إسمحيلي من النظرة الأولى و كوني أم أولادي - الفصل 3 | روايتك

الفصل الثالث عماد مو وقت الكلام خلاص مها لا لازم تعرف انا انا فيني عماد قولي شفيك مها مااصلي بسبب الي كل شهر تجيني عماد بعد مافهم عصب المسكين وليه ماعملتي احتياطك لها مها صدقني كنت مخلصه بس يمكن من الخوف جات عماد يحاول يمسك اعصابه ياقلبي ولا يهمك المهم انتي الحين عندي وهذا الشي لاحقين عليه بس ماتحرميني انام بحضنك سامعه _^_ .................. ثاني يوم في بيت حبيبه الساعه 10 الصباح ام حبيبه تتصل تلفون هلا اخوي سعود شلونك سعود بخير وانتو شلونكم وصالح بشريني عنه ام حبيبه ياخوي صالح تعبان كثير والبنات نايمين محتاجه لك نوديه المستشفى سعود خلاص خلكم جاهزين وانا بمر عليكم الحين يالله مع السلامه .............. في بيت فطوم حمد جالس يتقهوه في الصاله ويقرا الجريده ام نواف صباح الخير حمد ابو نواف هلا صباح النور غريبه جلستي من بدري من عقب امس ام نواف تدري ماحب اطول في النوم وبجهز الغدا حمد لا تعبين نفسك اجيبه وانا جاي اذا صليت الجمعه والعيال اجلسو عشان الصلاه ام نواف نواف جلس وقلت له يجلس سالم حمد الا عرس امس زين ام نواف ايه ماشالله مرتب وهادي الله يوفقهم ويبلغني بنواف ان شاللله نواف توه داخل عليهم هذا الدعوات الحلوه في يوم الجمعه كثري منها يالغاليه ام نواف والله اذا معزم على الزواج من اليوم ادور لك على بنت الحلال نواف ماعندي مانع بس بشرط حمد ياولدي لا تتشرط عشان الله يوفقك اهم شي بنت ناس واجاويد ام نواف وليه مايتشرط اولدي ماشالله عليه كامل والكامل وجهه سبحانه وسيم وشغلته حلوه في الأتصالات وراتبه زين تشرط يمه على كيفك نواف لا بس كل الي ابيه تكون مقبوله ومؤدبه واهم شي راعية بيت ابيها طباخه ام نواف خلاص من اليوم ادور لك وان شالله ربي يوفقك نواف ايه صج قبل لا انسى ترا بعد يومين بيجي مطر مع اهله يبون يتعرفون عليكم وبعد يتمشون هنا حمد حياهم الله ولا تقصر ياولدي فرجهم على كل شي عندنا نواف اكيد لا تحاتي ام نواف الا بسألك هم من وين من الأمارات نواف من ابو ظبي ام نواف وهم متريشين عندهم خير نواف ايه ماشالله عليهم لما زرتهم ذيك السنه شفت بيتهم تقولين عن ثلاث بيوت ام نواف الله يهنيهم ويزيدهم .............. في بيت بندر الجده وضحى ياطرفه يابنت طرفه طالعه من المطبخ لبيه يالغاليه امري ياجدتي وش بغيتي الجده اقول شعندكم في المطبخ لكم اكثر من ساعتين فيه طرفه سلامتك بس امي وحريم اخواني يزينون الغدا وانا وبدور قلنا نسوي حلى لكم ابو بندر وبندر داخلين الصاله السلام عليكم الجده وطرفه وعليكم السلام ابو بندر شلونك اليوم يالعجوز الجده بخير دام اشوفك مع السالم بخير بندر الله يخليك لنا يالغاليه ويطول في عمرك الجده امين والله اني مابرتاح لحد ماشوفك معرس ياولد بندر متى ماربي بيكتب بصير ابو بندر اقول اترك عنك الهرج وانا ابوك انت كبير منت بصغير تدري كم عمرك وترا عمامك كلهم يتمنونك لوحده من بناتهم طرفه لا عاد سمحولي اخوي هذا غير مو أي وحده ياخذ لازم تكون من نفس مستواه في التعليم الجده اقول اسكتي ولا يكثر اهم شي حرمه تقوم بواجبه وتجيب له ورعان بندر ياجماعة الخير ممكن تنسوني اشوي ترا للحين ماكونت نفسي عدل وانت يبه تدري اني الحين اشتغل اعمال حره وانا في زياده فيها الحمدلله بس بعد ودي يكون كل شي مني اذا بتزوج من مهر وعرس وسكن الجده وابوك وين راح وعمامك بيخلونك اكيد لك عانيه منهم ابو بندر لا تخاف ياولدي الخير واجد بندر ادري ولا بتقصرون بس انا ابي كذا ولا تستعجلون على الله يخليكم بدور طالعه من المطبخ وانا اقول وين راحة وخلتني اكمل عنها هلا بحبايبي ابو بندر هلا بشيختنا شلونك بدور بخير طرفه ايه دلعها على حسابي مو بنتك انا بعد بندر انتي نور البيت لا تزعلين بدور مدري ليه حاسدتني يمه منك الا حبيبي بندر انت فاضي اليوم بندر ليه تسألين طرفه بصراحه ودنا نتغدا في البر وخاصه ان الجو حلو بندر خلاص تجهزو بعد الصلاه نمشي يالله يبه نلحق على الصلاه ................ في المستشفى الدكتور والله حالته ماطمن يحتاج غسيل كليه الحين سعود بصراحه دكتور خوفتني لما اسألتك اختي اذا بيطلع اليوم معانا قلت لا لازم يظل تحت الملاحظه قول لا تخبي علي الدكتور ماكذب عليك بس حالته تدهورت كثير وجسمه ماعاد يتحمل غسيل للكليه سعود يعني خلاص ماله امل الدكتور ربك كريم ادعي له الله يهون عليه سعود بعد مامشى الدكتور عنه ان لله وان له راجعون لا حول ولا قوة الا بالله دخل للغرفه الي فيها صالح وكانت ام حبيبه جالسه جنبه تقرا عليه سعود ماتشوف شر يابو حبيبه صالح الشر مايجيك ماعليك امر يابو بسام رجع اختك للبنات اخاف يصحون من النوم ولا يشوفون احد ام حبيبه انا بجلس معاك وسعود يروح يقول لهم صالح لا يام حبيبه روحي لهم وتعالي وقت الزياره يالله ياسعود خذ اختك سعود وهو صادق خلينا نمشي والعصر احنا عنده ام حبيبه زين اخليك على خير صالح ام حبيبه لا اوصيك على البنات ام حبيبه ماتحملت وانزلت ادموعها الله يطول في عمرك ويخليك لنا واطلعت من الغرفه وهي تصيح صالح سعود بغيتك في خدمه سعود تامر ياخوي الي تبيه صالح بعد ماترجع اختك البيت تعال لي سعود ابشر ولا يهمك وطلع ............ في شقة معاريسنا عماد يالكسلانه يالله قومي بسك نوم مها كم الساعه عماد12ونص يالله قومي جهزي شنطتنا وانا بروح اصلي وبجيب الغدا معاي مها زين وين بنروح عماد ماليزيا مها وناسه عاد انا حبيتها من كثر مامدحو فيها عماد طيب قومي خلصي عشان العصر نسلم على اهلنا مها اوكيه في المستشفى سعود امر ياخوي شبقيت صالح ابيك تجيب لي ابراهيم هنا اذا تقدر سعود انصدم ابراهيم اخوه الي ماشافه من 20 سنه بعد اخر هوشه بينهم بسبب الورث وبعد كل واحد اخذ ورثه سعود وام حبيبه ادخلو في الأسهم واخسرو كثير فيها أرجعت الذكريات لسعود كأنها صاررت اليوم صالح سعود مارديت علي سعود الله يهديك ياصالح شتبقى فيه انت اهتم في نفسك الحين صالح طلبتك ياخوي ابي اشوفه قبل لاتجي الزياره ويجون البنات وامهم سعود والله خاطرك كبير عندي وابشر بروح عشانك قام وهو ماهو عارف كيف بيقابل اخوه بعد كل هاسنين ........... في بيت ليال الساعه 2الظهر ليال الو اهلين فطوم شلونك فطوم تمام انتي شلونك عقب امس ليال والله احس جسمي مكسر اول مره ارقص رقص مثل كذا فطوم ايييه حتى انا مااحس بعظامي تعبت الا مها محد كلمها ليال مجنونه نكلمها تبين عمادوه يعضنا خليها بعد يومين ونكلمها فطوم طيب كلمتي البنات ليال لا ماكلمت احدالمهم فطوم عندي لك وظيفه تبقينها فطوم ما اقول لأ وينها ليال سمعي تو صاحب المؤسسه مكلمني ويقول ان وحده من البنات اتركت الشغل ويبقى وحده بدالها فكلمني بحكم اني احسن وحده من البنات وقلت عندي وحده شاطره وبتنفعنا ان شالله فطوم افاا عليك بشري اصلاا انا مكسب لكم لأني بنافسك وبصير احسن وحده تبيع منتجاتكم ليال عاد لا تنفخين روحك واجد انا فكرت فيك لأن انتي في حارتكم تجمعات حريم يوميه من الصبح والعصروالمغرب فرصه تعرضين عليهم بضاعتنا فطوم ولا يهمك عند وجهك مالك الا ابيض وجهك بس متى الدوام ليال بكره الساعه 8ونص تجين المؤسسه وهناك اعلمك شتسوين اوكييه فطوم خلاص عند الموعد ............... سعود جالس في مجلس كبير واثاث فخم وكان متوتر كيف بيقابل اخوه عقب طول هالسنين واذا اطرده كيف بيتحمل بس عشان صالح بيتحمل كل شي ظل ينتظر ربع ساعه وبعدها فتح باب المجلس وبخطوات قريبه مصدق ومكذب الي يشوفه قدام عيونه ......... تتوقعون كيف بتكون المقابله بينهم تابعو الباقي بكل هدوء ؟؟؟؟؟؟؟؟؟؟؟؟؟