إسمحيلي من النظرة الأولى و كوني أم أولادي - الفصل 4 | روايتك

الفصل الرابع جالس ينتظر وبخطوات متوجهه قدامه مصدق ولا مكذب الي يشوفه قدامه بس الي متأكد منه هذا اخوه سعود وقف يناظر فيه وكل واحد يلوم الثاني بنظرات العيون ومع نزول اول دمعه من ابراهم اخوي سعود مصدق انا في حلم ولا طول هالسنين وينك راح لعنده واحضنه بقوه وصار يصيح ااااه ياخوي وينك ليه فرقتنا الأيام والسنين سامحني ياخوي سامحني ياولد امي وابوي سعود مافي قلبي عليك بشي ياخوي ويلعن الفلوس الي فرقتنا محد يعرف قيمة اخوه الا لما يبعد عنه سامحني انا بعد اني ماواصلتك ولا في قلبي عليك شي في صالة بيت ابراهيم موضي ميلان ياميلان ميلان يس مدام موضي لا تحطين الغدا الحين لحد مايروح الرجال الي عند بو طلال مشاعل داخله الصاله السلام عليكم اهلين ماما تجلس عند امها وتحط رأسها على كتفها وتتثاوب موضي هلا صحيتي من النوم مشاعل ايه مواعده ربعي نروح العثيم العصر موضي وبسنا هذا حالنا كل اسبوع ماتملون مشاعل يمه تدرين مافيه شي يسلى الا هالمكان نروح نتسوق ونستانس وليد السلام عليك موضي ومشاعل وعليكم السلام وليد من عند الوالد في المجلس موضي والله ياوليدي مدري بس الحارس قال ان فيه واحد يبي ابوك ضروري وليد يمكن بخصوص الشغل موضي يمكن لحد مايجي ابوك ويخبرنا توه داخل طلال السلام عليكم الكل وعليكم السلام موضي وين كنت امس مانمت هنا طلال نمت في المزرعه موضي الله يهداك ياولدي لمتى وانت على هالحال مزرعه وسهر متى تنظم وقتك بكره بزوجك وبتصير عندك حرمه ومسؤوليه طلال لا يالسالمه ماراح اتزوج ولا افكر فيه قال زواج يعني وجع قلب وهم مع الحريم موضي انت مو صغير ناسي ان عمرك الحين صار 31 لمتى وانت اعزوبي وبعدين ابي افرح فيك واشوف اعيالك طلال عندك وليد مشاعل زوجيهم وليد انا توني لحد مااخلص الجامعه هذي اخر سنه لي ويصير خير موضي انا ادري انت معاه تبون تزعلوني وخلو الناس يتكلمون فيني ويقولون اكيد اعيالها فيهم شي طلال يالغاليه لا تفكرين الحين فينا ابوي وينه موضي عنده رجال يبيه ضروري طلال اكيد يبي مساعده من ابوي بكم قرش صاير الوالد كريم كثير موضي طلالوه عيب عليك وبعدين هذا حلال ابوك وكيفه فيه ولازم تتعلمون منه وساعدو غيركم عشان الله يزيدكم في الرزق المهم بروح اشوف الغدا راحت المطبخ وليد قام وجلس جنب طلال ويكلمه بشويش اقول يالبايخ خف اشوي ترا ريحتك قامت تطلع طلال اسكت لا تفضحنا الله يخسك وليد انت تفكر ان الخبر ماراح يوصلهم تكون غلطان ولا مابي اتزوج مايدرون عن ولدهم شمسوي الله يستر منك والله بكره محد بيرضى يعطيك بنته طلال وانت شحارك طالما حلال بكيفي وبدل الوحده عشر اخذ ومنهو يرفض يعطيني بنته يحمد ربه الي بخطب بنته منه واذا تبي ترا عندي لك وحده وبنت يالحبييب وليد خلها لك طلال والله عندي الحين ومكيف عليها مشاعل الحين انتو شعندكم مساسر طول الوقت علموني شعندكم طلال ووليد ششششششششششششششب بصوت عالي ............ في الشقه الساعه 3ونص العصر عماد خلصتي ياقلبي مها ايه هذي الشناط جاهزه عماد اجل بنزلهم السياره شال الشناط ونزلهم السياره واذكرت مها انها ماصلت العصر راحت تصلي عماد رجع ولما شافها تصلي حس انه اخذ مقلب في حياته بعد ماخلصت قامت وشافت عماد واقف ومعصب مها انت هنا عماد تدرين انا حمار الي صدقتك وكنت على نياتي بس تدرين سكر باب الغرفه ويفتح ازرار ثوبه ويمسكها بقوه من يدها مها الله يخليك عماد والله كنت خايفه منك وماعندي شي اقوله الا كذا عماد يرميها على السرير بقوه ويكون معاها مها نسيت بنروح نسلم على اهلنا الحين عماد انسي اهلك مابتشوفينهم الا بعد السفره ^_____________^7 ___7 بعد ماخلصو سيده راحو المطار ............. في المستشفى زاد الوجع على صالح والدكاتره مافي يدهم شي يخففون عنه الوجع وصارت حالته تسوء اكثر سعود وهو فرحان صالح صالح صالح يفتح عيونه بتعب سعود قوم ياخوي هذا ابراهيم عندك مثل ماطلبت ابراهيم لما شاف حالته انكسر خاطره عليه حمد الله على سلامتك يابو حبيبه وماتشوف شر وباس راسه صالح الله يسلمك يابو طلال شلونك وشلون ا عيالك وكان يتكلم بتعب والنفس يضيق اكثر عنده ابراهيم كلهم بخير وانت شلونك وشلون اختي والبنات صالح بنفس عميق ابراهيم اختك وبناتها امانه عندك حافظ عليهم ويناظر في سعود انا ادري ياسعود ماراح تقصر معاهم انت مثل ابوهم الثاني من بعدي بس ابي ابراهيم معاك هذي اختكم امانه عندكم من بعد عيني سعود توكل على الله ياصالح والله بيعطيك العافيه وبترجع لهم ان شالله ابراهيم اذكر الله يابو حبيبه والله ويطول في عمرك صالح وعدوني ان ماراح احد يظلمهم ولا يقهرهم من بعدي ولا احد ينزل دمعه من بناتي ابي اروح وانا مطمن اني خليتهم عند سند لهم من عقب عيني سعود ادموعه انزلت وماهو قادر يتحمل لما شاف وجه صالح بدا يتغير وقلب لونه ازرق والنفس عنده ضيق ابراهيم يمسح دموع عينه ومسك يد صالح يحاول يهدي فيه ولكن في هالحظه صالح رفع صبعه يتشهد صالح اشهد ان لا اله الا الله وان محمد رسول الله_اشهد ان لا اله الا الله وان ................................ سكت وقف جهاز القلب والأشاره اعلان الوفاه صرخ سعود بقوه صاااااااااااااااااااااااا اااااااالح حاولو الدكاتره بجهاز الأنعاش اكثر من مره ولكن صاحب الروح اخذ امانته مات صالح وسعود يصيح على صديق عمره واخوه الثاني احضنه بقوه وهو يودعه الوداع الأخير (لحظه سمحو لي لأني جالسه اصيح تأثرت صج) ابراهيم باس يد صالح وراسه وساعد اخوه يقوم من الغرفه ..................... في مكتب ****ي الساعه 4 ونص بسام الله يسلمك هذي الأراضي الي عندك مواقعهم كثير زينه واذا صبرنا عليهم سنه سنتين بنحصل رباحه كبيره فيهم بندر زين اجل نشتريهم والأراضي الي عند العثيم بسام لا ابشرك خلاص صارو في المخبه شريناهم وهذي الله يسلمك ميتين الف ثمن اراضي بعناهم بندر طيب خذ منهم حقك وحط الباقي في حسابي بسام ان شالله في نفسه طالما بندر راضي عنه الحين بيفاتحه بموضوع اخته ويطلب يدها الي شافها ذاك اليوم بس يدق جواله ويشوف ليال المتصل بسام هلا خير ليال بسام تعال عشان نودي عمتي وبناتها المستشفى موعد الزياره الحين بسام وابوي وينه ليال مدري ولا يرد على جواله بسام زين مو الحين ماني فاضي لما ارجع ليال بساموه لا تصير سخيف يعني عمتك اهم من شغلك الحين بسام سكري الحين وبعدين نتفاهم بعد ماسكر بندر اذا اهلك يبونك ضروري روح لهم بسام يبون يزورون زوج عمتي في المستشفى بندر لا روح لهم وانا بسكر المكتب جاين جماعتنا من مكان بعيد وحاب اجلس معاهم بسام طيب نتقابل بعدين بندر لا اليوم ماراح افتح المكتب بكره ان شالله بس الأوراق الي عندك ابيهم بخصوص البيوت بسام عندي بس نسيتهم في البيت بندر اجل خلنا نروح واخذهم كل واحد ركب سيارته وحركو لحد ماوصلو بيت بسام نزل ودخل البيت ليال زين شرفت يالله نمشي بسام لحظه بجيب اوراق اعطيهم بندر ليال بستناك في السياره اخاف تنحاش والبست عبايتها واطلعت لسياره وشافت سياره ثانيه واقفه ورى سيارة اخوها اركبت سيارتهم وكانت تشوف بالمرايه واحد جالس بثقه وهيبه وكأنه مفكر روحه امير وشافت بسام يطلع ويعطيه اوراق ويسلم عليه ويمشي ركب السياره بسام كلمتي عمتي تجهز ليال جاهزين بس خل نوصل لهم واكلمهم يطلعون الا هذا منهو بسام هذا بندر الي اشتغل عنده ليال هذا اخو مزنه بسام ايه اخوها وان شالله يرضى ويزوجني اخته ليال ماقول الا الله يهديك ياخوي بسام شايفتني مجنون يالخبله ليال لا بس شقول انسى خلاص "تحلم ياخوي يعطونك بنتهم انت مو مثلهم" يقطع تفكيرها صوت جوال بسام هذا ابوي .......هلا يبا........ يبه شفي صوتك شفيك............ بصرخه مااااااااااااااااااااات لا حول ولا قوة الا بالله ليال متخرعه شفيكم من الي مات تكلم بسام بسام وقف السياره على جنب زوج عمتي صالح عطاك عمره ليال شهقت لا تكذب عمي صالح مات وبدت تصيح لا حول ولا قوة الا بالله بسام خلك قويه عشان عمتك والبنات بوديك لهم ليال لا ماني قايله لهم كلم ابوي يروح يبلغهم بسام ابوي الحين عندهم في البيت يقول مع عمي ابراهيم ليال ابراهيم ومتى طلع عمك بعد بسام مدري خلينا نروح والله يعينا على هاليوم ........... في بيت حبيبه سعود جالس يصيح وجنبه ابراهيم وام حبيبه مصدومه ماهي مصدقه الكلام الي قالوه لها رفيق عمرها راح وخلاها بروحها مع البنات ام حبيبه خلاص صالح راح ماني شايفته مره ثانيه كان يوصيني امس على البنات كان حاس بيودعنا لا ياصالح لا واصرخت بقوه ادخلو البنات منى يمه شفيكم خالي شفيها امي شهد راحت لأمها واحضنتها سعود يابناتي انتو مؤمنات بربكم وابوكم تعب كثير من مرضه وربي ارحمه وريحه طلبو له بالرحمه والمغفره ويسكن جنته منى ماااااااااااااات ابوي مات وراحت تحضن امها واختها وصياح يقطع القلب حبيبه لا انتو كذابين ابوي مامات بيرجع خالي سعود ابوي بيرجع بس راح يغسل كليته وبيرجع قول بيرجع خالي ابراهيم خاف عليها لأنها جاتها حاله غريبه قام لها ومسك يدها يهدي فيها ذكري الله يابنتي والموت حق علينا وصاحب الروح اخذ امانته جلسها جنبه حبيبه يمه منى شهد ابوي راح سقف البيت راح الأمان راح معاه مافيه احد معانا سعود وهو يحضن اخته عشان تهدا حبيبه صلي على النبي وانا خالك انا موجود وخالك ابراهيم بعد حبيبه صارت تلطم خدودها بقوه وتصرخ بحاله هستيريه ماهي مصدقه وعلى السانها راح الأمان راح الأمان ابراهيم حضنها ويهدي فيها لحد مااغمى عليها ................... الخبر انتشر عن وفاة صالح ولما درو البنات راحو لهم عشان يوقفون معاهم وكان يوم صعب عليهم حزن وصياح ................ في بيت ابراهيم موضي تلبس عباتها يالله مشاعل ماتبين تروحين العزا معاي مشاعل بصراحه يمه مااعرف احد منهم خليها بكره يكونون اسكتو من صياحهم موضي بس يابنتي هذا زوج عمتك ولازم تكونين موجوده واقفه مع بنات عمتك واكيد بيذكرونها لك مشاعل خلاص بكره الصباح اروح ان شالله طلال ووليد داخلين عليهم طلال يالله يمه جاهزه موضي ايه خلونا نمشي وخلكم ارجال ووقفو مع ابوكم وعمكم في العزا سامعين وليد اكيد مايبي لها كلام طلال يالله نلحق عليهم .......... مر اول يوم بليلته صعب كثير عليهم افقدوه وسلمو امرهم لربهم ثاني يوم من العزا ليال يالله بنات تعالو اكلو شي من امس ماكلتو شوشه حبيبتي حبوبه اكلي هذي القمه من يدي عشاني حبيبه مابي ماني جايعه فطوم يالله بنات شوفو وجيهكم صفرا امون شهد منى يالله اكلو منى محد له نفس ياكل والله الله يرحمك يبه كان يغصبنا عشان ناكل معاه ليال طيب حرام عليكم عمتي شذنبها تزعلونها زياده اذا ماكلتو حتى اهي ماهي ماكله وكل اشوي يغمى عليها على الأقل ساعدوها واكلو معاها فطوم يالله قومو ناكل مع خالتي يمكن تشتهي تأكل شوشه اذا صج تحبون ابوكم الله يرحمه قوم واكلو مع امكم عشان تاخذ دواها لسكر منى يالله بنات عشان امي مالها ذنب خلونا نروح لها ........... في بيت بندر مجتمعين في الصاله ابو بندر وين امي ياام بندر ام بندر راحت مع اختك بيت وحده يزورونها بندر وين البنات مالهم حس اليوم ام بندر فوق في غرفهم انزلت طرفه مع بدور سلمو واجلسو وكان وجه طرفه تعبان بندر الحلو شفيها متنفخه عيونها سلامات بدور ابو صديقتها متوفي امس وزعلانه بندر لا الله يرحمه طرفه يمه روحي معي ابي اشوف شهد والله قلبي واجعني عليها ام بندر نروح نقوم بالواجب بكره ودنا بندر بندر طيب بس هم من طرفه صالح ناصر ال... بندر صج هذا زوج عمة بسام توفه وبلغني وكنت ناوي اروح بكره اعزي ابو بندر اجل كلنا بكره ان شالله نروح ............... ثالث يوم من العزا لما درت مها ان ابو حبيبه مات سوت مناحه لعماد وماسكتت صياح عماد خلاص ياقلبي هذا امر الله ومالنا يد فيه مها لا ابي ارجع الحين ابي اشوف حبيبه الله يساعدك يالغاليه عماد يعني شبتسوين لها والبنات فيهم الخير مها انتش فيك ماتفهم ابقي ارجع خلاص مابي اجلس هنا عماد ياقلبي مافيه حجز الحين واحنا بعد اسبوع راجعين ان شالله مها روح المطار الحين يمكن تلقى حجز وفيه طياره راجعه السعوديه عماد سمعي ياقلبي انا بروح المطار وبشوف اذا فيه حجز قريب قدمته لنا خلاص ارتاحي واهدي مسح ادموعها وحضنها عشان ترتاح ................. مر يومين والكل مؤمن بقضاء الله وقدره وفي ذاك الوقت كان ابراهيم مايفارق اخته والبنات الا وقت النوم كأنه يبقى يعوضهم عن حرمانهم وخاصه لما وصاه صالح عليهم حتى شهد ماتوقعت طيبة خالها ومعاملته الطيبه معاهم كانت تظن انه انسان قاسي القلب ومتحجر لكن كل ماشافته ماتسمع منه الا الكلام الطيب والحظن الدافي ................... في بيت فطوم فاطمه جالسه في غرفتها وحاسه بتعب من بعد العزا ام نواف تدخل عليها فطوم يمه شفيك تعبانه فطوم لا بس والله افكر في حبيبه وخواتها وامهم الله يكون في عونهم ويصبرهم ام نواف ان شالله مالهم الا العافيه والي خالقهم مابينساهم المهم الحين قومي لبسي ونزلي تحت اضيوف اخوك اوصلو من الأمارات وصعبه مايشفونك فطوم معليه يمه اعتذري لي والله وجهي تعبان واصفر ومالي خلق البس واتزين ام نواف مش لا زم تتزينين لبسي وتعالي فيه بنات كبرك يالله يمه قامت فطيم والبست بنطلون جنز وبلوزه ورديه ناعمه بكم وارفعت شعرها انزلت وسلمت عليهم ورحبت فيهم ام مطر ماشالله ياام نواف هاي بناتج ماعندج غيرهم ام نواف ايه بنتين وولدين وانتي يالسالمه ام مطر عندي اولدين وثلاث بنات هذي ميثه وهذي جواهر واليازي عند ريلها مايات ويانا ام نواف نشوفها على خير ان شالله ام مطر اكيد بتشوفونها ان شالله بعد اسبوعين عرس جواهر وبتحضرونه اكيد ام نواف الله يسعدها ان شالله البنات تعرفو على بعض وسوالف في البدايه فطوم مالها خلق بس بعدين ارتاحت لهم وسالفت معاهم وخبرتهم عن ربعها ووعدتهم يتعرفون عليهم بس مره ثانيه امون اقول جواهر زوجك يقرب لك جواهر هيه ولد عمي ميثه ولو تشفون سوت لنا عشان ترضى عليه امون طيب اذا اهي مو موافقه ليه غصبتوها ميثه امون يالشيخه تراها ملكت عليه يعني ماشي فايده ترفض جواهر اصلا ماوفقت عليه الا لما سو التحاليل الكامله وخاصه عن الأمراض المعديه وتأكدت انه سليم ومافيه شي فطوم تبتسم كل هذا خوف ليه جواهر هيه ابويه اخاف على نفسي واحد يسافر دوم وتبيني ماخاف انا عندي مبدء ان الريال الي يسافر كثير مايخلى من سوالفه امون لا حرام مو كلهم والله فيه ناس يخافون الله وماعندهم سوالف بطاله ميثه عاد قولي لها والله ان ريالها والنعم فيه بس شغله دوم يرسلونه دورات خارجيه مو بكيفه جواهر زين وانتي امون مخطوبه امون لا بس الله يسمع منك ميثه وانتي فطيم مرتبطه فطوم لا ماني مرتبطه بأحد ميثه تشتغلين فطوم يعني تقدرين تقولين اشتغلت وماشتغلت جواهر فهمينا هاي شلون فطوم لما جاتني الوظيفه توفى ابو صديقتي ولا قدرت اداوم بس بكره بروح ان شالله جواهر الله يوفقج ان شالله ظلوا هل مطر يومين تمشو واستانسو ومن كثر ماتكلمو البنات في امون وفطوم مطر حس بأعجاب بفطوم خاصه ان شافها ............... ملاحظه هامه اعمار الأبطال في روايتي تتراوح من 30 نواف ومطروعماد 31طلال وبندر والبنات من 25 و26 بصراحه حبيت تكون روايتي هذي تعبير للحب في هذا السن لأني قريت اذا موكل اغلب الروايات تكون البطله عمرها 17 والبطل 22وكأنى الحب لم يخلق الا في هذا العمر فالحب الحقيقي وبمعناه الصادق لا يقتصر على عمر معين فما اجمله في وقت النضوج وتعابيره الصادقه وجهة نظر للكاتبه ......... وللحديث بقيه تابعو بااااااااااااااي