الفصل 4
البارت الرابع
*****************
راكان :الا اقولك ياابو نايف
ابو نايف:سم
راكان :سم الله عدوك كم بنت عندك
ابونايف شاق الحلق :عندي بنتين
راكان الله يالبلشه ادحين كيف اعرف ايت وحده فيهم
ابو نايف:بس
راكان :بس ايه؟
ابو نايف :وحده بنتي ووحده موبنتي
راكان:مافهمت وضح اكتر
ابو نايف:يعني وحده انا متبنيه من الجمعيه يعني بنت حرام
راكان:الله يجازك خير
ابو نايف :ووحده بنتي
راكان يكلم نفسه اجل شكلها مو بنته اجل من وين جايبه الجمال هاد
احسن شي انو مالها احد عشان اقدر اخدها على كيفي وابو نايف عبد الفلوس
راكان :اوكي شكلها خالتي بتتاخر عند جارتها انارايح واجي مرا تانيه ان شاء الله
ابو نايف:ان شاء الله يلا مع السلامه ولاتقطعنا
راكان:ان شاء الله
ركان خرج من البيت ولقى البدي قارد حارسين البيت كلو مشي على السياره والبدي قارد استنو الين لما دخل السياره بعدين ركبوا سيارتهم ومشيوا من الحي الفقير اللي حتى البدي قارد متقرفين منو
مشي راكان من الحي الفير مشي بجسده لاكن عقله وتفكيره لسى في الحي
*****************************
عند سديم
سديم :كم مرا قولتلك اني ماراح اتغدا مع اشكالو
ام بيان:سديم شوفي ترى ماني فاضيتلك عندي مشوار بعد الغداء يالله قومي
سديم :انا زوجك هادا ما اطيقو
عارفه ايش يعني مااطيقو
ام بيان :شب و لا كلمه انتي الحق على اللي يعطيك وجه هاد اللي عازك ورازك فاهمه
سديم:والله ماتشحدتو عشان يعزني ويرزني
ام بيان:يالله قداني على الغداء
والله وشوفي قلت والله ياسديم لو اجلس على السفره واعد الين 10 وانتي ماجيتي لاتشوفي شي عمرو ماجاك مني فاهمه
وخرجت ام بيان
سديم بصوت عالي :اف ياربي
شويه دخلت عليها بيان
بيان :سدومه حوبي قومي اتغدي معاي والله ان السفره بدونك مالها طعم
سديم طالعتها بكل حب وحنان تحب بيان مرا سديم تعبتر نفسها ام لبيان وبيان مرا تحب سديم
سديم:ترى راح اروح اتغدى بس مو عشان الشايب اللي برا عشانك انتي بس
بيان نطت عليها وحضنتها
بيان :يافديتك يااحلى اخت بالدنيا
سديم :يالله قومي كسرتيني
بيان باوسع ابتسامه:يالله
بيان(تحب سديم مرا مع انها عارفه انها لقيطه بس مرا تموت فيها وتفتخر فيها عند البنات يا ويله ياسواد ليله اللي يسبها وهيا فيه تاكله اكل
راحوا سديم وبيان للغداء
سديم :هاي
ودخلت جلست
بيان راحت عند كرسي ابوها:هاي دادي وباستو على خدو
ابو بيان:شوفي كيف البنات يسلمون مو انتي كانك رجال تسلمين من بعيد لبعيد وتجلسين
سديم:اف خليني اتغداء لاتسد نفسي
ابو بيان :انا اسد نفسك ياقليلة الادب
بيان:بابي خلاص عشان خاطري سديم هادي اليومين اعصابها تعبانه
ابو بيان:لاتبري احد من يوم يومها وهي كدا
بيان :راحت باست راس ابوها خلاص هادي المره بس عشاني
سديم :بيان لاتذلي نفسك لاحد
ابو بيان:سديم بعدي عن بنتي لاتخربيها بافكارك
سديم:انا اخربها عشان اقوله لاتذلي نفسك لااحد
ابو بيان عصب:فهميني كيف تذل نفسها لاحد ليه وانا ايش اقربلها
سديم:يعني حتى لوكنت قريبي مااحني راسي لك
ابو بيان عصب :اقول انتي اخر وحده تتكلمي عن الاقارب لانو ماعندك اقارب
سديم ضحكت بسخريه:والله لو اقاربي كانو زيك شكرا ماابغاهم
وخرجت سديم من غرفة الطعام وهي تضحك بصوت عالي
والخدم يطالعوا فيها هادي مجنونه
احد يرد على ابو بيان
ابو بيان كلهم يخافوا منو ماعاد سديم عشان كدا مايناديها لما يجيوا اخواتها يعني عمات سديم
لان الكل يحسبله الف حساب ماعدا سديم
بعد سديم بيان وقفت
بيان :الحمد لله شبعت
ابو بيان:ان شاء الله بتتركي غداك عشان بنت لقيطه ماتعرفيها
بيان عصبت ماتحب احد يسب سديم
بيان:لاعاد تقول انها لقيطه هادي مو لقيطه هادي اختي فاهم ايش يعني اختي واذ بتقول عليها لقيطه اجل حتى انا لقيطه
ابو بيان وقف وعيونه حمر
ابو بيان :تقولين على نفسك انك بنت حرام عشان وحده زي كدا
بيان:ايوا اقول على نفسي لاني احبها اكتر منكم كلكم
وراحت على غرفتها وهي تبكي
عند سديم مسحت دمعتها بسرعه
وفتحت دفترها اللي لونه اسود
وكتبتــــــــــــــــــــ ـــــ
اه يازمنــــــــــــــــــــ ــــــــ
مشكله ..لا صرت وافي مع ناس كذابه
مشكله.. لاصرت شامخ في زمن الانكسار..
********************************
راكان :مامي انتي فينك؟
ام راكان :انا ادحين ماني في البيت ابروح عند خالتك ام روان
راكان:انتي ادحين في الطريق
ام راكان :لا انا في كوفي واشويه واروح
راكان يالبيه بروح عن الموزا:اوكي لاتتحركي خمس دقايق وانا جايك من زمان عن خالتي
ام راكان:طيب استناك
راكان:يالله باي
ام راكان:مع السلامه
راكان جلس يصارخ من الفرحه وراح يزبط شكلها في المرايا وجالس يبخ على نفسو عطر راكان يكلم نفسو
راكان :يالبيه الوسيم
ومشي بسرعه
***********************************
Like