الفصل 5
الجزء الخامس:
سماهر بدون ماتدور وجهها:نعم؟
نادر:لالا اسف عن ادنش
وراح عنها ودخلت
ليال:ياهلا بالحلووو
سماهر:اهلين
وسلمت عليها وباستها
سماهر:شغلي المكيف بسرعه فوحه
ليال:شغليه انتي
سماهر:هااا؟ليالوه والله البيت بيتش مو بيتي
ليال راحت اتشغل المكيف:اعتبريه بيتش مثل ماهو بيتي،،وفي حاجه ثانيه بعد
،،افصخي عباتش
سماهر..: نعم؟هههههههه عجبتني،،تبيني اقعد عروه
ليال:ههههه عجبتني عروه ،لا بس انا متعوده ادا رحت لوحده قريبه لي افصخ
عباتي ،وانتي مو غريبه يلا فصخيها
سماهر:ماني
ليال:بكيفش لكن لما انا اجي بيتكم بفصخها ولا بهتم لاحد
ـــــــــــــــــــــــــ ـــــــــــــــــــــــــ
ليال:سماهروه انتي بأي مدرسه؟
سماهر: السادسه
ليال:والله؟
سماهر:والله ! ليش؟
ليال:انا هناك
سماهر..جد؟
ليال:اي والله
سماهر..واااااي،، بس مااشوفش؟
ليال..اغلب وقتي بالفصل ماأطلع
سماهر..ليش؟
ليال:بس كدا مااحب
سماهر..اها عجل شوفي يوم السبت لااازم اشوفش
ليال..اكييييد
فجأه يرن تلفون سماهر
سماهر..ألو؟......هلا والله.....اممم انا في بيت صاحبتي ليش؟...لهدرجه خطير
موضوعك...اوك خلاص اشوف وقت افضا فيه تمام التمام واتصل
عليك.........بايات
وسكرت سماهر التلفون
ليال..من هدا؟
سماهر..ولد خالتي
ليال..نفس اللي شفناه في المجمع داك اليوم؟
سماهر..لا لا وش جاب اللي جاب؟هدا اخوه
ليال..اها يعني عادي انتو اتكلموا احد من اولاد عيلتكم؟
سماهر..عادي بس اخوه لا مستحيل
ليال..سماهر؟
سماهر..عيوني؟
ليال..ولد اخوي يحبش
سماهر رفعت راسها بملامح استغراب
ليال..نادر
سماهر رجعت نزلت راسها وقعدت اتحوس بجوالها
ليال..سماهر ليش اتغاوري
سماهر..ماأغاور..عن شنو اصلا اغاور؟
ليال قالت لها بطريقه تفهيم..:نادر يحبش
سماهر..شتبيني اقول يعني؟
ليال..اي شي بقلبش عسا لو تكرهيه
سماهر..معجبه فيه لاأكثر
ـــــــــــــــــــــــــ ــــــــــــــ
علاء ونادر قاعدين في كراج بيت ابو ماجد حاطين لهم كراسي ومسويين جلسه
وناسه و سواليف
نادر:اوهووو علينا ياحنا ويا هالشيشه
علاء..ياخي اموت واعرف كيف قادر اتعيش كدا لا تدخين ولا شيشه
نادر..شسوي فيهم؟باعدها عني بس
علاء..ماأقدر هدي حبيبتي
واهم يتكلمون مرت عليهم بنت واهم كانوا فاتحين الكراج
البنت:هااي
نادر وعلاء سكتووو
البنت:قلنا هااي
نادر:علاء شوف لك حل
علاء: روحي لا تسودي وجهش بس
البنت..وبشنو اسود وجهي؟
نادر..بوقفتش قدام شباب
البنت ضحكت:ههههههههههه لا لاتخافوا علي..ماشالله عليكم من الحين خفتو
؟لوشفتوا الاعظم شبتسوون؟
علاء قام وسكر الكراج
علاء ونادر:ههههههههههه
علاء..الحمد لله ع النعمه
كان ابو ماجد طالع ومر على نادر وعلاء
ابو ماجد:السلام عليكم
نادر وعلاء:وعليكم السلام
ابو ماجد:كيف الحال نادر؟اخبار الوالد؟
نادر..الحد لله تمام والوالد يسلم عليك
ابو ماجد:ليش مسكرين الكراج؟مو من عادتكم تقعدوا اهني وانتو مسكرينه؟
علاء:أأ اننوع يبا اننوع
نادر:ههه امحق تنويع
علاء بصوت خفيف:اسكت لاتفضحنا
ابو ماجد:يلا انا اخليكم الحين عن ادنكم
علاء:ادنك معاك
ـــــــــــــــــــــــــ ــــــــــــــــــــــــ
ماجد و أصحابه صادق و باقر جابو لهم اثنين جدد
صادق لا شعوريا ضحك.. اتقرب واحد منهم له
.........:شايفنا مضحكه لك عشان تضحك من اول مادخلنا ؟
صادق:لالالا شدعواا بس انا اضحك من شي بيني وبين الربع
راح ابتعد عنهم هو واللي معاه وراحو جهه ثانيه بعيده عنهم
صادق:اف لو جايبين لنا احد زي الناس بنقول ماعليه مو جايبين هالقرف
باقر:اي والله ..لا عاد شوف صلعتهم اتقول ساحة تفحيط سيارات
صادق:هههههههه تشبيه مناسب
ماجد:سكتوا انتو ترا باين عليهم شرانيين
صادق:ياشيخ وادا شرانيين شبيسوو يعني؟
ماجد:شفت المروحه هدي؟بيعلقوك فوقها
باقر:ههههههههههه
ماجد:خلونا من سالفتهم الحين،سمعوا شباب ابي اتصل على اهلي
ماجد اتصل من جواله على رقم بيتهم
ابو ماجد:سماهر روحي ارفعي التلفون
سماهر:انا اكلم في الجوال يبا
ابو ماجد:هدا اللي فالحين فيه
وقام ابو ماجد ورفع التلفون
ـــــــــــــــــــــــــ ــــــــ
لما كان ماجد يسولف كانوا عيسى واحمد (الجدد)يسمعون اشوي من كلامهم وكانت
اصواتهم خافته
عيسى:وهدول قادعين يتكلموا عن اهلهم؟والله مافي احسن من انك تبيع الاهل
والكل بعد
احمد:عيسى ماعليك منهم خلنا في حالنا احسن لنا
عيسى:وانت عشان انسجننا الحين خلاص بتضيق خلقك؟روح زين،،ان ماخليت هالثلاث
الندول يسمونا احنا الاثنين اسياد مااكون انا عيسى
ـــــــــــــــــــــــــ ـــــــــــــــــــــــــ
اليوم الثاني:
مازن:يما بعد الفطور قولي لأبوي ابي فلوس حق سياره جديده
ام مازن:اتقول له بنفسك احسن
مازن:لا انتي عشان اتصيرين واسطه بيني وبينه
سامي:مازن ترا انت زودتها ماصار هدا خدش بسيط في السياره
مازن:والله بكيفي انا مااركب سياره خربها احد غيري انا
سامي:والله اللي يشوفك يقول الفلوس مرميه تحت رجلك
مازن:بكيفي انا
سامي:انا بسكت لاازيد المشاكل وياك
مازن اتكتف:وبعدين؟
سامي:وبعدين؟بظل ساكت ولين تالي البعدين بعد
مازن اتقرب له وقرب وجه لوجه سامي:حقير..انت حقير
سامي:شوف انا بسكت عنك لأني صايم
مازن عصب زياده:ورجعنا الى بتسكت عني؟
سامي واهو معصب وبصوت عالي:ياخي ماعرفنا شنسوي اياك!...لو سمحت اتكلم بأدب
..سؤال واحد ...ليش تكرهني؟ليش انت اناني وحاقد علي؟
مازن برواق كبيير:اتصدق عاد مادري..انا بكبري مادري..لكن اكرهك مااحبك،،عن
جد اكرهك
سامي:انا اروح عنك لانك واحد غبي وماتستاهل احد يضيع وقته وياك
تغريد طلعت من غرفتها لأن اصوات اخوتها كانت عاليه
تغريد:خير خير شصاير؟
مازن:والله شوفي اخوش هدا اللي ماعنده احترام لغيره
سامي:احترم اللي يستاهل الاحترام
تغريد:غناتي سامي ماعليه خله عنك
مازن:شوفوا عاد زودتوها تراا،امي اللي هي امي راحت المطبخ من اول الهوشه
ولا اتدخلت في شي
سامي:ويبينا نحترمه واهو حتى اخته و امه ماعنده كلمه طيبه لهم،،، اروح
غرفتي ابرك لي
مازن:عسا مانطلعك منها الا وانت ميت
سامي دار وجهه وناظره باشمئزاز وراح غرفته
تغريد:فال الله ولا فالك،،سكتت اشوي: عدوينه يااارب
مازن:روحي انتي فارقي بعد،،، والا اقول؟اروح انا بكبري لغرفتي وارتاح من
شوفة وجوهكم
وراحت تغريد الى امها المطبخ
تغريد:يمه تبي شي ؟
ام مازن مسحت ادموعها:لا يابنتي مابي شي،ادا بغيت شي بانادي عليش
تغريد اتقربت لأمها:يمه تبكي؟
ام مازن:لالا ماابكي بس كنت اقشر البصل
تغريد ابتسمت لها:يعني يمه اتفكريني مااعرف افرق بين دموع البصل و دموع
اللي خبري خبرش؟
ام مازن:شسوي يابنتي؟،، مايشبعوا من الهواش كل يوم جايين لنا يتهاوشون،مافي
فايده وياهم
تغريد:الله يصلحهم يما ،،ها تبي شي لو ارووح ؟؟
ام مازن:سوي الحلا الحين
تغريد:من عيوني يالغلاا
ـــــــــــــــــــــــــ ــــــــــــــــــــــــ
علاء:سماهر؟
سماهر:نعم؟
علاء:امممم اقول لش شي بس ماتعصبي علي؟
سماهر:قول
علاء:امممم لا خلاص ولا شي
وجا بيطلع من غرفتها ومسكت يده:شدعوااا يلا عاد قوول
علاء راح قعد على سرير سماهر وسماهر قعدت معاه
علاء:تدكرين اخر مره جوا صاحباتش يتعشون معاش؟
سماهر:اي اذكر،،ليش؟
علاء:تدكرين وحده جوالهاn70?
سماهر:اي؟
علاء:انا شفتها وعجبتني
سماهر:تقصد ليله القرقيعان؟؟؟؟يوم طاح انعالها قدامك وسكتت اشوي:هههههههه
علاء:لا شفتها من قبل
سماهر باستغراب:متى؟
علاء:انا كنت داخل المجلس لما كنتي بالمطبخ اتجهزي لهم
العشا............وقال لها السالفه
سماهر علت صوتها:وانا اقوووول الاخ داك اليوم يسالني ومادري ايش
علاء:ياألله سماهر شفتي كاهو عصبتي
سماهر تصطنع العصبيه:لا تبغاني اضحك لك؟لو اقول عفيه عليك يالشاطر؟
علاء اتضايق:توقعتش رح تتقبلي هالشي دامش مو ضد شي اسمه حب
وراح على طول قبل لاتنطق بحرف
رما حاله ع السرير :ياألله ياسماهر ماتوقعتش اتصيري كدا وتكسري بخاطري)
سماهر ابتسمت بخفه في غرفتها(هههههه هين ياعلاء والله العب بقلبك وقلبها
بعد
ـــــــــــــــــــــــــ ـــــــــــــــــــــــــ
في بيت ابو نادر:
اجا وقت أذان المغرب وكانت ليال لوحدها بالمطبخ تشرب ماي.. جا بعدين
نادر:آآآآآآآخ جوعان
ليال:كل
نادر:اكيد باكل عجل باخد رايش اول؟
طلعت ليال من المطبخ و رجعت مره ثانيه ومسكت بيدها طرف الباب
ليال:حبي ياويلي عليك وعلى قلبك
نادر رفع حواجبه بعلامة استفهام وبدون مايتكلم
ليال:طلعت اتحبهم وهم مو جايبين خبرك
نادر رجع حواجبه مثل ماهم وكان يبي يلحقها
وراحت تركض لغرفتها وقفلت الباب
ونادر وراها ويطق باب غرفتها
نادر:فتحي يامهبوله بسرعه
ليال:باصلي اول
نادر:بس دقيقه كلميني وبعدين صلي
ليال:لالالا ماأطاوع ابليس انا
نادر:ياصخله
ليال:توك فاطر من صيامك و تسب يا الخروف
ـــــــــــــــــــــــــ ــــــــــــــــــــــــ
على مائده بيت ابو ماجد:
سماهر:بابا ممكن طلب؟
ابو ماجد:مدام قلتي بابا اكيد الشي خطير
علاء:اكيد يبا عجل ليش بتتدلع
سماهر حبت تقهر علاء:اسكت انت وفيك خير حاسب روحك
علاء نزل راسه
ام ماجد:وش فيش على الرجال؟
سماهر حولت نظراتها له وقالت بطريقه اتنرفز:هو يدري
علاء قام من ع الكرسي:اشبعت
ابو ماجد:اقعد ياولدي
علاء:نعم؟
ابو ماجد:اول خل انشوف اختك شتبي بعدين انا بقول اللي عندي
علاء:اتكلمي يالمصون
سماهر ابتسمت بوجهه بخبث وطالعت ابوها:نفسي لو انسافر بابا
ابو ماجد ابتسم:هدا اللي كنت باقوله
سماهر:جد يبا؟
وقامت من مكانها الى مكان ابوها وباست راسه و رجعت مكانها
علاء بداخله:يلعن الدلاعه والمصلحه
ابو ماجد:هههههه شفيش يابنتي ؟،،اي بنسافر ،،،وبنروح ايران بعد
سماهر:واااااااي ،،متى؟
ابو ماجد:ثالث يوم العيد
علاء:يبا وانا معاكم اولا ؟
ابو ماجد:بكيفك
علاء:باروح معاكم وباخلي نادر بعد يسافر معانا
سماهر:علاء قول له بعد يخلي عمته معاه
علاء بضيقه خلق:ان شالله
سماهر ابتسمت بوجهه واهو نزل راسه وبلامح خاليه من التعبير
ـــــــــــــــــــــــــ ـــــــــــــــــــــــ
دخل نادر غرفه ليال بعد الفطور
نادر مبتسم:ترا مابتفتكي مني
ليال ابتسمت له:ادري
نادر قعد جنبها:ها شصار؟
ليال حبت تنرفزه:مع من؟
نادر:لا تستخبلي
ليال:مع الحب؟
نادر:ايوه
ليال:بصراحه ماتحبك هدا اللي قالته
نادر اتكدر خاطره:طيب
ليال:ماتبي اكمل؟
نادر بضيقة خلق:شتكملين؟لا خلاص مابي اسمع شي
ليال:لازم تسمع،،،شوف كلمتين بقولهم لك اياهم ورد غطاهم ،،قالت انها معجبه
بك لاأكثر
وسكتت اشوي:يعني ماوصلت لحبك
نادر:اها..نادر:روحي لأخوش اللي هو ابوي يبيش
ليال باستغراب:ليش؟
نادر ابتسم:روحي وشوفي
ليال:شكله في شي
نادر:اي في شي بس روحي انتي وهو يقول لش الحين
ليال طلعت على طول من غرفتها ونزلت الصاله الى اخوها ابو نادر
ليال:اخوي طلبتني؟
ابو نادر:اي والله ،،اسبقيني انتي الحين الى المجلس ،،،عندي كم شغله معاش
راحت ليال المجلس وقعدت هي و جنبها خوفها متسند وياها و يلعب في راسها
بعد خمس دقايق راح لها اخوها ابو نادر وقفل باب المجلس
ليال:خير اخوي شصاير خوفتني
ابو نار:ماله داعي الخوف
ليال:طيب شفيه؟
ابو نادر: فيه واحد من اصحابي كلمني وقال انه يبيش لولده
ليال نزلت راسها بخجل:الراي مو رايي
ابو نادر:عجل راي من؟
ليال:اولا رايك وثانيا راي الاستاد نادر
ابو نادر:وليش يعني تاخدي رايه؟
ليال:تدكر هاديك المره لما رفض اللي اتقدم لي؟وقتها انا مااقدر اقول شي
مخالف عنه
ابو نادر:ماعليش منه خله يولي ،،ع العموم هم بكرا جايين الساعه 10 ونص
ليال:طيب اخوي
ابو نادر:وشوفي لش وحده من صاحباتش توثقي فيها اتقوم بالواجب
ليال:ان شالله ايصير اللي تبيه
وطلعت ليال على طول من الخجل
وابو نادر ابتسم(ربي يحفظش ويستر عليش يالغاليه)
ـــــــــــــــــــــــــ ـــــــــــــــــــــــــ
سماهر تتصل على سامي
سامي:ياأهلين
سماهر:ياهلا والله
سامي:توهم الناس معبرينا؟
سماهر:شدعواا،،انت قلت لي اكلمك لما اكون حيـــــل فاضيه
سامي:اوه صح
سماهر:يلا قول شعندك
سامي:لحظه ببتعد عن الشباب
سماهر:اوكي
بعد ثواني
سامي:هلا
سماهر:اهلين ،،،يلا بسرعه قول لايخلص رصيدي ترا ماعندي غير ريالين
سامي:اوووه ماتكفي،،ولا يهمش سكري الحين وانا اتصل عليش جوالي فل
سماهر:اوكي باي
سكرت واتصل عليها على طول
سامي:كح كح ربي يخليني جوالي معبا ع الاخر بـ300 ريال
سماهر:اي مادري اتغازل بها من
سامي:شدعواااا بنت الخاله
سماهر:امزح امزح،،يلا شعندك ترا اعصابي بتطفر من زود الفضول
سامي:ههههههه الحاجه بايخه هي بس بدي رايش،،،تدري اني اشتغل بالمارينا
مول،،وتدري اني واحد وسييييييييم حيل حيل حيل وتدري بعد اني مطنش للبنات
سماهر اتقاطعه:اوهوووو علينا خلصنا بس يالواثق؟
سامي:انزين انزين،،،بالاختصار المفيد عجبتني وحده من الزباين وباين عليها
ثقيله مره ،،كم مره اسوي حالي اكلم احد ع التلفون واقول له رقمي على اساس
هي تاخد الرقم ولا في فايده،،آآآآه فديت عيونها
سماهر ومو قادره تستوعب بين قصه روعه صاحبتها و سامي ولد
خالتها:هههههههههههه
سامي:وليش تضحكي؟
سماهر:هالقصه الي قلتها لي نفس الشي صار لصاحبتي وقالت انها معجبه فيه بعد
سامي:والله؟ يمكن تطلع هي
ـــــــــــــــــــــــــ ـــــــــــــــــــــــــ
ليال لما راحت غرفتها مسكت جوالها واهي مستحيه((ياألله احس اني افكر فيه
هاللي بيخطبني الله يستر بس))
دخل نادر وابتسم لها ابتسامه خبث وكان حاب يقهرها وكتف يده: ياحظش
ليال من الحيا نزلت راسها ومااتكلمت
نادر:اوه اوه بدا اصطناع الحيا،من متى وانتي تستحي؟والا الحين بتمثلي عليهم
بالحيا هاللي بيتقدموا لش ؟مساكييييين،،ومسكين هدا لو اتزوجش بيعيش طول
عمره بنفاقش
ليال انقهرت:انا فعلا استحيت وروح اقلب وجهك،،وادا مو موافق عليه مثل اللي
قبله قول وريح حالك
نادر:وماسكه الجوال بعد؟ماشالله!!مابتخلي أحد الا وتتصلي عليه؟ماصارت
دي،،ترا توه تقدم للخطوبه مو شي ثاني
وغمز لها
ليال رمت جوالها:روح ولي عني وأتوقع اني كبيره الحين مو جاهله
نادر حس ان دموعها بتطيح وحس انه جرحها بزياده ومسكها:اوهو علينا ترا امزح
معاش والله
وحضنها ،،:هنيالش بتحبي وتنحبي ...
وبعدها: عندي خبر
ليال:شنو؟
نادر:ثالث يوم العيد بنسافر
ليال:واااااااي وناسه
نادر:ومن متى وانتي متعلمه الواااي؟
ليال:سماهروه كلا اتقولها و صابتني العدوه بها
نادر:وتدري بنروح ويا من؟
ليال:انا وانت واخوي
نادر:عائله ابو ماجد
ليال:والله؟يعني سماهر ويانا؟
نادر:اي ويانا
ليال:واااااااااااااي حركاااات
نادر:يلا فمان الله باخليش على جنونش،،وقلد صوت بنوتي وقال:وااااااااي
ـــــــــــــــــــــــــ ـــــــــــــــــــــــــ
زمرد ((خالة سماهر))مع زوجها شادي واللي كانت تكرهه لكنها بالوقت الحالي
تتنفس هواه
كان شادي يشاهد التلفزيون وراحت له زمرد
زمرد قعدت جنبه:شادي حبيبي؟
شادي واهو مندمج ويا الفلم:ياعيوني؟
زمرد:انا حابه اسعدك واجيب لك اولاد،،لكن مالله رزقنا
شادي:ورجعنا لطير ياللي؟انا شقلت لش؟مايهمني الاولاد والله
زمرد:انت تقول هالشي عشان ماتجرحني
شادي:وبوشو اجرحش يابنت الحلال؟اصلا انتي مافيش عيب يمنعش من الولاده ولا
انا فيني عيب ،،الناس ارزاق ويا ربهم غناتي ومن قال اني ضروري طيب غصب ابي
اولاد؟ومسك كتفها:انا ابيش انتي،تكفيني انتي
زمرد حضنته وبكت
شادي:ياقلبي انتي احبش،، وترا احنا ماصار لنا اكثر من سنه متزوجين،، يعني
الطريق قدامنا واللي فيه خير ربي بيسويه
زمرد:بس ادا ماجبنا اولاد بقول لك تتزوج،،مابي احد يوقف قدامك،،ادا تبي بعد
انا ادور لك على وحده
شادي:يهون عليش؟
زمرد:لا ،،بس ماقدر اوقف قدام سعادتك
شادي همس لها:سعادتي وياش انتي،،مو مع غيرش
زمرد واهي تبكي:احبك شادي
شادي:وانا اكثر..والله
ـــــــــــــــــــــــــ ــــــــــــــــــــ
يوم السبت الصباح :
ام ماجد اتقعد بنتها للمدرسه:سماهر قومي يلا
سماهر:انزين الحين
ام ماجد:يلا اشوف
سماهر:ماعليه اماه ماعليه
ام ماجد:لين متى ماعليه؟
وراحت فتحت ستاير غرفتها وشغلت لها المسجل باعلى صوت عشان تقعد
سماهر:ياألله يما ازعاااااااج
ام ماجد:عشان تقعدي
سماهر:مرمرتيني ترا اماه مرمتيني
ام ماجد:ماعليه عادي بس قعدي
سماهر قامت من على السرير:تعرفي تزعجي على اصول
وراحت اتغسل وتتجهز للمدرسه وطلعت تنظر السواق اللي يوديهم المدرسه
سماهر((وف هدا اتاخر واجد،،،لا بالله انطردنا من المدرسه اليوم))
طلعت ام ماجد الى بنتها في التهويه
ام ماجد:سماهر تبغاش صبا ع التلفون
سماهر:صج انها فاضيه
سماهر اخدت التلفون:امري؟
صبا :بسم الله وش فيش علينا؟
سماهر:من صباحة الله خير الناس تتصل؟
صبا:والله مو متصله لش متصله اسال عن طايح الحظ السواق،،للحين ماجا لش؟
سماهر:لا والله للحين،،مادري شعنده الاخ
صبا: رايق هدا،،، احنا ننتظره واهو اتلاقيه نايم في حضن زوجته
سماهر:صبوووووه من متى طالع لش السان؟
صبا:ههههه بس ويا هالسواق ترا
سماهر:يلا يلا باي كاهو جا
وسكرت على طول ونسيت التلفون اللا سلكي برا ولا دخلته
ـــــــــــــــــــــــــ ـــــــــــــــــــــــــ
علاء من الصبح الساعه 10 ونص قعد من النوم وفزع اللي في بيتهم كلهم
ابو ماجد قبل لايروح الدوام:خير خير شفيك انت؟
علاء:امممم لحظه لحظه باجمعكم اول
ابو ماجد:الحمد لله على نعمة العقل
راح علاء غرفة جدته ولقاها حاطه قناة السعوديه اتشاهد الاخبار
باس راسها:شلش في الاخبار ماما عوده((جدتي))؟
الجده:والله قاعده اشوف يمكن يكون في عفو عن المسجونين والله يفرج عن ماجد
علاء لما سمع بسالفه اخوه اتضايق اشوي:يارب اتفرج عنه،،،، ع العموم ماما
عوده تعالي برا عندي لكم خبر في الصاله
طلع علاء ومعاه جدته وصاروا متجمعين ((علاء و ام ماجد وابو ماجد و الجده)
ابو ماجد:اتكلم يالريس
علاء:احم احم سمعوني
ام ماجد:نسمعك
علاء:واخيــــــــرا اتوظفت ،،توني فاتح ايميلي ولقيت الرساله انه تم قبولي
،،لكن بابدي الشغل بعد شهرين مو الحين
ام ماجد بفرح:يلا مافي شي يمنعنا من تزويجك الحين عجل
علاء:تو الناس عاااد للحين ماقبضنا
ابو ماجد:بالتوفيق ياولدي
الجده:ندرا علي ...........
وقاطعها ابو ماجد:لالالا يما ارجوش لاتندري ماتعبتي؟خلاص يكفي ندر طلعه
ماجد من السجن و تزويج ماجد وعلاء
الكل ضحك
الجده:وانت الصادق
وراحت دخلت غرفتها
ابو ماجد:يلا عن ادنكم رايح الشغل
ـــــــــــــــــــــــــ ـــــــــــــــــــــــــ
في المدرسه:
رن جرس الطابور
روعه:صج غباء مايراعونا ولا يراعوا صومنا وتعبنا
صبا:هيا الى الساحه نسطف
سماهر:هههههههههههههه
صبا:هههههه يلا قوموا
نزلوا الطالبات ومن ضمنهم سماهر و روعه و صبا
من اول مانزلوا وسماهر اتدور بين طالبات سنه ثانيه واتحاول اتشوف ليال لكن
ماشافتها
سماهر((لايكون هدا مقلب من مقالبها انها معاي بنفس المدرسه؟؟؟))
صبا:سماهر اتدوري على من؟
سماهر:وحده اسمها ......واتقاطعها معلمه واقفه وراهم
_ اتكلموا بعد الطابور وفي الفصول مو الحين يا هوانم
سماهر سكتت،، و روعه وصبا ضحكوا على طريقه المعلمه
لما خلص الطابور وركبوا البنات على الفصول وكانت الحصه الاولى عليهم انجلش
روعه:وفففففف وقتها دي بعد
صبا:ياألله من اول حصه انجليزي؟الله يعيننا على عصبيتها وثقل دمها
روعه ضحكت وسماهر مو معاهم اصلا
صبا:هشششش سماهر وين رحتي؟
سماهر:اووووووه خرعتيني
صبا:مادري وين سرحانه
روعه :من اللي ماخد عقلش؟اعترفي
سماهر:ماحد والله
صبا:عليناااا يلا اشوف اعترفي
سماهر:ولي زيييين
شرحت لهم المعلمه الدرس في خمس دقايق بس وطول الحصه فاضيين وماكانت تسمح
لأي بنت تنبس بحرف واحد لكن البنات يتجاهلوها ويتكلموا
اما صبا وروعه كان كلامهم بصوت عالي وضحكهم مبالغ فيه
المعلمه بعصبيه:ولا كلمه،،هدوووء
صبا اتمثل دورالمسكينه:معلمه انتي خلصتي الشرح يعني عادي نتكلم
المعلمه بعصبيه:أص
سكتوا البنات اشوي ورجعوا يتكلموو
روعه:صبوه صبوه باقول لش نكته كوووووول صارت في مجمع المارينا مول
صبا سكتت على انها تسمع
روعه:رحنا داك الاسبوع هناك واصلا احنا كل اسبوع صايرين الحين انروح لان
عندنا حفلات وكدا ،،المهم واحنا نمشي انا واختي شفنا اثنين يمشوو ويا بعضهم
و ورا اظهورهم مكتوب على بلايزهم_ للبيع _،،انا واختي شفنا هالكلمه وفطسنا
ضحك والظاهر انتبهوا لينا ان احنا انطالع فيهم ونحبس ضحكتنا عشان
ماينتبهوا ،،وصاروا وين مانروح يلاحقونا اثنينهم ويقولوا:ترا احنا مو للبيع
والله والله مو للبيع بس انغشينا بالأسهم)
صبا وقتها ضحكت بقوه
المعلمه:هدي آداب ياصبا؟
صبا:آسفه معلمه بس روعوه قالت ليي نكته ولا اتحملت مااضحك
روعه داست على جزمة صبا من قهرها:هدا اللي ناقص انضحكش
صبا:اوهوو علينا نمزح
اما سماهر فدارت وجهها وطالعت فيهم وابتسمت من شقاوتهم
والمعلمه راحت وقفت جنب طاولة صبا و روعه عشان مايتكلمون
صبا ملت من هالحال وفكرت بطريقه)::معلمه اتشاهدي باب الحاره؟شفتي الخبل ابو
ابراهيم وشو سوا في دلال؟الخبل خلا ولده يطلقها وبس عشان ان امها
اتطلقت..والله خباله حراااااام
البنات كلهم ضحكوا وحتى سماهر...
وقتها صاحت الصافره وطلعت المعلمه
المعلمه:لي وقت ثاني معاتس ياصبا
سماهر:صج انش ماتستحي
صبا غمزت لهم:اعجبكم
روعه:طالعه قويه عيون
صبا:ترا قوايه عيوني بس اطلعها ويا سواقنا و المعلمات
**************************
ليال ماراحت المدرسه وراحت عليها نومه وقعدت وشافت الساعه 12 ونص
وقامت اتغسل ومن بعدها راحت المطبخ عشان اتبدي اتجهز اغراض فطور رمضان عشان
تطبخ
ـــــــــــــــــــــــــ ــــــــــــــــ
سماهر استادنت من المعلمه اللي كانت جايه فصلهم وماعندها شي وحبت تطلع
وتسال
عن ليال او تدورها
راحت اتطالع الاوراق اللي املزقه على بيبان الفصول الين ماشافت في احد
الفصول اسم ليال ودخلت
سماهر:السلام عليكم،،لو سمحتوا وين ليال؟
وحده من البنات:وعليك السلام،اهي اليوم غايبه
سماهر:اهااا،،طيب شكرا
البنت:العفو
طلعت من الفصل ولقت روعه و صبا طالعين من الفصل
سماهر:على وين بعبيكم؟
روعه:روحي انتي بعد اخدي عباتش بيطلعونا من الفصول الحين بيخلونا في الساحه
سماهر:اها
صبا:شفيش اليوم باين انش اتدوري احد
سماهر:ادور على وحده بس طلعت غايبه
روعه:من؟
صبا:من يعني؟اكيد وحده من صاحبات النت
سماهر:لا والله مو من صاحبات النت
صبا:انزين انزين لاتاكلينا بقشورنا،،روحي اخدي عباتش
راحت تاخد شنطتها وعباتها من الفصل واتدكرت سالفه صبا مع اخوها و روعه مع
ولد خالتها
طلعت لهم ،،واهم يمشون ع الدرج ببطئ:
سماهر:الا اقول لكم،،احنا ثالث يوم العيد بنسافر بنروح ايران وبنقعد هناك
شهر
صبا:قولي والله
سماهر:والله
صبا بفرح:انا بعد باروح ايران وثالث يوم العيد مع بنت خالتي ليال
سماهر استغربت لما قالت ليال لكن اتجاهلت وحبت تستفسر بكل شي من ليال
بنفسها
روعه:واناا؟لوحدي باصير في الاجازه
صبا:حرررررره على قلبش
روعه:مالت عليش،،عادي بنروح البحرين والكويت والجبيل
سماهر:حلوووو
ـــــــــــــــــــــــــ ـــــــــــــــــــــــــ
سماهر رجعتها من المدرسه راحت الى اخوها علاء
سماهر:السلام
علاء:وعليكم السلام
سماهر:رحت اخدت لي شنطه للسفر؟
علاء:لا بس بكره بتروحي انتي ويا ليال وانا ويا نادر ،،اهو قال لي كدا
واحنا اتفقنا
سماهر:حلووو
علاء:سماهر قبلوا ارواقي للتوظيف
سماهر ابتسمت له:مبروووك
علاء: الله يبارك فيش
((رغم انه علاء كان متضايق منها على سالفه صبا لكن نساا كل شي))
ركبت سماهر الى غرفتها واخدت جوالها واتصلت على ليال
ليال:والله والله اسفه المنبه ماصاح الله يرجه
سماهر:مالت عليش دوبتيني في المدرسه
ليال:احم احم حبيتيني؟
سماهر اتقلد عليها:احم احم حبيتيني؟ اقلبي وجهش زين
ليال:امممم سماهر طلبتش
سماهر:وشووو؟
ليال:قولي عطيتش
سماهر:عطيتش
ليال:الليله جايين ناس يخطبوني وابيش انتي تقومي معاي بالواجب تدرين مالي
احد لاأم ولا ابو لكن نادر و ابو نادر هم بمكان الاب لكن ماعندي لاأمي ولا
مرت اخوي أبو نادر حتى.. الله يرحمهم
سماهر:بس كدا؟من عيوني
ليال:صج؟مشكوووووووووره
سماهر:العفوو غناتي ،،الا بسالش؟اتصير لش صبا ال فلان؟
ليال:بنت خالتي
سماهر:توني ادري!،،هدي صاحبتي مرره
ليال:يارب ،،،ترا صبا بتسافر معانا لكن مابتتطول وبتنزل البلد قبلنا
سماهر:اي قالت لي،،،،،، يلا بااي
ليال:لاتنسي اوك؟
سماهر:لاتخافي مابنسا،،باي
ليال:بايات
للرواية بقية