إسمحيلي من النظرة الأولى و كوني أم أولادي - الفصل 5 | روايتك

الفصل الخامس بعد اسبوع في الجامعه في الكافي طرفه تجلس على الكرسي وتحط كتبها فوق الطاوله مابقى تخلص المحاظره طفش وانتي فكيها مع وجهك كل حزن عشان واحد مايدري عنك وينك ياشهود الله يرجعك بالسلامه لي كنتي مونستني امون طروف والله مالي مزاجك وبعدين من قال انا افكر فيه خلاص نسيته طرفه باين اصلا انتي تغيرتي من صرتي تحبينه وحالك مو عاجبني سمعي الي مايدري عنك بيعيه في السوق امون صدقيني خلاص نسيته والله يوفقه في اختياره طرفه يابنيه الله يرزقك واحد احسن منه قولي امين امون تبتسم وهي في نفسها عازمه على نسيانه (ملاحظه طرفه وامون وشهد تعرفو على بعض في الثانوي وكملو مع بعض في الجامعه والي مايعرفونه ان مزنه اخت طرفه الي يحبها بسام ) ......... فطوم راحت مع ليال المؤسسه وتعلمت الشغل بسرعه كيف تبيع المستحظرات الي عندهم شوشه سافرت الدمام عند ابوها وكانت مو متحمله مرت ابوها حبيبه جالسه في البيت مع امها وخواتها وخوالها يوميا يزورونهم ومايتركونهم الا وقت النوم وتعرفو على مشاعل بنت خالهم ابراهيم مها أرجعت من السفر وزارت حبيبه في بيتها .......... الساعه 9اليل في مكتب ****ي بسام جالس مع بندر وزباين يشترون اراضي من عندهم وبعد ماخلصو واطلعو بندر بسام خذ الفلوس هذي وحطهم في حسابي بكره الله يعافيك بسام ان شالله (هذا احسن وقت افاتحه) اقول يابو سعد بغيتك في موضوع وان شالله ماتردني بندر تامر امر واذا محتاج فلوس بدون ماتشاورني اسحب المبلغ الي تبيه بسام لا خيرك سابق بس انا حبيت اطلب يد اختك الكريمه مزنه ويشرفني نسبكم بندر منصدم وفي نفسه (الحين يتكلم صج ولا يمزح مايعرف عاداتنا احنا مانعطي حضري بس خلك بندر احسن منه يجي الرفض منه ولا مني) والله يشرفنا نسبك يابو سعود وماراح القى واحد مثلك لأختي وانت تعرف احنا عاداتنا مانعطي بس اذا اهلي اعرفو انك من طرفي بيوافقون بسام ماتقصر يابو سعد هذا العشم فيك بندر ايه بس انا عندي شرط بسام موافق عليه بدون مااسمعه بندر لا لازم تسمعه لأنه مايخصك بروحك بسام خير ان شالله بندر الخير بوجهك بس عشان اخلي اهلي يوافقون عليك مثل ما أنا بعطيك اختي انت تعطيني اختك زوجني اختك وازوجك اختي وماراح احد يتكلم فينا شقلت بسام لي الشرف تاخذ اختي وانا موافق ولا بلقى واحد مثلك اكيد بندر اول خذ راي اختك واذا وافقت تعال حياك الله .............. بعد يومين في بيت ابراهيم الساعه 10الصباح وليد جالس في الصاله يقلب محطات التي في وزهقان دخل طلال وكان يمشي بهدوء عشان محد يحس عليه وشاف وليد طلال شعندك هنا مارحت الجامعه وليد عندي محاظره وحده اليوم ولا لي خلق احضرها طلال الله يساعدك وتصبح على خير رايح انام قبل لا تشوفني امي وتعرف اني مانمت هنا امس وليد لا مافيه نوم تعال ابيك طلال اقول لك مانمت عدل ابقي انام وليد طلال ابيك تروح معاي بيت عمتي هند من العزا مارحنا لها طلال معليه بس خلها في اليل لما ارتاح شحارق بصلتك تروح الحين وليد الحين اكيد بتكون جالسه والبنات في جامعاتهم يعني بروحها طلال عمتي تستاهل والنوم يتأجل يالله قوم نروح وليد طيب قبل نشتري لها اغراض للبيت ........ في بيت ليال جالسه ترتب الصاله وكانت مشغله معطر جديد تبي تجربه عشان تبيعه سعود ماشالله الريحه حلوه هنا ليال هذي خلطه جديدة بنبيعها سعود الله يوفقك الا امك وينها ليال طالعه مع الجيران سعود هذا الي شاطره فيه امك حتى اختي مافكرت تزورها بعد العزا ليال لا كانت ناويه تروح اليوم معاي سعود يابنتي لا ترقعين لها امك واعرفها المهم انا بصعد الغرفه لحد اذان الظهر وراح بسام توه داخل السلام عليكم زين شفتك امس كنتي نايمه ليال وعليكم السلام خير شعندك بسام ابد سلامتك بس بندر وافق يزوجني اخته ليال مستغربه متأكد وافق ماصدق بسام لاوافق بس قال لي اذا اختك رضت تتزوجني انا ازوجك اختي وصدقيني ليال بندر رجال والنعم فيه ليال مصدومه اكيد ماني موافقه وبعدين انت معاه خواتكم سلعه تبيعون فيها وتساومون فينا بسام اقولك رجال والنعم فيه والله معطيه من الخير ومتعلم ومثقف شتبين بعد ليال الله يخليك مابيك تمدحه قدامي اصلا انا ماخذ الا واحد مثلي وبعدين اهم عاداتهم غير وسلمهم غير عنا استحاله اوافق بسام ولا تفكرين في اخو ك انا احب اخته ومابي غيرها حرام تحرميني منها ليال صدقني لو كان بيعطيك اخته كان عطاك بدون مايساومك فيني وهو عارف اني برفضه عشان كذا يبقى يصير اهو المسكين ويخليني انا الي بس شقول استغفر الله بسام طيب فشليه ووافقي عليه وخلينا نشوف اذا اهو صادق ولا لأ ليال لا تفكر في الموضوع انا رافضه ولا بجاريك انت ولا اهو استحاله اوافق ليه خلصوا رجالنا اخوي حبيبي شيل البنت هذي من راسك والله فيه بنات احسن منها وماهي اخر الدنيا ترا بسام انتي اخت انتي حقوده وانانيه وماتحبين الا نفسك اكرهك الله ياخذك وارتاح منك طلع وهو معصب ........ في بيت حبيبه في المجلس ام حبيبه ليه ياعيالي كلفتو على نفسكم الخير واجد وليد لا كلافه ولا شي هذا اقل من الواجب ياعمتي المهم انتي شلونك والبنات شلونهم ام حبيبه كلهم بخير والحمدلله على كل شي من بعد صالح الله يرحمه صعب فراقه بس الله يصبرنا ويثبتنا ان شالله طلال اعتبرينا ياعمتي اعيالك ولا يردك الا السانك متى مابقيتينا بتشوفينا قدامك ام حبيبه الله يعطيكم العافيه وماتقصرون طلال عمتي عطيني رقم جوالك اسجله عندي عشان اذا بقينا نكلمك ام حبيبه ياولدي انا ماعندي جوال ويكفي عند البنات انا محتاجه وليد ليه ماتحتاجينه صار الجوال مهم الحين طلال يعني اذا بغيت اكلمك واسمع صوتك على طول شلون لازم يصير عندك جوال قام عن اذنكم وليد وين بتروح طلال جاي ماني متأخر وطلع غاب عنهم ساعه ورجع ومعاه جوال جديد توه شاريه من المحل طلال وهذا يالسالمه جوالك وفيه رقم جديد لك والحين بسجل رقمي ورقم وليد وابوي وبعدين حطي الأرقام الي تبينها ام حبيبه والله ياولدي ماكان له لزوم انا محب الجوال وليد الحين ياعميمه لازم تحبينه نبي نكلم عمتنا على طول خلصت طلال عشان نمشي طلال ايه يالله نمشي ام حبيبه وين تو الناس جلسو تغدو معاي طلال لا خليها مره ثانيه عميمه والله تعبان ومانمت بس جيت اتطمن عليك مع وليد وهذا اقولك أي شي تبينه حتى لو نص اليل كلميني ولا يردك الا السانك سلمو عليها واطلعو ..................... ثاني يوم الساعه 2الظهر عماد راجع من العمل وداخل مبنى الشقه وشاف هندي توصيل البقاله معاه اغراض عماد ياصديق وين بتروح الهندي هذا طلب شقه محمد عماد طيب كم حسابك الهندي 150ريال عماد طلع الفلوس وعطاه خلاص روح انا بودي اغراض خذهم وصعد الدرج وراح لشقته بعد مادخل عماد مها مها وينك مها طالعه من المطبخ هلا حبيبي وصلت وشنهو كل الأغراض عماد ماهم لنا حق جيرانا الشقه اقبالنا مها نعم واهم طالبين منك عماد لا بس شفت الهندي جايبهم حاسبته وخذتهم وانتي الله يعافيك وديهم لهم مها وانت من بأمره تحاسب وتاخذهم كان خليت الهندي يوصلهم عماد ياقلبي هذولي ايتام وامهم ارمله وصدقيني انهم مساكين وخالي كان يعرف ابوهم ووصاني عليهم لما عرف اني سكنت جنبهم عاد سوي خير ووصليهم ولا عليك امر ووعدك اخر مره مها طيب اخر مره بس خلني البس عباتي راحت عندهم ودقت بابهم فتح ولدهم محمد عمره 10سنين مها خذ هذا اغراضكم محمد والحساب من اعطيه مها رجعه لأمك اندفعو ام محمد شفيك واقف عند الباب هلا اختي أي خدمه مها لا بس اغراضكم من البقاله زوجي لما شاف الهندي جايبهم حاسبه واخذهم عنه ام محمد الله يعافيه تفضلي احسابكم مها لا مافيه حساب خليها علينا ام محمد لا والله ماارضى حقكم مها خلاص زوجي ماراح يرضى ياخذهم ام محمد كلف على نفسه مها مافيه كلافه واحنا جيران واذا احتجتو شي احنا موجودين ام محمد خلينا نتعرف شوفي يوم يناسبك وتزورينا مها ان شالله ولا يهمك مع السلامه أرجعت الشقه عماد وصلتيهم مها ايه صايره توصيل منازل لك عماد لا تكبرين السالفة كلها بقاله الله يهداك ولا تضيعين السالفة وين غداي مها ثواني واحطه....تصدق تبقى ازورهم ونتعرف على بعض عماد حلو تعرفي عليهم وعزميهم انتي بعد مها يصير خير .................. في المؤسسه فطوم ماشالله مكانكم حلو كثير ليال ايه صاحب المؤسسه خلى قسم الحريم هنا قريب عند قسم الرجال شفتي ذاك الباب هذا قسمهم اذا بغينا نتعامل معاهم والحين تعالي اعرفك على البنات فطوم طيب ليول ينفع اخذ الأسبوع هذا اجازه ليال نعم صاحيه توك مداومه وتبين اجازه فطوم والله مو بكيفي بس اهلي بيحضرون زواج في الأمارات وقالت امي عسى مايكون فيه شغل بعد ماعندنا بنات تعطلنا عن روحتنا وجيتنا وابي مساعدتك ليال ومتى بتروحون فطوم بكره العصر بنمشي ليال وليه ماقلتي لي قبل حسبي الله عليك بكلم صاحب المؤسسه اهو طيب بس بيقول توها مداومه وتبي اجازه فطوم كلها كم يوم وبس ارجع بعوضكم في الشغل ....... العصر الساعه 5 فطوم تستعد عشان تروح مع ليال محلات يعرضون المنتجات يدق جوالها فطوم هلا شوشانه لك يومين ماكلمتي شوشه لحقيني يادانه لحقيني وهي تصيح بقوه فطوم شوشه شفيك خوفتيني شوشه ابوي بيزوجني غصب علي من اخو الخايسه حرمته اليوم وانا مابيه فطوم من متى صار الزواج غصب ماعليك منه رفضي شوشه انا مالي شغل ابي ارجع لجدتي الحين فطوم حبيبتي شوشه اذا الشيخ اسألك قولي له انك رافضه سامعه شوشه فطيم اذا محد رجعني الحسا والله لأشرب فلاش(منظف الأرضيات)واموت نفسي تعالي الله يخليك ماني عارفه افكر فطوم طيب سمعي لا تشربين شي سامعه بجي اخذك متى ابوك بيملك عليك شوشه بعد العشا واذا محد جاه وخذني بموت نفسي وارتاح فطوم سمعيني الحين تعوذي من ابليس وخلك في الغرفه لحد مااتصل عليك واقول لك طلعي طيب شوشه استناك فطوم بربك لا تتخلين عني بعد ماسكرت كلمت فطوم ليال وعلمتها السالفة ليال طيب وشبتسوين الحين فطوم بروح احاول في نواف وان شالله يرضى ليال حاولي الله يخليك وطمنيني سامعه راحت فطوم لغرفة نواف وادخلت وكان نايم حاولت تصحيه لحد ماحس وجلس نواف يتثاوب خير شفيك مجلستني قبل ساعتي واجلس اجلس احترق البيت فطوم لا اعظم من كذا ابيك توديني الدمام الحين نواف صاحيه ولا مجنونه وليه الحين ناسيه بكرا بنروح المطار هناك عشان سفرتنا للأمارات فطوم صدقني مسألة حياة او موت شريفه في مصيبه نواف وانا شدخلني فيها والله اضرب خط مرتين فطوم حرام عليك البنت بتموت روحها اذا مارحت خذتها نواف خير ليه ناويه تنتحر فطوم ابوها بيزوجها غصب عنها وهي رافضه نواف طيب مافيه مشكله ترفض عند الشيخ وتنحل قضيتها فطوم شريفه من النوع الي اذا صارت لها مشكله ماتفكر واول حل يجيها تموت نفسها وترتاح والله قالت بتشرب فلاش اذا مارحت لها وخذتها نواف تركيها كلام فاضي كلميها وقنعيها ترفض الزواج وانتهت السالفة وخليني ارجع انام انسدح وغطى روحه بالبطانيه فطوم نواف حرام عليك ساعدنا لو واحد من ربعك مكلمك عشان سيارته تعطلت صرت هبت ريح له نواف ............... فطوم والله ماراح اسامحك اذا صار في شريفه شي صاحت وقامت بتطلع نواف؟؟؟؟؟؟؟؟؟؟؟؟؟؟ وللحديث بقيه بااااااااااااااااااااااي