الفصل 9
البــــــــــــــــآرت الــــــــــتاســــ9ــع
الساعة 4 الفجر صحت على صوت مسج
تو واصلها
بسافر وغلاكم بالقلب موجود
و لو تبعدكم عني الحدود
برجع و قلبي مليان حنين و شوق
لأحلى ناس حطيتهم في قلبي المعشوق
أريام بس شافت المرسل كشررت
نور: افف يعني محد يعرف ينام
أريام: محد ماسكنك لا تنامين
نور: هوَ..! في حد يعرف ينام من جوالك الي اربعة وعشرين ساعه تهبب عليك مسجات مدري من منو
أريام: انزين اسفة كملي نومك
نور: خلاص طار النوم
أريام: زين ترا مابقي الا ساعتين على الطائرة بروح اشوف شهد واسيل إذا صحو ولا لا
نور : اوك وترا بعد مابقي شيئ على الآذان
أريام وهي تناظر ساعتها : باقي ربع ساعة
نور بلقافتها : مين الي تو راسل لك مسج
اريام : نوافو وشكله بيسافر
نور : اها فكه خله يسافر
أريام: تخيلي يروح السعودية
نور: يسويها ثقيل الدم
أريام: ماعلينه المهم بروح اصحي شهد واسيل وراحت
***********************************************
في الســَعودية في بيت ابو خالد
صحت على صوت المنبه الي حاطته والدنيا مو سايعتها من الوناسة راحت غسلت وجها واسنانها وتوضت وصلت ولبست وخلصت وكل شي وراحت غرفة اخوها تصحيه دقت الباب : فارس ... فروسسي .. فارس
فارس من ورا الباب بصوت كله نوم: همم
وسام: فارس يلا قوم ترا أذن الفجر
فارس مستغرب اول مرة وسام تصحيه للصلاة: انشاء الله الحين بقوم
وسام: انزين ولا ترجع تنام علشان نروح المطار الى اسيل
فارس: انزين انت روحي وانا بقوم
وسام: اوك لا ارجع واشوفك نايم
فارس وش يفكني من حنتها الحين : وسام اقول لك روحي وانا الحين بقوم
وسام لفت توها بتروح غرفتها لقت خالد
خالد: متكشخه ولابسه الاخت على وين انشاء الله
وسام حقرته وكملت طريقها
خالد انقهر من حركتها ولفها ليه بالقوة
وسام: آآهـ
خالد : لم اكلمك تردين علي ماتحقريني فاهمة
وسام صارت تخاف من خالد ونزلت دموعها
خالد : قاعد اقول لك وين رايحة
فارس الي توه طالع من الغرفة وشاف كل شيئ : بنروح المطار حق اختك الي بترجع اذا كنت تدري يعني انها بترجع ولم سمحت اترك البنت بدت تتألم
خالد عطاهم نظرة ترك وسام وراح
وسام على طول راحت جمب فارس وفارس حضنها
****************************************
في غرفة العنود كانت منسدحة وتفكر
انا مادري الي سويته صح ولا غلط كذبت على امي وقلت لها بروح اقعد مع صاحبتي ورحت وطلعت مع معاها ورحنا قابلنا واحد مانعرفه ..افف ناصر حلو بس هم انا احب راكان ..بس احسه مايحبني مدري ليش بس انا احبه امم ليش احبه مع اني احس انه جاف في التعامل معاي عكس راكان و و و ............... تعبت من التفكير ونامت
************************************************** *
تجهزوا ولبسوا وخلصوا واخذوا جناطهم وركبوا السيارة متجهين إلى المطار ^^
وصولوا وركبوا الطيارة في نفس الطيارة بس في مكان ثاني
كان قاعد جمب النافذة رجع راسه لورآ وغمض عيونه وفي داخله احببها والله احبها ياربي ليش انا كذا من اشوف وحده حلوة حبيتها بسرعة وتالي النتيجة لا هي لي وانا لها وتنهد بقوة
عبير الي كانت جمبه : شفيك
راكان رجع لوضعه وفتح عيونه : مافيني شيئ
عبير تغمز له : علينا .. أ:كيد قاعد تفكر فيها
راكان يبتسم : عليك نور
عبير : يارب انها تكون من نصيبك
راكان : آمين يارب العالمين
************************
في نفس الطائرة في مكان ثاني
كان قاعد يفكر في الخطة الي راح ينفذها [ هين ان ماخليتك تجين لي عندي وتبوسين رجلي مانا نواف يا اريام هيين والله لاذلك ذل اجل انا انواف الي كل بنات الكويت ميتين علي تجي هذي السعودية وبكل بساطة تقولي ماابيك هين ]
************************************************** *******
نزل من الدرج وهو مستانس ويسرع قابل امه بتركب
ام راشد: على وين ؟
راشد: بروح المطار يمه اجيب اريام
ام راشد: صبر صبر حبيبي اختك للحين ماصحت
راشد: وانا انتظر حضرتها لين تصحى
ام راشد: حبيبي المطار مو بعيد الحين بصحيها وتقعد
راشد: ان شاء الله
***********************************
ياخوي ياعزوتي ياضحكتي وبكاي
يامن على فزعتي يمينه في يمناي
من لي سواك اللي على كتافه ارتكي
لي خانني الوقت وخان فيني القهر
انت العضيد الي اشد فيه الظهر
بعد مانزلوا من الطائرة كل وحدة من البنات تتلفت يمين يسار تدور اخوها او ابوها [ يعني الي جاي ياخذها]
عند أريام شافت راشد واقف من بعيد ومعاه لمار
اول ماشافتهم على طول راحت لهم
راشد اول ماشافها حضنها بقوةَ!
اريام: أِشتقت لَك حييل شلونك؟َ
راشد: أناَ بخير حبيبتي إنتِ شلونكَ؟ طمنيني عنكَ؟
اريام: بخير ناقصني شوفتكم
لمار: يا سلام وانا دائما مو مهمة
أريام وهي تحضن لمار: اصلاَ انت اهم شي بحياتي ي حياتي وحشتيني كيفيك؟
لمار : وانتِ اكثر قلبييييي, انا بخيير
عند أسيل ماتدري أهي مستانسة ولا متضايقة
مستانسة لانها بتشوف امها وأخوانها ومضايقة لوجود خالد بحياتها
تحس أن فيها غصة اول ماشافت اخوانها تبسمت بآلم وراحت لهم وسلمت عليهم ووو,....
لم حضنت فارس ماقدرت تسمك نفسها وقعدت تبكي
فارس طلعت عيونه: اسولة حبيبي ليش تبكين
اسيل بس تبكي
وسام: أسيل شفيك ياعمري
اسيل الى بدت تهدئ شوي : مافيني شي بس هذي دموع الفرح
فارس كان حاس هي ليش بكت : كل هذا حب لنا
اسيل: اكيد انتوا اخواني شلون مااحبكم ... سكتت شوي وبعدين قالت : ليش خالد ماجا معاكم؟
فارس ووسام سكتوا يناظروا ببعض :.........
اسيل: اكيد مايدري صح
فارس يرقع : الا يدري بس الدوام مارضوا يطلعونه
اسيل : اها
عند نور
شافت وليد ومعه رغد بنت اخته
سلمت عليه ونزلت لمستوى رغد وحضنتها وباستها : شلونك حبيبتي
رغد: سينة .. دبتي لي هدية [ زينة , جبتي لي هدية ]
نور: ايه اكيد حبيبتي جبت لك وجبت حق حمودي بعد
وليد: مالي نصيب من الكلام الحلو والهداية
نور: هههههههه , عيارتك كلكم جبت لكم هداية
وليد: هههههه يلا مشينا
عند شهد
شافت ريم وفيصل وسلمت عليهم بسلام لايخلوا من الإستهبالات ^^
***********************************************
الساعة 3 ونص في السعودبة
اريام صحت من النوم على صوت جوالها يدق
ردت بصوت كله نعس : الو
نور: شنو للحين نايمة اوما عاد قومي مابتروحين الحفلة الليلة
اريام ببرود: بروح
نور: ودي اطلع لك من الشاشة وافطسك على برودك
اريام بنفس البرود : ليش
نور: الساعة ثلاث ونص مابيدمدينا نخلص اذا ماقمتي الحين
اريام: اوكي انت خلصي وجيبي اغراضك وتعالي البيت ونروح مع بعض الصالون اوك؟
نور : اوك باي
اريام باي
نهاية