الفصل 6
علي قرب منها وحضنها بكل قوة وشم ريحة شعرها وسكر عينه : آســـــف
نورة انحرجت وحست جسمها كل يشتعل نار ووخرت عنه
علي تدارك نفسه ورجع على ورى
نورة قامت وراحت ناحيتها من السرير وتلحفت وتحاول انها تنام
علي تلحف وصد عنها خاف انه لاشافها ما يقدر يمنع نفسه منها ومن لذة قربها
بعد ساعة نامت نورة
لكن علي ظل صاحي مايقدر ينام انقلب ناحية نورة وشاف شعرها الطويل الي ياخذ عقلة مد يدة بشويش بعد ما تأكد انها نامت وسحب شعرها وحطة على مخدتة وحط راسه عليه وقمظ عينه وظل يشم ريحتة وحس بالنار الي في قلبة تنطفي لحد ما نام
صباح يوم السبت
في قصر فهد
مها حابسة روحها في الدار وما تطلع وماتخلي حد يدخل عليها
هينا : بليييز مها افتحي باب
مها رمت الكاس الي في يدها على الباب بقوة : روحووووااا مابــي اشوف حد مااااااااابي
هينا خافت ووخرت
اينا تحاول معاها :مها ان ماتفعلينة خطر على صحتك
مها تصارخ : ماتفهموووون قلت روووحوا مابييي اشوف حد
فهد مر من صوبهم وشاف اينا وهينا : ماذا بكم ؟
هينا : لقد مرت اربعة ايام ولم تدع احد يراها وهي فقط تصرخ ومرات لا نسمعها بتاتا
اينا : انها هكذا من رجعتم ارجوك سيدي حاول معها
فهد قرب من الباب وطقه : مها فتحي الباب ابي اتكلم معاج
مها لما سمعت صوته راحت للباب وفتحته
فهد تخرع كأنه شايف شبح عيونها حمرا وخدها ابيض واثر الدموع عليها وشفايفها محمرة
مها تشوف عينه وتتنفس بعصبية : انت مارحت شهر عسل ثاني ؟
فهد ببرودة الي يقتل : عن قريب ان شاء الله
مها حست بدوخة قوية وسكرت الباب قبل ماتطيح على الارض
دخلت اينا : مها ماذا بكِ
مها بتعب : دايخة
اينا ما فهمت : ماذا ؟
مها : رأسي يؤالمني
اينا تهز راسها : انتِ لم تأكلي اي شئ اكيد ستشعرين بالتعب اجلسي سأجلب لكي الفطور
فهد يراقب الي يصير : مها بليز عن هاي الحركات انتي كنتي تدرين اني ممكن اتزوج عليج واحنا من البداية كان اتفاقنا على زواج صوري
مها لفت عليه وبكل تعب واذلال : حقك علي وكلامك صح 100 بال100 بس لوسمحت لا ترويني ويهك
فهد بكل هدوء سكر الباب وطلع
مها قمظت عينها ورجعت راسها لورى خلاص تبي ترتاح وتشل فهد من راسها
رجعت اينا بالفطور وتريقت وبدلت ملابسها وانسدحت على الكرسي ونامت واخير نامت بعد تعب وسهر
بيت بو احمد
الساعة 10 الصبح
الكل قاعد يتبرز ويعدل شنطتة لان الطيارة اليوم الساعة 2 الظهر
ظبية : ساروة شفتي اللثمة الي عطتني ايها امي
سارة : في الدرج الاول بس ليش بتحطين لثمة في مصر من صجج؟!
ظبية : انتي بعد حطي لان ولد عمج المصون بيكون ويانا واربع وعشرين ساعة بيكون مجابلج
سارة : اففف
دانة : انتو تنيازون انا مب حاطة شي
دخلت شيخة وهي لابسة عبايتها
شيخة :هاااا توكم تسون شناطكم !
سارة : شخوة ولي سلمج مالي خلقج طلعي برا لاخلصنا بني تحت
شيخة حز في خاطرها وطلعت بدون كلام
ظبية : ساروة ليش تكلمينها جي
سارة : انتي سكتي عني
دانة تهز راسها وتسكر شنطتها : انا نازله لها خلصت
شيخة لما طلعت مشت وراحت صوب الدري (السلم ) وقعدت تمسح دموعها
احمد راكب الدري وشافها : شيخة
شيخة رفعت راسها : هلا
احمد قعد جنبها : شفيج ؟ من زعلج
شيخة ابتسمت : لا بس مضايقة ان ابوي مب رايح معانا
احمد يقمز لها : تقصين علي يلا قولي من زعلج من خواتي ؟
شيخة مستحية مب متعودة انها تكلمه ومب مستوعبه انه صار زوجها : لا عادي انا ما ازعل منهم
احمد مسك يدها يقومها : عيل قومي
دانة طبت عليهم : اوووه اووه حركاات قلنا ملجتوه بس هاي الحركات خلها حق بعد العرس بتشبع منها
شيخة ماتت حرج
احمد ولحد الحين ماسك يد شيخة : وانتي شتبيين انا ومرتي بينا كلام قاطة اذنج ليش
دانة تجر شيخة وتنزل معاها : اممم ماعلية بمشيها لك هاي المرة ومب معلمة عمي لكن اشوفك تعيدها وخلي عمي يمنعك من شوفتها لين يوم العرس
احمد خاف من تهديدها لان الشيبان لين الحين مايرضون بهاي الحركات حتى لو كانت مرتة عندهم مايصير يكلمها الا عقب العرس : خلاص يابنت الحلال ماني مسوي شي بس قطي علي
دانة مستانسة : هههههههههههههههه اوكي
ونزلوا عنه
في الصالة
شيخة تضرب دانة : يحمارة فشلتيني
دانة تحط اصابعها تحت عينها : يمممه منج انتي ماصدقتي تشوفين اخوي الا وسولفتي معاه
شيخة تبقق عينها : ويعة ان شاء الله متى شفتة يالخراطة من عقب الملجة ماشفتة الا الحين
دانة تضحك وفرحانة لهم :هههههههههههه الله يخليكم لبعض وتمم زواجكم على خير
شيخة تبتسم : اميين
العم يدخل الصالة : يلا وين شناطكم خل نحملها بالسيارة
دانة : لحظة بقول لساروة وظبوي ينزلون الشناط
وبعد ساعتين
بواحمد : يلا يابنات لا تأخرونا ورانا طريق لين الدوحة
سارة تركب سيارة احمد : انا في السيارة نادهم هم
دانة تسحب شيخة وركبوا في سيارة احمد
شيخة بصوت واطي : ويعة هديني بروح مع اخوي
احمد سمعها : مالج حاية قري مكانج
شيخة استحت وسكتت سارة ودانة يضحكون عليها
ام احمد : انا بركب مع ولدي يا بو احمد انت روح مع جاسر
ابو احمد : ان شاء الله بس وين ظبية اخرتنا
ركبت ام احمد مع احمد ومشوا
في السيارة
ام احمد جدام مع ولدها ووراها سارة وفي الوسط شيخة ودانة ورى احمد
سارة : احمد حط صوت الخليج ابي اسمع وطني الحبيب
دانة : لا ولي سلمك حط شريط فهد الكبيسي
احمد يشوف شيخة : وانتي شتبين ؟
سارة تضربها ودانة تضربها
شيخة عناد فيهم : ابي اذاعة الريان
سارة ودانة يخزونها بحقد
احمد حط الاذاعة وهم مشغلين اغنية (ياجر قلبي )محمد عبدو
ام احمد وتزكرت ولدها الثاني وتحاول تخفي دمعتها: يازين ماخترتي ياشيخة هاذي خوش اغناه
شيخة استانست
نرجع لبيت بو احمد
بو احمد يدخل البيت معصب : يلا ياظبية اخرتينا امج وخواتج راحوا وانتي لين الحين ماطلعتي
ظبية واقفة جدام المنظرة تحط لثمتها :لحظة يبا ابي اضبط اللثمة ماعرف لها
بو احمد مستغرب اللثمة : شمعنا لثمة هاي المرة
ظبية : لان ولد عمنا بيروح معانا واذا حطيت غشوة مب شايفة شي
بو احمد يضحك :ههههههه يلا يلا لا تأخرينا
طلعوا عند الباب
ظبية بغباء : وين احمد ؟
بو احمد : راح بينطرج ساعة تتبرزين
ظبية بتوتر: عيل مع من اروح ؟
بواحمد : يلا ماتشوفين سيارة ولد عمج جدامج يلا ركبي خلصينا لا تطير الطيارة عنا
ظبية خافت ماتت رعب لا ماتبي بعد اخر موقف صار لها ماتبي تشوف رقعت ويهه: لا يبه خل نروح بسيارتك
بو احمد عصب : يلا عاد بلا دلع ان ماركبتي بخليج وبروح
ظبية والدمعة في عينها : ان شاء الله
ركب بواحمد جدام
وركبت ظبية وراه عشان مايشوفها جاسر من المنظرة
جاسر يشوفها وهي تتكلم مع عمه استغرب يبي يعرف من هاي اللي بالثمة نزل الدريشة وقعد يسمعهم وعرف انها ظبية وماعرف ليش فرح
بواحمد يسكر الباب : يلا مشينا
جاسر : توكلنا على الله
طول الطريق بو احمد يسولف مع جاسر وجاسر يرد عليه
اول ماوقفوا عند الاشارة
جاسر حرك المنظرة عشان يقدر يشوف ظبية
ظبية انتبهه لحركتة وتنرفزت شقصدة من هاي الحركة صج قليل ادب
جاسر حط اغنية ماجد المهندس (سحرني حلاها) ويشوف ظبية من المنظرة ظبية وظبية تبي الارض تنشق وتبلعها
ظبية في نفسها : افف شيبي هاي استغفرة الله شقصدة من هاي الحركة اخخ ياربي الطف فيني
جاسر في داخلة : هيين ياظبية تلبسين لثمة وعينج تبان ولا شاخطة العين بالكحل بعد ان ماخليتج تتحسفين ماكون جاسر
بو احمد يضحك : هههههه وش ذي الغنية هههه اغاني هاي الايام مصخرة
جاسر يضحك :ههههههههه معاك حق شتحب تسمع
بواحمد : في غناه قديمة حلوة حق عاشة المرطا اذا تعرفا (يا ناس دلوني درب السنع وينه )
جاسر ابتسم : تصدق ياعمي هاذي الاغنية توني اول امس حاطها في المومري
ظبية خلااااااص مالها ويه كلللللش : اكـــيد قصدني ماحط الاغنية الا اول امس ياااربي متى نوصل المطار احس اني بنفجر
الاغنية
يا ناس دلوني=درب السنع وينه
ما شوف لي مرقى=من بير الأهوالي
من صد مظنوني=وخلى بلا دينه
يجاوب الورقا=من ضيجة البالي
عزاه يا عيوني=تبجي على عينه
بوشامة زرقا=بالحب قتالي
ياوي مزيوني=والطول وازينه
على كثر فرقا=والزلف ميالي
يلي تعذلوني=فرقا الضحى شينة
خد لمع برقا=يلحق على حالي
بالعيد عزوني=وين الطرب وينه
قلبي غدا سرقا=تم الحشا خالي
ومع كل كلمة جاسر يشوفها في المنظرة ويبتسم لها كأنة يقول لها هاذي الاغنية تصلح لج
ظبية تحس الدنيا تدور فيها وهي مب قادرة تستحمل نظراتة واحراجة لها
بو احمد : اايه هذا فهد بروسلي من احس شعراء الكويت وقال قصيدة غنتها عائشة المرطا الله يرحمها وعقب غنتها نوال الكوتية
تقول
جزى البارحة جفني عن النوم=جزى من غرابيل الزماني
صبرت أمس مع قبل امس واليوم=وأشوف العشر تصفي ثماني
عذابٍ على العشاق مقسوم=تولعت يوم الله بلاني
جاسر من غير مايحس ضحك :هههههههههههههههههههه(يقول في داخلة حتى ابوها حرجها من غير مايقصد)
بواحمد :وك وش فييك
جاسر :ههههه لا بس تذكرت سالفة
ظبية ماقدرت تستحمل ودموعها بدت تسيل
جاسر لاحظ ان عينها احمرت وتحسف انه حرجها وعرف انه زودها
وتم ساكت لحد ماوصلوا المطار
اول مانزلوا بو احمد دخل المطار وهو ماسك الجوزات
جاسر استقل الفرصة وراح صوب ظبية ووقف جدامها : ظبية
ظبية بعصبية : وخر عني ولا تكلمني ابد
جاسر وخر وهو حاس انه ماكان لازم يزودها معاها
في بيت بو محمد
الجدة : ريان يابوك بسك من هاي الاوراق الي في يدك ماتهدها ابد
ريان يبتسم : شغل يا يديدة ما اقدر اهده
الجدة : يوووه منك ...اقول مها
العمة مها سرحانة
ريان والجدة يشوفونها
ريان قام بيي يخرعها وقرب صوب اذنها وصرخ :واااااااه
العمة مها تخرعة : ويعععه ريانوة طيحت قلبي
الجدة : وش به سرحانة
العمة مها الي كانت تشوف التلفزيون : ولا شي
الجدة تشوف التلفزيون وتدقق على الريال الي فوق الفرس : مب هذا رااشــ
العمة مها : يمه (وتشوف ريان بمعنى لاتتكلمين جدامة )
الجدة سكتت
ريان مب فاهم : شفيكم
العمة مها : ولا شي (وقامت لدارها)
ريان :يديدة من الريال الي في التلفزيون ؟
الجدة تتنهد : يابووك سالفة طويلة
ريان يهد الورق الي في يدة وقرب صوب يدتة : شسالفة ؟
الجدة : اسمع يابوك الريال الي في التلفزيون اسمه الشيخ راشد بن ....الله يسلمك هذا كان خطيب مها
ريان تغيرت تعابير ويهه : متى ؟
الجدة : اسمع عمتك مها ربي ماكتب لها الفرحة بزواجها الاول الي ماتم كان فهد ال.... مالج عليها وبعد فترة طلقها قبل العرس بشهرين لانها خيرتة بين شغلة وبينها وهو اختار شغلة ...وبعدها بسنه تقريبا عمتك مها سافرت فرنسا تاخذ الماجستير وسبحان الله شافها الشيخ راشد وتقدم لها على طول ومها وافقت بس خافت انها تملج ويصير لها نفس ماصار لها قبل واشرطت ان الملجة تكون في يوم العرس
ريان مندمج : وبعدين
الجدة : هااا وبعدين رجعت لفرنسا وضلت ثلاث اسابيع ولما رجعت قالت انها خلاص ماتبي تتزوج راشد وسألنها ليش شلي غير رايج لكنها ماجاوبتنا
ريان : وبعدين شصار ؟
الجدة : جا الشيخ راشد وحاول يراضيها وكان متضايق واايد حتى اتذكر انه صار مثل المينون جانا مرة بالليل وقعد يطق الباب ويصارخ بس 10 دقايق ولقينا سيارات كثيرة التمت عليه شكلهم حراس او فداوية المهم شلوه شل من البيت وبعدها ماسمعنا شي عنه
ريان : انزين فهد ماحاول يرجع لعميمة
الجدة : احنا غيرنا بيتنا وماعتقد انه قدر يوصل لنا
ريان : وانتوا ماحاولتوا تسألون عميمة ليش غيرت رايها في راشد ؟
الجدة : عمتك مسكينة بعد ما خلاها فهد تعتب واايد وماحبينا نسألها ونتعبها مرة ثانية
ريان : انا كم كان عمري وقتها ؟
الجدة تحاول تتذكر : حروت 15 ولا16
ريان : علي اخوي يدري ؟
الجدة : اي يدري
ريان تفهم ورجع لوراقه لكن بالة في قصة عمتة المسكينة
في دار العمة مها
بعد ماتأكدت ان الباب مقفول راحت للكبت وفتحتة وطلعت صندوق صغير مخشوش ورى ملابسها
العمة مها جلست على السرير ودموعها تصب بدون توقف فتحت الصدوق وظهرت منه صورة راشد وقعدت تشوفها ولمة الصورة وقعدت تتذكر كيف تقابلوا اول مرة
في عام 2003
في باريس
كانت طالعة من الجامعة مسرعة تبي ترجع البيت قبل مايجيها اخوها من المطار ..كانت لابسة بنطلون جنز غامج وفستان ناعم يوصل لين الركب ولفه شيلتها حرير ناعم (ايام قبل ههههه)...راحت تركض تبي تعبر الشارع بما ان الاشارة كانت خضرا للمشاه ومانتبهت لتغير الاشارة والسيارة الحمراء فراري الي جاية مسرعة وخبطت فيها
راشد كان يتكلم في التلفون مانتبه للبنت الي تعبر الشارع وفجأه ظرب بريك لكن تاخر
طااااخ
العمة مها طاحت على الارض وشيلتها الحرير طارت مع كتبها
راشد نزل من السيارة بسرعة واول ما قرب صوبها وجلس جبها يحاول يصحيها
راشد يحس انه يشوف براءة الكون في الوجه الي قدامة : انتي بخير ؟؟
العمة مها تفتح عينها وتمسك راسها :ااه حجابي
راشد قام بسرعة وجاب الشيلة وحطها على راسها وقيمها : تبين الاسعاف ؟ لحظة اتصل لهم (ولف عنها يتصل )ولما رجع يكلمها ماشافها اختفت من عينة
راشد : وين راحت ؟ لالا انا ماصدقت اني اشوف بنت تدخل قلبي بهاي السرعة ليش راحت
العمة مها طبعا كانت مستعيلة وخايفة ان اخوها يجي من المطار ومايشوفها في البيت والوقت متأخر واكيد مراح يصدق انها كانت في الجامعة وانشغلت في البحث
وبعد مرور اسبوع
العمة مها كانت في القهوة تتريق مع صديقتها ديانا
راشد دخل المطعم وشافها وراح صوبها مثل المينون : انتي شلون تروحين وتخليني في الشارع وانا مادري اذا البنت الي دعمتها حيه ولا ميته ؟
ديانا تسأل مها : هل تعرفينة؟
العمة مها : هو الذي صدمني بالسيارة
راشد يكلم البودي قارد : انت اطلع برا
العمة مها تشوفة ومستغربة : المفروض انك تفرح ان ماجاتك مشكلة ولا فضيخة ياحظرة سمو الشيخ راشد بن .....
راشد استغرب : انتي من وين تعرفيني ؟
العمة مها تبتسم : ولو افضل فارس لعام 2003 والله وبيضت وينها
راشد فرح : مشكورة
العمة مها تبي تتخلص منه : طيب الحين ممكن تخلينا ؟
راشد ابتسم وبطريقة ينونية : تتزوجيني ؟
العمة مها ضحكت :هههههههههههههههههه
راشد مات على ضحكتها ورجع قال : تتزوجيني ؟
ديانا استغربت : ماذا يقول ؟
العمة مها وهي تضحك :ههههههه يريد الزواج مني ههههههههههه
ديانا مات :اوووه انه موقف رومانسي
راشد مسك يد مها ويشوف عيونها : مها تتزوجيني ؟
العمة مها توترت اولا شلون عرف اسمها وثانيا ليش يبي يتزوجها : شلون عرفت اسمي ؟
راشد : الحراس يابوا لي معلومات عنج وانا حسيت انج انسب وحدة لي تتزوجيني ؟
العمة مها سحبت يدها وقامت : انت مينون
وبعدها بيومين
جدام الجامعة
الشيخ راشد جايب فرقة موسيقية كاملة حوالي 25 شخص
اول ماطلعت
راشد راح صوبها وماسك وردة : تزوجيني
مها مب مستوعبة : انت في كامل قواك العقلية ؟
راشد يهز راسة : تزوووجيني
مها غصب عنها ضحكت : هههههههه وبعدين معاك ؟
راشد بكل حب : تزوجيييني
مها : شمعنا انا انت ما تعرفني ؟!!
راشد : تقدرين تقولين حب من النظرة الاولى وبعدين انا عرفت عنج كل شي عرفت انج كنتي دارسة بكلريوس ادارة اعمال في لندن وتزوجتي واحد وتطلقتي منه قبل العرس وجاية فرنسا تاخذين الماجستير
مها :......
راشد يشوف عينها : مها تزوجيني
مها بجدية : لو عندك خبر انا صج قاعدة ادرس في فرنسا بس مب ناسية عاداتنا وتقاليدنا واذا تبيني اخطبني من اهلي من مني
راشد : اوكي
مها : ولا تعب نفسك بكرا وتجي الجامعة انا لاني برجع البلاد
راشد مبتسم : يعني لو خطبتج من اهلج بتوافقين ؟
مها بتحدي : اي بوافق
راشد : عيل اشوفج في قطر مع السلامة
مها ماتعرف ليش لما صد عنها وراح حست بحزن كانها تبيه يظل جنبها
وبعد فترة
انخطبوا وصار كل شي وحددوا العرس
وكانت مها ميته في راشد وحبتته بطريقة ينونية وراشد نفس الشي
لكن في تاريخ
25-12-2003
دخلت مها بيت صديقتها ديانا
مها راحت تركض للدارها عشان ترويها الساعة الي شرتها لراشد
اول مادخلت الدار
شافت راشد نايم على السرير ديانا توها ظاهرة من الحمام ولابس قميص نوم خالع
مها بجنون راحت لراشد الي كان نايم وقامت تضربة بكل قوتها
مها :ليييييييش حرااام والله حررااام ياحقيير
راشد صحى وهو ماسك راسة : ااه مها شفيج شالي صار
مها : وبكل وقاحة تسأل نايم مع صديقتي وتقوم شصار
راشد يتلفت حولنة : مها صدقيني انتي فاهمة غلط انا ماجيت هني انا مب عارف شلون انا هني صدقيني
مها ضربتة بعلبة الساعة : بعد بتكذب (وفصخت الدبلة ورمتها على ويه) اياني واياك ترويني ويهك مرة ثانية فاهم مابيك ولا تجي تحاول ولاني مراح اسامحك
وطلعت
راشد لحقها : مها حبيبتي صدقيني في حد يبي يحط بينا صدقيني انا ماجيت لعند ديانا
مها وقفت تكسي وركبت فيه وراحت
راشد يصرخ :مهااااااااااا انا احبج مستحيل اخونج مهااااااااا
وبعدها مها رجعت قطر والباقي قالتة الجدة
(طبعا الي صار في راشد كانت كلها تخطيطات امه لانها ماتبي مها تكون زوجة ولدها وخططت مع ديانا وانها بتعطيها نص مليون دولار اذا سوت الخطة وطبعا ديانا قبلت واتصلت حق راشد وكذبت علية وقالت له تعال شقتي بسرعة مها تعبانة ..وراشد مثل الغبي راح لها واول مادخل قالت له انتظر الدكتور يكشف عليها وعطتة عصير وكان في حوالي 3 حبات منوم وطاح راشد في فخ امه وديانا )
نرجع لقطر في الوقت الحالي
بيت علي
علي صحا على صلاة الفجر ولاحظ شعر نورة الي على مخدتة فبسرعة شل شعرها وقام للحمام توضي ولما فتح باب الحمام وطلع خبط في نورة الي قامت وكانت رايحة الحمام
نورة طاحت وضرب راسها الارض
علي نزل لها وشلها وحطها على السرير : نورة نورة
نورة ماسكة راسها وتتألم :اااخ
علي يحس بقلبة يتفتفت نورة تتألم بسبتة : اسف ماشفتج
نورة قامت وراحت للحمام :حصل خير
علي ظل مكانة لحد ماطلعت من الحمام وتأكد انها بخير وبعدها طلع
نورة صلت الفجر وبعدها رجعت تنام
رجع علي من المسيد وشافها نايمة ابتسم وراح وجلس جنبها على السرير
علي في داخلة : يارب احفظها وخلها لي يارب مشاء الله عليها ياسبحان خالقها
نورة تفتح عينها بكسل وتشوف علي : رجعت
علي هز راسة بنعم
نورة قامت وجلست على السرير : بتنام ولا اسوي لك ريوق
علي ابتسم وعيونة الي تحكي روايااات : لا حبيبتي نامي
نورة عبالها ماسمعت عدل :هاا
علي تدارك نفسه : لا انا بنام
نورة هزت راسها وقامت للحمام وبعد ماطلعت شافت علي نام
رجعت للسرير وجلست علية وظلت تشوف علي يمكن 10 دقايق
علي كان يحس بحركتها وماكان نايم بس صار يحب يمثل عليها ههه الاخ صار صج جورج كلوني
نورة تنهدت :هااا
وحطت راسها على المخدة وبحركة خفيفة سحبت يد علي
علي يحس بيدها تلامس يدة وحس بقلبة قاعد ينصهرر
نورة بعد ماسحبت يد علي قربتها من فمها وباستها
علي خلاص ماعاد يستحمل قلبة يطق بقووة ويبي يهدية وكلم نفسة : اااه يانورة راح تجننيني شمقصدج من هاي الحركة ؟!!
نورة بصوت واطي : الله يخليك لي
ورجعت ديه لمكانها وسحبت يدها لكن ماقدرت
علي مسك نورة بقوة وكلم نفسة : انتي الي بديتي
علي يمثل انه يتقلب وقرب من نورة ولمها وحط راسة على كتوفها وجهة على رقبتها
نورة تيبست من الحركة وظلت ترجف وتحاول تبعد عنه لكن على ماسكها بقوة
علي في داخلة : ارجوج لاتتحركين خليني اشفي قليلي شوي
علي بعد حس انها هدت وفتح عينة شوي شوي وشافها نامت
علي ابتسم وهو يحس براحة غرييبة ونورة في حظنة
نهاية الجزء السادس
ابي تعليقات عن الاحداث والشخصيات يلا هههههه