركه لأختهآ المغفله الي ماراح تستفيد منه !!
××
رمى المضرب على الأرض وطالع رآمي متفاجئ هذا يلعب ولا يحآرب ...!!
ضحك بـ خفه صحيح انه عنده الموهبه الكآفيه اللي ممكن يتغلب فيهآ على رآمي بس اتفاجأ اليوم بـ خسآرته !!
قرب نآحيته والضحكه شآقه وجهه : أجل كل هذآ عشان تذكرتين سفر يآقحروطي ؟
رآمي مبتسم : لا حبيبي بس عشآن تحرم تتحدآني ومسوي فيهآ تعجيز بـ مصر حقتك ..
فرآس صآفحه بـ قوه يهنيه على فوزه : لا أشهد انك كفو ..
: كفوك ..
فرآس أشّرله يدخلوإ لـ جوآآ ، وسبقه ع الحمآم عشآن يآخذ شآور يبرد فيه جسمه بعد اللعب والتعب ،
وبعد نص سآعه تقآبلوإ في البآركنق عند سيآرة رآمي ..،
فرآس بـ ابتسآمه : لنآ لقاء بكرا ..
: ان شاء الله ، متى نطلع ؟
: بشوفلي اقرب حجز وأمرك ..
رآمي استغرب : ماله دآعي بجي مع مؤيد ..
دقه بـ خفه وهو يغمز : لا افا عليك بمآ إنك غلبت فرآس ثنيآن فتستآهل كثيـر ..
رآمي بـ ضحكه : أشم ريحة حريقه !!
: ههههه أقول عندك رقمي ارسلي العنوآن ..
إكتفى رآمي بـ ابتسآمه بسيطه : إن شآء الله .. . اشوفك على خير ،
وصل البيت وطلع للصآله مستغرب صوت التي في بـ هالوقت !! إنتبه فيهآ متمدده وتطآلع الفيلم بـ بآل شآرد ،
رمى شنطته ع الكنبه وجلس جنبهآآ : سلآم ..
ابتسمت وهي مآزآلت على وضعيتهآ : وعليكم السلآم
: غريبه سهرآنه ؟!
تنهدت وهي تطآلع الفيلم : طفشآنه ماجاني نوم ..
رآمي مسح على شعرهآ بـ هدوء : ايش مطفشك ..؟
عدلت جلستهآ وطالعته : مادري مزآجي مقلوب ..
رآمي شك إنها في الوقت من الشهر الي ينقلب فيه مودهآ بس مآحب يحرجهآ ..
قرأت تفكيره وأنفت هالشي برآسهآ : لآء مو إلي في بآلك بس .. . ( طالعته بـ تردد ) عمتي كلمتني من شويه ..
رآمي تفاجأ : ايش تبغه ؟!
: عزمتني على فرح إياد بعد اسبوعين وقالت بـ ترسل الكآرت بكرا ..
رفع حاجبه بـإستنكار : بتروحي ؟!
: مررره نفسي احضر ..
: روحه لوحدك عند هآلنآس مآفي !
: ياسلام ليش ان شاء الله مآهي عمتي و حفيدها الي بيتزوج ؟!
طالعهآ بـ جديه : إقفلي السيره ..
وقفت بـ عصبيه طفيفه وهي تتخصر : رآمي عن جد انا طفشت كل شي لا لا ، طالعني ماعادني بيبي ..
ميل فمه بإبتسآمه وركز نظراته لـ عيونهآ : الا بيبي ، ولآخر يوم في عمري راح اشوفك بيبي اناا ..
ماردت عليه ودخلت غرفتهآ وارتمت على سريرهآ مقرره تنآم قبل لا يجي يرآضيهآآ ..
هو السبب في انه ماعندهآ صاحبآت .. هو سبب انها صارت انطوائيه ومآتحب تخالط أحد ..!!
يخاف عليهآ بـ شكل مزعج ماعاد تتحمله !!
××
صبآح الجمعــــــــــــــه ..
أعظم أوقات الأسبوع وأحلاهـــــــآآ ..
قصر " رآشد ثنيــــآآن "
السآعه 10 والكل صآحي من بدري كـ عآدته ودائماً في هذا اليوم من الأسبوع يكون الفطور متأخر ..
مجتمعين على طآولة الطعآم الكبيره والكل حآضر ماعدآ " ليــــآل و طيـــــف "
فرآس خلص أكله بسرعه وبمآ إنه يوم الجمعه مآيكون عنده اذاعه فـ السفر صآر أسهل عليه ولقى حجز على العصر ..
قال بـ طريقه مفاجئه : انا رآيح مصر اليوم وبرجع الفجر ..
نيرمين بـ استغراب : ليش حبيبي شو عندك هونيك ؟!
: ولا شي بغير جو ..
وقبل مآترد نيرمين قآم عن السفره لأنه مالقى أي جوآب من ابوه : أكرمكم الله ..
رآشد وهو يوقف : تعال ورآيا المكتب ..
فرآس تأفف في نفسه وراح ورى أبوه ..
دخلوا المكتب اللي كل من يدخله معنآه بتطيح على رآسه مصيبــه .. !!
جلسوا قبآل بعض على الكنب الجلدي وبدآ رآشد بالكلام : انا فكرت كثير في موضوعك ولقيت الحل المنآسب الي بـ يرضيني أكيد ..
فراس استغرب : أي موضوع ؟! اها قصدك الإذاعه ؟
هز راسه بـ الايجاب : شوف انا مآني أب سيء مثل ما إنت تظن بس هم خيآرين الي بعطيك إياهم ..
فراس انقبض قلبه وحس بـ خطورة الموضوع !!
سند رآشد ظهره لـ الكرسي وقال بـ جديه : مآني قايلك اني غضبان عليك ولا انت ولدي لو ماتركت الإذاعه مثل الأفلام العربيه .. بس هم خيآرين مالهم ثآلث ..
سكت لـ لحظه وكمل : يآتترك الإذاعه بدون شوشره وتبدآ شغلك في الشركه ولا ......
ركز نظراته بعيون ابوه ينتظره يكمل بـ اعصاب محروقه : ولا إيييش ؟!
رآشد ابتسم بـ برود : تترك هالبيت و مالك رجعه له ومصروفك بينقطع لحد ماتغير رأيك ..
فراس انخرس من الصدمه على باله كذا صآر حنون يعني ؟!
كمل بـ نفس بروده : ولو استمريت في الاذاعه فأنا مضطر اني الغي نصيبك من شركآتي وحلآلي ..
فراس انربط لسانه مو عآرف ايش يقول : ا .... انت من ... من جـ..دك ؟!
تكى يدينه ع الكنبه وقال بـ حده : تتوقع اني امزح معآك ؟!
فرآس مآزال مصدوم ومو عآرف بإيش يرد : يعني .... عشان الإذاعه بـ تطردني من بيتي !!
: انتبه لـ كلامك ، هذا بيتي والي يرد لي كلمه البآب قدآمه ..
: بـ بساطه كذا ؟!
رآشد بـ صرامه : أبغه جوآبك إلحين قبل ماتسآفر ..
دارت فيه الدنيا مو مصدق ولآ هو قآدر يستوعب انه رآح ينطرد من بيته وينحرم من دفــآه .. القصر الي تفتحت عيونه فيه ولا عرف غيره بـ حيــــآآته .. بيفآرق جلسة امه وترآبط العآئله ولمتهـــــآآ عشآن يحقق حلمـــــه بس ؟!
مو قادر يختآر ، صعب صعــــــب القرآر .. قال بـ صعوبه : مقتنع بـ طردك لي من البيت ؟!
راشد حرك راسه بـ " أيـــوا "
: و .. بتخسر شي لو تركتكم ....؟!
رآشد ابتسم بـ استهزاء : بالعكس ، بتوفر لي حريه أكبر في تصرفي بـ حقوقك الي بتنسحب منك ..
فراس وقف بـ شموخ عكس قلبه الي يرجف من جوآ ..
قرب نآحية أبوه بـ قلب يرجف عكس تظآهره بالقوه والتماسك : دآم كذآ في أمآن الله ..
لف ظهره بيطلع بس وقفه صوت رآشد : هآت مفتآح السيــــآره ، ولا تنسى إنك تسرعت في الإختيآر ..
فراس ضحك غصب عنه معقوله كل هذا يصير معآه لا ومن ابـــــــــــــــــــــوو ه ؟!
رمى مفتآح السياره على المكتب بـ سخريه : على فكره ، عمري مآ إعتبرتك أبو ولا تظن انها فآرقه معايا كثير ..
طلع من المكتب بخطوآت متسآرعه لـ غرفتـــــــــه ..
:
وقبل لا يدخل التفت لـ جنآح زيـــآد ، لازم يكلمه قبل لا يطلع ، دخل عليه بدون لا يدق البآب وفتح باب غرفته لقــآآه متمدد على السرير ..
زيآد رفع راسه بـ كسل : خير !!
فراس جلس جنب اخوه على السرير : قوم ..
: ايش عندك انت الثآني ؟
دفه بـ عصبيه مو متحمل أكثر : قوم تحرك حِسسسسسس سوي شي بحيآتك ..
هز راسه بـ طفش وعدل جلسته : فآرقني ماني فايق لك ..
طآلعه بـ قهر وقلبه مقبووض : ابويا طردني من البيت ..
إنصدم من كلمته بس كالعآده مآبيّن على وجهه إلآ البرود : طيب !!
فرآس زاد غضبه : اقولك طردني من البيت يعني بطلع مالي رجعه هنـــآآ ..
زيآد بـ ابتسامه بآهته : وايش المطلوب مني ..
فراس فقد الأمل منه بس قال من قلب : أمي ، انت بتكون اقرب لهآ مني .. حطهآ بـ عيونك ...
كآن يطآلعه بـ صمت ومو مبدي أي تفآعل عكس التسآؤلات الي دآرت في بآله عن السبب !!
فرآس تنهد وهو يوقف : توصيني قبل ما امشي ؟
: اقفل الباب ورآك ..
وسعت ابتسآمته المُحبطه " ما أقسآكم من أهل !! " : أمنتك الله .. .
طلع من عنده وطآر لـ غرفته ، فتح شنطة ملآبس كبيرهـ وصآر يرمي فيهآ الجينزآت والقمصآن وكل مستلزمآته الشخصيه !
وقف للحظه بينه وبين نفسه ، من جده بـ يفضل شغله على أهله وقربهــــــــم ؟!
مايدري هو بـ عقله ولا إنجن بس كلام ابوه زآد النآر الي في قلبه من زمــــآآن ..
لو أقنعه بـ طريقه ثآنيه مثل خلق الله كآن حس إنه يبغه مصلحته ، بس في الحقيقه رآشد مآيعرف إلآ مصلحة نفسه ..،
لم كل أغراضه وتأكد انه مآترك شي يخصه في الغرفه ونآدى على الشغالات ينزلوا الـ 3 شنط لـ تحت ..
طلع من باب المطبخ عشآن مايلمح أحد ولا يضطر يبررلهم شي .. وأمّه بيفهمهآ في وقت ثآني !
××
××
\
هوآ دآ حظك يآئلبي في الغرآم ..
مآلك نصيييييب ..
وإلي شفتو كتيـــر يآئلبي من غرآم ..
أول حبيـــــب ..!!
جالسه على سريرهآ المزدوج وضآمه لحآفهآ الوردي لـ صدرهآ وتشهق من قلب .. مآتدري هي ليش تبكي عليه اصلاً !!
بس حآسه بـ قلبهآ ينزف ، جَرحهــــــــآآ بـ قوه .. كسر غرورهآ الي كآن يميزهــــآآ وخلاهآ تبكي عليه ..
سحبت منديل لـ المره الألف من ع الكومدينه وصآرت تمسح دموعهآ بـ قوه ..
صعب تنسى كلامه لهــــآآ ، حسسهآ إنهآ مجرد تسليه إنبسط يومين معآهآ ورمآهآ لـ الي بعده ..
وبـ كل وقآحه يقولهآ إنه يعرف كثير غيرها وانهآ هي كمآن لعآآبه ..!!
بس في الحقيقه هي حبته بـ كل مآفيهآ رغم المده القصيره الي قضوهآ سوى ..
سحبت جوآلهآ من جنبهآ وقررت تكلمه .. لازم تفهم منه ليش لعب فيهآ طول الشهر الي فآت يعني إعتبرهآ " تصبيره " لحد مآيتزوج ..؟
دقت مره وإثنين لحد مآجآهآ صوته : ياهلا ..
ليآل قوت نفسهآ : كيفك ؟
طلآل طالع ساعة المنبه ع الكومدينه : تمام ..!!
ترددت كثير قبل تقوله : ابغه اشـ..وفك ..
طلال تأفف في نفسه "والليل هذي مآتفهم مآعندها احساس ؟! " : فيه شي مهم ؟!
: بس .... حابه اكلمـ..ك ..
: مآني فاضي ويآريت تنسي رقمي لأنه ماعاد يربطنآ شي ..
ليآل انقهرت وقالت بـ صوت محشرج : ليش طيب ؟! كنت تتسلى فييييني يعني ؟
حرك عيونه بـ ملل وطلع برى الغرفه عشان اخوه لا يسمعه : لا مآكنت اتسلى بس قررت اتزوج وانتهى الموضوع ..
ليآل لسه مصدومه منه : انتهى ؟! كذا بـ برود انتهى !!
: تبغي تقنعيني انك تعلقتي مثلاً ؟!
تنهدت وقالت بـ ضيقه : مو بس تعلقت فيك ، انا حبيتك والله حبيتك .. انتا اول مين تنزل دمعتي عليه !! انا مو ضعيفه كذا .
سكتت مو عآرفه ايش تقول ؟! كيف رخصت بنفسهآ ودقت عليه تترجآآآه وهو مو سائل فيهآ وأنهى علاقتهم بـ ارادته ؟!
قالت كآرهه نفسهآ : خلاص انا بس .. كنت ابغه أقولك انو حرآم ... حـ..رآم الي سويته فيآ ..
طلال ابتسم على سكوتهآ : كلنآ نضحك على بعض انتي ماحبيتيني لـ شخصي ، كل همك المظآهر ..
: والله العظيم حبيتك لأنك طلآل ..
تنهد بـ طفش منهآ مازالت طفله ولا تنفعه بـ شي حتى طريقة كلامهآ ماتعجبه : شوفي يابنت النآس انا وآحد بيتزوج قريب ومابغه وجع رآس ..
ليآل بـ نرفزه وهي كاتمه دموعهآ : مين الي بتآخذهآ ؟! حلفتك بـ ربي هي أحلى مني ؟ فيهآ شي زآيد ؟!!
طلال وسعت ابتسامته المستهزئه " والله بلوى لسه بزر .. انا كيف تحملتهآآ الايام الي راحت مآدرري ؟! "
قال بـ تحقير لهآ : تفكيرك جداً سطحي وتآفه .. بس مع كذآ بجآوبك ، خطيبتي أحلى منك بـ كثير من دآخلهآ .. أمآ إنتي مجرد وجه وجسم .. وجوآتك فرآغ وفرآغ كبيـــــر ..
نزلت دموعهآ اكثر ماتحملت كلامه القآسي : انت ايييييش مآتحس ؟!
طلال مآحب يطول معاها ويجرحهآ أكثر : عشآن الأيام الحلوه الي قضيتهآ معاكٍ لا تكثريهآ عليا مابغه ازعلك .. ويكون أحسن لو ترجعي لـ حياة اللعب والـ لا مبالاه ، في أمآن الله ..
××
بعد صلآة الجمعه الكل رجع لـ بيته .. ما عدآ شخص تآيه ومحتآر ومو عآرف القدر ايش مخبي له بعد هالمصيبــــــه !!
إضطر يآخذله غرفه في أوتيل لحد مآيقرر إيش بيسوي ،، مآحب يخبّر أي أحد أو يثقل على أصحآبه .. . رغم إنه يدري إنهم مآبيقصروإ معآه وبيشلوه في عيونهم .. .!
حط عفشه وأغرآضه وأخذله غيآر وآحد بالإضآفه لـ شنطة القيتآر وإنطلق بـ تآكسي لـ فيلآة " رآمي "
:
رجع من المسجد على رجوله وجلس في الصآله العلويه قدآم التي في .. إبتسم لمآ لمحهآ دآخله وبس شآفته أعطته ظهرهآ بتطلع : طيب السلآم لله !
التفتت عليه وهي سآكته على اساس انها زعلآنه ..
رامي ابتسم وهو عآرف السبب كويس ، وقف واتوجه لـ عندهآ : ماصارت زعله ، النوم مآنساكِ ؟!
ضحك بـ خفه على تكشيرتهآ وصآر يغني بـ صوته الحآد : يازعلآن يازعلآن خليت قلبي حيرآن ( قرص خدهآ ) ماقلتلك ياحبيبي بطل دلع من زمـــآآن ..
لمآر أخفت ابتسامتها وقالت بـ ثقل : رآيحه احضر الغدآ ..
قآطعهآ قبل لا تروح : انا مسآفر اليوم ..
فكرته يمزح عشآن يبغاها ترد عليه بس قلبهآ ماطآوعها تروح وتخليه : فين وليش ؟!
رفع حآجبه بـ إستهبآل : هاه اشوف الزعل رآح ..
لمآر عبست بـ وجههآ : لا ماراح بس ابغه اعرف ..
رآمي طالع سآعة يده : طالع مصر مع وآحد من الشباب وراجعين على الفجر ان شاء الله ..
: مصر ؟! ليش !!
حرك كتوفه بـ هدوء : تغيير جو ..
: ياسلآم ؟!
: يب ..
: ومين الوآحد الي طآلع معآه ..؟!
: ليش تسألي ؟
: لأني مستغربه ليش هالسفره المفاجئه وانتا اساساً ماتحب مصر !!
رآمي وهو يمسح على شعرهآ : وآحد من الشباب وبطلي لقفه ( بآس راسها ) يلا حبي بآخذ غيآر واطلع الآدمي في الطريق ..
تخصرت وهي مآزآلت متفاجئه : عن جد حتروح ؟
رآمي ابتسم : كلها ليله وراجع ان شاء الله ..
كان نفسهآ تقوله " لآ " بس هو محتآج لـ تغيير نفسيه صارلهم زمآن ماسافروا ..!
قالت وهي متوجهه لـ باب الصاله : طيب راح اعملك سآندويشآت تاخدهآ معاك ، أكل الطيآره مايشبع ..
رآمي مامآنع ، يعرف أخته وخوفهآ عليهم مآتخلي أحد ينآم وهو محتآج شي هي بيدهآ تسويه ..
××
صحت من نومهآ تتقلب على السرير ، الموضوع شآغلها من البآرح .. تأففت وقآمت اخلاقهآ في خشمهـــــآآ ..!
أخذت لهآ شآور سريع وطلعت بـ روب الحمآم وقفت قدآم المرآيآآ تطآلع نفسهآ بدون تعآبيــــر ، عيونهآ ، فمهآ ، شعرهآ وجسمهآآ .. ليش مآتتزوج !!
كل مآفيهآ حلو وألف مين يتمنآهآ ، بس هي مآتبغه الألف .. تبغه الي يقدر جمآلهآ بـ ثمــــــــــــــــــــن !!
وهذي فرصه جآتهآآ لـ عندهآآ ، اليوم لازم تفكر وترد لأمهآ جوآآب ..
لبست شورت جينز لـ نص الفخذ وتي شيرت عآدي ونزلت لـ الدور الأخير تدوّر أمهآ بس مآلقتهآآ ،
الأكيد إنهآ مو في البيت زي هالوقت .. تأففت ونزلت القبو " البدروم " شغلت الإستريو و جلست قبآال المسبح الكبيـــــر ..
وآثقه بـ قوتهآ وعزة نفسهآ قدآم أي مخلوق ..
متأكده انها رآح تكون الكل بـ الكل لو تزوجت " بآســــــــــل ".. رآح تمشيه على مزآجهآ وتآكل عقل أهله كلهـــــم ..
سهل النآس تنخدع فيهآ بس صعب هي تنخدع ، لأنهآ تربت ع الخبث و اللعب ع الحبلين !!
ابتسامه شيطآنيه ارتسمت على شفآيفهآ بعد مآ إتخذت قرآرهآ النهآئي ..
××
جالس في الصآله ويطالع سآعة يده ينتظرهـــآآ تخلص لم أغراضهآآ .. الجو توتر بينهم اليومين الي فآتوا ، مآيدري ليه مآهي متقبله فكرة بعدهآ عن أهلهآ وسكنها معاه في نفس المكــــآآن !!
قرر يتجآهل تصرفآتهآ لأنهم بـ بداية حيآتهم ولابد تصير مثل هالخلافات البسيطه ..
التفت على صوتهآ وابتسم : هآه حياتي خلصتي ؟
أشواق شآيله شنطتهآ السودآ على كتفهآ وتلف طرحتهآ بدون نفس : إيوا الشنطه ثقيله مآقدرت اطلعهآ ..
مهند راح نآحيتهآ وبآس راسهآ بـ حب : انتي مآتمسكي شي .. الي تبغيه تأشري عليه وبس ..
دخل الغرفه وطلع الشنطه لـ برى الجنآح وجاه الموظف ونزل لهم الشنط لـ اللوبي ..
ركبوا الاصنصير سوى والتفت لهآ : صح مآطولنآ وماشبعت منك بس أهم شي تكوني مرتآحه ..
اشواق تنهدت " ماراح تقدر تريحني في يـــوم ، آآه لو تعرف ايش في قلبي يآمهنــــد !! "
توجهوإ لـ الريسبشن وأنهوا الإجراءات بسرعه وإنطلقوا بـ التآكسي لـ المطآآر ..
وهنآك انتظروا سآعه لحد ما تم الإعلآن عن رحلتهم المتجهه لـ جدهـ ،
جلست هي جنب الشبآك وهوُ جنبهــآ ..،
إستغربت تأففهآ و شكلهآ المتضآيق : إشبك ؟!
: ولا شي ..
تعب من صدهآ وتكتمهآ على أبسط الشغلآت حآسس انها مآهي طايقته ومآتبغه تقوله كلمه ..
مسك يدهآ بـ هدوء وطالعهآ : خلآص إهدي وروقي انا صرت زوجك يآقلبي مافي دآعي لكل هالتحفظآآت الي بيننآ !!
طالعته بـ غصه وماتكلمت .. وعلى هآلحآل مرت السآعات بـ صمت وملل كبير بينآتهم لحد ما أُعلن عن وقت هبوط الطآئره ..
أشواق مسكت بـ قوه في يد الكرسي تخآف من هاللحظآت كثيـــــرر ..
ابتسم لمآ لاحظ حركتها ومسك يدهآ : لا تخآفي حبيبي انا جنبك ..
ماردت عليه وانتظرت لين ماهبطت الطآئره ونزلوا منهآآ .. أخيــــــــــــراً مطآر جدهـ وهوى جدهـ ..!!
هنآ حبيبهآ وهنآ روحهــــآآ ، هنآ الحب والأمآآن في أحضآن هالمكـآن ..
أخذوا عفشهم وكآن السوآق في انتظآرهم عشآن ياخذهم لـ شقتهم الجديدهـ !!
××
" من يزعلهآآ يزعلني أنآ .. ومن يضآيقهـــآآ يضايقني أنآآ .. وإلي يجرح قلبهآ بـ كلمتين ...... "
ابتسم على صآحبة الإتصآل ورد عليهآ بـ إبتسآمه : هلآآ ..
لمآر من الطرف الثآني : رموي فينك وصلت ؟!
: يب بآقي نص سآعه ع الإقلآع ..
لمآر بـ قلق : تيك كير وكل الساندويشات الي عملتلك اياها وكلمني اول ماتجلس على كرسي الطياره اوكي ؟
: ههههه من عيوني ، انتي انتبهي لنفسك أول ما اوصل بكلمك ..
: بالسلاااااامه يارب ، الله يحفظك حبيبي ..
قفل منهآ ورجع الجوآل في جيبه .. وإنتبه بـ فرآس يغمز له بـ خبث : الحبآيب مآيصبروإ على بعدك !
رامي فهم قصده وقال يفشله : أختي ياحبيبي ..
: ايــوا طيب صدقت ..
تم الإعلآن عن الرحله ودخلوإ الطيآره يدوروإ على مقآعدهم الي كآنت في الدرجه الأولى ..
رآمي ما استغرب أبداً لأنه عآرف مستوى فراس واهله الاجتمآعي والمآدي ..
جلس فراس جنب الشبآك وهو يتنهد .. يفكّر بإللي منتظره لمآ يرجع ،، ، مصآعبه كثيـــــره والعقبآت الجآيه أصعـــــــب ..
إنولد بالعز وتربى عليه صعبه بعد كل هالعمر يعتمد على نفسه ومصروفه الخآآص الي مآيكفي احتيآجآآته ..
مايدري ابوه قآصد يعلمه درس من الحيآه ولا الي سوآه فيه مصلحه لـ نفسه !!
سند ظهره للكرسي مقرر ينآم ويهرب من كل شي حوله ، مآله خلق أحد ولو إنه مآتحدّآ رآمي مآكآن فكر يسآفر أصلاً !
:
وصلوإ القآهره ع السآعه 6:00 المغرب ،
نزلوا المطآر بدون شنط ماعدآ الي شآيلينها على كتوفهم وشنطة القيتآر بيد فرآآس ..
أخذوإ تآكسي وطلبوا منه يودّيهم أقرب " بيتزآ هت " لأنهم ميتين جوع !
مرت 10 دقآيق ، نص سآعه ، سآعه وهم لسه ماوصلوإ ..؟!
فرآس تأفف وقال بـ وقآحه : حركآت العبط بطلهآ يآسيد ، فين مودينآ آخر بيتزا هت في القاهره ؟!
راعي التآكسي يتصنع البراءه : لا يا استاز أصلو حضرتك البلد بئت زحمه أوي والـ......
قآطعه بـ جديه : عاد تدري لو لفيت مصر كلهآ أكثر من 20 جنيه ما إنت مآخذ ..
راعي التآكسي إنصدم : إيه ؟! شوف العداد اهوو بيحسب 80 جنيه مش بضحك عليكم لا سمح الله..
فراس بـ ابتسامه مستهزأه : وانا اقولك حركآتكم حآفظهآ مآني غشيم ونزلنآ عند اول الشآرع لو سمحت ..
راعي التآكسي : لا مايصحش انا مش هأنزلكو الا في المكآن الي انتو عايزينو أصلي مآبحبش الزبون ينزل وهوا مش مبسوط ..
فراس بـ حده : قلت نزلنآ ..
راعي التآكسي خآف و وقفهم في أول الشآرع .. بالرغم من إعترآضه على الـ 20 جنيه الا إنه مآ أخذ ولآ قرش زيآده ،،
رآمي ابتسم أول مانزلوا : يعجبني الشديد ..
فراس بـ ابتسامه اوسع : لو ماسويت كذآ في ذي البلد بـ ياكلوك أكل ..
رآمي حط يدينه في جيبه وهم مآشيين : على قولك ..
توجهوإ لـ أقرب مطعم وجلسوإ على وحده من الطآولات وطلبوإ لهم بيـــتزآ حجم عآئلي =)
طلع جوآله ودق على أخته الي متأكد إنهآ جآلسه تنتظر إتصآله ، ومن ثآني رنه ردّت
: هههه الظآهر معلقه الجوال في رقبتك ..!!
لمآر بـ ضحكه : لا والله بستنآآك تتصل وأتطمن ( بـ حماس ) بشر كيف كانت الرحله ؟!
: ماشي حالها ، إنتي كيفك وكيف الي عندك ؟
: الصراحه بابا قالب البيت فوق تحت ..
: ليش ؟!
: لأنك بـ بساطه ما خبرتو عن السفره والي زآد الطين بله الأخ مصعب صآقع السيآره وجآي ..
رآمي تنهد : الله يعين كلها ليله ، المهم انتي لا تنتظريني برجع متأخر ..
: لا مستحيل مآني نايمه لحد ما اشوفك ..
رآمي بـ جديه : نآمي وقبل لا نقلع بتصل عليكِ ..
لمار مآحبت تكثر عليه : اوكي ، بس امانه تيك كير ولا تقلقني عليك ..
وسعت ابتسامته : ولا يهمك حبي ، في أمآن الله ..
فرآس أخفى ابتسامته بعد مآسمع كلمه عذبته " آآآخ بس .. وأنآ مين يقدر يرجّع لي ( حبي ) !! "
قال بـ نذآله : أختك برضو ؟!
رآمي انزعج من طريقته : إيوا ..
فرآس بـ ضحكه : اهاا ، هي ميآر أو منآر ماني فآكر !!
بآن على وجهه الإستياء مآيتحمل أحد يجيب سيرة أخته حتى لو بالخير ، يغآر عليهآ من صآحباتهآ وأهلهآ فـ كيف بـ فرآآس ؟!
قال كآره : مآخمنت ..
فراس فهم عليه وسكت " بآقي فيه نآس معقده لـ الوقت ذآآ ؟! "
وصلت البيتزآ وقرروإ يآكلوإ وبعدهآ يروحوإ سينمـآ أو يلعبو بولينق في أحد الأمآكن الترفيهيه ،،
××
8:00 مســآءاً ،
دخل القصر وبـ يده الآي بآد ومفتآح السيآره ، كآن المكآن هآدئ على غير العآده ..!
طلع لغرفته وجلس على الكنبه بـ تنهيده خفيفه ..
متردد بعد كلام أمه له ؟! أرسلت له " الرقم " وطلبت منه يكلمهآ ويعرّفهآ حدودهآ من البدآيه على قولتهآ !! مآيدري يكلمهآ ولآ ينتظر ليوم زوآجه ؟!
بس لازم تعرف إنه إنجبر عليهآ وصعب يحبهآآ لأنهآ تجسد حآجز كبير وعقبه في دراسته ومستقبله ..
طلع جوآله وفتح مسج أمه ودق على الرقم وهو مازآل متردد .. إنفتح الخط بعد خآمس رنه و وصله صوتهآ الرفيع : ألوو .. .. ألو مين ؟!
: السلام عليكم ..
استغربت أكثر من الصوت الي جآهآ !! : وعليكم السلام ..
: كيف الحآل ؟!
: نعم أخويا مين تبغه ؟!
إياد طالع اصابعه بـ هدوء وهو يتنهد : انا إيـــــآد ..
ندى فز قلبهآآ وزادت دقآآتــــــــــه !!
هذآ زوجهآ ، قدرهآ ومستقبلهآ اللي مجبوره تعيشه وتتحملـــــــــــه ..!!
ردّت بـ صوت يرجف : هـ..لآ ..
بـ هاللحظه إيآد اكتشف انه نآسي إسمهآ .. أصلاً مآهتم يعرفه عشآن كذآ مآمسك في رآسه : . . كيفك ؟!
ندى جلست على طرف سريرهآ مرتبكه : بخيـ..ر وإنتا ؟
: تمآم ، وكيف الأهل ؟!
: كلهم كويسيـ..ن ..
" لازم تعرف إلحين مآني معشمهآ بـ شي " قال بـ ثقه : شوفي يآبنت النآس أنا دقيت أبغه منك جوآب على سؤآلي ..
ندى توترت أكثر وحطت يدهآ على قلبهآ : إسـ..أل ..
: إنتي مجبوره على هالزوآج ؟
ما إستغرب سكوتهآ وحب يطمنهآ : تأكدي إني مآباخذ موقف بس لازم تكوني صريحه معايا من البدآيه ..
تسآرعت انفاسها وقررت تكذب عليه بمآ إنه مافيه أمل يتغير شي على الاقل مآتحسسه إنهآ مهآنه واهلها مرخصينهآ !!
: لآ ... انا وآفقـ..ـت بـ إرادتي ..
: يعني مآحد جبرك ؟
: لآ ..
ميل فمّه بـ تعجب : وايش الي تعرفيه عني خلاكِ توآفقي بـ هالسرعه ؟!
إرتجفت ايدهآ الي مآسكه الجوآل وحست انه هو الي مجبور عليهــــآآ ..
لا مآهو بس إحساس الا متأكده من هالشي ، مين يرضى فيهآ بـ ارادته أصلاً !!
قالت بـ همس يآدوب ينسمع : الزوآج ماله أسباب أومبـ..ـررآت ..
إبتسم على كلامهآ وبمآ إنه إنسان مثقف وعآقل قرر يوصل لهآ كلامه بـ طريقه ثآنيه : ع العموم حبيت أتاكد وأسمعها منك بس مو هذا السبب الأساسي لـ إتصالي ..
كمل لما مآسمع رد على كلامه : طبعاً عآرفه اننآ مسآفرين بعد الزوآج على طول إن شاء الله ..
ندى بـ صوت خافت : إيوا ..
: ولازم تعرفي إنه هذي السفره فيهآ حيآتي ومستقبلي ، وانا تعبت سنين لحد ماوصلت لـ هنآ ..
ندى هزت راسهآ بـ صمت وكأنه شآيفهــــآآ ..
حآول مايقسي نبرة صوته بس طلعت معآه حآده : يعني زوآجي منك مآبيغير شي ولا رآح أبديه على درآستي وشقآ عمري !!
ندى إنصدمت من كلامه وقسوتـــــــــــــه ..
توقعته يكون جآمد ومو مهتم لأنها عآرفه سبب هالزوآج الإستثمآري بين أبوها وجدّه ..
بس هو رفضهآ بـ نفسه ولـ سبب ثآنــــــــــــي .. حتى من قبل لا يشوفهآآ ؟!
دمعت عيونهآ بـ قهر مآتدري كيف رآح تكون حيآتهم سوى : عـ..آدي ..
إياد استغرب ردهآ بس ظل سآكت ..
طلعت منهآ شهقه قويه وقالت بـ ألم : لا تشيـ..ل همي .... مآ أتوقع منك كثيـ..ـر ..
قفلت السمآعه ورمت نفسهآ على السرير ..
حآقده ونآقمه على أهلهآ وكل الي جبرهآ تآخذ إنسان لـ مجرد مصلحه .. مجبور عليهآ مثل مآهي مجبوره عليه ، وحيآتهم راح تكون مبنيه على التمثيــــــل هذا إن إستمررت ..!!
حآولت تمسك نفسهآ ودموعهآ بس مآقدرت ، دخلت الحمآم وأخذت لهآ شآور يبرد نآر جوفهـــآآ ..
طلعت وهي لابسه الروب وجلست قدآم التسريحه تطالع وجههآ وملامحهـــآآ ..
ياما قررت تسوي عمليآت تخسيس وربط بس في كل مره الظروف تمنعهآ ، مآتمنت تتزوج وهي خجلآنه من نفسهآ وشكلهآ..!
بلعت غصتهآ ونزلت دموعهآ غصب عنهآآ مآهي متخيله فكرة انها تنزف بهالمنظر..
التفتت بسرعه على مكآن الجوآل لما رن بـ نغمة رســـآآله .. نطت لـ السرير وقلبهآ سابقهآ ، معقوله يكون هو ؟!
" مآقصدت أجرحك بـ مكالمتي بس كل الي بغيته إنك تفهمي إنه درآستي أكثر شي يعنيني بـ الدنيآ
وصعب يشغل بآلي شي ثآني .. "
رمت الجوآل جنبهآ بـ قهر ، يحسب إنه سوى فيهآ خير لما أرسل هالرسآآله ..
بالعكس جرحهآ وكرههآ في حالهــــآآ أكثر ..
بلعت ريقهآ بـ صعوبه وقأمت تلبس عشآن تنزل تشوف أهلهآ إيش سووإ بـ خصوص الفرح والتجهيزآآت !!
××
طلع من الغرفه بـ ثوبه الرسمي والشمآغ على رقبته ، تعبآن وجسمه مكسر .. . بس ظروف شغله تجبره يتحمل ويبلع الهم وهو سآكت ..!!
ركب الـ " رينج روفر " الأبيض بـ كرآسيه الجلديه باللون العودي و وقف أمآم بآب القصر الرئيسي ..
إنتظرهآ دقآيق حتى طلعت بكآمل أنآقتهآ كالعآده ، فل ميك آب والشعر مسشور ومآشيه تتمخطر بـ كعبهآآ العآلي ..
وأول مآركبت شغل سي دي " محمد حمآقي " لأنه صآر حافظ كل أغنيه تحبهآ وتندمج معاهـــآآ ..
قالت بـ صوتهآ المغرور : آوف قفل مو مزآجي اليوم ، حطلي رآشد ..
ضآوي نفذ أمرها بدون نقآش وهو ينطلق بـ السيآره ..
طلعت جوآلهآ من شنطتهآ الـ " بربري " ودقت على صآحبتهآآ : سمآهر فينك ؟
سمآهر تتثآوب : أستناكي في فيرتقو ..
مشآعل بـ أسلوبها العدآئي : قرفتيني كل يوم فيرتقو ، جافا ومآعرف إيه أنآ مو جاي على بالي وبعدين ليش تروحي قبلي كم مره سرت قآيلتلك مآتقرري من نفسك ؟!
سماهر تأففت : اخلاقك ماعاد تنطآق تآني مره إحكي معايا كويس ويلا قرري ورديلي خبر ..
قفلت مشآعل في وجههآ وهي تقلد طريقة كلامهآ : قرري ورديلي خبر .. سخيفه .... انا مآعرف ليش مستحمله وحده متخلفه زي هذي ..!!
إبتسم من جهته وهو متعود على طريقتهآ واسلوبهآ العدآئي حتى مع أقرب النآس لهآآ .. هي كذآ أخلآقهآ ومآتتحكم في أعصآبهآ !
سألهآ بـ هدوء : على فين ؟
: مآعرف إمشي وإنتا ساكت لما أقرر أقولك ..
دق جوآل ضآوي بـ نغمه يحبهآآ كثير " أسكت وصوت الغلآ في مهجتي عآلي والشوق صعب على العشآق تفسيرهـ ..."
مشاعل بـ استهزاء لمآ مآرد ع المكآلمه : خير ان شاء الله ليش مارديت ؟
ضآوي " يآرب صبرني على هالبنت بتجنني " : مو عآدتي أستقبل مكالمآت وانا أسوق ..
مشآعل رفعت حآجبها : اهااا عشآن كذا كل يوم أحرق الجوآل واناا اتصل عليك وانتا مطنش !!
: العفو بس هذي قوآنين ..
كشت بـ يدها : الي يسمع مطبق قوآنين البلد كلهآ يعني .. ( بتأمّر ) ارسلي النغمه الي من شويه عجبتني ..
ضآوي ابتسم : ان شآء الله .. أوقف عند فيرتقو ؟
: نعم ؟! وانتا تلقط الكلمه وتبغه تنفذهآآ ، لا توقف كمل على قدآم ..
تأفف في نفسه سبحآن من خلق وفرق !!
عكس أختهــــآآ ، على عزة النفس الي فيهآ بس رآقيه وهآديه ونآعمه بـ كل شي تسويه حتى في شكلهآ ولبسهآآ .. إبتسم على طآريهـــآآ ، تسعد قلبه شوفتهآآ بس هو فين وهالنآس فين !!
فرق السمـــــــــــآآ عن الأرررررض ..
مشاعل بـ طريقه مفاجئه : خلاص رجعني البيت أصلاً مزاجي معكر اليوم ، قرفتني هالبنت في حيآآتي ..( بـ تريقه ) انا ما أكل أي شي ، انا ما اروح أي مكآن .. هذآ كله و مآتعرف الا مطعمين في جده عآملتلي فيهآآ ..
كتمت غضبه مجبور ينفذ أوآمرهآ : على آمرك !
رجعهآ لـ القصر ونزل فتحلهآ البآب : تفضلي ،
مشاعل لفت عليه وحطت رجل ع الثآنيه والباب مفتوح : ما ارسلتلي النغمه !!
ضآوي تذكر وطلع جوآله من جيبه و دوّر على الأغنيه : ايش اسـ..........
ماكمل كلمته الا هي سآحبه الجوآل من يده وتطالعه بـ تمرد : حأرسلها بـ نفسي ..
ضآوي رفع عينه لـ السما بسرعه ونزلها بـ تملل ..
لآحظت حركته ورفعت حآجبهآ بـ إستنكآر : لآ يكون مو عآجبك ؟! انتاا هنآ بكيفي وتمشي بمزآجي .. وبطل هالحركآت أحسن لك !
تأفف هالمره بـ صوت مسموع بعد مآ أعطته جوآله مو مهتم لـ تهزيئهآ اللي تعود عليه ،
" مشآعل سآمي "..
21 سنه ~
××
دخلت الصآله بيدّهآ اللآب توب وإبتسمت على وجود أخوهآ يلعب بـ الآي فون كعآدته !
جلست قريب منه وهي تفتح اللآب : غريبه جآلس معآنآ اليوم ،
مصعب تثآوب : يآشيخه الإختبارات قربت والعيآل قلك دوآفير ..
: ههههه ياريتك زيهم ..!!
: لا انا شي ثآني ..
التفتت عليه بـ شوية جديه : مصعب حبيبي لازم تشد حيلك هذي آخر سنه مو لعبه ..
قآل يصّرفهآ لأنه يكره هالإسطوآنه منهآ : طيب طيب إن شاء الله ..
: عن جد حالتكم بطاله إنتا واخوك ..!
مصعب رفع حآجبه : خليكِ مع رآمي حقك هو الي يملى عينك بس ..
وسعت ابتسامتها على طآريه : ربنا يسعدو ياريتكم زيو ..
: لا اعوذ بالله انا مبسوط بنفسي كذآ ..
: كأني أشم ريحة غيره ..
مصعب ضحك بـ خفه : مع نفسك والله قال غيره ..
: ههههه الله يسعدك حبيبي أمزح معآك إنتا مافي زيك .. إممَ الا كنت بسألك ..
جآوبهآ وهو مندمج في اللعبه : هاه ..
لفت عليه بـ لقآفه : رآمي مع مين طآلع ؟
: هههه أجل مآقلك هاه ؟
تنحنحت بإحرآج : انا ماسألته ..
: هههههه بطلي نصب أعرفك ماتخليكِ من اللقافه ..
رمت عليه المخده بـ قوه : هيا قول ..
: طيب كم تديني ؟!
: ولا فلس قول بسرعه ..
رفع عينه عليهآ : كأني سمعته يقول مع فرآس أخو حمد ..
بآن عليهآ التفاجؤ وهي تسأل : حمد ولد عمتي ؟؟!
: يب فيه غيره !!
إبتسمت بـ صمت وهي تكتب إسم أغنيه معيّنه في اليوتيوب بعد مآركبت السمآعآت ،
" أجمل حآجـــــه يآروحي إنك توأم روحــــي ..
يا أغلى حاجه في عمري حُبك قدري وروحـــي ..
أنا وإنتا هـ نتوآعـــــد ولآ يمكن نتبآعـــــــــد ..
مآ إنتا الحلم الوآعـــــد وإنتا الدوآ لـ جروُحــــي ..
وأنا روُحـــــي فيك وعيوني بتنده ليـــــك ..
وئلبـــي بيجري عليك وغرآمي عليك شآهــــد !! "
تنهدت و وسعت إبتسامتهآ ، هالأغنيه لهآ ذكريآت وأيــآم ..
خصوصاً بعد ما إنذكر لهآ الإسم الي تجآهلته كثيـرر .. " فــرآس " الي كآن في يوم حب المرآهقه !!
من خلصت الثآنوي نست مشآعرهآ تجآهه وإعتبرتهآ مرحله وعدت .. بس إلحين تحس إنهآ مشتاقه لـ شوفته ومعرفة أخبآره !
تكذب لو قآلت انها لسه تحبه او تكن له مشآعر عشق وغرآم مثل أول ..
بس الفضول آخذهآ إنهآ تعرف كل شي صآر معــآآه من ذيك السنين ..
××
" القآهرهـ "
جلسوإ في إحدى المطآعم الرآقيه يتعشوإ بعد مآ لفّوإ البلد كلهــــآآ في ظرف سآعآت !
دق جوآله أول مآخلّص أكله وابتسم وهو يرد عليهآ : هلا يآقلبي ..
نيرمين من الطرف الثآني بـ ابتسامه : شوو مبسوط حبيبي ؟
حس بـ ضيقه من هالسؤآل الي مضطر يجآمل فيه : الحمدالله ..
حست بـ شي غريب من نبرآته الي حآفظتهآآ : شوبيك متدآيئ من شي ؟
: لا تطمني كله تمآم ..
: الحمدالله أهم شي إنتبه ع حالك ماتئلئني عليك ..
: ان شاء الله ، تآمريني على شي وأنا رآجع ؟
: سلامتك ياروح ئلبي ..
: الله يسلمك ، في أمآن الله ..
قفل الجوال ورمآه ع الطآوله وتأفف بـ ضيق وهو عآقد حوآجبه : ليش يصير كذا معايا مآني فاهم !!
ركز نظراته على رآمي وقال بـ تساؤل : سألتك بالله فيه شي مضآيقك إلحين ؟
تفاجأ من سؤآله المفاجئ واللي مآله أي مقدمآت : لآآ ليش ؟
: ترآني حلفتك ؟
: وإذا فيه ليش السؤال ؟
مسك أعصابه وهو يرمي كلمته بـ صراحه مُطلقه : لأني شآيفك جدآر مآتحس ..
رآمي ؟!؟!؟!
كمّل بـ نفس الأسلوب : إنت طبعك كذآ ؟! عايش مرتاح يعني ؟!
إستغرب أكثر من إنفعآل هالآدمي بدون مبرّر: كذا كيف ؟
فرآس بـ شوية عصبيه : يآخي مآتمل من السكوت ؟! تكلم حسسني إنك آدمي .. شجعني أقولك على الي مضآيقني !
رآمي كان رآح يرد على سيل الأسئله الي إنهال عليه فجأه قبل يجيهم القرسون يسألهم اذا حابين يحلّو بعد العشآء ،
فرآس رفع عينه عليه وبطريقه مفآجئه : هآتلي وآيت وآين ..
رآمي إنصدم وهو ينقل نظره بين فرآس وبين القرسون إلي إبتسم لهم ورآح يجيب له طلبه : تشررررب ؟!
فرآس طنشه وطلع لـ برى بـ نفآذ صبرر ، يدخن بـ شرآهه وهو يفكر بـ وضعه الحآلي !
مآيدري لمين يشكي ولآ مين بيريحه ، اذا أقرب وآحد له قطع على نفسه وعد مآيكلمه بعد مآخآنه وطعنه في ظهره !
دآس السيجآره بـ رجله ورجع للمطعم جلس قدآم الإنسآن البآرد اللآمبآلي بـ نظره ..
إنتبه بـ كآسة الوآين قدآمه وشربهآ بدون تردد من إلي خلى رآمي ينجن من الي جآلس يشوفه : إتقي الله ايش جالس تهبب ؟
فرآس بـ حده وهو يملي الكآس من جديد ويشرب : خليك في حالك ..
رآمي طفح فيه الكيل وسحب الكآسه منه بـ قوه : بتفضحنآ إنت ؟! خلاااااص إصحى ..
عقد حوآجبه لمآ بدأ يحس بـ غثيآن وبطنه قآلبه عليه .. طار للحمآم ورآمي ورآه !!
وقف مبلّم وهو يشوف فرآس يستفرغ بـ قوته في المغسله بالإضآفه لـ كحه متوآصله مآخلته يقدر ينطق بـ كلمه ..
رآمي فتح الحنفيه بسرعه وصآر يغسل له فمه بدون مآيتقرف : إنت إيش مسوي في نفسك فهمني ؟
فرآس هدأ شويه وقال بدون وعي : يآريتني ذبحتـــــــــه ،
ما إهتم لكلامه لأنه صآر يهذي ، طلّعه من الحمآم ومن المطعم بكبره بعد مآدفع الحسآب وفرآس ملابسه معدومه وريحته لآ تطآق !
ولمآ وصلوإ للرصيف طآح من ثقل رجوله الي مآعآد تشيله : خـ...لآص روح..... خليني ابغه أنسى ..
نزل لـ مستوآه واصله معآه وأمره بـ حده : قوم معآيا .. تحرك ..
وقفه بـ صعوبه بعد ما أشّر لـ تآكسي وطلب منه يتوجه لأي فندق متوآضع وهو كآره السآعه الي سآفر فيهآ معآهــــ !
وأول ماوصلوا رآمي فسخ جآكيته و أعطآهـ لـ فرآس : إلبس وإنزل معايآ ..
حآسب التآكسي ودخل الفندق وفراس يترنح ورآه ..
وبعد مآ أنهى الإجرآءآت سآعده يوصل للغرفه بالرغم من ثقل فرآس المتكّي على كتفه ،
فتح البآب وهو يزفر بـ تعب : الله يصلحك بس ..!!
حطّه على السرير و وقف قدآمه يتأمله ويسمع كلامه الي نصه مو مفهوم ..
فراس تمدد وقال بـ كلمات متقطعه : لا أخو ..... ولا أبو ... ههههه حتى الصآحب .... رآآآح ..
بلع ريقه بـ صعوبه وغمض عيونه دآآيخ ويحس بـ صداع فظيع !!
رجع لـ عادته القديمه بعد سنين طويله ..
كآن يشرب أيام الثآنوي مرحلة الطيش .. وقطع على نفسه وعد مآعآد يحطه بـ فمه ..
بس الحزن والألم الي يحس فيهم رجعوه غصب عنـــــــــه !
××
" ميلآن "
سهرآنين قدآم الي فيه في شقة " وئآم " من فيلم لـ فيلم والدنيآ حايسه حولهم !
طيف طآلعت سآعتهآ وهي توقف : يلا إيمو احنآ لازم نمشي ..
حركت شفايفهآ وطلعت صوت بـ معنى " لا " : مآفيه روحه ( وقفت ) جهزتلكم المعسل بس ثوآني ..
روتانا إبتسمت لها زمان مآعسلت : ماشاء الله عندك ؟
: أكيد ، آي كآنت لِف وذ أوت إت !
إبتسمت وهي تكمّل طريقهآ للمطبخ وتطلع المعسل من الدولآب قبل مآتحس بـ أحد يحآول يفتح بآب الشقه !!
تركت الي في يدّهآ ورآحت للبآب لقته دخل وبيعلّق جآكيته : هلآآ سيمو ..
إبتسم لهآ : راجعه بدري اليوم ؟
خركت جآبينهآ بـ إستهبآل : يب و معآيآ نآس حلوه ..
تنهد وكأنه استنتج المقصود من هآلحكي : اوكي شوفيلي طريق ..
ضحكت بـ خفه على استنتاجه الغلط : نوب مو لمى ..
: أجل مين ؟
إبتسمت وهي تسحب طرحة روتانا من العلاقه وتروح لهم الصآله بدون لآ ترد عليه !!
لفّت طرحتهآ بسرعه لمآ خبّرتهآ إنه وسيم وصل وهي حدّهآ منحرجــــه ..
دخل عليهم مبتسم من